الجزء 29

رامي و هو طالع جاهو تلفون

رامي : قلتي شنو 😳

المتصل : قلت ليك الانسة جميلة ، عملت حادث ، هي الان في المستشفى ،، نحن لقينا رقمك اخر زول متصل عليها عشان كدة اتصلنا عليك

رامي : لا حول و لا قوة الا بالله ، الله يستر ، طيب اديني العنوان

رامي اخد العنوان من موظفة الاستقبال

حامد : في شنو يا رامي 😧

رامي : جميلة عملت حادث

حامد : حادث 😳 ،، ربنا يجيب العواقب سليمة ، انا سايق يلا سرعة

سماح : انا كمان ماشة معاكم ، ربنا يستر

طلعو التلاتة على المستشفى

نرجع للحصل

جميلة بعد سمعت كلام رامي و سماح ، طلعت من المكتب و قفلت تلفونها ، بقت ماشة في الشارع سرحانة : انا حبيت رامي لانو وقف معاي و عايزاهو لكن كمان انا كنت بحب حامد و هو عايز يرجع لي ، هل انا لسه بحب حامد ؟ ، لييه اتاثرت لمن سمعت انو عايز يرجع لي ، انا كنت قايلة نفسي نسيتو و كرهتو 😔، طيب شعوري تجاه رامي دا شنو 😔

بقت ماشة بتتذكر في كلام رامي و ما مركزة في الشارع ، فجاءة جات عربية 🚙 و صدمتها 😰

جو الناس و سيد العربية و دوها اقرب مستشفى

كانت حالتها خطرة 😰 و دخلوها غرفة العمليات طوالي

رامي و حامد و سماح وصلو المستشفى ، سالو الاستقبال و وروهم محل جميلة

جو جنب غرفة العمليات ،، لقو الزول الضربها واقف و اسمو خضر و معاهو شرطي بتم في اجراءات البلاغ ، خضر كلمهم بالحصل انو جميلة كانت سرحانة و دخلت فجاءة الظلط 😔 و هو ما قدر يوقف العربية و ضربها

الممرضة طلعت قالت : عايزين دم للمريضة لانها نزفت كتير و الزمرة حقتها نادرة و في المستشفى مافي

رامي : زمرتها نوعها شنو !!

الممرضة : Ab-

رامي : زمرتها نفس زمرة دمي و انا مستعد اتبرع حالا

ساقو رامي ، اخدو منو الدم ، شغال يدعي ليها طول الوقت ، شالو الدم ودهو غرفة العمليات

حامد : انا خايف على جميلة

سماح : ان شاء الله حتبقى كويسة ، ما تشيل هم

حامد : انا عايز اعوضها الظلم الظلمتو ليها 😔 ، خايف ربنا ياخدها مني

رامي سامع كلام حامد و ما قادر يتكلم و من جواه بتقطع 😔😔

بعد ساعة طلع الدكتور

حامد : جميلة كيف 😰

الدكتور : نحن عملنا العلينا و الباقي على ربنا

رامي : قصدك شنو يا دكتور

الدكتور : الحادث كان خطير و عندها اصابة كبيرة في الراس

سماح : لا حول و لا قوة الا بالله

الدكتور : حنختها تحت المراقبة 24 ساعة في العناية المكثفة ، بعداك بنشوف الحالة اذا استقرت او لا

طلعو جميلة من غرفة العمليات

رامي لمن شافها مخدرة ما قدر يمسك دموعو و مسك خضر من رقبتو : انت السبب في الحصل لي جميلة ، انا ما بخليك 😡

حامد : يا رامي فكو ، قول بسم الله ، جميلة ان شاء الله حتبقى كويسة

حامد فك خضر من رامي و رامي طلع طوالي من المستشفى و الدموع في عيونو 😥😥

سماح جواها : يا حليلك يا رامي ، عارفة قدر شنو انت بتحبها ، ربنا يقومها بالسلامة

حامد : معليش يا خضر ، ما تزعل من رامي

خضر : انا اسف والله ، بس عايزكم تعرفو اني والله ما كنت قاصد و جميلة وقفت قدامي فجاءة

حامد : مصدقنك والله ، ما عارف رامي عمل كدة لشنو

سماح من جواها : عشان بحبها يا حامد و خايف يفقدها 😥

دخلو جميلة العناية المكثفة و سماح و حامد و خضر متاثرين جدا

سماح : انا حاتصل على امها اوريها

حامد : نسينا امها عديل

سماح اتصلت على خديجة

خديجة : الووو

سماح : السلام عليكم يا خالتو

خديجة : و عليكم السلام يا بتي

سماح : انا سماح صحبة جميلة

خديجة : وين جميلة !!!

سماح : عايزة اقول ليك انو جميلة اااااه

خديجة : مالها جميلة 😰😰

، في شنو !!!

سماح : جميلة عملت حادث يا خالتو 😥😢

خديجة : قلتي شنو 😳😳😳😳

سماح : عملو ليها عملية و هسي في العناية المكثفة

هنا التلفون وقع من خديجة ، واتصدمت بالكلام دا و وقعت مغمي عليها ، شافتها بت بتها ( نهال 15 سنة ) و جرت عليها و حاولت تصحيها و شغالة تكورك حبوبة حبوبة ، جرت جابت موية و رشتها في وشها ، حتى خديحة فاقت و بقت تبكي و قالت : كان قلبي حاسس 😭

في الجانب الاخر

سماح : الو الو الو و الخط فصل لمن خديجة وقعت

سماح في نفسها : انا غلطت لمن وريتها و لا شنوو😔😔😔 ، يا ربي حصل ليها شنوو ، احسن اتصل تاني

خديجة بقت تبكي بصوت عال ، نهال ما عارفة الحاصل و نهال طوالي كانت بتجي بتقعد مع حبوبتها و بيتهم لصق لي بيت ناس جميلة

نهال : حبوبة مالك بتبكي

خديجة : بتي ضاعت مني ،، جميلة ضاعت مني

هنا التلفون تاني رن و نهال ردت

سماح : الو يا خالتو ، انتي كويسة 😰

نهال : انا نهال بت بتها ، في شنو

سماح : اول حاجة خالتو كويسة

نهال :ما كويسة ، اغمى عليها و من فاقت بتقول بتي ضاعت

و ريني في شنو

سماح : لا حول و لا قوة الا بالله ، حصل لحبوبتك كدة عشان خالتك جميلة في المستشفى ، عملت حادث

نهال : لا حول و لا قوة الا بالله ، هي كيف هسي

سماح : في العناية المركزة للاسف

نهال : 😭 طيب وصفي لي المستشفى ، جاين حالا

نهال شالت الوصف من سماح و كوركت لي امها بالحيطة وورتها و ضربت لي خالاتها عشان يجو المستشفى ، لبسو سرعة سرعة ، اتجهو على المستشفى

خديجة طول السكة ، تبكي و تدعي لبنتها

رامي مشى السوق و بقى يتصدق و يدي اي زول محتاج يلاقيهو بنية الشفاء لجميلة ، مشى الجامع صلى و بقى يدعي ليها : ياااا رب اشفي جميلة شفاء لا يغادر سقما 😭 و تقبل صدقتي ليها

خضر مشى الاستقبال دفع كل الرسوم ، جميلة كانت في العناية المكثفة ، و حالتها بقت تستقر بصورة ملحوظة لما الدكتور اتفاجاءة للاستجابة السريعة دي

الدكتور طلع لسماح و حامد

الدكتور : سبحان الله ، المريضة كانت حالتها حرجة جدا و تقريبا كنت فاقد الامل فيها ، دي معجزة ، بفضل الله حالتها استقرت و اتعدت مرحلة الخطر و كمان الدم الاتبرع بيه زميلكم ، ساعدنا كتير لانها فقدت دم كتير جدا

حامد : انت جادي يا دكتور ، الحمد لله 😍😍

سماح : احمدك و اشكر فضلك يا رب 😊😍

وصلو خديجة و بناتها

،، سماح حكت ليهم الحصل كلو في المستشفى ، في الاثناء دي رامي جاء خاشي

خديجة : شكرا ليك يا ولدي ، لانك ساهمت في انقاذ حياة بنتي

رامي : قصدك شنو يا خالتو ، جميلة كيف هسي !!!

سماح : الحمد لله الدكتور طمنا انو حالتها استقرت و حيطلعها العنبر

رامي : اااااه ، الحمد لله الحمدلله ، احمدك و اشكر فضلك يا رب

و نزلت منو دمعة فرح

رامي جرا جاب حلاوة ووزعها لكل الناس الكانو في المستشفى 😍

حامد و خضر مشو جابو اكل و بارد للكل و خضر اعتذر لخديجة عن الحصل و انو ما قاصد

خديجة : ما دام بتي طلعت من مرحلة الخطر ، الحمدلله و مسامحنك يا ولدي

خضر : شكرا ليكي

حامد : اتفضلي يا خالتو اكلي حاجة

خديجة : شكرا يا ولدي ، ما بقدر اكل الا بعد بتي تفتح ، لكن ما عرفتك

حامد : انا حامد زميل جميلة

خديجة : انت حامد !!!

في الاثناء دي طلعو جميلة من العناية و دخلوها العنبر و كلهم مشو عليها

جميلة كانت لسه ما فاقت ، خديجة و بناتها مشو على الجامع يصلو شكر لربنا ،،

حامد و رامي و سماح كانو جنبها و جميلة بقى اثر التخدير يروح منها و بقت تهضرب بالكلام و تقول ..... 😁😁

يتبع

توقعاتكم كانت بتقول شنو