الجزء 44

*حيــن تتغيـــر الاحـلام يـكون لـ صـداهااااا تـاثيـر عجيــب*..😭

ـــــ. ـــــــ. ــــــ.ــــ.

حسيت بـ حاجة زي الحبـل عترت لي لما وقعت علي بطني ووشي. الوقعة دردقتني مـ وقفت الا وانا في الارض علي بطني كمان. صـرخت يااااااك 😭😭 ولا حيـاة لمن تنـادي الدم ده بقي جاااري وانا خلاااص جاني هبووط وبقيت لا بشوف كويس لا غيرو. شايفة ضل زول لكن م شايفة كويس من الانا فيهو ده نزل راسو قال انا مـ عايز شي تكون مرتبطة بـ مازن ومشي. مـ قدرت اميـز الصوت من منو او هو راجل ولا مراة. من العلي ده والوجع ماشي زياده 😥 مـ عرفت اعمل شنو في اللحظة دي. اتلفوني فووق ومـافيني حيـل اطلع عليهو اتذكرت التلفون الثـابت بتاع البيت. خاتنو جنب كراسي الجلوس المسافة بيني وبين التلفوون 5 امتار بقيت اقاوم في نفسي عشان اصل ليهو مشيت عليهو وانا زي الطفل البحبي لكن راقدة وشقاالة ابكي. بس 😭😭 واقول يالله 😭 والدم ده لسة جااري وملا المكان اللي انا كنت فيهو وصلت التلفون وقعدت عديل في الارض وراسي وضهري علي الكرسي نزلتو تحت. م بشووف كويس ورقم زول من ناس البيت مـ عارفة قلت اتصل ع ناس النجـده احسـن بصلو سريع. اتصلت عليهم. ردو علي وانا نفسي قاايم ومن البكاء م قادرة اتكلم. القدرت اقولو ارجوكم ساعدوني انا عايزة امووت خلاص ممكن تجو علي بس. ربع ساااعة م تمت والنجده جاات والصفارة في السماء. 🚓🚔 دقوو الباب مافي زول فتحو المشرف بتاعهم قال لي واحـد تلب افتحو سريع

فتح ليهم الباب ولحسن الحظ باب الداخلي فاتح. جوو كلهم جاارين والواطة ضلااام قعدو اضووء بالبطارية وافتشو. بعد تعب والضوء بقي فيني حتي ظهرت عليهم. كورك ليهم قال ليهم لقيتها تعالو جاي لما شافو حالتي قالو لاحول ولا قوة الا بالله. 😳 واحـد فيهم قال ليهو جيب النقالة من الاسعاف وتعالو سريع. حاولو اتكلمو معاي بس انا بفتح ليهم عيوني وارجع اغمضها تاني بعد اغمي علي.

في ناحيـة. اخري

ماما نوال ...النجده دي شنو رغـد.. شكلو بكون ده جارنا حسيـن الدائـما بتجيهو زبحة قلبية طوالي ماما نوال.. صوتها م بعيد علينا زي الفي خشم بابنا رغـدة... خلاص خلينا نمشي نشوف الحاصل ماما نوال...دقيقة البس توبي بس. بعد طلعو بـرا. شافوها جنب ناس مازن. ماما نوال...😳 ي ساتر في شنو هنا مشت لـ واحد من الشرطة وهم عاملين حواجز ماف زول ادخل قالت ليهو لو سمحت هنا في شنو قال ليها في بنت حالتها حرجة قالت ليهو خليني ادخل طيب. قال ليها غير مسموح الدخول ابقي بعيدة. جات رغد قريب قالت لي امها في شنو هنا وكلهم الخووف شايلهم ماما نوال.. قالو في بنت حالتها م تمام رغد.. خلينا دخل نشوفها منو هي ماما نـوال.. م بخلو زول ادخل. بعد شوية جو الرجال شايلني وانا في حالة تانية م يعلم بيها الا ربنا😞 ماما نوال ورغـد بحاولو اشوفو ده منو الشايلنو. م قدرو انا وشي مورم وملان ده. بعد قربت لي العربية عايزين ارفعوني انا صحيت وقعدت ابكي واقول ي الله 😭😭 رغـد.عرفت صوتي وجرت ناحية العربية لما قربت علي قالت لي فرح😭😭 انااا.فتحت عيوني م شايفاها كويس قلت ليها وصلنا المستشفي انا حـ امووت خلاااص. رغد اتلفتت علي امها كوركت ليها ي ماما دي فرح بت خالتو نهاد. تعالي سـرعة 😭😭 ماما نوال...جات جارية وتكورك وووب علي من بنتي الوصلها للحالة دي شنو 😭 رجل الامن قال ليها بتعرفيها ماما نوال.. اااي بعرفة دي بت اختي. قال ليها وقت الحادث كنتي وين ماما نوال.. م كنا عارفين بالحاصل ده قبيل كنا معاها كانت كويسة بس فجاة لقيناها في الحالة دي قال ليها ماف وقت اركبي معاها وحـ نتفهم لما نصل طلعوني الاسعاف

ماما نوال ورغد مشو معاي وابكوو بكاء انا كمان ببكي واقول ي الله 😭😭 ماما نوال.. ماسكاني من يدي وتقول لي قربنا نصـل هااانت خلاص رغـد.. كوركت فيهم قالت ليهم اسرعو ياااخ 😭 انااا فجاة كـده يـدي انزلقت من ماما نوال وقعت. بقت برا سرير الاسعاف واهتزت 😓 ماما نوال ورغـد قعدو اكوركو خلاص ماتت لااااا 😭😭 رغــد...بتهز فيني من كتافيني بتقول لي فرح قوومي م تمشي تخليني 😭 انا م بقدر اقعد في الدنيا دي من غيرك 😭 ماما نوال...ي بنتي اصحي عشان خاطر امك 😭 بقت تكفت فيني في وشي. 😭 الدكتور المعانا.فحصني قال ليهم النبض ضعيف😓 وانا. بتنفس زي الزول في لحظاتو الاخيـرة. وصلنا المستشفي نزلوني سريييع وطوالي ع غرفة العمليات. وناس ماما نوال جو جارين وراي وااي واحـده م قادرة تمسك روحها. من البكاء. والقعدة. قلبتهم ماشين وجاين والتوتر ده مبالغ فيهم. ماما نوال مشت تتصل علي مازن من اي زول بتلاقي .حاولت كتير بس م برد. 😞

في ناحية اخـري.

خلصو وبقـو طالعين علي البيت. قبل م اتحرك بـ العربية شاف المكالمة بس م رجع عليها هو حاول اتصل علي بس مافي رد. حاول كم مرة. مافي رد اتصل علي الشقالة ماف رد. قال لي امو انا حاسي في حاجة حاصلة م تتمام😰 ماما زينب.. زينـب انا كمان. الله اكضب الشينة بس. وصلو البيت بعد دخلو جوة في مكان الصالة فتحو الانوار

لقو البيت شبه مخروب والتوتر بقي اشتقل عندهم بعد مشو شوية ووصلو قريب السلم كلهم 😨 دم. جا من وين ده ومشو لحـدي نهاية الدم واقف مازن طلع فووق الحبل عتر ليهو بس جات سليمة هو بعد اتخلع وجري فوق علي غرفتو. بعد فتحها لقاني مافي والتلفون قاعد في التسريحة. ونزل تحت سرريييع فتش لي الشقالة لقاها نائمة جنب المطبخ في الارض. بقي اصحي فيها م صحت ليهو جاب موية كشحها فيها هي بعد اتخلعت قال ليها وين فرح قالت ليهو فوق قال ليها مافي قالت ليهو انا اخر مرة خليتها فوق جيت اشيل عصير ليها شربت اول وبعد جيت طالعة جاتني لفة راس وقعتة وياها كباية العصير الكنت عايزة اوديها ليها وقعت مني😞😰 تاني مـ عارفة الحصل شنو مازن جن جنوونه. رجع علي ناس امو وراهم الحاصل قال ليهم انا متاكد في حاجة حاصلة عليها

عليـاء جات نازلة مع الجوطة دي جات بـ جنب الدم ضحكت ضحكة خفيفة. نادين شافتها. بعد استغربت فيها قالت ليهم مالكم. مازن قال ليها فرح م لاقيها في البيت. عارفاها وين عليـاء...لا م عارفة شي عنها انا كنت فووق م سمعت ااي شي. ( الجيران سمعو خلي انتي 😏) قالت ليهم خربتو لي نومي بسبب موضوع بسيط زي ده ومشت ريـم وماما زينب اتخلعو من ردت فعلها. بعد مشت نادين تبعتها. هي اتصلت علي تلفون. بعد ردا عليها قالت ليهو خطتنا نجحت. ي ياسر واسي هي حالتها حرجة شديد مـ اظن تعيش وادتها ضحكة ههههههاي ياسـر.. عايشة لشنو هي خليها تموت بعد عذاب طويل اذا هي م كانت لي م بخليها تبقي لـ غيـري. علياء...وانا كمان مازن ده لي انا وبس ومـ عايزة شي منها اربطو. نادين سمعت الكلام ده. وبقت بين م مصدق ومصدق نزلت تحت لقتهم لسه في قلق قالت ليهم شوفو اخر اتصال عملتو ان من منو. ريم والرقم الاتصل عليك قبيل برضو افقدوو. مشي علي التلفون الثابت شاف المكالمات لقي اخر اتصال كان من ال999. بلع ريقو وطلع تلفونو رجع لي الرقم في المرة الاولي مـ ردا. تاني مرة ردا طلعت بنت قالت ليهو اهليين. قال ليها منو انتي قبل ساعة لقيت مكالمة من الرقم ده. البنت اااي صح اتصلت منو مراة كده قالت عايزة تكلمك عندكم مريضة جابوها بالاسعاف وحالتها حرجة مازن التلفوون وقع من يدو. جا ثامر رفعو قال ليها الحاصل شنو ورتو ااي شي وسالها ف اي مستسفي هم قالت ليهو في مستشفي امبريال. قفل منها. وماف واحـد قادر اتكلم مااما زينب قالت ليهم الحاصل شنو اتكلمو ثامر بعد نمشي المستشفي حـ نعرف الحاصل وي مازن انا بسوق ليكم. لانك ف حالة م بتمسح ليك تسوق طلعو علي المستشفي كلهم

اما انااا طلعو لي الجنين وحولوني لـ العناية المكثفة لانو حالتي حرجة وشبه داخلة في غيبوبة الدكتور قال ليهم م بقدر احدد حالتي الا بعد 24 ساعة. والجنين في الحضانة حالتو مـ بين كويس ومـ كويس 😓

لانــو نااقص.

جو ناس ماما زينب داخلين بطريقة مسرعة. مشو مكان الاستقبال استفسرو مني قالو ليهم في الطابق ال3 طلعو عليهو اول م طلعو من الاصناصير عينهم تقع علي ماما نوال ورغـد قاعدات. في كراسي وخاتين يدينهم في راسهم رغـد ...شافتهم جات عليهم وهي بتبكي قالت ليهم فرح 😭😭 كلهم بعد شافو البكاء انفجرو معاهم. مازن مشي علي الغرفة الفيها انـا. بعد شاف الاجهزة والحالة العلي م قدر اسمك نفسو قعد في الارض وبقي ابكي بطريقة مبالغة وماما زينب.. دي بعد الضغط ارتفـع وهبطت عديل اما ريـم مشت حضنت مازن وبقت تبكي معاهو. ناديـن قاعد جنب ماما زينب وتبكي وثامر دموعو دي جات جارية. رغد شالت تلفون ريم عشان تتصل علي ناس عمو محمـد. كلمتهم والخبر طلع كـ الصاقعة عليهم جو المستشفي. المستشفي دي بقت عبارة عن بكاء وحالة حزن. لي يووم كامل. بعد 24 ساعة حالتي ظهرت الدكتور قال ليهم هي حالية محتاجة دم لانو فقدت كتيـر وده الخلاها تصل للحالة دي. شالو دم من مازن وعملو لي وانا لسسة ناايمة لي الان مم صحيت في نفس اليوم ده كلمو ناس بابا وتاني يوم جو طوالي ي الله م شفتو الحالة المرو بيها 😓 بابا قال الا اسفرني برا الدكتور قال ليهو م بتحتاج هي حالتها م كعبة ماشة في تحسـن. بعد مرور 5 يوم الدخول ممنوع الا الدكاترة بس في اللحظة دي كان معاي مازن ماسـك يدي وببكي ومنزل راسو انا بقيت افتح شوية شوية وهو لسة م انتبه لي. بقيت انادي ماما ماما مازن قام ناطي عامل كده😳 قال لي فرح فتحتي😍 اناا..بس بقول ماما ماما. مازن طلع ووشو ملان فرح. قعد اكورك قال ليهم فرح فتحت ي ناس 😍 كلهم قامو بالزغاريد والسلام بالاحضان 💞💚 جو الدكاترة. شافو حالتي وطلعو قالو ليهم حمدلله ع السلامة. وقال لي الممرضات طلعوها جناح خاااص وي ريت تخلوها ترتاح شوية. الرجال كلهم الله اكبر 😍

بعد.3 ساعات خلوهم ادخلو واحد واحـد. كهم فرحانيـن فرح م بتتصورو 😍 قلت ليهم البيبي كيفو ماما نوال ..م دام انتي بقيتي كويسة هو كمان نفس الشي. انا..عايزة اشوفو. مازن ..قال طوالي حبيبتي. مشينا الحضاانة شفنا مع بعـض وشلناهو اتصورنا معاهو كمان وطلعنا. علي الغرفة الناس دي داخلة وطالعة تحمد لي السلامة والناس الكانو سهرانين

معاي بعد اطمانو علي مشو البيت عشان ارتاحو. تاني يوم جاتنا علياء قاعدة برا بس مع مازن وانا نهاااائي م جات داخلة علي سالت مني ومن ولدي مازن قال ليها الاثنين بخيــر والله وبكرة المساء حـ يخرجونا ان شاءالله مـ شفتي الفرحة الانا فيها😍 علياء بعد سمعت كده. قالت ليهو الحمدلله عشان ربنا بريدك بقو ليك بخير. استاذنتو من مشت. كده قالت ليهو معليش ي مازن انا مجبورة اكسر الفرحة دي انت فرحتك معاي انا وبـس ولازم اتخلص منهم باي طريقة 😠

في اللحظة دي جات عمتهم الكريهة 😖 لقـت مازن قاعد برا سلمت عليهو. وجات داخلة علي. لقتنـي واقفـة جنب الشباك سرحانة. انا كنت براجع في ا لحادث الحصل لي والسوارة في يدي كان فيها حـرف الm والـ A. في عربية الاسعاف اديتها لـ رغد من غير مـ زول يشوفا قلت ليها خليها عنـدك ولو رجعت للحياة وبقيت كوويسة جيبيها لي لانو دي كانت الدليل. الوحيد في معرفة الفاعل. رافاعاها فووق وبعاين ليها. فجاة كده جات داخلة توحيـدة. اللي هي عمتهم طوالي لميت السواره علي قعدت تعاين لي من فووق لـ تحت وعاملة كده😏 بدل مـ تسلم علي وتكفر قالت لي انتي واحـده مهملة اذا مـ قادرة تحافظي عليهو متزوجه ليه وكمان تحملي. انتي لو مـ كان عايزة تحافظي علي نفسك كان تحافظي علي ولدنا اسي شايفة وصلتي وين وزاتوو مـ اظن اعيـش عارفة ليه عشان انتي ام مـ عندك رحمة ولا اهتمام فيهو يخسي عليكي انا مـ عارفة ولدنا ده رضي بيكي كيف 😒 ولا العاجبو شنو فيكي والله في بنات زي الدهب و ستات بيت ا وبحافظو علي الفي بطنهم واحسن منك بس ولدنا وقع وقعة سودا

انااا قعد اكورك اطلعي برااااا. اطلعي برااااا 😤 مـازن جا داخل بـ كواريكي دي قال لي فرح😧 مالك قعدت في الارض وبقيت ابكي ولسة بقول اطلعي براااا. توحيده ي ولدي شكلو حضوري غير مرقوب فيهو جيت اكفر ليها بس شايف الحاصل

انا لسة ببكي 😭😭 جوو الممرضات داخلين. قالو مالاا انااا. رجااا خااص طلعو المراة دي من هنا بس وتاني مـ تخلوها تدخل لي مهما كانت هي منو وي ريت تاني مـ توريني وشـك ده. مـازن.. قعد جنبي في الارض حاضني عليهو وبقي اهدي فيني قال لي معليش حبيبتي وقال لي عمتو اطلعي بجي عليكي برا. طلعت. قومني من الارض ووداني السرير. رقدني فيهو وقعد جنبي. بقي امسح لـي في راسي. قلت ليهو اذا طلعنا من هنـا مـ توديني مكان فيهو عمتك دي من يوم عرستك مـ سمعت منها الا الاهانة والزلة الكتيرة مـ عارفة مشكلتها معاي شنو 😭 مـازن...روووقي كلوو. بهوون. باااس راسي وطلع. برا. لقي عمتو قاعدة قال ليها مشكلتك شنو مع مرتي دي 🤔 توحيدة ..سكتت سااي قال ليها. انا لحدي هنا ساكت سااي وي ريت.تخليها في حالها اذا هي مـ عاجباكي فرح عجبت امي واخواتي وهي شايلاهم في راسها ومحترمه اهلي كلهم بالاخص انتي وده براهو بالدنيا. انتي سمعتيها كلام كتييـر وكلوو جارح وهي سكتت ليكي عارفة لييه لانو لسة محترماكي و بتقول كلوو بهوون عشان خاطر ناس ماما زينب. 🙂 توحيده تسمع في ده كلو وساكتة مازن.... وي ريت ي عمتي انتي لو مـ خاتة ليها اعتبار ختي عشاننا نحنا م عشانها هي وابعدي منها ماف زول عندو شقلة بيها غيري وغير ناس بيتنا هم اللي ليهم حـق فيها بس انتي ولا غيرك خـط احمـر ولو يوم واحـد حصل شي منك م عجبني اناا حـ انسي انو عندي عمة 😏 وجاني داخــل وقفل الباب طاااخ 🙊 هي بقت في مكانها ده نص ساعة حتي مشت بتفكر ف كلامو

بعد المغرب جاتني رغـد وريـم قعدوو معااي لحدي الساعة 9 اديت رغد االسوارة قلت ليها خليها عندك دي الوحيدة الحـ توصلنا لـ المتسبب في الوقعة

حوالي عشـرة ونص مشيت الحضـانة. معاي ممرضة اشوف ولـدي قالو لي. كوويس وماشي احسن وبكـرة حـ يخرجو. انااا.. يعني حـ يمشي معاي البيت 😍 الدكتور ايووة حـ يمشي وبعد ده انتي ترتاحي لانو ليكي 3 يوم م نمتي. انااا.. اووك تمام. طلعت مبسووطة بالخبـر ده مشيت غرفتي نمتـا مطمينا 😌 ومازن كمان ناام في ناحية في الحضانة. عليـاء جات داخلة. ولابسة ملابس التمريض. مشت علي ولدي ادتو حقنـة كـده وطلعت بسـرعةةة. بعد منتص الليل الممرض دقت باب الغرفة. ماف زول رد عليها مشت علي مازن صحتو. صحي قالت ليهو ممكن تجي معاي برا. طلعوو قال ليها اهاا خير ان شاءالله. قالت ليهو تعال معاي مشو مكان الحضانة. بعد شاف اللمة دي اتوتر قال اكييد حاصل شي. جا الدكتور طالع قال ليهو لحدي امس خليناهو كوويس بس م عارفين الحصل شنو تاني اسف م قدرنا نلحقو الولد😞 مااازن 😨 الولد مالو ي دكتور. الدكتور وراسو في الارض ولدكم اتوفي. 😓 مازن بقي م مستووعب شي قعد في الكرسي ودموعو دي جات جارية 😭 الدكتور ختـة يدو في كتفـو. قال ليهو اصبر ي مان وربنا يجعله سلفا وزخرا لكم واعوضكم بالاحسـن. مازن...اناا هيـن بس وريني اكلم فرح كيف وشعورها بعد تسمع الخبر حـ يكون كيف وانت عارف ممكن ترجع لـ نقطة الصفـر😞 الدكتور صعب عليها والله بس خليها بعد تصحي لانو ي دووب ارتاحت وقدرت تنوم

مازن اتصـل علي اخوه وايمن ومومن وانور وروهم الحاصل قالو م

اكلمو ناس البيت الا الصباااح جوو عملو الاجراءت ومشو دفنو وقعدو معاي في الغرفة كلهم بعاينو لي ومتاثرين شديد وخايفين علي شديد بعد استلم الخبـر

اصبـح الصباااح. ناس ماما كلهم جوو وانا لسة م صحيت هنا الساعة كانت 9. وهم قاعدين منتظرين اصحي بعد نص ساعة كده صحيت مبسووطة 😃 بعد رفعت راسي من السرير لقيتهم كلهم موجودين. ابتسمت ليهم انااا صباااح الخير عليكم. ومالكم جيتـو. كنا جاين البيت ومعانا البيبي 😍 بتكلم كده وتعابيـر الفرح في وشي. ماما اتلفتت كده وبقت تبكي 😭 اما رغـد وريم ونادين مـ قدرو امسكو نفسهم طلعو برا وانفجرو بالبكا😭 تاني طلع بابا وايمن وانور واشرف حتي مازن طلع. . بقي في ماما زينب ومامتي وثامر وعمو محمـد وماما نوال قلت ليهم امشي الحمام عشان اجهز نفسي ونمشو كلنا مع بعض ماف واحد فيكم افكر اشيل ولدي حـ اشيلو براي😍 ودخلتا الحمام بعـد اتكلمت كده باب الغرفة فاااتح كلهم سمعو كلامي ده. هزو راسهم. والدمووع دي جاريـة حانيين علي شديد 😞

طلعـت من الحمـام ولسة تعابير الفرح دي باينة سرحت شعري وعملت مكياج خفيف واتلفتت عليهم. قلت ليهم يلا نمشي 😍كلهم ساكتين حتي وش فرح ساي م باين عليهم. وفجـاة كده وبدوووون مقدمات ثـامر قال لي فـرح? اتلفتت عليهو بـ ابتسامة قلت ليهو ايووة🙂 نزل راسو في الارض وقال لي خليكي قووية في الكلام الح اقولو ليكي اناااا...ان شاءالله. ثـامـر ...ي فرح كلنا عارفين الموت حـق وا

في امان الله