الجزء 10

"و اني ي الله اضعف مما ابدو..الين مما اشعر و اصغر مما اعتقد💔.."

_عربيتك حصل ليها شنو؟

يوسف ضحك اول م شافو دخل عليه ف الكافتيريا..

-م فيها شيء؟..

حازم عاين ليه احساس التخلف دا م فاضي ليه حسي..

_كيف يعني م فيها شيء موش رسلت لي وقلت م افوتك لانو عربيتك ضربت فيها حاجة؟..

يوسف بلي شفتيه و عضااهم مع بعض و عاين ل حازم..

و لانو حازم حافظو حفظ..

كان عارف انو دي حركات منو..

معناتا لعب براسو للتو..

حازم ختي اصبعيه الوسطي و السبابة ف جبهتو و غمض عيونو..

للتو صداعو اتضاعف سبعة مرات..

حازم رفع راسو بعد كم ثانية و عاين ليه..

يوسف ابتسم ليه..

_عندك فرصة واحدة عشان تشرح و بسرعة ولا والله امرق من هنا و اختفي و ترجع بالمواصلات..

يوسف بلع علي ريقو و اتوتر..

لانو واحد هو م برجع بالمواصلات لو كسرتي ليه رقبتو..

و اتنين هو بعرف حازم و نظراتو..

و النظرات الضارباه دي..

م نظرات زول بطلع جملة لو ما بعنيها حرف حرف..

-م بقدر ارجع بيها..

حازم مرق نفس طويل..

_yeah..no shit!..I want to know why!!..

يوسف سكت مسافة..

-المفتاح م معاي..

حواجبين حازم اتلاقو

_كيف يعني م معاك؟

-..

_ضيعتهم؟

يوسف هزا راسو بمعني لا..

حازم طلع نفس طويل..

_اسمع انا م عاوز اجرجر منك الكلام..ي كبو كلو ي انا ماشي..

-خلاص طيب تعال ادخل اولا انا عاوز اكل و عارفك عطشان عشان افهمك..

حازم حمر ليه..

-علي حسابي ارح..

حازم لفي عيونو و دخل معاه..طلبو الاكل و شالو عصيرهم..

-هي حاجة متخلفة جدا والله بس و انا م عنظي موضوع ف قلت ابرمج بيها..

حازم عاين ليه..

ي الله الصبر بس مع المخلوق دا!!..

-لينا واعداني انها تركب لي علاقة مفاتيح عملتها بس قاعدة تنسي كل مرة..ويلا انا م عاوز اقول ليها اعملي لي العلاقة لانو دي م طبيعتي..

حازم عاين ليه نظرة احساس 'انت جادي معاي'

-ف قلت ليها تمسك لي المفاتيح و بقيت بتجنب فيها عشان تنسي و تشيلو معاها و تقعد تعاين ليه و تتزكر و تركبها و تجي تفاجئني و اعمل روحي مصدوم..

يوسف ضحك بعد م انتهي و حكي عينو...

-لازم اشوف لي شغلة لانو عدم الموضوع دا مشكلة..بوديني اتسلبط ف حاجات غبية خلاص..

و طوالي شال شرب من عصيرو..

حازم عاين لبه و تني راسو..

ممكن يقول انو م بفهمو نهائي ف المواقف دي..

و في نفس الوقت يقوم يكتب ليك الولد دا جوا عقلو بالظبط فيه شنو..

عدم فهم و معرفة عن ظهر قلب تحديدا..

بعد البعملو فيها حازم بقدر ينتبه لبعض الفلتات البتضربو و ما يقدر يمسكها..

و هو متحير ف سحبو طبعا..

ليه يحاول يدسها من البداية الفلتات دي؟..

حاجة منها و فيه..و فوق دا هي حبيبتو..

لبه يعمل كدا؟

لكن كمان لانو بعرف صحبو من النوع البتهرب و م بحب يعترف بالحاجة..

ف هو فاهمو تماما..

حازم شرب من عصيروا..

بالجد هو حاسي انو صحبو دا مصيبة..

و بدعي و يتمني من كل قلبو انو م ياخد ليه درس يخلي فيه ندبة للابد..

و خايف الندبة دي تكون لينا..

يوسف كمل عصيرو و عاين ل حازم مركز مع مجموعة وراهم..

كانو بنات بتكلمو عن ريفان..

او بالاحري..

الكاتبة دموع الخريف..

بتكلمو عن انز النهاية صدمت جزء منهم و الجزء التاني كانو متوقعنها..

كانو بنتقدو ف الحاجت الما عجبتهم ف الرواية لكن كمان شكروها شديد لانها عجبتهم..

و بعد شوية بدو يتكلمو عن شهرتها..

و انو الناس تموت و تعرف دموع الخريف دي منو..

و انو جزء منهم قام يحزر انها مرا كبيرة او متوسطة العمر و حتي جزء بغالط و بقول انها عادي ممكن تطلع راجل او ولد شاب م بعيدة..

مافي شيء بتأكد انها بت..

حازم كان مركز معاهم و مع كلامهم شديد لدرجة انو م انتبه لروحو و هو بحدق عليهم طويل..

و طبعا نظرات حازم الباردة..

تحس بيها دوامة صمت و تحميرة ف نفس الوقت..

رغم انو حازم كان بسمع ف كلامهم و مركز بس..

و في نفس الوقت بفكر هو عمل شنو ف حياتو عشان تبقي محورها الزفت الاسمها ريفان دي..

م معقولة ي جماعة م معقولة..

ليه اخر فترة فجأة بقت ريلان و بس..

عادة كان بلاقيها لمن يمشي ليوسف او نشوة ف الكلية..

بنتبه ل حاجات مختلفة و بركز معاها ف اوقات م بكون ااي زول ف الدنيا دي بعاني ليها او عارف وجوها مثلا..

لمن تكون بتحمر..

او بتضحك..

لمن تحاول تمنع دموعها ف اوقات بعيدة من اي زول..

او لمن تكون قاعدة بتكتب ف روابتها ف المصتبة و الناس م منتبهين تركيزها ف لابتوبها كيف..

او لمن تكون بتحمر ليوسف زاتو و يحس بالحماية المفرضة عند كل صحبة لي صحبتها..

او لمن يكون ف نظرات غيرة لمن وابل و نون يكونو مع بعض..

م فاهم غيرانة علي ياتا زاتو..

او زي معظم الاوقات..

بي بليل ف المرسم لمن تمرق تقعد بي ورا و هو يشوفها من القاعة القزازها شفاف بي جوا و عاكس بي برا و يشوف نفس المنظر السافو ف بريطانيا..

اعتقد شافها قريب الاربعة ولا خمسة مرات كدا لمن يكون الوقت متأخر ف الجامعة..

حازم ضحك ضحكة استهتار لمن انتبه انو اول مرة شافها كانت احد الخمسة مرات ديل و هي بتحاول توقف دموعها..

عاين ليها و بي عيونو

وصلها لحدي م مرقت برا

و مرقت لي صحباتها و هي بتضحك ضحكة انها للتو فازت بي لوتري او كدا..

حزاجبينو اتلاقو لمن شافها كدا..

استغرب شديييد..

و ما بقدر ينكر فكرة انو الفضول اتجاها اتغرس جواه من اللحظة ديك..

لانو 9/10 من اصل البنات البمروا عليه اذا غرستهم نملة م بقدرو يمسكوها و بمشو يبكو لي صحابتهم و يشتكو..

بس دي..

دي كانت غير..

دي لزت دموعها بالضحكة..

تحس بيها م كانت عاوزة تسمح لوحها تبكي قداام نفسها زاتو..

حاجة غريبة..

حازم بعد م شافها المرة التاني يوم مختلف..

حسي بي شوية الم..

كان حاسي انها النوع الكتوم البحتفظ ب كل شيء لنفسو زيو...

حسي انها رغم انو ممكن يكون ف اخلاف كامل ف كل شيء..

ف خلصة واحدة صغييرة مشتركة بينهم..

و هو زاتو م عارفها شنو..

و نفسو يعرفها..

ضحك لانو هو عارف نفسو م بنجذب لاي شيء بسهولة..

و لا بكذب..

الشافعة دي عادية جدا..

م سمحة ولا شينة ملامحها عادية..

رغم انو اساسا م من النوع البنجذب للشكل..

بس برضو..

فيها شنو؟

نفسو يفهممو..

صوت يوسف قطع ليه تفكيرو..

-قيبل لينا سألتني اذا انت و نشوة ربطو..

يوسف ضحك بعد الجملة دي طوالي و عاين يشوف ملامح وش صحبو..

و كالعادة..

لا شيء..

نظرات برود و بس..

-لينا مقتنعة تماما انو نشوة عاوزاك..

حازم لفي عيونو..

-ي ريت لو عارفة انو مافي بت ف عقلك غير صحبتها..

حازم تني راسو بالجمبة و عاين ل يوسف..

و اقسسم بالله اقسسم بالله..

اذا النظرات ممكن تقتل..

الولد دا بكون 6 اقدااااام تحت الارض حرفيا..

يوسف بلع علي ريقو و عمل رايح..

-انا و انت الاتنين عارفيعارفينغن انها حقيقة..

حةزم لفي عيونو و قرر م يرد ليه..

ممكن يومو يعدي بسلام بدون م يشوف او يسمع او حتي بفكر بالمخلوقة دي؟!؟!

ممكن و لا م ممكن؟

-قلت لي لحقتك لحدي بيتك المرة دي صح؟

حازم طلع نفس طويل علي الذكرة دي تاني..

و يوسف قعد يضحك علي تعابيرو..

-ي ولدي انت بتعمل ف روحك كدا ليه؟

_شنو؟

-بتعذبها ليه؟

_كيف؟

-م نفسك تتعرف عليها؟

حازم طوالي ضحك ضحكة استهتار

_نهائي..

-ي راجل؟

_نفسي يعدي يوم واحد ف حياتي بعيدا من الخلوقة دي..

يوسف رفع ليه اكاتفينو..

-المخلوقة دي اساسا بعدية منك..انت ف يدك الخيار تبعد ولا لا..

حازم علين ليه..

و عضي شفتيه التحت لانو عرف انو م حيقدر يرد ليه..

-غايتو انسانة مخيفة و بتخوفني ف احسن ليك زاتو تبتعد من طريقها..

_قوم قوم ارح الوقت اتأخر..

- و لو لاقيت لينا برا؟م عاوز

_انا ف طريقي هنا لاقيتهم ف الجزء التاني من الجامعة متجهين علي هنا..ف اعتقد احسن لينا نمرق من حسي..

حازم و يوسف وقفو علي كيلهم و مرقو من الكافتيريا..

-نشوة قالت جاية بعدين..

_ امم ورتني..

-لاقيتها؟

حازم هزا راسو..

_كنت جاي عليك و لاقتني ف الطريق..

-يحليلها والله..

_نحنا لازم نقيف ف صيدلية عشان نعرف امك دي مفروض تبلع الفيتامين دا كيف و ب ياتو انتظام..

-احساس جايبو معاك و ما متزكر تعمل اي شيء تاني..

حازم سكت..

-ولا ريفان شيبت ليك للدرجة دي..

حازم دا خلاص كان عاوز يخنقو..

و يوسف مستمتع جدا من مكاواتو..

-عليك الله نفيو قالت لبك شنو عنها..

_اااهه مبعرف..انت عارف نيفو بعجبها الماري و الجاي..

-م حاولت تخليكم تتلاقو..

_هي اساسا م قعدت كتير..اعتقد يومين او تلاتة بس..

-قلت لي شوفتها مصبغة شعرها و قاصاه؟

حازم سكت..

-يحليلها محرومة هنا..انا بعرف انو ابوها صعب..

حازم عاين ليه..

-من كلام لينا غايتو بعرف انو ابوها صغغب و ماا اعاقد علاقتهم كويسة..

حازم تني راسو بالجمبة..

امكن عشان كدا كانت بتبكي اليوم داك..

_هي مربطة ي يوسف او عندها زول ف بالها؟

يوسف هزا راسو..

-م اعتقد..علي حسب علمي لينا الوحيدة الفي شلتهم المربطة..

_ولا عندها مواقف مع اولاد اهلها؟

-العرفني شنو..انا صاحبها؟..بالله انا اذا عاينت لي ساي بتمني الارض تتشق و تبلعني من الخوف..بتزكرني بيك انت بس لمن تقوم تحمر لا حول ولا قوة الا بالله..

حازم ضحك بي صوت علي جملتو دي..

سبحان الله..

ناس يخافو من النظرات دي..

و ناس يستصغرو بيها و يحسوها حقت شفع..

امكن يوسف يخاف منها لانها متوجهة ليه و حازم بستصغرها لانو بقدر علي اكععب منها..

_انت اذا م عامل حاجة غلط بتخاف ليه؟

يوسف طلع نفس طويل..

_اذا م عامل خاجة غلط طبعا..

يوسف وقف و حازم وقف معاه..

عاينو الاتنين ل لينا البقت واقفة قدامهم دي و مادة يدها ليه و المفتاح ف يدها..

و ريفان البتحمر لي يوسف..

يوسف ضحك ضحكة كدا م عاجباه لمن شافها..

و حازم بس وقف ف مكانو اللحظة العاين فيها لي ريفان..

حسي ب حاجة مثبتاه ف مكانو..

اول مرة يكون قريب منها للدرجة دي..

حازم دا بس عاين ليها و تاني م سمع ولا شاف شيء..

عينو ليها بتحمر ليوسف..

و بعد ثواني اعتقد حست ب عينو عليها عاينت ليه و رجعت عاينت ليوسف و رجعت ليه بخلعة تاني..

حازم عاين ليها و هي حواجبيها اتلاقو و بتعاين ليه..

لثواني كان مستغرب هي ليه بتعاين ليه كدا..

و طوالي عقلو دا طققق..

البشبه ي حيوان..

حازم دا فجأة رفع ليك عيونو من عيونها و بقي ب

عاين و مركز ف نقاش لبنا و يوسف بس..

و هو حاسي بي نظراتها عليه و عامل رايح..

و هي كمان مستغربة زيادة عن اللزوم و بتعاين ليه شديد..

اخدت خطوة لقدام و دا اكد ليه حاجة واحدة..

انو البت دي مستغربة مستغربة ف الشبه..

سبي ف عقلو و هو عامل رايح..

و كان حاسي بعدم ارتياح موبالغ و زاد زيادة ف اللحظة الاخدت فيها خطوة لقدام..

جاذبية الدنيا دي كلها مكبوبة فيه..

دا الناقصو والله دا الناقصو..

لوهلة كان نفسو يقبل عليها و يقول ليها ي بت الناس سيبيني ف حااالللليي ياااخ ريحيني و ريحي حياتي منك..

يمشي يموت يعني؟

يسوي شنو عشان يتفكي منها؟؟..

م اعتقد حازم دا اتختي ف موقف زي دا ف حياتو..

بس صدقوني..

نظرات البرود دي م نزلت من وشو..

يوسف انتبه ليه بعد ثواني و طوالي حاول يلفت انتباه ريفان..

و اول م عاينت ليه..

حازم انزقم ليك براحة و فييوو مشي قدام..

كان ماشي بسرعة موبالغة و خلي يوسف بي وراه..

و بعد ثواني يوسف لحقو كمان..

♤♤♤♤♤♤♤♤♤♤♤♤♤♤♤♤♤♤♤♤

ريفان وقفت و عاينت ليوسف لحدي م اختفي بين الناس..

و نظرات الخلعة لسا مرسومة ف وشها..

للتو هي شافت النسخة المكبرة من محمود و النسخة الرجالية من نيفين..

بسم الله..

بشبههم بطريقة م عادية..

بالجد من الشبه اربعين..

لا..

والله دا بشبههم زيادة عن اللزوم..

امكن ببقي ليهم..

معقولة يبقي ليهم..

لازم يكون ببقي ليهم..

ومن قريب كمان..

ريفان كانت متأكدة انو ببقي ليهم..

و غير حدثها كمان ف حاجة تانية ساندة تفكيرها دا..

لكن..

ريفان حاولت تتزكر اذا نيفين ذكرت انو ف واحد من ناس اهلها..

طيب ذكرت شيء عموما؟

اووف..

م قادرة تتزكر..

بالزات ف الحالة دي..

الزحمة و اللخمة و الاصوات و اهم حاجة الصدمة..

لكن اذا عصرت مخها متأكدة حتمرق بشيء..

بس الصبر..

ريفان بقت ماشة و هي بتفكر..

كانت 70% انو الولد كان بتجنب يعاين ف عيونها..

دفاعا عنو كانو بعاينو لبعض كم ثانية..

اعتقد خاف منها..

او حسي بالاحراج لمن لقاها بتعاين ليه كدا..

ف عشان كدا تاني م عاين ليها و انزغم طوالي..

لكن م كان ظاهر عليه م مرتاح..

بالعكس..

ااي شيء ولا مرتاحة..

صراحة..

هي م قدرت تقرا ملامح وشو ف اللحظة ديك عشان تفهم شعوروا..

او تحديدا..

م اعتقد كان ف ملامح مركبة..

و كأنو م بحس..

مافي مشاعر..

برود بضررب بس..

تحس بيها نفس نظرات محمود..

بس حقات الشافع داك مايلة للاستثغار و الحقارة و الافتراء اكتر..

او امكن شايفاها زي حقت محمود لانهم بتشابهو للدرجة دي..

بس برضو..

الولد فيه حاجة..

امكن طبيعتو هاديء..

او مستكين..

-اووف..كان نمشي ساي و هو عندو حازم يسوقو..

ريفان رجعت تعاين ل صحبتها علي الصوتها المرقها من عز تفكيرها..

_حازم؟

اسمو حازم؟

م حصل سمعت بيه..

م اعتقد الاسم دا جا طاير لمن كانو هناك..

تاني كدي تعالي هنا..

يذكروه ليه و هو م قاعد معاهم ف البيت..

لينا هزت راسها..

-حازم صاحبو..

_بتعرفيه؟

لينا هزت رايها بمعني لا..

-عارفة انو هو ويوسف قربو يتمو 5 لي 6 سنين مع بعض..و انتي عارفة انا مربطة مع يوسف لي قريب السنتين لكن ولا مرة م حصل فتح خشمو معاي

_كيف يعني؟

-يعني زي ما قلت..

حواجبين ريفان اتلاقو..

-انتي شوفتيه حسي صح..سلام الله دا م بقولو..

ريفان رفعت راسها و عاينت..

-غايتو يوسف م برضي فيه لكن صراحة الولد دا كتتلة تلج..

_م حصل سمعتك تذكريه

-لانو انا بحد ذاتي بشوفو من سنة ل سنة..نادرا م نتلاقي..و ما حصل فتح خشمو دا معاي..

ريفان رفعت حواجبينها..

-يعني اعتقد صوتو دا انا من كترة م انو نادر جدا م اسمعو م متزكراه زاتو..

_بقرا وين؟

-ميكانيكا تقريبا..

ريفان رفعت حواجبيها تاني..

ميكانيكا..

ليه م مصدومة..

-بعدين انتي شوفتي النظرات ف وشو؟كان بعاين كيف؟

_بالله وريني كسف لاني م قادرة اطلع منها ب شيء..

لينا و ريفان ضحكو

-بالتحديد..الولد نظراتو ميتة و نظرات برود ب شكل..يعني مستختر علينا السلام..

ريفان ضحكت..

-لا و كمان شوفتيه مركز ف نقاشنا كيف..عاوز تتكلم قول السلام عليكم م تقعد تعاين للناس كدا..

ريفان قامت تصلح طرحتها قبل م يركبو المواصلات..

-يعني حتي لمن اشوفو ف مكان و ويسف م معانا بعاين لي و بقبل..

ريفان ضحكت تاني..

-هو قولي لي لمن يوسف معانا م بسلم خلي يسلم ساي كدا..

شكلو موضوغ السلام دا غايظها شديد..

_بتعرفي عنو تاني شنو؟

-عليك الله هو شكلو مرات م داير يرسي لي..اقوم اعرف عنو حاجات؟

ريفان عضت علي شفتيها..

سكتو شوية و تاني لينا بدت تتكلم..

-بعدين انتي كنتي بتعايني ليه كدا ليه؟

ريفان نططت من مكانها😂

_اا؟

-شنو هو الاا؟؟مالك مستغربة فيه كدا؟

_اممم..

لينا ضحكت..

-والله والله عارفاه سممح شدييد شدييد شدييد كمان لكن اخدي نصيحتي و بلاها..اولا هو واحد ميت اعاقد اذا انتي واقفة قدامو و العربية حتضربك و هو عندو المقدرة ينبذك حيعاين و يقبل يمشي..

ريفان ضحكت..

-اضافة لذلك الريدي نشوة خاتة عينها عليه..

حواجبين ريفان اتلاقو

_نشوة؟

-نشوة بت عم يوسف..سينيرتنا؟

_اااا..نشوة..

لينا ضحكت..

-ااي نششووة دي..بالله متسلبطة

فيه من م شفتهم و هو شكلو معلقها ف بالله خليهم يستطفلو ف بعض..

_اجي هو نشوة دي بتتعلق؟

-بي زول اسمح منها؟..والله تتعلق هي و امها وىابوها مرة واحدة..

ضحكو الاتنين..

ما طلعت ب شيء منها..

ي ربي تسأل محمد؟

_طب عارفة اسم ابوه منو؟

لينا هزت راسها..

-لا والله..

ريفان طلعت نفس طويل..

-ي بت موش قلت بلاها..

_لا انتي ن فاهمة..

-شنو؟

_الشافع دا نسسخة من زوجة صاحب خالي المشيت قعدنا معاهم هناك..

لينا رفعت حواجبينها..

-بالجد؟؟

هزت راسها

_امم

حواجبين لينا اتلاقو..

-انا بعرف انو حازم قاعد مع يوسف ف بيتهم لانو اهلو برا السودان بمشي ليهم ف الايجازات فقط..

ريفان بللت شفايفها و ركزت ف كلامها..

-اضافة لذلك هو سافر معاك..او قبيل بفترة و جا صبحية الليلة ياداب..

ريفان رفعت حواجبينها..

_طيب متزكرة ياتو بلد؟

-لا والله..لكن اشك بريطانيا..يوسف دايما بقول لي اسم مكان كدا غريب خلاص..

ريفان رفعت راسها و عاينت للشباك..

شكلها الا تسأل محمد..

لكن هي م اتكلمت معاه من م جات السودان..

مشغول مع مرتو و ولدو..

هه..

بتكذب علي منو..

حاول يضرب ليها اول ايام و كانت بتسفهو..

و بقي م بحاول..

اعتقد لانو عارف انو هي لمن تكون زهجانة اخير تخليها ف حالها و لمن تهدأ بتجيه براه..

احسن من انو يسكها والله..

ريفاان رفعت راسها..

لكن اعتقد..

هي لازم تسأل الاسمو حازم دا اولا قبل اي شيء..

♤♤♤♤♤♤♤♤♤♤♤♤♤♤♤♤♤♤♤♤

حازم قفل باب العربية بزهجة و طوالي دورها..

و يوسف طوالي نطي ليك ف المقعد القدام لانو عارف انو حازم عادي ممكن يفحط و يكسر حنكو..

اول م باب يوسف قفل حازم دا بس داس ليك البنزين و فووو..

ف ثواني كان مرقو وصلو الشارع الرئسي..

يوسف بلع علي ريقو..

و كان عارف انو حيبدا يفحط..

ف علي عكس عاداتو..

براحة جرا ليك الحزام و ركبو ليك..

و ف دقايق لقو روحهم جمب البيت..

حازم نزل و قفل ليك العربية

طاااااااااااااااخخخخخ..

يوسف دا خلاص..

دا كلو بسببو الغبي دا..

نزل ب وراه..

اول م فتحو الباب الاتنين عينهم ل نشوة و امها قااعدييين..

حازم دخل تووووششششك ولا قال هوي انتو حيين ولا ميتين..

نشوة اول م شافتو ابتسمت و قامت عاوزة تتكلم..

يس هو ولا عاين ل زول..

نشوة و امها وصلو حازم لغرفتو لحدي م اختفي..

و تاني قبلو علي يوسف..

ام نشوة طوالي قامت تلولو ف خشمها..

-صاحرك دا غايتو..مششششششم..

نشوة ضحكت..

=بكون حصلت ليه حاجة..حازم عادة بكون عامل كدا بعد م تقفل معاه شديد..

-حتي و لو حصلت ليه حاجة غالبو يسلم؟

=حازم من النوع الكتوم..بعدين شكلو تعبان..غالبا م يستحم و يغير و يجي راجع اكييد اكيييد..

-يااخ انا القفلتها ليه؟سلاام الله دا سلااااام الله دا غالبو؟

نشوة ضحكت

=خلاص خلاص نقفل الموضوع

-اختي لي الاولاد ديل بالله..

نشوة ب ضحكة 'والله حقو عشان قلتي كدا اجيبو ليك'

يوسف و امو عاينو ل بعض و ضحكو ضحكة يمشوهم بيها..

لانو واااحد عارفين نشوة جااااادة..

و اتنين اعتقد لو ختو سيف ف حلق حازم و قالو ليه ي تموت ي تعرس نشوة بقول ليهم اضبحوني..

ما لانو هي ما حلوة..

بالعكس..

اعتقد مافي زول ممكن ينكر جمالها..

ولا لانو هي م عاجاباه..

بالعكس..

اعتقد هي احد الجنس الانثوي القلائل الممكن حازم يبعد معاهم ب ارتياح..

لايك حررفيا..

لكن لانو م بنفع معاه كلام زي دا..

ولانو دا حاااازم..

لا نشوة هيز تايب ولا شتين..

و اعتقد الولد دا من كترة م يصعب ارضاءه تحت عقل ام يوسف..

هي مقتنعة تماما انو الولد دا حيعنس..

اما يوسف..

هه..

يوسف عارف انو اذا ريفان م دخلت راسو بعد البتعملو فيه دا كلو..

حررفيا مافي بت حتدخلو..

صوت نشوة قطع تفكيرهم الاتنين

=عملت ليه حاجة؟

يوسف ضحك و قعد جمبهم

-نهائي..انتي بتعرفيه صاحبك دا مزاجو متقلب كيف..

=مزاجة م متقلب..انتو بس م بتفهموه..

يوسف بلل شفايفو..

للاسف كلامها صح..

الناس بس م بفهموه..

و كاان عارف انو هو لازم بهدأ شوية و تاني يقدر يمشي يتفاهم معاه..

حازم دخل و استحمي و غير و بسررعة رقد رررب ف السرير و بعاين للسقف..

دي مصيبة دي..

حسي لو مشت سألت عمها و لا خالها دا و وراها..

يمشي وين هو..

دقيقة..

اها و يعني..

حيحصل شنو؟

اوريك حيحصل شنو ي فالح..

ريفان و بعرفها..

تاني حتسلم عليه محل م تشوفو..

و غالبا م تقيف تتكلم معاه و تسألو من ناسو ديك..

اها و يعني..

م تعملها..

حازم مرق نفس طويل..

ما عاوزها تعمل كدا..

ليه تعمل كدا..

بعد السنتين ديل حتي قررت تنتبه..

قررت تدخلو عالمها..

لكن اعتقد الغابظو اكتر حاجة من كل شيء فهم واحد.

انو تاني حتنتبه ليه امن يكون مرركز معاها..

بعني تاني م يركز معاها.

موش احسن ليه..

يختاها و تبعد منو..

لكن..

لكن والله و لا هو بقدر ينكر فكرة انو مرات الشافعة دي بتملي ليه يومو..

بعدين..

اعت حازم دمو فابر من فهم انو هي ياداب قررت تدخلو عالمها و تعرف ب وجودو بعد الزمن دا؟

لا و حتي بعد دا كلو..

يكون عبارة عن صاحب حبيب صحبتها..

او اخو مرة صاحب خالها؟

ف حين انو ايام..

حياتو كلها تتمحور عنها هي..

هي و بس؟

اساسا دا

تخلف منو..

انو يسمح ل روحو انو يخلي انسانة تكون محور اهتمامو..

يااخ حررريقة..

بلا وجع راس بلا زفت..

لكن هو م بقدر ينكر فكرة انو هو م حيعرف يسوي شنو..

لانو عارف انو هي حتجي تسألو..

بس يستعد لبكرة م اكتر..

يستعد ب شنو؟

حيسوي شنو؟

يتكلم معاها كيف؟

هو انت لمن تجي تتكلم مع زول من برا بتتكلم تقول شنو؟

حازم من النوع الممكن عادي يعاين ل الناس و يفهم كلامهم ولانو م عندو رد بس يقبل..

و عارف انو الحاجة دي م بتنفع مع ريفان..

لانو عارفة انو هي ممكن عادي تتكلم معاك لحدي م انت تقرر تفاح خشمك..

ولا عندها مشكلة..

ضحك و هو بتزكر ف موقف ليها مع احد اولاد دفعتها..

ف المكتبة لمن كانت بتسأل فيه ف معادلة اول ايام ليها..

و الولد م عارف يرد ليها..

اعتقد من النوع المعقد من البنات..

و هو م قادر يفهم اذا هي كانت قايلاه م سامعها..

او عارفاه و بتتغاتت بس..

حواجبين حازم اتلاقو و هو بتزكر ف الحاجة دي..

و هو بفكر ف الموضوع..

البت م اتغيرت من ما دخلو..

ااي مرت سنتين..

لكت برضو..

تصرفاتها واحدة..

بس برضو..

ضغط معمار دا م عمل ليها حاجة..

هو بأثر للناس؟

اعتقد هو بعد م ختاها ف راسو..

لنتبه انو هي عندها قدرة هائلة ف انها تضحك و هي ف عز زعلها..

م اقول ليكم بحسها ف عيونها..

ولا اقول ليكم بشوفها ورا ضحكتها و اكذب..

لكن لانو بس كل مرة بتزكر هو شافها بتبكي كيف..

بزات اخر مرة لمن شافها بتبكي ف الجامعة و فامت نزفت من نخرتها..

حازم طلع نفس طويل..

والله والله واللن جزء منو نفسو يحبسها معاه ف غرفة و يقعدو ف تربيزة يتفاهمو ف كل شيء و يسألها من كل شيء مستغرب فيها و كل لغز منتبه ليه فيها..

و الجزء التاني نفسو يكفت نفسو يوقل ليه شوف ليك ذغلة بالله و ابعدها من راسك..

الفيك مكفيك..

حازم كان راقد ف السرير و م منتبه انو جزء من فنيلتو مرفوعة..

راقد عكس الباب..

و هو ف عز تفكيرو..

الباب فتح ليك..

كان عارفو يوسف..

_عاين انا م عاوز اتناقش عن الموضوع دا..دا كلو بسببك والله بكرة البت دي تجي تفتح خشمها معاي الا اجي اكفتك..

وشوية كدا يسمع ليك صوت ضحكة..

اللفت انتباهو انو م كانت صوت ضحكة يوسف..

صوت ضحكة بت..

حازم دا رافع راسو و عاين..

نشوة..

نشوة..

-احسن حظك انا م يوسف..

حازم قبل تاني..

نشوة عاينت ليه..

-ما عاوز تستعدل ف قعدتك دي؟

عاين ليها

_قاعد كدا من قبيل م دقيتي الباب قبل م تدخلي ليه؟

نشوة ضحكت..

-انت عارف انا م بدق الباب..

حاوم علين ليها و كالعادة البرود ف وشو..

_ولو كنت ما لابس شيء؟

نشوة رمشت مرتين..

-لا ما انا انتظرت الفترة دي لاني شفتك تجي راجع من الحمام و اكيد اكيد حتكون لبست ف المسافة دي..

و هي بتتكلم حازم عينو ليها و وشها دا بقلب احمممر..

ابتسم علي لون وشها البقي زي الطماطم..

نشوة كرفست ليها وشها..

-عاجبك الكلام القلتو دا؟

حازم ردا لينا والابتسامة لسا ف وشو

_جدا..

نشوة ضحكت..

علي الاقل خلتو يبتسم..

و انتو م عاارفين صعب قدر كيف انكم ترسمو ف وش المخلوق دا ابتسامة..

لايك حرفيا..

-طيب اتستر حسي..زفت العلامة الفي جمبتك دي بتخلي الدموع تتكوم ف عيوني اول م اشوفها..

حازم عاين لي علامتو الفي بطنو..

-بعدين ليه بقت واضحة كدا؟

_من يومها واضحة..

-لا والله تحس بيها كبرت..من البداية للنهاية كدا..

حازم عاين ليها تاني..

امكن لانو متعود يشوفها ف وشو كل يوم مليون مرة..

-كل مرة اشوفها بحس ب المها تاني..و بحس بيها كانت اعمق من الفاتت..

حازم قام و غطي بطنو و استعدل ف الرقدة عشان نشوة تقدر تقعد..

_من يومها كدا انتي بس ساي حساسة..

-لا والله الخياطة حقتها غريبة..

_الخياطة حقتها طبيعية لانو دا البحصل لمن الطعنة تكون عميقة و كبيرة كدا..

نشوة عاينت ليه ب زعل..

_بعدين دا البحصل لمن الزول يتهور و..

سكت اول م شاف الدموع ف وشها..

هي م بتهظر لمن قالت انها بتدمع..

_خلاص خلاص سكتت..

حازم ضحك علي منظرها و هي بتمسح ف دموعها..

سواء اعترف بيها او لا..

بحب يكاويها..

-بالمناسبة..دي منو ال لو جات فتحت خشمها معاك حتكفت يوسف..

تعابير وش حازم رجعت تاني اول م الضحكة اختفت..

رمش مرتين و هو بعاين ل نشوة و هي مركزة معاه..

_واحدة كدا عانلة لي وجع راس..

-واحدة من دفعتك؟

حازم هزا راسو..

-متسلبطة فيك ولا شنو..

حازم ضحك ضحكة استهتار..

لانو الموضوع عكس جملتها دي تماما..

هو المتسلبط فيها..

نهائي م العكس..

-عملت ليك شنو؟

_م علمت لي شيء صدقيني..ولا حصل اتكلمت معاي زاتو..

-طيب ف شنو؟

حازم عاين ليها ل ثواني..

و تاني قام من السري. و مشي فتح الدولاب..

طلع ليه نوع من انواع السماعات..

Air pots ل ايفون..

نشوة بتعاين ليه و هو ماسك علبتها ف يدو..

و مداها ليها..

شالتها و عاينت ليها..

_شايفك اخر ايام بتشتكي لانو م قادرة تشتغلي ب سماعات و م معاك وصلة..

نشوة عاينت ليه و هي مبتسمة لاخر..

فكرة انو فكر فيها و جابها..

براها رفعتها للسحب من الفرحة..

-وااي قمت جبتها لي..

حازم هزا راسو

_بس اووعا تبوظيها..

-نشوة هزت راسها بسرعة و هي بتضحك..

-اصليات اكيد

..

حازم هزا راسو

-لقيتهم وين؟

_طلبتهم من امزون مع كم حاجة كنت محتاج ليها..

نشوةة ضححككت و بقت بتتهوزز ف السرير من الفرحة..

-وااي وااي شكررا شكررا شكررا شكررا شكررراا..

و قامت نتطط..

حازم ضحك و لزا ليها راسها ب اصبعو عشان توقف نطيط..

_عفوا..بس اووعا تضيعي واحدة او تبوظيهم..

نشوة وقفت ثانيتين و هزت ليه راسها..

هي م بتقدر تنكر انو لمن تشوف ضحكتو لا اراديا بتوقف و تركز معاه كدا..

هي للدرجة دي بتعجبها..

حازم قعد ف السرير..

نشوة عاينت للوات الجمبو..

-دا ل مشروع الفاينال ولا شنو؟

حازم هزا راسو ب حيرة..

-ديل الطلبتهم..

_امم..لكن م عارف اسوي شنو..

-بشششش..مهما ضربتك الحيرة اتزكر انك م بتقري معمار ف اليأس بعمل اكععب من كدا و ارتااح..

حازم عاين ليها و تاني ابتسم..

يااخ نشوة دي بتحب روحها بشكل لمن تخليه يبتسم او يضحك..

♤♤♤♤♤♤♤♤♤♤♤♤♤♤♤♤♤♤♤♤

ريفان مرقت من المحاضرة الاولي و هي بتتكلم مع لينا..

واقفين بتناقشو ف موضوع كدا تافه..

و عينهم ل يوسف واقف ليه مع ولد..

اعتقد سينير ليه..

يوسف كان متحرك و طريقهم اتقاطع هو والسينير..

يوسف عاين ل لينا و ابتسم ليها و السينير عاين ليهم..

لينا عاينت ليه..

-يوسف..

=عيونو..

ريفان طبعا لفت عيونها وتحس بيها عاوزة تكفتو..

السينر ف الجهة التانية نطط ليك عيونو..

موقف غرييب😂💔..

=دي لينا..

السينير ابتسم ليها و سلم..

=و دا حيدر سينيرنا..

لينا ابتسمت ليه..

-اتشرفنا..

سلم عليها هي و ريفان..

كان بعاين ل ريفان ب تركيز..

ريفان عاينت ليه و قبلت..

اما حيدر كان مركز معاه..

=ماشين الكافتيريا..

لينا هزت راسها..

=طيب اررح حتي نحنا..علي انا..

ريفان طوالي اتكلمت..

_وابل و نون منتظرننا هناك..

يوسف ضحك و عاين ل ريفان..

البت دي اعتقد اذا جاتها فرصة تخنقو كانتد عملتها زممااان..

-تمام اررح..

ريفان جرت ليك نور ل لينا..

لانها كانت عارفة انو لو مشو..

لينا حتشرها وتتكلم مع يوسف و هي حينتهي الوضع بيها مع حيدر..

و دا الناقصها..

انها تتكلم مع واحد ف خامس و تتعرف عليه..

و دا طبعا الحصل..

لينا و يوسف مشو قدام يخلطو و خلوهم وراهم ب شوية..

و حيدر قام يتكلم..

-اسمك منو؟

_ريفان..

حواجبين حيدر اتلاقو و ب ابتسامة و طلعت منو نفس الرياكشن من كل زول يسمع اسمو اول مرة..

-شنو؟

_رييفاااان..

-ريفان؟

_امم..

-الحمام البكون حوالين الكعبة..

ريفان رفعت حواجبينها و م قدرت تدس الخلعة..

احساس هي بتقدر تدسها يعني..

_بتعرفو..

حيدر ضحك..

-امم..لكن داك م اسمو روفان م ريفان؟

ريفان هزت راسها..

_تقريبا الناس بقولو ليه ريفان و روفان..

-بالله..

_امم..

حيدر ضحك..

_انت خريج صح؟

-امم..و دخلنا ف السمستر التاني..اساسا م مفروش اجي الجامعة لانو مشروع التخرج حيطلع ميتين عيني..

ريفان ضحكت..

حيدر كان طويل عيونو عادية لكن حواجبينو مقرونة و غزيرة نخرتو عادية برضو لكن عامل سكسوكة كدا خفيفة حلوة خلاص صوتو غليظ و تحسي بيه هادي جدا لكن بتاع هظار ف نفس الوقت حتي ضحكتو م فيها صوت ابتسامتو كانت جميلة جدا..

الولد عادي لكن فيه حاجة بتلفت النظر..

امكن لمن يضحك و عيونو تبقي شوية صغيرة بتأثر و بتبقيه حلو..

-انت مع لينا؟

_اممم..

-وااي شفع تانية..لسا لسا قدامكم طويل..

ريفان ضحكت..

_اهو معمار..

حيدر تني راسو و هو بعاين ل ريفان..

كان متوقعها تقول ليه م شفع او تعلق عليها..

_مفهوم مشروع التخرج حقكم شنو؟

-م فيه مفهوم

ريفات رفعت حواجبينها

_بالجد؟

حيدر هزا راسو

-الموضوع موضوع مشروع تخرج البوديه يعملو مفهوم كيف..

ريفان عاينت ليه..

-ف الشيء دا عندك كل الحق انك تسوط و تجوط و مافي زول بسألك..

_و لو م عجبهم..

-علي حسب علاقتك بالدكاترة..

ريفان رفعت ليه حواجبينها

_ي راجل..

-والله جد..لو الدكتور بريك بعمل ليك باس عادي حتي و لو عامل ليك اربعة حيط بس..

ريفان ضحكت

-و ممكن يربتك و لو عامل ليه مدينة كاملة..

ريفان ضحكت و بين المصدقة و ما مصدقة..

-يعني انا لعرف سينر لي قبل م يتخرج..والله والله والله اقعد احلف ليك ل بعد بكرة لو بتصدقي م عمل المشروع اساسا و الدكتور اداه ااي..

ريفان نططت عيونها..

-والله والله والله..

_ما عملو..

-ولا فكر زاتو..

_لا كدا موبالغة..

-والله جد..

ريفان ضحكت

-م مصدقاني؟

_لا الموضوع م كدا الفكرة زاتها غريبة..

-ااي شيء ممكن ف الدنيا دي..

ريفان ضحكت..

-بزات بالواسطة..

ريفان عاينت ليه

-ف عشان كدا اخدي نصيحتي و يا صاحبيهم كويس ي ابعدي من طريق الدكاترة ديل..

_انا مرة يعني واحد من اولاد اهلنا اضر يحول كليات عديلك كدا بسبب الحاجة دي..

-مشكلة مع دكتور..

ريفان هزت راسها..

_اممم..لانو بس ردا ليه ف المحاضرة..

حيدر رفع ليها حواجبينو..

_والله حتي الموضوع سخييف و ما بستاهل يعني..بس الدمتور اتحر-

فجأة ريفان سكتت اول م عينها وقعت علي زول..

سكتت فجأة لدرجة انو حيدر استغرب زاتو..

الولد حق امس..

حازم..

عينها ليه بعاين ليها و هو واقف مع يوسف..

عاينت ليه و هو بعاين ليها..

نظرات البرود حقتو دي بتحيرها..

لدرجة ا

نها حست ب قشعريرة ف جسمها و طوالي قبلت..

عاينت ل حيدر..

عاوزة تمشي تسألو..

عاينت ل حازم..

لسا بعاين ليها..

لدرجة انو يوسف و لينا اتلفتو عاينو يشوفو هو بعاين ل شنو..

لمن ريفان و حيدر لحقوهم..

ريفان وقفت و حيدر واقف بعاين ليها..

حازم كانت نظرات البرود المعتادة ف عيونو..

لكن برضو مركز معاها..

ريفان عاينت ل لينا و ل يوسف و جسمها لسا كاشي لانها حاسة بنظراتو عليها..

عاينت ليه..

و هو عاين ليها ل ثانيتين و تاني رفع عيونو منها و عاين للسما و رجع عاين ل يوسف تاني..

يوسف ابتسم ليه..

=انت بس امشي لي وليد..بتلقاه ف الكلية و شيل منو الفلاش..

حازم هزا ليه راسو مرة واحدة و طوالي قبل عشان يمشي و اتحرك..

ريفان عاينت ليه و يوسف كان مركز مع ريفان..

يالله..!!

حتي يوسف كان خايف..

ريفان كانت بتفكر..

تمشي تسالو..

م تمشي..

ماشة تسألو..

اساسا هي غبية و من يومها شليقة..

مشت اتحركت قدام حتي م قالت شي..

حيدر و لينا و يوسف عاينو ليها بتمشي تحصل حازم..

و فجأة زادت سرعتها و وقفت ليك قدامو..

اول م وقفت و عاينت ليه..

حازم دا وقف ليك ف مكانو تببب..

حتي رفع حواجبينو امكن من الخلعة او من الاستغراب..

اول تفاعل شافتو ف وش المخلوق دا من امبارح..

حازم كان بعاين ليها..

و بعد ثواني..

النظرات رجعت تاني..

لدرجة انو ريفان حست انو دي نظراتو الطبيعية..

منها و فيه..

م زي باقي الاولاد البحاولو او بكونو مركبنها..

لا..

بالعكس..

حست بيها ملازماه من ما الله خلقو..

بسم الله..

غابتو م حصل لاقاها زول ب هدوء و برود الولد دا..

و دا كلو وهي لاقتو امبارح بس..

ريفان علينت ليه..

و لانو هو طويل..

ريفان الا ترفع عيونها و تعاين ليه..

و الشمس ضاربة ف وشها بالجمبة ف عين و العين التانية مغطيه ليها منها حازم..

اتحركت علي يمينها شوية لحدي م حازم بقي مغطي عينها التانية..

و حازم تني راسو بالجمبة..

و مع التنية البسيطة دي الشمس رجعت ل عينها طوالي..

و ريفان لا اراديا كرفست وشها و قربت تغمض عيونها..

حازم لفي عيونو و تحس بيه منع ضحكة استهتار لانو بلل شفايفو و عاين فوق..

ريفان اتحركت لورا شوية امكن ضلو يغطيها من بعيد..

حازم رفع حواجبينو و عاين ليها..

كان واقف و منتظرها تفتح خشمها..

ريفان عاينت ليه تاني و حواجبينها اتلاقو..

لايك..

استغفر الله الشبه بخلعها كل مرة..

المصيبة هو بشبه محمود اكتر من شبهو ل نيفين..

امكن لانهم الاتنين اولاد و ديك ملامحها انثوية..

ريفان هزت راسها عشان تركز..

_هي..

هااي؟؟

هااي؟؟

جادة معاي هي؟

حازم بس كان بعاين ليها..

و لا اوف م مرقت منو..

ولا عضلة من وشو م اتحرت..

رمش بس والله..

_عاوزة اسألك سؤال..

حازم رفع ليها حواجبينو..

حيوان خلاص..

حتي خشمو م عاوز يفتحو..

_انت من وين؟

حواجبين حازم اتلاقو علي السؤال دا..

انت من وين؟

هي بتسالو سؤال زي دا ليه..

ريفان انتي غبية؟

مفروض تسأليه طوالي..

دا شنو الشيء الغبي ف الماشغال ف عقلك دا..

رمشت مرتين و هي بتطرد ف الافكار من عقلها..

_اقصد انت عندك اهل ف بريطانيا؟

حازم تني راسو بالجمبة..

برضو م اتكلم..

م عاوز يفتح خشمو يعني؟

عاين ليها مسافة..

_عندك اخت اسمها نيفين؟

برضو بس بعاين ليها..

حواجبين ريفان اتلاقو..

لوهلة من الثانية كانت قايلاه م بفهم..

تاني عقلها قرب يكفتها لانها عارفة انو بتغاتت و م عاوز يتكلم..

_هوي انت..

حازم رفع ليها حواجبينو..

_م عاوز تتكلم؟

حازم هزا راسو ب معني لا م عاوز..

ريفان رفعت حواجبينها..

الولد دا غبي؟؟

للتو رفع ليها كثافتها ف ملي ثانية بس..

ما عاوز يتكلم؟

قايل روحو منو؟

زيها زيو انسان..

م عاوز يسمعها يعني؟

دا غبي دا؟

وااي انا وااي انا وواااااي اهدي م تتحرقي..

م تتخيلو اتغاظت قدر كيف..

لدرجة انها ظهرت ف عيونها..

حازم م وقف ف مكانو..

لكن كانت ساكتة ل ثواني..

طوالي اتحرك..

ريفان قبلت عاينت ليه و حواجبينها مع بعض..

ايوااا..

عاملها غتاتة يعني..

ريفان ضحكت ضحكت استهتار..

والله الليلة توريه منو الطفا النور..