الجزء 28

"اللهم قل ل تلك الدعوات التي بداخلي كن ل تكون ف تكون ي رب🥺💚..!!"

ريفان و لينا كانو قاعدين ف الكنبة و بعاينو ل تلفون ريفان..

ريفان كانت خاتة يدها ف وشها و هي متحيرة.

او بالاحري رسالة واحدة بس..

لينا قرت الرسالة و عاينت ل ريفان..

رسالة واحدة بس ف المحادثة كلها..

"Let's not see each other for a while.."

(خلينا م نشوف بعض ل فترة)..

لينا طلعت نفس طويل

-فجأة..

ريفان طلعت نفس طويل..

-اخر مرة شوفتيه متين؟

حواجبين ريفان اتلاقو

_اممم..الاسبوع الفات؟.لمن كنا واقفين مع حيدر..

حواجبين لينا اتلاقو

-و كنتو واقفين مع حيدر ل شنو؟

ريفان سكتت م ردت..

شوية كدا و عاينت ل لينا و بس ابتسمت ليها..

توريها كيف؟

م بتقدر توريها..

_كنا بنتناقش ف شيء..

لينة رفعت حواجبينها

-حاجة م بتقدري بتقوليها؟

ريفان هزت راسها براحة..

لينا هزت راسها..

-طيب اتشاكلتو بسببها؟

ريفان رفعت ؤاسها و عاينت فوق فترة..

اتشاكلو؟

هم م اتكلمو زي الناس زاتو..

بس عاينت ليه و قالت ليه انها عاوزة ترجع براها..

دا كل م ف الوضع..

اخخخ..

ذكرة المعلومة دي ساي خلت قلبها يضرب تاني..

ليها اسبوع و رغم انها شوية هدت..

لكن شوية م معناتا انو اختفت كليا..

ريفان مسحت وشها ي يدنها و هي بتدفر ف النعاس الجواها..

_م اتشاكلنا..لكن النقاش بس خوفني منو م اكتر..

لينا استغربت

-خوفك منو؟

ريفان هزت راسها

_اممم..

لينة ضحكت

-خوفك كيف؟؟..هو انتي برودو دا كلو م مخوفك جاي يخوفك نقاش؟

نقطة..

نقطة مهمة..

_بس هو م نقاش..هي معلومة..

لينة هزت راسها

-وهو فجأة بقي كدا بعض النقاش دا؟

ريفان هزت راسها

_م جا تاني ولا حتي لاقيتو ف ااي حتة..و مشيت ليه امبارح ف هندسات و م لقيتو..الولد م ليه اثر..خفت والله..

ريفان طلعت نفس طويل و هي بتأشر ع التلفون

_و لقيتو رسل لي الرسالة دي امبارح بليل شفتها الليلة الصباح..

لينة م عرفت تقول ليها شنو زاتو..

صراحة حازم دا م مفهوم و من يومو م فاهماه و لا حتفهمو..

وابل و نون الجو وهم بكوركو جذبو انتباه لينة و ريفان..

عاينو ليهم ب استغراب..

_مالكم بسم الله

نون كانت شبه حتبكي

=نزلو جدول الامتحانات..

ريفان و لينة نططو عيونهم و صرخو

_ااااا؟؟؟

وابل هزت راسها

-متين هوو..نحنا امبارح يااادااب ياااداااب سلمنا مشاريع الميدتيرم..

=حررفيياا..

_واي انا هو متين هو؟؟..الزمن دا مالو بجري كدا؟؟

كلهم طلعو نفس احباط كانو حابسنو ف لحظة الانفعال و الاحباط رجع..

السهر و القراية و المشاريع و الكلام دا كلو جا راجع تاني..

عينهم حتطلع والله..

-ع الاقل اجازة السميستر بعديه طوالي..

ريفان لفت عيونها

_ميتين عينك حتطلع لحدي م تجي الاجازة دي

كلهم ضحكو ع تعليق ريفان..

♤°♤°♤°♤°♤°♤°♤°♤°♤°°♤°♤°♤°

حيدر كان متكل ع البورد حقت ميكانيكا..

الجدول حق السمستر ياداب نزل..

و متأكد نو حازم حيجي يشوفو..

هه..

اعتقد دي الطريقة الوحيدة اليلقاه فيها..

سأل منو يوسف لكن يوسف قال ليه م عارف..

من نبرة صوتو اعتقد هو و حازم متشاكلين..

حيدر ضحك ع الفكرة دي..

ياالله..!!

ان شاء الله يكونو متشاكلين..

حتكون حاجة اضافية ل نفسياتو شديد..

الناس شوية شوية بدت تتكوم جمب البورد..

و حيدر زحي منها..

لانو عارف انو حازم حيقعد يعاين ليها من بعيد م حيدخل بين الناس زاتو..

وقف و عاين ل كل زول بقيف و يعاين..

يعد مسافة حتي لمح ليك حازم واقف عاين ليها..

طلع تلفونو و صورها بعد كم محاولة و قفل تلفونو و مشي..

حيدر مشي ب وراه لحدي م بعد من كومات الناس شوية حتي قدر يحصلو..

-حازم..

صوت حيدر خلي حازم يقبل ب وراه..

الاحباط كان ظاهر ع وشو اول م شاف حيدر..

حيدر جا وقف قدامو و ضحك..

-شايف انكم بتبدو قبل الكليات كلها ب اسبوع و بتنتهو قبليها ب اسبوع..

حازم م ردا ليه

-الخريجين صح..

حازم بس كان بعاين ليه

_سو..عاوز شنو المرة دي؟

حيدر ضحك

-م عاوز شي المرة دي..بس لانك مختفي م مريت علينا ف كليتنا ليك فترة خفت قلت حصلت ليك حاجة..

حازم قبل منو عاوز يمشي..

هه..

استحالة يقيف ف مكانو يسمع الشافع دا يتكلم يقول الفارق دا..

-ليه م قاعد تجينا؟

حازم ردا ليه بدون م يقبل عليه او يقيف زاتو

_انت مالك

حيدر زاد سرعتو عشان يلحقو

-عاوز اعرف..

_تعرف شنو؟

-اذا الموضوع عندو عندو علاقة ب ريفان..

حازم ابتسم ليه

_و انت دخلك ب شنو؟

حيدر ضحك

-ساي بس..

_لو ساي بس شوف ليك شيء تاني ادخل فيه..

-بس دا عاجبني..

حازم عاين ليه

_ادخل فيه طيب..م عندي شغلة..

و طوالي حازم مشي منو..

حيدر تاني لحقو

-مرات برودك دا بقع ف مكان م محلو..

حازم قرر م يرد ليه

-انت زعلت لانها بقت خايفة منك؟

حازم وقف..

ايواا..

دا ال حيدر عاوزو..

حازم عاين ليه ب استغراب

_خايفة مني؟قصدك شنو؟

حيدر جا وقف قدامو

-قصدي انك اتحسست لانها خافت بس..

حواجبين حازم اتلاقو

_انت عارف ي حيدر..عادة الناس الزيك البدخلو ف حياتي ديل بكون عندي فضول اتجاه السبب..

حيدر بس عاين ليه

-عاوز تعرف السبب؟

حازم هزا راسو ب

معني لا..

_ابدا..لانو المرة دي م عندي شغلة..م عارف بس انت قدر م تحاول تجذب انتباهي ل شيء..بشوف الزعلة ف اعمالك لانو م قدرت تجذبها..

حيدر اتغاظ من جملتو دي

حازم ضحك

_بتزكرني ب ولد اختي لمن يحاول يجذب انتباهي و يفشل..

حيدر لفي عيونو..

اعتقد حيدر دا عيبو الوحيد انو اقل كلام بستفزو و بلعب ب اعصابو..

و زول زيو م بنفع مع حازم لانو حازم نادر م يهتم ل شيء..

و كل البعرف ليه انو يلعب ب اعصاب الناس..

_سو انت اعمل العاوزو..انا جد م عندي شغلة..

-حتي و لو عملت العاوزو ف ريفان؟

حواجبين حازم اتلاقو..

_موش دا البتعمل فيه من زمان؟

حيدر عاين ليه

حازم ضحك فيه..

_انا عارف انها عاجباك..انك م بتعمل فيها كدا بسببها صح؟

شيت..

ولعت النار خلاص

-و انت الخاليك مقتنع شنو؟

_م مقتنع انا..دي حاجات بسيطة سمعتها من هنا و من هناك..

حازم ابتسم ليه

_و انت عارف انو مافي دخان بطلع بدون حريقة صح؟

-و انت م عندك مشكلة مع الفكرة دي؟

حازم رفع اكاتفينو شوي

_الموضوع دا برجع ليك انت..سواء عملت ليها كدا او لا..اذيتها او لا..دا انت العملتو ما انا..

-حتي و لو بسببك؟

حازم ضحك

_الاسباب م مهمة..مهم الاتعمل شنو و العملو منو..

حيدر ضحك ضحكة استهتار

-سو انت م حاسي بالذنب ل ولا شيء بالغلط من الحصل؟

_و احس ليه؟قلت ليك امشي سوي فيها كدا؟..دي حاجة بترجع ليك انت..

حيدر لفي عيونو..

واو..

النار هنا جد ولعت..

حيدر حسي بالغباء..

يعني البسوي فيه دا كلو ف النهاية م عمل شيء ل حازم؟؟

حازم ابتسم..

النار ولعت..

شايفها ف وش حيدر..

حازم عارف يستغل شنو منو بالظبط عشان يفوز عليه بالكلام..

رغم انو كذب للتو..

جد حاسي بالذنب..

كان عندو فضول يعرف حيدر دا مالو لكن حسي زحى الفضول زاتو..

بس اعتقد ب وشو دا ممكن يكذب اي كذبة و يقتنعو بيها الناس الزي حيدر ديل..

-امم تمام..

حيدر اخد نفس طويل..

كويس..

لو دا م نفع..

يمشي جد يخرب ل ريفان حياتها

-اتس اوكيه..لو الاذية باللفة م نفعت معاك..انا ممكن اخليها تجيها طوالي ف وشها..

حازم لفي عيونو

_اعمل العاوزو قلت ليك..انت البتكون عملتها م انا..

حيدر ابتسم..

حازم قبل يمشي

-انت عارف ي حازم..

حازم اتلفت عليه عشان يسمعو

-ممكن م افرز صدقك من كذبك..لكن الجملة القلتها للتو دي..هه..خلينا نشوف انت حتقدر تكون قدرها بالجد ولا حتثبت انك بتكذب..

و طوالي حيدر مرق..

♤°♤°♤°♤°♤°♤°♤°♤°♤°♤°♤°♤°

نشوة و امها كانو واقفين قدام بيت عمها..

بضربو ف الجرس لكن م في زول جا ليه مسافة..

ف النهاية بعد فترة كانو راجعين و البت الشغالة جات فتحت الباب..

نشوة استغربت

=يوسف وين؟

عادة يوسف هو البفتح الباب..

ف الحقيقة دايما..

البت هزت راسها و رفعت اكاتفيها..

شكلو برا البيت..

الاحباط ظهر ف وشها..

هي جات من بيتها عشان الشافع دا..

ليها فترة م شافتو ف الجامعة..

بجي المحاضرة متأخر و مرات م بقدر يدخل زاتو..

و اول م تنتهي بمرق طوالي م بتعرف بمشي وين زاتو..

بالله و فتشت الزفت التاني داك و م لاقياه زاتو..

نشوة طلعت نفس طويل و قعدت ف الكرسي..

اوعا يكونو اتشاكلو..

حازم و يوسف م بتشاكلو كتير..

لكن لمن يتشاكلو الدنيا بتولع..

يوسف دمو حار و لسانو طويل و م بعتذر و بس بتحرق من كل شيء..

و حازم ب كل بساطة م بهتم..

يوسف محتاج زول يراضيه و حازم م بعاين ف اتجاهو زاتو..

خلي يراضيه او يعتذر..

نشوة عينها بتطلع عشان تراضيهم..

-خالتو حازم و يوسف وين؟

ام يوسف:حازم جا و مرق قبل شوية لكن يوسف راقد ف الاوضة..

-قاعد يعني؟

امو هزت راسها

-طيب مالو م برد ع التلفون؟

امو سكتت مسافة:والله م بعرفو مالو..ليه فترة محبط و زعلان..الجامعة شكلها ضاغطاكم شديد..

نشوة بس ابتسمت ليها..

شكلو لسا زعلان من موضوع لينا..

نشوة قامت ع حيلها و مشت ع اوضتو..

ضربت الباب كم مرة..

كانت سامعة حركة جوا..

عرفتو بتغاتت م عاوز يرد..

قعدت تضرب زيادة و شديد المرة دي..

ف النهاية يوسف كورك

=ف شنو؟

-انا نشوة ي ولد نشوة..

يوسف سكت مسافة..

قام ع حيلو و فتح ليها الباب..

نشوة دخلت و عاينت ليه..

لسا قاعد ب هدوم الجامعة رغم انو مرق قبيل

-انت جيت حسي البيت ولا شنو؟

يوسف هزا رايو ب معني لا..

نشوة عاينت ليه..

و كأنو الزعلة زادت؟

-يوسف..

يوسف عاين لبها

-ف شنو؟الحاصل معاك شنو؟

يوسف م ردا لبها

نشوة طبعت نفس طويل

-دايما بتوريني وموش بنحلها مع بعض المشكلة؟..وريني ف شنو؟

ولا ردا

-انت و حازم اتشاكلتو؟

يوسف رفع راسو عاين ليها..

و ب كدا اتأكدت انو اتشاكلو

-اتشاكلتو ف شنو؟الحصل شنو؟

يوسف قام بقي حايم ف الاوضة

نشوة طلعت نفس طويل

-اسفهني كويس..حاقعد اسألك و اتلايق كدا لحدي بعد بكرة..م حاخليك..

و بالفعل..

والله العظيم بتتكلم ليها قريب الساعة والله والله..

و هو عامل رايح..

ف النهاية قامت ع حيلها و و بقت واقفة قدامو..

هو كان بحضر..

بزح منها..

بتقيف قدامو..

يزح منها تاني تقيف قدامو..

الغضب بدي يظهر ع وشو..

و نشوة ابتسمت..

=زحي من وشي ي نشوة..والله اضربك..

نسوة ضحكت

-و كأنو يعني عندي مشكلة؟طبيعي

بنضارب..

=بجر ليك شعرك دا اوقعك ف الارض زحي..

-ابقي راجل..

=نشوة زحي..

-ابببييتت..

و ب كدا يوسف مسك ليك شعرها..

و هي راسها دا طوالي مع شعرها وقعت ف الكرسي الجمبها..

صوت صرختها كان مفروض يحصل ناس امها لكن م حصلها..

بقت هي ماسكة يدو بتحاول تفكو..

-خلاص معليش معليش معليش..

رغم انو م كان جارّيه..

هو بس جراها من طولها بشعرها خلاها غصب تقعد جمبو ف الكنبة و بقي مثبت ليها راسها ب شعرها ب ورا و كأنو هي متكلة وراسه ف الكنبة..

و هو ماادي يدو ف الطرف التاني قاعد ب ارتياح و ماسك الرموت ف يدو التانية..

ما كان شاديه لكن هي لمن تحاول تقوم الشعر بتشدي لانو مثبتو ف الكرسي ب يدو..

-يوسف خلاص معليش خلاص معليش..

ولا عاين ليها زاتو..

يغير ف قنواتو ساي..

سكتت شوية و بقت بتعمل روحها بتبكي..

كان سامع الصوت و لا عاين ليها لانو عارفها مستهبلة..

اكيد م حيكون ف دمعة نزلت..

شوية كدا صوتها زاد..

عاين ليها و لقي الدموع دي نزلت و عملت اثار ف جضومها..

يوسف لفي عيونو

=دموع التماسيح حقتك دي م بتنفع معاي..

نشوة طوالي وقفت من البكي و عاينت ليه ب احباط..

قشت وشها والكحل كان نزل ف كل وشها

يوسف صحك عليها

=خربتي مكياجك ساي..

نشوة حمرت ليه

-ياخ عليك الله وريني..انت عارف اني حاقدر اساعدك..

يوسف م ردا..

كلامها صح..

م عاوزها تواسيه عشان م عاوزها تساعدو..

دايما بتساعدو..

-يوسف..نحنا موش اصحاب المواساة؟

يوسف صحك ع كلامها

-انا بواسيك ع لينة و انت ع حازم؟

ع اسم لينة الايتسامة زحت من وشو و نشوة طوالي عرفت انو هي السبب..

-ب سبب لينة صح؟

يوسف برصو م ردا

-خلاص بسألها بكرة عن الحص-

=لا م تسأليها

-اها..والله احسن لي اسمعها منك..

يوسف فكي ليها شعرها و هي صلحتو..

طلع نفس طويل و بدي يحكي ليها..

♤°♤°♤°♤°♤°♤°♤°♤°♤°♤°♤°♤°

ريفان كانت مع ولد خالتها مروان و امها و محمد ف المطار..

باقي البيت م قدر يجي..

جو يودعو محمد لانو راجع خلاص..

محمد كان ماسك حاجاتو و منتظر دورو و بتكلم مع ام ريفان ف موضوع ورق ريفان..

-لانها تمت ال18 ف كم حاجة لازم تجي تعملها..

امها هزت راسها

-انا عملت البقدر عليهم و انا هناك.

لكن ف ورق متطلب وجودها شخصيا زي العملتو لي اختها دانية..

=اممم..يعني محتاجها تجي؟

-ضروري و ي حبذا لو قبل م تتم ال19 سنة عشان كدا بس الورق و الشغل و التوقيعات بزيدو..

حواحبين ريفان اتلاقو

_دا عشان يعتبروني ك بالغة هناك ولا شنو؟

محمد هزا راسو

-اضافة ل كم شغل ف جوازك..

_اممم..

امها هزت راسها

=طيب هي حتمتحن السمستر بعد كم اسبوع..بخليها تجي بعد م تمتحن..

ريفان عاينت ل امها

_و ابوي؟ابوي حيوافق؟

=هو م بقدر يعترض..دا ورق رسمي و شغل جواز م بقدر يقول شيء..

ريفان هزت راسها..

-خلاص انا لمن اصل هناك بعمل ليها الاجراءات.. وروني بتنتهي من الامتحانات متين و بتبدي السمستر الجديد متين عشان احجز..

ريفان ابتسمت ليه و هزت راسها..

-طيب يلا مع السلامة..

ودعوه و مشو ف طريقهم..

ريفان طلعت نفس طويل..

حترجع تاني..

واو..

م اتخيلت اصلو انها حتمشي هناك قريب..

♤°♤°♤°♤°♤°♤°♤°♤°♤°♤°♤°♤°♤°

مرت الايام و الامتحانات قربت شديد..

ريفان دجعت ل حالة السهر و عدم النوم..

رغم انها بتنعس و بتنوم..

لكن اعتقد دي حالة خاصة بتجيها ايام الامتحانات و الخوفة..

بالنسبة ل حازم؟؟

هه..

الولد شبح..

م ليه وجود..

بتسال منو نشوة و نشوة برضو م بتعرف هو وين.حتي نشوة م شافتو قريب..

كل مرة تمشي تفتشو ف الكيلة بتلقاه مافي..

ف الجامعة و الكافتيريا البمشي ليها..

برضو ماف..

وهي بتفكر حسي..

هو الكان دايما بجيها و بلقاها ب سهولة..

لكن هي م حصل حاولت تفتشو..

امكن عشان كدا م عارفة تشوفو وين..

بتتصل عليه و بجيها التلفون مقفول..

او برن للنهاية و م برد..

بقت حاسة ب شوية غضب.

مالو قام يعمل كدا

ليه فجأة؟

ريفان دخلت الكافتيريا عشان ياكلو..

المكان كان مزحوم اكتر من المعتاد المرة دي..

التقول الجامعة كلها م هندسات بس الجو هنا..

عينها طلعت عشان تقدر تشتري شيء..

و مشت تقيف ف الصف عشان يعملو ليها واحدة..

الجماعة ديك كانو ف الكلية..

وهي جات تشيل ليها شيء تاكلو لانو حرفيا بقت م بتاكل ف البيت..

طلعت نفس طويل و هي لسا واقفة..

زهجتتت خلاااص والله..

قعدت تتلفت حولها..

وحواجبينها اتلاقو لمن لمحت حازم..

قلبها دا وقف ع الارض..

اخدت ليها كم ثانية تستوعب انو دا هو..

كانت شايفاه بالجمبة..

واقف عاوز يشيل ليه صودا يشربها شكلو..

ريفان عاينت ليه مسافة..

م كانت شايفاه كويس من الزحمة..

قعدت تتحرك عشان تشوفو..

قربت منو شوية..

هو بس رلع راسو و عاين ليها..

ريفان دي اتاكدت انو دا حازم..

حازم نطط عيونو شووووية لمن شافها..

لكن تاني طوالي اتحرك و مرق..

ريفان ضحكت ضحكة استهتار و مشت ب وراه طوالي..

بقت بتحاول تمرق بين زحمة القاعدة دي..

داب م مرقت..

عاينت ما لقت زول..

م قاعد..

مشي كيف؟؟

حواكبينها اتلاقو

استحالة يكون مشي حتي..

بالسرعة دي استحالة..

طيب غطس وين؟

ريفان طلعت نفس طويل و هي

بتعاين..

كان ف اكواام لتاعت اولاد ف البينشز البرا..

م كانت قادرة تشوف كويس ب سببهم..

ريفان طلعت نفس طويل..

حيكون اتحشر بينهم..

لفت عيونها ع الحصل..

للتو قاام جاري منها؟؟

لا دقيقة تستوعب بس..

للتو شافها و قاام جاري منها؟

دا مالو دا الحيواان دا؟؟

هه..

اوميقااد.

ريفان زاتها م قادرة تسوعب من تفاهة الموضوع..

لا بالجد

للتو قام جاري منها..

للتو عااين ليها ف عينها و قبل مشسي ب كل برود كدا..

واو.

لا دقيقة للتو عمل كدا؟؟؟..

لا بالجد دي تفاهة جديدة..

والله حركات جديدة..

لا يعن-

صوت حيدر و هو بكورك ب اسمها قطع تفكيرها و خلاها تتلفت وراها..

=ريفان..

ريفان عاينت ليه

-حيدر..

=كيفك..

-كويسة..

حيدر ضحك

=زهجتي من الزحمة الجوا دي ولا شنو؟

ريفان ابتسمت ليه..

-طلعو عيني..

حيدر ضحك ليها

=شنو رايك اعزمك برا؟

ريفان ابتسمت ليه..

-شكرا..لكن م بقدر..

حيدر ابتسم

=كنت عارفك حترفضي..

-طيب سألت ليه

=لاني برضو حاصر..

-و انا حارفض

=بس انتي مدينة لي

حواجبينها اتلاقو

-ب شنو؟

=اني وريتك حقيقة حازم..

ريفان بلعت ع ريقها..

حقيقتو؟

-انت كنت عارف انو دا حازم من البداية..

حيدر م ردا ليها

-و ليه فجأة قررت توريني؟

حيدر ضحك

=نتفق ع شيء..ليه فجأة قررت اوريك..و الحصل شنو بالظبط و انا عارف كيف..كلو بوريك ليه..ااي سؤال تسأليه برد ليك بيه بدون لف و دوران و بالمصحف لو م مصدقاني..

ريفان عاينت ليه..

كانت عاوزة حشمها يتكلم و يرفص العرض دا..

لكن م بتقدر تفوتو..

هي فضولها قاتلها تعرف الحقيقة..

زهجت من انها تكون عارفة جزء واحد او نص الكلام بس..

حيدر ابتسم..

لانو عرف انو للتو وقعها..

المصاؤعة بينها و بين نفسها ظاهرة ف عيونها..

لمن م ردت ليه هو ضحك

=اررح اررح..

-مكان قريب من هنا..

حيدر ابتسم

=اوك

-و عندي محاضرة قريبة..

=30دقيقة بس..

ريفان طلعت نفس طوبل..

-اررح..

حيدر ابتسم..

=اررح..

اتحركو ع مكان العربات..

العربية حقتو كان موقفها قريب..

لمن وصلو جمبها ريفان وقفت عشان تشوفو حيركب ف ياتا..

مشي ع الخامسة و هي مشت وراه..

فتح الباب و جا يدخل..

ريفان جات تفتح الباب لكن اتلفتت وراها ع اسمها..

حازم كان واقف و بحاول يجمع ف انفاسو..

و كأنو كان بجري..

حيدر عاين ليه ب استغراب..

دا جا من وين..

وريفان بس رفعت حواجبينها لمن شافتو..

_ريفان..

ريفان بس عاينت ليه م ردت..

هو زاتو بتنفس ب شوية صوت..

_م تمشي معاه..

واو..

للتو قال ليها كدا..

البت م قادرة تصدق اضنينها..

للتو قال ليها م تركبي معاه؟؟

و كأنو بأمر فيها؟؟

وبفرض سيطرتو كدا؟؟

ب نظراتو الباردة و الهدوء الفيه دا؟؟

لا لا لا لا..

هه..

و بعد م للتو قام جاري منها؟؟؟

الولد دا داير ليه كفوف؟؟

لا هو شكلو لازم يجرب كف من ريفان..

-عفوا؟؟

_م تركبي تمشي معاه قلت ليك..

ريفان اتغاظت شديد و اقسسم بالله ماسكة روحها بالجلالة من انها تكفتو

-للتو قلت لي م اركب معاه؟

حازم بس عاين ليها..

والله راسو ساي عشان يهزو م اتحرك

ريفان ضحكت ضحكة استهتار

-هه..ب صفتك منو؟؟؟

حازم بلع ع ريقو

_خلينا من دا حسي..اسمعي كلامي و م تركبي معاه

حيدر ضحك ع جملة حازم دي..

صراحة..

حيدر م اتوقع حازم يجي..

لكن والله دا مشهد حلو عشان يشوفو..

-ب صفتك منو عشان تقول لي الكلام دا؟؟..

_ريفان..

ريفان لفت عيونها

-انت للتو قمت جاري مني..و حسي جيت تلحقني و بتقول لي ب كل بساطة م تركبي معاه؟انت حيوان؟؟

حازم طلع نفس طويل

_ريفان..قلت ليك خلينا من دا..بس م تركبي معاه..

-لييه؟؟..ليه م اركب معاه؟؟..ف شنو؟؟

حازم بلع ع ريقو..

دي يقولو ليها شنو؟

_don't you trust me?..just don't go..

ريفان لفت عيونها..

-و انت وريني ليه..ف شنو؟..

حازم طلع نفس طويل..

م ردا ليها..

هه..

م حيتكلم..

الولد دا مخو حجر و اتجاه وااحد بس..

-انت البرود الفيك دا..اخخخخخ انا..

حازم رفع ليها حواجبينو

-نفسسي اجي اقتلك والله..لكن انا عارفة انو انت اساسا ميت..ف مافي داعي احاول..م عاوز نتلاقي تاني؟..اساسا م عاوزة اشوف وشك دا قدامي زاتو..غلطانة انا الجيت وراك قبيل..انا بكرهك ي حيوان..

حازم رفع حواجبينو و استغرب..

كان عارف انها بتقول ف الكلام دا غضب منها..

لكن والله والله حرقو ب شكل

_و انتي؟..انتي قايلة روحك خلاص الانسانة النقية ديك؟..

ريفان كانت حتقفل باب العربية بعد م ركبت..

لكن لمن سمعت جملتو دي تاني مرقت عاينت ليه..

حيدر كان الريدي دخل و دور العربية

-عفووا؟؟انت منو عشان تحكم علي؟

حازم ضحك

_انتي عارفة ي ريفان..انا م حصل قلت ليك الكلام دا..لكن انتي عبيك انك بتحكمي و بتتصرفي من جهتك بس..م بتحاولي تعايني للجزء التاني للقصة و بتتصرفي

-و انت بتعرفني من وين عشان تقول كدا؟؟

حازم ابتسم ليها

_جد انا بعرفك من وين..ع م يبدو كنت غلطان ف بعض النظريات الاخدتها عنك..اتسرعت ف الحكم..

النار دي م حصل ولعت جوا ريفان اكتر من اللحظة ديك..

اااااااخخخخخححح..!!!!!!

اعتقد البشر لو كان بقدرو ينفجرو جد..

هي كان فجرت معاها كل السنتر والله..

و ززففففتتت ابتسامتو دي...

ززززوو

وووللللل يممسسسححههااا..!!!

كان نفسها تجي تمسحها ب اي طريقة..

-اتسرعت ف الحكم؟انت منو اساسا الاداك حق انك تحكم علي؟..

حازم كان بس بعلين ليها..

رغم انو عادة م قاعد يحب يشوفها محروقة كدا..

واخر زول ف الدنيا اتوقع انو يستمتع ب انو يغلي قدامو البت دي..

لكن بفك ف الجواه شوية..

مستمتع ب طريقة مريضة زاتو و هو بعاين ليها و هي كدا..

_برجع لي انا عاوز احكم ع منو..

-انت واحد مريض بس..

مريض؟؟

للتو قالت ليه مريض؟

حازم ضحك..

واو..

اوكي..

اول مرة كلمة تحرقو كدا..

كلمة مريض دي ولعت النار جواه..

اعتقد حياتو كلها كانو بقولو ليه كدا و اسوء و م اتحرق..

لكن فكرة انو ريفان بحد زاتها تقول ليه مريض..

دي ولعت شعل جواه..

و كانت ظاهرة ف وشو..

ريفان لمن لقتو اتحرق من الجملة دي اتبسطت..

بركة.. يستاهل..

ضحكت ضحكة استهتار وهي بتمنع ف الدموع..

لكن انتو عارفين..

اللحظة النزلت فيها الدمعة من عينها..

حازم دا بس التقول ف شي طعنتو..

كل شيء اتغير لمن الدمعة نزلت و هي قشتها..

و حازم ندم ع ابو اللحظة المرقت فيها الحروف القالها للتو من خشمو..

انت عملت شنو؟؟

للتو هي بكت ب سببك؟؟

بلع ع ريقو و هو بعاين ليها

-انا م عاوزة اتزفت اشوفك قدامي تاني ف حياتي..

ريفان طوالي ركبت ف العربية و حيدر اتحرك..

اول م مرقو من الجامعة حيدر بقي واقف ف الزحمة..

المكان كان صامت و ساكت..

لا حيدر اتكلم و لا ريفان..

شوية كدا و فتحت خشمها

-وقف لي بالجمبة..

حيدر استغرب و وقف..

ريفان نزلت طوالي من العربية و حيدر اتخلع لمن نزلت و نزل ب وراها..

=ماشة وين

-راجعة الجامعة

=نحنا اتفق-

ريفان قاطعتو

-م جعانة م عاوزة اكل خلاص

=عايني..خلينا نمشي مكان تاني طيب..

ريفان وقفت و قبلت عليه

-انا م ماشة معاك لاني م عاوزة اكل..لكن لاني م عاوزة امشي معاك..

حيدر لحقها

=دا لانو حازم قال ليك م تمشي؟؟

ريفان م ردت ليه..

حيدر اتغااظ..

لانو عرف انو دا السبب..

=هه..انتي موش نفس البت الكانت بتقول لي انها بتكره الحركات دي؟؟

-ياتو حركات؟؟

=الولد يفرض سيطرتو..حركات حبيبي قال لي م تمشي و م تعملي..

ريفان لفت عيونها

=جاية حسي تطبقيها؟

ريفان عاينت ليه

-انا م ماشة لانو حازم قال لي م تمشي..

حيدر عاين ليها ب استغراب

-انا ما ماشة لانو حازم م بتكلم ساي..انا و انت الاتنين عارفين انو م من النوع البتصرف و بتكلم بدون سبب..

حيدر ضحك ضحكة استهتار

=انتي م ماشة لانو كلامو خوفك..

ريفان عاينت ليه

-انا م ماشة لانو انا رفم انو حيوان و حقير..بس بثق فيه..

ريفان قلبت تمشي

=وانا؟؟

عابنت ليه ب برود

-انت لا..بغض النظر عن العملتو..لا..كلامو م خوفني..كلامو بس بقول لي ارجعي للواقع..وقفي من انك تتماشي و تبقي طيبة..كنت ماشة عشان سبب واساسة طرشق..

النار ولعت جوا داك كمان..

جد م تشمت ف اخيك عشان الورقة م تتقلب عليك

-م ماشة لانو نبرة صوتو وهو بقول لي م تمشي خلتني انتبه انو الموضوع م موضوع مشاعر ب داخلو سلبية او لا..الموضوع جادي..بزات لمن كان بقول لي خلينا من دا كلو..

واو.

حيدر م قادر يصدق روحو..

-عشان كدا م ماشة..

واو..

هي للتو استغلتو؟؟

ركبت عشان تغبظ حازم بس و توريه انها ماشة لكن نزلت؟؟

-مرق عربيتك بتعمل ليك مشكلة و هي واقفة هنا..

و طوالي ريفان اتحركت و مشت..

♤°♤°♤°°♤°♤°♤°°♤°♤°°♤°°♤°♤°♤°♤°°

-رييفاااان امتحنتي كيف؟؟؟

ريفان اتلفتت ع ثوت لينا و هي بتكورك ليها..

_زي الزفت..

لينة ضحكت

-اقعدي قولب كدا كويس..

ريفان طلعت نفس طويل..

ليها كم يوم م نامت بسبب زفت القراية دي..

-ارتاحي..باقي لينا امتحان بعد بكرة و ننتهي بس..

ريفان فرحت لمن اتزكرت الشيؤ دي..

واي..

بس يومين و تقدر ترتاح..

ااخخخخ..

-انتي مسافرة طوالي؟

ريفان رفعت راسها

_لا لا..ماشة الخميس الجاي..

-بعد اسبوع؟

ريفان هزت راسها..

-كويس ي زولة..ارتاحي زاتو..

ريفان ضحكت

_انا متأكدة انو حيدونا مشروع يطلع عينا ارتاح شنو..زيادة تلتلة بس..

لينا ضحكت..

ريفان طلعت نفس طويل..

بقت م متحمسة للمشية زي زمان..

امكن لانو ظهجانة من القراية..

و انو حيكون ف ورق رسمي كتير هناك..

او فهم انو حازم حيكون هناك لا محال..

-ريفان..

ريفان عاينت ل لينا

-حازم تاني م لاقيتيه؟

ريفان هزت راسها..

من اليوم داك..

تاني عينها م وقعت عليه..

قلبها مع مرور الوقت بقي حاسي بالذنب ع بعض الكلمات القالتها ليه..

رغم انها كانت محروقة من كلامو هو..

لكن برضو..

-و حيكون هناك؟

_مبعرف والله..

لينة ابتسمت ليها

-ي زولة خير..

_اممم..ف كل الاحو-

صوت تلفون ريفان قاطعها..

طلعتو و حواجببنها اتلاقو ع الاسم..

دا محمد..

عاينت للساعة..

الوقت مفروص يكون عندكم حاجة فجرا..

مالو متصل عليها بالوقت دا..

بسم الله..

ردت بعد فترة

_الوو..

-الوو ريفان..

ريفان بلعت ع ريقها..

كانت متوقعة انو يكون صوتو و هو نعسان..

بس بالعكس..

صاااحي تمام..

و كمان شوية جوطة وراه..

_محمد كيفك..

-تمام الحمدلله..

ريفان سكتت..

مفروص يقول ليها و انتي؟؟

ليه م قالا؟؟

ليه م بتكلم؟؟

ريفان اتوترت شوي..

_محمد؟

-

امم

_انت سامعني؟

امكن الشبكة كعبة وبقطع

-ااي اي سامعك..

ريفان م اتكلمت..

-ريفان عايني..

_امم

-ركزي معاي كويس ف كلامي دا..

ريفان عاينت ل لينة ب استغراب..

التلفون كان مفتوح اسبيكر و لينة برضو سامعة..

-م تبكي و م تعملي شيء..لكن لازم اوريك..

الجملة دي جذبت انتباه وابل و نون الاتنين..

عاينو ل ريفان..

ريفان دي قلبها وقع ف الارض ع الجملة دي

و ي الله قدرت تمرق الكلام من حلقها

_ف شنو؟

-حازم دخل ف حادث عربية و حسي داخل ف غيبوبة ليه يومين..

الجلمة دي حرفيااا..

وقفت كل شيء عن العمل..