الجزء 20

"و الفتنة تلقتي ف ضحكاته..انا اقسم لكم!!..و اما عن عينيه؟؟..فلا تسألوني عنها..فإنني اتوه بين نظرات باتت تقتلني ف كل مرة..و لن احدثكم عن صوته الذي بمقدوره ان يوقف قلبي و يجعله يضرب اربع مرات ف كل ثانية..!!..و تلك الابتسامة التي سأجبره بأن يوقفها..!!..لن اخبركم كيف ان ملمس يداه يبدو ك الامان..ولن اعترف ابدا كيف تعود الحياة بداخلي ف كل مرة تقع عيناه ع عيني..يالله!!..لا تجعله احد امتحانات الحياة..لاانني لن انجح و انني اوعدك اني لن استطيع ان اتخطاه ابدا!!.."

-الوو حازم..

_امم..

-مرقت من المحاضرة؟

حازم رفع راسو و عاين وراه..

هو حرفيا للتو عتب برا الباب..

_ايوا..

يوسف سكت ل ثواني

_شايفك ضارب لي..ف شنو؟

-امشي مكتب العيد..

حازم كان ماشي ف الكلية عشان يقعد و اساسا م فاهم يوسف بقول كدا ليه

_لي؟

-لانو ريفان طلبوها هناك..

بعد م حازم استوعب معني الجملة دي وقف ف مكانو براحة و حواجبينو اتلاقو من الاستقراب..

للتو قال ريفان ف مكتب العميد؟؟

حازم انتظر يوسف يتكلم لكن يوسف كان ملخوم مع ناس حوليه..

_ليه؟

يوسف طلع نفس طويل و هو برد

-ف بت من دفعتها اتسلبطتت ف مشروعها و قالت انو ريفان سرقتو منها و حسي طالبو حضورها..

حازم م كان فاهم...او فاهم البقول فيه بس م قادر يستوعب..

اتسبطتت ف مشروعها؟؟

يعني شنو؟؟

قالت ليه انو ريفان سرقتو؟؟

_كيف اتسبطتت فيه و قالت انها سرقتو؟

-م بعرف..انا جاتني لينا جارية قالت انو ريفان مطلوبة ل مكتب العميد لانو ف بت مشت ليهم و قالت انو ريفان سرقت مشروعها..

_و ريفان كانت الريدي سلمت؟

يوسف هزا راسو

-اممم كان سلمت صباح اليوم القبليه..امبارح..

_طيب هي كيف عرفت انو ريفان سرقتو؟

-هي ريفان م سرقتو..

حازم طلع نفس طويل..

_انت متخلف؟؟

يوسف سكت لانو حسي ب نهرة ف صوت حازم و هو ف الحالة دي يوسف عارف انو لازم يفكر مرتين قبل م يتكلم..

_اكيييد م سرقتو..

-طيب قصدك شنو؟

_قصدي انو البت القالت انو ريفان سرقت مشروعها..كيف عرفت انو هي سرقتو لو الريدي ريفان كانت سلمتو امبارح الصباح..

يوسف سكت..

_هي ريفان ورت البت المشروع؟

-م عارف..

يوسف قبل عاين ل لينا..

-لينا انتي ريفان ورت البت دي مشروعها؟

=ريفان ا ساسا م بتعرفها ولا خصل شافتها ف حياتها..ريفان م داخلة ف ناس دفعتنا كتير..

يوسف رجع التلفون ل اصانو

-سمعتها..

حازم ختي يدو ف جبهتو و هو بحاول يفكر

_طيب ورتو ل زول تاني؟

-طيب ورتو ل زول تاني؟

=م بعرف والله لكن اشك..

_طيب ف زول بساعدها ف مشاريعها؟

يوسف كان فتح الاسبيكر عشان لينا تتكلم و ترد

لينا هزت راسها بمعني لا

=ريفان م من النوع البتحب الناس يدخلو ف حاجاتها. مشارعيها بتعملها هي براها الساعة 2 او 3 صباحا طبيعي..نحنا بحد زاتنا مشروعها دا م بنكون عارفين عنو شي لو م جابتو لينا او مشينا معاها للتسليم..

حازم بلل شفايفو

_طيب..العميد م حيحاول يتفاهم..حيشيل صف البت انتو الحقوها قبل م يقرر يفصلها لانو لو طلع الكلام دا من خشمو تاني م في شيء حتخليه يتراجع..

يوسف هزا راسو

_استعملو الكلام دا ك حجة..شوفو لو البت دي بتعرف شيء عن المشروع..لكن م تتكلمو انتو حتعمل مشكلة زيادة..سوقو دكتور او TA بتعرفوه يمشي يتكلم..العميد م زول ممكن يتفاهم مع اي انسان..

يوسف هزا راسو و هو بياخد ف التعاليم دي ب دقة..

_حاولو ماطلوه لحدي م الحقكم..

حازم زحي التلفون من اضانو

لكن صوت يوسف خلاه يرجعو تاني

يوسف كان قفل الاسبيرك و رجع التلفون اضانو

-م جايينا طوالي؟

حازم سكت ل ثواني و تاني ردا

_البت دي م حتمشي تتكلم و تتسلبط ف مشروع م بتعرفو سااي..م بترمي روحها كدا..

حازم سكت مسافة..

_there's something wrong..something missing that I don't get..I'll figure it out and join you guys..

-تمام..

حازم طوالي قفل التلفون و قم ع حيلو و ضرب ل ريفان..

التلفون رنا المرة الاولة التانية..

ريفان كان عاينت للتفون و هي واقفة قدام مكتب العميد منتظرة يخلوها تدخل..

م كانت عاوزة ترد..

لكن برضو ردت عاوزة تشوف هو حيقول ليها شنو..

_الو ريفان..

-اممم..

_دخلتي مكتب العميد؟

رؤفان كانت بترد ليه ب صوت واطي

-ياداب داخلة..

حازم بلل سفايفو

_انتي مشروعك دا وريتيه ل زول؟

ريفان هزت راسها ب معني لا

-انا م وريتو ل اي زول..اساسا لمن مشيت اسل-..

فجأة سكتت..

تحسي بس شيء مسك لسانها..

اخدت ثانيتين و حازم طوالي عرف انها اتزكرت شيء..

_اها؟..

-كان لاقيت حيدر و انا ف طريقي ليه و اتكلمت معاه عن فكرة المشروع و كانت معاه نشوة و اتكلمنا فيه و هي شالتو و شافتو هي و حيدر..

ع كلمة حيدر و نشوة دي حازم وقف ف مكانو..

نشوة و حيدر..

حيدر و نشوة..

احيي منهم الاتنين ديل..

ليه اسمائهم دايما مع بعض؟

وليه اسمائهم دايما جاية معاها المشاكل؟؟

حازم ختي يدينو ف راسو..

_خلاص تمام..

الباب القدامها فتح و المرا قالت ليها تدخل..

-انا داخلة حاقفل..

_امم

و طوالي قفلت الخط..

ريفةن عاينت قدامها..

كان ف بت قاعدة ع شمالها ف الكنبة..

الجو اساسا كان بارد و مع فتحة الباب جاها هوا المكيف زاد البرد عليها زيادة..

ف زول نصيح بشغل المكيف ف نص البرد؟

لكن تاني احب اذكركم انو العمداء ديل م نصيحين..

واضح..

ريفان عاينت للبت و البت كان رفعت راسها عاينت ل ريفان..

البت عاينت ل ريفان ف عينها كم ثانية و تاني قبلت منها..

حواجبين ريفان اتلاقو..

ريفان م حتكذب..

دي م اول مرة تشوفها..

لكن تاني هي احد بنات دفعتها..

مفروض شكلها م يكون غريب..

صوت العميد خلا ريفان ترفع راسها تعاين ليه

=اخيراا قررتي تنصمي لينا؟

ريفان عاينت ليه و بلعت ع ريقها من الخوف..

كان راجع ف متوسط عمروا..بكون نهاية التلتينات و بداية الاربعينات..

قاعد و متاكي ع الدرج الضخم القدامو ب يدينو الاتنين و شابكهم مع بعض و بعاين ليها..

نظراتو كانت مليانة تحدي و تحكم

و نبرة صوتو كانت مليانة قوة و صعوبة و استهتار..

كان بتستهتر بيها لانها م جات بدري شكلها..

العميد عاين ليها و شوية كدا عيونو مشت و وقعت ع شي وراها..

=عاوزة خاجة؟

ريفان عاينت وراها و استوعبت انو بتكلم مع وابل..

وابل هزت راسها ب معني لا..

اشر ليها ب طرف راسو ع الباب

=طيب اتفضلي برا..

وابل عاينت ل ريفان و مرقت مع مرة الاستقبال..

ريفان رجعت عاينت للدكتور و لقتو بعاين ليها..

م فهمت دي نظرات شنو..

امكن بحاول يقراها؟

يحاول يفهمها؟

عاوز يعرف هي بتقول شنو؟

كانت نظرات بتحاول انها تقرا تعابير وش ريفان..

و كأنها منتظرة تشوف الخوف الهي تدس فيه جووا قلبها ف الارض السابعة عشان م يظهر..

=حتفضلي واقفة؟

ريفان رمشت..

والله والله م قادرة تتكلم..

اعتقد لانو المكتب بارد زيادة زاد عليها خوفها والله..

م بعرف حاجة كدا تلقائيا..

العميد اشر ليها ب يدو ع الكرسي القصاد البت

=اتفضلي..

ريفان اتحركت ع الكرسي و لسانها معاها..

العميد عاين للبتين..

ريفان عاينت ل هبة..

كانت بتتجنب تغاين ل ريفان ف عيونها..

عيونها كانت محمرة شوية و كأنها كانت بتبكي..

حواجبين ريفان اتلاقو..

هي حرفيا لحدي حسي م قادرة تستوعب الحاصل..

يعنب هي كانت بتبكي للعميد و بتقول انو ريفان سرقت شغلها التعبانة فيه؟

م كانت قادرة تستوعب الحاصل اساسا..

لا يعني بالجد؟

هي منو عشان تجي تقول كدا و ليه؟

و فجأة من العدم؟

و اشمعنا مشروع عبارة عن ابواب و ورق بس م اكتر؟؟

ليه فجأة؟

و اشمعنا ريفان؟

ريفان اساسا م بتعرفها و م حصل احتكت معاها ف حياتها..

ليه اختارت تتسلبط ف ريفان؟

وليه اساسا تتسلبط؟

و ب ياتو فهم و حق؟

صوت العميد خلاها لا اراديا تتلفت تعاين ليه

=اها..تحبي تشرحي لينا الحاصل؟

حواجبين ريفان اتلاقو..

نبرة صوتو ملبانة تحدي و استهتار..

و كأنو منتظر بس ريفان تقعد تبكي عشان يفصلها..

معتبر الموضوع لعبة و بحاول يكون جادي ب نظراتو الممكن تقتل دي..

ريفان اتغازت و عاينت ليه..

بللت شفايفها و هي بتعاين ليه ب برود

_انا جيت هنا عشان افهم الحاصل..

العميد عاين ليها..

ريفان ردت ليه ب كل برود و جراءة..

و ف اللحظة القالتها فيها ندمت..

لانو العميد ضحة ضحكة استهتار و عاين ليها

جد حازم دا بأثر ع الحوليه و اهو هي لا اراديا انتهي الوضع بيها تاخد من طباعو..

=طيب انا اوريك الحصل بما انك م عاوزة تتراجلي و تتناقشي..

حواجبين ريفان اتلاقو و هي م قادرة تصدق البقولو..

للتو قال لبها تتراجلي؟؟

=الانسة دي بتقول انك اخدتي مشروعها و سلمتيه قبليها..

ريفان عاينت ل هبة

_و جد دا الحصل ي هبة؟

هبة عاينت ل ريفان و ما ردت..

عاينت للارض طوالي..

ريفان بللت شفايفها و هي بتعاين ل هبة

_انا اول مرة اقعد ف مكان واحد معاك اعتقد غير المحاضرات و اتكلم معاك..لكن تقولي اني سرقت كل مسروعك و قدمتو قبليك؟؟كيف؟

هبة عابنت ليها

-انتي وريني كيف..

ريفان ضحكت ضحكة استهتار

_انا اوريك طيف يعني و انا اساسا م حصل اتكلمت معاك قبل كدا؟انتي بتقولي اني سرقت مشروتك كلللوو؟؟طيب اررح نشوف هو فيه شنو..الابواب مرتبة كيف..

ريفان كانت عاوزة تشوف هبة تفزع او تخاف..

لكن بالعكس..

هبة هزت راسها و مشت معاها تماما..

-طيب ارح..

ريفان استغربت..

بقت م فاهمة..

البت دي منو؟

العميد كان بعاين ليهم و مركز ف نقاشهم شديد..

صراحة حتب هو م عارف يصدق ياتا؟

العميد ختي المشروع قدامو و ريفان و هبة الاتنين عاينو ليه..

=الابواب م مرتبة الترتيب الاساسي..و اعتقد دا كان استعجال من العملتو فيكم بالجد..ف يلا وروني الترتيب كيف..

ريفان و هبة عاينو ل بعض..

=حتقولو لي مرتب كيف مع بعض ب صوت واحد..

ريفان بللت شفايفها..

=يلا واحد اتنين تلاتة..

_-4

العميظ قلب ع صوتهم الاتنين..

و ريفان عاينت ل هبة ب استغراب..

للتو قالت معااها غ نفس اللحظة 4 ؟؟

عرفت كيف بس فهموني عرفت كيف؟

العميد كان براقب ف تعابير وشهم..

ريفان كيف مستغربة و خايفة و هبة هادية..

لمن قلب الصفحة هبة قالت

-2

و ريفان م كانت قالت شيء..

و الاتستغراب زاد زيادة لانها قالت برضو الباب التاني صح..

دا شنو دا الحاص

ل؟

صوت نهرة العميد خلت ريفان تلتفت عليه..

=اخدها منك انك م عرفتيه؟

ريفان هزت راسها ب معني لا طوالي

_لا لا بس اتخلعت اسفة..

=م تكرريها و تسكتي تاني فاهمة؟؟

ريفان هزت راسها و عاينت ل هبة.

الخوف و التوتر بدا يظهر ف وشها و رفان بقت م قادرة تدسهم..

دخلت ف حالة فزع للتو..

و دي اكعب حاجة ممكن تحصل بالزات ف اللحظة دي..

◇◇◇◇◇◇◇◇◇◇◇◇◇◇◇◇◇◇◇◇

حازم دخل معمار و هو بفتش ف حيدر او نشوة..

كان ماشي براحة و هو بعاين..

يمين شمال..

شمال يمين..

شوية كدا و لمح ليك ناس مارقة من باب القاعة بالدفع..

شكلها محاضرة كانت شغالة..

حازم يخاف يكذب..

لكن شكلها دفعت يوسف..

حازم مشي ع الباب براحة..

و اول م لمح ليك حيدر و هو بحك ف عيونو و هو مارق مشي عليه طوالي..

حيدر كان ماشي و فجأة حازم وقف قدامو..

حيدر عاين ليه و حواجبينو اتلاقو..

حرفيا دا اخر زول حيدر اتوقعو يظهر فجاة قدامو..

حيدر عاين ليه..

حازم كان بس بعاين ليه ب برودو دا..

و نظرات البرود و الهدوء دي بتغيظ حيدر دا شديييد شدييييدد..

حيدر عاين ليه و انتظرو يتكلم..

لمن لقاه م عاوز يتكلم كان عاوز يمشي لكن حازم تاني وقف قدامو..

حيدر رفع راسو و هو شبه محروق من الحصل للتو..

-ف حاجة؟

حازم كان بس بعاين ل تعابير وش حيدر..

و كأنو بحاول يفهم فيه..

عاوز يعرف لو هو فاهم الحصل او لا..

حيدر لمن عرفو لفي عيونو و هو بعاين ليه

جا يمشي تاني و حاوم تاني وقف قدامو..

المرة دي حيدر طوالي اتكلم

-ي مان مالك؟

حازم عاين ليه ل كم ثانية قبل م يتكلم

_عملت شنو؟

حيدر اتسغرب

-شنو؟

حازم كان بتكلم معاه بدون وجود ذرة مشاعر ف وشو

_المرة دي عملتها كيف؟

حيدر ضحك ضحكة استهتار..

هو كان فاهم حازم بقول و قصدةدو شنو..

لكن حرفيا هو توو قوود ف انو يعمل رايح و يدس الموضوع جواه..

-انا م فاهم ولا مجبر افهم انت بتقول ف شنو..

حيدر جا يمشي لكن حازم ختي يدو ف كتف حيدر و حيدر وقف..

حازم جي وقف قدامو تاني..

_المرة دي ختيت قدامها شنو؟

حيدر لفي عيونو..

حازم ضحك ضحكة استهتار ب تحت والله ولعت النار جوا حيدر..

_انت ممكن تعمل رايح زي م داير..لكن انا و انت الاتنين عارفين اني قادر اقراك..

حواحبين حيدر اتلاقو شوية..

_و عارفين انك بتدس ف الخوفة الخفيفة ع ريفان جواك..

حيدر ضحك ضحكة استهتار و هو بعاين بالجمبة ردة فعل م قدر يمسكها..

احساس النقاش دا و الحاصل مفروض يوولع النار جوا حازم..

طيب ليه حاصل العكس؟؟

-ريفان دي منو؟

حازم رمش و تني راسو بالجمبة شوية

_البت الانت للتو دخلتها ف مصيبة انت م ماخد عواقبها ب طريقة جادة..

حيدر لفي عيونو

-انت سكران؟

حازم ضحك شوية

_انا انسان م بحب اللف و الدوران..اعتقد عشان كدا قادر اقرا جواك..

حيدر اتغااظ..

شدييد شددييد..

اعتقد الفرق بين حازم و حيدر انو حازم بفكر بقدر يسيطر حرفيا ع تعابير وشو و كل شيء فيه..بما فيه الحرقة..

و حيدر م بقدر يدس ااي شيء..

بقدر يحاول طبعا..

لكن حازم م من النوع البق للحاجات دي..

-اعتقد انت بتتكلم مع الزول الغلط..

حيدر تاني جا يتحرك لكن برضو حازم وقف قدامو..

_انا بتكلم مع الزول الجيت اتكلم معاه من هناك..

حيدر عاين ليه بدون اهتمام..

حازم بلى شفايفو و هو بحاول يفهم

_البت الدخلت دي..انت م بتخليها تمشي بدون ورقة رابحة تمرقها..عملت شنو؟

حيدر لفي عيونو

-لو انت ميت عشان تعرف امشي ع المكتب..

حيدر عاين للساعة..

-اعتقد ممكن تحصل لو اسرعت..

حيدر رفع راسو..

ماشي..

حازم م من النوع البتحايل عليه..

خليه يجاريه ف كلامو طيب..

حواحيين حاوم اتلاقو ع القالو..

-اعتقد هي بس ضحية للحيحصل..لكن انا م عملت شيء..

حازم عاين ليه

-ع معرفتي ل ريفان..حتسلك الطريق دا و تحاول تثبت انو حقها..

حازم عدل راسو اول م فهم..

لا..

حازم اتزكر انو ريفان قالت انهم شالو المشروع ف يدينهم..!!!

حيدر..!!!

م يكون-!!!!

حيدر ضحك ضحكة استهتار و هو بتم ف كلامو

-لكن دي المشكلة..لمن تكون بتعرف زول كويس و بتقدر تتخيل تصرافتو دي بتجعلها نقطة ضعف عندهم و اسباب القوة الوحيدة عندك..

حازم اخد خطوتين ل ورا...

حيدر ضحك

-الوضع الريدي فات عليك حسي عشان توقفو..لكن اموت و اعرف انت حتعمل شنو عشان تصلحو..

حازم عاين ليه و هو مستغرب..

كلامو دا ب وراه حاجة..

و كأنو حيدر ماخد حاجة من حازم..

-انت م من النوع البقعد مكتوف اليدين ف حاجات زي دي ل ناسك..

حازم قبل طوالي و اتحرك بسرعة ع مكتب العميد..

ليه ب طريقة م حازم حسي انو حيدر دا بعمل دا كلو عشان حازم..

و ريفان بس حاجة ف النص؟

حازم اتحرك بسرعة و مرق التلفون..

اتصل ع ريفان كم مرة..

لكن م ردت..

طلع التلفون و اتصل ع يوسف برضو..

برضو م ردا..

اتصل عليه تاني..

و بعد فترة رفع..

-الووو..

حازم دا كان بتكلم معاه ب صوت عالي

_يوسف..اسمعني كويس..

-حواحبين يوسف اتلاقو و استغرب ع صوت صحبو الاول مرة يسمعو بالعلي دا..

_م تخلو ريفان تتكلم عن المشروع..

يوسف استغرب

-ليه؟

_م تخلوها تحاول تتكلم عنو و عن الفيه..اووعا..

-ليه دا مشروعها..اكيد البت م بتعر

فو

_لا ي يوسف..انتو وصلتوهم؟

-لا نحنا معانا دكتور عبدالله و ياداب ماشين عليهم..

حازم طلع نفس طويل..

-الدكتور قال انو ريفان ممكن ب كل بساطة تثبت انو دا حقها لو قامت تتكلم عن الفيه و ترتيبو..

_لا ي يوسف!!..ما تعمل كدا..!!..الموضوع حيتعقد زيادة و حيثبت انو هو م حقها؟؟

-حازم انت بتقول ف شنو؟

_اسمعني هنا..انا اتزكرت حاجة..برجع ليك بعد م اشوف بقدر اسوي شنو..اهم نقطة امششششووو ووقفو ريففااان من انها تتكلم عن المشوووع..فههمت ي يوسسف؟

يوسف هزا راسو..

-تمام..

حازم قفل التلفون..

اتحرك طوالي ع مكتب العميد العام م عميد معمار..

غير مسارو ف اخر لحظة ع الذكرة الجاتو للتو..

طلع تلفونو و طوالي اتصل..

-الووو؟؟

صوتو ف الجهة التانية خلت حازم يطمئن انو فاضي و ممكن يساعدو..

_ابوبكر..

-اممم..

_اسمعني كويس لانو انا محتاج مساعدتك حاليا..

حواجبين اوبكر اتلاقو و جزء منو م مصدق هو بسمع ف شنو..

للتو حازم اتصل عليه؟؟

و كمان طلب مساعدتو؟

_صحبك المشاني ايام التقديم و الكشف الطبي لاني م كنت قاعد ف السودان..لسا متواصل معاه؟

-قصدك الطيب؟؟

_اممم...العميد العام ل كل الكليات..

ابوبكر هزا راسو

-اممم..كيف يااخ..دا صاحب الثانوي..

_انا حاطلب منك طلب حسي..

-ليه ف شنو؟حصلت مشكلة؟

حازم وقف قدام المكتب و اخد نفس و فتح الباب يدخل

_اممم..مشكلة انت و هو بس بتقدرو تحلوها لي..

ابوبكر استغرب و جزء منو خاف..

حازم م من النوع البقع ف مشاكل و لا بطلب مساعدة و لو ف جزع عاوز يتكسر و حيقع بيه من مكان مرتفع..

ف شنو؟؟

◇◇◇◇◇◇◇◇◇◇◇◇◇◇◇◇◇◇◇◇

=اها؟

-_7

ريفان كانت مستغربة جد و خايفة..

البت دي حافظة مشروعها حفظظ..

=اها..

-_5

=اها..

العميد كان بعاين للجدول البرا الفيه ارقام الابواب المامرتبة و بفتح يتأكد لو هو نفس الباب..

-_1

=اها..

جد جد دا رعب..

دا شنو دا الحاصل؟؟

يعني صراحة يكون ف زول قادر يسمع معاك المشروع العملتو الساعة 3 صباحا حاجة كدا مرعبة اكتر من افلام الرعب البتقعدو تحضروها دي..

-_9

=اها..

-11

ريفان رفعت حواجبينها..

للتو قالت حاجة غلط هبة..

هه..

عكست الابواب الاخيرة و القبل الاخير..

العميد رفع راسو ع الاختلاف ف الارقام..

عاين للجدول برا..

و عاين للترتيب الجوا..

حواجبينو اتلاقو..

الجدول برا بقول 3 ع كلام ريفان..

و الجدول الجوا بقول 11 ع كلام هبة..

رفع راسو عاين ل ريفان..

=كلامك غلط..

ريفان دي اعتقد حست انو قلبها وقع من برج الخليفة للتو..

_اا؟

الصوت دا مرق كيف منها زاتو م عارفة..

=هبة كلامها صح..انتي غلطتي..

هبة ابتسمت ابتسامة صخرية ب تحت..

و كأنو انتصرت للتو..

و ريفان دي خلاص..

اعتقد نست بتنفسو كيف زاتو..

العميد عاين ل ريفان طوالي

=سوو..حتشرحي دا كيف؟

ريفان دي اساسا بقت بس بتحاول انها تتنفس..

م بتحاول تتناقش معاه زاتو..

العميد كان بعاين ليها نظرة شماتة..

و كأنو منتظر اللحظة دي من قبيل..

=اعتقد حزروكم من البداية الجامعة بحصل شنو لو واحد قرر يسرق حاجة م حقتو..

ريفان دي الدمعة اتكومت ف عينها خلاص..

و حلفت م تنزل..

و رجعت و خنقتها زيادة..

الم قبيح ب شكل..

=اولا حتكتب ف شهادتك..تانيا..ي حيفصلوك اسبوعين او يعيدوك السنة..

العميد ضحك ضحكة استهتار زادت ع ريفان المها

=لكن اعتقد الاتنين حاجة واحدة مع الامتحانات الجاية دي صح؟

هه..

دا قايل نفسو دكتور؟

قايل نفسو واعي كفاية للمكانة دي و هو مسوي عقلو مع عقل العمرها 18 سنة دي؟؟

يخجل من نفسو والله يخجل..

=ف اعتقد القرار واحد لكن بفرق ف الشهادة..

العميد قام ع حيلو و جا وقف قدامها

=تكتب اعادة سنة او رسوب ل نصف المواد..تفضلي ياتا ف شهادتك؟؟

ريفان كانت بس بتعاين ليه

=انا حاديك حرية الاختيار..

ريفان كان لسانها مجمد..

تقيل ب طريقة م طبيعية..

م قادرة تحركو زاتو..

العميد وقف مسافة و هو منتظرها تتكلم او تقول شيء..

لكن بما انها م ردا بعد مسافة..مشى رجع قعد ف كرسيه..

=طيب..كدا ووب و كدا وبين بالنسة ليك..بختار ليك انا..

ريفان عاينت ليه..

م تقولها..

م تتزفت و تقولها..

العميد قلب ف الورق..

شكلو ب فتش ف اسمها ف المشروع..

=ريفان محم-

الباب فجأة اتقتح و العنيد رفع راسو عاين ليه..

كان ولد بتنفس ب صوت عالي و كأنو كان بجري..

العميد عاين ليه و طوالي كرفس وشو

=دا شنو دا ي ولد؟

ريفانو هبة اتلفتو و لقو ليك حازم واقف..

عيون ريفان ديل بقو قدر الكورة..

حازم اخد فترة يتنفس

=امرق ي ولد انت عارف روحك وين؟

حازم عاين ليه و ردا ليه بين كلماتو

_ف مكتب عميد معمار صح؟

العميد عاين ليه..

نظراتو و التحدي الكان ف صوتو ولع النار جوا العميد..

حازم ابتسم ليه ب سخرية

_غلطان؟

العميد كان بس بعاين ليه..

حازم اشر ع ريفان

_لكن بما انها هنا..م اعتقد اني غلطان..

العميد عاين ل ريفان

=انت تبع البت دي؟

حازم ضحك

_انا تبع العميد العام..

حواجبين العميد اتلاقو..

شوية كدا و العميد العام دكتور الطيب جا داخل ب ورا حازم..

العميد طوالي وقف ع حيلو..

=دكتور الطيب..

الطيب:ايواا..

العميد:ايه الزيارة المفاج

ئة دي..

هه..

جد الناس مليانة نفاق..

دكتور الطيب:انت الوريني..

دكتور الطيب مشي قعد جمب ريفان و حازم بس واقف بعاين ليهم و متكل ع الباب و هو مركز معاهم..

دكتور الطيب:قالو انك عاوز تفصل بت لانو جات واحدة قالت انو دا مشروعها..

العميد بلل شفايفو

العميد:موش دا المفروض يحصل ع حسب القوانين

دكتور الطيب:اتاكدت كيف؟امكن الجاتك دي بتتسلبط..

العميد مشي اداه المشروع

العميد:خليتهم يسمعو لي الابواب لانها م مرتبة..مشو تمام التمام لحدي م حصلت ل دا..دي قالت 3 و دي قالت 11..

الدكتور كان بعاين للمشروع..

طوالي فتح الفهرس البرا..

دكتور الطيب:هنا بتقول 11..

العميد طوالي قلبو:و جوا بتقول 3..

دكتور الطيب رفع راسو:طيب و انت كدا كيف اتأكدت انو دي كلامها صح؟

العميد سكت و عاين ليه

دكتور الطيب:ممكن تكون الجات اتسلبطتت دي هي البدلت الابواب ف اخر لحظة..

العميد و ريفان الاتنين عاينو ل هبة..

و هبة دي ع جملة العميد العام خلاص اللون نزل من وشها..

اساسا خافت اول م جا و خوفها زاد زيادة..

العميد عاين ل ريفان

ريفان رجعت عاينت للمشروع

دكتور عبدالله:انأ متأكد انو البت دي م بتعمل حاجة زي دي..

العميد:طيب نحنا م بنقدر نمشي ب حاجة زي دي..

دكتور الطيب:بنمشي..لانو انا حكو لي حاجة بتثبت انو هي م عملتها

العميد:واللهي؟

دكتور الطيب:حاجة م مجبور اوريك ليها..

العميد بلل سفايفو..

دكتور الطيب:انت م عندك احقية انك تفصل طالبة بدون م تأخذ اذني صح ولا انا غلطان؟

العميد هزا راسو

دكتور الطيب:طيب انت ل-

شوية كدا و صوت ناس يوسف ظهر..

كلهم عاينو وراهم..

كان ف دكتور عبدالله و معاه مجموعة من الشباب..

دكتور عبدالله دخل..

و الجماعة ديك وقفو ورا حازم

يوسف:ف شنو؟

حازم هزا ليه راسو ب فهم انو حيفهمو بعدين..

دكتور الطيب عاين للشلة الواقفة برا:لو انت م حازم و دكتور عبدالله بالله امرقو برا..

ناس يوسف و لينا و نون و وابل عاينو ل بعض و عاينو ل حازم..

حازم هزا ليهم راسو..

و طوالي رجعو و مرقو برا..

حازم قفل الباب و اتكل عليه..

كان لسا بحاول يجمع ف نفسو من الجري الكان بجري فيه قبل شوية..

دكتور الطيب عاين ل دكتور عبدالله:انت المسؤول عن المشروع دا؟

دكتور عبدالله هزا راسو:و انا ممكن اكد ليكم انو البت دي م سرقت شيء بالمصحف..

العميد و العميد العام الاتنين حاوبينهم اتلاقو و استغربو..

دكتور الطيب:كيف؟

دكتور عبدالله اشر ع المشروع:لمن جات سلمتو لي امبارح..قريتو..هي اسلوبها واضح من السنة الفتت..احد الناس البلفتو انتباهي و بنتظر شغلهم رغم انو بكون م مرتب شوي..لكن بنتظروا لانو فيه لمستها و ابداع..

دكتور الطيب عاين ليه:ممكن تاكد لينا انو دا شغلها؟

دكتور عبدالله هزا راسو:بالمصحف لو عايز..

دكتور الطيب طوالي استعدل ف قعدتو:ريفان و حازم..امرقو يلا..

ريفان عاينت ليه ب خوف..

و حازم زقف عديل..

دكتور الطيب عاين ل ريفان:ابوبكر م حصل طلب مني طلب ولا حصل شوفتو واثق من زول زيك كدا..ف انا مصدقك م تخافي..و م حيحصل ليك شيء..درجتك ف مشروعك حتجيك و م حيحصل شيء تاني..

ريفان ياداب قدرت تطلع نفس من جواها كدا..

دكتور الطيب:اسف ع المشاكل الدخلتي جواها بدون م يكون عندك دخل اساسا..

ريفان عاينت ليه..

هو للتو قال ابوبكر؟

دكتور الطيب:ممكن تمشي و م تخافي مافي شيء حيحصل..الفضل كلو لانو حازم لحقك..امشو حسي و انا بحاول احل الموضوع و بوريكم بعدين..

العميد عاين ليها..

و كأنو نظرات غيرة و كراهية..

امكن لانها للتو مرقت ب واسطة من ابوبكر و حازم؟

هبة برضها نظراتها كانت مليانة دا كلو مع خليط من الخوف و التوتر..

دكتور الطيب:ممكن تتفضلو برا يلا..

ريفان وقفت و عاينت ل حازم الفتح ليها الباب عشان تمرق قدامو..

للتو بعد م الخنقة خفت..

رجعت اسوء ع نظرات العميد و هبة..

و كأنهم نفسهم يخنقوها لانها مرقت ب واسطة..

لكن من حقها دي الحقيقة..

الا الزول يجيه زول من فوق يساعدو عشان يمرق؟؟

ريفان و حازم مرقو..

حازم عاين حوليه..

شكلو ديك م حاولو يقيفو و رجعو الكلية طوالي..

ريفان مرقت و واصلت طوالي م عاينت ل حازم اصلو..

حازم عاين ليها..

ليه حاسي انو الموضوع م انتهي هو؟؟

مشي ب وراها و بحاول يلحقها..

_ريفان..

ريفان وقفت ف مكانها..

و اخدت ثانيتين عشان تقبل و تتكلم معاه

-دا شنو دا الحصل للتو؟

حازم م فهمها..

صوتها كان مليان شكل..

-دا منو دا الجا معاك و مرقني كدا؟

_دا العنيد العام..

حواجبين ريفان اتلاقو

-وانت بتعرفو من وين؟

_قرا مع ابوبكر الثانوي و صحبو شديد..

ريفان لفت عيونها ب ضحكة استهتار و هي مغيوظة..

حازم حواجبينو اتلاقو ع ردة فعلها

-عشان كدا قال ابوبكر..

_ف شنو؟

-انت للتو مرقتني ب واسطة؟

_اها سو وات؟

ريفان اتغاظت من ردو البادر دا و خلاها ولع نار

-كيف يعني سو وات؟؟يعني م صاح..!!

حازم ضحك ضحكة استهتار ولعت النيران جواها سبعييين الف مرة زيادة

_و الكان حيحصل ليك لو م ادخلت م صاح..!!كلو زاحد ف النهاية..

-م كلو وااحدد!!

حازم عاين ليها و تني راسو..

صراحة م قادر يفهم هي مغيوظة ليه.

و دي اول مرة ف حياتو م يفهم فيها ريفان..

حرفياااا..

نظرات البرود دي رجعت تغيظها تاني..

-حتعمل لي مشكلة العملتو للتو..

حازم تني راسو بالجمبة و ب كل هدوء قال ليها

_مشكلة اكبر من فصلك؟

ريفان عاينت ليه

-حتزيد الشائعات و كلام الناس..يقعدو يقولو اني مرقت لانك اتدخلت و ساعدتني؟

حازم حواجبينو اتلاقو

_دا موش الحصل؟

ريفان عاينت ليه..

موبالغة..

الولد دا موبالغة..

ختت يدينها ف راسها الاتنين..

لايك التعامل و النقاش معاه مرات مستحيل ك

ل!!!!!

-و يعدو يقولو انو انا بالجد سرقتو و انت مرقتني بسبب علاقتنا؟

حازم عاين ليها..

_و ما يقولو..طبيعي بقولو ف كلام غلط..

ريفان خلاص انفجرت

-ليه يقولو؟؟ليه يقولو كلام كعب عني و يزيدو الشائعات ع المنتشرة..من شلابة كمان ابقي حرامية بترسق مشارع الناس التانين و انسانة حقيرة و مستغلة لانها استغلت حبيبها يمرقها من الحاجة دي؟؟؟..

ريفان عاينت ليه..

كلامها دا م اثر فيه و لا ب ااي طريقة..

تعابير وشو ظلت زي م هي..

و الحاجة دي زعلتها اكتر..

انو م لقت ردة فعل منو ع الكلام الحيطلع فيها..

ردا ليها ب كل هدوء

_مافي كلمة من الجملة ابقلتيها دي صاح..

-و الناس م بعرفو الحاجة دي و حيظلو يقولو كدا..

_و نحنا مالنا و مال كلام الناس؟الناس طبيعي بتكلمو وبقولو ف حاجات غلط؟لو عارفين الصاح حيقولو الغلط عسان يجذبو الانتباه ل فترة..انت مالك و مال كلام الناس..

ريفان عضت ع شفتيها الاتنين..

كلامو صاح..

و هي بتكره الحاجة دي..

لمن يرد ليها ب كل برود و بعد انفعال منها يقول الصاح بالجد ب كل هدوء..

بكره لمن الحاجة دي تحصل اكتر من ااي شيء..

اكتر مما بتقدرو تتخيلو..

انو هي م بتقدر تقرا تعابير وشو..

تعرف كيف اذا الشيء دا اقر عليه او لا..

لا اصلح نفسي..

لا وجود ل تعابير اساسا..

تفهمو كيف اذا وشو دا مليان هدوء و برود قاتل كدا؟؟

ريفان لفت عيونو منها بعد كم ثانية لانو م كان عندها رد..

عاينت ل ااي شيء غير حازم ل فترة و هو بس كان بعاين ليها..

شوية كدا و كوالي م قالت شيء و اتحركت ع الكلية..

حازم كان عارف و متأكد و شايف الحاصل ليها..

لكن كان محتاج يقول ليها النقطة المهمة دي..

انو كلام الناس م بنفع..

حازم مشي ب وراها كوالي ع الكلية..

◇◇◇◇◇◇◇◇◇◇◇◇◇◇◇◇◇◇◇◇

ريفان دخلت معمار و حازم عاين ليها

_انا عندي محاضرة..لازم امشي..

ريفان عاينت ليه و بس هزت راسها..

حازم ابتسم ليها احد ابتسامتو ديك و طوالي اتحرك و هي مشت دخلت الكلية..

حازم اتحرك ف طريقو و هو بتزكر الحصل اول م دخل مكتب العميد العام..

العميد عاين ليه ب استغراب

=ممكن اساعدك؟

حازم طلع نفس طويل و هو ماسك التلفون ف يدو

=انت دخلت هنا كيف فجأة؟

حازم ابتسم ليه

_عندي طرقي..

العميد عاين ليه

=دي حركات جديدة منكم ي طلبة ولا شنو؟

حازم عاين ليه

_انت م متزكرني اكيد

=مفروض اتزكرك..

حازم رفع التلفون ل اضانو

_هدا دخلت حافتح التففون ف اسبيكر..

العميد كان مستغرب من جرأة الولد دا اكتر حاجة..

و ف نفس الوقت عاوز يعرف هو حيصل ل شنو..

لمن جا وقف قدامو و ختي التلفون قدامو..

العميد عاين للتلفون شوية كدا و يسمع ليك صوت صاحب قديم

-وين ي سوسيوة..

العميد ابتسم اول م سمع صوتو لانو عارفو دا منو..

=سوسيوة ف عينك..انا قربت افوتك ي حيوان..

ابوبكر ضحك من الطرف التاني

-دا بعد م طولت و دخلت الجامعة ب فترة..

=المهم حسي م الزمان..

الاتنين قعدو يضحكو

شوية كدا و العميد اتكلم

=ف شنو ي ابوبكر..

ابوبكر ضحك

=عاوز تفسر و توريني ولد عمتك ليه جاني كدا فجأة..

العميد قال الجملة دي و هو بعاين ل حازم..

هه..

اعتقد اتزكر هو منو ع صوت ابوبكر..

-صراحة حتي انا م فاهم..واحدة بنعرفها من كلية معمار اتهموها ب سرقة مشروع و هي م سرقتو حسي قررو يفصلوها

حواجبين العميد اتلاقو

=م ممكن يطلعو قرار زي دا بدون م اعرف..

-ع حسب كلام حازم شكلهم حيطلعوه بعد شوية..

العميد عاين ل حازم

=هي سرقتو؟

_نهائي..

ابوبكر طوالي اتكلم

-انا عارف انو انا ف الجزء التاني من الكرة الارضية..لكن ممكن احلف ليك بالمصحف حسي دي انو هي م حصل فكرت تعمل كدا زاتو..خلي تنفذ..

=اممم..

-لكن اعتقد من كلام حازم انت لازم تمشي تشوف..

=م بقدر اتأكد من كلامك بس انت عارف ي ابوبكر..

ابوبكر ضحك

-عارف..انا م عاوزك تمشي ب كلامي..انا بس عاوزك تسمي تشوف النوضوع عشان م يحصل بدون عدل و البت حياتها تضيع..

العميد عاين ل حازم

_ف دكتور من الجامعة ممكن يأكد ليك الكلام..

=خليها توري المشروع فبه شنو و بتثبت براءتها

حازم بلل شفايفو

_قبل م تسلمو ف زول شالو و شافو و بدل فيه ابواب عشان تدقس بعدين..

العميد عاين ليه

=الموصوع مخطط ليه؟

حازم هزا راسو

=من منو؟

_م بقدر اقول..دا كل البقدر اقولو حسي..

العميد ابتسم..

=و البضمن انك م تبعهم شنو؟

حازم تني راسو بالجمبة..

_ااني جيت اطلب منك معروف انك تنقذها..

العميد هزا راسو..

-عليك الله ي الطيب..البت از توو بيور عشان يحصل ليها دا..م بتستاهل..

العميد اخد ل

يه كم ثانية و وقف

=ارح طيب..

حازم ابتسم و طوالي اتحرك قدامو..

صوت نشوة وراه خلتو يلتفت عليها..

نشوة جات وقفت قدامو طوالي..

-حازم..

حاز معاين ليها و ابتسم

_اممم..

كان ظاهر ف وشها الفزع..

-انت مالك عامل كدا؟م سمعت بالحصل؟؟

حازم عاين لبها

-ريفان قالو سرقترمشىوع بت معاهم؟

حازم ضحك ليها

نشوة طوالي شااكلتو

-انت بتضحك ماالك؟؟اررح نلحقها..

حازم عاين ليها..

_الموضوع كلو اتحلي..

نشوة نططت عيونها

-جد؟؟

حازم هزا راسو..

-اخخ..الحمدلله..

حازم عاين ليها..

البت دي مسكينة..

حيدر دا حيغطس حجرها..

_نشوة..

نشوة عاينت ليه

_م تفهمي كلامي الحاقولو ليك دا غلط..

نشوة اركزت معاه

_وانا م قصدي اني ادخلك ف شيء او اتهمك..

حواجبين نشوة اتلاقو..

_امبارح لمن شلتو تشوفو انتي و حيدر المشروع..حيدر شالو يهبشو بدون م انتو تنتبهو؟

نشوة عابنت ليه و فكرت..

-اممم..اعتقد..لانو انا م قدرت اشوفو زاتو..كنت بتناقش مع ريفةن عن فهم المشروع المفروض اعملو انا و هو قال عاوز يقراه..

حازم هزا راسو..

دا الكان مفقود ف النص..

كان متأكد..

حيدر لمن شالو غير الابواب الاخيرة عشان ريفان تدقس لانو عارف انو ااي زول طبيعي طوالي حيقرر يسمع مشروعو..

دا الكان متأكد منو..

دا الكان قصدو بيه حيدر لمن اتكلم..

طيب..

الشيء الوحيد الماقادر يفهمو..

البت دي..

جات من وين و ورطها كيف..

و هي منو اساسا..

-عاين انا خلاص ب كدا بقدر ارجع البيت..

حازم عاين ليها..

-عندي كم حاجة لازم اقضيها ف الكلية و مارقة..

حازم هزا ليها راسو..

_عندي محاضرة..

عاين للساعة..

_باقي فيها ساعة تقريبا لو بقدر احصلها بتمها و بجي لاحقكم ف الكلبة..

نشوة صحكت و اتحركت ع الكلية و حازم اتحرك ع كليتو..

◇◇◇◇◇◇◇◇◇◇◇◇◇◇◇◇◇◇◇◇

ريفان كانت حكت للجماعة الحصل و بقت بس راقدة..

لسا الخوفة الجواها و الصدمة و كلو م زال نهائي..

بالتدريج..

كانت بتحاول تتنفس..

و الكلية هايجة..

تحسي بيها الريدي بتتناقش ف موضوعها..

لينا و وابل و نون قاعدين حوليها..

وابل بتحكي كيف لبعميد خوفها لمن قال ليها جملتو ديك و هي طوالي مرقت..

ريفان كانت بتصحك ع حكاويها..

لانو بالجد طريقة كلامها بتضحك..

الكلام دا مرا عليه تقريبا ساعة و حاجة حسي..

يوسف كان دخل يسوي ليه كم حاجة..

ريفان رفعت راسها و بقت بتتونس مع الجامعة ديل..

شوية كدا و تلمح ليك الاسمها هبة واقفة قدامها..

والله قلبها اتقطع..

سكتت و كأنو ف شيء مسك لسانها..

هبة عاينت ل ريقان و ريفان عاينت ليها..

شوية كدا و هبة رفعت ليك يدها..

و ب جك كبير ماسكاه تقول جابتو من الكافتيريا ب حجمو دا..

م تعرفو مليان شنو زاتو..

شوووووو!!

اتكبي ليك ف ريفان..

و ريفان ف ثواني بقت مليانة قهوة حارة من فوق ل تحت..

ريفةن دي من السخانة صررخت و نطت..

و ديك بس مخلوعات..

شوية كدا و الكلية كلها بقت مركزة من صرخة ريفان..

ريفان بقت بتقش ف وشها..

القهوة م حارة شديد ل درجة انها تعمل علامات..

لكن كانت دافية و حارة ل درجة انها تحمر جمسها..

ريفان اتنفضت و عاينت لبها

_انتي مجنونة؟؟

هبة رمت الجك ف الارض..

و ديك اتنفصو من وقفتهم و بقو بس بعاينو ليهم

-راضية بالحصل؟؟

ريفان عاينت ليها

-فصلوني..فصلوني للسنة الجاية و انا حاعيد السنة!!..رايضة كدا لعد الحصل و العملتيه؟

ريفان ضحكت ضحكة استهتار..

خلاص الموضوع فاص بيها

_انا عملت شنو وريني؟؟غبير انا سااهرت و م نمت و طلعت عيني ف المشروع و انتي جيتي قلتي انا سرقتو منك؟؟؟انتي حيوانة ولا شنو؟؟

هبة ضحكت صحكة استهتار..

و الدموع ف عيونها

-و خليتي حبيبك يجي يمرقك من الموضوع..

ريفان هزت راسها ب معني لا..

_م عندو دخل..دا ربنا ساعدتني لانك انسانة كذابة و بتبلي ع الناس..و انا و انتي الاتنين عارفين العميد العام م بعمل شيء سااي..الكذب حبلو قصير..يااخ اخجلي و خافي ربك..

هبة دي الدموع ف عيونها

_الكنتي حتعمليه ف الناس بس حصل ليك م اكتر..

هبة دي بقت بتبكي م قادرة..

_و اسألي ااي زول ف الكلية دي و بعرفني..لو قلتي ليه فارغ اني سرقت حيضحك ف وشك..

هبة عاينت ليها

_ياااخ دكتور عبدالله..عبدالله الما بعترف ب شغل زول جا المكتب و يدافع عني..

الكيلة دي كلها كانت بس بتعاين ليهم..

حرفيا الناس كلهم مركزين معاهم..

_الكذب م حيوديك ااي مكان..و انتي براك حفرتي قبرك..حاولتي توقعيني لكن ربنا مرقني..

هبة دي قعدت ف الارض وقعدت تتحسر..

ع العملتو و ع الحيحصل ليها..

ريفان دي كانت برضها بتبكي و الدموع نزلت شوية..

فكرة انو البت دي لا اراديا و باللفة بتبكي ب سبب ريفان كان كاسرها و مزعلها جدا..

ريفان اخدت مسافة و سكتت و عاينت ليها..

_ليه؟؟

البت عابنت ليها

_ليه ي هبة؟؟

هبة كانت بس بتبكي

_مهما فكرت ف الموضوع..انا م حصل اتكلمت معاك زاتو خلي اغلط معاك ف حاجة عشان تجي تتسدي حقك فيني..ليه بس وريني ليييييههه؟؟؟

هبة صوت بكائها زاد زيادة

_ليه وريني ليه انا يالزات؟؟عملت شنو؟؟

هبة قامت تصرخ

-لانك بتضحكي دايما!!!..

ريفان سكتت و بقت بتعاين ليها

-لانو دايما

دراجتك حلوةة..دايما مشاريعك بتكون احد اعلي واحدات ف الدفعة...صحباتك بحبوك و بدافعو عنك قدام الناس..م بتتعبي و كل شيء سااهل..حتي حبيبك!!!حبيبك اخدتيه ب كل سهولة..!!!كل شيء ف حياتك سااهل..ليه ليه ليه؟؟..و حياتي انا؟؟؟..انا ليه م يكون عندي ولا ربع سعادتك و م اضحك ولا 1% من ضحكاتك دي؟..ليييه عندك كل شيء ب سهوولة؟؟؟دا م عادل..لييه لييه لييههه!؟!؟..

شنو؟؟

ريفان ضحكت ضحكة استهتار و هي بتعاين للسما شوية..

هي م جادة ف البتقول فيه..

-ليه كل شيء بسيط بالنسبة ليك و ساهل؟؟..ليه تاخدي كل شيء ف الدينا دي و انا م يكون عندي ولا شيء؟؟ليه عندك كل شيء و انا م عندي ولا شيء؟؟حتي ابسط الحاجات زي الضحكات دي م اقدر اضحكها ب كل ارتياح زيك؟؟؟اااااا؟؟؟لييه تقدري تسافري برا ب كل راحة و م يكون عندك هم؟؟ليه م تكوني مهمومة زينا و مبسوطة دايما؟؟؟انتي احسسن ف شنو؟؟

البت كانت بتصرخ و الكلية دي كلها بتعاين ليها..

ريفان ضحكت ع كلامها بعد م انتهت..

ضحكت و الدموع دي نزلت من عيونها..

فكرة انو هي قايلة حياتها ساهلة ل كل بساطة..

و انها م بتعاني..

و انو كل شيء بضحك و بسيط بالنسبة ليها غازت ريفان م اكتر..

ولعت النار ب جواها؟

هه هي قايلة نفسها منو عشان تقول كدا؟؟

ريفان قشت دموعها و عاينت ليها..

ريفان ضحكت ضحكة لستهتار..

_من كترة م الموضوع تافه انا زاتي م قادرة استوعبوو..

ريفان اشرت ع هبة و الدموع دي ع حافة عيونها

_انتي للتو قربتي تخربي حياتي و و بتحقدي علي كدا بسبب 4 ولا 5 ضحكات انتي بتشوفيني بضحكها ف اليوم؟؟؟قربتي تخربي كل شيء انا بقرب اقتل نفسي عشانو لانو انتي حضرة سيادة قايلاني عايشة ك اميرة؟؟عاوزة تقتلي مستقبلي الانا بدفع فيه انفاسي عشانو لانو انتي ب كل بساطة نفسك ف حاجة م موجودة اساسا؟؟..

ريفان ختت يدينها ف وشها و اخدت كم ثانية تجمع فيها شتات نفسها الاتكسرو للتو ع الكذب و الفارغ السمعتو دا..

_اسمعيني هنا ي حيوانة..

هبة دي رفعت راسها و عاينت ليها

_انتي ب ياتو حق تحكمي ع حياتي ب الكم ساعة البتشوفيني بيها دي؟؟انتي ي ياتو حق تحقدي ع حياتي و انتي ربع الفيها م بتعريف؟؟؟ب ياتو حق تتكلمي و كأنو حياتي اسهل شيء ف الكون رغم انو لو ختوك مكاني كان انتحرتي زماان!!..

هبة صحكت صحكة استهتار..

و ريفان لفت عيونها

_مافي زول حياتو ساهلة..و م تحلي المظاهر تخدعك..م تخلي ابتسامة زول تفنعك انو هو مبسوطة للآخر او صوت ضحكاتو تفهمك انو حياتو حلوة..لا انتي كدا حيوانة و متخلفة لمن تفكري كدا..

ريفان قشت وشها و ضحكت ضحكة استهتار..

_بالنسبة لي انا...انا؟؟..صحباتي ديل؟؟..م حصلت عليهم بالساهل؟؟دي سنيين عشرة بعد شكل و ضرب كمان و دموع حتي نحنا بقينا كدا..

هبة عاينت ليهم و رجعت عاينت ل ريفان تاني..

_و بالنسبة ل درجاتي؟؟

ريفان صحكت ضحكة استهتار اعلي ب كتييييرر من الفاتت

_هه..حصلت عليهم بالساهل؟؟

الدموع دي اتكونت ف عيونها ع الفكرة بس..

_انا م بنوم اياام..و من م دخلت معمار دي دخل فيني اضتراب بتاع عندم نوم و خوف من اني افشل و اسقط ف م بنوم نهائي و بس بكون مع مشروعي دا كل يوم كل ليلة..ممكن اصبحها 4 ايام ورا بعض و م اوقف..و تقولي شنو؟؟بالساهل؟بدون تعب؟؟انا بقيت م بقدر اخت راسي ف مخدة اكتر من 50 دقيقة بسببهم..و بعد دا احتمال انجح او لا..دا رعب تاني خالص..

ريفان بللت شفايفها و رفعت راسها..

هي ب ياتو حق تستهين ب حياتها كدا؟؟

عاينها ل الكلية كلها بتعاين ليها..

لكن انتبهت بس ل حازم الكان واقف بعاين ليها قدام ب تعابيرو الباردة دي..

كان بعاين ليها و هي عاينت ليه و كانت لا تزال بتعاين ليه و هي بتقول ف الجملة دي

_بالنسبة ل حاجاتي التانية..م جاتني بالساهل برضو..انا لحدي حسي بعاني معاها و روحي بتطلع..

رجعت عاينت ل هبة ف وشها

_الحاجة دي م جات بالساهل..هه..و فهم اني اسافر؟؟سو وات؟؟..سافرت؟؟معناتا لازم ابقي اسعد انسانة ف الدنيا لاني ركبت لي طيارة و رجعت ل مكان يعتبر بيتي؟؟اكون خلاص اسعد انسانة و انتي م عارفة شيء؟؟

هبة كانت بس بعاين ليها..

و الدموع دي بتنزل براحة من وش ريفان و ريفان بتوقف فترة و تاني تتكلم..

_انتي انسانة جاحدة م اكتر..بتعاني للماعندك و دي اسوء و اوسخ صفة ف الانسان..انا؟؟هه..ممكن اقعد اكتب ليك مشاكلي كلها من الاول للنهاية و ل بعد بكرة عشان احاول افهمك انو انتي واحدة حيوانة و غلطانة م اكتر..لكن م بتستاهلي..

هبة عاينت ليها

_خليه درس ليك و ل حياتك..فكرة انك م بتفرقي بين الصحكات المزيفة و الحقيقة..انك بس بتركزي ع جوانب م فاهماها زي الناس..و بتحقدي الزول..دا كلو م حاقدر اصلو ليك بالكلام لو م بديتي تصلحي نفسك اولا..

هبة اتكلمت ب صوت واطي و مليان اختناق و انكسار..

-انا بس كان نفسي اجرب حاجة حقتك..و اخليك تجربي شوية الم..

ريفان ضحكة صحكة بتاعة حرقة..

_ب ياتو حق؟؟اااا؟؟؟بي ياتو حق انتي تقرري الحااجات دي؟؟اني اتألم او لا؟؟دا كلو برجع ل ربنا..انتي م عندك ولا ذرة حق انك تحاول تخليني اتألم؟؟انتي قايلة روحك منو عشان

تقرري حاجة زي دي؟؟و ربنا بجبر زي م كسر كل مرة..و شكلك غافلة من الحاجة دي..انو ربنا موجود..مافي زول حياتو ساهلة..مافي زول يومو كلو ضحكات..مافي زول بعدي كل ثانية من حياتو بدون م يحس ب ذرة الم فيهم كلهم..مافي زول ببتسم كل مرة و بضحك كل مرة من قلبو..مافي زول بقدر يجيب حاجة زي الناس لو م تعب.. مافي شيء بتجيك و انت قاعد ف مكانك لو انت م مشيت عليها و حاربت و تعبت عشانها..و مافي شيء بتجيك لو اتسلبطتت ف حاجات الناس بي كدا..

-كل الكنت عاوزاه اجرب اكون ريفان ل يوم واحد..

_هه..حتندمي لانك م عارفة شيء..م عندك حق تركزي و تحقدي زول ع حياتو و انتي لسا بتتنفسي..الفيك مكفيك م تزيديه الم..

هبة عاينت ليها

_اذية الناس اصلو م بتمشي..الزول بساعد الناس لانو بكون حاسي انو فيهم الم..بحاول يسند البضحك دايما لانو بكون عارف انهم اكتر من يعانون..الزول بساعد و بجرح بحاول م بتسلبط سااي..

-انا بس كان عاوزة اظهر مرة..

ريفان ضحكت..

_و حسي راضية بالحصل دا؟؟اا؟؟عاجبك؟؟

ريفان رفعت يدينها و هي بتأشر ع كل زول حوليها..

_ترضي و انتي بتحاولي تكوني ريفان ل يوم واحد تعملي كدا ف هبة؟؟حسي الناس حيتزكروك ك هبة الكذابة؟؟هبة الجاحدة؟؟هبة المامكتفيه؟؟..راضية تخربي حياتك للابد مقابل انك تحاولي تزعلي او تكسري زول انتي مفتكرة انو عمرو م اتكسر و هو م اخد شيء ف حياتو غير الانكسار و بس هو بعرف كويس كيف يدسها؟؟

هبة عاينت ليها..

_دا البحصل لمن تعاين للما عندك..

ريفان اتلفتت و شالت شنطتها..

_الدنيا الريدي مليانة كراهية و حقد..م تزيدوها ساي..ااي شيء بتقولوه او تعملوه ممكن يأثر ع الانسان..انت م بتعرف الانسان القدامك بعاني من شنو او ياتو انكسارات هو بمر بيه..فكري مرتين قبل م تعملي حاجة لانو انتي م بتعرفي ممكن تأثر علي الزول و عليك كيف..

كانت عاوزة تمشي

_هه..انا الفيني مكفيني و م ناقصاني مشاكل تانية..و انتي حرة تعملي العاوزاه..و انا حرة اعمل العاوزاه..لكن تبقي حيوانة تاني و فكري فيني بالطريقة دي..لانك غايظاني شديد و انتي بتبني ف حاجة م ليها وجود و بسببها حياتي قربت تنهار و اساسا اتأثرت ب طريقة تاني م ممكن ترجع ليها و انتي حياتك الريدي ادمرت..

هبة كانت بس بتعاين ليها..

ريفان قشت وسها و صلحت طرحتها

_ربنا يوعيك و يسهلها عليك بعد الحصل دا..و اتمني كلامي يكون خلاك تنضجي شوية و تشوفي الحياة ع حقيقتها..لانو ممكن اسكت ع ااي شيء الا زول جا ينكر كل المي و تعبي و مجهودي و كل انكسار و دمعة فيني لانو ب كل بساطة بشوفني بصحك..

ريفان عاينت ل ناس وابل و اتكلمت معهم ب صوت واطي

_انا عاوزة ارجع براي..

و طوالي اتحركت مشت مرقت من الكلية و م قبلت وراها تشوف الحاصل اساسا..

الفصل السابق الفصل التالي