الجزء 35

"بتمني من كل قلبي انو سنة 2020 تكون سنة احلي ب كتيير ليكم💙🌸..!!"

نشوووةة طاااخ قفلت الباب و تسمعو صوت المفتاح و هي بتأمن فيه

يوسف عاين ل حازم و لقي حازم طاشي

حرفيا

اول مرة يشوف ملامح عدم الفهم و الطشاش ف وشو

و كأنو حررفيااا حررفيا عقلو وقف بقي م شغال

يوسف ضحك ضحكة استهتار

هو قال ليه الكلام دا للتو و هو ساكت كدا؟

-حازم..

حازم م ردا ليه

و يوسف قفد اعصابو

مسكو من قميصو

-ي ولد

حازم عاين ليه و فكي قميصو و مشي و يوسف طبعا اتغاظ ب شكل

هه

الولد دا محتاج ليه زول يكفتو

و الليلة يوسف الحيكفتو

حازم مرق ع الحديقة الصغيرونة ب ورا و يوسف مشى ب وراه و هو بكورك ليه ب اسمو و حازم بس بمشي ولا و كأنو سامع شيء

-ي زفففتتت انتاا..!!

حازم مرق من السياج المعمول للحديقة و يوسف كان جاري عاوز يمرق لكن حازم قفلو بالمفتاح و شال المفتاح طوالي

يوسف عاين للباب الابي يفتح و عاين ل حازم الواقف ف مكانو بعاين ليه ب نظرات البرود دي

ااخخخ

ياداب قادر يفهم ريفان كانت بتتحرق ل شنو

حازم وقف يعاين ل يوسف يحاول مع السياج كم مرة و كل مرة الغضب بزيد زيادة ف وشو

-افتح الزفت دا..!!

_يوسف انت مليان غضب..و انا و انت الاتنين عارفين انو نحنا م بنقدر نتفاهم و انت كدا

-نتفاهم ف شنو ي غبي انت..انت م فاهم ولا سمعت انا قلت ليك شنو؟؟

حازم ملامح وشو كانت عادية و باردة كالعادة

_سامع بس م قادر افهم..لمن تهدا شوي فهمني

-هو فيه شنو عاوز ليه فهم اا؟؟..

حازم م ردا ليه و بس عاين ليه

-اااااخخح اانا تعال هنا اخربش من زفتتت وشك ملامحك الباردة دي..!!

حازم م ردا ليه زاتو بس واقف بعاين ليه منتظرو يهدا

والله البرود لمن م يكون ف مكانو بسوط الموضوع زيادة

يوسف كان محروق من برودو دا اكتر من اي شيء

اخد لبه كم دقيقة و شوية كدا هدا

حازم كان عارف انو حيهدا و كان منتظروا يهدا

و حازم حرفيا عقلو واقف

م بفكر ف شيء

جزء منو م مستوعب كلام يوسف

و جزء م فاهم الكلمات زاتو

و جزء اساسا م متزكر هو قال شنو

-حازم..

حازم عاين ل يوسف

كان قعد ف الارض ف النهاية

حازم قعد برضو بعد مسافة و اتكل ع السياج زيو

يوسف م كان قادر يشوفو وهو كمان متكل ع السياج

و اعتقد كدا احسن ليه عشان م يشوف ردة فعلو ع الكلان الحيقولو ليه زاتو عشان م يتحرق

-تتزكر اول يوم جيت فيه مع ابوبكر لينا؟..كانت العائلة ملمومة لمتهم اللسبوعية و ابوبكر جا ل ابوي و ابوي كان اساسا عارف انك جاي تقعد معانا قريب الستة سنين تالت ع الجامعة؟..اليوم داك نشوة امها كانت متشاكلة معاها ف موضوع انها م قاعدة تقرا..كان السنة بدت ليها شهر و هي شايلة احياء و اساسا م عاجباها..عمي كان عاوزها تقرا طب و هي اساسا م كانت عاوزة تقرا شيء غير فنون جميلة و هو رافض؟..هي كانت مستعدة انها تعيد عادي عشان تقدر تمتحن السنة الجايةعشان النقطة دي..و امها كانت بتتشاكل معاها ف نقطة انها حتقتل زول ب اهمالها دا لمن تبقي دكتورة و نشوة بس ساكتة..م كان ف زول عارف انها عاوزة تقرا فنون جميلة غيري..و انا بس لاني شفتها بتبكي مرة بسبب ابوها دا و اتكلمت..

حازم كان بسمع و هو مستغرب

اول مرة يعرف النقطة دي

حازم من يومو كان مقتنع انو نشوة رغبتها معمار و يوسف مدنية لكن شالوه معمار..

-انت جيت و قعدت معانا كم يوم..و هي وامها كانو بايتين معانا عشان امها بتساعد امي ف النضافة اليوم البعديه و هي مدرستها اقرب من بيتنا..

يوسف سكت شوي و قبل ع حازم

-حازم انت متزكر اول مرة لاقيتها حصل شنو؟

حازم هزا راسو شوي

اول لقاء بينو وبين نشوة

ينساه كيف

كانت احد اول الناس الاتعاملت معاه ع انو بشر و م اشتغلت ب تعاملو البارد

نشوة دي احد الناس الفتحت ليه قلبو و عاملتو ب طيبة رغم انو كان حيوان و م بتكلم

نشوة كانت بتضحك و م بتشتغل بيه لمن م يتكلم معاها

و بتقعد تتكلم عادي قدامو و تتونس مع نفسها و كأنها بتتونس معاه و هو بكون بسفه فيها و هي م شغالة

م خفى منها ولا لانها رشاقة او م عندها كرامة لا

لكن لانها احد اول الناس القدرت تشوف المو و انكسارو و الدمار الحاصل جواه من خلال ملامح البرود و الحقارة المركبها

-تتزكر هي بكت كيف؟

حازم ضحك و هو بتزكر

انتو م عارفين

لكن نشوة لمن تبكي بتبقي زي الشافعة و بتشرق طوالي

منظر بخليك تضحك

لكن م تضحك بطريقة كعبة و شماتة و كدا

لا

تضحك لانو المنظر حقها و هي بتبكي و صوتها و شكلها حلو بضحك

حرفيا بتبقي زي الشافعة الشالو منها حلاوتها

وهو بتزكر حسي

نشوة من يومها طيبة..

كان قايل انو هي بقت طيبة بعد م عانت لكن هي طيبة قبل و بعد المعاناة حقتها

-طيب بتتزكر الجملة القالتها ليك لمن اتشاكلتو؟

حازم هزا راسو

.

.

.

*اول لقاء*

حازم كان زهجان من اللمة لانو اساسا م بطيق البشر

خلي يقعد مع ناس م بعرفهم و يعمل روحو وكأنو فرحان

دا فارق م بنفع معاه

حازم مشى ع الغرفة الوراها ليه ابو يوسف ع انها حتبقي حقتو تاني

هو كيف يقعد مع ناس م بعرفهم؟

و كمان 5 سنين؟

ليه؟

م عاوز يقرا زاتو

م ممكن يم

وت بس؟

اخخ انا ان شاء الله يصبح ميت بكرة

حازم دخل الغرفة و فتح النور..

مشي ع السرير و نزل من كتفو الشنطة الشايلها

حواجبينو اتلاقو لمن لقي ف بت شافعة قاعدة ف الدرج و الكرسي القصادو ماسكة قلم ف يدها و بتعاين ليه ب استغراب

دا شنو دا؟

دي منو؟

حازم عاين ليها و م كان نفسو يتكلم معاها زاتو

-انت ولد عمة ابوبكر؟

حازم عاين لبها بدون م يرد

-موش حتقعد معانا هنا؟

حازم برضو م ردا ليها

-م بتتكلم؟..م فاهم انا بقول ف شنو؟

ضحك ضحكة استهتار ع جملة م فاهم انا بقول ف شنو دي

نشوة ابتسمت ليه و هي بتقول

-ضحكتك غريبة..رغم انها مهينة لكن غريبة..انت عمرك كم؟

حازم برضو م ردا

كان عاوز يقوم يمرق

-خلاص بسكت بسكت

حازم عاين ليها

-انت موش جيت ترتاح لانك م قادر تقعد مع الناس البرا ديل؟

نشوة ضحكت لانها كانت عرفة الريدي انو م طايقهم

-اتس اوكيه..هم اهلي و انا م طايقاهم..

حازم قعد ف الكرسي الجمبها لانو كان متحير هي يتسوي ف شنو

نشوة عاينت ليه و ضحكت

-الشمار قتلك؟

حواجبينو اتلاقو ع الجملة دي و كان ظاهر عليه م فاهم

نشوة ضحكت

-امم انت الحاجات الدارجية حقتنا م بتفهمها

حازم لفي عيونو لمن قالت ليه كدا

-انت ف كم ممتحن زينا ولا امتحنت هناك؟

حازم كان مستغرب هي عارفة دا كلو ليه..موش مفروض بس سيد البيت يكون هو العارف؟

_انتي عارفة دا كلو كيف؟

-سمعت عمو يتكلم مع ابوي عن الحاجة دي..مبسوط جدا انك جاي لانو كان زميل ابوك الله يرحمو

حازم قبل منها..

-قلت الله يرحمو لاني سمعت عمو يقول كدا..

عاين للرسمة القدامها

كانت اشكال هندسية داخلة ف بعضها ب طريقة غريبة لكن حللوة حللوة شديييد

و بالاطراف للورقة راسمة ورود و اطراف شجر ب طريقة كدا غريبة

كانت رسمة غريبة شديد

ولونت جزء و بتتم ف الباقي

اعتقد و هي نص ملونة و نص بالابيض و الاسودا احلي ب كتير من م هي ملونة و هو بتخيل فيها

نشوة ضحكت لمن لقت انو الرسمة عاجباه

-حلوة؟

حازم هزا راسو

-جد؟كنت عاوزة اشرطها لانها م عاجبتني قبيل..لكن ممكن استعملها ك عذر ع اني م اقرا

حازم عاين لبها

_تقري؟

-انا ممتحنة برضو زي زيك..ز شايلة احياء و قبيل امي شاكلتني لاني كنت ساقطة ف الامتحان الشهري فيها..

_ساقطة؟

-يعني رسبت..جايبة اقل من نص الدرجة

حازم رفع راسو و ضحك عقليا

غبية البت دي

-انا م غبية زي م انت حتكون بتفكر..انا بس م عاوزة اقرا طب..م بنفع معاي..

_و بتقريه طيب ليه؟

الاحباط ظهر ف وش نشوة

-انا م بقراه..لسا..

حازم م كان فاهم

-انت م عارف احياء دي شنو؟

حازم هزا راسو

-انت عاوز تشيل شنو؟

حازم ردا ليها ب كل برود

_م عاوز اشيل شي

نشوة ضحكت

-اسمع..انت عاوز تقرا شنو؟

_ميكانيكا

-يعني حتشيل هندسية

_كيف؟

نشوة شرحت ليه موضوع تالت و هو شبه م فاهم زاتو

لمن انتهت ضحكت فيه

-و انا حسي شايلة احياء

حازم ضحك ضحكة استهتار

_جد حتقتلي الناس لو انتي تحت الرسوب

نشوة لفت عيونها

حازم قام من مكانو

_غيية لانك سمحتي ل اهلك يتحكمو ف حياتك كدا..يعني لو عملتي عكس كلامهم حيقتلوك؟..اسوء شيء ممكن يحصل شنو يعني؟..اساسا م بتنفعي دكتورة..الدكاترة م اغبياء زيك..و حتضيعي روحك لانك خاتة نفسك ف مكان م مكانها

الجملة دي غاظت نشوة شديد و اساسا هي من شكلة امها ع اعصابها

الدموع ديل اتكونو ف عيونها و رمت فيه القلم و ضربو ف اضانو

حازم اتلفت عاين ليها ب زهجة

_انت واحدة غب-

-انت العرفك شنو عني؟..عليك الله غبية انا و لا غبي انت الماعارف شيء و جاي رامي نفسك هنا ساي..عليك الله الغبي منو

حازم ضحك فيها

_الغبي الجابر نفسو انو يضحك و انتي حسي مليانة دموع بتبكي كدا..الموضوع م بستاهل انك تجبري الضحكات لانو م منها فايدة و كلها مزيفة ف كل الاحوال

نشوة عاينت ليه ب استغراب

-اولا شيء م مشكلتي انك مليان بؤس كدا..و م عشان انت مليان الم و انكسار و بؤس يعني العالم كلو زيك كدا..

قشت دموعها و وقفت ع حيلها

-and it's called spreading kindness because its free..

(واسمها نشر الطيبة لانها بالمجان..)

-الغبي انت والله لو قايلها ضحكات مزيفة..

تمت بكيتها و هو بس بعاين ليها زي ال شافعة البتبكي

اكتر شيء كان محيرو فيها انها م مرقت من الغرفة

و لا وقفت

تمت بكيتها و هي برتسم و بتلون و لا وكأنو يعني ف دموع ولا صوت مارق منها

.

.

.

يوسف تما كلامو

يوسف:رغم انها بكت و تمت بكيتها و رسمها و لا و كأنو يعني دموعها خربو السمة ولا البكي البتبكيه خرب الالوان..

يوسف و حازم ضحكو مع بعض ع تعليق يوسف دا..

شوي كدا و كمل

يوسف:جاتني اليوم داك بليل ف غرفتي و انا بلعب بالبلستيشن نص الليل بعد م اتأكدت انو امهاتنا نامو..قعدت لعبت معاي شوي و تاني عارف قالت لي شنو؟..قالت انها حتحول هندسية..

حازم حواجبينو اتلاقو وعاين ل يوسف

فجأة

يوسف:انا استغربت طبعا و كيف و ليه و دا شنو و اهلك م حيخلوك و كلو..جاتني عشان اساعدها و كدا و قلت ليها هندسية م بتدخلها ل فنون جميلة..و قامت قالت لي الصدمة..انها عاوزة معمار..

حازم:ليه فجأة كدا غيرت؟

يوسف ضحك:م اتكلمت ف البداية..تاني قامت قالت لي

جملة كدا غريبة.."حاحول و اهلي حيسوو شنو يعني؟..فنون جميلة م معترفين بيها كمان م يعترفو ب معمار؟.."..قمت قلت ليها انو م كدا لكن هم بس عاوزنها تقرا طب..ردت لي ب كل برود.."حيقتلوني؟..خليهم يقتلوني..نشوف اكعب شيء ممكن تحصل شنو.."

حازم عاين ل يوسف

اعتقد دي نفس الجملة القالها ليها

يوسف:استغربت نشوة الخوافة الدمها حار و بتفكر ف كل شيء جابت الكلام دا من وين..و بعد م اتعرفت عليك و دخلت فيك كدا عرفت انو دا انت القلت ليها كدا..لانو الجملة دي انت دايما بتستخدمها..

حازم اخد ليه مسافة

لسا م قادر يفهم

يوسف:حازم البت دي بتحبك من اول يوم شافتك فيه..و ل يوم الليلة بتحبك..و صراحة انت م بتستاهل الحب المدياك ليه زاتو..

حازم عاين ل يوسف

و م قدر يرد ليه لانهم الاتنين عارفين انو كلامو صح

يوسف:انت م ممكن تتخيل هي كانت بتتألم قدر كيف و انت مع ريفان..لكن دايما بتضحك ف وشك و دعمتك لانها قالت لي انو انت نادرا م تكون سعيد ف مافي داعي تخربها عليك

ليه كل كلمة بتمرق من خشم يوسف بتطعن ف حازم زيادة و زيادة؟؟

يوسف:انا م عارف انت حتسوي شنو ولا عارف حيحصل شنو ولا عاوز اعرف..كل الهاميني انك تعرف النقطة دي..لانو الموضوع م عدل اذا انت م عرفت و هي حتقعد تعاني للابد بسبب النقطة دي..حازم انت وهي لازم تتناقشو ف الموضوع دا..م عارف تقولو شنو ولا كيف..المهم نشوة م تعاني

حازم اتلفت عاين ل يوسف لمن انتبه ل حاجة

حازم:يوسف انت كنت عارف؟

يوسف م ردا ليه

حازم:عارف الوقت دا كلو و م وريتني؟

شيت

يوسف بلع ع ريقو لمن حازم قالها كدا

انتو م حتفهمو حازم بكره الحاجات الزي دي قدر كيف

انك م تتكلم زي لمن انك تكذب

و هدي الحاجة الخايف عليها حصلت

اصحابو الاتنين يحصل ليهم كدا و يزعلو منو كدا

لكن الحاجة دي و الكلام القالو كان لازم يتقال

مافي اسوء من انو الزول يعاني بصمت براه

حازم وقف ع حيلو:و انت؟..انت عارف ليك 5 سنين و ساكت..انا م انتبهت انت عارف و ساكت..قايل روحك برئ؟؟..انت غلطان زيك زي زيها..مافي واحد فينا مارق منها..و انا اسف لكن نقطة انك كنت عارف و م وريتني دي انا-

حازم سكت و م كمل كلامو

ل اول مرة كلامتو تتقطع و م عارف يقول شنو

يوسف عاين ل حازم

النظرة الفي وشو دي عادي ممكن تقتل يوسف

لكن اعتقد دي بس مشاعر ملخبطة لانو حازم م قادر يستوعب كويس

حازم رمي ليه المفتاح من خلال السياج و اتحرك من البيت مشي ع الشارع ف نص الليل

☆°☆°☆°☆°☆°☆°☆°☆°☆°☆°☆°☆°☆°☆°

-و م سألتي محمد؟

ريفان طلعت نفس طويل

_لو سألتو كان حيفهم اني م بتكلم معاه..ياخ انا م ناقصة يدخلو لي ناس ف الموضوع

لينة عاينت ل ريفان

-لكن هم م بدخلو والله..بالعكس..

_عارفة..لكن برضو..

لينة عاينت ليها كيف كيف

ريفان بس متكاسلة و م عاوزة تفتح نقاشات

نون:مافي ليكشر

ريفان عاينت ليهم ب استغراب:كيف؟

نون:قالو نشوة عيانة م جات الليلة..حتدينا ليه مروة بعد نص ساعة اول م تنتهي من ليكشرها

حواجبين ريفان اتلاقو:عيانة؟

نون هزت راسها

ريفان:م قالو عندها شنو؟

نون هزت ب معني لا:م عارفة

لينة عاينت ل ريفان:موش امبارح لاقيناها؟

ريفان:اممم..

ف شنو الحصل؟

ريفان عاينت ل لينة:ارح معاي ل ميكانيكا

لينة عاينت ليها ب استغراب:ماشة ل حازم؟

تمشي ليه لي؟

اساسا مافي سبب يوديها ليه

و م عندها حق فجأة تمشي ليه

لكن هي كانت عاوزة تسأل نشوة من حالتو

الا تسألو هو

او ممكن تسأل محمد عادي

لكن هي عاوزة تمشي تلاقيه

لكن ي ياتو حق؟

ي زولة امشي كدي اساسا احتمال كبير م تلقاه

لينة:ارح..

ريفان عاينت ليها و وقفت و مرقو اتجهو ع ميكانيكا

لينة:حتقولي ليه شنو؟

ريفان اخدت نفس طويل:كدي القاه اولا..اشك اني حالقاه

لينة هزت راسها

صح كدي تلقاه اولا

الولد حرفيا منعدم

و السنة الفاتت فتشو كل شبر ف ميكانيكا و باقي هندسات و م لقوه

لينة:تتزكري المرة الفاتت فتشنا كيف؟

ريفان قعدت تفكر شوي

شوية كدا و جاتها فكرة

ريفان:خلينا نسأل المجمدين و بنزلو طوالي ديل بقروا كيف

لينة:عادة بكونو ف المكتبة لانو بعتمدو ع المراجع كتير

ريفان عاينت ليها:ارح اولا ل ميكانيكا عشان لو قاعد فيها و عاوز يزوق مننا يمشي ع المكتبة و نقدر نلم فيه هناك..

لينة ضحكت:انتي عارفة انو ممكن يلمحنا عادي و نحنا م ننتبه زاتو صح؟

ريفان هزت راسها:عشان كدا فتحي عيونك كويس..

لينة:اوك..

دخلو ميكانيكا..

فتشو معظم قاعاتها و م لقو فيها شيء..

و هم ف الطابق التاني..

لينة مرقت من اخر قاعة و عاينت ل ريفان ب احباط

لينة:المكان دا ضخم استحالة نلقاه بالسهولة دي

ريفان كانت بتعاين تحت ع النلس الماشين و القاعدين كتار شديد ديل

ممكن تحلف انها لمحت واحد بشبهو جاي راكب السلم

ريفان مشت ع السلم لكن صوت لينة و مسكتها ليها خلوها يتلفتو

لينة:داك موش هو؟

لينة اشرت ع واحد كان واقف جمب احد البوردز

ريفان م كانت قادرة تشوف من بعيد لكن تقريبا ياهو

ريفان و لينا جو ينزلو لكن ريفان وقفت لينة

_حيشوفني قبل م اصلو..شوفيه حيتجه ع وين..اقيفي هنا و الحقيني تحت

لينة هزت راسها و ريفان نزلت ليه

تحت

ينفع يكونو بلعبو سك سك كدا🙂💔؟

ريفان من السلم بسرعة و اتجهت ع مكان البورد

حرفيا كمية الناس الهناك موبالغة

ريفان لمن نزلت تحت راسها ضرب و الاتجاه ضاع

رفعت راسها و اتلفتت عشان تشوف لينة

لينة اشرت ليها ع مكانو و ريفان عاينت ف اتجاه الاشرت عليه

و اول شي عينها وقعت عليها هو حازم وهو بعاين ليها

شييت..!!

شافها شييت

ريفان عاينت ليه و هو عاين ليها ب استغراب شوي..ملامح وشو رجعت عادية تاني

ريفان مشت عليه وهو قبل اتحرك عكس اتجاهها طوالي

ريفان كانت بتمر ف الناس و بتتطاقش فيهم

ياااخ دا شنو الكثافة السكانية الهنا

هندسات دي ضخمة

من يومها بتضرب راس ريفان و ل يوم الليلة راسها بضرب

لمن وصلت ل مكان البورد م عرفت هو اتجه ع وين زاتو

ريفان وقفت ف مكانها و هي بتتلفت

يالله!!

ريفان اخدت نفس طويل و هي بتعاين

الولد دا مالو صعب كدا؟؟

ريفان نهائي م اتوقعت انو يكون صعب كدا نهائي!!

لكن جد جد هي م كانت بتعرفو كلو

بس شافت الجزء الطيب البعاملها ب الطريقة الحلوة

م شافت لمن هو يزعل ولا يكون ف مشاعر ملخبطة جواه

هو مالو حسي

لانها يعني قالت ليه يديها وقت؟

طيب ليه يجري؟

امكن زعل؟

لكن م اعتقد زعل..

كان كويس جدا لمن شافها امبارح

-ريفان

ريفان اتلفتت ع لينة و لينة جرتها طوالي

كانت بتتنفس ب صعوبة اعتقد كانت بتجري ف السلم لحدي م وصلتها

-تعاااالي تعااالي..

لينة بقت جارة ريفان و ريفانةم فاهمة

_عرفتيه مشي وين؟

-سألت واحدة و قالت انهم بدخلو ف قسم 4 خاص ف المكتبة الكبيرة لانو هناك المراجع م بختو فيها زمن معين

لينة جرت ريفان و اخدو وقت عشان يقدرو يدخلو المكتبة التامة حقت هندسات

م قاعدين يجو هنا كتير ف عشان كدا م عارفنها كويس

دخلو بعد تعب

_قسم 4 وين؟

-اعتقد ف الطابق الفوق

ريفان عاينت ل لينة

_اقعدي هنا عشان م ينزل يزوق يبعد

لينة ضحكت:طيب

ريفان ركبت فوق

الكنب فوق اقل و المراجع و الرفوف حقاتهم اكتر

ريفان كانت ماشة براحة و بتعاين ل القاعدين و الماشين واحد واحد و م قادرة تلمحهم

مشت اتجهت ع مكان المراجع و هي ماشة واحد واحد و بتعاين للواقفين و القاعدين

وقفت جمب السياج عشان تعاين كويس

كان الكابق الفوق فيه فتحة بتظهر ليك الطابق التحت و عاملين سياج ف الجمبات الفاتحة ع شكل مربع كبير

قصادتها طوالي ف الجهة التانية كان السلم البنزل ل تحت

عاينت للناس الفي الجهة حقتها و هي ماشة براحة

صوت تلفونها خلعها و خلي الناس الحوليها تعاين

ريفان وقفت الصوت قبل م تعاين للاسم و عاينت للناس لحدي م قبلو و هي مبتسمة ابتسامة اعتذار

لمن رفعت تلفونها و عاينت للاسم حواجبينها اتلاقو

دا حازم

بسم الله

ريفان فنحت الخط و ردت ب صوت واطي

-الووو..

ف البداية م قال شيء اخد ليه كم ثانية و هو ساكت و هي ساعة صوت تنفسو بس دليل ع انو كان بجري

-الو؟

_its becoming more hard to lose a trail from you..

(الموضوع باقي اصعب و اصعب اني اضيعك مني..)

-لمن تفهم الزول شوي بتقدر تعرف ليه كم حاجة تساعدك

_هممم..

ريفان اتخيلتو وهو ببتسم ابتسامتو الغياظة ديك ع الصوت المرق منو دا

-سو انت ناوي تظهر ولا لعبة السك سك دي عاجباك جدا؟

_امبارح كان ظاهر عليك انك م مرتاحة لانك شوفتيني..عاوزاني اظهر حسي متأكدة؟

-بكون ساكاك كدا لو م عاوزاك تظهر يعني؟

حازم ضحك و ريفان حاولت تعاين حولها امكن البضحك دا قريب من جهتها

_انتي ليه دايما بتردي السؤال ب سؤال مليان فصاحة؟..

-لانها حاجة منها و فيني و انت عارف

_م هو انا عارف..لكن بسأل ليه..

ريفان اخدت نفس طويل..

-ااي عاوزاك تظهر

ضحك تاني

_حاولي تاني..ب نبرة م فيها امر اذا سمحتي

ريفان ختت يدينها ف وشها

-حازم..ممكن تطلع نتناقش شوي؟

_اممم..تمام..كامت صعبة للدرجة دي؟

-انت وين؟

_وراك ي بت..

-كيف وراي وراي السيا-

لمن اتلفتت

لقتو واقف ف الجهة التانية من السياج

م كان جمبو طوالي

كان اقرب للسلم البنزل اكتر

كانت عاوزة تقفل التلفون لكن صوتو و هو بتكلم حلاها ترجع التلفون ل اضانها تاني

_ريفان..

-اا..

_انتي موش قلتي عاوزة وقت شوي بدون م انا اسأل ليه و احترمت النقطة دي..

جملتو دي خوفت ريفان شوي لانها كانت عارفة انو ف حاجة جاية بعديها

-امم..

_انا كمان ممكن اسأل للحاجة دي؟..فترة قصيرة م زي حقتك لكن..

ريفان كانت ساكتة و م ردت ليه

كان نفسها تقول انو هو بتسدا فيها

لكن واحد هي عارفاه م من النوع دا

و تانيا هي ليه حاسة انو ف شيء حاصل ليهم كلهم؟

_ممكن؟

ريفان ردت ليه ب كل برود

-و اذا قلت ليك لا حيحصل شنو؟

حازم ضحك

_حتصعبي الموضوع علي زيادة

ريفان اخدت نفس طويل

-طيب..

الابتسامة الابتسمها ليها كانت دافية جدا

-لكن برضو انا جاياك

حازم طوالي ردا ليها

_بس لو قدرتي تقبضيني..

و طوالي قفل الخط

حازم قبل و نزل و ريفان طلعت اتصلت ع لينة عشان توقفو

ريفان وصلت للسلم و نزلت و لينة ردت

_حازم جاي يمرق وقفيه

-وينو م شايفاه

_بجي يمرق من الباب بس وقفيه

-طيب

ريفان قفلت الخط و مشت ع لينة

بس تسألو من حالتو الجسدية من الضربة و كدا

لمن وصلت و لقت لينة برا

ها استغربت

_وينو؟

-قلت ليك م جا م جا

ريفان وقفت ل كم ثانية..

ف باب تاني يمرق بيه؟

مشت ع امين المكتبة و سألتو

_عمو انت ف باب تاني بمرقو بيه غير داك؟

الراجل اشر ع واحد ب ورا

-دا لكن بمرقو بيه الشغالين هنا بس..

ريفان طلعت نفس زهجة طويل

يالله من الدراما البتحصل دي يااااخ..!!!

☆°☆°☆°☆°☆°☆°☆°☆°☆°☆°☆°☆°☆°☆°

نشوة مرقت من الغرفة براحة و هي شايلة ف يدينها حاجاتها

كان لازم ترجع البيت بسرعة لانو بكرة م عندها حل غير انها تمشي الجامعة

المشكلة انها من البكي و الغضب الضربها امبارح

الليلة جد صبحت و هي عيانة

راسها دا كان لافي ب طريقة كدا م طبيعية

دا غير انو كان شغال دلوكة يعني

و عيونها كانو منفخات و وشها بقي شاااحب شديد

و حالتها كانت صعبة

شالت حاجاتها و شنطتها و ختتهم ف الكرسي البرا

ماسة تغسل وشها عشان تقدر تمرق تمشي البيت قبل م يوسف و حازم يجو راجعين

م صدقت انهم الاتنين مرقو و عربياتهم ماف

نشوة مشت تغسل وشها لانو حالتها صعبة و بلعت ليها مسكن

م ف موقف انها تتناقش

بعد ترجع البيت و ترتاح ز تقعد تفكر براحة ممكن تفهم و تقدر تفكر

جات راجعة تشيل حاجاتها

لكن لمن لقتهم مافي ف الكرسي قلبها وقع

مشو ويين؟؟؟

فتشت المكان كويس و رجعت ع الغرفة حقت يوسف امكن م مرقتها

كانت طاشة للدرجة دي

لمن لقت يوسف ماسك الشنطة ب يدينو و قاعد ف السرير بعاين ليها و كأنو منتظرها تجي داخلة كان نفسها الارض تتشفي تبلعها

متأكدة حتكون ارحم ليها من كدا

نشوة وقفت ف مكانها و عاينت ليه

يالله!!!

الصداع زاد زيااااادة

يوسف عاين ليها و انتظرها تتكلم

-يوسف اديني الشنطة

=ليه عشان تقومي جارية و م تجي تاني؟

الاحباط ظهر ف وشها ز هي يتعاين ليه

-عاين م عاوزة اتكلم معاك زاتو..اديني الزفت دي

=كوركي زي م دايرة..المرة دي م حتفوزي

نشوة عاينت ليه ب غضب

=نشوة انت م ممكن تقعدي تتهربي..ل متين

-انت اسكت..م عندك حق تتكلم بعد العملتو امبارح و م عاوزة اتكلم معاك تاني

يوسف ضحك

=مشكلتك انتي و فلان داك بس زعلانين مني و مركزين معاي و عاملين رايحين من الموضوع الاساسي لانكم الاتنين جبناء

نشوة قبلت و عاينت للباب اول م حست بالدموع يتكونو

=انتو لازم تقعدو تتفاهم-

-اسكت انت..بسببك حسي حازم حيكرهني

و الدموع ديل نزلو و قعدت تبكي

و يوسف ياداببب فهههم الحاصل

عشان كدا هي خايفة من انها تتكلم؟؟؟

خايفة حازم يكرهها

=يكرهك؟

نشوة بقت بتحاول توقف ف الدموع

يكرهها؟

هه الولد دا ممكن يرص العالم دا كلو ف لائحة الكراهية و م يخت اي بت ب نفس اسمها بس لانو بحبها

=نشوة انتي غبية؟

نشوة م ردت ليه و كان سكتت

=نشوة عايني لي

نشوة كان قشت دموعها و الصداع بقي شغال فيها تاني

=دا الخايفة منو؟انو يكرهك؟..ليه يكرهك؟

-م عارفة

=دا م سبب يخيل يكرهك

-بكرهني لاني م وريتو و حسي جيت عليه و هو مع ريفان-

=الموضوع م عندو دخل ب ريفان ي نشوة..

نشوة عاينت ليه

يوسف استعدل ف القعدة

=نشوة انا حاقول ليك كلام جارح شوي لكن م قصدي بيه اي شيء..هو بس الحقيقة..

نشوة لفت عيونها

-هه احساس ممكن تبقي الوضع اسوء من كدا

يوسف بلع ع ريقو

=نشوة عايني..ريفان دي دخلت ف حياة حازم ليها ياداب سنتين و حاجة..او تلاتة وحاجة طيب من م هو بركز معاها تقريبا..انتي..انتي بعرفك ليه قريب السبعة سنين..

نشوة كانت بتعاين ليه عاوزة تعرف نقطة العاوز يوضحها

=حتي و لو ريفان م كان ظهرت ف حياتو ي نشوة هو م كان حيحبك بالطريقة ديك..حتي و لو م ظهر زول ف حياتو اساسا..هو حيظل يحبك ك اخت و ك اخت بس..

نشوة حست ب قلبها يتقطع لمن قال كدا

و حست ب انو بدفنوها لانو م بتقدر تقول شيء لانو كلامو صاح

=نشوة الزمن القبل م يتعرف فيه ع ريفان دا لو كان مليون سنة..هو م كان حيكون ليك..م عاوز اقول ليك انتي م بتقدري تغيري الكاتبو ربنا..لكن بس عاوز اقول ليك انو ربنا حيكون كاتب ليك حاجة احسن

نشوة قبلت منو

-م تديني محاضرة انت كنت عاوز النجوم و ربنا كاتب ليك القمر دي

يوسف صحك شوي

=م حاديك محاضرة..ولا حاقول ليك انو الكاتبو ربنا م بتغير لانو بتغير..لكن عاوز اقول ليك انو انتي م تعذبي روحك..

نشوة عاينت ليه

=م ترفضي الالم و تهربي..واجهيه و اعترفي..حازم م حيكرهك لو قتلتيه..انتي عارفة هو لحبك قدر كيف..واجهي كل شيء ب قلب قوي و ادعي..ختي الرحمن ف قلبك و واجهي م تهربي..انا م بقدر اقول ليك بقدر اتخيل الالم المارة بيه لكن ممكن اقول ليك انو انا فاهم..

يوسف قام من مكانو و قعد جمب نشوة ف الارض و نشوة كانت قاعدة بس م اتحركت

=اقول ليك سر؟

نشوة عاينت و انتظرتو يتكلم

يوسف اخد ليه نفس طويل

=انا لحدي حسي بحب لينة بطريقة كدا انتي م ممكن تفهميها زاتو..لحدي حسي ابتسامتها م بتغيب من عقلي و اضاني مرات بتشتاق تسمع صوت ضحكاتها والله..البت لسا جواي و كأنها زرعت روحها و مشت..و ااي الموضوع م عندو علااقة بيك انتي و موضوعك نهائي..انا ضيعتها من يدي..لكن ممكن اقول ليك انو انا حاسي كيف تشوف الزول البتحبو يكون سعيد بالطريقة ديك بسبب زول تاني م بسببك انت و هو البكون

السعادة جواك شوية شوية..ايام كنت بشوفها مع علي كنت بغار ز بفشو فيها..بعد م انفصلنا..كل الغيرة و الغضب اتحولو ل الم..اعتقد لانو الاطمئنانا ع انها لي بقي م موجود سو الغضب اتحول..و ع قدر الالم الباخدو لحدي حسي..بحس ب شوية سعادة

حواجبين نشوة اتلاقو ع كلماتو دي

كيف؟

يوسف ضحك ع ردها

=تتزكري لمن قلتي لي انو سعادتو هي سعادتك و م فرقت كتير طالما هو سعيد بالطريقة دي؟..م كنت فاهمك و كنت قايلك طيبة بس زيادة عن اللزوم..لكن فهمت جملتك دي لمن شفتها بتضحك مع علي كيف..الشعور البتحسو هي مع علي انا حياتي كلها م بقدر ادخلو جواها..و هي بتستاهل اكتر كمان..اكتر ب كتير..انا م بستاهلها ولا بستاهل ضحكاتها ولا ابتساماتها دي..حسست بالظلم و الغباء لمن شفت جانب السعادة و التهور و الضحك فيها وهي مع زول تاني م معاي..انا كنت السبب ف اني اطفي دا كلو؟..والله مفروض ارمي نفسي ف البحر لاني حرمت الدنيا و الناس من انهم يشوفوها كدا و يتمتعو ب منظرها و هي بتبتسم و صوت ضحكاتها و صوتها لمن تنفعل ف الكلام ولا صرختها الصغيرة لمن تغلط ب طريقة غبية..

نشوة ابتسمت ل يوسف لمن سكت..

هو ماري ب دا كلو و كاتمو؟

يوسف ابتسم ليها

=عشان كدا انا فاهمك..لكن انتي كلامك القلتيه لي لازم تطبقيه ف روحك..امشي واجهيه و اتكلمي و قولي كل شيء..و الحيحصل بعد داك يحصل..طيب؟

نشوة هزت ل يوسف راسها

يوسف ابتسم ليها

=طيب يلا قومي امشي البيت و ارتاحي و تعالي وقت م انتي جاهزة تواجهيه..

نشوة هزت راسها

=لكن لو م جيتي و الله اجي اجرك من شعرك

نشوة ضحكت ع جملتو دي و شالت شنطتها و مرقت..

☆°☆°☆°☆°☆°☆°☆°☆°☆°☆°☆°☆°☆°☆°

ريفان رقدت ف سريرها و هي شبه منهارة

قربت قربت خلاص

يالله!!

م قادرين تتخليو زهجت من زفت الجامعة دي قدر كيف

اخدت لبها غمضة شوي و تاني صحت

لازم تقوم تعمل مشروعها دا ولا موضوعها بايظ

ريفان قامت ع حيلها و بدت ف مشروعها و كالعادة نص الليل

متاكدة انها اشتغلت لحدي الساعة 3 و حاجة لمن م انتهت

كانت تعبانة شديد لكن المصيبة انها م نعسانة..

ليها فترة رجعت ل عدم النوم حقها الواحد دا

و الحاجة دي متعباها شديد لانها بتكون ع حافة الانهيار من التعب و بعد دا م قادرة تنوم

خافت شوي من انها ترجع ل حالتها المامفهومة ديك تاني

و دي مصيبة لانها حتطلع عينها اذا دخلت خامس كدا

ريفان مرقت المطبخ و فتشت ل شيء تاكلو

لمن م لقت شيء ف النهاية شالت ليها موزتين و دخلت

حرفيا دا بحصل كل يوم كل يووم

و نفس الشعور بجيها كل يوم

الفراغ

بتحس ب نفسها فارقة و ناقصة

اعتقد لانها اتعودت ع سوسي تجيها و تاكلها

بقت كدا حاجة عاملة ليها اعاقة عديلك كدا ف المشاعر

لازم تاكل شيء ب بليل لا محال

ريفان دخلت الغرفة بسرعة اول م سمعت نغمة تلفونها

مشت و فتحتو بسرعة عشان م تصحي ناس البيت ب نغمتها المزعجة و فتحتو اسبيكر

_الووو..

-ريفان انتي صاحية؟

ريفان اكلت من موزتها

_انوم كيف لو م تميت المشروع

-تميتيه؟

_اممم تميتو قبل شوي

-حمدلله ع السلامة

_و انتي ي فالحة المصحيك شنو؟

-بحضر والله

الاحباط ظهر ف وش ريفان

_تميتي مشروعك

لينة ضحكت طوالي

-ي بت ناسية اني سلمتو امبارح ي فالحة

ريفان ضحكت

-اها بكرة جاية؟

_امم م بقدر افوت محاضرة عبدالله و لازم اسلم الزفت دا

لينة ضحكت

-خلاص تمام ل بكرة..

_اممم..

-ريفان..

_اممم

-عاوزة اسألك سؤال

_اها

-انتي غيرتي رايك من الاتفقتي عليه هناك؟

حواحلين ريفان اتلاقو

_شنو؟

-انك حتقطعي علاقتك مع حازم بسبب الحصل..

ريفان م ردت

صح

ذكرتها نقطة مهمة

اعتقد فهم انو جا جاط ليها راسها و نست النقطة دي

-حتمشي ب كلامك؟

_اممم..

-عاوزة اقول ليك شيء بما انك م قررتي

_اها

-الموضوع م بستاهل..

_كيف؟

-انتي لازم تضحي لمن تكوني ف علاقة..

_م بقدر

-لا بتقدري..قوي قلبك..

_لينة والله م بقدر..خلينا نتناقش ف الموصوع دا بعدين عاوزة انوم

لينة اخدت نفس طويل

حاولت و الله حاولت

-طيب..

_اسفة

-اتس اوكيه انا حاولت

ريفان ضحكت

-طيب يلا

_يلا

☆°☆°☆°☆°☆°☆°☆°☆°☆°☆°☆°☆°☆°☆°

يوسف قام من السرير و هو شبه نايم مشي ع الباب

الجرس كان بضرب

مشي و فتحو

لمن لقاها نشوة نطط عيونو

=الجابك بالوقت دا شنو؟

-انا جاهزة..عاوزة اواجهو

حواجبين يوسف اتلاقو و هو م فاهمها زاتو من كترة م هو نعسان

=انتي موش بتعرفي تفتحي الباب؟ضاربة الجرس ليهه؟؟

نشوة دخلت و ضحكت

-غتاتة عشان اقومك من السرير..ليه تنوم ي عاطل شوف ليك شغل

يويف حمر ليها و هي م عاينت ليه زاتو دخلت جوا واتجهت ع غرفة حازم

حازم كان ياداب جاي من الحمام و هو مستحمي

لابس التراينينغ الرمادي حقو و فنيلتو البيضاء نص كم دي هو زاتو شبه مفتح عيونو

استحمي و برضو دايخ دايخ تحس بيه..

نشوة وقفت ف مكانها و عاينت ليه

-حازم

حازم ع صوتها وقف و قبل عاين ليها

كان شبه م مصدق انها واقفة قدامو

_نشوة..

نشوة اخدت ليها نفس طويل

-نحنا لازم نتكلم..