الجزء 38

-الخاتمة-

بسم الله الرحمن الرحيم..

الحمدلله لاننا وصلنا ل هنا و انتهينا..

اولا شيء اسفة لاني شريتكم امبارح

كنت شغالة مرسم قريب ال 8 ساعات و اول م وصلت البيت نمت و م صحيت الا قبل ساعتين حسي🙂👍🚶‍♀️💔💔..

تميت البارت و نزلتو ليكم..

الحمدلله اننا اكتملنا و تمينا كل شيء..

الحمدلله انكم وصتول معاي للنهاية و تمينا عالم ريفان و حازم ب كل سلام..

عندي كلام كتير عاوزة اقولو بس حاحاول اختصرو ليكم..

اولا شيء عاوزة اشكركم لانكم حبيتو و قريتو لي روايتي دي..

اعتقد لو قعدت اشكركم لحدي بعد بكرة م حاقدر اوصل ليكم امتناني و شكري ليكم..

شكرا لانكم حبيتوها و قريتوها و اتفاعتلو معاي و لو ب لايك للبارت

شكرا لانكم شاركتو معاي حبكم ليها و حتيتو ليها اعتبار

شكرا لانكم م عملتو مني رايحين ولا سفهتوني و بديتوها بدون م تكملوها..

شكرا لانكم واصلتو معاي للنهاية و وصلنا لحدي اخر خطوة مع بعض..

انا م عارفة اقولها ليكم كيف لكن انا الرواية دي جد بحبها و م عارفة ليه

سو لو قعدت اوريكم لحدي بكرة انا مبسوطة كيف لانو كمان ف ناس حبوها و شكروها لي بحسو ب مشاعر حلوة و دافئة اتجاهها زي كدا م حاقدر اوصف ليكم زاتو..

تمينا كم؟

3 شهور و حاجة صح؟قريب الاربعة..

ب غض النظر عن الحصل فيها و مرينا بيه..

كلماتكم و لايكاتكم و كل شيء بتحسن لي مزاجي شديد

كابة اشكركم كمان لانكم بتحبو تقرو رواياتي و ع كلماتكم الطيبة دي..

م عارفة اقولها ليكم كيف لكن انا كل رواية بكتبها و بنشرها بكون عايشة جواها و كأني ف عالمهم..

سو فهم انها تنتهي بتأخد جزء مني و بتحاج وقت عشان اقدر ارجع ل حياتي اليومية بدونها..

بحب لمن اكتب..

اعتقد اني بحب الكتابة اكتر من اي شيء..

تصدقو او لا لمن اكون بكتب كل شعور بحاول اوصفو ليكم انا بكون حاساه؟؟و كأني الشخصية البكتب عنها دي

حرفيا

حرفيا

حرفيا

لمن اجي اوصف سعادة بكون حاسة بيها

لمن جيت وصفت موتة سوسي كنت حاسة بيها

لمن جيت وصفت شعور ريفان اتجاه الحادث كنت حاسة بيه

لمن وصفت شعور يوسف كنت حاسة بيه

و نفس الشي ل لينة و نشوة و كلهم

انا بحب الكتابة لانو هي بتخلي قلبي يضرب و يتسارع مع كل حرف بكتبو اكتر من اي شيء ف الدنيا دي

سو م اعتقد حاقدر اوصف لبكم سعادتي لمن انشر حاجة كتبتها و القي اتجاهها لايك او قلب بسيط ف الكومتنز..

هه..

و العجب لمن القي كلام كاتبنو..

واقسسمم بالله اقسمك بالله انا ممكن اكون مبتسمة ساي اليوم كلو

صراحة كدا..

انا ل يوم الليلة بتزكر لمن صحبتي قالت لي انشري كتابتك لانو رواياتك حلوة..

انا كنت انسانة جبانة و خوافة و لو قالو لي زحي من الشارع بقعد ابكي

م اخدت كلامها ع محمل الجدية

انا؟اكتب روايات و انشرها؟؟

هه ب ياتو حق؟انا كتاباتي م حلوة زاتها

كنت مقتنعة انهم بعملو كدا لانهم بحبوني عشان كدا كتاباتي بتعجبهم..

لكن انشرها ل زول م بعرفني زاتو؟؟

والله الا يجيو يشمتو فيني و يبهدلوني و يمشو ولا و كأنو ف حاجة جديدة

لكن تصدقو الكلام دا بقي عالق ف راسي..

دا كان قبل م اكتشف حبي للكتابة زاتو..

اتفقت مع صحبتي نعمل قروب صغير و بعد داك انشر فيه مع الناس..

قلت عشان يعني لو اخدت الردم م اخدو ف صفحة كاملة و ابني الآمال ساي

عملتو و رغم انو رواياتي الزمان والله اعبط منها الله لا خلق واصلت..كان لايك صغير ببسطني جدا جدا..

ف يوم صحبتي قالت لي عملت الصفحة..

و كنت بنشر ف نص رواية كدا..

قالت لي تميها هنا عشان يجيها تفاعل..

سو مشيت ب كلامها بعد م حنستني شديد

و المهم يوم بعد يوم و حرف بعد حرف و بارت بعد بارت و فجأة لقيت روحي هنا..

رغم اني م لنزل ب اسمي..

كانت خزفة اولا لانو م عاوزة الناس تعرف انا منو و م ابقي ضحية انتقادات برضو..

لكن حسي الموضوع م فرق معاي

امكن تكون حاجة صعبة شوي اني اجي مارقة للناس..

لكن اعتقد اسم مون لايم دا عاجبني شديد و انا بنزل كدا💚

رغم انو الناس م بتفاعلو ب شديد

لكن انا عارفة انهم بقروها و دا المهم

صفحة فيها م يقارب ال6 الف متابع و اقسم بالله م قادرة اصدق..

مع مرور الوقت اعتقد م كسبت شجاعة لكن قررت استوعب حاجة واحدة..

انا بكتب لانو الكتابة بتحسسني مختلف انواع المشاعر..

انا بكتب ل نفسي لاني بحبها..بعد داك الانتقادات البتجيني ممكن اعيش خلالها..

و مشيت ع الفهم دا بعد م اقتنعت ب جملة انو الناس مختلفة و استحالة الناس كلها تحبك وكدا..

و اتس اوكيه..

اتعلمت مع الزمن انو م مفروض اتوقع من الناس انها تحبني طالما انا بحب نفسي بعد داك كل الحروب البدخل فبها مع نفسي ممكن اطلع منها حية بطريقة او ب اخري

و حسي انا بقول ف كلام مسيوط ساي و ضيعت زمنكم سو ام سوري😂😭😂😭💚💚..

.

.

.

ع كل..

انا الرواية دي حاولت اوصل بيها نقاط مهمة كتيرة ف الحياة

اولا الزول م الا يكون سمح من برا و كساار..الجمال الداخلي احلي منو ماف..الوحوه السمحة موجودة ف كل مكان..لكن الاروح الجميلة هي النادرة

و م كل زول سمح و كساار حكيون كدا من جوا..يوسف دا شوفوه كان كيف ي

تعامل لانو كان سمح..

و كمان نمسك يوسف تاني..م كل زول كعب بظل كعب للابد..مافي شيء اسمها للابد..و مافي زول كم ف زول مليان صفات كعبة م العكس..و لو ربنا فرجها ممكن يتصلح..

نمسك لينة و يوسف..

م كل قصة حب حلوة يتنتهي ب نهاية حلوة..و اهم شيء..مهما كنت بتحب الزول دا و حاولت تتمسك فيه مع مرور الوقت الموضوع بوقف لانو مرات الحب م بكون كافي ل انو ينجيك من كل الالم..

و كمان الاستغلال ف العلاقات اكعب شيء..

يوسف ضيع لينة من حياتو بسبب البعملو دا

النفس بتميل لمن يهتم بيها و بحبها

كمان الانسان م بعرف قيمة النعمة الا بعد زوالها..

باقي الدروس الفي نشوة و حازم و حيدر و كلو واضحة جدا..

.

.

.

لقيت الناس منفعلة جدا ف موضزع يوسف و نشوة سو خليت ليكم الموضوع مفتوح ل علاقتهم انتو حددو شنو البحصل بعد داك..

.

.

.

و ف نهاية الامر حابة اقول ليكم تاني شكرا و انا بحبكم و ان شاء الله نتلاقي تاني ف رواية جديدة💚💚💚..

22/12/2019