الجزء 22

"Why is it that I feel weaker when it gets dark?the tears crumble up faster after dark and I can't stop them.."

-لو سمحت عاوزة باقة موية..

شالت مويتها و مشت قعدت ف الكرسي القدامها و هي شايلة الساندويتش ف يدها..

اكلتو كلو و هي بتتصفح ف التلفون و لسا م كان فتحت مويتها..

بعد م انتهت طلعت كبابتها و كبت فيها الموية..

شربت منها شوية و هي لسا ف تلفونها..

مافي واحد فيهم برد ع التلفون..

و حازم اساسا التقول بس عاملها قاصد انو يقفل تلفونو..

طلعت نفس طويل و هي بتعاين ل شاشة التلفون..

شوية كدا صوت كرسي يتجرا قدامها و يقعد زول..

رفعت راسها لا اراديا و لقتو حيدر..

الاحباط ظهر ف وشها..

حيدر عاين ليها و ابتسم..

-عاوز شنو؟

حيدر ضحك

=عادة بتتكلمي معاي ساي..مالك الليلة؟

نشوة بللت شفايفها

-لانو ليك يومين م جيت و م بترد ع مكالماتي..

حيدر ضحك

-تضحك؟و انت عاملها قاصد؟

حيدر هزا راسو

نسوة طلعت نفس طويل

=ف شنو؟

نشوة عاينت لبه

-كيف يعني ف شنو؟؟سمعت بالحصا ل ريفان؟؟

حيدر هزا راسو

-و بموضوع م ش روعها و انو هي شفتو منها؟؟

حيدر ضحك

=اكيد سمعت عنو..

-المشكلة انو البت كانت كمان عارفة مشروعها فيه شنو

=اوريك كانت عارفة كيف؟

نشوة عاينت ليه و خافت من الطريقة القالها لانو دي اول مرة تسمعو كدا..

الجملة م طمنتها

-اا؟

=لاني انا الوريتها..

حواجبين نشوة اتلاقو و بس بقت بتعاين ليه كدا..

اخدت كم ثانية تستوعب هو قال شنو و كيف و معناها شنو..

حيدر كان بس بعاين ليها ب نظرات تحدي..

بعد كم ثانية نشوة قدرت تدفر ليهل كم كلمة من خشمها

-كيف يعني؟

حيدر ابتسم

=كدا..اانا الوريتها

-سألتك منها و ريتها يعني؟

حيدر ضحك

=واي انا من نيتك البيضة دي

نشوة استغربت زيادة

=اوريك الحصل..

نشوة عدلت وشها و بقت مركزة..

لانو حيدر القاعد قدامها دا م حيدر البتعرفو

=انتي عارفة انو انا مركز مع ريفان لي فترة تحت امرك صح..

نشوة بس كانت ساكتة..

=انتبهت للبت دي انها بتركز معاها برضو..و سمعتها كم مرة تتكلم عن ريفان بطريقة كعبة قدام الناس..انو هي مدلعة و م بعرف لاقياها و قامت ب ملعقة فضة ف خشمها و كلام كتيير..

حيدر ضحك شوية

=حتي هي ساعدتني ف اني انشر شائعات انها شلبتك..

حواجبين نشوة اتلاقو

-اا؟..

حيدر عاين ليها

=و من هناك صاحبتها و كنت بأكد ليها كلامها انو ريفان دي جد جد كدا ولانها بتشوفني بقيف مع ريفان صدقتني..

نشووة كانت بس بتحاول تستوعب ف الحاصل..

للتو قال انو هو الوراها الفي المشروع؟

للتو هو قال انو صاحبها؟؟

للتو هو قال انو هي ساعدتو ف نشر شائعة الشلب؟؟

بسم الله؟

دا سنو دا؟؟

=سو بعد شفت مشروعها و حفظت الترتيب حقو..كان لاقيتها..و سألتها عن مشروعها و قالت انها لسا م سلمتو..ف وريتها اني شفت مشروع ريفان للتو و انو وقع من يدي و غيرت ترتيب ابوابها الفي النص بالغلط لانو وقف و م قدرت اصلحو ف غيرتهم ب سرعة عشان ريفان م تنتبه..

حيدر ضحك ف النص..

=كنت بجر فيها براحة براحة عشان تركز معاي و هي اخدت الطعم..

نشوة استغربت فيه..

حرفيا تحس انو ف شيء ماسكة لسانها م كانت قادرة تتكلم..

=لقيتها ركزت ف كلامي حق الابواب و انو كيف مشروعها سمح و انو غالبا م يبقيها اولة الدفعة..

ضحك تاني..

=رغم انو اساسا كان ي الله ي الله بنجحها..لكن هي صدقتني لانو دا الكان محتاجة تسمعو عشان تكمل القصة البنتها عنها ف راسها..

نشوة استغربت..

سو هو كان عارف عن البت دي و عن الشاسلاه اتجاه ريفان؟؟

لا و زادو زيادة ب كلامو القالهو ليها دا؟؟

=ف فمت سكتت شوية..و هي العبية كان اعتقد الريدي بتفكر ف انو هي تحاول تضرها..ف قمت قلت ليها جملة واحدة بس.."حسي لو زول شكاها ب مشروعها دا و قال انها حاكتو ممكن يفصلوها و يعيدوها السنة سااي.."..

حيدر ضحك

=ولا حتي قلت انو لازم يمشو يشتكو انو سرقتو..بس حاكتو..

نشوة بللت شفايفها..

شوف الحقير الحيوان دا..

للتو وقعها..

للتو لعب ب راس البت و البت م انتبهت زاتو..

للتو باللفة وراها تسوي شنو وهي العبية م فهمت و نفذت..

=الانسان دا غريب والله..و ممكن يتلعب بيه ب سهولة..

حيدر كان قعد و اتكل ع الكرسي ل ورا و هو بقول ف الجملة دي..

تحس بيه جد قالها من اعماقو..

=ممكن يتغشي ب السط الحاجات ل انو ينفذ اكععب المصايب و م يكون عارف زاتو..بس محتاج ليه زول بقدر بلعب ب قذارة و كويس..

نشوة ضحكت ضحكة استهتار..

تحس بيه فخور من العملو دا..

لا حول و لا قوة الا بالله..

=سو للتو كان وريتها تسوي شنو باللفة و خليتها تعمل العاوزو ب دقة و اهم التفاصيل وهي م عارفة زاتو..

حيدر ضحك و عاين ل نشوة

=الموضوع مثير للسخرية صح؟

نشوة بللت شفايفها

-انت انسان مريض..

حيدر رمش و ابتسم

=م بعيدة والله..

-لييه؟؟

حواجبين حيدر اتلاقو

=ليه شنو؟

-ليه عملت كدا؟؟ليه شايلها من ريفان؟؟ عملت ليك شنو؟؟

حيدر ضحك ضحكة استهتار

=عشانك..

حواجبين نشوة اتلاقو

-شنو؟

حيدر بلل شفايفو

=اممم..اعتقد عشانك اول مرات..لكن حسي؟..حسي م بعرف..هه..ال

مشكلة انها م عملت لي ااي شيء غلط..

-انا الدخلني شنو؟

=انك طلبتي اراقبها و اتقرب منها؟

نشوة استغربت زيادة

-و الدهل دا بالعملتو دا حسي شنو؟

حيدر سكت مسافة و كرفس وشو زي الشاقع..

=همممم..سؤال جيد..

نشوة ضحكت ضحكة استهتار..

-ي ولد انت نصيح؟؟

=اعتقد انا انجرفت ف اللعبة زيادة عن اللزوم؟؟

-حيدر انت م جادي ف حياتك..

حيدر ضحك و عاين ليها

=الكلام دا جاي منك انتي؟

-انا كنت قايلة ريفان عاجباك جد جد..ليه بتعمل كدا فيها؟؟

حيدر عاين ليها وسكت مسافة ع تعليقها الاخير دا..

عاجباه..

عاجباه؟..

هه..

هي جد جد عاجباه..

مكسراه كسير..

ب طريقة كدا م طبيعية..

عاجباه شديييد شديييد..

وهو زاتو م بقدر ينكرها ولا بقدر يدسها..

لايك جد البت هي عجبتو ل درجة انها غيرتو..

اقرب مثال لمن كشحت فيه الموية ف نص السنتر..

هه..

لو كان ااي زول تاني عمل ليه الحاجة دي؟

كان دفنو ف الارض السابعة تحت..

والله والله والله جد..

لكن لانو دي ريفان..

كل شيء اتغير خلاص..

والله كمان اتكيف منها جد لمن كشحتو..

استغفر الله هو زاتو م عارف ليه ولا فجأة من ماف كيف..

اعتقد لانها غريبة او مختلفة؟

اممم..

لانها مختلفة..

م زي البنات البلاقوك عادة..

هي جريئة و بريئة ف نفس الوقت..

هادية و شكالة..

منفتحة و كتومة..

لئيمة و ظريفة..

عاقلة ب بواقي طفولتها المابتحليها دي..

حرفيا بتتلمي فيها الحاجات الما اتخيل يشوفهم مع بعض اصلو ف انسان..

واعتقد عشان كدا جاذبة انتباهو..

هه..

اول ايام كان بس عندو فضول اتجاهها ولبه حازم بركز معاها و ليه هي عاجبة حازم كدا..

هه..

لكن شوف..

فجأة لقي روحو ف النص زيو..

حيدر بس ضحك ضحكة استهتار ع تفكيرو دا..

دا الناقصو والله..

انو كمان زول تاني يعرف انها عاجباه..

-ي ولد انت م جادي؟؟

حيدر رفع راسو عاين ليها..

=و انتي؟؟

حواجبين نشوة اتلاقو

=انتي قايلة روحك خلاص المقطعة الجدية ف حياتك؟؟

-انا الدخلني شنو حسي؟

=هه؟؟..انا بديت دا كلو ب سببك

-حيدر هوي احسن ليك..انا و انت الاتنين عارفين انك عملت دا كلو من عندك انت..وانا م كنت عارفة شيء اساسا..

حيدر صحك ضحكة استهتار..

=م فرقت سواء كنت عارفة او لا..عليك الله م بتخجلي من روحك؟..تقعدي تضحكي قدامهم كدا ب كل ابتسامتك و تمشي تقعدي تبكي لامن م تنومي..لانك عاوزة تعملي روحك الواعية الفاهمة العاقلة المراعية ا مشاعرهم؟؟طيب وهم؟؟..هم لييه م براعو ل مشارعرك؟؟لييه م شغالين بيك؟؟..لين مجتهدة ف انك تصلحب الوضع برااك؟؟..ليه تتضرري براك؟

نشوة بلعت ع ريقها

-انت م عندك دخل

=هه..جد م عندي دخل..و انا بعمل العاوزو..لكن انتي اقعدي غشي نفسك كل يوم انك فرحانة بما انو هو فرحان و اتققطعي ب جوا ف كل مرة يبتسم ليها او حتي بس يعاين ليها..اقعدي اقنعي نفسك انك كويسة و م زعلانة ف نفس لحظة انك بتكوني بتحاربي ف الدموع من انها تنزل..اقعدي حاولي اجبري كسر الناس و اظهري ب اكبر ابتسامة عندك و اتقاضي عن فكرة انو مافي انسان ف الدينا دي طول عمروا حيفكر يجبرك و يجبر الحاجات المكسرة جواك دي ولا لحظظة..اقعدي طنشي كزيس و خلي الواقع يأكل قلبك براحة براحة و انتي واهمة نفسك ب هدوء و راحة قايلة انك متملكاهم رغم انو حياتك كلها م حتحلمي بيهم زاتو..اعملي ف روحك كويس كدا..لحدي م ف يوم من الايام تقعدي مع نفسك براحة و تقعدي تقولي انا ليه كنت لعمل كدا؟؟هم عملو لي شنو؟هم اساسا م ختو لي اعتبار اخت لبهم لي؟؟لامن م تضربك الحقيقة ف يوم من الايام..!!!

حيدر كان بتكلم و نشوة من كترة م الكلام حرقها لامن م بقت بتبكي ف النص و م انتبهت زاتو..

الدموع دي نزللت نااافووورررةةة!!!..

و حيدر لمن سكت و انتبه صحك ضحكة استهتار

=و الزول يجي يساعدك و تنقلبي عليه..يوم من الايام حتشكريني و تلاحظي لي..

نشوة بقت تبكي و بتحاول تكتم ف الصوت..

الدموع دي بس شووووو نازلة شلال..

حيدر اتكل ع الكرسي تاني بعد انفعالو دا و رجع استرخي و هو بعاين ليها و هو حاسي بالاسف اتجاهها..

لو م هو الاخد ليها حقها ف الدنيا دي الحياخدها منو..

هه..

حيدر دا غاشي روحو..

و عارف..

قايل انو بعمل كدا عشان يعوض نشوة ع العملو فيها؟

دا كلو بس عاملو اساسا عشان يولعها مع حازم..

انو يتسدي حق نشوة دي بس حاجة اضافية م اكتر..

حازم..

الولد المحيرو..

حيدر رفع راسو لا اراديا و عاين للزول الوقف و ختي يدو ف كتف نشوة..

اخد نفس شوية لمن عرفو منو..

او بالاحري عرفها..

رفعت راسها و عاينت ليه و ف شرارة ف عيونها..

و حيدر م قدر يعمل اي شيء غير انو يبتسم..

ريفان عاينت ل حيدر كم ثانية و عانيت ل نشوة..

نشوة كانت بتقش ف دموعها اول م شافتها و ريفان رجعت عاينت ليها..

حيدر عاين للقلق ف عيون ريفان و صحك..

البت دي فيها شنو؟

فيها شنو عشان تعجبو هو و حازم كدا؟

استغفر الله بس كلها عادية جدا و اقل من العادي كمان..

معاير جمالها منخفضة جدا بالنسبة لمعظم الناس..

حتي م فيها شيء بكسرك كتير زاتو..

طيب ي خلق الله ف شنو؟؟؟

اعتقد حيدر كان منغمس جدا ف نقاشاتو الداخلية مع نفسو دي م ركز شديد

لمن ريفان قبلت علبه..

ولا ركز مع كباية العصير الضخخممة الكانت شايلااها ف يدها..

ولا مع فكرة انها مسكت كباية نشوة ف يدها التانية..

و ف اقل من ثواني كانت واقفة قدامو و..

ششششششووووووو!!!!!!!...

حيدر دا رجع تتتبببب ل كامل قواه العقلبة مع الكشحة الحصلت دي..

ريفان كان كشحت فيه الكباتين ف اان واحد..

حقتها حقت العصير و حقت الموية حقت نشوة..

ريفان اخدت خطوتين ل ورا عشان جزمتها م تعفص السوائل الفي الارض..

مع الكشحة ظي معظم الناس الحوليهم انتبهو ليهم..

لا يعني بالجد..

البت دي لييي بتحب تكشح الحاجات ف الناس؟؟

والله تحير زاتو..

حيدر رمش مرتين و قشي وشو..

والله العظيم جد م طبيعية..

ف زول بكشح حاجة باردة زي دي ف انسان ف البرد دا و ف مكان عام زي الجامعة و يكون طبيعي..

هه..م اعتقد

حيدر رفع راسو و عاين ليها ف وشها..

كان متوقع يشوف الخوفة او جزء منها..

حاجة تدل ع انها ندمانة او بتفكر انو هي كان لازم تفكر مرتين قبل م تعمل العملتو..

لكن لا..

لانها ريفان..

عاينت ليه ب نظرة مليانة تحدي..

لايك والله ذرة خوفة بالغلط م كان فيها..

حيدر ابتسم ابتسامة بالجمبة بتظهر كيف هو مغيوظ من جوا..

قام ع حيلو واخد خطوتين عشان يصل ل ريفان..

او كان مفروض يصل ع الاقل..

كان ماشي ب سرعة..

لايك اتخيلو معاي وقف و اتحرك عليها م بعرف لو كانىحيضربها و لا يكشح فيها الموية الباقية ف الباقة عشان يخليها تجرب البتعملو..

المهم كان عاوز يصلها..

لكن من قومتو من الكرسي و بس اخد خطوتين..

بس خطوتين..

الخطوة التالتة اتقطعت ب يوسف يقيف قدامو ويرفع يدو عشان يوقفو..

حيدر وقف ع شوية خلعة من يوسف الجاه دا..

و حازم كان الريدي فجأة ظهر ب ورا ريفان و مسك كوع يدها و رجعها ل ورا شوية لانو حيدر كان الريدي قرب يصلها و هي من الخلعة ع ظهور يوسف الفجأة دا كانت رمشت كم مرة و كرفست وشها شوية من الشي الظهر قدامها فجأة..

حيدر عاين ل يوسف الكان وقف قدامو الريدي..

يوسف:حيدر..

حيدر تني راسو بالجمبة شوية و رفع عاين ل ريفان الواقفة بتعاين ليه لكن المرة دي ب نظرات خوفة شوية..

اعتقد خافت و قايلاه حيقوم يكفتها او يضربها..

رفع عينو شوية و لقي حازم واقف جمبها و ماسك كوع يدها الشمال شوية و بعاين ليه ب نظرات قاتلة..

والله لو النظرات بتقتل كان الولد قبروا اتحفر ف مكانو و مات زمان..

حيدر رجع عاين ل نشوة..

كانت بتغش ف دموعها خلاص و ف وشها و بتهدي ف روحها غشان م تبكي زيادة..

هه..

الثلاثي المرح دا غايتو مصدع بيه و عامل ليه موضوع..

و ريفان بس جات دخلت بينهم ف النص فجأة و جاطت ليهم كل شيء..

حيدر عاين ل يوسف تاني..

يوسف:الناس..

حيدر بلل شفايفو:بتضحك لمن تقول الناس و هي الجذبت انتباههم من البداية..

يوسف:هي بت

حيدر:تفتكر كنت حاضربها ولا شنو؟

يوسف رفع حواجبينو:م اعتقد فكرت اساسا عشان انا اقدر اقرر..

حيدر لفي عيونو و اتحرك مرق برا الكافتيريا طوالي..

العيون الكانت فيه م كانت مؤثرة فيه اساسا..

و كأنو دي اول مرة يعني عشان تكشح فيه موية..

م فرقت معاه شديد..

عكس ريفان تماما..

ريفان كانت حاسة انو عيون الناس دي بتتحفر حفر فيها..

حاسة ب عدم ارتياح ب طريقة كدا م طبيعية..

ف صوت جواها قال ليها طيب انتي لو م بتستحملي العواقب بدخلي اساسا ليه..

ريفان بللت شفايفها و غمضت عيونها كم ثانية..

جدجد ف حاجات لمن تتعمل مافي طريقة للرجوع تاني..

لكن دفاعا عنها هي بس فجاة شافت نشوة بتبكي لمن جات تمرق و كان قاعد قصادها الحيوان دا..

ف م فكرت تاني..

كلهم عاينو ل اتجاه نشوة من الحركة السمعوها..

كانت قامت و اتحركت مرقت طوالي..

يويف و حازم و ريفان..

حازم و يوسف كانو مارقين ب وراها لكن صوت ريفان وقفهم

-خلوها..

عاينو ليها الاتنين

-اعتقد هي ف اللحظة عاوزة تكون براها م تمشو ب ورها..انتظرو لامن م تجيكم..

يوسف عاين ل ريفان..

م عاوز يقولها لكن كلامها صح..

نشوة من النوع الكتوم زيادة عن اللزوم و انهم يمشو ب وراها كدا بس ختنتفض فيهم زيادة..

يوسف طلع نفس طويل..

حازم كان بس بعاين للباب المرقت منو..

=حصل شنو؟

ريفان عاينت ل يوسف الاتكلم

سكتت مسافة..

جد هو الحصل شنو

-م بعرف..انا انتبهت انها قاعدة بتبكي و هو بس بعاين ليها..

يوسف كرفس وشو و حازم بس قبل عاين ليها

=بعاين ليها؟

ريفان هزت راسها

-م بعرف الحصل شنو او هو قال ليها شنو..بس كان بعاين ليها ب طريقة استفزتني..

=و قمتي كشحتي فيه الحاجات دي

ريفان عاينت ل يوسف ب شوية استهتار

-يستاهل اكتر

=انتي بس بتحبي تكشحي كدا ساي بدون م تفكري ف البحصل بعديها او انتو وين اساسا؟

ريفان كرفست وشها

-بعمل اللازم يحصل..بعدين اكشح ياي؟

يوسف تني راسو و عاني ليها

=كشحتي فيه جك برضو قبل كم يوم صح؟

ريفان بللت شفايفها

-اقولها ليك تاني..بعمل اللازم يحصل..

يوسف رفع ليها حواحبينو

=بدون م تفكري؟

ريفان عاينت ليه بتحدي

-تحب اوريك كيف تاني؟

يوسف عاين ليها بس..

البت شكلها ببقي مخيف لمن تتحداك..

و كأنو هي مستعدة تضربك رصاصة لو لزم الامر..

يوسف بلع ع ريقو

و عاين ل حازم

=انا راجع البيت غالبا م اسوق امي نمشي ليهم بعدين

حازم عاين ليه

_اممم..

يويف جا يتحرك لكن صوت ريفان وقفو

-لينا م معاك؟

يوسف عاين ليها ب برود

=م شفتها لي كم يوم

و طوالي مرق..

حواحبين ريفان اتلاقو ع جملتو الغياظة دي..

-دا مالو المتخلف دا..

_جد جد متخلف..

ريفان عاينت ل حازم الفجأة اتكلم دا..

رغم انها قالتها ب صوت شوية واطي لكن حازم سمعها..

ريفان اخدت ثانيتين و هي ياكتة و تاني جات تمرق..

مرقت و حازم اتحرك ب وراها..

_شكلهم اتشاكلو..

ريفان عاينت ليه و لقتو ماشي جمبها..

حواحبينها اتلاقو ع كلامو

-جد؟؟قال ليك شنو؟

حازم عاين ليها ب استغراب

_م ورتك هي؟

-ليه ف حاجة حصلت جد؟

حازم رفع حواجبينو من الصدمة شوية

_هه..انتي دايما واقفة قدام ف صف الناس ابجاهزين يكفتو يوسف ب سبب لينا و م عارفة انهم اتشاكلو حسي؟

ريفان استغربت شديد

-.حصل شنو؟

_م بعرف..

حازم ضحك ع الاحباط الظهر ف وش ريفان

-كيف يعني م بتعرف؟،..ومال جبت كلامك دا من وين؟

_من تصرفاتو..

ريفان عاينت ليه

_لمن اتشاكلو اول ايام..شكلة التلفون و البت..بتصرف ب نفس تصرفاتو الوقت داك..بس النرة دي اسوء

ريفان م فهمت..

_يوسف نادرا م يشرب موية..صدقيني..ممكن بعدي يومو ب كبايتين عكسي تماما..و لمن اتشاكلو شكلتهم ديك..كان بشرب اكتر مما هو بياكل..وخالتو كان انتبهت و نبهتنا ع النقطة دي..

ريفان م كانت فاهمة هو عاوز يصل ل شنو

_لكن حسي..بقي م بياكل اساسا..بسجر سجارتو دي و بشرب موية او بيبسي او بارد..و حتي لمن ياكل..بياكل عشان امو م تنتبه..

ريفان رفعت حواحبينها..

هه هو بالله بحس يعني..

-بالله خاتي ل لينا اعتبار للدرجة دي

حازم ضحك و عاين ل ريفان

-،بتضحك مالك؟

_انتي قايلاه م خاتي ليها اعتبار؟

-مع البعملو دا؟هه..اكيد لا..

حازم بلل شفايفو و هو بضحك شوية و عاين ليها

_شوفي ي ريفان..

ريفان عاينت ليه..

اعتقد فيها مشكلة..

الطريقة النطق بيها اسمها عجبتها شديد..

هو بالله قاعد يعرف اسمها شنو؟

طيب ليه م بقولو كتير و هو بنطقو حلو كدا؟

_يوسف دا معاق..اعتقد بكون ضمن قائمة اكتر ناس معاقين يلاقوك ف حياتك..

ريفان عاينت ليه ب استغراب

_ممكن تعجبو الحاجة و يمشي يديها رد الكراهية..اعتقد دي ناتجة من انعكاس المشاعر السلبية بداخلو..بمسك اي شيء عاجباه و م بفكها..وببدي يلعب اول م يضمن انها حقتو و يستهين بيها..بختها بالجمبة..بس م بنساها..

-انت قصدك انو الحاجة دي لينا؟

حازم ضحك

_قصدي مشاعروا اتجاهها م هي بحد زاتها

ريفان قبلت منو

_و زي م بفك كل شيء ب طريقة سلبية..بعكسها ب طريقة سلبية..

ريفان لسا م فهمت قصدو شنو

حازم ضحك ع الحيرة اللسا ف وشها

_يوسف عمروا م قعد شرب شوربة ف حياتو..بس دايما بس بشرب البتعملها ليه حبوبة لينا و بتجيبها لينا..

-امم..

شوية بدت تفهم

_ف نفس الوقت..يوسف عمروا م فوت ليه لعبة كورة..ولا حتي للامتحانات او حتي ل مشاريعو..

ريفان عاينت ليه

_بس امبارح ليه كم يوم م مشي و بس برقد ينوم..

-يعني جد اتشاكلو؟

حازم عاين ليها

_اخر مرة اتكلمتي مع لينا متين؟

-امبارح لمن مرقت تفتش عنو ب العصر كدا..

_تاني م لاقيتيها؟

ريفان هزت رايها ب معني لا

-تلفوني قاطع من امبارح و انا م لاقيتها ف الكلية الليلة..

حازم ابتسم

_امم..

ريفان عاينت ليه

-انت بتحب تحلل الناس؟

حازم عاين ليها و م فهم سؤالها

_امم؟

-بتحت تحلل الحاجات زي ابوبكر؟

حازم ابتسم

_انا م زي ابوبكر

-صحي؟لاني بحس انو مأثر فيك

_دا لانو رباني ك اخوه الصغير..

-سو مؤثر فيك يعني

حازم طلع نفس طويل

_دي هواية اعتقد..م عندو هو براه

ريفان عاينت ليه

-جد؟

حازم هزا راسو

_نيفين كدا و محمود اكعب مننا كلنا..

ريفان طلعت نفس طويل ع اسم الشافع

حازم ضحك

_غريبة كنت قايل انك بتحبي الشفع

ريفان ضحكت

-دا م شافع دا عبارة عن شيطان ف جسم شافع بس م اكتر

حازم تني راسو بالجمبة

_هو بس مارق علي اكتر اعتقد

-انت م فظ كدا

_دا لاني م بطلع افكاري برا عقلي..

ريفان عاينت ليه

_محمود شايل افكاري و لسان ابوه..

يعني شنو؟

_يعني طالع يفكر زيي و بقول اي شيء ف عقلو زي ابوه..

-و من الشايفاه دي حاجة كعبة..

_جدا..جدا جدا..

ريفان صحكت

_نيفين دايما بتشاكلو بتقول ليه اوعا تطلع ع خالك و هو مصر يطلع زي

-دي م حاجة ممكن يتكلم فيها زول..

_تشوفي بس

-لكن جد جد السافع لازم يصلح طبعو

_اعتقد هو كان كويس جدا معاك

ريفان عاينت ليه ب استغراب

-هه..لا..لاا انت م قلت كدا للتو

حازم ضحك

-انت سمعتو كان بقول لي شنو؟

_فكرة انو م حاول يأذيك او طبق فيك احد الحاجات البعملها ل النانيز ديل براها كفاية..

ريفان م كانت قادرة تتكلم من الصدمة زاتو..

-واو..دا اخر الدلع

_دا اخر انو يكون الشافع الوحيد ف البيت دا كلو و الناس كلهم بحبوك كدا..

ريفان كان دخلت الكلية..

شوية كدا و عانت لمن لقت حازم وقف م دخل معاها..

اتلفتت عاينت ليه بعد م قربت تدخل تاني

-م جاي؟

حازم ضحك

_مافي سبب بدخلني..يوسف و مشي..

رفع يدو عاين ل ساعتو

_و عندي محاضرة بعد 7 دقايق..

ريفان نطكت حوجبينها

-طيب و جيت معاي لي..

حازم ابتسم ليها و قبل مسي ولا ردا زاتو..

كان شبه بجري وهو بحاول يتحرك خلال الزحمة دي عشان يقدر يرجع ل هندسات و يحصل..

ريفان هزت راسها و دخلت الكلية..

ريفان دخلت و فتشت وابل و نون..

شوية كدا و لقتهم..

حواحبينها اتلاقو ب حيرة

_وين لينا؟

نون كانت خاتة ف اضانها التلفون..

وابل عاينت ل ريفان و اتكلمت

-م جات..

حواحبين ريفان اتلاقو

_كيف يعني م جات؟

=م بترد..

وابل و ريفان الاتنين عاينو ل نون الكانت بتضرب سااي ل لينا..

_اخر مرة اتكلمتو معاها متين؟

وابل و نون عاينو ل بعض..

-تاني من الجامعة م اتكلمنا معاها

_م اتكلمتو معاها ف الواتس امبارح بليل؟

-انتي ناسية انو امبارح كان عيدميلاد يوسف و مرقت معاه؟

=اممم م رسلت شي من العصر ولا دخلت..

حواجبين ريفان اتلاقو اول م جملة يوسف جات ضابة ليها عقلها ب كل برود

'لي كم يوم م شفتها..'

عاينت ل وابل و نون

_يوسف قال ليه كم يوم م شافها..

الاتنين استغربو وعاينو ل بعض و تاني رجعو عاينو ل ريفان

-انتي لاقيتيه؟

ريفان هزت راسها

_ف الكافتيريا قبل شوية

=و كيف يعني م لاقاها؟

ريفان اتحيرت زاتها..

ادالبنات كانو ساكتات ل فترة شوية كدا و عاينو ل الجا وقف قدامهم..

التلاتة رفعو راسهم و عاينو لقوه علي..

علي عاين ليهم و اتكلم

=ام لينا رقدت مستشفي..

التلاتة بنات ديل بس التقول لسانهم اتقبض..

نططو عاديونهم و عاينو ليه

=جاتها ذبحى لكن الحمدلله لحقناها..

ريفان عاينت ليه

لحقناها؟

للتو قال لحقناها؟

=امشو شوفوها حسي هي قاعدة معاها و ابت تحي الجامعة..

وراهم ايم المستشفي و وقف مسافة..

=انتو عارفين..اساسا انا كنت ماشي بعد شوية..اذا فاضين ارح حسي نشوفهم و السلام..

التلاتة بنات اتنفضو علي حيلهم و طوالي مرقو مع علي اتحركو ع المستشفي..

علي ف الطريق حكي ليهم الحصل كلو..

◇◇◇◇◇◇◇◇◇◇◇◇◇◇◇◇◇◇◇◇

حازم كان مسرع ع الكلية..

جد لازم يحصل محاضرتو..

و هو ماري بين الناس..

فجأة لمح ليك زول خلاه يبطي ف سرعتو و يقبل..

عاين مسافة..

و عينو ليها قاعدة ف احد الكنبات الفي الطريق..

وقف ف مكانو اول م اتأكد انو دي هي..

مشي عليها شوية شوية..

كانت قاعدة و بتعاين ل تلفونها..

لمن قرب منها لقاها بتعاين ل انعكاس روحها ف تلفونها تحديدا..

طلع نفس طويل شوية و مشي قعد جمبها..

نشوة لمن رفعت راسها و عاينت جمبها لقتو حازم..

قبلت و رجعت عاينت ل تلفونها تاني..

حازم عاين ليها و تني راسو عشان يقدر يشوف ملامح وشها كويس..

كان وشها لسا لونو احمممر من البكي..

شوية اخف من نخرتها لكن..

امكن دا تأثير اضافي من البرد و الجو عليها..

لكن برضو كانت عاملة زي الطماطم..

عيونها شوية لونهم بدي يرجع من الحمار الفيهم..

و كانت ماسة ليها منديل بتقش ف نخرتها كل سوية..

-ممكن م تعاين لي؟

حازم رفع حواجبينو وقبل استعدل ف قعدتو..

نشوة فتحت التلفون و عاينت ل الساعة

-انت موش عندك محاضرة حسي؟

حازم ضحك شوية

_م عندي مزاج ادخل..

حواحبين نشوة اتلاقو

-من متين انت بتدخل المحاضرات ب مزاجاتك؟

حازم عاين ليها

_من ما جاتني رغبة اني اقعد معاك هنا برا و ما ادخل؟

نشوة قبلت منو..

-حتضيع وقتك ساي..

حازم ابتسم بس..

سكتو كم دقيقة م قالو شيء..

و حازم لمن لقاها م عاوزة تتكلم هو قرر يتكلم..

_نشوة..

نشوة عاينت ليه

_انت عارفة الحصل لي صح؟

نشوة بس رمشت و منتظراه يتم كلامو

_و عارفة طبيعتي صح؟

حواجبين نشوة اتلاقو لانها م فاهمة هو بقول ف شنو

_بالنسبة لي انا طبيعتي دي كانت عبارة عن جاز للنار..

طلع نفس طويل شوية و هو بتم ف كلامو

_الكتمان الاتولدت بيه دا كان بقتلني كل يوم اول م الشمس تغيب..بحس ب اكتئاب زايد ع ضلام الليل..

ضحك شوية وهو بتم

_و بزات ف الشتاء..حاجة غريبة صح؟

عاين ل تشوة ولقاها م حتتكلم

_اكتشفت بعد م كبرت انو دا كلو ب سببي انا..طبيعة الكتمان حاجة لا تطاق..لكن الاكتئاب البضربني زيادة ف البرد يسمي الاكتئاب الشتوي..حاجة طبيعية جدا..ف مفروض كان احس ب اني طبيعي صح؟

نشوة كانت بس منتظراه تشوف هو عاوز يمشي وين

ضحك شوية

_هه..بس اعتقد الفكرة دي زادت الوضع سوء..م معناتا انو دي حاجة طبيعية يعني انا طبيعي..فكرة الكتمان كانت بزيد الوضع سوء..الناس بعاينو ل وشي و بفهمو انا انا انسان م عندي مشاعر..او مغرور..المهم الرسمة البتترسم ف راسهم..

حازم عاين ليها

_م حصل سألوني انت مالك از ف شنو..ف تدريجيا انا حولت الكتمان ل برود و الهدوء البجري ف دمي زاد الوضع سوء..

نشوة هزت راسها شوية و هي بتفهم فيه

_فترة لمت الناس..هم بقولو عني كدا و هم السبب ف الحصل..لكن تاني اتعودت..م حبيت التغير..م حبيت اتكلم مع الناس كتير م حبيت احطي ل ناس كتير..الفايدة شنو لو حيكت..م حتسوي شيء لو حكيت ليك..اعتقد م حيكون ف فايدة لانو ف النهاية الوضع حيكون شيء عابر بالنسبة ليك و السلام..و انا الفي الحفرة ف النهاية..دي مصيبتي و حاضيع وقت بس لو وريتك..انت زاتك حتسوي شنو؟حتترسم صورة مختلفة ف راسك و حتزيد شفقة لي..و م ناقصني..انا الوحيد البقدر احل الموضوع.

.

نشوة هزت راسها لانها مارة ب دا حاليا..

_لكن انتي عارفة..دا م بغير فكرة انو انا لسا كان بموت كل يوم ب بليل لمن اتزكر..

نشوة بللت شفايفها..

_انا ممكن اتعايش مع الكتمان..انا قمت ع كدا..لكن حتي انا العايش عليه اتكلمت و انفتحت ليك و ل يوسف..و شوية اتفتحت ل ريفان..

نشوة ابتسمت..

_انتي م بتقدري..

-انت مصدق انو انا ضعيفة .

حازم طوالي ردا ليها

_انا مصدق انو الجزء الحي الجواك م بستاهل يموت لانو الدنيا محتاجة ليه..

نشوة بلعت ع ريقها بس ع جملتو دي..

حازم ابتسم ليها

_انت م الا توريني انا او يوسف..لكن اتكلمي..المهم اتكلمي..

نشوة هزت راسها..

_اسف جدا للبحصل ليك و انا م بقدر اساعدك فيه زي م ساعدتيني كل مرة..

صحكت شوية وهي بتلاحظ للبحصل..

هو السبب ف انها كانت بتبكي..

و هو م عارف زاتو..

لكن هدا هو بعتذر..

هي كانت بتتألم ب سببو..

لكن هدا ليه هو الوحيد الواساها..

النار ولعت ف قلبها و هدا هو جا طفاها براحة براحة..

_عارف انها م ساهلة..لكن برضو عارف انو الموضوع م بستاهل تكتميه و تمري بيه براك..

-طيب و انت؟

حازم ضحك

_انا؟؟

نشوة هزت راسها

_انا حفرت قبري براي و بتم للنهاية براي..

نشوة طلعت نفس طويل شوية..

كانت عاوزة تسألو سؤال..

-بتحبها؟

ااي جا من العدم..

لكن محفور جواها حرفيا..

كان لازم تقولو

م قدرت تمسكو جواها

لازم تسمع ايجابتو عشان تعرف تسوي شنو بعديها..

حازم بلل شفايفو و سكت كم ثانية و شوية و ردا

_امكن..

حواحبين نشوة اتلاقو

_اعتقد..؟

نشوة رفعت حواجبينها

_غالبا..

نشوة ضحكت ع ايجابتو المتقطعة دي..

تحسي بيه كان برد ل روحو م ليها هي..

حازم ضحك بعديها طوالي

_انتي عارفاني معاق قدر كيف..

-نوو شييت..

الاتنين ضحكو ع جملتها..

◇◇◇◇◇◇◇◇◇◇◇◇◇◇◇◇◇◇◇◇

ام لينا مرقت من المستشفى بعد كم يوم..

الحمدلله مرقت سليمة..

و كانو شغالين امتحانات ف لينا دي قربت تتقطع..

لكن الحمدلله مرقت سليمة..

امتحنت كل الامتحانات الحاجات مرقت ب خيرها و شرها..

لينا كانت قاطعاها حررفياا مع يوسف..

و يوسف اساسا م حاول معاها..

لكن جدجد فرقت معاه..

و رغم انو لينا م ورت زول بالحصل..

لكن برضو..

شوية شوية نشوة و ريفان و الجماعة كلهم بدو ينتبهو..

يوسف بقي م بقعد ف الكلية..

و لينا بقت م بتتكلم عنو ولا حتي بتعاين ف اتجاهو..

ف اخر يوم ف الجامعة قبل الايجازة كانو قاعدين..

الكلية عندها قعدة بقعدوها كلهم ف الحزش..

زي الركن..

بقعدو يتناقشو ويتكلمو..

نفرين او تلاتة بتكلمو عن حاجات و الناس بتشاؤك معاهم بس لو هم سمحو بيها..

وبالفعل..

الناس اتلمو وقعدو..

ناس ريفان كانو قاعدين ف الاخر..

بعدو اتونسو واتناقشو الجماعة..

و جزء الناس تسمعو و جزء مع تلفوناتهم..

لينا عاينت للساعة..

الليلة عاملين كرامة ل امها..

عاينت ل ناس ريفان و وقفت ع حيلها

-انا لازم امشي..لو ضربو لي و لقوني لسا هنا بعلقومي ف المروحة..

ريفان ضحكت ليها

_خلاص اررح انا زاتي زهجت عاوزة احاول انوم..

وابل و نون هزو ليهم راسهم..

و ديك الاتنين مرقو..

و هم مارقين لاقو حيدر ف وشهم..

ريفان عاينت ليه و هو ابتسم ليها..

استغفر الله..

لكن الغضب الجواها الب سببو شوية شوية اختفي..

=امتحنتي كيف؟

ريفان عاينت ليه..

و هي م ممكن فجأر ترجع تعمل روحها م بتعرفو..

_الحمدلله..

حيدر ضحك

_انت الامتحنت كيف ي خريج

حيدر هزا راسو

=اممم..لسا م سلمت المشروع النهائي..

ريفان عاينت ليه

=لكن اهو..لسا حي الحمدلله..

ريفان ضحكت

حميرة لينا كانت حتحفر فيه حفرة والله

=ماشة ليه خالة القعدة الحلوة دي؟

ريفان تنت راسها بالجمبة

_عندك لي مشكلة جديدة ولا شنو؟

حيدر بلل شفايفو وهو بحالو يمنع ف الضحكة

=معقولة؟..

ريفان عاينت ليه..

_متأكد؟

حيدر اتحرك و جا ماري فيها

=لو في بوريك تمام..

ريفان لفت عيونها و لقت لينا بتعاين ليها

-انت م طيبة انت متخلفة...لييه متخلفة؟

ريفان عاينت ل لينا

_عليك الله اسأليني تاني..

لينا رفعت يدها احسا حتكفتها بالهظار و ريفان قعدت تضحك و رفعت يدها احساس تجل..

لمن جو يمشو لقو يوسف واقف شوية قدامهم..

ريفان كوالي عاينت ل لينا..

حريفا الضحكة اختفت تماما من وش لينا..

يوسف كان واقف بعاين ليهم..

جا وقف قدامهم و عاين ل ريفان

=ممكن تدينا 10 دقايق؟

ريفان عاينت ليه ب استغراب

_فجأة من العدم جيت قررت تتك-

-ريفان..

ريفان عاينت ل لينا

- 5دقايق و بجي لاحقااك..

ريفان قبلت كوالي مشت بعد م حمرت ل يوسف و طلعت نفس طويل..

لقت حازم كان جاي لاحق يوسف..

حازم عاين ليها و ضحك

_انتهيتو صح؟

ريفان هزت راسها

_نحنا برضو..

حواجبين ريفان اتلاقو

-انت مسافر متين؟

حازم ضحك

_بعدين الساعة 8 ريفان نططت عيونها

-اا؟؟

حازم ضحك ع تعابير وشها

_نيفين م دايرة تخليني اقعد و لا ثانية زيادة...

-ف البرد دا جوهم هناك م فيه مشكلة؟

حازم هزا راسو

_دا السبب الاساسي..مافي طيارة حتتحرك ع هناك تاني الا بعد اسبوعين..

-و نيفين م حترضي..

حازم هزا راسو

_ف عشان كدا حيتلتلوني و يتعبوني..

ريفان ضحكت

-وااه و جاي متين؟

حازم عاين ليها

_برضو ص

بحيه اول يوم..

ريفان هزت راسها و تحس بيها شفقانة عليه

-احس بيك قرفان من السفر

_و من الطيارات و من اكلها و من التلتلة و كلو..

ريفان ضحكت

-جدجد عينك طالعة

_دي تلتلة انو حياتك تكون مقسمة حرفيا بين قارتين مختلفات تماما..

ريفان ضحكت

_يوسف وين؟

ريفان سكتت و طلعت نفس طويل

_بتكلم مع لينا ولا شنو؟

-انت عارف الحصل شنو؟

حازم هزا راسو ب معني لا

_انتي لينا م ورتك؟

-م اتكلمت و انا م عاوزة اسأل عشان هي لو عاوزة تتكلم كان اتكلمت..

حازم عاين ورا ريفان ..

_كل العارفو انو يوسف دا بقي م طبيعي..

ريفان كرفست وشها

_و حيكون شايل كم مادة ملحق صدقيني..

حواجبين ريفان اتلاقو

-اا؟؟

حازم عاين ليها

-يوسف الواحد دا؟؟

حازم هزا راسو

-الواحد البجي تالت او رابع الدفعة دا؟

_تصدقي؟

-لا انت بس بتبالغ

خازم ضحك ضحكة استهتار

_شوفي بس..

ريفان عاينت ل حازم ب استغراب..

بقول الكلام وكانو حاجة هينة..

بزات ع ناس معمار..

.

.

.

.

.

.

.

.

لينا عاينت ل ريفان لحدي م مرقت و هي بطنش ف الطريقة البعاين ليها يوسف

شوية كدا و عاينت ليه

-مالك؟

حواجبين يوسف اتلاقو

=انتي المالك

لينا م غيرت ف تعابير وشها

=مالك بتتجنبيني؟

-م بتجنبك م نفسي الاقيك و بس

=ليه؟

لينا م ردت ليه

كانت بتعاين ليه ب برود..

يوسف استغرب شوية..

دي م لينا البعرفها القدامو دي..

ف شيء فيها اتغير..

و الحاجة دي ولدت شوية خوف جوة يوسف

=دا لاني م مرفت معاك ف عيد ميلادي؟

لينا ضحكت ضحكة استهتار

-انت قايل حياتي بتتمحور حوليك؟

حواحبين يوسف اتلاقو

من متين هي بترد تقول ليه جمل زي دي

=مالك انتي؟

لينا طلعت نفس طويل

-م عاوزة..

يوسف عاين ليها

=م عاوزة شنو؟

-م عاوزة يكون ف شيء بجمعنا..

يوسف رفع حواجبينو

-خلاص يلا..الشيء الكانت بيننا دي المامفهومة زاتو..انتهت..و بس

=انت م بتقرري الحاجة دي

لينا لفت عيونها

-للتو عملتها

لينا اتحركت عشان تمشي

لكن صوتو خلاها تقيف

=اانا بس وريتك العملتيه فيني..م اكتر..

لينا لفت عيونها

-قلت ليك..حياتي م بتتمحور حواليك..

=طيب ف شنو؟

لينا قبلت عاينت ليه

-تفتكر دا لاني شفتك مع البت؟؟او لانك جبتها ل نفس المكان القلت ليك نتلاقي فيه غتاتة بس؟

يوسف عاين ليها ب استغراب

-انت واحد حقير..

لينا طلعت نفس طويل

-والدنيا احتاجت تكفتني عشان تخليني اصحي و الاحظ الحاجة دي..

و لينا طوالي قبلت و مشت..

و مرقت..

◇◇◇◇◇◇◇◇◇◇◇◇◇◇◇◇◇◇◇◇

مرت الايام..

الايجازة مرت و الناس ديل بتلاقو..

لينا كسرت حنك يوسف خالص..

و صاحبت علي شدييد شدييد..

فترة م حكت ل الجامعة .

و بعد م حست بالجد انو الموضوع بقي م واجعها شديد..

حكت ليهم..

ولمن حكت رسفان دي الا ربطوها من انها تمشي تطعن يوسف ب سكاكين بيتها كلو..

و بعد فترة حست ب كمية الالم المرت بيه لينا..

لكن كمان حست بالفخر من انها اتجاوزتو و اخيرا وعت خلاص..

ف نفس اليوم كان هي صاحية ب بليل بتحضر و حامية ف غرفتها نص الليل حرفيا..

كانت بس بتفكر ف لينا و كيف اتغيرت ف الفترة دي و هم انتبهو و هي اخيرا بقت قوية..

كان باقي ع الجامعة اسبوع و حاجة..

يعني شنو؟

يعني حازم حيجي راجع بعد اسبوع و حاجة..

شوية كدا و حبوبتها جات داخلة..

ريفان عاينت ليها و ضحكت

_الليلة وين الاكل؟

-بي بت انتي اصلو م بتزهجي؟

ريفان ضحكت

-ف باقي كيكة ثحابتك الجو قبيل ديك امشي اكلي منها

ريفان ضحكت و مشت جابتها و جات

-اها ان شاء الله صاحية ليه؟

ريفان عاينت ليها

_بحضر

-هوي ي ريفان هوي

_جاية انوم والله..

حبوبتها شالت و اكلت برضو من الكيكة

-ما شاء الله بقيتي تسويها زي حقتي تماما

ريفان ضحكت

_لازم..دي وصفة العائلة..

حبوبتها ضحكت

_عرفت انتي بتستعملي قدر كيف من الكميات عشان تطلع لمستك دي

-كويس ع الاقل وول يكون بعرف

ريفان ضحكت

-اها جديدك شنو؟

_غير اني كملت مسلسلين ف اسبوع مافي جديد

-انتي لازم تشوفي ليك شغل والله

ريفان ضحكت ضحكة استهتار

_احساس انا قاعدة برا السودان عشان كدا انتي بتتكلمي ب كل سهولة كدا..

حبوبتها ضحكت ع استهتارها

-قبيل حصل شنو؟

حبوبتها عابنت ليها

ريفان قعدت تاكل و حكت ليها الحصا مع لينا و كدا

بعد م انتهت حبوبتها طلعت نفس طويل

-و انها حسي كيف؟

_لا كويسة الحمدلله..يعني بقت احسن ب كتير..

-و لينا؟

_لينا لسا بتدخل ف نوبات و حالات هلع لمن يضربو ليها او امها تكح ساي..لكن شوية شوية بقت كويسة..

-يحليلها البت دخلت ف صدمة والله..

_جد دخلت ف صدمة

-الام م هينة..و فكرة انها وقعت قدامها كدا..يحليلها والله البت قلبها قوي..

ريقان ضحكت

_صح؟؟دي لو كانت انا كان اغمي علي زمااااان ف اللحظة الوقعت فيها امي..

حبوبتها عاينت ليها

-انيت ي القلبك ضعيف..

ريفان ضحكت و اكلت من الكيك

-الموت حق لكن..م في زول بقدر يغير النقطة دي..

ريفان طلعت نفس طويل

_ربنا يسهلها والله..الانسان م بقدر..ف لحظات كدا م بقدر..ربنا خلق الانسان ضعيف..

حبوبتها هزت راسها

-لكن هو لازم يقوي روحو براه

_بس م بقدر ف كل اللحظات انو يكون قوي

-بقدر يحاول

_لكن م معناتا حينجح ف كل لحظة..

حبوبتها ضحكت و عا

نيت ليها

-صح..وجهة نظر مهمة جدا..

_العلمني منو..

الاتنين ضحكو..

و صوت تلفونها و هو بضرب خلاهم الاتنين يعاينو ليه..

حواجبينهم اتلاقو..

-دا منو الضارب ليك نص ليل دا؟

ورتها الاسم و حبوبتها عاينت ليها..

حازم..

ريفان فتحت و فتحت الاسبيكر..

حبوبتها حمرت ليها..

-الوو..

_الوو..

-حازم..

_امم..

-كيفك؟

_الحمدلله..و انتي؟

-الحمدلله..

_عاوز اقول ليك ان شاء الله م صحيتك لكن متأكد انك صاحبة..

ريفان ضحكت

-امم صاحية حارسة البيت..

كان ف كركبة ريفان سامعاها من جهتو

-دي كركبة شنو؟

_انا ف الورشة مع محمد و ابوبكر..

ريفان و حبوبتها عاينو ل بعض..

_مشو يجيبو ليهم شي ياكلوه و خلوني براي..

-مرقو متين؟

_يعني قبل ساعة كدا..

-امم..حبوبتي كانت بتتكلم مع محمد قبل شوية..

_اممم..سامعهم..

ريفان اتصلحت ف قعدتها

-حازم

_امم..

-يوسف عامل كيف؟

حازم وقف من الحركة شوية..

كان تحت العربية بهبش فيها و فاتح التلفون اسبيكر و بتكلم..

لمن سمع اسم يوسف وقف..

اخد ليه كم ثاينة و تاني ردا

_تصدقي م عارفو لو حي ولا ميت

حواحبين ريفان اتلاقو

-اخر مرة اتكلمت معاه متين؟

_امم..الاسبوع الفات؟

-ليه؟

حازم ضحك

_انت عارفة اانا م بتكلم كتير..عادة هو البرسل لي..لكن ليه فترة م قاعد يتكلم معاي

-طيب و نشوة؟

_نششوةةةة..امممم..اول امبارح؟

-م قالت ليك شي عنو؟

_بس انو بقي م بمرق كتير و كم حاجة كدا تاني..

ريفان هزت راسها..

لمن لقاها سكتت طوالي اتكلم..

_ف حاجة؟

-لينا كانت معاي قبيل و حكت لي الحصل اخيرا..

حازم طلع من تحت العربية و بقر منتظرها تتكلم..

الكركبة كانت وقفت..

-قالت انو فجأة بقي بقفل ف وشها و م برد..و اتفقت تلاقيه ف مكان و جا و جاب معاه بت تانية و كان بياكل معاها هي غتاتة عليها و لمن رجعت البيت امها وقعت و اتصلت عليه 3 مرات و كان بفصل ف وشها ف كل مرة..اانا عارفة الولد دا حقير..لكن ف شنو؟..ليه قرر يعمل كدا فجأة من العدم..ف شيء ناقص لانو الكلام دا م مفهوم..

ريفان كانت بتتكلم و م انتبهت ل صوت فتحة الباب الجاية من الطرف التاني..

محمد و ابوبكر كانو جو داخلين..

حازم عاين ليهم..

و لمن ريفان سمعت صوتهم عاينت ل حبوبتها ب خلعة..

ابوبكر:بتتكلم ف التلفون ولا شنو؟

حازم:اممم..

و طوالي رجع تحت عربيتو تاني و الكركبة رجعت..

ريفان دي بس ابت تتحرك..

م اعتقد ورت محمد عن الحاصل بينها و بين حازم..

و عارفة حازم اساسا دوزنت كاير ولا عندو شغلة..

لايك هو حسي رجع تحت العربية و التلفون فاتح اسبيكر ولا هاميه..

اااخخ انا..

جدجد مرات الولد دا لازم يتنخق ب تصرفاتو دي..

ابوبكر:بتتكلم مع يوسف ولا شنو؟

_لا لا..

حواجبين ابوبكر اتلاقو

ابوبكر:م مع يوسف؟

_نوو..

ريفان دي عاينت ل حبوبتها و عضت شفتيها..

عارفة انو لو ابوبكر سالو حازم طوالي حيوريه و لا عندو قشة ل زول

ابوبكر ضحك:انت بالله بتتكلم مع زول تاني غير يوسف..

حازم قرر م يرد ليه

ابوبكر:عليك الله بتتكلم مع منو..

جا للتلفون عشان يعاين للاسم و قرب من الارض و قراه ب صوت عالي..

لانو مكتوب بالانجليزي شوية قلبو نطقو

ابوبكر:ريي..ريفاان؟

ريفان دي بلعت ع ريقها..

و الاستغراب ظهر ف وش ابوبكر زيادة..

-ابوبكر كيفك..

ابوبكر دا لامن م نطي من الخلعة و محمد دا وقف ف مكانو وبس عاين ليهم ف اللحظة السمع فيها صوت ريفان..

حازم عاين ليهم من تحت العربية و رجع تاني ل كركبتو..

ع قول ريفان..

م عندو قشة ل زول..

ريقان ضحكت ضحكة احراج اكتر من انها شماتة..

ابوبكر:ريفان محمد؟

-اممم..

محمد دا جا طاير من هناك

محمد:ريفان!!

-محمد..كيفك..

محمد دا بقي برمش و بعاين ل ابوبكر و التلفون و تاني للتلفون..

محمد:ريفان دي انتي؟

ريفان صحكت

-اممم..

محمد:ريفان بت اختي؟

ريفان لفت عيونها

-لا بت خالتك..

محمد كرفس وشو

محمد:ياها انتي ي لئيمة..

ريفان ضحكت

محمد:ضحكتك البشعة دي..

ريفان فجأة سكتت

-احساس صوتك خلاص ياهو الجنة..

ابوبرك صحك..

محمد دا وقف ع حيلو

محمد:فهمييني بس انا ليه بسمعك بتتكلمي من التلفون دا..هو دا تلفون منو؟

ابوبكر ضحك

_تلفوني انا..

محمد عاين ل حازم التحت العربية و ردا دا..

محمد:فهميني انا لييه بسمع ف صوتك من تلفون الشافع دا؟..

ابوبكر ضحك:بتخلطو كنتو؟

ريفان لفت عيونها و اعتقد حازم اساسا م سمعو

محمد رجع عاين للتلفون:جادة معاي ي ريفان؟؟

-هو انتو اي شيء عندكم خلط؟

ابوبكر:الخلط دا لمن اتنين يكونو مربطين و يتكلمو بس..

ريفان لفت عيونها

ابوبكر:موش دا الحاصل حسي؟

ريفان و حازم الاتنين م ردو..

محمد عاين ليه:ااا؟؟

ابوبكر ضحك:امبارح نيفو حكت لي انو وراها..لكن بس م استوعبت الوضع الا حسي و انا لاقيكم بتتكلمو..

محمد دا انققعع ضححك..

ضحك لامن م كمل ضحكو هو و ابوبكر و دمعو وكلو و ريفان بس بتلف ف عيونها و حبوبتها شمتانة فيها تحت تحت..

بعد م محمد سكت و كمل ضحكو

-و تقول ضحكتي بشعة..

محمد:الليلة سجممك..وقعتي معاي..

ريفان لفت عيونها

محمد:تاني ابقي مرة و قلي ادبك معاي..بوري ناس البيت طوالي..والله تاني بس طولي لسانك علي..

-انت بتهدد فين

ي ب محمد؟

محمد:ايووا بهدد فيك..تهديدة بت كلب كمان..والله اوريهك طوالي بس قولي لي تاني شيء..اوعا تعلي صوتك و الفاظك معاي..واسممي خاالو محمد فاهمة..

ريفان لفت عيونها

محمد:انا جادي اتم الجدية بالمنسابة ي بت..و انا لمن اكزن جادي انتي براك بتعرفيني..

حبوبتها:محمدد..انت بتقعد تهدد حفيدتي ب وراي..

ريفان فكت الضحكة..

والله العظيم السكتة السكتوها دي لو وقعو ابرة تسمعوها..

ريفان كانت مستعدة تدفع قروتها كلها بس عشان تشوف ملامح وش محمد ف اللحظة ديك..

محمد سكت مسااقة و تاني اتكلم:امي؟

ابوبكر اتفقع ضحك لمن فهم..

و حازم زاتو ضحك و هو تحت العربية..

حبوبتها:ي قليل ادب..انا ربيتك ع كدا..

محمد:امييي...انتي عارفة؟

حبوبتها:اصبر لي بس لمن الاقيك والله الا اقطع ليك اضنينك ديل..

ريفان و الجماعة ديل كلهم ضعدو يضحكو..

محمد:ي حيوانة انتي تستعملي امي..

-م قلت ليها اي شيء..هي من قبيل قاعظة و انت براك الكنت بتتكلم..

محمد:اصبري لي بس

حبوبتها:شوف بالله..والله اقتلك كدي بس اهبش فيها شعرة..

محمد دا قعد يضحك ب شكل..

◇◇◇◇◇◇◇◇◇◇◇◇◇◇◇◇◇◇◇◇

الجامعة بدت و ريفان مشت اول يوم ب كسل..

حازم بصل بالله الساعة 3 صباحا و هي انتهت الريدي و راجعة البيت و حسي الساعة 6..

بالله فوت اول يوم ف الجامعة..

اول يوم ليها ف تالت و ليه هو ف خامس..

خريج ع الفاضي والله..

اليوم كان سمح جدا..

الناس ديل بضحكو و يتونسو ساي..

و برلمو كمية برالمة..

يضحكو ساي والله..

ريفان نزلت من المواصلات ف راس الشارع..

و هي داخلة لمحت انو ف خيمة برا جمب بيتهم شكلها حقت الجيران..

حواحبين ريفان اتلاقو..

ع حسب ذاكرتها م ف عرس قريب ف الحلة..

قربت من البيت شوية و لقت انو ديل رجال قاعدين برا و اتلمو جمب باب بيتهم..

كانو لابسين جلاليب كلهم..

ريفان لمن وصلت لقت راجل خالتها واقف..

حواحبينها اتلاقو و بقت سامعة الكواريك جوا..

قلبها دا وقع الارض..

_ف شنو؟

ولد خالتها جا مارق من جوا..

عاين ليها..

ريفان استغربت و بقت بس م فاهمة..

-ريفان..

ولد خالتها جا عليها و مسك يدها و دخلها جوا ب ورا..

وهي م فاهمة شي..

_ف شنو ي مروان؟؟الناس ديل ليه ببكو وبقولو البركة فيكم؟؟

ولد خالتها بقش ف دموعو..

-ريفان..لا اله الا الله..

_محمد رسول الله ف شنو؟؟؟؟

-حبوبة ياسمين اتوفت قبل ساعتين..