الجزء 21
"افكاري هي ملجأي الوحيد و المجزرة الكبرى التي تحدث كل يوم💔.."
ريفان اتحركت و هي بتقش ف بدرة القهوة المكبوبة ف وشها..
اتحركت و مرقت من الكلية ب سرعة..
عيون الناس عليها كانو زي الليزر والله..
نار و
حرقت حفر جواها..
ريفان اول م مرقت من الكلية و الوسوسة الحاصلة دي..
بقت بتشوف ف نظر الناس البرا ع القهوة الاتكبت ف طرحتها العنابية دي و ف وشها و قميصها الاوف وايت البقو عبارة عن بقع قهوة..
و ريحة القهوة الطاقة منها دي زي الريحة الاتكشححت والله..
مشت ع الكافتيريا عشان تشتري ليها موية بادرة..
امكن تبرد شوية ع جسمها و وشها الواجعها دا..
لكن هي عارفة انو الحار دي ب جوا اصلو م ب برا..
بس برضو..
دخلت و الناس كلهم بعاينو ليها..
اول م دخلت من الباب لقت حيدر متكل و بعاين ليها..
شكلو بعاين ليها من هناك..
ريفان عاينت ليه و قبلت..
كانت دايرة تدخل تمر فيه ساي لكن وقف قدامها..
ريفان رفعت راسها عاينت ليه..
حيدر تني راسو بالجمبة و مدا ليها جك موية..
ريفان عاينت ليه..
المضحك ف الموضوع انو نفس نوع جك القهوة الكانت شايلاه هبة..
ريفان عاينت للجك و لفت عيونها..
اخدت نفس طويل و عاينت ل حيدر مسااافة..
حيدر عاين ليها لانو كان عارفها حتتكلم..
ريفان بللت شفايفها
_ليه عقلي حسي بقول لي اني اكفتك و اكشح فيك الموية دي بدل م اشيلها انا؟
حيدر ضحك
-رايك شنو انك تستعمليه ف انك تنضفي روحك اولا و تاني بجيب ليك واحد تكشحيه فيني..
ريفان مرقت برا..
شالت الجك و كان ماشي وراها لكن هي عاينت ليه
_جيب لي واحد تاني دا م بكفي..
ريفان مرقت و و ب الجمبة للكافتيريا وقفت و غسلت وشها بالموية الباردة كويس و زحت القهوة من طرحتها و اكاتفينها شوية..
ريفان ختت الجك ف الارض و دخلت الحمام..
قلعت فنيلتها البقت كلها موية ظي مع البرد دا و لبست الجاكيت و قفلت السستة حقتها..
بقت بس مع طرحتها المبلولة دي ف البرد دا..
لمن جات راجعة لقت حيدر واقف ب الجك مليان .
ريفان عاينت ليه و مرت فيه بدون م تقول شيء..
حيدر لحقها لعد كم ثانية و اداها الجك..
-موش قلتي عاوزاه..
ريفان عاينت ل حيدر و شالتو..
كانو واقفين جمب الساحة حقت الكورة..
ريفان عاينت للجك مسافة و تاني اتكلمت
_انت و نشوة الوحيدين الشفتو مشروعي..
حيدر كان بس بعاين ليها
_و انا و انت الاتنين عارفين نشوة م بتعمل شيء زي دي..
ريفان رفعت راسها عاينت ليه و عاينت ل ملامح وشو..
ما فيها شيء..
دا سنو دا الانتشر بين الناس فجأة دا؟؟
_سو حاسألك و اديك فرصة واحدة..
حيدر تني راسو شوية و منتظرها تتكلم
_ليه؟
حيدر عاين ليها و اخد كم ثانية يرد
-م بعرف..
_م بتعرف انا بقول ف شنو؟
-م بعرف ليه عملتها..
ريفان ضحكت ضحكة استهتار
_سو بتعترف انك عملتها؟
حيدر قبل منها و رفع اكاتفينو
-صراحة انا زاتي م عارف بقيت..بتصرف ساي و بدون اسباب؟
_كنت حتخرب حياتي و انت م عارف ليه؟
حيدر بلل شفايفو
-تعبير اخرب حياتك مبالغ فيه..
ريفان م كان نفسها ترد ليه زاتو
_هه..انت واحد حقير..
حيدر ابتسم..
-حقيقة والله..لكن انا اسف..
حواحبين ريفان اتلاقو ع كلمتو دي
_انت بتعتذر
-من كل قلبي والله..انت م بتستاهلي يحصل ليك كدا بس انتي ضحية ف النص؟
ريفان لفت عيونها
_احس انك بتحاول تفهمني انك م عملت دا ب سببي؟
حيدر عاين ليها
-ابدا والله..
ريفان تنت راسها بالجمبة
_انت لو قايل انو انت عندك مبرر تبقي غلطان..انت واحد مريض..
ريفان وقفت ع اطراف رجلينها و اتأكدت انو موية الجك كلها اتكبت ف حيدر ف نص السنتر و ملتو من فوق ل تحت..
حيدر اخد خطوتين ل ورا خلعة من الحصل فجأة و من برودية الموية مع الجو..
حيدر رفع راسو عاين ليها..
ريفان رمت ف وشو الجك و ضربو ف صدرو لكن ثبتو
_ب كدا ممكن جد اخت اعتبار ل اعتذارك..
و ريفان طوالي قبلت و مشت..
ولا حتي فكرت تلتفت وراها تشوف الحاصل عليه شنو..
اتحركت فترة ل قدام..
اعتقد دا ممكن يتسجل ك اعفن و ازفت و اكره و اغبي يوم ف سجل حياتها..
الهوا كان بضربها كل مرة و جسمها بزيد برودة مع الطرحة اللابساها دي..
ريفان كانت بتحاول تتنفس..
كل شيء حصل..
ممكن تشيل همو بكرة..
حسي بس كان كل همها انها تتنفس..
_ريفاان..
ريفان وقفت ع صوت وراها كورك اسمها و هي طوالي اتلفت..
هه..
ب هدوءو دا اساسا الريدي عرفتو حق منو
-ياداب قررت تجي حسي؟
حازم ابتسم ليها
_انا معاك من الكلية..لكن انتي بتمشي ب سرعة..
ريفان عاينت ليه ل كم ثانية و اتكلمت..
-شفت الحصل؟
_ياتو؟انك غيرتي فنيلتك ف الحمام ولا انك كشحتي الموية ف حيدر؟
ريفان طلعت نفس طويل..
ليه حاسة انو ف شوية استهتار و عباطة ف جملتو دي..
ريفان قبلت و استمرت ف مشيها..
ثانيتين كدا و هو بقي ماشي جمبها..
حازم عاين ليها
_you did great..I liked what you did..
ريفان ضحكت ضحكة استهتار..
-ل ياتو؟الكلية او حيدر؟
حازم ابتسم
_الاتنين؟
ريفان عاينت ليه و قبلت
-دا االمفروض يحصل ف الحالتين..
حازم ضحك
-ااي زول كان عمل العملتو
_ابدا..
ريف
ان عاينت ليه
_ااي زول كان يا كفت هبة طوالي و قعد يضارب معاها..او عمل منها رايح عشان عيون الناس الواقعة فيهم دي..
ريفان لفت عيونها
_ااي زول كان طنش حيدر و شطبو من حياتو او كفتو كف قاتل و اصر يضربو برضو بعد م يعرف
ريفان قبلت منو
_انت جمعتي بين الكف ب لسانك و انك تسكتي الناس الحوليك ب جملك..
ضحك شوية و هو بتزكر ف الحصل ل حيدر لانو بستاهلو
_وليه انا مقتنع انك حترجعي تتعاملي مع حيدر عادي؟
-انت م بتعرفني..
حازم طوالي ردا ليها
_غلط..انا بعرفك كويس..
ريفان قبلت منو..
م كان نفسها تتناقش معاه زاتو..
حازم عاين ليها
_دكتور الطيب قال انوحيتأكد تاخدي حقك..
ريفان عاينت ليه
_شكلو اخدو ب انو يفصلها..
ريفان لفت عيونها
-والبت حسي للتو حتسقط كل الامتحانات و تعيد السنة..
حازم عاين ليها ب استغراب
_تستاهل
ريفان عاينت ليه
-مافي زول بستاهل ااي شيء..
حواجبين حازم اتلاقو
-الحاجة دي حتكون موجودة ف شهادتها للابد و حتخسر كتير..
_كان حتحصل ليك انتي لو م حصلت ليها هي..سو فرقت ب شنو؟
-الا تحصل لي زول يعني؟
حازم عاين ليها
-ليه الا زول يضرر ف النهاية..ليه م ممكن يطلعو الطرفين سليمين..
حازم تني راسو شوية
_دا اسمو عقاب..
ريفان عاينت ليه
_دا عقاب للعملتو..طبيعي انو الزول يتعاقب بسبب غلط..
-الا يكون العقاب صعب كدا؟خليهم يفصلوها اول اسبوعين من السنة الجاية..ليه الا حسي..
حازم طلع نفس طويل و هو برد ليها ب هدوء
_دي حال الدنيا..
ريفان لفت عيونها
- it's not fair
حازم طوالي ردا ليها
_life is not fair..
ريفان عاينت ليه
-ممكن تكون..اذا الناس ساعدت شوية..
حازم ضحك شوية
_بس دي المشكلة..
رفع راسو عاين ليها
_الناس هم المشكلة..دايما المشكلة و دايما حيكونو المشكلة..
ريفان قبلت منو..
م ردت ليه لانو كلامو صح..
اززفت شيء ف الدنيا الزول القدامك يكون بقول ف الحاجة الصح و انت و هو الاتنين عارفين انو صح و ب كدا م بكون عندك رد ليه..
-انت عارف مرات و انت بتقول الصح بتحرق لي دمي..
حازم رفع ليها حواجبينو
_دي حركات طفوليه
ريفان عاينت ليه
-و انت بارد زيادة عن اللزوم..
حازم ضحك ع كلامها دا
_اعتقد انك بتتغازي من ردودي الهادية دي اكتر من كلامي صح؟
ريفان لفت عيونها..
اعتقد لو بتقدر كان خنقتو و قطعت لسانو عشان تانب م يقول حاجة زاتو..
حازم ضحك ع صمتها..
وقف قدام عربيتو و هي كانت عاوزة تمشي لكن صوتو وقفها
_اررح بوديك..
ريفان قبلت عاينت ليه
_اررح..البرد و انتي ب طرحتك دي لا محال حتصحي بكرة ب التهاب او نزلة..
ريفان قبلت عليه..
بتكره تعترف لكن برضو كلامو صح..
بعدين هي م عندها مزاج تمشي تتشرا ف المواصلات ف الوقت دا..
اخدت ثانيتين و تاني مشت ركبت..
كل م اتحركت اسرع كل م وصلت البيت اسرع كل م قدرت ترمي روحها تحت بطانيتها اسرع..
◇◇◇◇◇◇◇◇◇◇◇◇◇◇◇◇◇◇◇◇
لينا كانت ماشة ع المكتبة..
لازم تتم شغلها دا عشان تقدر ترجع..
قعدت اشتغلت مسافة و تاني طلعت تلفونها بقت بتهبش ف النت..
البت دي مرات م مسؤولة ب شكل..
قعدت زي ساعة ف تلفونها و اساسا م انتبهت..
شوية كدا لمن قال ليها البطارية عاينت للساعة و نططت عيونها..
دخلت ف حالة هلع..
المصيبة انو المكتية الليلة بتقفل بدري..
و هي مفروض تسلم الشيء دا قبل م تمشي..
الليلة سجمها..
قامت تشتغل بسرعة عشان تقدر تقوم تطبعو..
شوية كدا و تحس ليك ب زول يقعد قدامها..
عاينت ليه و لقتو علي
-كيفك..
علي ضحك عليها
=حالتك يرثي ليها..
لينا ضحكت لمن ردت ليه..
-دي حال ناس معمار..
=هه..و كأنو انا م تبع ناس معمار انا..
لينا عاينت ليه
-سلمت المشروع انت؟
علي ضحك
=من تاني يوم..
لينا لفت عيونها
-و انا اساسا كسلانة و م عندي موضوع و كلو..و هدي محتاجة اسرع ف شغلي لانو لو المكتبة قفلت م حاقدر اكبع الورق و الحق اسلمو..
علي ضحك
=محتاجة مساعدة؟
لينا عاينت لبه
-بتساعد؟
علي ضحك
=لا..
الاحباط ظهر ف وشها
و رجعت تشتغل بسرعة..
-م فاضية انا..
=ممكن اقول ل عمر انو يتأخر و يمرق متاخر..
لينا عاينت ليه
-حق الطابعة؟
علي هزا ليها راسو
=ب كدا ممكن تشتغلي ب تركيز شوية..
لينا دي وشها بقي زي الشفع و هي بتحنس فيه
-ممكن؟عليك الله؟اعملها..
علي ضحك
=اساسا كنت حاقول ليه..
شوية كدا و قام اتكلم معاه و هي بتعاين ليهم ساي..
علي جاها راجع
=ساعتين بتكفيك؟
لينا هزت راسها بسرعة..
علي قبل ع الولد و رفع ليه اصبعو 👍..
و الولد هزا راسو و مرق
=لحسن حظك قال انو اساسا حيقعد لكن حيخليها فاتحة عشانك..
لينا دي م فضل ليها الاتبكي
-شكرا شكرا..ثانكس سووو ماتش..
علي عاين ليها
=طيب قاعدة ف التلفون ليه قبيل لو عارفة انك حتتزنقي كدا..
لينا بللت شفايفها و فكرت ف رد لكن م لقت..
علي اتلعدل ف فعدتو.
=خليني اساعدك..
لينا بقت عاملة كدا🥺..
=م تعايني لي كدا..
-انا شاكرة جدا من كل اعماقي..
علي ضحك
=كبيه كلو ف مشروعك..
لينا هزت راسها..
اشتغلو فترة كدا..
كان تلفونها بتهزز شكلو من كترة الرسايل..
شوية كدا و ضرب..
شالتو رفعتو..
ردت بدون م تعاين للاسم
-الوو؟؟
_لي
نا..
رفعت راسها لمن لقتو يوسف و تاني رجعت تكتب بسرعة
-اا..
_انتي وين؟
لينا كانت م مركزة معاه شديد لانو هي شغالة ف اللابتوب و علي جمبها كل ثانيتين بقول ف حاجة بمليها ليها عشان تصلح كلامها
-اا؟؟انا؟؟..اناا ففيييي...في المكتبة..
_دا صوت منو المعاك دا؟
-علي شغال معاي ف المشروع..
يوسف سكت شوية و لينا اساسا م كانت مركزة معاه شديد
_قاعدة للوقت دا ف المكتبة مع ولد؟
لينا اساسا سمعت جزء و جزؤ م سمعتو لانها مركزة شديد..
=تميتي الجزء ال5؟
لينا عاينت ل علي
زحت التلفون من اضانها شوية
-اممم..باقي لي زي كم سطر كداو اتمو..
=تمام بسرعة عشان امشي اطبعو هو زاتو..
لينا ضحكت
-تمام..
و رجعت التلفون ل اضانها..
-الووو..
يوسف ردا ليها ب صوت عالي
_بت انتي م سامعاني ولا م مركزة؟
لينا كرفست وشها
-م تكورك يااخ..
_ليه قاعدة ف المكتبة للوقت دا معاه؟
-لانو شغال معاي ف المشروع..
يوسف طلع نفس طويل..
و لينا والله 10% من تركيزها بس معاه و الباقي كلو ف الشيء البتكتب فيه و مع صوت علي..
و يوسف لمن انتبه انها اساسا م مركزة معاه
_من قبيل بفتش فيك..
و لينا برضو م ردت..
صراحة هي السمعتو سمعتو و الماسمعتو م بتسأل منو زاتو..
_انتي سامعاني؟
-امم..
_حتمرقي متين؟
-لمن انتهي..
_يعني متين؟
-م بعرف..لكن لانو علي معاي اعتقد بعد ساعة و حاجة؟
_علي دا انتي بتعرفيه من وين عشان يكون قاعد معاك كدا ف-
صوتو فحأة قطع..
لينا نزلت التلفون من اضانها..
التلفون قطع شحن..
بيرفيكت..
ممتاز..
لينا ختت التلقون و رجعت للمشروع..
ولا فكرت ف يوسف تاني وهي بتتكلم مع علي و بعملو ف مشروعها..
◇◇◇◇◇◇◇◇◇◇◇◇◇◇◇◇◇◇◇◇
ريفان رفعت راسها و عاينت ل الباب..
منتظرة حبوبتها تجيها داخلة ب الاكل ليها فترة..
اخاف اكذب لكن والله والله والله اعتقد هي بقت م بتنوم لانها بتكون منتظرة سوسي ب شيء حلو تجي بيه..
اخدت فترة و ف النهاية لانها م جات داخلة وقفت ع حيلها و مرقت..
البيت كان مضلم..
ريفان ضحكت لانو الساعة ياداب 1 صباحا و اهو الناس كلها بتشخر..
هه..
دجاج بس
مشت ع نور البرندة البتقعد فيها حبوبتها لانو لقتو فاتح..
لقت حبوبتها بتصلي و هي ف الكرسي..
ريفان شربت موية و قعدت ف السرير التاني..
انتظرت مسافة لحدي م حبوبتها سلمت..
عاينت ليها و قبلت..
_اكيد م بتصلي ف العشا..
حبوبتها اساسا م ردت ليها
_الليلة مافي شيء حلو؟
-كيف؟
_م جيتيني داخلة و انتي شايلة كيك او ايسكريم..
-هه..الساعة ياداب 1 و حاجة اجيك ل شنو..
ريفان ضحكت..
_اها ما في شي؟
حبوبتها قامت من الكرسي و دخلت المطبخ و طلعت شيء من التلاجة شوية كدا و جات راجعة ب شوكولاتا ف يدها..
-هاك هاك..عاملة زي الشافعة كدا..
ريفان ضحكت و قامت تنطط زي الشفع..
شالتها و فتحتها و طوالي قعدت تاكلها..
حبوبتها قعدت جمبها و ماسكة حقتها ف يدها..
-اها الجامعة الليلة كيف؟
ريفان وقفت طوالي و كأنو جملتها دي جمدتها..
اخدت ثانيتين و رفعت راسها عاينت ل حيوبتها..
_زي الزفت..
حبوبتها ضحكت
-الزفت الطبيعي ولا زفت جديد؟
ريفان بللت شفايفها
_ف بت مشت مكتب العميد و قالت اني سرقت مشروعها..
حواجبين حبوبتها اتلاقو
-بسم الله..بت منو؟
_هه..المصيبة اني م بعرفها زاتو..واحدة معاي ف الدفعة بس..
-وليه عملت كدا؟
ريفان اخدت كم ثانية عشان تفكر..
بالله لو ف من زول يسألها السؤال دا..
اساسا ريفان م بتقدر ترد..
لانو م عندها رد ف راسها..
لايك جد تقول..
-و حصل شنو ف النهاية؟
ريفان استعدلت ف قعدتها و قعدت تحكي كل شيء حصل ل حبوبتها...
من البداية للنهاية..
و لمن انتهت حبوبتها زاتو م عرفت ترد ليها ب شنو..
ريفان ضحكت لانها لقتها سبيتشليس..
_صح..الموضوع لمن غريب زاتو..
حبوبتها ضحكت
-سبحان الله..هو بالله ف ناس كدا؟
_صااححح؟؟حتي انا حيرتني..
-حمانا الله من الصفة دي والله..
ريفان بللت شفايفها
_يعني فكرة انو ف زول مركز معاي ل درجة انو بنتبه لي ضحكاتي و بشيل يبني عالم براه بيها حاجة لامن م بتخوفني..
-هي البت بتبالغ..
_البت لسا شافعة..
-جد والله..
_بتزكرني ب شفع اولة اساس لمن يكونو مركزين مع فطورات بعض و يقومو يحقدو و يحاولو يشلو اكتر فطور حلو و هم م عارفين الاهل بتعبو كيف عشان يجيبوه ل طفلهم..
حبوبتها عاينت ليها
_م بستوعبو الحقيقة و بس مركزين مع الحاجات القدامهم..
حبوبتها هزت راسها ع كلام ريفان..
ريفان اكلت من الحلاوة كم مرة و تاني اتكلمت
_لكن ي سوسي..و هي بتقول ف اكلام دا..فكرة انها نفسها تضحك كدا معناتا هي زاتها حياتها م هينة..اعتقد مليانة الم برضو و هي هروبا منو بتستعملني انا كان ك عذر تخت فيه كل مشاعرها..فاااا..اانا م قادرة ابعد فهم انو هي الريدي يتعاني و متألمة و حسي لانهم فصلوها الدنيا حتتعكر و تبوظ ف وشها زيادة..
حبوبتها تنت راسها بالحمبة..
-انتي م توجعي راسك بالتفكير..
ريفان عاينت ليها
-اعتقد الشيء الوحيد الممكن يقتلنا ببط هو التفكير..
ريفان ضحكت
_انتي قلتي مافي شيء بقتل
-صح..و لسا حاكون مع كلامي دا..لكن افكارنا هي البتتحكم ب ك
ل شيء..
ريفان عاينت ليها ب استغراب لانها م قادرة تستوعب هي قصدها شنو..
-انتي م تفكري ف الناس كيف بتتأذي كتير لانو تدريجيا حتزيدي الحمولية ع كتفك و لا اراديا حتربطي نفسك بالحاصل و تتهمي روحك..
ريفان بللت شفايفها
-الدينا كدا و دا حالها..ما فيها حاجة منصفة ولا هي حلوة اساسا..و كل م الزول كبر كل م لاحظ للحاجة دي..
_و انا عارفة..و عشان نقدر نصلحها شوية لازم نكوم طيبين..نراعي للناس..الزول البتألم دا م هو براه..كل انسان بعاني حرفياا و م في شيء حلوة ساي..
-كلامك صح..لكن دا ب العمل..ب حاجاتك..افعالك..انتي ممكن تعملي القلتيه دا كلو..
حبوبتها طلعت نفس طويل
-لكن م تعذبي روحك بالتفكير كتير..الoverthinking دا مرص قاتل..
_هه..مافي زول م بعاني منو
-لكن ممكن يتعلم يتحكم بيه...
ريفان عاينت ليها
-ممكن تكوني طيبة و كلو..انسانة بتراعي الناس..و نحنا ربيناك ع كدا..انا ربيتك ع التغير المفروض يحصل للعالم..و الدنيا محتاجة ناس زيك..
ريفان بللت شفايفها
-لكن انتي خليك طيبة مع نفسك..
ريفان عضت شفتيها مع بعض
-انتبهي ل نفسك و مشاعرك زي م انتي بتنتبهي للناس التانية..سامحي نفسك بعد كل غلط بتغلطيه..اسمحي ل روحك ب انك تعترفي بالغلط..و ب انك تعترفي انو الزول القدامك غلط عليك برضو..اسمحي ل روحك انها تتنفس و انها تهتم ب نفسها زي م بتهتم بالتانين..
ريفان هزت راسها براحة
-اهتمي ب روحك و خليك طيبة و شجاعة..لانك لو م اهتميتي بيها حتضيعي..ودا اسوء شيء..انك تضيعي و م تقدري تلقي نفسك تاني..و اعرفي انو الانسان لمن يضيع الغودة اصعب منها ماف..و لا اراديا كل صفة ليك سمحة بتتغير..
ريفان عاينت ليها و ابتسمت
-انتي اعملي البتقدري عليه عشان تساعدي الناس..لكن م ع سبيل اذيتك انتي لاخر..
ريفان طلعت نفس طويل
-ااذي نفسك عشانهم طيب..ساعدي..لكن ف مكان محدود..م حاجة مؤثرة ولا قاتلة..ولا بتشوهك..سواء من جوا او برا..
ريفان هزت راسها
-انتي ممكن تعملي كل العليك عشان تنقذي كل الناس..لكن م تتوقعي انك بالجد حتقدري تنقذيهم كلهم..م كل الناس يمكن انقاذهم..ولا انتي فيك كل القدرة عشان تنقذي العالم..
حبوبتها وقفت ع حيلها و قلعة التوب
-لكن انتي ممكن تغيري كل شيء ب ابسط الحاجات..و اصغر الاشياء ممكن يكون ليها تأثير..
حبوبتها جات وقفت جمبها و ختت يدها ف راس ريفان و بتعاين ليها و هي مبتسمة..
شوية كدا و قررت تتكلم..
-اعتقد اكتر شيء انا فخورة بيه ف حياتي انو انا قدرت اربيك ع احسن طريقة و خليتك تمرقي انتي و امك ب اطيب نسخة..
ريفان ابتسمت لبها
-رغم انو انا م امك و ما ربيتك زي امك جد..لكن انا فرحانة انو انتي موجودة ف العالم..العالم محتاج ناس زيك..لكن حاولي كمان اتحكمي ف نفسك..و م تنسي نفسك ف نص العالم تمام؟؟
ريفان هزت ليها راسها
-يلا قومي اررح..امشي ختي راسك ف المخدة و حاولي نومي..
_اممم..
◇◇◇◇◇◇◇◇◇◇◇◇◇◇◇◇◇◇◇◇
حازم طلع من البيت بدري..
كان ماشي ل واحد صاحب ابوكر عاوز يرسل معاه وصية لانو مسافر بعد اسبوعين اول م الامتحانات تنتهي..
ركب العربية و عاين للساعة..
8 الا..
لو مشي بسرعة بحصل محاضرتو الساعة 9:30..
دور العربية و طوالي مشى بسرعة..
وهو ف الشارع نشوة ضربت ليه..
_الو..
-حازم انت يوسف دا مالو؟
_مالو؟
-عادية الليلة بصحي بدري و برد لي لمن اتصل اعيد عليه..
حواجبين حازم اتلاقو و حول التلفون من اضان ا اضان و هو م فاهم نشوة بتقول ف شنو؟
_تعيدي عليه ف شنو؟
نشوة سكتت و اعتقد حازم قادر يتخيل ملامح الاحباط ف وشها من الطرف التاني..
-ي ولد انت عارف الليلة شنو؟
حازم بلل شفايفو
_الاربع؟
-اووف انا..
نشوة طلعت نفس طويل و حازم كان سايق بسرعة عشان يحصل بيت الراجل..
-ي ولد الليلة عيد ميلاد يوسف..
حازم رفع حواجبينو ع جملة نشوة دي و عاين للتاريخ..
جد الليلة عيد ميلادو..
حازم رجع التلفون ل اضانو بدون م يقول شي
-بس فهمني انت كيف كل سنة بتنساه؟
_هه..ي بت انا حقي م بتزكرو..
نشوة طلعت نفس طويل
-كدا اديني ليه..
_انا برا البيت
حواجبين نشوة اتلاقو
-لي ف شنو؟
_ماشي اجيب وصية ا بوبكر من زميلو..
-ااا..
_لكن صراحة هو من امبارح مدبرس..
نشوة استفربت
-ف شنو؟
_م بعرف..لكن يوسف بعرفو..
-هو زاتو مفروض يجي بعد شوية لانو عندنا محاضرة ال سساعة 9..
_خلاص لمن يج-..
طااااااااخخخ!!!!!
شوية كدا و نشوة من طرف التلفون التاني تسممع صوت خبطة و اصوات عجلات..
نشوة دي نطت من مكانها..
-الوووو...الووووو
م ردا لبها..
_الوووو حاااززمم!!!..
حازم رفع راسو بعد م خبت الدركسون شديد..
التلفون كان طاؤ من يديو..
و نشوة بتكورك من الطرف التاني و هو سامعها و هو ف الارض...دنقر رفعو..
_امم..
نشوة طلعت نفس طويل و بيها ي داب قدرت تتنفس
-ف شنوو؟؟
حازم عاين للمراية..
من طرف حاجبو لحدي شعروا اتجرح..
هبشها شوية..
رغم انها م كبيرة شديد لكن كابة دم ف النهاية..
و هو من الصربة عضي شفتيه و التحت برضها بدت تكب دم..
تفي الدم من خشمو و فتح باب العربية..
المصيبة هو م ف ظلط اساسا..
هو الري
دي دخل الحي و البيوت حوليه..
ف عربية جاية من اللفة بس بسرعة و شووو دخلت فيه ب ورا لدرجة انو العربية حقتو اتعوقت ب ورا..
-حازم!!..ف شنو؟؟
_حازم عاين للعربية الوراه
_ف حيوان ضرب العربية ب ورا..
الولد عادة م بتلفظ..
و نشوة حست ب الغضب الجواه من الجملة دي رغم انو قالها ب كل هدوء..
-انت كويس ف شي؟
حازم بلل شفايفو
_انا كويس..برجع ليك بعدين..
و طوالي قفل الخط..
مشي ع العربية..
وهو ماشي عليها نزلت منها بت..
حواحبين حازم اتلاقو
_من متين البنات بسوقو ب ثقة كدا؟
البت كانت بتعاين ليه ب خوفة..
تحس بالذنب ف عيونها
-اسفة والله..
_انتي عندك رخصة؟
البت م ردت..
حازم ضحك ضحكة استهتار
_البلد باظت لو ادت البسوقو زيك رخصة..
الببت بسسس عاينت ليه..
حازم عاين ل عربيتو..
القزاز البي ورا اتكسر..
طلع نفس طويل و هو بقول
_م حاقدر اسوي ليك شيء اساسا..
البت رفعت حواجبيها
حازم عاين ليها
_امشي رجعي العربية دي قبل م ابوك او اخوك يعرفو عشان م يخنقوك..
-يعني م حتشتكي؟
_و الفايدة شنو لو اشتكيت؟
حواجبين البت اتلاقو..
كانت مستغربة من الهدوء المكبوب فيه رغم انها للتو طفجت و كسرت عربيتو ب ورا..
حازم طلع نفس طويل و هو بقول
_بتعرفي بيت التجاني محمد؟
البت هزت راسها
-امم..الشارع الجاي رابع بيت ع يدك الشمال..
حازم قبل و ركب عربيتو وساقها طوالي و خلي البت مخلوعة ف مكانها..
-هه..دا منو دا المابعمل مشكلة بعد م حصلت لبه حاجة زي دي..دا شنو كتلة التلج دي..
و طوالي ركبت العربية و رجعهتها..
حازم مشي ع وصفها و نزل..
اساسا م في فايدة ؤشتكيها..
م اعتقد حالتهم المادية ممكن تساعد ف انها تصلح عربيتو زاتو..
و البت ممكن عادي ابوها يطعنها لو عرف..
من الخوفة الكانت ظاهرة ف وشها..
حازم كان عارف انو م حيطلع ب شيء..
بس حيتجرجر هو ويعمل مصايب لعائلتها..
خلي ابوبكر هو اليصلحها.
موش هو السبب ف انو جا الحي دا اساسا؟؟
◇◇◇◇◇◇◇◇◇◇◇◇◇◇◇◇◇◇◇◇
لينا كانت بتضرب ل يوسف و هو م برد..
الساعة 3 حاليا و الولد م ظهر قدامها..
و الليلة عيد ميلادو!!
اتصلت عليه لكن م ردا..
ف النهاية دخلت محاضرتها و هي مع ريفان..
ريفان عاينت ليها و ابتسمت ليها ابتسامة عشان تواسيها
_م ردا؟
لينا هزت راسها ب معني لا..
ريفان طلعت نفس طويل..
_اعتقد مع حازم بعمل ف حاجة لانو حازم برضو بضرب ليه و م برد..
لينا ابتسمت ليها و اطمئنت شوية..
كدي نتم اخر محاضرة دي و نمرق نسوف نشوة..
لينا هزت ليها راسها..
و بالفعل..
تمو محاضرتهم و مرقو زي 4 كدا..
لمن مشو..
فتشو نشوة بعد فترة حتي لقوها..
نشوة عاينت ليهم و ابتسمت..
=اا..
-لاقاك يوسف؟
حواجبين نشزة اتلاقو..
=كان هنا قبل شو-..
سكتت اول م ما لقتو قدامها..
استغربت زيادة
=بسم الله..حسي كان قاعد و حازم ضرب لبه و مرق..
حواجبين لينا اتلاقو
-موبايلو شغال؟
ن شءوة هزت راسها
-طيب ليه م برد لي؟
-م بعؤف لكن شايفاه قبل شوبة كان قاعد شكلو مرق من الكلية حسي..
-جد؟
=امم..ن
شوة هزت راسها..
لينا عاينت ل ريفان
_امشي شوفيه..
-طيب..
و طوالي اتحركت..
نشوة عاينت ل ريفان..
=و انتي بتضربي ل حازم و م برد صح؟
ريفان هزت ليها راسها و هي شبه مستغربة عرفت كيف
=الليلة الصباح ضربتو عربية و دخل ف حادث..
ريفان دي نططت عيونها قدر الكورة
_اا؟
=انا زاتي لو م كنت بتكلم معاه لمن ضربتو م كان عرفت..قدر م ضربت لبه حسي م برد
_و هو كويس؟؟
نشوة هزت راسها عشان تطمن ريفان
=لا هو كويس..قال بس اضربت ب ورا و هو م حصل ليه شيء لانو ردا لي طوالي م قفل الخط..
ريفان دي خافت خوف..
دا كلو بسبب السواقة المتخلفة حقتو دي..
=بكون ف هندسات حسي..
امشي شوفيه..
ريفان عاينت ليها
=او عايني انا ماشة ادخل الشنطة دي جوا و امشي معاك..
ريفان ابتسمت و هزت ليها راسها
_احسن لاني م بعرف مكانهم كويس..
نشوة ابتسمت ليها
=خلاص دقيقتين و اجيك..
ريفان هزت راسها..
.
.
.
.
.
.
.
.
.
.
.
.
لينا مشت تشوف يزسف و بقت بتعاين حولين الكلية..
بكون مشي الكافتيريا اكيد..
كانت ماسة..
شوية كدا و تلمح ليك يوسف ب طرف عينها..
وقفت و عاينت..
كانت ماشة عليه..
لكن لمن عاينت للزول البتكلم معاه..
قلبها دا وقع..
او بالاحري البتكلم معاها..
كان واقف و بتونس مع البت الوقف معاها يوم داك..
لينا بللت شفايفها و هي بتعاين ليهم..
وقفت لانها م كانت عاوزة تمشي ليه..
اتزكرت انو نشوة قالت انو تلفونو شغال..
طلعت تلفونها و ضربت لبه..
هو بكل بساطة رفعو و عاين للمتصل و طوالي فصل ف وشها و رجع يتم ونستو عادي..
لينا طلعت نفس طويل و هي حاسة ب شوية خنقة..
فتحت التلفون ورسلت ليه ف الواتس انو يلاقيها ف مطعم كدا..
و طوالي مشت..
.
.
.
.
.
.
.
.
.
ريفان و نشوة كانو ماشين ع مبني هندسات عشان يلاقو حازم..
=سوو..جاهزة للامتحانات؟
ريفان طلعو نفس طويل
-م اعتقد..
نشوة ضحكت
=حتمتحني ف كل الاحوال
-يب م عندي حل..
نشوة و ريفان ضحكو
-وانتي كيف مع مشروع النهائي دا؟
نشوة طلعت نفس طويل
=اااخخخخ..ما عارفة والله..كهلوس بي م داير يخليني انوم
زاتو
ريفان ضحكت
-حاسة ب ضغط زيادة لانو حق بين خامس و رابع؟
نشوة اخدت نفس طويل
=اممممم..م اعتقد..
ريفان هزت راسها..
=اعتقد لاني اساسا اتعودت ع المشاريع دي 24 ساعة ف ااي لحظة بقت لي حاجة عادية..او لاني م قادرة استوعب خطورتو او م بديه اكبر من حقو الناس التانين م بعرف..
ريفان ضحكت
-اخخ انا من المساؤيع دب
نشوة زاتها صحكت
=الزول بموت و بحيا كل يوم..
ريفان ضحكت
نشوة عاينت ليها
=ع زكر المشاريع..
ريفان عاينت ليها
=انتي كيف بعد الحصل؟
ريفان ابتسمت ليها و اخدت مسافة عشان ترد..
-م عندي حل غير اني اكون كويسة..
نشوة ابتسمت و قبلت منها..
نفس ردها ل يوسف يوم داك..
نشوة اخدت نفس طويل..
=اعتقد كنتي شجاعة جدا ع انك تقولي ليها كدا و تردي ليها قدام الناس كدا..
ريفان ابتسمت ليها..
صراحة..
ريفان نست انو اساسا ف ناس حوليها من كترة م الكلام غاظها و كان سخيف ف اللحظة ديك و هم كانو ساكتين بس..
=م اعتقد ف زول كان حيقدر يسيطر ع روحو زيك ف اللحظة ديك و م يكفتها بعد السلبطة و الكشحة الحصلت دي..
ريفان صحكت..
=بالمناسبة هي كشحت فيك شنو؟
-قهوة
نشوة نططت عيونها ع جملتها دي..
=اوميقاد جد؟؟
ريفان هزت راسها
=كانت حارة؟؟
ريفان تنت راسها بالجمبة..
-شوية دافية..
=هه..شوف بالله..
ريفان هزت راسها
-اعتقد دا لانو نحنا ف البرد و دي اقرب شيء كان جمبها
نشوة ضحكت
=البت موبالغة لكن بالجد..اول مرة اشوف ولا يلاقيني موقف زي دا زاتو..
ريفان ضحكت
-جد جملة 'الجامعة بتشوفي فيها العجب' دي ف محلها..
للاتنين قعدو يضحكو..
شوية كدا و رفعو راسهم و لقو حازم واقف بعاين ليهم..
=اووه..
الاتنين عاينو ل بعض و ضحكو
=حسي كنا جاين نشوفك..
حازم ابتسم ليهم..
ريفان عاينت ل وشو و نشوة زاتها..
الاتنين كرفسو وشهم ع العلامات الفي وشو..
من الفي جبهتو من الضربة..
ل التحت ف طرف خشمو دي و ف نص شفتيه التحت الشقة من العضة..
ريفان بللت شفايفها
-دا كلو من الحادث البسيط دا؟
حازم هزا راسو..
=واي ي حازم..الفوق دي كبت دم كتير صح؟
حازم هزا راسو..
=واي انا امشي خلي خالتو تطهرها ليك لو م ماشي مستشفي..
حازم ضحك
_بتموت
=اها حتتدسي منها؟؟
حازم م ردا لبها
=والله العلامات دي حتمشي معاك ل بريطانيا و نيفو حتخنقك..
حازم هزا راسو ع الفكرة..
-حصل شنو؟
حازم طلع نفس طويل بس ع الفكرة
_واحدة شكلها سارقة العربية من اوبها كانت سايقة بسرعة و ضربتني ب ورا..
نشوة ضحكت
=ضربتك بت؟
_اممم..
-شافعة صح؟
حازم ضحك
_تحس بيها لسا ف الثانوي..
نشوة و ريفان الاتنين ضحكو
-دي الليلة ابوها بقتلها..
◇◇◇◇◇◇◇◇◇◇◇◇◇◇◇◇◇◇◇◇
الساعة كانت 9 الا و يوسف م جا..
لينا تضرب ليه و م يرد..
فتحت الرسالة..
الريدي شافها..
قراها بعد م رسلتها طوالي .
ولا ردا ليها و لا ظهر..
قالت ليه يجي قبل ساعتين حسي..
لينا طلعت نفس طويل لانو شراها..
نزلت من الطابق الفوق ل التحت عشان تمرق..
شالت معاها اكل ل ناس بيتها..
لمن جات تمرق بعد م دفعت..
لمحت ليك واحد لابس نفس قميصو قاعد ف الطرف..
عاينت ليه..
و التقول ف حاجة طعنتها ف فلبها..
يوسف قاعد..
بياكل..
مع البت ديك..
لينا بللت شفايفها و هي بتعاين ليهم..
كان بحكي ف حاجة و كل شوية بضحك..
لينا دي وقفت ف مكانها من الخلعة قريب ال10 دقايق..
لمن حست بالدموع خلاص ف عيونها..
قررت تتحرك..
اساسا هو حيوان و م بستاهل..
هي جهزت كل شيء..
الهدية و كلو..
و كانت علورة تقعد معاه ب مزاج..
و هو يجي يقعد مع البت دي؟؟
هو قرا رسالتها..
و شافها..
معقولة!!..
لينا قشت دموعها بعد م ركبت الترجال الطلبتو..
معقوولة عملها قااصد؟!؟!؟..
لينا نزلت كم دمعة و تاني سكتت..
م بستاهل تبكي عشانو..
هو واحد حقير...
كيف يعمل فيها كدا..؟؟؟
لا لا..
معقولة عملها قاصد؟؟
الحيوان الحقير!!
وهي تعبانة مع الهدية و كلو.!!
وصلت البيت و نزلت دقت الباب..
فتحتو براها بالجمبة لانو م في زول جاها..
دخلت و لقت اخوانها بلعبو برا و اختها الكبيرة بتقرا جوا..
ختت ل اخوانها الاكل الجابتو ف صنية و نادت ناس البيت..
جو كلهم الا امها..
لينا عاينت ل اخوها الصغير و سألتو من امهم..
"م بعرف دخلت تنوم ف غرفتها و تاني م مرقت.."
ريفان عاينت ل اختها الكبيرة..
"حتي انا م شفتها قريب"..
لينا قامت دخلت جوا..
-امييي...
امها م ردت ليها..
شكلها نايمة..
-امي ارح اكلي..انتي عارفة الدبابات الحية ديل م حيخلو ليك شيء..
لينا دخلت و هزتها..
امها فتحت عيونها ب تعب..
-امي انتي كويسة؟
عيونها كانت محمرة..
=اممم..بس الطلبة طلعو عيني..
امها استاذة..
لينا ابتسمت ليها..
-طيب اررح..تعالي اكلي..
امها وقفت ع حيلها عشان تمشي معاها..
لبنا سبقتها ومشت قدامها
و هي بتقول لبها انو احوانها حيكملو كل شيء لو م لحقو..
شوية كدا و لينا تسمع ليك صوت شيء يخبط الارض..
لينا اتلفتت ب وراها و لقت امها ف الارض..
لينا قامت تصرخخ
-امممييي!!!...اممييييي!!!..
اخوانها جو جاريين جري..
-اميي ي امميبييي!!!!
بقو بهزو ف راسها و هي م بترد..
كلهم بقو ببكو..
-محمد امش
شب جيييب لي تلفوني من الشنططةةة بسسررععةةة!!!
اخوها جرا..
لبنا شالت التلفون وهي بتبكي..
ضربت ل يوسف..
م ردا..
المرة الاولة..
فصل ف وشها..
التانية..
فصل ف وشها..
التالتة..
برضو فصل ف وشها..
وهي كل مرة بتبكي زياادة..
طوالي طلعت ليك رقم علي و ضربت..
من الرنا الاولة ردا
=الووو..
وهي بالطرف التاني بتبكي..
علي دا اتنفض من مكانو
=ي بت ماللك؟؟؟
-عللي امي شكلها مااتت...وقعت الحقنااا!!..
=بت بسم الله..!!!
وهي بس تبكي و تبكي
-وااي انا امييي اامممييي!!!!
علي قام ع حيلو
=سكانة وين انتي؟؟
لينا وصفت ليه و هو مشب جاب اخوه ب عربية اخوه الكبير و مشي عليهم..
ف اقل من 10 دقايق وصل و لقاها هي و اخوانها بس ببكوو..
شالوها و ودوها المستشفي..
خلو اختها مع اخوانها الصغار..
لكن لينا دي الشارع كلو بس بتبكي و علي بحاول يهدي فيها..