الجزء 37
"سبعة و ستون دمعة و ف تمام السبعين ابتسامة و اللهم القوة🚶♀️🌸..!!"
صوتها كان مليان جدية و هي بتقول ليه "تطلقني و بس.."
هو زاتو ملامح وشو اتغيرت لمن سمع الجملة دي تمرق من خشمها..
عاوز يتكلم لكن كان حاسي ب شيء رابط لسانو..
هي م من النوع البقول حاجة زي دي ساي
ولا نبرة صوتها او تعابير وشها بكذبو
اتحركت ع الباب و مرقت منو بعد م شالت شنطتها من التربيزة و فقلتو ب وراها
هو كان بعاين ليها لحدي م قفلت الباب ب وراها و م في شيء ف عقلو عشان تقولها ليه
يطلقها؟
فجأة كدا؟؟
هي مالا؟؟
هو فجأة جا راجع البيت زي اي يوم عادي و جا لقاها لامة حاجاتهة و قالت ليه عاوزة تطلق بدون م تتفاهم معاه..
حواجبينو اتلاقو و هو بحاول يطلع حاجة من عقلو
لكن كان عارف انو م حيفهم شيء
اااخخخ انا
حركة انها تتصرف و تحكم ع الموضوع من وجهة نظرها دي حتعمل ليه جلطة يوم من الايام..
والله والله تقتلو
ياخ هو يعرف المسكل. كيف و يحاول يحلها اذا هي الريدي اتصرفت من جهتا
اوووففف اناا اوووفففف!!!
عمل شنو هو؟؟
مشي قعد ف الكرسي و هو بعاين للجبيرة المربوطة ف يدو..
يدو اتكسرت من حادث دخل فيه الاسبوع الفات..
كان ممكن يقول انها عاوزة تطلق بسبب الحاجة دي
بس هي عارفة انو هو م كان الغلطان ف الحادث دخلت فيه عربية تانية فجأة..
م غلطتو انو هو دخل ف حادث
بعدين هي كانت كويسة معاه لحدي اول امباح قبل م يمرق من المستشفي
اخد ليه نفس طويل وهو لسا بفكر ف المصيبة الجاتو دي
يالله انا من الصداع البتعملو ريفان دي!!
☆°☆°☆°☆°☆°☆°☆°☆°☆°☆°☆°☆°☆°☆°
ريفان دخلت ع دانية ف بيتها اول م فتحت ليها الباب..
الدموع كانو ف عيونها و دانية اتحلعت زاتها
-ي بت مالك بسم الله؟
ريفان م ردت لبها و قشت دموعها و بس عملت رايحة
دانية مشت قعدت قدامها
-ي بت اتكلمي
ربفان عاينت ليها
_حازم رجع ل سواقتو تاني
حواجبين دانية اتلاقو ع الكلام دا و كانت قايلة انها م سمعت كويس
-اا؟
_رجع للسواقة و الهبالة ديك تاني..دا لو اصلا وقفها يعني
داينة كانت لسا طاشة شوي
-كيف م فهمت
ريفان قشت دموعها و استعدات ف قعدتها
_يعني رجع تاني ل هبالتو..عاوز يقتل روحو المرة دي جدجد..
ختت يدينها ف وشها و هي متحيرة
_واي انا واي دخلت روحي ف شنو حسي
دانية اخدت ليها كم ثانية بتاعت سكوت
عشان تقدر تفهم و تستوعب و تخلي ريفان تهدأ شوي
-ممكن توريني جبتي كلامك دا من وين؟
ريفان عاينت ليها
_امبارح لمن كنت جاية راجعة من المكتب..لقيت بت جيرانا واقفة منتظرة البص يجي و الوقت كان متأخر شكلها جاية من الجامعة..ف قمت رفعتها و سقتها معاي..
دانية لسا م فاهمة علاقة دا ب دا شنو
ريفان قشت وشها
_ف كنت بتنوس معاها عادي و قعدت تحكي لي عن حبيبها و كيف هو محترف ف السواقة رغم انو ياداب 19 و كدا..و انتي عارفة قالت لي تاني شنو؟
داينة م رمشت زاتو من كترة م هي حاسة ب الحيرة
_قالت انو حبيبها الدربو ع الكلام دا حازم..حازم الواحد دا..
حواجبين داينة اتلاقو و عدم الفهم كان مرسوم ف وشها
-و حازم بعرفو من وين؟
ريفان ردت ليها ب كل حيرة
_دي المشكلة هنا..م عارفة..لمن سألتها قالت انهم بتلاقو دايما لمن هو يكون مارق من المدرسة و بمشي بدربو ف الباركينغ الفي المدرسة الكبير دا قريب التلاتة مرات ف الاسبوع
-بدربو عديلك كدا؟
ريفان هزت راسها
_يتزفت يدربو..يعني اتخيلي عاوز كمان يقتل ولد الناس كدا
داينة قامت من مكانها و قعدت جمب ريفان
-انتي ي ريفان افكارك و توقعاتك الرابطة الموت بالسواقة دي لازم تخففيها شوية
ريفان م ردت ليها لانها عارفة انها م حتقدر
م حتقدر يعني م حتقدر
_انتي م فاهمة..اتفقنا نحنا!!..ليه يرجع تاني؟..حسي يكون الحادث الدخل فبه الاسبوع الفات بسبب الكلام دا
دانية طوالي قامت تهدي ف ريفان
-ريفان عايني..اولا شيء نحنا م عارفيين شيء..و تاني حاجة م تنسي انو الراجل ضربو و جا اعتذر كمان..
ريفان طلعت نفس زهجتا من الضاربها
وقفت ع حيلها و دخلت المطبخ
_عاوزة شوكوباتا بيضاء
داينة قامت ب وراها و هي شبه م مصدقة الكلام البتسمعو
نععمم؟؟
ريقان الواحدة دي تطلب شوكولاتا بيضاء؟
-اا؟؟
ريفان فتحت التلاتجة و شالت الشوكولاتا من الباب
-هوي انتي كويسة؟
ريفان اكلتها بدون م ترد ليها اولا
_امم كويسة م فيني شيء..
دايمة كانت بتعاين ليها لحدي م مشت قعدت ف الكرسي و هي بتاكل فيها ب شهية
-ي بت دي شوكولاتا بيضاء
_عارفة..لي كم يوم مشتهياها و باكل فيها..
داينة كانت مستغربة فيها و كيف هي بتاكل فيها حسي زي الشافعة
ريفان دي لو اديتيها مليون اقسمم بالله م تاكل مربع صغيروني منها
-ي يت متأكدة انك كويسة؟
ريفان ضحكت
_م تخافي..اساسا حاستفرغها بعد شوية..
دانية م فهمتها و مشت ختت يدينها ف راس ريفان تشوف اذا هي محمومةب بعد كلام الاستفراغ دا
لكن درجة حرارتها كانت عادية جدا
-كيف يعني تستفرغيها؟
_م بعرف..بتكرهني الشيء دي..التقول بتأخد ف حق السنين الفاتو لمن كنت بنبذها..طوالي بتقلب لي بطني بعد فترة و برجعه
ا..بتخليني استفرغ لحدي م راسي يلف
-ي بت و بتاكليها بيه طيب؟
_لانو نفسي فيها اسوء شنو؟
-بتاكليها ع بطن فاضية؟
ريفان هزت راسها ب معني لا
دانية وقفا ع حيليها و هي بتعاين ليها ب استغراب وريفان ضحكت
_م تقلقي بي ي دكتورة ابردي..دي احد التخلفات الفيني
دانية قعدت ف الكرسي و عاينت ل ريفان و مركزة معاها
-طيب انتي حسي كيف؟
_حسي بطني بدت تقلب و حارجعها حسي..
دانية كانت قايلاها بتهظر لانها ضحكت بعد م قالت جملتها طوالي
م ركزت كتير و رجعت ل موضوع حازم
-و حتسوي شنو ي فالحة؟
_قلت ليه يطلقني حسي و جيتك
دانية نططت عيونها
-ااا؟؟
ريفان ولا انفعلت معاها كرفست ورقة الشوكولاتا و رمتها ف السلة
-ي بت كيف يعني يطلقك؟؟؟
ريفان عاينت ل دانية
_انا جادة ي دانية..
دانية م ردت ليها و بس بتعاين ي خلعة
_انا م بقدر..حاسة ب انو انا مضحوك علي حياتي كلها..كنت مقتنعة تماما انو هو خلاها و مصدقة..و حسي يجي كمان يقولو لي انو بدرب ف شافع؟؟شافع ي دانية م تمي ال 20 سنة..يعلمو حاجات زي دي..انتي بتعرفي الشفع ديل هنا..بعملو كب شيء بتهور و بدون تفكير..يعني ممكن عادي يقتل روحو و هو بحاول يحاكي ف حازم لانو حازم در-
ريفان صوتها اتقطع ب الاستفراغ الحست بيه ف حلقها
ختت يدينها ف حلقها و طوالي قامت ع حيلها جرت ع الحمام و استفرغت رجععتو كلو ب قوة
دانية قامت ب وراها مخلوعة و لقتها بتستفرغ
مسكت ليها شعرها لحدي م انتهت
اعتقد المرة دي رجعت بالسرعة دي لانها اكلتها كتيرة شديد
لعد م انتهت ريفان ثبتت ف ارضها م قامت
-قومي غسلي خشمك و وشك ي بت
_دقيقة بس..لو وقفت طوالي بقع تاني لاني دايخة..
داينة وقفت انتظرتها و بعد فترة وقفت و غسلت وشها و خشمها و مرقو تاني
انية دخلت ع الغرفة جوا جابت جاكيتها و شنطتها و شايلة مفتاح البيت ف بدها و ريفان بتعاين ليها مستغربة
-اررح
_اررح وين؟
-المستشفي ي فالحة..انا م حاخليك كدا ساي
_ي بت قلت ليك دي حالات بتجيني ساي..بتكون لانو عقلي جايط بتوقف بعد فترة
دانبة قفلت الابواب و الانوار
-و لو طلع مرض؟و ان شاء الله يكون شيء..لكن لو طلع في شيء..
ريفان سكتت و م قدرت ترد ليها
دانية مرقت و ريفان مرقت وراها
-جيبي انا اسوق
قفلت الباب و مرقو اتحركو
-بالوقت دا حنقعد ف المستشفي طويل..ارح معاي للمستشفي النازلة فيه تدريب بخلي سمانثا تكشف ليك ف البريك حقت العشاء..
.
.
.
.
☆°☆°☆°☆°☆°☆°☆°☆°☆°☆°☆°☆°☆°☆°`
=ليينةةة..!!!
-امم
=شوفتي فايل البريك شيلف حق المكتب؟
لينة هزت راسها ب معني لا
علي وقف متحير ختاه وين
-لونو شنو؟
=كحلي غامض
لينة رفعت حواجبينها و علي خاف مع تعابير وشها
=شوفتيه صح؟
-اول امباح نتاليا كانت بتلعب بيه و لميتو منها..لكن والله م عارفة ختيتو وين
علي ختي يدو ف وشو و عرف يقول شنو زاتو
=وينا مشت المدرسة؟
-اممم الترحيل جاها قبل شوية..
علي بقي واقف متحير
-بعدين انا الشلتو لميتو م هي..دقيقة كدي..امسك مقداد
مشت مسكتو ا
الشافع العمروا م واصل سنتين و دخلت تفتش جوا داخل مكتبو..
علي كان ماشي ب وراها و عاوز يعرف اذا حتكي مارقة بيه او لا
لينة دخلت جوا و فتشت كويس و م لقتو
لمن هزو ليه راسها ب معني لا الاحباط ظهر ف وشو
-محتاجو ضروري الليلة؟
=اممم..الكلاينت قال جاي يستلمو و انا قلت ليه جاهز..جاي بعدين ماري ع الشركة الساعة 11..
-انا متأكدة 70% اني شلتو لميتو منها
علي نطط عيونو
=يعني كمان ب قافلة 100؟
لينة ضحكت..
-قايلني اينشتاين عشان اتزكر
=لينة الكلم دا اول امبارح..
لينة ضحكت
-و انا زاكرتي بقت بتنضف روحها كل 24 ساعة..
علي م ردا ليها و جد شكلو شايل هم
-اها حتسوي شنو؟
علي مشي مسكها مقداد
=غالبا م اقعد افتشو حسي..
لينة هزت راسها مواقفة مع كلامو
علي عاين ليها
-و دا حتوديه الحضانة متين و تلحقي شغلك؟
لينة ضحكت
-الاسبوع دا حاكون شغالة من البيت..
علي ضحك
=استعملتي عذر مقداد عيان ولا شنو؟
لينة ضحكت
-اكتر شيء بحبها ف المكتب انو السعودين دسل م غتيتين زي الباقين
=انتي و شافعك عاجبانهم بس م اكتر
لينة ضحكت و مشت رقدت مقداد بعد م نام
لقت علي واقف متحير
-انت مالك واقف متخير زي الاهبل كدا
الاحباط ظهر ع وشو وهو بقول ليها
=والله هبلة انتي ال شلتيه و م متزكرة ختيتيه وين
لينة ضحكت
-غالبا م اكون رفعتو ف مكان عالي عشان نتاليا م تحصل
علي بقي حايم و بعاين ل رأس اي شيء قدامو عالي
=انا م فاهم شافعة عمرها 4 سنين بتقدر تسوط حاجات كدا قدر كيف
لينة ضحكت
-ايزي..انا كنت بحرق اوراق اوبي ب البوتوجاز الشغالة بيه امي لمن تكون خاتة حاجات ف النار..و كان ياداب بمشي عمري اقل من سنتين
ضحك ضحكة استهتار و هو بقول
=تكون ورثت الاعاقة دي منها
لينة لفت عيونها
-دا ذكاء ي شاطر انت
علي ضحك
=وين الذكاء ف الموضوع؟
لينة م ردت ليه
علي ضحك و رجع يفتش
لينة كان مشت ركبت فوق الكرسي عشان تعاين ل راس الدولاب
كانت شبه شاكة انها ختتو هناك
لمن لقتو ضحكت و طوالي كوركت ليه
-لقيتو..!!!!
علي جا مارق من الغرفة جوا و لقاها بتحاول تزح من فوقو صندوق كدا
-الصندوق دا جا من وين؟
علي مدا يدينو و بكل سهولة زحاه
=حق مهاجر خاتي فيه دفاترو..قال لي امسكو لبه لانو بغير ف ديكور مكتبو
لينة شالت الفايل من تحت الصندوق و هو رجع الصندوق مكانو
-و انت م ناوي تغير ديكور مكتبك؟
علي نزلها من الكرسي و شال الفايل منها
-لمن اجي اغيرو بخليك تغيريه لي
لينة ضحكت
-اساسا حاغيروا ليك انا..انت ذوقك ف الحاجات دي بايظ
علي ضحك و هو بدخل جوا عشان يشيل المفتاح و يمرق
=بالنسبة ليك انا ذوقي بايظ ف اي شيء..و الحقيق. هي انو بس اذواقنا مختلفة..م الا تكون زي بعض عشان تكون سمحة
لينة م عرفت ترد ليه لانو كلامو صح
علي جاها و هو بقول ليها
=لولا اختلاف الاراء ل بارت السلع..موش المقولة كدا؟
لينة م ردت
ااخ لمن يغلبها الكلام بتتغاظ..
=بعدين هو اسمو ذووق..بطلي شفتنة..اها ردي
لينة دخلت الغرفة جوا وهي بتقول ليه
-معع السلاااامة يلااا..
علي ضحك و قفل الباب ب وراه
☆°☆°☆°☆°☆°☆°☆°☆°☆°☆°☆°☆°☆°☆°
=حازم انت اكيد عملت حاجة غلط..
حازم كان حايم ف المكتب و هو شغال ف ف حاجة ف البورد الكبير بوصل ف نقاط ف الشغل
_طيب خليها توريني عملت شنو..م ممكن تجي تقول لي كدا فجأة طلقني
حازم كان حايم و بتكلم مع نشوة
=دي اول مرة تتشاكلو فيها ولا شنو؟
حازم ردا ليها ب كل هدوء
_طبيعي متشاكلين..بس المرة دي هي خلعتني فجأة جات قالت لي كدا بدون شكلة..
نشوة ضحكت
_انتي قايلاني بهظر؟نشوة هي كانت جادة اتم الجدية
=طيب انت مفروض تمشي تتكلم معاها..م معاي انا..
حازم اخد نفس طويل
=بعدين اكيد ف شي انا و ةنت عارفين ريفان م بتتكلم ساي كدا
حازم ختا يدو ف وشو
دي المشكلة
ريفان بتتصرف و كأنو حازم عارف كل شيء و بتمشي ع كدا
هو زاتو م عارف عمل شنو و الحاجة دي محيراه
=حازم حل الموضوع زي كل مرة..
حازم ردا ليها ب كل جدية
_نشوة..نحنا متزوجين لينا 3 سنين و حاجة..و دي اول مرة اسمع كلمة عندها علاقة ب 'طلاق' ف خشمها
نشوة سكتت لانها شوسة حست ب جدية الوضع
اخدت ليها كم ثانية و تاني اتكلمت
=طيب حاول معاها بطرة بعد م تهدأ..انا شخصيا م عارفة اقول ليك شنو غير انو دي مشاكل طبيعية بتحصل بينكم و بتتحل..انت بس خليها منحصرة بينكم و م تدخل فيها ناس و م تنفعل اتصرف مع الموضوع بكل عقلانية حتي ولو هي م اتصرفت ب عقلانية
ضحك ضحكة استهتار و هو برد ليها
_و كأنو انا م بتصرف ب عقلانية
ردت ليه ب احباط
=انت لمن تفصل كعب و كلامك اكعب من السكين و انت عارف..
م ردا ليها لانو كلماتها صح
عندنا اثبات زاتو
=كدي شوف..اهدو اولا و بعد داك اتصرفو..
_اممم..
=انا لازم اقفل يلا..
_اوك يلا..
و تسمع صوت قفلة الخط..
حازم مشي ع التلفون و اتصل ع ريفان..
م ت و كان عارف انها م حترد
الوقت كان متأخر عندهم هناك..
و اكيد حتكون مع داينة لا محال
شال اتصل ع داينة و م ردت اول مرة..
لكن فتحت الخط ف الاتصال التاني
هو بس كان عاوز يتأكد انها معاها
_دانية انتي ريفان معاك؟؟
دانية رفعت راسها و عاينت ل ريفان القاعدة ف الكرسي القصداها
ردت ليه ب كل هدوء
-امممم..
_خلاص خليها تبيت معاك لانها غالبا م تجي راجعة البيت..
-طيب تمام..
حازم استغرب من الهدوء الفي صوت دانية..
اتوقعها تتشكال معاه او تتلام او تعمل اي شيء غير انها ترد ب كل هدوء
_انتي مالك؟
-انا؟..مافي شيء بس الشغل متعبني
حازم هزا راسو شوي وهو شبه م مصدق لكن قرر يصدق ف نفس الوقت
_طيب يلا..
دانية طوالي قفلت الخط و لا قالت شيء
جدجد حيرت حازم
عادة م بتتصرف كدا
.
.
.
دانية مشت ع ريفان الكانت خاتة يدينها ف راسها وهي شبه م مصدقة
دانية م عرفت تقول ليها شنو
ريفان رفعت راسها و الدموع ف عيونها
و دانية لمن شافت الدموع هي زاتها دمعت
ريفان كانت عاوزة تتكلم لكن م قادرة
كانت حاسة انو لسانها اتقطع
م عارفة تحس شنو اتجاه الخبر المكتوب ف الورقة الشايلاها دي زاتو..
دانية قشت دموعها
-ريفان..
ريفان وقفت ع حيلها
_انا م مصدقة الشيء المكتوب ف الورقة دي..خلينا نفحص تاني..
داينة هزت راسها
رغم انهم الاتنين عارفين انو استحالة الفحص يكون غلط..
لكن ريفان كانت رافضة انها تصدق رااافضة..
-طيب ارح ليها تاني..
الاتنين دخلو جوا تاني
☆°☆°☆°☆°☆°☆°☆°☆°☆°☆°☆°☆°☆°☆°
نشوة قامت ع حيلها بعد م قفلت من حازم و مشت ع غرفتها تنوم
جات من المطار ليها يوم بس
لكن لسا م قادرة تصلح التوقيت
المشكلة انها راجعة تاني..
قبل م تنوم تلفونها ضرب و لمن لقتو يوسف فتحتو اسبيكر و رجعت رقدت تاني
-انت ي ولد موش مسافر بكرة..
يوسف ضحك
=ااها و يعني
-م عندك شغلات تقضيها قبل م تمشي..
يوسف ردا ليها ب احباط
=و كأنو انتي القاعدة خلاص..نايمة ل شنو و انتي عندك جامعة كاملة ف تركيا منتظراك تجي راجعة..
نشوة لفت عيونها
-اسمها ايجازة ي اهبل..بعدين موش ارحم لي تركيا من كوريا..
يوسف ضحك
=ي زولة كوريا دي سمحة سماحة..و الطلبة بتاعنها مفتحين و جادين..لمن تجي تقريهم نفسك تفتح
نشوة ردت ليه ب ضحكة
-انت بس بروفسور مخلوع لانك م تميت سنتين و انت بتقري..لسا لسا قدامك كتيير
=هه..خلاص ا
نتي القفلتي 10 سنين
نشوة ضحكت
-ع الاقل قفلت 5 نصها
يوسف ضحك
=ختي ف اعتبار اني اشتغلت اولا و لسا شغال مع شركة و بقري..انتي ي الفالحة بس قري لي و اشتغلي شغل اونلاين
نشوة ردت ليه ب هدوء
-هو ف شيء احلي من الشغل اونلاين؟..تشتغل ب مزاج وقت م داير ف المكان الدايرو و ترسل الشغل تسلمو و يرسلو ليك قروشك
ردا ليها ب احباط
=دا كسل بس
-هه..اسمو ذكاء..
يوسف ضحك
=طيب خلينا من دا..تعالي نتلاقي حسي حواجبينها اتلاقو ع جملتو دي و هي بتعاين للساعة
-حسسي؟؟
=انا طيارتي بكرة م بقدر..
ردت ليه ب احباط
-يوسف الساعة 2 صباحا..بعدين موش كنت معاك امبارح؟عاوز شنو؟
ردا ليها ب احباط
=انتي مالك بس تعالي ل بيتنا..الناس صاحيين م نايمين
-اووفف انا..
=تعالي عندي ليك خبر حلو اقولو ليك
-ممكن عادي تقولو حسي
=عاوزة اقولو ليك شخصيا..
نشوة م ردت لبه
=يلا منتظرينك..
نشوة شالت نفسها و مشت لبست ليها عباية و اتطهت ع العربية وركبت
يوسف دا صدااع صداااع والله العظيم
لمن وصلت اتخلعت شوي
كانت قايلاه بهظر لكن جد البيت كلو صاحي معاه
دخلت و سلمت و قعدت مسافة..
مشت ع غرفتو الكانت قاعدة فيها امو و هي بتدخل ليه ف حاجاتو معاه
امو:وين النبق؟..دخلتو؟
يوسف هزا راسو ب معني لا
يوسف:امي انا م شفتو زاتي..حتي نبق عاوزاني اشيل؟
امو قامت ع حيلها:هو ف احلي منو..اوعك تتعود لي ع اكل الخواجة ديل..ديل اكلهم كلو خنازير
يوسف ضحك:جد اكلهم كلو خنازير
امو مرقت مشت تفتش الكيس برا
نشوة قعدت و عاينت للشنط الشايلاها وضحكت
-اعتقد انت شنطك الراجع بيها اكبر من الجيت بيها
اخد نفس طويل و هو بقول:اخخ انا من امي..والله مطلعة عيني
نشوة ضحكت
اتونسو شوي و تاني سألتو من الكلام الكان حيقولو ليها
يوسف مشي طلع ليه حاجة كدا كبيرة..تحس بيه اسكيرت ضخم و جاكيت نص كدا كبير..
حواجبينها اتلاقو لمن شافتو
-دا شنو دا؟
يوسف ضحك
=اسمو هانبوك..
-اسمو شنو؟؟
يوسف جا ختاه ليها
-عامل زي هدوم الصينين والله البلبسوهم زماان ديل
=حلو شديد عايني
طلع صور ل ناس لابسين واحد زيو
كان فيه تصاميم حقت ورود صغيرة صغيرة..
و يلا لونو بيجي ب بصلي كدا حلو شديد
-واو حلو..
=اممم..شوفتي
نشوة مشت عليه
-لبسو صعب
=المهم حلو..
-الله..الله..!!
=المهم..بلبسوه للعرس عادة مع واحدة برضو للعريس
نشوة ضحكت
-الغريس برضو بلبس كدا؟
الاحباط ظهر ف وشو ع جملتها رغم انو ضحكاتها بزرعو جواه فرح كدا م طبيعي
=انتي غبية؟؟
و نشوة ضحكت
=واحدة تانية للرجال اكيد
نشوة صحكت
-طيب بلبسوها للاعراس جايبها لي ليه؟بتكاوي فيني لانو انا لسا بايرة يعني؟
يوسف ابتسم ليها
=انا جايك السنة الجاية..
حواجبينها اتلاقو
-وين؟
=هناك ف تركيا..حاقضي ايجازتي معاك هناك..
-واو..عاوظ تتفسح شديد
يوسف ضحك
=شديييد..
نشوة ضحكت
-طيب تعال..تعال اعرس ليك من هناك زاتو
يوسف عاين ليها كيف كيف
=لو عرست خواجية امي بتنجلط
نشوة ضحكت
-بقنعها ليك م في مشكلة..لازم م تبور
=البورةدي مخصصة للبنات بس
نشوة ضحكت
-طيب مافي مشكلة ي شاطر
يوسف جا قعد جمبها
=لكن انتي عارفة..
نشوة عاينت ليه ب ابتسامة
-اها
=لمن اجي السنة الجاية ليك هناك..بوريك انا جبتو ليك ليه
نشوة ضحكت و هي متحيرة من نبرة الجدية الفي صوتو
-جايب لي عريس؟
يوسف هزا راسو
=اممم..
-امي انا البتنجلط لو عرست اسيوي
يوسف ضحك
=م الا..ممكن يكون سوداني
نشوة عاينت ليه و ضحكت
-طيب طيب نشوف..
يزسف هزا لبها راسو..
☆°☆°☆°☆°☆°☆°☆°☆°☆°☆°☆°☆°☆°☆°
حازم مشي ع بيت دانية الصباح
كان عاوز يتناقش معاها براحة براحة و يشوفها..
مشي و دقي الباب و ريفان فتحتو ليه بعد فترة..
لمن شافتو نططت عيونها و جات تقفلو لكن هو ثبتو
_عاوزى تقفليه ف وشي..
ريفان زحت من الباب و رجعت ل ورا
حازم فتحو و جا داخل
حواجبينو اتلاقو لمن شاف عيونها محمرة و وشها محمر شوي
تحس بيها كانت بتبكي ب بليل
صوت دانية و هي بتكورك من جوا 'دا منو؟'..
خلتهم الاتنين يتلفتو عليها لمن جات مارقة و ظهرت
لمن لقتو حازم نطكت عيونها شوي و عاينت ل ريفان
دانية كانت لابسة و تحس بيها كانت مارقة..
ريفان:امشي جيبي الحاجات مافي مشكلة..
دانية عاينت ليها عشان تتأكد انها جادة و ريفان هزت راسها ب ابتسامة
دانية:طيب م بتأخر..
دانية شالت مفتاح عربيتها و مرقت
ريفان مشت دخلت ل جوا و قعدت ف الكنبة و فتحت التلفزون
ولا و كأنو حازم واقف منتظرها تتكلم..
مشي وقف قدام التلفزون وقفلو
ريفان عاينت ليه ب احباط
-عاين..قول العاوزو و امشي..حتتأخر ع شغلك..
الاحباط ظهر ف وشو. هو بقول ليها
_انا عاوزك انتي التتكلمي
-و اقول شنو؟
_انتي ليه عاوزة تطلقي
ريفان بلعت ع ريقها من الكلمة دي
حرفيا من امبارح و ل اللحظة دي كل شيء اتعقد مليون مرة..
_ريفان
ريفان عاينت ليه
_ممكن تحاولي تفميني المشكلة..انتي عادة م بتعملي كدا..ف شنو؟
-نحنا موش اتفقنا انك تبطل عوارة السواقة دي؟
حازم حواجبينو اتلاقو ع جملتها
هو اساسا بطلو..
يرجع ليه كيف؟
-تمشي تعلم حبيب كاثرين كمان؟؟ي حازم انت جادي؟
حازم حرفيا م كان فا
هم هي بتقول ف شنو
_كيف يعني اعلمو؟؟
-سمانثا قالت لي كل شيء..كيف انك علمتو ب الباركين الورا و كيف هو بقي بارع بسببك..
حازم سكت لانو كلامها شبه صاح
مفتاح الجملة هنا شبه..
-حازم انت عاوز تقتل الولد؟؟؟
حازم اخد نفس طويل ع كلامها
_انتي عاوزة تطلقي بسبب الحاجة دي؟
ريفان اتغاظت شدييد ع البرود الفي صوتو
اخخخ اناااااااا منوووو!!!
حازم ضحك ضحكة استهتار و الحاجة دي ولعت النار جوا ريفان
اساسا هي مشاعرها ملخبطة و مضربة و قاعدة ع الهبشة
و حسي تصرفات حازم دي دخلت جواها رغبة تشيل السكين تطعنو
حازم عاين ليها ب برود
_طيب و نحنا موش اتفقنا انك م تتصرفي من وجهة نظرك بس؟
ريفان بس عاينن ليه و هي بتحاول تهدي ف روحها من الحرقة
_شنو رايك لمن تقرري تزعلي تفهمي الموضوع كلو صاح و تاني لو عندك رغبة ازعلي..لانو كدا اسهل لي من انك م تكوني عارفة القصة كلها و تتصرفي ع هواك
ريفان دي كانت حاسة بالنار مولعة جواها
البرود و الهدوء المكبوب فيه دا عاوز يخليها تنفجر
ريفان قامت ع حيلها و دخلت المطيخ و جابت ليها لوح ضخم بتاع شوكولاتا بيضاء قعدت تاكل فيه و بتشرب ف شاي احممر بدون لبن ف يدها التانية
حواجبين حازم اتلاقو لمن استوعب هي بتأكل و بتشرب ف شنو..
لوهلة م كان مصدق عيونو
ريفان الواحدة دي بتأكل ف شوكولاتا بيضاء و بتشرب ف شاي احمر..
حازم دا م حصل شافها بالغلط تجيب شاي احمر جمب خشمها..ولمن يحنسوها تجي تشربو بترفض رفض تام..
بتفضل تشرب حفاظة قهوة ع كباية شاي صغيرة..
_ريفان..دا شنو البتاكلي فيه دا؟
ريفان م ردت ليه
قررت انها تعمل رايحة من وجودو و تطنشو
حازم عاين ليها هي كيف بتأكل ب شهية و بتشرب بسرعة وهو والله م مصدق..
ف شنو؟؟
_ي بت انتي سامعاني؟؟
-م تتكلم معاي
مشت دخلت الكباية جوا و حازم كان ماشي ب وراها..
كانت بتلملم ف الحاجات القاعدة و بتفتش ف لةبتوبها عشان تشنغل شغلها
_الليلة م ماشة الجامعة؟
ريفان م ردت ليه
حازم اخد نفس طويل
نشوة كان كلامها صح
هو مفروض ي
م يفصل
لكن اتغاظ منها شدييد شدييد
هو م حصل ركب عربية مع حبيب سمانثا دا..
ريفان طلعت اللابتوب و قعدت تشتغل فيه و هو واقف بعاين ليه ليها
_الليلة م عندك محاضرات؟..ولا لقيتيها ع الطلبة؟
ريفان برضو م ردت ليه
هو م كان فاهم ليه نشوة و يوسف و ريفان بحبو التدريس ف الجامعات كدا..
حازم تلفونو رنا و عرف انو اتأخر ع الشغل
ردا و قال لبهم انو جاي جاي
حازم كان مارق لكن لمن شاف ريفان تقوم فجأة و تجري ع الحمام مشي ب وراها لانو كان سمع صوتها وخي بتستفرغ
كانت بترجع ب قوة لدرجة انو خاف والله خاف..
مشي عليها و مسك ليها شعرها و انتظر لحدي م انتهت
كان ربط ليها شعرها ف كعكة مرفوعة شديد شبه مرخية عشان م يضايقها و هي ف الارض
_قومي غسلي وشك
ريفان م ردت ليه
_قومي ولا والله ارفعك براي..
ريفان عاينت ليه
_بقوم براي..راسي لافي دقيقة..
اخدت ليها كم دقيقة و قامت غسلت وشها و خشمها كويس
_اررح المستشفي
لمن قال ليها كدا ريفان دي قلبها وقع و خافت
-م ماشة اي حتة..انت امرق امشي شغلك..
وشو م اتغير ملامحو زي م هي
كان جادي وبارد و هاديء لدرجة كدا لا تصدق زاتو
مشي جاب ليها جاكيتها و مداها ليها
_انا م طلبت رايك
ريفان مرقت من الحمام و مشت بعيد منو
كانت خايفة انو يجبرها تمشي المستشفي او يتصل ع واحد من اصحابو يسألو و يجيها ف مكانها يكشف ليها
-قلت ليك امشي شغلك م مشاة مكان..
ملامح وشو برضو م اتغيرت لمن قال ليها
_اووك
طلع تلفونو و عرفتو حيتصل ع دكتور محمد
طوالي اتكلمت
-امبارح مشيت مع دانية..
حازم عاين ليها
-عندي التهاب ف المعدة بس..
مشي عليها و ختي يدو ف جبهتها و هبش وشها و يدينها
م كانت محمومة
_التهاب ف المعدة بتجيب معاها حمي و صداع..انتي كويسة..بعدين البوديك تاكلي حاجات زي شوكولاتا بيضاء و تشربي شاي احمر شنو لو عندك؟
ريفان باعت ع ريقها
اساسا من يومها م بتعرف تكذب
و حازم طيبيعي بقبضها لمن تكذب..
دانية جات داخلة ف اللحظة ديك و ريفان قلعت منو تلفونو لمن ركز معاها و هي بتدخل
قفلت الخط و بسرعة عملت كلمة السر كم مرة عشان يقفل التلفون كم دقيقة
حازم عاين ليها ب احباط و مشي ع دانية
_داينة البت دي عيانة اتصلي ع سمانثا تجي تكشف ليها
دانية عاينت ل ريفان الواقفة وراه
اخدت نفس طويل وهي بتقول ليه
=كشفنا امبارح
حواجبينو اتلاقو
دانية ردت ليه ب هدوء
=حازم ممكن تجي بعدين نتفاهم؟
عاين ليها و استغرب من الجدية الفي صوتها
دانية عادة م بتكون كدا..
_طيب..
قبل ع ريفان و عاين ليها
شوية بقي هادي
_بالنسبة ل ايريك حبيب كاثرين
ريفان عاينت ليه ب احباط
-يعني بتعرفو
_امم بعرفو..لكن م حصل ف حياتي ركبت معاه ف عربية..بلاقيني كتير برا الشركة وهو جاي راجع من جامعتو..ايوا بنتناقش ف المواضيع دي لانو بعرفني و قال اصحابو دايما بتكلمو عني و انو يحترمني بسبب الحاجة دي..اتناقشنا كم مرة و وريتو كم حركة ب كيف يتحكم بالعربية احسن..لكن م حصل ركبت معاه ف عربية بس بوصف ليه..ادربو؟؟..هو انا متزكر شيء عشان ادربو؟؟
..ولا مفتكرة اني م بفهم عشان ادرب لي شافع ولا اساسا فاضي..و م رجعت ل الموضوع دا زي م انتي مفتكرة..انا م عارف كاثرين قالت ليك شنو لكن كل العارفاه انكم غلطانين و انا متأكد انو كاثرين بس بتباغل ف كلامها و انتي اخدتيه ب جدية..
حازم مشي شال مفتاحو من التربيزة
_الموضوع برجع ليك انتي لو عاوزة تصدقي او لا..
عاين ل دانية
_نقاشنا م انتهي انا و انتي..
اتلفت عاين ل ريفان و كمل كلامو
_و بعدين جايب معاي محمد...
حازم طوالي مرق مشي ع شغلو..
دانية عاينت ل ريفان..
و ريفان حست بالغباء لمن قال كدا
=انا موش قلت ليك
ريفان عاينت ل دانية..
واو
هي للتو طلعت اغبي خلق الله..!!!
اكتر شيء غايظها انو كلامو صح جدجد هي م حتوقف عداتها الكعبة دي رغم انهم اتفقو انها تخليها..
و هي عارفان م بكذب اصلو..
ريفان بكت لمن حست بالذنب و دانية قعدت تضحك
_انتي بتضحكي ليه..واي ماشة انط من البحر انا..
دانية مرقت من المبطخ وهي شايلة كباية قهوتها ف يدها
-ريفان بالمنباسة الحاجة دي طبيعية جدا..تقلبات المشاعر و الغضب البسرعة دا و الاستفراغ و دوران الراس..دي كلها اعراض الحمل ف مافي داعي تحسي بالذنب..
ريفان رجعت تبكي تاني
_و دي المصيبة التانية ف راسي..دانية م بقدر م بقدر
دانية ضحكت
-ياام انا مبسوطة ليك ب شكل..امباح م خليتيني افرح زاتو من خلعتك و رفضك للموضوع..خليتيني ابكي ب فرح ب صمت و كأنو بعزي..
ريفان عاينت ليها و دخلت ف حالة هلع
_دانية انا م بقدر م بقدر..
-كلهم بقولو كدا ف البداية..
ريفان م اشتغلت بيها و تمت حالة هلعها
_شافع شنو الاربيه؟هو انا واضح انو باقي تربيتي م تميتها..شافع شنو الاولدو و ابقي امو؟؟؟
دانية بس كاتمة الضحكة
طبيعي الحالات دي بتضرب الناس ف اول حمل ليهم
_ارح نكشف تاني امكن يطلع غلط
الاحباط ظهر ف وش دانية
-ريفان امبارح كشفنا اربعة مرات..انتي ف اسبوعك ال14..خلاص استكينب
ريفان عملت رايحة منها
_دانية انا م بقدر م بقدر
دانية اتشرطت ضحك
-ابردي كدي
ريفان وقفت ع حيلها و هي منفعلة
_ابررد كيف و في انسان بتكون حسي ف بطني و حاولدو بعد كم شهر؟؟؟ابررردد كييففف بسس ورييينييييي و ف شييء حيمرق مني بكون بتنفس و حيعيش؟؟؟؟؟
ريفان بقت بتمشي و بتجي ف الغرفة
_م بقدر م بقدر..ابقي ام؟؟لا دقيقة دقيقة اولد؟؟؟لا م بقدر م بقدر
والله دانية الضحك شارطها و مستمتعة بالمنظر شديد
_اسكتي انتي!!!..انتي عشان مافي شيء بتكلدون ف احشاءك حسي..اسسسكتتتييي!!!
داينة ميتة من الضحك
-كلماتك قاسية جدا عن البيبي حقك
ريفان كانت لسا منفعلة
_داينة م بقدر انا م مستعدة م بقدر اولد زول و اربيه..
-مافي زول بكون مستعد
_انا م بعرف م عارفة كيف بربو..ياخ شيل الشفع ساي بخوفني ي دانية
-ي بت ابردي..قولي بسم الله
_بسم الله
-اتنفسي براحةبراحة
اخدت تعمل البتقولو ليها و دانية شوية شوية هدتها
-مافي زول بكون جاهز او عارف او فاهم..بتتعلمي ف الطريق و اصبري بس..انتي م براك نحنا معاك..بعدبن انتي ناسية حازم؟؟حاازم كللو قاعد انتي م حتعملي دا كلو براك
ريفان بلعت ع ريقها لمن ضربها الواقع
حازم
م ورتو لسا ولا اتكلمت
الليلة ووببب!!!
_انا ناسية حازم..حازم دا انا اوربه كيف
دانية ضحكت
-ي بت كيف يعنب؟؟انتي ليه معقدة الموضوع كدا؟؟
_انا م معقداه بس انتي مبسطاه شديد
-لا انتي المعقداه شديد..وريه بعدين لمن يجي..
ريفان م ردت و كانت بس لسا شاطبة
دانية ضحكت
-ي الله امشي اجهز الكاميريا..انا اموت و اشوف تعابير وشو لمن يعرف الخبر دا..
ريفان عاينت ليها
-و دقيقة اتصل ع ناس نيفو يجو يقعدو معانا نعمل لمة صغيرونة نوريهم كلهم..
_حسي البتعقد ف الموضوع شنو
-اسكتي انتي..خليني استمتع ب فكرة انو حاكون خالة..
حواجبينها اتلاقو
_انتي ناسية محمود دا ولا شنو؟
دانية ضحكت
-لا م ناسياه..لكن برضو فرحانة شديد لانو حاكون صحبة امو او امها قبل م اكون ببقي ل حازم سو حاعتبر خالة..
ريفان دخلت ف حالتها تاني
_الليلة سجمي انا وووب..!!!
-انتي انسانة غريبة والله ب شكل..
☆°☆°☆°☆°☆°☆°☆°☆°☆°☆°☆°☆°☆°☆°
حازم كان بتكلم مع محمد ف التلفون قبل م يضرب باب ناس دانية و يدخل
_طيب بنجيك بكرة مافي مشكلة..طيب..يلا مع السلامة..
كان سامع الجوطة من جوا و استغرب شديد..
ضرب الباب و فتحو ليه محمود و حواجبينو اتلاقو لمن عرفو
_انت الجابك هنا شنو؟
محمود اخد نفس طويل
-امي..
حازم ابتسم شوي
كل م يعاين ل محمود بس التقول بعاين ف مرايا
حتي شخصيتو اخدتها منو
بس زيدو من مكون الفصاحة و قلة ادب شوية فيه..
لانو نهائي م بفوت فرصة من انو يتلأم ع زول
حازم دخل و لقي ابوبكر و محمد و زوجتو براءة و نيفين و حرفيا كلهم قاعدين ف الهول الكبير برا مجدعين بتونسو
م كان فاهم شي
م شي ي عليكم و لمن شافوه كلهم سكتو..
حازم:ف شنو ي جماعة؟؟
عاينو ل بعض و تحس بيهم كاتمين الضحكة..
عاين ل نيفين و الدموع كانت ف عيونها
اتخلع و مشي عليها
حازم:نيفو مالك بتبكي؟
هزت راسها ب معني لا
نيفو:م ببكي م ببكي عيونو بدمعو ساي
ابوبكر ضحك:استكين اختك م فيه
ا شيء
حازم حرفيا م فاهم شي
حازم:طيب ممكن تفهموني الحاصل؟
صوت ريفان و هي واقفة ب وراه خلتو يتلفت عليها
ريفان:حازم عاين..
حازم عاين ليها و هو عارف انها حتعتذر ليه
كان الندم ظاهر ف وشها
حازم:اتس اوكيه انا م زعلان..
ريفان هزت راسها:لكن برضو اسفة..انت كلامك صح
حازم ابتسم ليها:قلت ليك اتس اوكيه..
ريفان ابتسمت ليه:اسفة برضو لانك حتضر تستحملني ب تخلفي دا
فكرة انو يشوف ابتسامتها دي و هي بتبتسمها ليه ريحتو شديد و زحت منو كل القلق الضابو ليه كم يوم و موترتو..
اضافة ل انو بحب ابتسامتها شديييد شدييييييد شدييييييد..
ضحك شوي:لو م استحملتك انا حيستحملك منو؟
ريفان هزت راسها..
اعتقد دايما ف نهاية اليوم هي بتكون بتحمد ف ربها لانو ادها حازم و نعمها بيه
م اعتقد حتلقب زول بفهمها كويس ب تخلفها دا و برضو بحبها و ناوي يستحملها ل بيقة حياتو اكتر من حازم..
ريفان مشت ع الدرج و مرقت منو ورقة و حازم كان بعاين ليها..
لمن شاف دانية واقفة و ماسكة الكاميريا حواجبينو اتلاقو و هو بعاين للناس الحوليه
حازم:اوكييهه..جد خوفتوني..ف شنو؟؟
كلهم كانو ساكتين الا نيفو كانت بتبكي
حازم:نيفو ي بت انتي كويسة؟؟؟..
نيفو:م تشتغل بي انا معاقة ساي..فرحانة شديد
حازم حواجبينو اتلاقو و هو متحير ف التضارب الفيها دا:فرحانة وبتبكي؟
ريفان جات وقفت قدامو وهي شبه مبتسمة و مدت ليه ورقة..
حازم م كان فاهم شيء..
لكن ابتسامتها خلتو يبتسم..
اقولها تاني
بحبها لمن تبتسم شديد شديد
حازم:مبتسمة كدا مالك
ريفان اشرت ع الورقة:شوف براك..
حازم فتح الورقة..
كانت نتيجة فحص..
رفع راسو عاين ل ريفان و تاني رجع عاين للورقة تاني وهو م فاهم نتيجة شنو..
الهدوء الحولينو لو وقعت ابرة بتتسمع
قرا الكلام الفيها و حواجبينو اتلاقو لمن فهمو
عاين للصورة التحت و الحيرة زادت زيادة
رفع راسو وعاين ل ريفان ب وش مليان عدم فهم و خلعة المرة دي
لقاها مبتسمة..
عاين ل دانية و الجماعة ديل برضو
و برضو كلهم مبتسمين
حازم م فاهم الحاصل..
حازم اتكلم ب صوت مليان حيرة زي الطفل:الورقة بتقول انو سيدها حامل ليه 14 اسبوع..ليه فيها اسمك؟
الحماعة ديل كلهظ ضحكو و م فاهم بضحكو ليه وهو مليان جدية كدا
ابوبكر:الورقة دي بتقول انو انت حتبقي اب..
حازم رفع حوابينو لمن ابوبكر قال كدا
يبقي اب؟
كيف يعني؟
رجع عاين ل ريفان ودانية تاني
و اقسمم بالله م حصل زول شاف الملامح دي ف وشو
عامل زي محمود زمان و هو شافع لمن م يكون فاهم معني كلمة ف القراية او معني جملة
م اتكلم و لا قال حرف
بس كان بعاين ليهم كدا و الجماعة كلهم ضكو الا نيفين كملت بكيتها
نيفو:م بقدر واي..ربنا خلاني اعيش و اشوا زمن ازت تجيب فيه طفل و تبقي اب..م قادرة..حازم انت حتبقي ابو..
نعم؟..
حازم:كيف يعني ابقي ابو؟؟
الجدية و الحيرة و عدم الفهم الفي صوتو خلتهم يضحكو
حازم بلع ع ريقو:انتي حامل؟؟
ريفان هزت راسها
حازم نطط عيونو:بولدك؟شافعك انتي؟؟
دانية دي قربت تقع ف الارض من الضحك
و ريفان ضحكت و هزت راسها
حازم:انتي حامل ب طفلي؟..
ابوبكر رما فيه المسندة حقت الكنبة وهو بضحك
ابوبكر:و مال ب طفل منو؟
دانية بقت م قادرة من الضحك و قعت ف الارض
المشكلة م هنا
المشكلة الجدية الفي صوتو و الملامح الطفولية المرسومة ف وشو
دا حازم
يعني هو م بستهبل و جادي اتم الجدية
حازم رجع عاين للورقة تاني:انا م فاهم دقيقة..
دانية:وبعلي وبعلي سجمي دا اكعب منك..
ريفاز هزت راسها:قلت ليك..
حازم مشي قعد ف الكرسي وهو لسا م مستوعب
ريفان ضحكت و هي بتعاين ليه
ريفان:صدقيني حياخد لترة و هو حيكون كدا..
دانية تمت ضحكها:لا انتو موبالغة موبالغة..الاتنين يضربو بيكم الحيطة والله..
ريفان ضحكت:الله يديني العمر و يخليني اشوفك ف مكاني و نشوف
دانية ضحكت:صدقيني مهما عملت م حيحصل الحصل ليكم دا..
قفلت الكاميريا و هي بتقول:الفيديو دا حيكون ورثة ف العائلة
نيفز مشت عليه و هي بتبكي و حازم لسا م قادر م قادر
ريفان مشت قعدت جمبو و مسكت يدينو:حاول استوعب براحة براحة..مافي مشكلة..لسا قدامنا كم شهر..
دانية:و بعد داك الحقيقة جد حتضربكم..
ريفان اخدت نفس عميق:انا م بقدر..م بقدر اربي لي شافع
دانية:لا اسكتي م تدخلي ف حالتك ديك تاني م بنقدر عليك انتي و حازم ف نفس الوقت..
ريفان اخدت نفس عميق وهي بتتنفس..
دي شنو المصيبة الواقعة ف راسها دي..
قعدت تردد ف راسها و هي ياداب بقت تشعر بالفرحة مع الموضوع دا
بسم الله علي قلوبنا حتي تهدأ