الجزء 11

"So breaking to know that you needed a specific person at a specific moment but they ain't there for you anymore💔"

حازم مرق من الكلية و هو متجه علي معمار..

مزاجو كان رايق لانو للتو لقو ليهم محاضرة مع ازفت دكتور ف الجامعة كلها..

ماشي علي يوسف يحصلو قبل م يمذي للكافتيريا لانو محتاج ل فلاشو منو..

و هو ف الطريق لاقتو نشوة..

عاين ليها و ابتسم ليها و هي واقفة مع مجموعة من البنات كدا بتناقشو..

و هي و لا بتهظر..

طوالي ضحكت ليه و رفعت يدها و البنات كلهم راسهم زي المروحة بس يتلفتو ليك😂..

و لمن حازم ضحك ليها و ل حماسها رفع لبها يدو برضو..

انتو م حتصدقو الانسان دا رغم البردو القاتل ز الحركات البايخة دي لمن يبتسم ةو بس يظهر سنونو ف نص الايتسامة بكون كسار كيف..

البنات ديل بس عيونهم ديل بقوىقدر كرة التيني و عاينو ل نشوة البتضحك ليه و رجعو عاينو ليه لقوه برضو بضحك ليها و حتي غمز ليها و قبل تاني م عاين ليها ومشى..

غمز ااي..

دا حازم لمن يكون مزاجو رايق..

نشوة زاتها عرفت انو مزاجو رايق لانها قالت ب صوت واطي "مزاجو رايق..شكلو لقو ليهم محاضرات اليوم..اووف بختو.."

البنات طبعا م خلوها ليك ف حالها..

دا منو و وبعلي ومالو كسار و سممح كدا و انتو مربطين وهو للتو غمز ليك و احكي لينا و اايييك حركات البنات ديل..

حازم مشي علي الكلية و اتأكد انو ياخد الطريق المشترك للكافتيريا..

فقط للاعتبار اذا الغبي داك مرق يأكل بدري يلاقيه..

تعبان عاوز يشيل الفلاش عشان ينقل شغلو و يرجع ينوم لانو نعساان و م صدق جاتو فرصة زي دي..

كم مرة الدكتور الغتيت الحيوان بلغي محاضراتو؟

مرة واحدة ف العمر طبعا..

حازم كان ماشي و خاتي يدينو جوا جيبو..

بعاين ف نص الناس..

كلهم لابسين جاكيتس..

البلد خلاص بردت..

كل زول مكمكم و قاعد حايم..

الشمس م كانت قوية شديد ك عادتها..

لكن هو متعود انو الشمس دي م تمرق عليهم كتير ف مانشستر بزات ف الشتاء..

ف كان بين المتفهم و المامتفهم للشايفو..

الناس كلها بردانة و هو حاسي بيها نسمة الرببع الحلوة ديك..

بس جافة شوية😂..

كان لابس ليه تي شيرت بلاين كمو طويل لونو ابيض و بتاع تومي هيلفيقر و بنطلون جنز باهت من نفس الماركا و لابس ليه جزمة سوداء بسيطة..

ابسط من البسيط والله..

لكن اعتقد دي الكارزما البديها حوليه البتجزب الناس ليه..

و ختو بالجمبة ملامحو السمحة..

حازم دخل نفس طويل و طلعو..

ريفان من امبارح م عاوزة تمرق من عقلو..

حتي لمن يفكر ف حاجة تانية..

بت الناس بتقعد ف زاوية عقلو تعاين ليه و تنتظروا ينتهي و تجي تسوط ليه عقلو تاني..

ااي مجنون..

و الله مجنون ب صمت..

لكن حاجة اتعود ليها من هو صغير و اتعلم يسفها كيف..

اساسا انت اذا م اتعلمت تسفه المشاعر م حتقدر تطفئ الالم و م يأثر عليك..

اي ممكن تأثر علي باقي حياتك و تطلعك بارد زي فلان دا..

بس هو المار بيه هين؟

ولا كيمة الالم الكانن مكبوبة بداخلو هينة؟

من يوم الحادث داك..

من ما فتح عيونو و قالو ليه اخزانك الكبار و امك ز ابوك كلهم اتوفو فضلت انت بس و اختك الكبيرة ف غيبوبة احتمال م تصحي منها بس المرقتو..

ف الحقيقة..

حتي اختو م كانت مرقت..

كانت ميتة و اعضاءها لسا شغالين..

حازم ممكن يعيش الف حياة والله..

بس م يقدر يحس ب الم اكعب من الالم الضربو ف اللحظة ديك..

الم كان قوي لدرجة انو اطفي كل جوانبو الانسانية..

خلاه بارد اتجاه كل شيء..

ااي والله من م الله خلقو كان انسان هاديء..

بس ركززو معاي..

ركزو شديد..

لانو الفرق بين الانسان الهادي و البارد زي فرق السماء من الارض..

و انا بخليكم تحددو شنو ياتا..

اعاقد هو لسا حي لانو بطنش..

لانو رغم انو ه. بموت ف السواقة مووووت..

ك موت حرفيا..

هو كل مرة كل يووم ف كل لحظة ف حياتو ف الثانية البقعد فيها ف كرسي السواق اول حاجة بتجي ف عقلو الشريط الحصل اليوم داك..

لمن ابوه كان بسوق بتهور و زهج و حياة العائلة كلها دفعت الثمن دا..

بس برضو بقرر يربط الحزام و يسوق بسرعة..

امكن لانها وراثة من ابوه..

او لانو عاوز يأثر علي روحو و يبدأ يحس تاني..

لكن شاء ام ابى..

حرفيا حياة العائلة كلها الا نيفين ماتت اليوم داك..

و اعتقد هو جسدو قرر يطلع من كل شيء سليم و يكمل..

حتي و لو م فيه روح..

طالما هو بتحرك و بتكلم و بياكل و بشرب و شوية شوية بضحك..

كل شيء تمام..

طالما ف القلب ف صدرو كل شيء في تمام..

اعتقد جسدوا آمن انو ممكن يرجعو للحياة تاني حتي و لو م حسي..

بس المهم يعيش..

حازم رمش مرتين لانو مع اسم نيفين الجا ل عقلو للتو جاب ليه اسم ريفان طاير..

و هو عارف لمن يمسك ب موضوعها تاني فكو م ساهل..

حسي هو حيسوي شنو لمن تلاقيه؟

يوريها؟

اعتقد احسن يقول ااي لاي سؤال يمرق من خشمها..

عشان م يصعب الموضوع و يعقدو و ينهيه من حسي..

لانو هو عارف انو ريفان غتيتة..

اذا علقت شيء ف اضانها و ختت حاجة ف راسها م بتنزل بالساهل..

نهائي..

و هو م ناقصو وجع راس ع الوجع المسبباه ليه..

و هو

ف عز تفكيرو لمح ليك يوسف..

صراحة كدا..

هو لمح لينا اول..

و عاين جمبها لقاه يوسف..

كانو قدامو طوالي بس م شايفنو..

بخلطو و بسوطو..

حازم طلع نفس طويل و مشي وقف قدامهم..

يوسف رفع راسو و الضحكة لسا ف وشو وعاين ل حازم..

يوسف رمش مرتين و لمن استوعب انو دا حازم عيونو كبيرو..

تحس بيها صدمة..

لكن الصراحة..

هي كانت صدمة و خوفة..

-حزومي..!

حواجبين حازم اتلاقو لانو بعرف صحبو..

حزومي دي م بتمرق من خشمو الا يكون عامل ليه مصيبة..

والله مزاجو رايق شديد ل درجة انو م عاوز يعرفها شنو زاتو عشان م تخرب ليه مزاجو..

_الفلاش وين؟

-اا؟

_الفلاء الاديتو ليك وين؟

يوسف اشروراه علي الكلية و هو بقول

-امم ف الكلية..

و دي كانت حركة توتر و خوفة و خطأو الوحيد..

لانو حازم عاين وراه طوالي و عينو وقعت عليها..

حواجبين حازم اتلاقو اول م شاف ريفان..

م لانها ماشة براها مع ولد الله و رقبتهم و بتضحك و بتتكلم عادي..

لا..

اوكي..

ممكن شوية بسبب دا زي عشرة ف المية بس..

لكن التسعين الباقية كانت لانها م بس بتضحك و ماشة مع ولد و الله و رقبتهم و بتتكلم براها لكن لانو الولد دا كان سينيرها..

سينير يوسف بالاحري..

هو خريج اذا ذاكرتو م خانتو..

و شء حازم فجأة رجع طبيعي و هو بس بعاين ل ريفان و مركز معاها..

جزء منو كان نفسو يعرف هي بتقول ف شنو لدرجة انهم الاتنين واقفين بضحكو كدا؟..

حواجبين لينا اتلاقو و عاينت ل يويف و يوسف عاين ليها و قبلو وراهم يشوفو هو بعاين ل شنو..

كانت ريفان الريدي شافتو ولقتو بعاين ليها..

رجعو عاينو ل حازم تاني بس نظرات البرود لسا م اختفو..

يوسف كان عارف انو حازم اتغاظ..

رغم انها نهائي م ظاهرة لا ف وشو لا ف عيونو..

بس صحبو و حافظو زي كف يدو..

ريفان و حيدر كانو الريدي وصلو و وقفو جمبهم و حازم و ريفان لسا..

شوية كدا ثواني بس و حازم عاين للسما و عاين ل يوسف..

يوسف من النظرات فهم انو هو لازم يفتح خشمو طوالي..

و يوسف اتكلم..

كل السمعو اسم وليد ف الكلية تقريبا..

م كان مركز زاتو..

كان حاسي ب نظرات ريفان و الولد المعاها دا شديدة شديد..

لدرجة انها ازعجتو..

هزا ليه راسو مرة واحدة و طوالي اتحرك مشي من جمبهم..

هه..

منظر مثير للاهتمام..

سينير و ياداب برلومة قامت من الارض..

نو اسفة..

اصلح نفسي..

خريج و برلومة ياداب قامت من الارض..

حازم م كان عارف اذا دا لانو بقي بركز معاها زيادة عن اللزوم او هي ياداب بدت تظهر..

لكن كل مرة بتصدمو ب حاجة جديدة..

دقيقة دقيقة..

هي حرة تعمل العاوزاه..

مالك و ماالا؟

انت بس اقعد كدا وجع راسك ب انسانة انت م بتساوي قشة ف عالمها و انت خلي عالمك كلو عنها..

اساشا ربنا م خبق اغب-..

و فجأة حازم وقف بسرعة زاتو فورا علي الشيء ابجا ناطي قدامو فجأة..

حازم م بقدر ينكر فكرة انو اتخلع و م قدر يمسك تعابير وشو و حواجبينو اتلاقو اول م عرفها ليك ريفان..

بس طبعا طوالي و لا اراديا نظرات البرود رجعو ف وشو تاني..

عاين ليها و هي واقفة قدامو..

ملامح وشها ظهرت اكتر و هي قريبة كدا و الشمس ضاربة ف نص وشها كدا..

البت م جارة ولا قلم ف وشها..

حتي وشها فيه شوية علامات اعتقد..

و كان قادر يشوف ليه شلخة قديمة بتاعت ضفر علي م يعتقد حصلت ليها زمان امكن من روحها او شافع نظرا ل قدمها و ثباتها..

حواجبينها نهائي م كانو غزار..

ولا خفيفات شديد..

معتدلات و شوية طويلات و مواسيات اعتقد تفتكر انها عاملة ليهم حاجة لو م ظاهر علبهم طبيعيات و هو بعرف انو هي م ليها يد ف الحاجات دي كتير..

عيونها م كانو كبار..

حجمهم عادي جدا..

و هو مقتنع انهم صغاار لانو لمن تجي تضحك او تتكلم و هي مبتسمة ببقو زي الضفر بس او القمر ف بدايات نموه..

ب اختصار شخخطة كدا صغيرونة ف وشها..

وشها زاتو م كان من النوع المطاول البعجب الناس الماعارف اسمو شنو زاتو..

بالعكس..

وشها كان مدور جدا..

و حتي عندها شوية جضوم..

م كتيرة و لا ظاهرة شديد..

بس اعتقد لانو هو بركز معاها دايما بشوها..

و لونها عادي جدا جدا..

سمراء والله..

والله والله والله والله والله ممكن يقعد يحلف ل بعد بكرة انو البت دي عادية جدا و حتي اقل من السماحة ب شوية اءا جينا نحكم..

م فيها شيء كسار ولا جاذب..

و هو ممكن يوقف الزمن حسسي دي و يطلع الف بت الحلي منها بس ف الكوتة الحوليفهم دي..

دا اذا تامين الف..

لكن دي ياها النقطة المهمة..

ما سممحة والله م سممحة..

طيب ي ولد الناس بتعمل فيك كدا لييييه؟؟

حازم كان نفسو يكفت روحو لانو بالجد حاجة غريبة و تحير..

احساس انو م فيها ولا حاجة لافتة للنظر بالذات نظروا هو..

بس كل تركيزو معاها والله..

اعتقد دا دليل تاني علي اعاقتو و تخلفو..

شافها تتحرك شوية و ضوء الشمس اختفي من وشها و بقت واقفة قدام ضلو بس..

حازم م كان قادر ينكر فكرة انو فجأة مزاجو اتعكر بسببها ليه مبعرف بي فجأة..

و لانو مغيوظ من النقطة دي شديد تني ليك راسو..

غتاتة بس..

ثانيتين م مرو و طوالي قامت رجعت لورا و ب كدا ضلو بقي مغتيها تب..

حسي بيها بتقول ليه ب حركتها دي

'اها كدي ا

بقي راجل و اتحرك..اهو حسمتها..'

حازم لفي عيونو و بلل شفايفو عشان يمنع ابتسامة السخرية الطبيعية حقتو دي لانها م بس مستفزة لاي زول..

لكن كمان عارف انو هي بززات حتتحرق منها زيادة...

_هااي..

علي كلمة هاي المرقت من خشمنا دي..

حازم تني راسو زيادة..

سكت ولا رد..

ي ولد!!..

انت موش قبل ملي ثانية قررت ترد عشان تفك روحك من وجع راس؟

بس مع مزاجتو الاتقلب دا..

هو بقدر يسوي اي شيء..

قرر يطنش..

و يشوف ل ياتو درجة حيستفزها..

حسي فجأة نفسو يشوفها و هي دمها محروق بسببو..

خليها تضوق باللفة البتعملو ليه الزفتة دي..

_انت من وين؟

لمن الجملة دي مرقت و حواجبينو دي تاني اتلاقو..

شنو؟

انت من وين؟

للتو هي قالت كدا؟

يعني من امبارح بتفكر و قررت تجي حسي تقول كدا؟

تقول شنو؟

متوقعها تقول شنو؟

صراحة هي م اعتقد فكرت ف الموضوع كتير..

اضافة الي ذلك..

هو م كان منتظر رد معين..

بس ف نفس الوقت م كان متخيل رد زي دا..

_اقصد عندك اهل ف بريطانيا؟

حازم رمش..

يرد؟

م يرد؟

ما يرد..

غتاتة و حرقة بس..

م بس بعمل كدا لانو عارف انو معظم البنات بتغاظو من التطنيش..

لكن لانو كأن متأكد انو ريفان خصيصا بتتحرق زيادة زيادة زيادة عن اللزوم لمن يجي المزضزع ل سفه او طنيش..

لمن لقتو م مستجاوب معاها سألو عن ةختو نيفين و هو حاسي بالحرقة و الغيظة تتكون ف عيونها..

لمن لقاها بدت تفور اول م قالت

_هوووي انت..

حازم دا كتم الضحكة كتتم..

و خلي ليك وشو صاافي و عادي عشان يحرقها ليك زيادة..

م بقدر ينكر انو كان مستمتع بالمنظر..

لمن لقاها انفجرت و قالت

_م عاوز تتكلم يعني؟

و بكل بساطة هزا ليها راسو ب معني لا م عاوز اتكلم..

ولا وقف ولا ثانية يشوفها حتقول او تسوي شنو و اتحرك..

برركة..

فشة شوية من زهجتو..

لكن للتو ختي ف راسو هم جديد..

لانو عارف و متأكد من معرفتو ل رييفان..

المزقف الولع نار ب جواها دا..

هي م حتخليه يمر ب سلام..

بس تصدقو او لا..

هو لسا م ندمان..

و اول م اتحرك و اتزكر غيظتها و انفعالها و كمية الحرقة المرقت مع 'هووي دي'

ضحك الشافع..

كان حاسي ب شوية ارتياح انو قدر يرد ليها الحرقة دي و لو ل يوم واحد..

طلع نفس طويل لانو للتو بدا حاجة الخوف تكون اكبر منو..

°○°○°○°○°○°○°○°○°○°○°○°○°○°○°

ريفان شربت من العصير و هي بتحاول تخلي برودو يطفي النار المولعة جواها..

طنشها للتو؟

لا يعني..

هو قايلها بتشاغل فيه؟

ولا عاوزة تتكلم معاه؟

ولا من سماحتو عشان تعمل كدا..

اوك..

ممكن من سماحتو..

لانو بالجد سمح..

ريفان لفت عيونها و ختت اصبعين الوسطي و السبابة ف جبهتها بين حواجبينها و هي حاسة بالصداع الريدي بدي..

للتو طنشها و هي بتفكر هو سمح و ب حقو..

تكفت روحها؟

امكن الاعاقة تمرق مع احد الكفوف..

لا هو قايل روحو منو..

بالجد بالجد بالجد عمل كدا ليه؟

كان ممكن عادي يرد..

اووف انا..

-اوففين..

ريفان رفعت راسها و عاينت ل حيدر الكان مركز معاها و للتو ردا ليها اووفيين..

للتو قالت اووف ب صوت مسموع..

ابتسمت ليه و هي بتعاين ل لينا و يوسف الكانو بخلطو جمهم..

استغفر الله استغفر الله بس..

يعني تحسي بيهم بعملو اطفاء لكل شيء حوليهم و يتونسو..

قررف..

ريفان حست ب روحها ح تستفرغ عديلك كدا..

لفت عيونها و لقت حيدر لسا مركز معاها..

الولد دا مالو؟

اخد نفس طويل و طلعو و هو بقول ليها

-ما عاوز اسألك لكن الفضول قاتلني..

ريفان تنت راسها بالجمبة..

_ما سمعت ب جملة ciroustiy killed the cat؟

حيدر ابتسم

-م اعتقد كان الفضول بس..كان السعي ورا المعرفة..

حواجبين ريفان اتلاقو

_م نفس الحاجة؟

حيدر رفع ليها اكاتفينو

-م بعرف..

ريفان لفت عيونها

دا الناقصها..

-اها..

استغفر الله

حسي دا تقول ليه شنو؟

تقول شنو عنها هي و حازم..

احساس ف حاجة بتجمعها مع الحيوان داك..

تقول ليه انو بس بشبه ليها زول بتعرفو؟

م اعتقد يصدقها..

شكلو مدي الموضوع اكبر من حقو ف راسو..

_صديق بس..

-و زعلان منك؟

_ممكن تقول كدا

-ليه عارفة؟

ريفان هزت راسها..

_هو م من النوع البتقري..م بقدر افهم هو بفكر او حتي حاسي ب شنو..

-امممم..بالجد حتي انا حسيت كدا لمن لقيتو بحمر ليك

ريفان رفعت راسها و عاينت ليه

_كان بحمر صاح؟

-م بعرف..حسيت بيه م مرتاح لمن شافك

_بالجد؟

حيدر ضحك

-م بالطريقة ديك..امكن مستغرب؟م فاهم؟او كان بس بعاين ليك ساي كدا لانو م اتوقع يشوفك قدامو فجأة؟

ممكن..

ممكن اخر جملة دي..

-عملتي ليه حاجة؟

_نوو ابدا..هو انا لسا م حاولت اتكلم زي الناس..

-من كلامك دا افهم انك حتحاولي؟

ريفان ضحكت و هي بتقول

_حاختو حلقة ف اضاني و م حاخليه ف حالو و يشوف..

ريفان شربت باقي العصير و هي يتفكر..

لمن سالتو..

هو قرر يطنش و م يرد..

لكن م معناتا نكر الوضع..

و لمن سألتو من نيفين..

ولا رمش حتي..

اعتقد ياهو هو..

لو م بتكون بتبالغ..

ممكن عادي يكون واحد من اولاد خالتهم..

اعتقد بالجد ببقي ليهم..

لانو زي م بقولو مرات الصمت علامة رضا..

لكن برضو الكلام منطقي..

اضافة ل دا كلو و هي بتتناقش قبل شوية..

نفس فايب السخافة الاخدتو م

ن محمود جاها ب حذافيرو مع حازم دا..

تحسي بيه علمو عديلك كدا لو م بتكون بتتوهم ساي..

سواء ياهو او لا..

هي حتعرفو و حتتأكد..

و ح تخليه يتكلم يعني يتكلم..

غتاتة و حقارة بس..

-اسمو منو؟

ريفان عاينت ليه

-شكلو م غريب علي والله..

_بما انك صاحب يوسف اكيد شكلو م غريب..

-هو من طرف يوسف صحح؟

ريفان هزت راسها

_اممم..

-ااي حتي انا قلت كدا..

_اسمو حازم..

-بالجد؟

_اممم..

حيدر هبش ف حنكو..

-والله والله ما غريب علي..

_انت ف الجامعة دي ليك اكتر من خمسة سنين كيف يكون غريب عليك..

-صح..

ريفان ضحكت

-اعتقد هو احد الاولاد الوقفو معانا ايام مظاهرات الطلقة

_مظاهرات شمو؟

-مظاهرات الطلقة..

حواجبين ريفان اتلاقو

-م اعتقد انتي كنتي قاعدة ايام المظاهرات دي..لانو انا كنت ف تالت..

_ااا..

-اعتقد ياهو بما انو صاحب يوسف بكون هو الولد الكان حايم معاه هو و نشوة دايما..

_ليه اسمها مظاهرات الطلقة؟

-ف المظاهرات ديك احد الطلاب ضرب احد ناس الشغب برصاصة ف ضهرو..

ريفان نططت عيونها و صوتها كان عالي لمن قالت

_ااا؟؟؟..

-م حصل سمعتي عنها؟

ريفان هزت راسها بمعني لا

_نهااائي..

-والله احد طلاب ناس هندسة ضرب احد ناس الشغب ف ضرهو رصاصة من وين الله اعلم..

_ليهه؟؟

حيدر رفع ليها اكاتفينو..

-مبعرف الشائعات كتيرة و منتشرة و الكاام متناقض..

_و الولد منو؟

-برضو م معرفو لكن هو من ناس معمار تقريبا..

_معمار؟

-اممم..يقاال كدا لانو الراجل اضرب ف زقاق معمار..

_..

-وانتي عارفة مافي زول بدخل الزقاق دا او عندو قوة يدخلو ايام المظاهرات او حتي بعرف يدخلو غيرنا نحنا و ناسنا..

_امم..

-حتي انتي بتعرفي انو الناس كلهم بمشو ل كلياتهم اول م الحاجت دي تبدي..

_طيب و الراجل الاضرب مات؟

حيدر هزا راسو ب معني لا

-م مات لكن اتشل..

_اتششل!؟!؟

-امم..بقي مشلول حمانا الله..

_وااي انا..

-الضربة كانت تحت ف نهاية العمود الفقري ف عشان كدا قدرو ينقذوه الحمدلله..

_طيب و الضربو م قدرتو تعرفوه من الطلقة؟

حيدر ضحك و هو بقول

-نحنا ف السودان..عارفة الموضوع م بدوه اهتمام كدا..

_كيف و هو واحد من ناس الشرطة؟

-امم هو م واحد من ناس الشرطة هو من ناس الشغب..

_ديل منو؟

-ديل ناس بجوبوهم ناس الشرطة و الامن يدخلو الحررم الجامعى ب اسلحة و ادوات ويدوهم احقية يعملو اي ش يء للطلاب بس لانهم هم م بقدرو يدخلو..

_و بجيوبوهم من وين الشغب ديل؟

ضحك تاني و هو بقول

-ممكن عادي يرفعوهم من السارع..الناس البلبسو هدوم مسرطة و البكونو مجانين و حايمين..بجوبوهم و بلبسوهم و بدوهم الادوات و حتي اعتقد كمان بدفعو ليهم قروش ف نهاية اليوم..

_قروش عسان يأذو الناس؟

حيدر شرب من عصيرو و قال

-القرش دا الانسان مستعد يعمل ليه ااي شيء و لو علي سبيل حياة الناس مرات..الزول بكون خايف علي حياتو اكتر..و ممكن يدفع عادي حاجات غير القرش اذا اضتر عشان ينقذ روحو..

ريفان استغربت لانو م حصل سمعت الناس بتكلمو عن الكلام دا.

_غريبة م حصل سمعت عن الحادثة دي..

-الحوادث بختفو مع مرور الوقت تحت شائعات اجد و بتدفنو..مافي شيء بتقعد للابد..

○°○°○°○°○°○°○°○°○°°○°○°○°○°○

نشوة دخلت الكافتيريا و مشت تاكل..

اخدت اكلها و مشت تشتري العصير..

و لمن جات مارة ب يوسف و لينا قامت تشاغلهم ليك

-مششششم غايتو الله يخلي ليكم خلط الكافتيريا دا

لينا و يوسف قعدو يضحكو

= وانتي خليك بس اقعدي نكتي علينا

-مالك علي ي ولدي انت م عارفني سنجل و مشردة..

=سنجل اوكي..بس انتي براك النشردة روحك..بالله كم زول و كم زول جاك..هو انا البعرفهم م هينين خلي العدد الحقيقي..

نشوة لفت عيونها

-انت فهمك سطحي جدا بالمناسبة..انو تربط مع ااي زول يجي يقول ليك بحبك؟

لينا ضحكت لمن يوسف اشر عليها وعليه..

=اهو نحنا بدينا كدا و مستمرين لينا سنتين و حاجة..

-وكنتو بتعنوها من كل قلبكم لمن قلتوها اول مرة؟

=نحنا ربطنا عشان كدا..

-كان قبل م تدخلي الجامعة صح لينا

لينا هزت راسها..

و فجأة بقت حاسة ب عدم ارتياح..

-انتو بس طلعتو لالموشوع صدفة لكن مستحيييل مستحيييل ناس تانين يستمروا كدا زيكم..فكرة انكم اتعرفتو ف النت و ربطو و فجأة شالوكم نفس الجامعة مع بعض شي خيالي جدا..

=انتي بس غيرانة..

-دي الحقيقة..ربنا بس يتم ليكم علي خير..

يوسف لفي عيونو

=انتي بس اعرفي لي لي دا..و نطي للعرس طوالي..

نشوة اتغاظت و قررت تدخلو ف موقف ضيق..

-قصدك شنو يعني..م حتعرس لينا انت؟

=حسي الدخلنا انا و لينا شنو ف الموضوع دا

نشوة صحكت

-علي حسب علمي الاولاد البنططو كدا ديل موضوعهم واضح و صريح..

عاينت ل لينا و ختت يدها ف كتفها و هي بتقول

-الله يعينك معاه لكن اخدي نصيحتي و اكسري حنكو..انا بعرف انك بتقدري تجيبي احسن منو..

لينا ضحكت و هزت ليها راسها

_حتي انا قلت كدا..

جملتها صراحة غاظت يوسف..

لايك شدييييد..

يوسف دا عاين ليك ل لينا و قبل..

لينا عاينت ليه..

عملتها قاصدة..

لانوىهو اكيد كان عارف انها م كانت حاسة ب ارتياح من النقاش دا..

و برضو قرر يواصل فيه..

و لسا بعد العملو فيها دا ب موضو

ع التلفون لسا كاسر جزء منها و قررت تخلي الزمن يشفيه..

لكن كمان م يجي يكسرها زيادة..

صراحة..

و لينا بتفكر..

كلام نشوة صح مية ف المية..

م عادة ناس النت بمرقو بربطو كدا او بنتهي الوضع..

بالزات ف نفس الجامعة و نفس الكلية..

بس صراحة..

حتي هي مخلوعة من نفسها..

تتخيلو اول زول تربط معاخ هو من النت واحد بس صاحبها ليك و اداها الكلام الحلو و الاهتمام و اتكلم ليك عن ناس اهلو وبيتو و لينا بس حبتو..

رغم انها كانت عارفة انو حاول يتواصل معاها بسبب صورها و جمالها..

بس برضو..

حبت الجزء الدافئ منو داك لدرجة انو غضي ليها نظرها من بااقي الاجزاء فيه كلها..

بس برضو..

لسا منجرحة جدا..

بس بتقدر عليها..

اعتقد دي حاجة كانت عارفةها من زمان..

انو ممكن المووضوع بتعقد ل قدام بس برضو قررت تمشي فيه..

و تستأهل لانها م بتسمع الكلام..

صوت يوسف و هو بقول ليها

=هوي انتي وين

خلاها ترفع راسها تعاين ليه..

يوسف عاين ليها..

نظرات م خلنها ترتاح ليه..

نظرات زعل ممزوجة ب عدم اهتمام ممزوجة ببرود..

و كل م زادت معرفتها ليه..

كل م النظرات دي كانت بتخليها تكش اكتر..

دا صاحبو الزفت الاسمو حازم البقاه كدا..

شوية كدا اتلفتو علي ريفان القامت مخلوعة فجأة..

-مالك بسم الله

ريفان ختت يدينها ف راسها و هي بتقول

_نسيت سماعاتي ف الاستراحة..

لينا نططت عيونها

-السماعات السمحة؟

ريفان هزت راسها..

-اجرري جيبيها..

و ريفان تاني م انتظرت كلمة..

لدرجة انها م سمعت حيدر زاتو بقول ف شنو..

يوسف كان قبل و شافو..

الومحيد البينهم التلاتة انتبه ل نظرات حر علي ريفان..

حواجيين ؤوسف اتلاقو من الشافو..

م كان فاهم شي معين من نظراتو ليها..

بس تركيزو معاها و جملة 'اشوفك بعدين القالها ليها دي' خلتو ينتبه ل حاجة واحدة..

انو حيدر ختي ريفان ف راسو..

اكن م ادي الموضوع اهتمام شديد و طوالي رجع يعاين ليك ل لينا..

و لينا خوفا من نظرات يوسف وصلت ليك الانسة ريفان ب عيونها لحدي م اختفت من برا الكافتيريا..

صوت يوسف خلاها تعةين ليه تاني

=كلام نشوة زعلك؟

لينا طوالي ردت

-ليه هي قالت شيء بزعل؟

يوسف ضحك..

رغم انها عسل و كيوت و بنوتية شديد..

بس لمن تفصم و تقوم علي الغتاتة كل مرة بتخلع فيها..

-هي م قالت كلام بزعل ف انت ليه تفترض اتي زعلت؟

=لانو وشك بقي عابس

-هه..يبقي عابس ب سببك؟ليه انت منو؟

انت منو؟

للتو قالت ليه كدا؟

هه..

شكلو صحبتها الغبية دي ف فترة الشهرين ديل كبرت ليها راسها..

يوسف اتحرق من ردها شديد لانو هي عادة م بتقول ليه كدا..

و رغم انو عارف روحو كويس..

و عارف انو هو لمن يتغاظ لازم يبلع لانو لانو بقول اكتر كلام جارح ف راسو دفاعا بس..

و بس يعني بس..

لكن برضو بفشل كل مرة..

و زي كل مرة لسانو اتزلق..

=انا الخليتك تبكي ليالي ف بيتك ب سبب موضوع تافه جدا..

لينا نططت ليك عيونها..

و الندم كان ظاهر ف عيون يوسف ف اللحظة الغادرت اخر كلمة خشمو..

لينا قبلت و عاينت حوليها..

ااي شيء ولا يوسف..

كانت تاوزة تبكي..

شديد..

لانو زكرها بالموضوع تاني..

بس اذا بكت..

معناتا كلامو بالجد..

وهي م عاوزة تأكد ليه كلامو..

عشان يحس بالذنب مليون مرة..

بعد ثواني وقفت علي حيلها..

كانت عاوزة تتحرك لكن فتحت شنطتها و مرقت منها علاقة من الخشب مكتوب فيها اسم يوسف بالالماني ب خت جميل..

يوسف اول م شاقها قلبو دا اتكسر..

لانو كان عارف انو دي هي العملتها..

شخصيا..

لانها دايما بتمد ضنب اخر حرف ف ااي كتاية و ف ااي لغة ب طريقة هو بعرف و حافظها كويس..

لينا عاينت ليه و هي بتقول

-حقت امبارح

و تاني م وقفت ف مكانها ولا ثانية..

○°°○°○°○°○°○°○°○°○°○°○°○°○°○

حازم اخد مساافة يفتش علي وليد..

لايك وقت طويل..

فتش الكلية مرتين..

ضرب ليه لكن ما برد..

و حام مسافة و تاني اتوصل ل فكرة انو عندو محاضرة..

حازم طلع نفس طويل و قرر يقعد ينتظر برا..

اساسا مافي يوم ممكن يمشي علي مزاجو..

لحزء من الثانية كان نفسو يم ششي يخلي الفلاش و يكسر حنكو لانو نعسان..

بس محتاج للبرامج الفيه عشان يشتغل فيها ب بليل و خايفىلمن وليد يشلو معاه يمسحههم..

حتي حاول يرسل ليه انو ما يهبش الحاجات الفيه لحدي بكرة..

لكن وليد م رد..

و حازم م بقدر يجازف..

اوووف..

اساسا دي الدنيا..

لازم تتعكس معاه ف كل خطوة بخطاها..

مرق و مشي ل الكنبات البكونو ثاعدين ف النص كدا..

قعد و بقي بعاين بس لناس الكلية..

لكن اول م رفع راسو عينو وقعت علي بتين..

كانو قاعدين قصادو طوالي كدا لكن بعيد شوية..

صحبات ريفان الاتنين..

اذا ذاكرتو م خانتو من كلام يوسف..

ديل وابل و نون..

حازم عاين ليهم و هم قاعداات..

كانو بتناقشو ف موضوع شكلهم لانو واحدة فيهم كانت منفعلة و التانية بتهز ف راسها ب معني لا..

حواجبينو اتلاقو..

و هو بفكر حسي..

كان دايما بلمحههم مع ريفان..

بكونو بتكلمو وبتناقشو كدا..

و ريفان بتحس بالغيرة..

م كلام منو ساي..

والله والله والله بشوفها ف وشها الغيرة..

لمن يكونو بتناقشو وريفان تحس بالوحدة..

و تحاول تتكلم ف النص و تاني بتخلي الكلام

و بتسكت تعاين لبهم و هي ميتسمة..

لكن الزعل داهر ف عيونها..

حازم كان بستغرب..

رغم انو شافها مع نون براها كتير و وابل برضو..

لكن هي دايما بتكون ساكتة و بتسمع ف الكلام لمن تكون مع نون..

يعني نون هي البتكون بتتكلم و ريفان بس بتتكلم كم كلمة..

اعتقد نون بتكون البتحكي كتير..

لكن مع وابل..

بشوفها بتتناقش و تتكلم و تقاطع وابل ف كلامها و يتشاكلو و يتناقشو و كلو..

بشوف مختلف تعابير الوش الماحصل شافها ليها ف كم يوم و بكون شافها ف قعدة واحدة ليها مع وابل..

لمن تكرفس وذها و تلف عيونها..

لمن تكون منفعلة ف حاجة و هي بتتكلم و وفجأة ديل تعلق علي شي و الاتنين يقعدو يضحكو..

و لمن وابل تكون بتحكي و هي تكون مركزة و بتفكر..

حتي مرات بنتبه انهم بقولو نفس الكلمات و الجمل مع بعض..

زي و كأنو تفكيرهم واحد..

اعتقد و هو بفكر حسي..

الغيرة حقتها بتكون علي وابل م علي نون..

لانو بالفهم ساي و مع المنظر البشوفو..

هي بتحب وابل اكتر..

لكن وابل..

و هو بعاين ليها..

زي م هي مع ريفان..

كمان بتتعامل كدا مع نون..

اعاقد دي شخصيتها اصلا كد؟

م قادر يفرز هي بتحب منو اكتر بينهم..

هو حاسي انو ريفان فاهمة انو وابل بتفضل نون عليها..

عشان كدا بتكون الملامح الغريبة ديك مرسومة ف وشها..

حازم تني راسو بالجمبة و هو مركز معاهم..

وبعد شوية حواجبينو اتلاقو علي الانسانة الجات قعدا جمبهم..

ريفان..

الجابها شنو؟

موش قبل شوية كانت ماشة علي الكافتيريا؟

اوكي..

م قبل شوية..

لكن يعني قبل فترة..

كانت بتتنفس بصعوبة و صدرها دا يطلع فوق و ينزل و ظاهر انها كانت زي البتجري..

قالت حاجة ل وابل و نون و الاتنين عاينو ل بعض..

كانت واقفة ماشى جوا علي الكلية..

لكن نون فتحت شنطتها و طلعت منها حاجة و ادتها لليها..

علي حسب علم حازم..

كانت سماعات بلوتوث..

ريفان دي حسي بيها عاوزة تصرخ..

شالتها منها و طوالي حضنتها..

و بقت بتتكلم وهي بتضحك..

هه..

لو م معرفتو ل ريفان و بعرف انها انسانة م بتقدر تضحك ف وشوش الناس البتكرهها..

كان بقول انها بتمثل حبها ل نون..

بس والله البشوفها..

والله بفهم البت دي عزيزة عليها قدر كيف..

الناس القلبهم طيب و ابيض زيها تعبانين مع الدنيا دي..

لمن تكون متكيرة م عارفة تسوي شنو..

لمن يختاروا سعادة و ضحكات الناس علي حقاتهم..

و يختارو راحة الناس ع راحتهم..

بشوفها هو..

لمن تكون مركزة مع انسان معين و فجأة يضحك او يبتسم..

هي لا إراضيا بتضحك او تبتسم..

بحس بيها بتحب ضحكات الناس..

حاجة غريبة والله..

بتحير من فكرة انو هي لسا قلبها ابيض و طيب رغن

م الدنيا و شرورها..

رغم انو شافها تبكي كدا و بالطريقة دي..

كل مرة و بحرقة و الم..

صراحة..

هي كانت م بتبكي هي بتمنع ف الدموع اول مرات..

و تاني تحس بيها نفسها تبكي بس م قادرة..

حازم طلع نفس طويل..

دي ياها اعراض مرض ال smiling depression زاتها..

يس منطقي..

م ممكن زول يكون عايش زيها و لسا م عندو هموم..

حسي بالشفقة اتجاهها..

هي لسا م جربت الدنيا و حقيقتها كلها و هدي ليها ف حروب داخلية مع نفسها براها..

حاجة بالجد مزعلاه..

انسانة زيها م بتستاهل تمر ب حاجات زي دي..

حازم فجأة استعدل ف قعدتو و حواجبينو اتلاقو..

الله!!..

شافتو..

عاينت ليه..

انتبهت انو كان مركز معاها..

بعد السنتين ديل و الالف مرة الكان مركز معاها..

انتبهت ياداب انو مركز معاها حسي..

ريفان عاينت ليه..

و اعتقد لمن استوعبت انو دا هو حواجبينها اتلاقو..

شييت..!

هو نسي انها بقت بتعرفو..

دخل عالمها خلاص..

و لو ب مكانة صغيرة..

المهم دخل..

معناتا شنو؟

معناتا تاني حتنتبه ليه..

معناتا تاني م حيقدر يركو معاها..

شيت..

حازم قبل منها بعد ثواني و عاين ل وليد الجا مارق من جوا..

قام علي حيلو و طوالي مرق..

ولا حتي مشي ف اتجاه وليد..

ي ولد!!

انت جيت هنا ل وليد..

ليهه متحرك ف الاتجااه المعااكس ليه تماماا؟!؟!

حازم قبل وراه و كان عاوز يعاين ل وليد..

لكن لمح ليك ريفان تقوم من مكانها و هي بتعاين ليه..

شيت..

جاية عليه!!..

حازم قبل و تاني م عاين وراه و بقي ماشي..

اول م يمرق من الكلية ممكن يضيعها ف نص الناس..

كان ماشي بسرعة شوية..

○°○°○°○°○°°○°○°○°○°○°○○°○°○○

حيدر كان داخل علي الكلية..

اول م ريفان قامت علي حيلها و مرقت و جات..

م كان ف سبب يخليه يقعد ف الكافتيريا..

و هو بفكر حسي..

كان نفسو يعرف بالجد علاقتها مع حازم شنو..

لانو علي حسب علمو..

دا ياهو الولد الخاتاه نشوة ف راسها..

و علي حسب علمو و علم شخصيتو كويس..

الولد دا م بصاحب الناس..

ولا حتي بعرف ليه بنات..

و من الطريقة الكان مركز بيها معاها..

الولد دا م صاحبها..

لكن كمان معناتا بعرفها..

ي ربي من وين..

نشوة اذا عرف-

-حيدر..

حيدر رفع عيونو و هو بعاين ل مصدر الصوت لانو عارفو حق منو..

ع ذكر الشيطان بس..

نشوة..

=اا..

عاين ليها و لقاها واقفة قدام بوابة الكلية..

وينك مختفي الايام دي-

=قاعد بس انتي م شايفاني..

-بتتجنب فيني ولا شنو؟

كان ف نظرة ف عيونها بعرفها كويس..

حيدر اتغاظ منها

و طوالي حاول يغيظها

=قايلاني حازم احاول اتجنبك

نشوة اتفاظت و ضحكة ضحكة استهتار

-انا و انت الاتنين عارفين انو حازم م بتجنبني..علي ذكرو حسي جا ماري فيني و غمز لي..

حيدر ضحك علي جملتها..

=اها و يعني..

نشوة حمرت ليه

=بعدين انا كنت قايل انو انتي البت الوحيدة البعرفها بس طلعت غلطان..شكلو عندو واحدة تانية خاتيها ف راسو..

حيدر قبل عاوز يمشي عشان يخليها تتحرق لكن هي وقفت قدامو..

-واحدة؟

لو نشوة م بتعرف كويس..

كانت حتكون متأكدة انو حيدر بقول كدا بس عشان يغيظها..

بس كلام حازم حق امبارح دا ملعق لحدي حسي حلقة ف اضانها..

'عاين انا م عاوز اتناقش عن الموضوع دا..دا كلو بسببك والله بكرة البت دي تجي تفتح خشمها معاي الا اجي اكفتك..'

البت..

نشوة بتعرفو ليها خمسة سنين زي يوسف..

و ما حصل مرة سمعتو يتكلم عن بت ف حياتها..

-بت شنو؟

حيدر ضحك ضحكة استهتار..

-حيدر انا م بهظر..بت شنو؟

النظرة الفي عينها كانت نفس النظرات البترميها عليه كل مرة..

هو زاتو م قادر يفهمها..

نظرة تلومو و فيها زعل و حقد و كراهية و ف نفس الوقت انكسار و تهديد بالنسبة ليه..

حتي هو ما قادر يفهمها..

لكن عارف حاجة واحدة بس..

انو بخاف منها..

-بت منو؟

لمن قالت ليه كدا المرة التالتة قرر يتكلم..

=واحدة كدا الليلة شفتهم مع بعض..

حواجبين نشوة اتلاقو..

استحالة..

=كانت قاعدة معاي قبيل ف الكافتيريا اذا انتبهتي..

نشوة حاولت تفكر..

بس متزكرة لون طرحتها..

=كلنا كنا ماشين مع بعض للكافتيريا و هو لاقة يوسف و وقف اتكلم معاه..

نشوة كانت مركزة..

=و لمن شافها معاي بقي بس بعاين ليها..

نشوة رفعت حواجبينها..

كانت بتقول هو بكدذ تاني..

بس هي عارفة حيدر اغقل من انو يعمل كدا..

بزات ليها..

=نفسي كان اقول ليك مفهوم النظرة شنو بس الولد دا كتلة تلج..نظراتو الباردة دي لو بتقدر كانت بردت لينا الجو علي العليه..

-حيدر..

نشوة م فاضية ل هظار..

و حيدر كان عارف تماما كيف ممكن يلعب ب اعصابها..

=بس كان مركز معاها لحدي م عاينت ليه و تاني بعد مسافة قبل و مشي لكن..

و سكت طوالي..

-لكن شنو..

حيدر رفع راسو و بقي بعاين ورا نشوة..

=لكن هي لحقتو و اتكلمت معاه..بس م بعرف اذا ردا او لا لكن غايتو هي كانت مغيوظة البت..

-اا؟..كيف يعني..

حيدر اشر ليها وراها..

=زي كدا..

نشوة قبلت تعاين هو بيأشر وين..

كان حازم مارق من الكلية..

نشوة استغربت..

لمن يوسف م يكون قاعد ف الكلية..

حازم م بفكر زاتو يجي جمبها..

الجابو شنو..

و هي بتعاين ليه بمرق..

بت لابسة نفس الطرحة الاتذكرتها قبيل جات مارقة وراه و هي بتعاين ليه..

حواجبين نشوة اتلاقو..

علي حسب علمها..

اعتقد دي صحبة لينا..

صح؟؟..

شوية كدا و البت وقفت ليك قدام حازم..

حازم دا وقف و عاين فوق..

مشوة استغربت طبعا..

دي اول اول اول اول مرة تشوفو واقف مع بت من الجامعة دي..

البت اتكلمت..

و حازم كان بس بعاين ليها و هي بتتكلم

حيدر ضحك و هو بقول ليها..

=هدا نفس المنظر دا..ب نفس الطريقة دي..

●°○°○°○°○°○°°○°○°○°○°○°○°°○°○°

ريفان وقفت قدام حازم و هي بتعاين ليه..

نفسها قام تاني..

حازم طبعا وقف و عاين فوق ل ثواني و تاني رجع يعاين ليها..

اكن نفسو يكذب و يعمل روحو مخلوع..

بس كان عارف انها حتحصلو

حازم عاين ليها و لقاها بتحاول تجمع نفسها قبل م تتكلم..

واي انا من البت دي..

بعد ثانيتين كدا اتكلمت

_انتظر دقيقة .

حازم م رد ليها..

_انت م رديت لي..

يتكلم؟

اعتقد اذا ظل ساكت كدا الموضوع م حيتحل..

و هو بفكر حسي..

لسا محروق منها بدون سبب..

-علي شنو؟

ريفان رفعت حواجبيها..

اتكلم..

حازم زاتو م اتوقع انو حيرد..

بس صراحة هو عارف روحو..

لمن يكون محروق م بفكر و بتكلم..

_علي سؤالي القبيل..

-واللي هو؟

ريفان سكتت ل ثواني..

صراحة م اتوقعتو يرد..

قامت لاحقاه حسي ساي..

لانها اتغاظت من فكرة انو كان مركز معاها كدا..

بس برضو..

حست ب قشعريرة ب سبب صوتو..

و كان مفروض تكفت نفسها لانها كانت متوقعة انو صوتو م يكون ب نفس درجة برودو..

صوتو هاديء جدا و بارد..

يااخ استغفؤ الله بس اعتقد اذا قعد يتكلم زي الناس..

ممكن يهدي اي زول حوليه من درجة الاستكانة و الهدوء و البرود الفيه..

دا كلو و حالتو قال ليها جملتين بس..

ريفان هزت راسها عشان تطرد الافكار دي من راسها..

اعتقد دا بس تفكيرها هي لانها مغيوظة شديد من برودو دا..

اضافة ل فكرة انها ل يوم الليلة مغيوظة من محمود شديد..

و حسي هي مقتنعة تمام انو دا نسخة منو..

غايتو بس استغفر الله

_عندك اخت اسمها نيفين؟

حازم عاين ليها مساافة..

كان نفسو يعرف اذا قال ليها ااي حتقول شنو؟

ف عشان كدا طوالي هزا ليها راسو و فتح خشمو يقول ليها ااي

يعني حتسوي ليه شنو مثلا؟

اها و يعني لو هو ياهو اخوها..

و ااي كان قاعد معاها ف نفس البيت..

فيها شنو؟

عاوزة منو شنو؟

و هو بفكر حسي..

اعتقد هو عارفها ليه مقتنعة تماما انو دا هو..

و هو بتزكر..

لمن جا مارق من الحمام و لقاها ف وشو..

امكن عشان كدا هي مقتنعة انو دا هو..

لكن..

هو متأكد انها م شافت و

شو زي الناس..

هو بس الشافها ب عين واحدة و باقي وشو مغطياه ليك البشيكر..

حتي هو..

لو م كان حاظها و بعرفها كويس..

م كان فرز انو دي هي ريفان زاتها..

بس هي..

هي م بتعرفو اساسا..

امكن عشان كدا عاوزة تعرف..

حازم عاين ليها و هزا راسو و فتح خشمو يتكلم..

لكن و فجأة..

قبل م يتكلم..

صوت نشوة من مااف ظهى..

ظهر ليك و هي بتكورك اسمو ..

و بدون م ينتبهو..

فكرة انها فجأة كوركت اسمو خلتهم الاتنين يقبلو علي اتجاه الصوت..

حازم عاين ل نشوة و تاني قبل عاين ل الواقف معاها..

عاين ليه مساافة..

موش دا الولد الكان مع ريفان قبيل..

ياهو زاتو..

الجابو هنا شنو؟

هو حيكون ناطي ف وشو محل م ماشي..

استغرب شوية لانو ياداب انتبه..

انو نشوة كانت واقفة معاه..

نشوة بتعرفو؟

اووف..

اما ريفان..

عاينت ل حيدر و استغربت..

نشوة كان الريدي وصلتهم و وقفت جمبهم..

و الاتنين كانو بعاينو ل حيدر الما اتحرك من مكانو و جاهم..

حيدر عاين ليهم الاتنين بالدور..

عاين ل ريفان و تاني ل حازم..

و قبل عاين ل ريفان تاني..

ضحك و غمز ليها و طوالي دخل الكلية..

ريفان استغرب بس و حازم كالعادة بعاين و بس..

الاتنين وصلوه ب عيونهم لحدي م دخل الكلية..

و حتي نشوة انتبهت و قبلت عابنت هم بعاينو ل شنو و تاني رجعت عاينت ليهم الاتنين..

حازم عاين ل نشوة و تاني عاين ل ريفان..

اححي انا من وجع الراس دا..

اصلو الانسان لمن يكون نفسو يرتاح و لو ل يوم بس..

مصايب الدنيا كلها بتجيه..

نشوة عاينت ل ريفان و ابتسمت..

و هو كان عارف هي حتسألو شنو..

وهو ما كان عارف زاتو حيرد ب شنو..

استغفر الله بس..