الجزء 12

"و اما بنعمة ربك ف حدث💙"

نشوة عاينت ليك ل حازم و قبلت عاينت ل ريفان و ابتسمت و تاني عاينت ل حازم..

=قايلاك مرقت..

_كان مفروض امرق والله

نشوة ضحكت ضحكات البنات ديك لامن م ريفان استغربت

=طيب الجابك لحدي معمار الفي اخر البلد شنو..

حازم عاين ل معمار و طلع نفس طويل..

_قصة طويلة..

نشوة ضحكت

=عندي الزمن كلو..

ريفان حست ب عدم ارتياح و هي واقفة ف نصهم كدا..

مبعرف بس حست ليك ب انو الاتنين مربطين او كدا من صوت نشوة المياع دا و ضحكاتها..

حازم عاين ليها برضو ي نظراتو دي..

و خلت ريفان تقتنع انو لو ممكن عادي يعاين ل حبيبتو برضو بالنظرات دي معناتا الولد جد جد كتلة تلج متحركة..

_المختصر اني جيت اشيل من وليد فلاش لكن م لاقيتو و ماشي علي البيت لاني تعبان..

=فلاش شنو؟

_فلاش كدا محتاج ليه..

=ممكن تمشي عادي و انا بشيلو ليك منو..

حازم ابتسم ليها

_تمام..

ابتسم..

للتو ابتسم..

اكرر ي جماعة ابتسم..

والله لامن م ريفان رفعت حواجبيها..

هو بالله بعرف يبتسم كيف؟

لا يعني بالجد بقدر يبتسم؟

ريفان بللت شفايفها وهي بتمنع ف الضحكة..

خسارة والله..

حتي هي م بتقدر تنكر انو ابتسامتو حلوة..

مفروض يحاول يظهرها اكتر امكن تفكو من البؤس المرسوم ف كل مكان ف وشو دا شوية..

نشوة انتبهت ليها..

و اعتقد غاظتها حركتها ف طوالي قبلت ليك عليها..

عاينت ليها ل ثواني..

و ريفان كانت قادرة تقرا وشها كويس..

كانت بتعاين ل ملامح وشها..

و تشوف هي سمحة بالجد او لا..

و تقارن نفسها بيها..

دي كل الحركات البتعملها كلل البنات..

ريفان رفعت ليها حواجبيها احساس 'مالك'

نشوة لومت وشها..

و ريفان كانت متأكدة انو ف حاجة واحدة ف عقلها

'م سمحة عادية..طيب حازم ليه واقف معاها'

صدقوني مافي زول اشطر ف قراية البنات اكتر من البنات زاتهم..

بعد م لولوت ليك خشمها طوالي قبلت علي حازم..

حازم كان بعاين ل ريفان لمن نشوة برضو كان بعاين ل ريفان..

كانت جاياها من طرفين..

حازم وراها كيف كيف و نشوة تحري و تدقيق..

نشوة عاينت ل حازم و لقتو لسا بعاين ل ريفان..

تستقربو هو زاتو بعاين ليها لي..

لكن والله صراحة..

اذا سألتوه هو زاتو م حيعرف يرد..

لانو هو زاتو م عارف بعاين ليها لي..

حواجبين نشوة اتلاقو لمن لقتو بعاين ليها..

دا مالو دا..

=نسيت اسألك دي منو؟

ريفان عاينت ليها و رفعت حواجبيها..

هه..

ي راجلة!!..

حازم عاين ل نشوة مسافة..

دي منو بالجد..

ف مقالات و مقالات و مقالات تسميع ف راسو..

بس يقولها لي نشوة؟

و ريفان واقفة؟

والله ديك الا تخاف..

حازم عاين ليها و قرر يعمل رايح

طلع نفس طويل قبل م يتحرك من مكانو وهو بقول

_انا ماشي لاني تعبان..م تنسي تشيلي الفلاش..

و طوالي اتحرك م وقف ف مكانو..

و احلي حاجة م قبل وراه تاني زاتو ب

يعاين يشوف الاتنين ديل حصل معاهم شنو..

م عاوز ليه صداع جديد..

ريفان و نشوة الاتين عاينو ليه مسافة..

و نشوة لمن قبلت عشان تمشي..

صوت ريفان خلاها تقيف..

_اسمي ريفان..

لمن قالت ليها كدا نشوة عاينت ليها و ركبت ليها اكنر ابتسامة مزيفة ممكن ترسمها قااصدة و طز

والي مشت..

_بشششسشت..

ريفان عملتها قااصدة عشان تحرق ليها دمها..

م اعتقد مربطين والله..

بما انهم بتعاملو مع بعض كدا..

ريفان قبلت و رجعت دخلت الكلية تاني..

○°○°○°○°○°○°○°○°○○°○°○°○°○°○