الجزء 13

"Because sometimes to me its seems impossible for me to live without them"

-Junkook💜-

ريفان مشت دخلت الكلية وهي مستغربة ف نشوة الماسة قدامها دي..

ريفان متأكدة انها بتعرفها..

لكن و هي بتفكر منو تاني المابعرفها ف معمار..

تخاف تكذب لكن اعتقد معظم هندسات بتعرفها برضو..

و هي الكراش تقريبا ل معظم الاولاد الفي دفعتها و القدامها من كليتنا و بعض الكليات البرا..

بس..

علي حسب علمها..

البت دي نهائي م غتيتة كدا..

بالعكس..

بس البتسمعو عنها انها والله انسانة طيبة و عسل و ظريفة و كلللوو..

كل الكيوتنز و الظرافة و الجلاوة حقت العالم دي مفروض تكون مكبوبة فيها من البتسمعو عنها..

لكن..

الحصل للتو بثبت العكس..

هه..

يعني هي حرفيا جات قاطعتها ف نص كلامها مع حازم و اتكلمت معاه و اتجاهلتها ولا زي و كأنو ف بشر واقف..

بسم الله..

ي ربي دي م هي؟

لكن تاكد تحلف ريفان..

انو سمعت حازم يقول نشوة..

و انو دي ياها هي من كلام لينا..

بتعرف حازم من وين لكن..

تسألها هي؟

مشششم..

هي اساسا للتو بتتغاطت عليها و عملت روحها م شايفاها تفتكرو حتتكلم معاها و ترد لبها؟

اكييد لا..

هي ليه عملت كدا لكن؟

يعني عادة البنات ديل بعملو كدا غتاتة علي البنات الاسمح منهم او حركات عشان يجذبو بيها نظر زول من زول اسمح منو..

و في كلتا الحالتين استحالة..

لانو ريفان و نشوة و الكلية و الجامعة كلها عارفين انو نشوة احلي من ريفان..

دي حاجة ثاتبة بالجد..

يعني ملامح عادية ضد ملامح جميلة جد جد بفوز شنو؟

طيب هي مالا بسم الله؟..

غيرة..

امكن غيرة..

غيرة من شنو؟

هي ريفان عندها شنو عشان ديك تغير منها..

ف صوت ف نهاية عقلها قال ليها

م من العتدك لكن من البتعمليه..

حواجبين ريفان اتلاقو..

معقولة دا لانها بس كانت واقفة مع حازم..

هه..

استحالة!!.

دا شنو التفكير الابي دا..

احساس هو م بقيف مع بنات ف حياتو جات وقفت علي ريفان دي..

-فييييييي..

ريفان اتلفتت علي يمينها علي مصدر الصوت..

كانت وابل بتكورك ليها .

ريفان مشت عليهم..

لقت انو لينا جات راجعة..

استغربت لانو هم تاني م عندهم محاضرة لليوم..

الجابها شنو بدري؟

مشت قعدت ف نصهم..

_انتي الجابك شنو بدري؟

لينا رفعت راسها..

-اا؟

ريفان عاينت ليها..

رجعت عاينت ل وابل و نون و الاتنين عاينو ل بعض..

و تاني رجعت عاينت ل لينا

_مالك؟

-مالي؟

_واحد مالك جيتي بدري و تانيا مالك زعلانة..

حواجبين لينا اتلاقو احساس مستغربة من كلامها..

_عمل ليك حاجة تانية الولد دا؟

-زي شنو؟

ريفان عاينت ليها مساافة..

_ياهو عمل حاجة..

لينا عاينت بعيد منهم و هي بتتجنب ف نظرهم..

_وريني حسي عمل شنو ولا والله الا امشي اقلب فيه عربيتو العاجباه دي حسسي دي..

وابل و نون ضحكتو ولينا زاتها ابتسمت..

ريفان عاينت ليهم بكل جدية

_انتو قايلين م بعملها؟..واله شوفوني بس..

وقفت علي حيلها و نون جرتها تقعد راجع

=ابردي ي بت خليها تحكي..

_م هو لو هي م حكت انا بمشي بأخد الاجوبة منو براي .اساسا الشافع دا انا بعرفو كويس و بعرف كيف هو بخاف مني..

كلهم ضحكو علي الجملة دي بمن فيهم ريفان القالتها زاتها و لينا..

-جد والله هو بخاف منك

ريفان ردت ليها ب ضحكة

_ااي عارفة بشوفها في عيونو انا والله الشافع دا بس استغفر الله..

لينا قعدت تضحك

_اها حتتكلمي ولا امشي اطلعها منو بالقوة؟

-طيل طيب بحكي..

_اها..

لينا حكت ليهم القالو ليها و ريفان دي خلااص ماسكة روحها مسك من انها تمشي تمعطو ليك من شعرو و تجضمو و تكلتو و تبنجو و تشلتو و كللو..

لايك..

كيف ممكن زول يكون حقير كدا؟؟؟..

حيوان دا والله..

ناكر للجميل ف حياتو بالجد بالجد..

حيوان تافه حقير واطي..

ااااخخخخخخ..

ريفان دي خلااص عاوزة تنفجر..

يعني كيف ممكن يكون ف انسان مغرور كدا..

كل همو نفسو..

يعني الفهمتو ريفان من الكلام..

انو يوسف زعل من النقاش البينهم و بين نشوة و طوالي قال الكلام دا عشان كمان يزعل معاه لينا..

حقير و تافه..

بس بفكر ف روحو..

لمن هو يزعل لازم يزعل معاه الناس انتقاما بس..

ريفان عاينت ل لينا..

هي م حصل حبت ليها زول زي م يوسف بالنسبة ل لينا..

لكن حتي و لو م زيو..

الحب واحد و لو ل امك اختك اخوكىصاحبك المهم..

كل العارفوه انو الزول لو بالجد بحبك..

مهم حصصل..

اكرر و اقوول مهما حصصل..

م بقدر يزعلك مهما كان..

بلعت علي ريقها..

الفكرة دي بقت بتجيها كتيير..

فهم انو يوسف بس بلعب ب لينا و هي بتحبو و متعلقة بيه كدا..

بغض النظر عن الافكار الجنونية و القاتلة البتجيها و الحتنفذها ف يوسف اذا بالجد حصلت..

لكن هي شايلة هم صحبتها..

الحتحس بيه...

الالم..

الطريقة الحيغيرها بيها يوسف..

ريفان قبلت و هي بتفكر..

هي بتستاهل الافضل..

احسن و افضل و اصدق من يوسف دا ب مراحل..

قلبها ابيض شديد من انو يوسف يلتخطو ليها ب يدينو و هو بلعب بيه💔..

لكن تسوي شنو؟..

م عندها حق تقول كلام زي دا..

لانو و لو الموضوع احتمالية 99% كلامها صاح و و 1% بس انو يوسف م كدا..

كلنا عارفين انها حتتمسك ف

الواحد ف المية دي..

و حتي ريفان م بتقدر تسألها او تلومها علي الحاجة دي..

اوووفف..

دا شنو الصراعات الداخلية الجواها دي..

ريفان كانت عاوزة تغير الموضوع ب ااي طرريقة..

لااييك ااي طرريقة..

_قبل شوية انل جيت من حازم..

علي كلمة حازم دي كلههممم لفو قبلو ليك ليها زي المروحة..

والله تحسي انو رقباتهم قربو يتكسرو..

ريفان لمن لقتهم مرطزين معاها كدا و حواجبينهم مع بعض استغربت..

_مالكم؟

=حازم منو ي بتي؟؟

-حازم صاحب يوسف؟

يااخ..

اسم الزفت دا تاني..

اووف..

_اممم..

=ي بتي و الوداك ليه شنو؟؟

_اا انتو م حكيت ليكم صح؟

وابل و نون عاينو ل بعض و رجعو عاينو ل لينا تاني..

فهمو انها اساسا عارفة و فاهمة..

رجعو قبلو عاينو ل ريفان تاني عشان تحكي ليهم..

□□□□□□□□□□□□□□□□□□□□

حازم دخل البيت و هو خلاااص..

والله علي بعد سنه من الانهيار..

تعبان شديد..

و كانو رجع امبارح ارتاح..

لكن صحا بدري شديد..

و هو الريدي حاسي ب روحو تعبان شديد..

دخل ولا حتي قرر يمشي ياكل..

دخل غرفتو و م اعتقد خالتو شافتو زاتو..

طلع ليك هدومو و استحم و طواالي لبس هدوم النووم و ررب وقع لييك ف السرير..

الريدي قفل الستاير من الشمس و الغرفة مضلمة و كأنو الواطة ليل..

رقد مررتااح..

حتكون نومة ظابطة..

لكن والله بس ختي راسو ف السرير كدا و غمض ل ثواني..

بين النايم و الصاحي هو..

رنننن رررررننننن ررررررررررننن..

تلفونو قام يضرب..

رفع السماعة و ردا ب نص نص..

_الوو..

ولا حتي شاف منو الضرب..

_الووو؟..

مافي صوت..

بس صوت زول بتنفس بصوت عاالي..

حواجبين حازم اتلاقو و كان نفسو يرفع التلفون يشوفو دا منو بس م كان قادر..

النوم كان مسيطر ع جزء منو..

_الووو؟؟..

صوت التنفس زاد زيادة..

و كأنو انسان بتنهد..

حازم م كان قادر يفتح عيونو زاتو..

و بعد ثواني..

تيييت تييييتت..

التلفون قفل..

قالو ليك هو هاميه؟؟

م صددق و حرك ليك راسو شوية عشان يقع من اضانو و نااااام ف نومو..

نام ل زي عشرين دقيقة..

والله اخاف اكذب..

اعتقد 17 بس..

و طااخ!!!..

باب غرفتو دا اتفتح..

مفروض يتخلع..

ينط..

يصرخ..

يقبل..

لا..

هو بس فتح ليك عيونو علي الصوت..

عيونو لونها كاااان احمممر لمن فتحها..

و بدون م يقبل علي الباب..

طوالي غطي روحو بالبطانية اكتر و هو بقول ب صوت نعسان و هادئ

_يوسف احسن ليك امرق..انا عاوز انوم..

بس للاسف..

ولا اشتغل بيه..

تووششك دخل و فتح ليك النور حقو و قعد ف الكرسي القصادو..

حواجبين حازم اتلاقو اول م حسي بالنور يضرب جفن عينو..

و طوالي فتحها..

لقي يوسف قاعد قدامو و بعاين ليه..

حازم عاين ل تعابير وشو طوالي..

كان ظاهر عليه متوتر بس بحاول يخفيها قدر الامكان..

حازم طوالي عرفو..

عقلو دا صرخ ليه..

عمل حاجة ل لينا..اكيييدد..

حازم طلع نفس طويل و غمض عيونو تاني..

اوكي..

يلا نبدأ.

_مالك؟

يوسف ردا ليه ب كل هدوء

-مالي؟

حازم قعد يجرجر فيه

_مافي حاجة؟

-الحمدلله تمام التمام..

_كل شيء ظابط و حلو..

-جدا..

_جدا جدا؟

-جدا جدا جدا

_خلاص اتزفت امرق من الغرفة لاني عاوز اتزفت انوم..

يوسف طلع نفس طويل..

_موس م عاوز حاجة..جايني ليه؟

-هو انا بجيك عشان عاوز منك حاجة بس؟امكن اشتقت ليك ي مان..

حازم مرق نفس طويل..

يعني م عاوز يتكلم..

عاوز يتجرجر ف الكلام..

حازظ اخلاقو ف نخررتو و نفسو نفسو نفسو بس. ينوم..

_عملت ليها شنو؟

-منو هي؟

_حاسألك ل اخر مرة قبل م اطلع ليك المسدس الفي العربية دا عشان اطلعك من حياتي للاخرة..

يوسف بلع علي ريقو لانو عارف جزء من التهديدة دي ممكن تحصل عادي..

ياتا؟..

الله اعلم والله..

حازم اتكلم المرة دي و بسكت ثانية بين كل كلمة..

_عملت..ليها..شنو؟..

يوسف سكت ل ثواني..

م عرف يبدأ من وين؟

يقول ليه انو جرحها ساي كدا؟

انو هو اتحرق فجاة من حاجة هو زاتو م عارفها شنو و قام فجأة قال لبها الكلمات دي..

_اهاا..

-طيب اسمع كويس لانو الكلام حيكون جايط..

_عليك الله حياتي كلها جايطة لمن يكون عندها علاقة بيك..اتكمل بس اها..

و يوسف طوالي قعد يحكي ليه..

شكلو م مقدر ليه يرتاح اليوم دا اصلوو..

من ريفان و حيدر ل وليد ل ريفان تاني ل نشوة ل يوسف..

ي رب تطول الرووحح!!

□□□□□□□□□□□□□□□□□□□□

اليوم التاني ريفان كانت فرحانة شديد..

و ل سببين..

سببين و بس..

اولا الليلة عندها محاضرة واحدة .

و تانيا الليلة ناس هندسات عاملين موضوع ب بليل..

و احلي حاجة انها ممكن تقعد تحووم ف الجامعة لحدي بليل و تحضر الحدث و مافي زول ممكن يسألها..

لانو امها و حبوبتها قالو ليها اقعدي زي م دايرة المهم تستمتعي..

م صدمة او حركات منهم او لانهم مختلفين من الاهالي..

لا..

لكن لانو من م هي دهلت معمار..

البت بقت كاتمة علي نفسها..

م بتمرق ولا تتفسح..

و بس مساهرة ليها ف مشاريع مشاريع مشارييع..

ف لمن قاالت ليهم ف موضوع ف الجامعة..

حنسوها حنيسسس انها تقعد..

هم مقتنعين تماما انو البت دي حيضربها اكتئاب..

اضافة ل انهم منتبهين انها حاسة بالذنب و بتلوم نفسها علي الحصل..

علي طلاق امها و ابوها..

حبوبتها و امه

ا بشوفو الذنب ف عيونها..

مقتنعين تماما انها بتعذب روحها كل يوم..

انو هي بتنكت علي روحها..

و بتدفع عنها السعادة تحت فهم انو هي م عندها حق تفرح بعد م خرربت بيتهم..

المصيبة انو كبلمهم صح..

مية بالمية..

بالنسبة ل ريفان..

هي نوعين اورشخصين مختلفين تماما..

خارجيا كدا هي انسانة هادية و مرحة و فرفوشة و م بتشتغل باحاجات كتير و مكبرة راسها و مرتاحة و ظ همها زول..

لكن داخليا..

الم بس..

الم ف الم ف الم ف الم ف الم ف الم ف الم ف الم..

و بس..

ف صراعات داخلية بتخليها تنزف..

نهائي م هادية..

بتصرخ ف اليوم داخليا 3 الف مرة..

فرفوشهدة ف عينها..

بتنكت غدعلي روحها بس م اكتر..

هه؟..

م بتشتغل ب الحاجات؟

هو بالله ف انسانة كدا؟

مكبر راسو و م بشتغل بالحاجات؟؟

لا ي اخوانا..

هي الكلمة الطايرة جمبها بتأثر فيها..

لفة العيون ضحكة الاستهتار ابتسامة السخرية نظرات الاستصغار..

كلها بتلعب بيها كورة داخليا..

مكبرة راسها؟..

منو القال كدا؟

هي داخليا اعتقد اصغر من عقلها ربنا م خلق...

و مرتاحة؟؟

دي شنو الكذبات الما بتتصدق دي؟

يااخ هي من كترة م بتتألم الدموع اصلو م بتنزل من عيونها..

بس تحس بالخنقة و كأنو زول ماسك رقبتها ب يدينو الاتنين و بدووس و بعفص و كلوو!!..

بس انتو عارفين الحرفنة شنو؟

انو مافي زول منتبه ليها..

القوة بتظهر هنا..

انو رفم الاختلاف دا بينها ف جسم واحد..

هي قادرة تسيطر عليه..

و دي القوة الحقيقة ي اخوانا..

لكن صراحة..

كل م تحاول..

تمرق روحها .

تقول انو هي م السبب..

تقول انو دي حركات و دلع منها..

انها يتكبر ف الموضوع بس..

لكن ي جماعة..

الحقيقة م ممكن يجري منها زول..

امها و ابوها بعرفو بعض من ايام الجامعة..

و حسي اعمارهم كم و خمسين..

و ااي بتساكلو زي اي شيء..

لكن الشيء الضغد الزناتة و طلع الرصاصة كان هي..

هي و بس..

امكن م طوالي..

باللقة..

لكن المهم هي..

لمن يقومو يتشاكلو ف القروش..

قروش البيت العادية..

و شوية كدا بقت ف رسوم قرايتها..

ادواتها..

مشاريعها..

كل التكاليف..

بالنسبة ل ريفان..

هي كانت عاؤفة من اول يوم فكرت فيه من ايام الثانوي..

انو الموضوع حيولع و انو اهلها حيتعبو..

و لانو حالتهم المادية م اوفر..

ابوها حيرفض الفكرة داخليا..

لكن م حيقدر يمنعها منو ولا يقول ليها لا لانو من هم شفع مفهمهم انو ممكن يدخلو الحاجة العاوزنها..

و هي استفلت الحاجة دي و دخلت..

و رغم انها كانت عارفة انو ف شجارات بتحصل بينو و بين امها..

بلوم امها انو هي دخلت معمار بسببها..

و بقول ليها انو لازم تقول لي لا م تعملها..

كان مغيوظ من فكرة انها دعماها تماما ل معمار..

كتي ببتذكر ايام التقديم..

كيف كان بتحسس منها ف اي شي و بزعل و بكورك فيها ف كل شيء..

و لمن شاف لستتها حاول يخليها تكتب كهرباء اولا و م قدر لانو هي دخات للمرا جوا و ورتها الحاصل..

ابوها زعل جد..

لكن والله دي رغبتهارو م حتدخل حاجة تانية..

و اعاقد دي عواقب رغباتها..

موش ميتة عليه؟

يلا تتحمل حاجاتو السلبية..

واللهي خراب بيتها و اهلها..

طلاق امها و ابوها..

نبرات ابوها و ازديادو ف الصعوبة..

بكاء امها لانو ف النهاية بسببها..

كمية القروش البتدفع ف قرايتها..

كلو..

صراحة..

زمان كانت بتقول ل روحها انها حتقدر عليه..

و حتعرف و حتطلع منو..

و رغم انها قادرة عليه و عارفة انها حتطلع منو..

بس هي تائهة و جزء منها مات..

اعتقد لولا سند حيوبتها ليها و كلامها و ونستها..

البت دي بتكون ماتت حاليا..

حبوبتها عسل..

دايما بتقعد تحكي ليها عن اصحابها و مواقف الحياة معاهم و معاناتهم عشان توريها انو هي م براها..

و توريها هم كيف اتخطو الحاجة دي عشان توريها انو كل شيء بتقدر عليه م حيقلبها..

و بتحكي ليها عن امها و ابوها..

القصة شنو؟

ابوها صاحب اخو امها الكبير..

كانو بقرو التلاتة مع بعض ف الجامعة..

و من امها برلومة..

ابوها خاتيها ف عيونو..

كان شخصية مختلفة تماما من حكاوي حبوبتها..

انسان مراعي و بهتم و هادي و متفهم و بتناقش و كلو..

و اهم نقطة..

بعمل المستحيل ل امها..

و حسي هو العكس تماما..

اعتقد دا تأثير الكم و تلاتين سنة البعرفو بعض فيها..

او لانو بالجد لا شيء دائم..

لكن حبوبتها دايما بتقول ليها جملة واحدة..

Memories never fade..People's feelings doesn't change that easily..but time changes everyone..

دايما بتقول ليها الجملة دي لمن تجي تحكي ليها عن امها و ابوها..

بتقول ليها ابوك ليا بحب امك والله قرة عينو..

و نفس الشيء ل امك..

بس ف حاجات لمن تحصل و كلام لمن يتقال م ممكن يرجع..

عشان كدا الانسان م يتصرف وقت الغضب..

لانو الغضب لغة بتخلي لسانك و افعالك تشتغل اسرع من عقلك..

و هي بتعرف ابوها كويس..

لمن يغضب او يزعل بفصل عديلك كدا..

اعتقد عشان كدا جزء منها متمسك بالكلام دا..

عاوز يصدقو..

لانو حيوبتها دايما برضو بتقول ليها انو الحصل دا م عندو علاقة بيها..

وانو اساسا كان معروف انو حيحصل..

حسي زماان بعديين..

المهم حاجة حتحصل يعني حتحصل..

بتقول ل ريفان انها خاتة

نفسها ف وش المدفع و هي م مفؤوض تكون جمبو زاتو..

بتقول ليها انو الحياة كدا اساسا و انو هي من زمان عارفة انو دا حيحصل..

لانو شخصية امها و ابوها م بنفعو مع بعض..

و انها مخلوعة انهم دامو الكم وتلاتين سنة بالجد..

لكن بالجد ريفان بتحس ب انو ف زول بطعن فيها ف كل مكان حرفيا لمن تشوف امها بتشتاق ل باقي اولادها كيف..

كيف بتشتاق ل اختها الكبيرة و اخوانها الاتنين الصغار..

بتحس ب راسها تحت الموية و انها مخنوقة ..

لانها السبب ف دا كلو..

اوووف..

لكن كل شيء ل ربنا..

والحمدلله علي كل حال..

ريفان رفعت راسها من اللابتوب ع صوت لينا..

-بت..

ريفان رمشت مرتين و هي بتعاين ليها

-قاعدة هنا براك بتسوي ف شنو؟

_بكتب و برد للناس يعني بكون بسوي ف شنو..

لينا ضحكت

-والله ناسك ديل م حيخلوك لو م قتلوك

_ليه يالخ بحبهم والله..بحسسوني اني انسانة بالجد و مهمة و عندها هيبة..

-وريهم انتي منو وشوفيهم بالجد حيرفغوك كيف..

_ااي عشان يقعدو ينتقصو و كلو

-انتي مالك؟مافي زول بسلم من الانتقاد..

صراحة..

السبب الاساسي الخالي ريفان م توري و تكشف روحها للناس انو م فاضية للانتقادات..

البت بتكره بتكره بتكره انتباه الناس فيها..

لكن بتحبرالكتابة موت..

ف مافي شيء افضل من انها تنزل ب اسم مستعار..

-والله يوم يعرفوك تشيبي..

_م بعرفو..كم مرة و كم مرة بت طلعت قالت انو هي انا و انا نكرتها..

-بتتكشفي والله اصبري و شوفي..

_لو لميتو خشمكم عليكم م بتكشف..

-والله واحد يختك ف راسو..يطلع ليك اسم جدك ال17..

ريفان ضحكت و هي بتبعد ف الخوف من الفكرة دي..

سجمها..

اذا عرفو كل شيء عنها..

بتموت..

تبقي موضع الشفقة و الشماتة و كلام الناس؟؟

واي انا واي..

دي اكتر شيء بتوقف قلبها..

و العجب ابوها اذا عرف..

يقعد يقول ليها انتي باري لي فارق الكتابة و الروايات حقك دا..

سجممها سجممها..

لا م حيعرفو اكيد م حيعرفو..

-بعدين انتي لاقيتي حازم الليلة؟

ريفان قبلت عاينت ليها..

لا والله..

مفروض تمشي تسالو..

_وانتي؟

لينا رفعت ليها حواجبيها

_لاقيتي يوسف الليلة؟

لينا عاينت ليها و قبلت

-لا..م بحي الليلة لانو اوف..

_لكن موش حيجي ل حفلة هندسات حقت بعدين؟

-م اعتقد..انتي عارفاه م بحب الكورة شديد و اذا جات عليه بقعد ف البيت يرتاح..

_يرتاح كيف بعد القلو ليك..كدي بس م يجي يعتذر والله امشي اولع نار ف بيتهم..

لينا ضحكت

-انتي انسانة violent خلاص بزات لمن الموضزع يكون عندو علاقة ب يوسف

_انا انسانة بتسعي للعدل..العدل و بس و بتأخدو ب حقها..

ضحكو الاتنين

-ي زولة عدل شنو البتأخذ بالعنف دا؟

_عدلي انا ي زولة انتي مالك؟

ضحكت و هي بتقول

-كيف مالي هو الموضوع كللو عن-..

و فجأة صوت مياعة بت م غريبعلي ريفان سمعتو يكورك اسم لينا..

الاتنين رفعو راسهم مستغربين دا شنو دا؟

صراحة..

اول م عينها وقعت ع نشوة..

ريفان حست ب شوية احباط لانو دي هي..

المخلوقة جات ناطة ف وشها تاني؟

لينا ضحكت و بإستغراب قالت نششووةةة..

=كيفك ي بت؟

-تمام الحمدلله انتي كيف؟

=كويسة والله..اممم..

نشوة عاينت ل ريفان كيف كيف..

و لولوت خشمها

=لازم اتكلم معااك..اممم..ممكن؟

لينا عاينت ليها ب استغراب

=تعالي تعالي..

و جرتها طوالي..

ريفان رفعت حزاجبينها ز ضحكت..

بسم الله البت دي مالا..

و ساقت ليك لين بالجمبة..

=هاي..

-اها؟

=البت دي انتي بتعرفيها؟

-البت دي؟

=الكنتي قاعدة معاها حسي

-اا دي صحبتي شديد ريفان..

=ااي دا اسمها الغريب دا..

حواجبين لينا اتلاقو و استغربت..

مالا و مال ريفان و اسمها؟

=امم..بتعرفيها بتعرف حازم كيف؟

-حازم؟

حازم صاحب يوسف؟؟

اااا..شكلها شافتها معاه..

-اوه اهلهم بعرفو بعض؟

=كيف يعني؟حازم اهلو ميتين؟

لينا نططت عيونها

-اا؟؟

نشوة هزت راسها

=قصدي اخوانو و امو ابوه ميتين..من زمان..

-لا حول ولا قوة الا بالله..

=عندو اختو واحدة بس..

-ااي اسمها نيفين صح؟

نشوة استفربت..

-يلا ريفان بتعرفها هي و راجلها و ولدها..

نشوة رفعت حواجبيها..

هي صحبة حازم ليها خمسة سنين..

و ل يوم الليلة م حصل شافت راجل اختو..

بس بتعرفو اسما..

-حتي كانت قاعدة معاهم هناك لمن سافرت..

=ااا؟؟

نشوة صوتها كان عالي شوية خلي الناس الحوليهم يركزو..

لينا اتخلعت..

-مالك؟

=كيف يعني كانت قاعدة معاهم..

-قصة طويلة نهايتها انو هي قعدت معاهم كم يوم ف بيتهم..

=مع ناس حازم؟

-ااي تقريبا معاه هو موش عايش مع اختو هناك؟

=هناك وين؟

-كيف يغني وين ف بريطانيا..

=امم..

-بس يلا هي قعدت معاهم..بتعرفو من هناك..

نشوة هزت راسها..

حست ب جسنها ياكلها..

عاينت ل لينا و هي بتحاول تمنع ف الغضب..

شعور الغيرة اتملكها..

هي عانت معاناه عشان تقدر تتكلم و تتعامل و تخلي حازم يبقي كدا معاها..

و تجي هي ف كم يوم بس تقعد معاه ف البيت و يبقي يتكلم معاها عادي؟؟

لا اهدي اهدي ي نشوة..

م ينفع تعملي دا كدا..

نشوة هزت راسها..

لانو هي مفروض تعمل العليها..

=المهم..

-المهم..

=تعالي معاي..

ساقت لينا ل احد القاعات..

لينا كانت مستغربة..

=سوو خالتو امبارح عملت اكلتها الشهير

ة..والمفضلة عندك..

-خالتو منو؟

=هيي..اقصد عمتو..ولا خالتو ياها..

نشوة ضحكت..

=المهم مرة عمي عملت ليك لزانيا..

لينا رفعت حواجبيها..

مرة عمك؟؟

ام يوسف..

-و المناسبة؟

=اممم..

نشوة اشرت ليها علي القاعة..

=بتعرفي كل شيء جوا..يلا ادخلي..

لينا عاينت للباب..

و قبلت عاينت ل نشوة لقتها الريدي مشت و هي بتأشر ليها ف ابهامها..

لينا عاينت للبا مسافة..

حتي بعد داك دخلت..

□□□□□□□□□□□□□□□□□□□□

حازم مرق من الكلية و هو عندو صداع..

اساسا لمن يكون عندك يوسف ف حياتك..

انت اصلو م حتعيش ب سلام..

بالله طير ليه النومة ف راسو امبارح..

و تاني م قدر ينوم لانو راحت اصلو..

انتهي الوضع ييه يساهر ف الشوارع بعد م مرق جاب ل خالتو حاجات الاكلة ل يوسف عشان يعملوها سوا..

ولا رجع البيت تاني..

حام ف الشوارع و بدخل من مكان ل مكان لحدي الساعة 4 صباحا..

م عارف ليه النومة طايرة ليه زاتو..

مرق تلفونو و شاف الساعة كم..

و لمن قفلو فجأة وقف..

رجع فتحو و عاين للتاريخ..

رمش مرتين..

و تاني عيونو ديل بقو زي الكورة من الخلعة..

و حسي ب قلبو دا يتبلع جوا بطنو..

شيت!!!..

الليلة يوم 13/11..

امبارح..

امبارح كان يوم 12/11...

حازم بلع علي ريقو و هو بفتح ف التلفون..

مسك التلفون و عاين..

شييتت!!!!..

ياها هي..!!!

هي الضربت ليه امبارح..

دي نيفين الضربت ليه امبارح و كانت بتتنفس ب صعوبة دي..

حازم قلبو دا خلاص التقول برمو فيه من برج الهليفة كل ثانية..

اتحرك علي العربية و هو بضرب ليها..

لكن م بترد..

رفع ضرب ل ناس البيت بالدور..

ابوبكر..

محمود..

دانية..

جدو..

خالو..

كلللهم..

بس مافي رد!!..

جسي ب جسمو برررد عديلك كدا..

كيف كيف م انتبه!!

كيف م فكر ف يب الموضوع امبارح..

ختي يدينو ف راسو وهو متحير..

حسي يصلها كيف..

هو كيف ينسي يوم زي دا؟!؟!؟!..

مرت كم سنة عليه..

كم سنة من يوم الحادث دا و نيفين لسا بتبكي ب حرقتها زي كل مرة..

زي لمن فتح عيونو

من الحادثة و لقي الناس كلها بتبكي علي امو و اخوانو الكبار..

زي لمن م فتح عينو من الميتم اليوم داك لمن جا ابوبكر يستلمو مع مرت خالو..

نفس الدموع..

اول م دخل عليها بعد م جا من الميتم اول م هي فتحت من غيبوبتها..

دا كللوو..

كلو بحصل من جديد كل سنة امبارح بالنسبة ليها..

ولو اكنو ف فترات متفاوتة..

بس برضو..

حازم بلع علي ريقو..

ب كامل قواه العقيلة هو نسي يوم زي دا؟!؟!

حازم قفل التلفون و ختاه جوا جيبو و هو متحرك ع العربية اسررع..

اول م وصلها ف رقم تاني ضرب ليه..

رفعو و لقاه رقم من برا..

ردا طوال ع امل انو ديل هم..

_الوووو..

بس صوت الووو الجات من الطرف التاني زحت ليك كل ملامح حازم من وشو..

-الوو حازم؟

حازم دا لمن سمع اسمو خلااص..

عاوز يرمي زفت التلفوون ف الارض و يكسروا..

ثفل الخط طوالي و قفل التلفون..

لقي رقمو من وين؟

و ب ياتو جراءة يضرب ليه

هه..

بالجد الانسان م بتغير..

الحقارة بتظل ياها..

يعني بعد العملو فيه عمو دا كلو..

و بكل جراءة..

يجي يضرب ليه..

و بعد يوم وفاتهم!؟؟!..

شووف بالله الحقارة دي!!!!..

و شوية شوية كل الم و خوف و توتر كان جواه و ضربو ثبل ثانيتين..

اتحول ل غضب و كره..

بعد العملو فيه..

بعد م شالو من اختو و اتخلي عنو ف الميتم ف النهاية يجي يفكر يتكلم معاه؟؟

ااي هو بحاول كل مرة..

بين كل فترة و فترة بضرب..

بس نهائي م فكر يوم يضرب ليه بعد ذكرة الوفاة طوالي..

انعل ابو دي عيشة و ابو دا عمم!!..

ااوووففف..

حازم غمض عيونو..

السب م حيفيدو باي شي ف اللحظة دي..

لكن اتخيلو كمية الحقارة المكبوبة فيه!!!..

حازم فتح باب العربية و كان عاوز يركب..

لكن فجأة وقف..

عاين للعربية كويس..

الحاجات الفيها مقلبة..

هو م خلاها كدا الليلة الصباح..

الموضوع م مبالغة..

بس الفي عربيتو بعرفو زي كفو..

حازم رفع راسو و عاين للورق..

بعدين اقرب مثل انو الورق الفوق دا م كان مفتح كدا...

و دنقر عاين تحت..

و الكباية حقتو اتحركت من مكانها..

حازم رفع الجاكيت حقو..

م لقي سماعاتو..

لا..

للتو اتسرق؟؟

و م معروف شنو زاتو تاني البقي ماف؟؟

امكن دا يوسف..

لازم يكون يوسف..

العربية اتفتحت كيف مثلا؟؟

دا الناقصو والله والله ياهو بس..

حازم قفل ليك الباب طااااخ..

و طوالي اتحرك..

□□□□□□□□□□□□□□□□□□□□

لينا دخلت القاعة الشبه مكسرة و لقت يوسف منتظرها بالاكلة..

عاوز يكنسها ب اكل؟؟

لكن لزانيا..

و حقت خالتو..

و هي جعانة..

عاينت ليه و لقتو بضحك..

انعل ابوك..

عارفها م بتكون اكلت لسا..

لينا عاينت ليه..

واي انا الجوع..

الجوع كافر..

بالزات قدام احد اكلاتك المفضلة..

-حدتيني ولا لا؟

يوسف ضحك و قال ليها طوالي..

□□□□□□□□□□□□□□□□□□□□

ريفان تمت البتعمل فيه و بقت بتحضر..

شغلت لينا فلم شالتو من لينا ليها فترة و نست م حضرتو..

و بعد م كان معاها زول و نفسها تقعد ب مزاااج..

حضرتو و وصلت ل نصو..

و منفعلة جدا معاه..

مندمجة شديد و مركزة و نست هي زاتها ف الجامعة..

فجأة تحس ليك ب زول يجر ليها السماعة من اضانها..

طبعا رلعت راسها بسرعة و

طوالي..

حواجبينها اتلاقو اول م شافت منو الواقف قدامها..

حيدر؟

-بتحضري؟

_و مال اقعد اعاين للناس الماشة و الجاية؟

-امشي ساعدي بقية الكليات ف تجهيز حفلة الليلة..

_و انا الدخلني شنو؟باعب كورة؟

-م ماشة؟

_اكيد ماشة..

-طيب كيف الدخلك شنو مفروض تكون بتساعدي فيهم..

ريفان طوالي حواجبينها اتلاقو و ردت ليه بوراه و بدون تردد

_طيب و انت؟انت م عندك شغلة غير انك تجي تشاغلني؟م قاعد للحفلة؟

فتح خشمو يرد لكن قاطعتو

_قاعد اكيد طيب م تمشي تساعدهم..

حيدر ضحك..

والله البت دي..

-لا اله الا الله..

_محمد رسول الله..

-فصيحة..

_محاورة ف الواقع..

-حوارك وين؟كل القلتيه قصف جبهات متوالية لي

ابتسمت و هي بتقول

_م قصف..اسمو رد الواحد بالواحد

-يس بس حقك كان قاتل..

_موش سكتك؟

-مفروض اشوف لي حاجة ارد ليك بيها..

_طيب لمن تلقي وريني..

جات تركب السماعات و بكل جدية تواصل تحضر..

-طيب م تفصليه خليننا نحضر معاك..

ريفانىعاينت ليه..

_هو انت عارفني بحضر ف شنو؟

عاين للشاشة و قرا اسم الفلم..

-insidious chapter 3

بعد شوية لمن انتبه انو فلم رعب حواجبينو اتلاقو..

عاين ليها و رجع يتأكد من اسم الفلم..

-البحضرك ف فلم رعب قبل المغرب شنو ف نص الجامعة؟

_و المانع شنو؟

حيدر عاين ليها كيف كيف..

اول مرة يشوف ليه بت كدا..

-عادي بتحضري افلام الرعب ف اي مكان و بتركيزك دا؟

_يس..فيها حاجة؟

-ي بت انتي مالك شكالة كدا؟

ريفان ضحكت

_كيف يعني شكالة عملت شنو حسي؟

حيدر ضحك

-كل شيء..كل كلمة بتمرق من خشمك بتقول عاوزة اتشاكل..و ف جبهتك مكتوب شكل للبيع..

ريفان ضحكت و هي بتقول

_اولا انا طبيعي بتكلم كدا..تانيا انت للتو قاطعت تركيزي ف تتوقع شنو؟تالتا م مكتوب ولا شيء سيب المبالغة..

حيدر دا لعد يضحك ب اعلي صوت ليه..

و ريفان مستغربة فيه دا مالو..

-شكل شكل شكل بس..

_شكل ف عينك..

_حتسكت و تحضر ولا اقوم؟

قالت اخر جملة و هي بتضحك..

ردا ليها

-بحضر..

_انت اساسا لتعرف السلسلة دي؟

-دي سلسلة رعب ماخوذة تقريبا يقال من قصة حقيقة..

_بالجد؟

حيدر عاين ليها..

كانت مركزة جدا..

-انتي بتحبي الحاجات المجنونة دي ولا شنو؟

الاحباط ظهر ف وشها..

_جاذبة للانتباه.

-قصص الاشباح و ديل..

_ليه قايلني شافعة عمرها 13 سنة..

حيدر ضحك..

-ابدا والله..

_الموضوع م كدا..

حيدر بحاول يكتم الضحكة..

_م تضحك..

و طوالي فكة الضحكة..

_حسي انت بتضحك مالك؟

ريفان كانت بتعاين ليه و مستغربة..

شوية كدا و قعدت تضحك عليه..

_بتضيع لي ف زمني انت..

رفعت راسها فجاة لانها حست ب زول بعاين ليها..

و زي المرة الفاتت..

حازم..

حازم كان واقف جمب الباب حق القاعات و بعاين ليها..

حواجبين ريفان اتلاقو..

ليه دايما بتلمحو مركز معاها؟

حست ب شوية احباط صراحة..

برضو بعاين ليها ب برودو دا..

الولد دا حي اساسا؟

ملامح وشو دي مالا م بتتغير..

البرود و الهدوء دا ممكن يقتل ليه زول والله..

م وقف ف مكانو لكن..

اول م لقاها انتبهت ليه..

عاين ليها ل ثواني طوالي قبل و مشي..

ريفان قامت علي حيلها..

والله الليلة الا تسألو..

-ماشة وين؟

ريفان قبلت عليه..

_عليك الله عاين ل حاجاتي ديل ل ثواني بس..ماشة و جاية..

و طوالي قبلت علي الماكن الكان فيه حازم..

اختفي..

بكون دخل ل جوا..

اكيد..

وطوالي مششت جوا..

دخلت و لمحتو ليك مشي لفي علي قاعات رابع و الخرجين..

و طوالي مشت وراه..

لمن لحتو لبك كوركت اسمو..

_حازم..

الولد وقف ف مكانو ل ثواني..

تحس بيه استغرب انو سمع اسمو..

و لمن اتلفت عليها..

كان ف جزء منها مأمل يشوف ملامح غير البرود ف وشو..

بس للاسف..

تم احباطها..

-عاوزة شنو..

ريفان استغربت ل درجة انو حواجبينها ارتفعو..

كمية البرود و عدم الاهتمام الكان للتو ف صوتو دا .

هه..

حيدر قال انو صوتها شكال..

م سمع نيرة حازم دي سااي..

لمن لقاها ساكتة ل ثواني..

-قلت ليك مالك؟

اوه..

سو حسي عاوز تتكلم و وتناقش؟

_يعني حسي عاوز تتناقش ب شكل..

حازم ضحك ضحكة اشتهتار استفزتها لدرجة انها اتخيلت روحها تكفتو..

سبعة مرات ورا بعض..

-بتناقش بالطريقة العاوز بيها..عندك مانع؟

_ابدا..بس الدنيا م بتمشي علي هواك لمن اخلاقك ف نخرتك الا تخرب مزاج الحوليك..

-انت مالك؟

قالها ليها و هو بخطو خطوة لقدام و ملامح الشكل ظهرت اكتر ليها...

والله تحس عندو سكاكين ف عيونو..

نظرات البرود للتو بقو نظرات كره و حقد..

بسم الله..

ريفان بلعت علي ريقها لانو م بتقدر تنكر انو جزء منها خايف للتو..

بس لازم ترد..

لااززمم..

_ملا..

حازم ضحك ضحكة استهتار..

واااي انا من ضحكتو دي..

ريفانىعضت علي شفتيها و هي بتردد ف عقلها

ما تخنقيه م تخنقيه م تخنقييهههه!!!

-i didnt know you were this childish..

ريفان عاينت ليه..

للتو اتكلم معاها انجليزي؟

-hello??..dont your bloody ears work..

حواجبين ريفان اتلاقو ف اللحظة ديك..

صوتو..

ملامح وشو..

كلها..

كلها نففس حقت محمود..

و المصيبة..

للتو قال ليها نفس جملتو..

-what do you want??

_you sound like your about to choke me..how about you calm

down because I am not the reason of you bloody anger..

ضحك و عاين للسقف..

جملتها غاظتو شديد..

ريفان استغربت..

دي ضحكة حقيقة ممزوجة ب ضحكة استهتار؟

م فهمتها شنو زاتو..

اول مرة يضحك ب صوت..

المصيبة م هنا..

المصيبة انو حرقت ليها دمها مليون مرة اكتر من الفاتوو.

رجع عاين ليها تاني..

-you better not mess with me..for your own sake..

للتو هددها..

التو قال ليها ل سلامتك م تعبثي معاي..

للتو هددها..

_did you just threaten me?

-you can take it how ever you want..

_you need to calm down and get your brain back to work..

وااو..

البت دي من يومها لئيمة كدا؟

حاجة جديدة اكتشفها الليلة..

الشافعة دي ابو اللأمة زاتو..

-you need to be careful about what you say to me..

_and you need to stop talking to me like I'm some puppet you can yell at..I just came to talk to you..

-why?you were too busy flirting with him you accidentally saw me and suddenly decided to talk??it doesn't go like that..

تشاغل؟؟

للتو قال انو هي بتشاغل ف حيدر؟؟

_م عندك حق تقول كدا..

-بقول العاوز اقولو..

ريفان كانت عاوزة تكفتو..

_انت م بتعرفني..

-بعرفك كويس..كل البتعرفي ليه انك تقعدي تشاغلي الاكبر منك ف مواقف زي دي و تتصاحكي و تنعابطي زي البنات..like you think your pretty enough to do such a thing..

حواجبين ريفان ارتفعو علي جملتو دي..

م كانت قادرة تصدق انها سمعتو يقول كدا..

و كأنو هي سمحة بما فيه الكفاية عشان تشاغلهم؟؟

اوميقاد..

حازم م وقف ولا ثانية بعد نقاشو معاها و طوالي اتحرك طلع فوق..

و تاني م قبل وراه

ريفان كانت ماسكة الدموع ف عيونها عشان م تنزل..

شوفي بالله الحقير دا قال ليها شنو؟

حازم طلع السلم و طوالي دخل القاعة الجمبو..

بقي واقف و هو خاتي يدينو ف راسو..

دا شنو دا الحصل للتو؟؟

حازم من كترة م هو زعلان و غصبان م كان قادر يفكر و بتكلم طوالي و برد ليها..

كان كل همو انها تسكت و بدتبلع لسانها لانو كان مغيوظ منها شدييد..

ليه زاتو م عارف..

بس فكرة انو هي كانت قاعدة تتضاحك مع الزفت داك وللعت النار جواه..

□□□□□□□□□□□□□□□□□□□□

نشوة مشت ليك تدعلي حيدر اول م لمحتو..

كان حايم ب شنطة في يدو و وقف مع ريفان اداها ليها و هي طوالي مشت م قالت شيء..

حواجبينها اتلاقو..

الشنطة الحايم بيها من قبيل دي..

حقت البت دي؟

نفسها طبعا تفهم البت دي ليه ملصوقة ف كل الاولاد الحوليها..

حيدر جا ماري مستغرب..

هي مالا فجأة اخلاقها قلبت كدا..

و هو بفكر فجأة لقي ليك نشوة قدامو..

عاين للسما و رجع عاين ليها تاني..

تحس بيه من جوا احسااس

اوووففف انا دي جات من وين؟

-بتعرف ريفان من وين؟

=انتي ليه بتسألي السؤال دا كل مرة موذ جاوبت ليك؟

-عاوزة الجواب تاني..

=عرفنا يوسف علي بعض..

-بتعرفها من ن

متين؟

=والله ياداب كدا بنكون تمينا ال 24 ساعة؟

ضحك لمن شاف كيف ملامح وشها اتغيرت و الاحباط سيطر عليها..

م بفوت فرصة اصلو يخرب مزاجها..

-انا جادة..

=حتي انا..ياداب اتعرفت عليها امس..

-طيب اتعرف عليها و صاحبها..

=م محتاجك توصيني الريدي قررت..

-و وريني عنها كل شيء بتعرفو..

حواجبين حيدر اتلاقو..

=عاوزاني اتجسس عليها؟

ضحكت نشوة..

-اكييد لا..حرامي انت؟

حيدر استغرب..

-عاوزاك تصاحبها و توريني اي شيء اتعلمتو عنها..

المرة دي ملامح الاحباط ظهرت ف وشو هو..

ضحكت نشوة..

الوحداة بالواحدة..

-و اهم حاجة عاوزاك تعرف لي علاقتها مع حازم بالظبط شنو؟

حيدر ابتسم ايتسامة خباثة..

=اا الاتنين ديل؟انتي م عرفتي علاقتهم لحدي حسي؟

نشوة نططت عيونها..

-يعني بتجمتهم حاجة؟

=اكييددهي قبيل كانت قاعدة معاي بتتونس و اول م جا الكلية قعد يعاين ليها وشوية كدا قامت عليه شكلو ناداها..

نشوة بلعت علي ريقها..

الشعور الزفت دا جاها تاني..

حواجبين حيدر اتلاقو..

=لكن شكلو ف كاجة حصلت لانو انا تاني م لمحتو و هي زعلانة شديد حسي..

نشوة رفعت حواجبينها..

-قصدك شنو يعني؟

حيدر رفع ليها اكاتفينو..

=م قصدي شي بس انا م فاهم حاجة..

-موش قلت بتعرف علاقتهم؟

=اسألي يوسف من دي لاني م فاهمها..دا فردة حازم بعرفو من فوق ل تحت تماما..

مدنشوة حمرت ليه..

حيدر قبل يمشي..

-اوعا تنسي الاتفقنا عليه..فاهم؟

حيدر رفع ليها يدو احساس تمام..

و نشوة بقت واقفة متحيرة بس..

□□□□□□□□□□□□□□□□□□□□

ريفان طانت واقفة مع وابل و نون..

لينا كانت حايمة مع يوسف..

اخخ..

اكييدد..

كانو قاعدين ف الحفل العملوه ناس هندسات..

و ريفان اخلاقها ف نخرتها..

بعد النقاش الدار بينها و بين الحقير دااك..

نفسها تكفت زول و تقعد تبكي ب حرقة ف نفس الوقت..

اول مرو تحاول توقف دمعوها من فترة..

لايك هي التحاول توقفها من انهاىتنزل م تقيف براها زي كل مرة..

جا الزفت دا يتكلم من عقلو بدون م يعرف شيء و يقول الكلام دا؟

انها بس يتعرف تشاغل الناس؟

و انو هي اساسا م سمحة للدرجة دي؟

شوف الحيوان التافه دا..

اخخ..

لفت عيونها و هي بتفكر ف الموضوع..

كل م تفك

ر فيه..

كل م الموضوع حرقها زيادة و زيادة اكتر من الاول..

نفسها حرفي اتقفلت من اي شيء..

والله تاني تشوفو الا تخنقو..

و المرة دي م حتوقف نفسها و بالجد حتخنقو..

واي انا كمية الحقارة المكبوبة فيه م طبيعية..

انسان واطي و زبالة و حقير و تافه و كلو..

هووي..

م تديه حسناتك كلها..

لكن لكن لكن هو بستاهل النبذ دا..

م بستاهل حسناتك لكن..

اووف..

ريفان ختت يدينها ف وشها و بقت تمسح فيها و شوبة ختت اصبعيها ف اجزاء مختلفة ف راسها..

وايرمن الصداع..

نفسها ترجع البيت والله..

و الشيء دا ياداب بدا..

-ريفان..

ريفان رفعت راسها علي صوت نون..

-الوقت اتأخر و انا لازم امشي..

وابل قالت انو ختي هي لازم تمشي..

ريفان كان نفسها ترجع..

بس م بتقدر تشر لينا..

و م عاوزة تخرب ليها يومها..

_مارقين؟

نون و وابل هزو لبها راسهم..

_خلاص ارح اقدمكم..

مشز علي الشارع برا..

و هم متجهين ف الاتجاه المعاكس للناس..

شوية شوية شوية الناس بقو بنقصو

.

و انعدمو عديلك كدا جمب هندسات..

كلهم مكبوبين ف الساحة الكبيرة قدام معمار..

لدرجة انو لو قتلو زول ف موقف السيارات مافي زول حيجيب خبر..

حرفييااا..

ريفان وصلتهم لحديرم مرقو برا بالبوابة الكبيرة حفت العربات..

انتظرت معاهم مواصلات..

-يعني حسي اتصولحو لينا و يوسف؟

ريفان رفعت اكاتفينها

_شكلهم كدا..

=وااي انا من البت دي..

ريفان طلعت نفس طويل

_واي انا من الحقير دا..

الاتنين حقيرين لو هو لو صحبو..

_انا م شفتها تاني زاتو..

وابل و نون عاينو ليها..

_من م قامت مني ل نشوة تاني م شفتها..

-و عرفتي كيف اتصولحو؟

_رسلتها ف قروبنا م شوفتوها؟

-لسا والله..

=انا شفتها..

التلاتة عاينو ل بعض..

التلاتة عندهم راي ف الولد دا بس هي الوحيدة البتتكلم..

الوحيدة البتفتح خشمها عنو..

وابل و نون اساسا م عارفين يقولو ليها شنو..

التلاتة طلعو نفس زهجة طويل..

و زي كل نرة..

قرروا يكسروا الحنك..

-انتي مالك؟

وابل و نون الاتنين قبلو علي ريفان

_انا؟

-ااي خاسة بيها قافلة معاك من قبيل..

ريفان طلعت نفس طويل..

والله والله الصداع بزيد كل مرة تفكر ف الموضوع..

_قصة طويلة..

نون و وابل استغربو..

=عن شنو؟

_حاولت اتكلم مع حازم و انفصم فيني؟

-كيف يعني انفصم فيك؟

=شاكلك؟

-يشاكلها ف شنو؟

ريفان عاينت للحافلة و اشرت ليها عشان تقيف

_بري م مبعرفو زهجان من حاجة و سمعني كلام فاضي..

=فجاة..

ريفان و نون ضحكو..

_فجأة شديد..

الحافلة وقفت و الاتنينيك ركبو..

-ورينا ف الواتس..

ريفان ابتسمت ليهم و هزت راسها

_خلاص تمام..

-ادخلي يلا المكان مضلم كدا و الوقت اتأخر م يقوم يلاقيك مجنون

ريفان ضحكت

_ف الجامعة؟

-ادخلي المهم و طلعي البت ديك عشان ترجعي..الموضوع سمبك سااي..

ريفان ضحكت

_خلاص تمام..

و اتحركو و ريفان دخلت..

و هي داخلة لقت الصوت زاد زيادة..

شدييد..

و الناس هناك كترو .

كانت ماشة و هي بس بتفكر ف مليون حاجة..

اهمها كيف ترمق لبنا..

و ادناها الحقير الواطي داك..

لا م تفكر ف الحمار داك..

مافي داعي تحرق روحها زيادة..

بس تديه كف اول م تشوفو تاني بكل بساطة..

حسي كل العليها انو تصل هناك اولا لانو المكان مخيف كدا و هي يا الله شايفة نور و العربات مرصوصات و ندم ف شي بتنفس غيرها..

تانيا لازم تلقي البت ديك و تمررق طوالي لانو خلاص فاضت بيها و بقت ما قاد-

و فجأة وقفت ف مكانها لانها اتخبطت ليك مع حاجة..

او بالاحري..

ضهر زول..

كان ف زول واقف جمب العربية و هي م انتبهت..

كتفها ضربو و هي وهو الاتنين اتخلعو و عاينو ل بعض..

ريفان كرفست وشها علي الريحة الشمتها..

شمتها كتيير هناك ف بريطانيا بس هنا بطريقة ارخص..

ريحة بتخنق من القوة و القرف..

كحول..

خمرة..

ريفان بلعت علي ريقها اول م طلع لبها واحد تاني من جمبة العربية...

م كانت قادرة تشوف كيوس..

المكان مضلم..

نور الكليات البعيدة يس الساندها..

شايفة ليها حاجتين طوال و بتهوززو و جاين عليها..

ولا حتي ملامح وشهم م ظاهرة..

ريفان دي خلاص..

جسمها هببط..

-ااوهه..ويين ي حللووةةة..

ريفان قربت تستفرغ من الريحة..

الولد كان سكران ل درجة قف تأمل..

قادر يمشي كيف هي زاتها م عارفة..

ريفان بقت راجعة ل ورا..

و دي اكبر غلط..

لانو كل م رجعت ل ورا..

كل م بعدت من السااحة الهنااك الفيها ناس..

ف كل الاحوال لو صررخخت م بسمعوها..

الا تجيب ليها ميكرفون..

قبلت بالجمبات تشوف ليها حاجة طايرة..

ناس ماشين..

اتنين او حتي نفر بالفلط تلمحو من الكليات الوراها..

لا شيء..

كل السامعاه الغني الهناك..

ولا ف زول زاتو قريب منهم..

الليلة سجممك ي بت..

الليلة شيلي شيلتك و تموتي..

ريفان خلاص..

تحس قلبها اتبلع ف بطنها..

الولدين جايين علينا من الاتجاهين..

كانت لابسة شنطة ضهر..

الولد قرب ليك منها و جرا ليك الطرحة..

ريفان دي خلاص هبطت..

-هه هه..عاين ليها بتقع كيف..

قبل علي صحبو..

=دي ابو الانحراف زاتو..هه هه هه..

ريفان مسكت ف شنطتها شديد..

=كدي جيبها نلعب بيها شوية امسكها..

ريفان دي قلعت ليك الطرحة من يدو و قبلت تجري ليك..

فوو جرت

..

هه او ع الاقل كانت قايلة روحها جرت..

م جرت بعيد زاتو .

لانو قبل م تبعد الولد التاني كان بعيد منهم شزية قدر يحصلها و مسكها ليك من نصها و رفعها..

ريفان دي بقت بتتململ و بتدفر

و الولد بحاول يثبت فيها..

البت خلاص بقت م حاسة ب شيء..

بس بتتحرك ف كل الاتجاهات..

و الدموع دي طق طق نقطت ليك من عيونها..

جا الولد التاني بسرعة ثبت ليك يدينها لانها خبتت الاول ف وشو شديد..

-رووقي رووقي م حنعمل ليك شييء..

ريفان دي بس فككت ليك الصررخخةةة..

الولدين قعدو يضحكو..

-صررخي زي م دايرة..مافي زول حيسمعك..

زادت صريخها و الصوت بقي عالي شدييدد..

الولد طوالي حشرر ليك طرحتها ف خششمنهااا و ثبتها ليك..

=رووققيي رووقييي..قلت ليك حنلعب شوية و حنفكك..م حنقتلك

الدموع دي بقت بتنزل طق طق طق طق بالدور..

بتحاول تتململ و مثبتنها...

حاولت تصررخ و الزفت ف خشمها و داك ماسكها م قادرة تقول شيء..

-وديها ل قاعات ميكانيكا..م في زول هنااك..

الولدين بقو شايلنها شيل..

و ريفان تتململ سااي..

م عارفة القوة العندهم دي من وين و هم سكرانين كدا..

مشو كم خطووة و شويى كدا ف ولد و بت فجأة جو طالعين مولعين فلاشهم بالجمبة..

الولدين وقفو ف مكانهم و م اتحركو..

ريفان دي بس اخدت ليك الفررصة..

طااخ فكت يدها من الماسك يدينها و رفعتها خببت ال ش ايلها ف وشو..

الاتنين داك من شدة م ضربتو وهي مكومة يدها ف شكل قبضة..

الولد لامن م فكاها وبقي مثبت ليك وشو و داك حاول يمسكها بس هي فوو قامت جارية..

كان مفروض تجري علي الولدين و البت..

بس اختفو ف احد الاتجاهين و هي م حتخاطر تمشي ف واحد فيهم عشان ديل يمسكوها..

فووو جرررت ليك علي اتجاه العربات الهنااك و الناس..

رغم انو مخاطرة اكبرة لانو الولدين عادي ممكن يلحقوها..

بس هي زادت ليك السرعة و بقت جارية..

قبلت لقت واحد من الولدين علي بعد سننة..

واله بس يرفع يدو ويجرها من شعرها و الموضوع انتهي..

موضوعها انتهي..

م ممكن يحصل ليها دا تاني م ممكن..

ريفان لفت ب جمب عربية و بقت بتجري..

و لفت تاني و الولد خلاص رفع لبك يدو..

كان ف عربية نورها منور و فووو جرت عليها..

وهي ماشة بس اطقشت ليك ف زول..

م صدقت..

مسكت ليك فيه..

الولد لامن م اتخلع..

وههي تبكي و تبكي و تبكي..

الولد رفع راسو و عاين للولدين الكانو جارين وراها..

وقفو عاينو ليه..

كانو حسي قريبين من الكليات ف الانوار شوية زادت و بقو بشوفو احسن..

الولدين كانو بطوطحو و بعينو ل بعض..

اعتقدرالاتنين فكرو انهم يدقو الولد و يشلو ريفان يتمو قرفهم..

بس الساعة الولد رفع ليك الفي يدو عليهم..

الاتنين وقفو ف مكانهم..

ريفان كانت ماسكة يدو التانية و اقفة وراه..

عاينت خلال دموعها..

الولد دا ماسك لبه مسدس؟؟

لا مسدس؟؟؟

عاينت للولد..

لقتو ليك حازم..

حازم؟؟

حااازم؟؟؟

الواحد دا؟

كان مفروض تفرزو من بعيد..

بس و الله من دموعها و الخوفة هي م شايفة شي كانت..

الولدين وقفو ف مكانودهم و قعدو يضحكو..

-انت جادي؟

=قايلنا حنصدق انو دا مسدس حقيق-

قبل م يتم كلامو حازم حرك يدو علي الجهة حقت الموقف ف الظلط و طااخ ضربو ليك..

صوتو كان عالي لدرجة انو الولدين قربو يقعو من عدم التوازن و ريفان دي نطت و بقت مجمدة ف مكانها .

للتو طلق ليه طلقة؟!!؟!؟

جازم حرك الزنانة و صوت الرصاصة التانية الاتحركت مكان الطلقها دي مرقت..

وقفت ف الصف..

حازم رفعو عليهم تاني..

ريفان عاينت حوليها..

كيف الناس الهناك م سامعين الطلقة دي؟

استغفر الله..

الله يخيلهم للخلط و القرف و الغنا حقهم دا..

عاينت ف اتجاه الكليات..

دا مكان ابو القرف زاتو..

م اعتقد ف زول زاتو..

و الفي حيكون ادسي..

ي الله!!!..

ريفان عاينت ل حازم..

هو جادي حيضربهم لو قربو..

حاولت تقرا ملامح وشو..

بس برضو .

برضو برضو برضو برضو برضو زفت البرود دا معسسسكر قااعد م مشي ااي حتي..

كيف ممكن يكون هادي كدا و هو ماسك شي زي دا..

-حتضربنا لو قربنا يعني؟

حازم ردا ليه و بكل برود

_جرب حظك..

=تقتلنا يعني..هههههه ههههه..

واي انا من السكر و ابو السكر..

حازم دنقر و اشر علي رجلو ب يدو و شوية كدا رفع راسو عاين ليه..

_ممكن ابقيك معاق ل بقية حياتك..

الولدين صنو وعاينو ليه..

-انت عارف اذا ضربتنا ممكن تتسجن 10 سنين..

_او اوريهم الحقيقة..دفاع عن النفس..

=م عملنا ليك شيء..

_م الا لي انا..لمن تهبش حاجاتي معناتا هبشتني انا..

الولدين ضحكتو علي تعليقو الاخير دا..

ريفان زاتها استغربت..

للتو قال حاجاتي؟

دا سكران زيهم ولا شنو؟؟

=الشيء القرف دي حاجاتك؟

ريفان قبلت عليهم..

شوفو قلة الادب!!

حازم رفع ليه حواجبينو..

-الله يقرفك يااخ..البت كانت ماشة تلعب معانا ب امانة الله و لو م ظهرت م كان وقفت معاك..بالله لمن تفتش ليك واح-

و طاااخ..

الرصاصة التانية مرقت برضو بالجمبة..

الولدين نطو من الخوفة لدرجة انو واحد بقي بعاين ل رجلو اذا اضربت او لا..

ريفان خلاص..

اعصابها م باظت..

اعصابها ماتت و الدموع جفو و كلوو..

صوت الرصاصة التالية اتحرك.حازم رجع اشرها ع رجل واحد فبهم