الجزء 14

"He looked at her like a blind man seeing the sun for the first time.."

ريفان مشت ب وراه..

-انتظر..

قبل عاين ليها و انتظرها تحصلو..

_ماشي وين؟

اشر ب راسو ع عربية قدامهم..

_ماشي ادخل الشيء دا مكانو..

حواجبين ريفان اتلاقو..

ماشي يختو ف العربية؟

الولد دا مجنون؟؟

و طوالي مشي..

ريفان عاينت ليه و مشت وراه..

هو مالو بمشي سريع كدا؟

حازم وقف جمب العربية و انتظر لامن م ريفان حصلتو..

قبل عاين ليها و هي عاينت ليه..

مدي ليها الشيء الفي يدو و هي طوالي رجعت ل ورا و طلعت صرخة صغيرة..

_ي بت انتي مالك خوافة كدا؟مفرتك هو م بعمل ليك شي؟

-هه..خوافة؟..انت مجنون؟؟دا مسدس مسسدسسس ف يدك حقيقة م اخاف كيف؟

حازم ضحك ضحكة استهتار

_اول مرة تشوفي ليك مسدس ف الحقيقة؟

-عادي يعني الزول يشوفو ف حياتو زي تلفونو؟

_هه..

البت دي و فصاحتها..

م بتفشل ف انها تصدمو كل مرةة..

كل مررةة..

_امسي عشان امرق المفتاح من الجيب..

اداها تمسك الجزء التحت الفي الرصلص..

ريفان مسكتو و بقت بتهبش ب اطراف اصابعها الرصاص..

حازم رفع حواجبيه وهو بعاين ليها..

م جادة طبعا هي..

معقولة خالها م حاول يعلمها ليه او م شافتو مرة عندو؟

ع حسب علمو الرماية دي الهواية المفضلة عند ابوبكر و اهلو و حتي حبب محمد خالها فيها..

عارف انو محمد بارع جدا فيها..

ابوبكر دايما بتكلم عنو..

معقولة م بتعرفو؟

فتح العربية و شالهم راجع منها..

رفع الكرسي التاني ل فوق و ختاهم ف صندوق..

-انت طببعي شايلو معك ف العربية؟

_ف مانع؟

-ليه؟

حازم قفل الصندوق و قفل العربية..

_عشان ينقذنا ف مواقف زي دي؟

ريفان ضحكت ضحكة استهتار..

-ليه م بتعرف تتصارب باليدين العاديات؟

حازم ضحك ضحكة استهتار و ب نظرة ف عيونو كدا خوفتها جد لمن قال ليها

_ياتز طريقة بتخلي الدم يكب اسرع؟..

الولد دا مالو مخيف و غامض كدا؟

ريفان قبلت و عاينت ل ااي شيء غيرو..

بتحاول تفهم روحها انو هو م مجنون بعد القالو دا..

حازم عاين ليها و تني راسو..

وشها كان فيه اثار دموع لسا م نشفت؟

حواجبينو اتلاقو..

دموع؟؟

بالله هي قاعدة تنزل؟

رفع يدو و هبش جضمها و هي زاتها اتخلعت و عاينت ليه..

عاين ل صبعو..

ياها دموع.

والله..

حازم استغرب..

هي م مفروض تقدر تبكي..

بدع حسب فهمو..

الشيء العندها دا م مفروض يسمح ليها تنزل الدموع بالدور كدا..

-مالك ي ولد؟

حازم رفع راسو عاين ليها..

عيونها محمرة و نخرتها جارية..

ششكلها دمعت كتير..

امكن من الخلعة..

او الخوفة..

م واعية ب نفسها و طوالي بكت..

-هوي انت..

حازم عاين ليها..

_بالله انتي بتعرفي تبكي؟

جواجبين ريفان اتلاقو ع جملتو دي..

كيف يعني بتعرف تبكي؟

دا سؤال دا؟

بسم الله..

البت دي اساسا بدت تقتنع جد جد انو م طبيعي..

ريفان لفت عيونها و قعدت ف المصتبة القدام..

حازم عاين ليها و تني راسو..

ريفان ختت يدينها الاتنين ف وشها و تاني طلعت مناديل من الجيب و بقت بتقش ف وشها..

-م قادرة امشي..

حازم بلل شفتيه..

لازم..

بالله بعد الحصل لبك دا هو انتي لسا قادرة تقيفي كيف؟

-خلينا نقعد هنا شوية جمب المسدس دا و تاني نقوم..

حازم تني راسو بالجمبة..

_او انا اركب و امشي لاني م ملزم اقعد معاك..

ملامح ريفان اتحولت للاحباط تماما..

-م حتمشي..

عيونها كانو مليانين تحدي؟

_و الخاليك متأكدة شنو؟

-واحد انت نفسك م بتطوعك تفوت تخلي بت براها كدا بعد الشوفتو و الحصل..

حازم رفع حواجبيه..

كانت مقتنعة تماما بالمعلومة دي و هي بتقول فيها..

هه..

الثقة دي جابتها من وين هو زاتو م عارف..

-و اتنين..

حازم عاين ليها بعد م هي سكتت شوية..

-you owe it to me after what you said earlier..

عضي شفتيه و هو بحاول يمنع الابتسامة..

دي يلا صاح..

قعد جمبها طوالي بدون م تقول اي شيء زيادة..

كان حاسي بالندم ع ااي كلمة قالها ليها..

ف اللحظة الغادرت فيها الكلمات خشمو هو كان ندم..

صراحة..

م ف زول بقدر ينكر فكرة انو هو فشي فيها زهجو الدخل فيه من عمو..

لكن دي م من عاداتو..

يخلي مشاعروا متشربكة حوليه..

ف العادة بكتم و بكتم و بكل هدوء و برود بتكلم..

بس اعتقد المرة دي غير..

حازم كان بدفر ف الصوت الجواه الكان بقول ليه انو دا لانو شافها مع حيدر..

-انت بتعاين لي كدا كل مرة ليه؟

حازم رفع حواجبيه..

هو بالله كان بعاين ليها؟

اتعود يعاين ليها و علي شكلها و ملامحها لدرجة انو بقي م بنتبه زاتو..

_كدا؟

هو بالله ف شي ف وشو غير ملامح البرود المرسومة دي؟

_كل مرة؟

هي بالله انتبهت من اخر مرتين بس و بقت ليها كل مرة..

هه..

هي كلامها صاح..

كل مرة بالجد..

بس هي م عارفة..

_عاينت ليك مرتين بس..

ريفان رفعت حواجبيها..

-بالله؟

حازم قبل منها..

-دي المرة التالتة..

لفي عيونو..

-انت ي ولد م عندك ملامح ف وشك غير البرود دا؟

حازم عاين ليها..

ي ولد؟

الكلمة دي بتستفزو شديد..

بس المرة دي استفزتو زيادة عن اللزوم..

_عندي اسم..

ريفان ضحكت..

-طيب ي حازم..

حازم تني راسو.

اول مرة تصحك قدامو كدا..

الولد براقبها ليه

تقريبا سنتين..

و اول مرة يشوفها تضحك من قريب كدا..

و يسمعها تقول اسمو..

رغم انو اسمها عادة م بفارق عقلو..

_ياتو ملامح؟

-لا يعني انت بتعرف تبكي؟تضحك؟تبتسم؟تشاغل؟تزعل؟

حازم رفع ليها حواجبيه..

هي جادة حسي؟

-لا دقيقة..شفتك تضحك قبل شوية..و امبارح شفتك تبتسم ل نشوة..

واو..

حازم استغرب..

بالله هي مركزة معاه كدا؟

هه..

جربت 24 ساعة من البعاني منو هو سنتين..

-تاني تاني بتعاين لي كدا..

حازم طوالي رفع عيونو منها و عاين فوق..

بلل شفايفو..

ي الله!!..

الموضوع كان اسخل ب كتيير قبل م تنتبه ليه..

حواجبين ريفان اتلاقو و تنت راسها بالجمبة..

-انت قاعد تعاين ل اي زول كدا؟

حازم رجع عاين ليها..

-غايتو نشوة لا..وشها م بتعاين ليه كتير زاتو..

هه..

-و يوسف..

هزت راسها ب معني لا..

-اشك..م قاعد تركز كدا..بتركز اكتر ف الكلام..

_قصدك شنو؟

ريفان عاينت ليه..

_بعاين ليك كيف..

ريفان طلعت نفس طويل و ختت اصبعيها الاتنين ف عيونها الاتنين وهي بتأشر عليهم..

-بتعاين لي جووا عيوني؟

حازم رفع ليها حواجبينو..

ي شييخخةةة!!!..

-جد والله بحس بيها انا..

حازم عاين ليها..

و بالجد..

بالجد انتبه انو بكون مركز ف عيونها..

جد بعاين ليها جوا عيونها..

طوالي قبل..

هو عادة لمن يركز مع الزول بعاين ليه جوا عيونو..

اعتقد دي عادة اكتسبها مع الزمن..

بزات معاها..

عادة..

قبل م يدخل عاليمها و تنتبه ليه..

بكون مركز ف عيونها..

لانو هو بقدر يقرا تعابير وشها امتر شي من عيونها..

لمن تصغرهم احساس م مصدقة..

و تكبرهم من الخلعة..

و تلف عيونها من الغيظة..

وتعاين بالجمبتين زي الشافعة لمن تكون عاوزة تركز مع شي حولها..

مشاعرها و ملامح وشها زاتها بكونو اوضح لمن يكون مركز ف عيونها..

اعتقد عشان كدا هو بقدر يقراها معظم الوقت..

بس هي غلطانة..

هو بركز ف عيون معظم الناس..

لانو هو بيأمن من ب مقولة

Your eyes react faster than you..

ف هو كدا مع اي زول..

حتي و لو جاي يكذب او لا..

يتظنر ف عيونو..

_انا بركز كدا مع ااي زول..

-جد؟

حازم قبل عاين ليها و المرة دي قاصد مركز ف عيونها

_جد..

ريفان رفعت حواجبيها و هي بتمنع ف الضحكة..

تحدي تحديق؟..

ريقان زاتها ركزت معاه..

-تحدي تحديق؟

حازم ضحك شوية..

_انا طبيعي كدا

-ليه مركز زيادة حسي طيب؟

_تسأليني انا؟

-عيونك حلوة..

حازم طوالي قبل..

ريفان قعدت تضحك..

للتو قالت كدا؟؟

للتو فتحت خشمها و قالت ليه عيونك حلوة؟

حازم رمش مرتين..

للتو شاغلتو..

و للتو اثرت فيه..

لانو حتي هو م بقدر ينكر انو ضربات قلبو زادت شوية لمن قالت لبه كدا..

حازم رجع عاين ليها تاني..

عملتها قاصدة..

عاين ليها بتضحك كيف!!..

شمتانة فيه..

حازم م قادر يصدق انها للتو قالت كدا و هو اتأثر..

والله حمار الولد دا حمااار..

غبي و متخلف..

كان نفسو يكفت روحو..

_did you just flirt with me?

ريفان عضت شفتيها عشان توقف الضحكة و تمنع الابتسامة..

هي ليه سمحة كدا لمن تصحك و بتكون اسممح لمن تحاول تمنعها؟؟

حازم طوالي عاين قدامو طوالي ورمش...

لا..

لا لا...

لا..

هو للتو م قال كدا ف عقلو..

بسم الله..

جني هو عشان يقول كدا؟..

-انا م شاغلتك..انا قلت الحقيقة..

حازم عاين ليها..

_انو عيوني سممحة؟

ريفان ضحكت شوية و هزت راسها؟..

لا..

هي م سمحة ي حماار..

ضحكتها م سمحة!!!..

والله سممحة سمااحة و موت حرررققة من انك مكسر فيها!!..

اوميقاد..

الولد بتشاكل مع نفسو..

واي انا من البت المصيبة دي..

-عيونك واسعة و كحيلة م شاء الله..و رموشك طويلة و حواجبينك غزيرةة..و عسلية شوية..م مشاغلة بس قلت الحقيقة..

حازم رمش..

البت دي بتلعب ب ضربات قلبو والله..

لمن لقتو بعاين ليها و مستغرب..

-م حصل زول قال ليك كدا؟

_نهائي..مفدافي زول بتناقش معاي ف شكلي غيرك..

-ولا حتي نشوة؟

نشوة؟

نشوة بتتكلم معاه عن ملامحو ااي حصلت قبل كدا..

بس م حصل قالت ليه كلمة سمحة دي اصلو..

_دي مشاغلة تعبر..

ريفان لفت عيونها

-اخخ..ااي شي ف قاموس الاولاد مشاغلة..

حازم تني راسو بالجمبة..

_وانتي عارفة ف قاموسهم بكون ف شنو لمن يكونو قاعدين مع بت براهم كدا؟

ريفان حواجبيها اتلاقو..

نفس النظرات البتخوفها نطت تاني ل عيونو..

اخدت ثانتين تفهم..

و طوالي زحت منو شوية..

-والله اكفتك..

حازم م قدر يكتم الضحكة و طوالي فكاها..

وااي انا..

كيف ممكن زول يضحك و الهدوء مسيطر عليه..

دي حاجة طبيعية؟

صوت ضحكتو واطية لكن حلوة..

غريبة انو فيها نفس بحه الفي صوتو..

بحة النزلة و البرود دي...

بسم الله..

حازم عاين لبها و لقاها جادة اتم الجدية..

_م بعمل حاجة زي دي لكن..لاني م زي الاولاد التانين..

تخاف تكذب..

لكن كلامو صاح..

الولد دا بالجد م زي الاولاد التانين..

اول مرة يلاقيها زول زيو ف حياتها..

دقيقة دقيقة..

هو لسا م ردا ليها ع اهم سؤال..

رغم انها الريدي عارفة ايجابتو..

و اتأكدت اكتر من جمل الانجليزي و الاكسينت حقتو دي..

-بالمناسب-

صوت تلفونو و هو بررن لفت انتباههم الاتنين..

حازم طلعو و عاين ليه..

رقم اجنبي..

لفي عيونو طوالي..

جيكون عمو..

عارفو هو..

بس احتمالية لنو يكونو ناس نيفين 1% و برضو..

برضو م حيقدر يسفه فكرة انو ف احتمالية..

ردا ع الخط..

م قال شيء..

و م سمع شيء..

فكرة انو م قادر يصل ل زول من ناس بيتهم لحدي حسي دايرة تجننو..

لمن مافي زول ردا هو قرر يفتح خشمو..

_الوو؟؟

كان سامع صوت تنفس..

و اول م سمع

=الو

من الطرف التاني طوالي قفل الخط..

عمو..

ليه بحاول يضرب ليه كدا؟

ريفان عاينت ليه و تنت راسها..

حازم ختي اصبعيه الاوسطي و السبابة ف المسافة الصغيرة الفاصلة بين حواجبيه و كرفس وشو..

وااي انا..

الصداع من حسي قاام عليه..

-ف حاجة؟

حازم رفع راسو عاين ليها..

عاين ليها ل ثواني و تاني قبل..

م عارف بس لازم يمرق الكلام دا من صدرو عشان يرتاح..

_م قادر اصل ل ناس اختي..

ريفان رفعت لبه حواجبينها..

-ناس نيفين؟

_اممم..

ريفان نططت عيونها..

للتو اعترف انو هي اختو..

_امبارح صربت لي و كانت بس بتتنفس و كأنها بتبكي و انا م انتبهت انو دي هي و طوالي قفلت الخط..

ريفان دفعت حواجبيها..

دقيقة شنو؟

تبكي؟

-حصلت حاجة؟

حازم طلع نفس علي جملتها دي؟..

حصلت حاجة هي؟

لا..

دي حاجة بتحصل ليها كل سنة..

و هو حيوان م اتزكر السنة دي..

-عيانة؟

حازم هزا راسو ب معني لا..

_جسديا..لا الحمدلله..

ريفان رفعت حواجبينها

ليه حدد و قال جسديا خصيصا؟

_نفسيا..ااي..

ريفان طوالي قبلت و عاينت ليه..

-في حاجة؟

حازم طلع نفس طويل..

جزء منو م مصدق انو هو حيحكي ليها كل شيء..

_قبل 11 او 12 سنة تقريبا..امي و ابوي اتشاكلو ف حاجة..

حازم هزا راسو بمعني لا..

_و صراحة كنت صغير شديد م متزكر زاتو علي شنو..

طلع نفس طويل و هو بجهز روحو ع الكلام الحيقولو بعد شوية..

_المهم الموضوع عدا و كنا ماشين ل احد الناس من اهل ابوي معانا هناك..البيت كلو..انا و امي و ابوي و نيفو و...

اخد ثانتين قبل م يكمل..

كل مرة..

بجهز نفسو نفسيا قبل م يقول اسمهم..

كل مرة الطعنة البتدخل ل قلبو فجأة قبل م يوقل اسمهم م اختفت..

كانت و لا تزال و حتظل موجودة..

_مروان و محمد..

حواجبين ريفان اتلاقو..

م كانت عارفة انو كمان ف اخوان زيادة..

_المهم..ابوي من النوع البسوق بسرعة..كان سواق محترف من هو صغير دايما بدخل ف صباغات و لحدي م كبر م اتخلي عن هوايتو دي..

ضحك شوية ضحكة كدا لا حازم لا ريفان فاهمنها..

كل العارفنو انو فجأة ضحك علي الذكرة دي..

انو ابوه مهووس سواقة..

_ف الموضوع اتفتح تاني و نحنا ف العربية..ولاني كنت صغير نيفين كانت بتلعب معاي عشان تلهيني اركز معاهم..

حازم بلل سفتيه و هو بكمل..

_بس انا كنت مركز..كنت بعاين ل ابوي ف المراية و هو كل شوية بعاين ل امي كل شوية و بعاين لي مرة مرتين ب نفس المراية..

كان بسكت ثانيتين بين كل جملة..

و كأنو بستجمع ف قوة عشان يقول الجملة البغديها بعد كل الالم الحاسي بيه..

_امي كانت ورا معاي انا و نيفو و محمد..مروان الكبير كان راكب معاه قدام..

ريفان عاينت ل ملامح وشو..

رغم انها حاسة بالالم ف صوتو..

بس ي جماعة!!!

ملامح وشو عديلة ياها زاتها..

م فيها ملامح او مشاعر..

الولد دا شكلو م بعرف يحرك عضلات وشو والله!!..

م معقولة تحسي بألمو من صوتو و تعايني ليه تلقي الهدوء الفي وشو ممكن يقتلك!!..

_ابوي كان منفعل شديد..و امي ردت ليه ب جملة..

سكت مساافة..

_ااخخ..نفسي اتزكرها بس والله م قادر..

ككحح شوية قبل م يكمل..

_الجملة استفزت ابوي شديد..

رفع راسو رغم انو كان سايق بسرعة و عاين ليها ف المراية و قال ليها 'اوعك تفكري..م برحمك انا..'

حازم ضكك ضحكة استهتارية شديد..

_او علي الاقل كان مفروض يتمها كدا..

حواجبين ريفان اتلاقو..

كيف يعني م فهمت..

_قبل م يتمها العربيه من جهت امي الريدي دخلت فينا..

ريفان دي جسمها هبط..

ليه زاتو م عارفة..

امكن لانها اندمجت ف القصة..

_next thing I know is that I wake up in a hospital seeing the date on the wall past that day with like 4 days..

ريفان دي ختت يدها ف خمشها..

_حاولت اتحرك..بس رفعة راسي جسمي دا كلو و كأنو بضربو فيه بالمطرقة..كسرت رجليني و يدي و احد اصلعي و رقبتي قربت تتكسر..

ريفان دي خلاااص..

قربت تبكي..

_لكن المهم اني صحيت..فتحت عيوني و صرخت من الالم..و الدكلترة ديل قامو يتطاقشو و يدخلو بالدور..و ف ثواني غرفتي كان فيها قريب السبعة دكاترة و ممرضات م قدرت اشوفهم زاتو ب رقبتي المثبتنها ديك..

ريفان طبعا اتخيلت المنظر..

و م قدرت تتخيل الالم زاتو..

_و كأنو كانت معجزة اني صحيت..الناس كلها مخلوعة..

صحك ضحكة استهتار..

_اول م عاينت ليهم..و ركبتها ف راسي..طوالي عرفت..نحنا دخلنا ف حادث سيارة و لينا 4 او 5 ايان ف المستشفي اذا ذاكرتي م كانت خانتني..

واي انا..

و هي بتسمع في اخر جملة دي طوالي عرفت حاجة..

الولد دا من م الله خلقو شكلو هادي كدا..

لانو مافي زول طبيعي بكون هاديء ف مواقف زي حقتو دي..

_و اول شيء جا ف راسي..انا فتحت حسي..طيب ناس امي م فتحو؟..ليه م فتحو؟..كنت متأكد انو لو كانو فتحو كانو بكونو جو جارين علي جري

اول م فتحت..

اخد نفس طويل و هو بتم..

و كأنو الالم بقي خانقو عديلك كدا..

_طيب حيفتحو متين؟ليه انا اول زول افتح؟..كلىالاسئلة دي كنت بس سامعها هي ف عقلي رقم وجود كل اصوات الاجهزة و الكلام الكتير البتناقشو فيه..

ضحط تاني ضحكة استهتار..

المرة دي تحسي بيه شمتان ف روحو..

_كنت مقتنع تماما انهم حيصحو زي..كنت خايف ع امي..خايف انها تصحي ب وجع جسم اكعب من حقي..كنت حامد ربي لانها م صحت و م كنت عاوزها تفتح قريب..عشان جسمها يشفي و تاني تفتح عشان م تعيش الالم..

ريفان دي خلاص..

طق طق..

الدمعتين نزلو و طوالي مسحتهم براحة..

_سألت الدكتور الجمبي بدافع الفضول..امكن محمد و مروان فتحو برضو..اول م فتحت خشمي..سألتو من محمد و مروان اخواني اذا فتحو او لا..

حازم سكت و بلع ع ريقو..

_الدكاترة عاينو ل بعض..وكل شيء وقف..حتي الممرضين بقو بعاينو ل بعض..ونظرات الحزن دي اترسمت ليك رسم ف وشوهم بالدور..و انا ف اللحظة ديك قلبي ضرب زيادة و عقلي شغال لي..ديل مالهم؟..بعد مسافة الدكتور عاين لي..و ياداب قرر يتكلم..

حازم طلع نفس طويل..

المرة دي سكت اطول من المرات الفاتو..

و ريفان كانت عارفاه حيقول شنو..

بس منتظرة تسمع..

_قال لي كلام كتيير و فارغ..جزء اعتذار..جزء مواساة..جزء سند..المهم كلام كتير ملخصو انو اخواني الاتنين اتوفو..

طلع نفس بعد كلمة اتوفو دي طوالي..

و ريفان الدمعة التانية نزلت..

_انا ف اللحظة ديك م قدرت استوعب شيء..كل الكان ف عقلي انو هو بكذب..لانو الناس البموتو ديل الناس الشعرهم رمادي بعد م يعيشو مية سنة حتي بموتو..اخواني يموتو كيف..

ريفان دي قلبها دا خلاص خلااص..

_عاينت ليه مسافة..اعتقد لمن لقوني م ببكي او كدا كانو فاكرني م فهمت..ف سألوني كم سؤال حق رياضيات..دا زاد دا بساوي كم؟انت سامع؟فاهم؟عمرك كم؟اسمك منو؟كل الاسئلة دي سألوني ليها و انا رديت ب كل بساطة..طيب اذا هم ماتو امي و ابوي حصل ليهم شنو؟..و نيفين..ديل كلهم وين؟..م سألت الدكتور..لكن هو براه واصل و وراني..قال لي امي برضها اتوفت ف لحظتها مع اخواني..و انو ابوي اتوفي امبارح ياداب قلبو وقف..و انو نيفين لسا ف غيبوبة..

ريفان دي ختت يدينها ف وشها و هي م مصدقة..

كمية الالم الهي حاسة بيه م طبيعي..

ف خليه هو!!..

_انا لمن قالو كدا..م بكيت..و لا دمعت..هزيت راسي ليهم و رجعت رقدت تاني..كنت فاهم و مستوعب كل شيء..لكن قلت امكن اذا نمت انا برضو حادخل ف غيبوبة زي نيفين و ابوي و امكن احصل ناس ابوي قبل نيفين..

ريفان دي خلاص بقت بتقش ف دموعها البنزلو بالهبل..!!

ضحك ب صوت واطي و هو بكمل..

_بس انتي عارفة شنو؟..حصل العكس تماما..صحيت تاني يوم و تالتو و رابعو و بتواصل و انا كل يوم بقول خلاص حادخل ف غيبوبة الليلة حامشي ليهم بعد بكرة..كدا..كنت زعلان من فكرة انو هم يمشو الجنة البحكو لي عنها دايما دي و يخلوني وراهم..عادة بسوقوني معاهم اي مكان..ف ليه المرة دي نسوني و خلوني وراهم؟ليه؟؟..دي كانت الاسئلة الفي عقلي..و انا م بكيت نهائي..لانو علي حسب كلامهم..الجنة احلي مكان..ف بس كنت زعلان منهم..

ريفان دي بس م باقي ليها الا تحضنو..

واي انا💔..

_الايام عدو و انا شوية شوية عظامي شفت و بقيت بقدر امشي و يدي بقت كويسة و كلو..اخدت م يقارب السنة الا تقريبا لكن شفيت..كان بدخل ع نيفين ف غرفتها و هي ف الغيبوبة و بحكي ليها الحصل..و كل يوم بهددها بقول ليها اووع تمشي الجنة تخليني وراها..تنتظرني اولا ادخل الغيبوبة حتي نمشي مع بعض..بس انا كان خلاص شفيت..و جا وقت تصريحي..لمن جا وقت التصريح..خالي كان عاوز يشيلني لكن عمي رفض و قال الا امشي ليه هو البربيني..ف خالي احتراما ليه وافق..و هم كانو قلقين علي ابوبكر الحالتو بقت بالبلا بعد م زوجتو بقت راقدة كدا نص حية نص ميتة..كان ياداب اتزوجو بتزكر

ريفان انتبهت ل انهم متزوجين من زمان..

_المهم..عمي كان ف ولاية تانية مختلفة عننا..ف قمت و مشيت معاه..

حازم طلع نفس طويل..

لا كيف يعني يمشي معاه؟؟

يخلي اختو؟؟

سكت مسافة طويلة شديد..

و كأنو بحاول يفكر يتكلم و يكمل كيف؟

_بس و المهم مشيت قعدت معاه زي سنة كدا تاني و اختي لمن صحت قالت انو لازم يجبوني ليها و رجعت ليهم و ب كدا انتهي الوضع بي تحت رعاية خالي و مع ناس ابوبكر دايما..

سكت ثانية و تاني واصل..

_نيفين رفم انها صحت..لكن صحت مشلولة..الموضوع عندو علاقة بالاعصاب و الضرية و فكرة انها كانت راقدة 3 سنين زاتو..لكن بس المهم انها صحت ك مشلولة ل بقية حياتها..

حازم طلع اخر نفس و كانو ارتاح انو انتهي..

عاين ل ريفان و لقاها بتتمخط و بتقش ف نخرتها..

ضحك..

ضحك لانو شافها تبكي مرتين..

حياتو كلها بشوفها بتمنع ف الدموع..

والليلة ادتو شرف انها تخليه يشوفها تبكي مرتين؟؟..

الليلة م قصرت معاه و الله..

ريفان كانت مستغربة..

يضحك؟

يضحك بكل براءة كدا كيف بعد الكلام القالو دا؟

كيف هي تبكي من الكلام و من كمية الالم الحاسة بيه ف صوتو و هو سيد الكلام و سيد الالم بحد زاتو م تجي دمعة ف عينو؟؟؟..

و لا نص قطرة..ربع ملي ساي م جات..

وشو كدا ثابت؟

الولد دا كيف كيف؟؟

لكن اعتقد..

من كلامو و هو حسي بحكي ليها طريقة تفكيرو من وهو شافع لسا م واعي اصلو..

هو ربنا خلقو هادي و بارد كدا..

امكن الحصل دا و باقي الحصل ليه ف كياتو هو الاضاف الجزء الميت الفيه..

النص الميت الملازمو محل م ماشي و بظهر مرات ف وشو و نبرو صوتو..

امكن بس اثرو عليه كدا..

بقوه اكعب من الحيطلع عليه..

بس كان طالع زيو ف كل الاحوال صح؟..

استغفر الله..

يحير والله..

سكتو ل ثواني..

حازم بس بفكر و بعايم قدامو و ديك بتقش ف وشها و نخرتها..

شوية كدا و وقف ع حيلو..

عاين للساعة المركبها ف يدو..

_ي بت الوقت اتأخر م حتدخلي ف مصيبة؟

ريفان رفعت راسها و عاينت ليه..

-الساعة كم؟

_12الا..

ريفان دي عيونها الحممر ديل بقو قدر الكورة..

نطتت طوالي من مكانها و قفت ع حيلها..

-هي هي خلينا نلقي لينا دي بسرعة عشان ارجع..

حازم اشر ليها قدامهم

_طيب يلا اررح..

□□□□□□□□□□□□□□□□□□□□

لينا مرقت من الكافتيريا و هي شايلة ليها باردين ف يدينها..

كانت ماشة بسرعة عسان ترجع المكان الكانو واقفين فيه قبل يوسف..

مشت و هي متحركة بسرعة..

البيبسي وقع منها و ادردق..

لينا مشت وراه لامن م وقف و جات ترفعو..

لكن رفعو ليها ولد قدامها..

لينا عاينت ليه و ابتسمت..

علي..

رفعو و اداهو ليها..

-يلا انصحك ترميه و م تفتحيه لانو حيعمل حفلة بطالة..

لينارصحكت شديد ع جملتو دي..

=حتي انا قلت كدا والله..

علي دا واحد من ناس دفعتهم..

ظريف صاحب نون شديد..

و لينا شايفاه كيوت لانو عسل والله..

هي زاتها صحبتو لكن م لدرجة نون..

علي ضحك و نفض يدو من التراب الفيه..

_ي بت انتي لسا قاعدة ليه الوقت اتأخر..

لينا صحكت و هي بتقول

=مارقة حسي والله..

وبقت ماشة علي مكان الحفلة..

علي كورك ليها

-الباب ع الجهة التانية..

هي قبلت و ضحكة ليه..

-ابو الخلط زاتو..

قبلت و مدت ليه لسانها

_علي الاقل عندي زول اخلط معاه..

قبلت و هي سامعة صوت ضحكتو و هو ماشي ف الاتجاه التاني..

لينا كانت ماشة بسرعة..

و فجاة لمحت ليك نفرين جات مارف فيهم..

او بالاحري..

زول واحد بس..

اتلفتت و عاينت..

يوسف واقف مع بت كدا تحت الشطرة هناك..

كان شايل السندوتشين ف يدو و بتونس معاها و اخر الضحك و الكلام..

لينا حست ب شيء خانقها..

بتكره لمن تشوفو يعامل باقي البنات السمحات زي م هو بعاملها..

بالنسبة ليها هي..

مفروض..

لكن للتانيات تعتبر مشاغلة بس..

وقفت عاينت ليهم و شوية كدا لقت البت اشرت علي السندوتشات..

حواجبين لينا اتلاقو..

للتو قالت ليه عاوزة واحد منهم؟

لا لا م بتعملها..

لا لا هو م بديه-..

و صوت تفكيرها و كل شي وقف اول م مدا ليها الساندوتش و هي اكلت منو..

لبنا دي حست ب شي انفجر جواها..

للتو اداها سندوتشها..

دا كلو لانو بشاغل فيها..

لينا دي م وقفت ف مكانها..

طوالي قبلت وراها و بقت ماشة..

□□□□□□□□□□□□□□□□□□□□

حازم عاين ل ريفان..

كانت ساكتة و هي ماشة معاه..

م بحب الصمت هو لمن هي يكون عندها علاقة بالموصوع..

خي امكن تكون قايلة انو هو م عاوزها تتكلم..

بس بالعكس..

اتضح انو بحب يتكلم كتير لمن تكون هي البتسمع..

حتي هو ياداب انتبه للحاجة دي..

نفسو يتكلم و يتناقش معاها تاني قبل نهاية اليوم..

_انا اسف..

ريفان دي طوالي قبلت عليه و استغربت..

للتو قال انا اسف من ماف؟

فجأة..

-علي شنو؟

_علي الكلام القلتو قبيل..I didnt mean a word I said..

ريفان صحكت..

-طيب لو م عنيتو جبتو من وين؟

_امم من جانب الغضب؟

ريفان ضككت..

-ياتو جزء you didnt mean؟

حاز سكت..

ف البداية م فهم سؤالها..

_كلو..ولا كلمة..

-اممم..بس جزء من كلامك كان صاح..

حواجبين حازم اتلاقو..

اا؟

قصدها شنو؟

لمن لقتو م فهم..

-بتتعذر علي جز انك قلت اني بشاغل ااي زول و انو انا م سمحة زاتو ل درجة اني اعمل كدا؟

حازم عصي ذفتيه مع بعض..

هو بالله قال كدا..

هزا راسو جوابا ع سؤالها..

هي صحكت و هي بتقول

-بس انت كلامك صح..انا بالفعل م سمحة عشان اعمل كدا..و صحي البشوفنا و بشوف شكلي و حيدر بقول انو انا البشاغل فيه..

حازم نطط عيونو..

_لا لا انا ما كان قصدي كدا..

ريفان اتخلعت و عاينت ليه..

ضحكت لانو اول مرة يجيتها تفاعل منو..

وحلاتي انا شكلو زي الشافع العمرو سنتين لمن ينطط عيونو..

نوع الشفع الوشهم كلو بكون عيون ديك😂..

_انا م قصدي انك شينة او كدا لا بالعسك بس والله الكلام مرق ساي و..

ريفان قاطعتو ب اكبر ضحكة غندنا..

حازظ كان مستغرب..

هس حسي بتشاكل فيه و لا شمتانة فيه؟

مالا بتضحك فجأة دي؟

ريفان كانت شمتانة فيه..

موبالغة..

شكلو مختلف تماما لمن يحاول يثبت ليك وجهة نظر وهو م عارف يقول شنو..

زي لمن يجي شافع يناقشك انو هو م شال الحلاوة لكن هو شالها و دساها..

كيوت والله😂

-مافي داعي تحاول تشرح..كلامك صاح..انا م سمحة للدرجة دي..

حازم طوالي رسم ملامك احباط ف وشو..

_السماحة كل شيء؟..

ريفان عاينت ليه..

_م كل شيء بتحدد بالشكل..

ريفان ابتسمت ليه..

كلامو صاح..

السماحة م يتتحدد

بكل شيء..

حاجة المجتمع بتاعانا غافل عنها تماما..

_بعدين انتي م شينة..امكن بالنسبة للناس م سممحة الشماحة البتقتلهم ديك بس م شينة..

ريفان ضحكت..

-مافي زول شين..

_مافي زول شين..والله لا يخلق الا الجميل..

-ونعم بالله..

_السماحة دا موضوع بايظ عند الناس..اشاشا هي قروش و بسس..

ريفان ضحكت لانو كلامو صخ..

السماحة بقت بتتجاب بالقروش..

حازم اتلفت عاين ليها ب استغراب

_بعدين انتي م شينة..ليه بتقولي كدا؟

-انا م قلت شي انت القلتو..

_وانتي صدقتى؟

-دي الحقيقة..

_انتي غلطانة..البوديك تصدقي معلومة زي دي شنو؟

ريفان سكتت..

_انتي م شينة م شينة..you've got a very eye catching smile..

ريفان عاينت ليه..

حازم اتبه ل روكو قال ليها كدا بعد م هي بقت بتعاين ليه..

-انت يتشاغلني؟

حازم ضحك و ردا ليها طوالي

_انا يقول ف الحقيقة بس..م حصل قالو ليك كدا قبل؟

ريفان ضحكت لانو استعمل ورقتها عليها..

حاز مطلع نفس طويل و هو بقول

_اذا قعداي تباري كلام الناس و بتختي اعتبار للبقولو حتضيعي نفسك ف النص و م حتلقيها تاني..

ريفان هزت راسها

_الناس ديل بايظين..

-ناس منو؟

_الناس كلها..من فووف روسيا ل تحت ماليزا و كلنا..سكان الكوكب ديل كلهم..

ريفان ضحكت

-انت منهم..

حازم هزا راسو

_وانا اولهم..

ريفان رفعت ليه حواجبينها..

_الدنيا هايفة و م بتستاهل تهتمي ل زول و تركزي معاه او تختي ليه اعتبار..عيشي زي م دايرة و م تهتمي امكن تموتي بعد ااي لحظة ف خليك سعيدة..

ريفان عاينت ليه..

امكن عشان الولد دا مبداءو كدا ف هو بارد برودو كدا..

جد جد مكبر راسو كرفيا من كل شيء..

_م في شيء بستاهل..بدل م تفتش السعادة خليك ف مكانك..لا فرح لا حزن لا اكتئاب لا حماس..مافي شيء احسن من عدم الاحساس ب شيء..

ريفان ابتسمت..

-و كيف م اقدر احس ب شيء؟

حازم عاين ليها..

_م في زول م بحس ب شيء..

ريفان ضحكت

-طيب و كلامك دا؟

_ممكن تطنش و تسفه و تاني كل شيء بكون عادي..

طلع نفس طويل بعد م بلل شفايفو

_م عارف..اعتقد لاني بفكر كدا من انا صغير م قادر افهم الناس ديل بنفعلو كدا ليه..

ريفان استغربت..

الولد دا من كترة م بارد و هادي..

تدريجيا البرود بتاعو بنتشر حوليه و هدوءو و صوتو بهدو الزول الماشي معاه..

-انت كيف ممكن تكون بارد كدا؟

حازم عاين ليها و ابتسم ابتسامة جانبية

_امكن لانو جزء من ميت؟

ريفان رمشت مرتين..

و والله قلبها وجعها ع جملتو دي..

حازم ضحك

_انا م بارد .انتو بس بتنفعلو زيادة عن اللزوم

-لا انا كتلة تلج..

حازم عاين ليها و كرفس حواجبينو..

ريفان اشرت علي حواجبينو

-اعتقد بعد خشمك و عيونك ديل الحاجات الوحيدات البتحركو ف وشك..

حازم تني راسو وهو بحاول يفهم كلامها

-ي ترفعهم او تلمهم..ديل تعابير الوش الوحيدين البظهرو..

حازم ابتسم

_دا لاني م بخت شعور ف وشي الا بالجد اكون بعنيه او بحس بيه..

-و كلنة م بنعمل كدا؟

حازم عاين ليها

_انتي بزات م تتكلمي..اعتقد من كترة م بتضحكي و بتدسي مشاعرك بقيتي لا اراضيا مبتسمة..

ريفان عاينت ليه..

-و انت عرفت كيف؟

حازم ضحك ب صوت واطي و قبل بالجهة التانية..

-و طيب عدم وجود شعور ف وشك دا معاناتا م حاسي ب شيء؟

حازم هزا راسو ب معني لا..

_i only show out what I want to be out..

-و بتقعد بارد كدا بقية الاوقات التانية؟

حازم ضحك

_دا اسمو هدوء و سكينة..

-دا اسمو برود قاتل..

حازم ضحك علي جملتها..

-you really should laugh more..

_و ابقي زيك؟

-مالو فيها شنو اضحك..مافي شي احلي ف الدنيا دي غير الضحكات..

حازم رفع ليها حواجبينو..

بتقول ليه ف حاجات هي بتأمن بيها و هو الريدي بعرفها عنها من زمان..

-اضحك للدنيا عشان تضحك ليك..او حاجة زي دي..م لاقاك المثل دا؟

حازم عاين ليها..

_م عاوزها تضحك لي..عاوزها بس تخليني ف حالي..

ريفان عاينت ليه..

-استغفر الله..

_مالك؟

-الزول م بقدر يدخل جوا عقلك اصلو..

_عقلي باهت..م اعتقد بكون ف زول عندو اهتمام يدخل جواه..

ريفان ضحكت..

-انت غلطان..

حازم عاين ليها..

-امكن م تطون عارف..لكن بالنسبة للعالم..الانسان البارد البكون وشو زي حقك كدا 24 ساعة..كل اهتمامهم حيكون انو يعرفو شنو ف عقلك لانك كدا..

_ارجع و اقول ليك الدنيا بايظة اذا بتخت اهتمامات ف حاجات زي دي..

-يايظة او لا م حتغير الفهم دا..

حازم وقف و عاين ليها..

_وانتي؟

ريفان وقفت و عاينت ليه..

-وانا؟

حازم هزا راسو..

-انا شنو؟

_انني م عندك اهتمام تدخلي تشوفي جوا عقلي شنو؟

ريفان ضحكت

-هو بالله انا بقدر؟

_بتقدري او لا..م حتحاولي؟

ريفان عاينت ليه و تنت راسها..

-اعتقد اني الريدي بديت احاول..

حازم ضحك..

رغم انو م بعرفها زي الناس..

بس بقدر يدخل عقلها و يفهما من تصرفاتها..

من العدل بس انها تحاول تدخل عقلو زي م هو بقدر يدخل حقها..

_keep on trying with me and maybe I'll let you in..

ريفان ضحكت و واصلت ف مشيها..

-i think you already did..

حازم ضحك و مشي وراها..

□□□□□□□□□□□□□□□□□□□□

لينا مشت قعدت ف المسطبة الطولية القدام هندسات..

كانت زعلانة و زهجانة

و ف اضب جواها م طبيعي..

و كأنو حرفيا جوا جسمها ف نار مولعة..

طلعت نفس طويل و هي بتفتع ف البارد..

وششششششششووووووو الحفلة بدت😂..

والله ف ملي ثانية..

من وشها ل قميصها ل جزمتها..

بقت مليانة ببسي..

الباقة م فضل فيها شي..

لينا رمتو من يدها و هي بتصرخ شوية...

نفضت يدها و قشت وشها بي يدها..

عاينت ل قميصها البيجي..

للتو باااااظ يااااظ..

هبشت طرحتها..

واااي انا واااي..

طلعت نفس طويل و هي بقش ف وشها..

ممكن اليوم يبقي اسوء؟

=قلت ليك حيعمل حفلة..

لينا اتلفتت وراها و لقت علي واقف و ماسك باقة موية شارب منها شوية و بضحك عليها..

طلعت نفس طويل و ملامح الاحباط ظاهرة ف وشها..

علي رجع ل ورا و فتح ليها لاقة الموية..

عاينت ليه..

=تعالي غسلي وشك و يدينك عشان م يبقو سكر سكر و اطراف شعرك دي عشان م تكرهي عيشتك..

لينا ابتسمت ليه..

ع الاقل ف زول خاتي ليها اهتمام ف الحقيقة..

مدت يدينها و غسلتهم و تاني غسلت وشها..

رجعت الكرحة ل ورا..

حرفييااا شعررها القداام كللو اتملي..

علي عاين ليه..

=دنقري دنقري دا لازم يتكب فيه عديلك كدا..

لينا ضحكت و دنقرت..

=ع الاقل البيبسي كويس للشعر..

لينا رفعت راسها و هو بكب من الاستغراب..

و الموية اتكبت ف وشها و دخلت نخرتها..

البت رفعت راسها و بقت بتحك..

شررقت😂..

كحت و كحت و علي دا يضحك فيها ضحك..

لمن لقاها مواصلة ف الكح و وشها بقي لونو احممممرررر و عيونها حمرو لقي الموضوع جد..

نطط ليك عيونو وخبتها ليك ف ضهرها مرة واحدة..

لينا طوالي زحت منو من كترة م الخبطة وجعتها..

-ي ولد براحة..

=براحة شنو و انتي جاية تموتي..

يعد ثواني كدا تاني وقفت..

وشها كان لساااا احمممر..

مدت يدينها تغسل وشها و نخرتها من النزلو منها..

و بعد م كملت باقة مويتو كلها ف الغسيل نفضت يدينها..

علي عاين للباقة و رماها ف السلطة الجمبهم..

-ثانكس..

علي ابتسم ليها..

=ولو..

لينا ابتسمت ورجعت تنفض روحها..

واي انا..

البت حالتها بالبلا..

جعانة و عطشانة و مليانة ببسي و موية ف نص الجامعة..

علي عاين ليها..

=زولك وين؟

لينا ضحكت ضحكة استهتار..

فاضي ليها هو؟..

هه..

حقير خلااص..

اووف..

علي شاف الانزعاج ف وشها..

=علي كل..انتي للتو كملتي لي مويتي..م حتشتري لي واحدة جديدة؟

لينا عاينت ليه و عاينت للفي يدها..

-باردي بنفك؟

علي هزا راسو..

=مشروبات غازية م بتنفع معاي..

-هه..نعم؟..هو بالله ف زول م بشرب ببسي؟

=ناس السكري م بشربوه..

لينا عاينت ليه

-عندك سكري؟

علي صحك و هزا راسو..

لينا رمشت مرتين..

علي اشر للكافتريا الوراهم..

=اررح جيبيها لي من هناك..

لينا عاينت ليه و قبلت..

عندها شنو وراها..

خلبهم يمشو يجييوه و هي زاتها تشرب ليها موية و تضرب ل ريفان يمشو..

اساسا م بتقدر تشرب غازات ع بطن فاضية..

دا انتحار ببطء..

لينا طلعت نفس طويل..

-يلا اررح..

علي ضحك ليها و مشو طوالي...

.

.

.

.

.

يوسف كان بفتش ف لينا..

_ي الله البت دي غطست وين..

بقي حايم بين المجموعات و الناس و م شايفها..

حام الاماكن دي كلها مرتين..

معقولة رجعت البيت؟

لا..

اكيد لا..

عارفها كويس م بتعمل فيه كدا..

امكن ف الكافتيريا لسا م مرقت..

لكن الوقت دا كلو و م مرقت؟

لكن هو فتش هنا فتيش..

لكن الكافتيريا م شافها..

م حيضرو شيء لو مشي..

و طوالي كبر ع الكافتيريا...

.

.

.

.

.

.

لينا و علي دخلو الكافنيريا..

الزحممة خفت..

خفت كتير..

-انتظر هنا اجيب الموية و اجي..

لينا مشت ع الموية..

علي عاين ليها و طوالي مشي وقف ف الصف..

اشتري ليه سندوتشين و مشي ورا لينا الكانت لسا كانت منتظرة تشيل الموتين..

ضحك و اول م قبلت لقتو وراها..

عاينت ليه و عاينت للشايلو..

واي اكل😂💔..

شيت هي جعانة جووع..

كانت ماسة ليها باقتين موية..

مدت ليه احد الباقات و هو مدا ليها السندوتش..

لينا شالتو وعاينت ليه..

=كدا الواحد بالواحد..

لينا ضحكت..

-كيف الواحد بالواحد؟

=انتي اشتريتي المشروب و انا الاكلة..

علي طوالي قرم من حقو و بدي ياكل.

-بس انا الريدي كملت حقك..

=نتفاهم بعد اكل انا جعان شديد..

لينا ضحكت و بدت تاكل..

لانو صراحة ه الجوع قاتلها..

مرقو من الكافتيريا و هم ماشين براحة و بياكلو..

علي مسك باتو ب نفس يد السندوتش و مدا يدو فتح ل لينا باقتها الماسكاها ب يدها..

لينا اتخلعت و عينن ليه..

=كان واضح عليك متحيرة تفتحيها كيف..

لينا ضحكت و شربت من مويتها..

=الوقت بالجد اتأخر..اكلي و ارجعي البيت طوالي..الشوراع دي م مضمونة..

لينا عاينت ليه و ضحكت..

سبحان الله..

الاختلاف البينو و بين يوسف..

داك بنحنسها تقعد ع ششان يقعدو يتونسو و م بخت اعتبار للوقت او خي حترجع كيف..

و دا من قبيل فكرة انها قاعدة مقرصاه لانو عارف احوال البلد و الاحتمالية انو يحصل..

-اساسا عاوزة اضرب ل ريفان عشان نرجع..

=حتي ريفان قاعدة..

لينا هزت راسها..

-هي منتظراني..لكن ع ذكر اسمها ك ضربت لي..

=حتي هي بتخلط؟

لينا ضحكت..

-ي ريت..

علي رفع حواجبينو..

=ي رييت؟؟..

لينا هزت راسها..

-البت عندها تعقد من نفسها..ي الله بتتكلم مع الاولاد..

علي ضحك..

=قبيل لمحتها مع احد سنايرنا..

لينا عاينت ليه..

-بالجد؟

علي هزا راسو..

-منو؟

=حيدر..بتعرفيه؟

لينا هزت راسها..

-انا الغرفتهم ع بعض..

غلي و لينا الاتنين قعدو يضحكو..

=غريبة م اخدتها ك-

وفجأة تلفونو ضرب..

لينا عاينت ليه..

علي ردا طوالي

اتكلم شوية و ف الناهية قال 'خلاص راجع جاي'

قفل التلفون..

عاين ل لينا رقاها بتعاين ليه..

=اولاد خالتي مسافرين ف لازم ام ش ي اودعهم..امي مصرة ف كلام العلاقات و كدا..ف لازم ارجع البيت..

لينا ضحكت ليه..

-خلاص امشي الحقهم يلا..

علي عاين ليها..

=طيب اضربي ل ريفان تجيك..

وقف ف مكانو وقفت..

-عادي امشي..

=لا مافي مشكلة اضربي طيب و شوفيها وين و خليها تجيك و انا بتحرك..

لينا مدت ليه يمسك باقة الموية عشان تطلع التلفون و مسكها..

م كانت قادرة تعمل سكيب ل فكرة الاختلاف بينو و بين يوسف..

هو ف بالله اولاد كدا؟

نوعية علي دي؟

ليينا طلعت التلفون و ضربت..

شوية كدا و ريفان ردت..

-انتي وين؟

_انتي الوين؟

لينا عاينت..

-انا جمب كافتيريا هندسات..

ريفان طلعت نفس..

_واي بعيدة..خلاص عايني جايين عليك اووعا تتحركي عاوزة ارجع البيت خلاص زهجت..

-حتي انا زهجت خلااص خلاااص برضو..

_طيب اثبتي عشرة دقيقيق و بنكون عندك..

و ريفان طوالي قفلت الخط..

علي عاين ليها..

-قالت 10 و بتكون عندي..

=عندي 10 دقايق هينة..

لينا كرفست ليه وشها..

-علي..

علي ضحك ليها بصوت عالي..

=خلاص خمسة؟

لينا طرمت زيادة..

=عشان تقيفي براك 5 دقايق بس..و 5 تكون معاي..

لينا ضحكت ليه .

الولد دا كيوت خلاص..

لينا لفت عيونها و عاينت ليه..

-خلاص تمام..

وقفو الخمسة دقايق..و لينا كل شءوية بتعاين للتلفون عشان م تأخروا..

اتونسو و اتناقشو عن الدكاترة و مشاريعهم و مشاريع باقي ناس الدفعة..

ونسة عجبتها بالجد..

ونسة فتحت ليها نفسسها شدييد..

استغفر الله بس..

الولد دا فرفش عنها و خلاها تضحك ب طريقة م طبيعية زاتو..

للتقول حسي بيها منكسرة من جوا..

سبحان الله..

بالجد الاختلاف بين البشر عجيب..

بعد م تمت الخمسة دقايق لينا ورتو..

علي ضحك..

=خلاص خلاص ما-

اول م تلفونو ضرب الاتنين ضحكو..

-الليلة بدوك بدوك..

علي قبل عليها قبل م يمشي..

=بتستاهل الونسة..

لينا اشرت ليه بمعن مع السلامة..

اول م علي اختفي بين الناس لينا قلبت مشت تقعد ف الكراسي البرا..

و هي ف طريقاها قعدت تضحك..

سبحان الله شوفو مزاجها دا قلب كيف..

لينا جات تقعد ف الكرسي و بس لمحت ليك يوسف واقف متكل بعاين ليها..

حست ب جسمها هببط عديلك كدا..

التقول عملت حاجة غلط..

□□□□□□□□□□□□□□□□□□□□

ريفان قفلت الخط و عاينت ل حازم..

كان بعاين ليها..

_زهجتي؟

-اخخ..اخلاقي ف نخرتي عاوزة ارجع بسرعة..

سبحان الله..

هو عاوز العكس تماما..

الليلة فجأة بقي عاجبو شديد..

عكسها..

م عاوز يرجع ..

عاوز يحووم اليوم كلو و هو بتكلم معاها و يشوف اذا هو بالجد حيزهج او لا..

لكن حتي هو عارف انو م حيزهج..

وايت..

دا شنو الكلام البقولو ل روحو دا..

والله دي مشكلة..

البت دي!!..

اخخخخخ ااخخخ بس..!!

-غايتو بس..

_وانتي؟

ريفان عاينت ليه..

-و انا شنو؟

_قصتك شنو؟

-قصتي؟

حازم هزا راسو زي الشافع الصغير..

ريفان قبلت منو..

قصتها؟..

قصتها ل روحها هي م عارفاها شنو..

-اممم..ابدي من البداية؟

حازم عاين ليها..

-صراحة هي بدت ياداب ليها كم سنة..

ريفان طلعت نفس طويل..

-هي م طويلة و لا مؤثرة زي حقتك..

خازم عاين ليها..

-م في قصة هي زاتو..بس انو اني و ابوي اطلقو قبل كم شهر و ب كدا بقينا قاعدين مجهجهين ف النص ب الموصوع دا كلو..

حازم عاين لبها..

م حسي بيها م عاوزة تتكلم..

لا..

بالعكس..

هي نفسسها تتكلم والله..

بس شكلها م قادرة تلقي كلماتها..

حتي هي م عارفة الحاصل شنو..

حازم طوالي قرر يغير الموضوع لانو حسي بيها م عاوزة تتكلم..

_طيب يوسف مع لينا؟

ريفاز سكتت ثانيتين..

-اخخخ..ان شاء الله لا..

حازم ضحك..

_بتكرهيه؟

-م بكرهو..بس م واقع لي ف راسي..

حازم ضحك

_انت بتخوفيه..

ريفان ضحكت

-العالم دا كلو عارف الحاجة دي..و برضو م عاوز يستعدل مع لينا..

_قصدك شنو؟

ريفان لفت عيونها

-انت م شايفو سافها كيف..الولد دا حقير..والله لينا بتستاهل احسن منو..

حازم عاين ليها احساس 'ي راجلة'

ريفان عاينت ليه..

-اسفة دا صحبك..

و عضت شفتيها مع بعض..

_لا انتي كلامك صح..م حانكروا..

ريفان طوالي انفعلت

-صاااحح..!!!لينا دي والله يحليلها ضايعة بس..

_لكن برضو..

ريفان عاينت ليه..

_بالنسبة ل يوسف..انا م قادر افهمو ف م اعتقد انتي جتقدري تفهميه..لكن انتي صحبتك عاطفية شديد..

-عاطفية؟؟

حازم هزا راسو

_طيبة شديد و بتتعلق ب ابسط حاجة ب كل م عندها..و انا م بقول انو الحاجة دي غلط..لكن برضو..بالنسبة للدنيا دي الموضوع م ساهل..

-يعني قصدك انو الغلط غلط لينا لانها بتحبوي شديد و قلبها ابيض..

حازم هزا راسو..

ريفان طبعا ضحكت ضحكة استهتار..

كلامو غاظها..

بللت شفايفها و هي بتقول

-انت كيف تقول حاجة

زي دي؟

حازم طوالي عاين ليها..

_حضرتي سلسلة the hunger games؟

ريفان لفت عيونها..

اخخخخ دييي اكتتر سلسلة بتكرهها..

قصتها غبية..

التعلقات الحاصلة بين البت و الولدين ديل بمقصوها ب شكل..

-وااي انا بكرها بشكل..

حازم ضحك

_اعتقد لانو الاشتباكات بين البت و الولدين م عاجباك؟

ريفان عاينت ليه و استغربت..عرف كيف؟

حازم بلل شفايفو و بدا يتكلم

_اعتقد انتي بتكرهي البت م الولدين..لانو خي علقتهم الاتنين و ف النهاية اختارت التاني..

ريفان هزت راسها..

بمعني الكلمة كلامو صحح..

_انت متعاطفة مع التاني الخلتو لانها كانت بتحبو هو اولا و اكدت ليه كم مرة انها بتحبو رغم انها بدت تحب داك..

-ف الحقيقة انا متعاطفة مع داك اكتر..

حواجبين حازم اتلاقو..

_لي؟

-لانها برضو ظلمتو..رغم انها كانت بتحبو لكن كانت بتجرحو لمن تمشي ل دااك..و هو صبر و انتظر و برضو حباها..

حازم ضحك

_انت شايفاها م بتستاهلو..

-م بتستاهل ولا واحد..مغرورة بتفكر ف نفسها لمن الموضوع عندو علاقة بالحب..

_بس الناس كلهم كدا..

-م كلهم..دي حركات من ناس مغرورين..

_الزول لازم يطمع ف الحب ولا م بكون حب..

-كيف ممكن تحب ليها انسانين لكن؟

حازم ضحك

_الرسول صلي الله عليه و سلم كان بحب السيدة عائشة و خديجة الاتنين صح؟

رسفان سكتت..

_انا م بقارنهم مع الاجانب ديل ولا حبهم الخفيف دا..لكن انا بس بوريك انو ف احتمالية الانسان يحب اكتر من نفر..

ريفان سكتت..

م عرفت ترد ليه كيف..

_عشان كدا انتي ختي نفسك مكانها..

-بخت نفسي..كتيير حاولت اتفهمها ف م قدرت..

_و قررتي تكرهيها لانك م فهمتي؟

-امكن قررت اعمل رايحة؟

حازم ضحك علي نبرة السؤال الكانت ف صوتها..

-بعدين شفتها خافت كيف لمن مشو ينقذو بيتا؟.

شفتها مشت تبكي ل اتش كيف لانو كان ف حاجة ثابتة ف راسها انو حتخسرهم الاتنين مع بعض م واحد..

حازم ضحك..

_تتزكري قال ليها شنو سنو؟

-الرئس؟

حازم هزا ليها راسو

_its the things we love the most that destroy us..

ريفان سكتت..

بالجد..

بالجد والله العظيم..

_انا م بعرف صحبتك..بس م في شيء بالساهل..ف باىجد بتمني تسهل ليها..

ريفان عاينت قدامها..

هديك ليها الكافتيريا..

□□□□□□□□□□□□□□□□□□□□

لينا عاينت ل يوسف و قبلت..

وهي بتردد انتي م عملتي شيء غلط انتي م عملتي شيء غلط..

-ما شاء الله..

يوسف قعد يصفق ليها..

-انا بفتش فيك وانتي هنا بتخلطي مع واحد من ناس دفعتك؟

لينا ضحكت ضحكة استهتار..

هو ما جادي..

جاي يعاتبها للتو!؟!؟!..

-و من قبيل واقفين تأكلو و تتضاحكو..م قصرتي والله..

لينا لفت عيونها

=فيها حاجة؟

يوسف اتغاظ من هدوءها..

و هي م كانت عاوزة تخرب مزاج الفرفشة الرسمو جواها علي..

-م فيها والله..بس كان ترحميني من فيتيشك و وجع الرجلين و خسارة القروش ع الاكلة..

واو..

بالجد بعتبها..

للتو قال ليها خسارة القروش ع الاكلة؟

وااو واااو..

كقير حيوان

=وينو حسي؟

يوسف عاين ليها..

=الاكلة الزاليني بيها؟وينا؟؟

يوسف ضحك ضحكة استهتار..

=لاني انا اخر مرة يتزكر انك كنت واقف تحت الشجرة برضو مع بت من دفعتك و اديتها ليها..

يوسف سكت..

ملامح الصدمة ظهرت ف وشو..

شافتو..

لكن برضو..

برضو م قدرت تفوق مشاعر الحرقة الجواه دي..

لينا كانت قايلاه حيسكت منها اول م تقول ليه كدا..

بس للاسف..

طلعت غلطااانة!!!..

-ايوااا..

و قعد يضحك..

جواجبين لينا اتلاقو..

ظا مالو دا؟

-عشان كدا جيتي تتشفتني مع واحد من دفعتك احساس جاية تتسدي حقك؟

لبنا طبعا استغربت..

هو م قال كدا للتو..

=تفتكر انا بضيع زمني ف حاجات زي دي عشانك؟

-هو انتي عندك شنو غيري؟

لينا رفعت حواجبيها..

كمية الحقارة الجواه!!..

يوسف فيه صفة كععبة..

و هي انو لمن يتغاظ و يتحرق..

بقول ااي شيء قدامو تحت هدف واحد..

انو بس يجرحو بأكبر كمية بقدر..

ل اول مرة هي تقرر تتكلم

=م حابة ازعلك لكن والله حياتي م بتتمحور حوليك..

ضحك و هو بقول

-انا كل البتتمحور عنو حياتك ي فالحة..

واو..

بالجد بالجد الانسان دا!!!..

اخخخخخ...

استغفر الله..

لينا بس كانت بتنتبه للاختلاف البينو وبين علي..

حاجات كدا تصدم..

=انت واحد حقير..

-وانتي واحدة ناكرة للجميل..

=هه..!!!..وينو جميلك دا؟؟

يوسف فتح خشمو عشان يتكلم..

بس صوت ريفان و هي بتكورك اسم لينا خلتهم الاتنين يتلفتو عليها..

ريفان و حازم كانو واقفين مستغربين..

ظاهر عليهم انهم بتشاكلو من بعيد..

ريفان جات بسرعة و سبقت حازم و وقفت قدام لينا..

عاينت ل يوسف..

و يوسف و لينا الاتنين بعاينو ليها و ل حازم..

مخلوعين الاتنين ديل اتلمو من وين..

_احسن ليك ي يوسف..

حازم رفع حواجبينو اول م ريفان قالت كدا..

وااو..

اتحولت 180 درجة..

و كأنها داست زر الحقارة للتو..

النظرة الفي عيونها كانت لا توصف..

لدرجة انها خوفت حازم شوية و هو اساسا م عندو دخل بالموضوع و لا عارف ف شنو..

لينا مسكت ريفان..

رغم انها مغيوظة من الحقير دا..

بس برضو..

برضو بتحبو..

و م عاوزة صحبتها الانتيم تبدي معاه شكلة..

م حتعرف تأخد صف منو..

=اررح ياخ تعبت..