الجزء 16

"و اني اري شيئا مختلفا عندما انظر ف المرأة..يرون ابتسامة و انا انظر الي تلك الاشياء التي تتمسك جيدا ب رغبتي💔.."

_انتي موش جيتي عشان حاجة؟

ريفان ضحكت..

اححيي منو الولد دا..

ريفان اتغاظت من فكرة انو بقدر يقراها زي الكتاب رغم انو معظم الناس بس بتعاين ل ابتسامتها و هي م قادرة تشوف ورا حائط البرود حقو دا..

اخخخخ انا..

-طيب..

نشوف اذا هو حيظل كدا بعد دا..

ريفان رفعت يدها و ختت الاسورة حقتها ف التربيزة و هي مرركزة مع ملامح وشو اكتتر من ااي شيء ف اللحظة ديك..

حازم عاين ليدها تتحرك لحدي م فكت شي ف التربيزة و عاين ليها و استوعب هي شنو..

ريفان عاينت ليه..

كان بس بعاين للاسورة بدون حركة..

اقسسسم بالله..

مافي عضلة ف وشو بالغلط اتحركت..

شيييت يااخ..

وااي انا منو الولد دا ااححييي..

التقول برودو دا بغرصها..

كيف بس كيف قادر يحافظ ع نفسو كدا..

امكن م عرفها؟؟

ريفان عاينت ليه..

رغم انو م اتحرك..

م عمل شيء..

ىكن حسي مرت زي 20 ثانية..

و من م ختت الاسورة ف التربيزة..

حازم دا تاني م رفع عبنو منها..

لو كان م بعرفها كان رفع راسو طزالي و عاين ليها..

لكن لا..

و كأنو عندو معاها قصص..

حواجبين ريفان اتلاقو..

كانت عارفاه عارف انها حقتو..

و جزء منها عاوز يعرف كل شيء..

و الجزء التاني خايف..

خايفة تعرف هو منو بالجد و بعرف عنها شنو..

لكن الخوف م تبع لستتها..

ف حتقوي قلبها و تفهم..

م ممكن تنكر فكرة انو الفضول عنو قاتلها قتل..

كدي تجرب..

-انت عارف دي لقيتها وين؟

حازم رفع راسو و عاين ليها طوالي..

تربيزة المطبخ..

محل م نساها..

اعتقد اءا كان بقدر يوقف الزمن مخصوص عشان ؤكفت روحو كان عملها..

شوفت عدم اهتمامك وصلك ل شنو؟؟

انت كيف تنساها كييف؟؟؟

شيت..

ريفان كانن منتظراه يرد..

لكن هو بس بعاين ليها..

ايواا..

م حتتكلم؟

طيب مافي مشكلة انا بتكلم..

-سوو انا احكي ليك القصة دي..

ريفان فجأة ابتسمت و صفقت يدينها مع بعض و هي بتقول ف الجملة دي..

حازم و لا رمشة م عملها..

اعتقد الولد برودو جمدو اخيرا..

كان بس بعاين ليها..

و ريفان مغيوظة بشكل بجوا..

م عارفة الحفلة الشغالة جواه ساي..

-قبل كم اسبوع انا كنت ف مانشستر..بس انت الريدي عارف و كدا المهم..كان بعد م رجعت من الكوفير مع بت خالك..دخلت الغرفة و قعدت..و المطرة كانت صابة زي الاعصار الوقت داك..

ريفان بلعت ع ريقها و كملت..

نظراتو دي بدت توترها..

رغم انو مفروض يحصل العكس..

-فااا..المهم جاني اتصال و النزلت تحت..

_نزلتي ليه؟

-الشبكة كانت كعبة..

اول م ريفان ردت عاينت ليه..

م كانت مركزة شديد لمن ردت..

للتو قال كدا؟؟

واي انا م تكفتيه ي ريفان م تكفتيه..

حازم كان بعاين ليها و ل حركاتها..

بعرفها كويس..

بعرف انها بتتوتر لمن الزول يركز معاها شديد..

و لانو م عارف يسوي شنو..

الشيء الوحيد البقدر يسويه انو يوترها و يعطلها من الكلام لحدي م يوسف يجي و يقدر يمشي..

دا حلو الوحيد..

ريفان عاينت ليه..

نظراتو دي موتراها بطريقة كدا م طبيعية..

بس لاازم لازم تمسكها جواها و تحافظ ع نبرة القوة الفي صوتها..

لازم..

-المهم دا م موضوعنا..يلا قمت نزلت و تميت مكالمتي..و قعدت شوية ف الهوا برا..

_المطرة كانت صابة قعدتي برا كيف؟

ريفان صحكت ضحكة استهتار..

حتجاريه الليلة..

-معترف براك انها كانت صابة شديد؟كنت قاعد؟

حازم ضحك..

_انتي براك قلتي كانت صابة..

ريفةن بللت شفايفها..

م حتخليه يفوز..

-المهم..قعدت مسافة مع الهوا و المطرة و عاينت هنا و هناك و-..

حازم قاطعها..

_عاينتي هنا و هناك؟..بس عاينتي؟..م كنتي بتعملي ف شيء تاني؟

ريفان عضت شفتيها التحت..

اوعا يكون شافها و هي بتقرب تبكي..

شييت..

-شفت حاجة انت؟..كنت موجود؟

حازم قرر يعمل سكب ل السؤال المباشر دا و بس عاين ليها..

ريفان ضحكت ضحكة انتصار لمن عرفت انو هو م حيرد..

و كأنو للتو اكد ليها انو كان قاعد..

-ف لمن جيت داخلة فجأة سمعت صوت حاجة تقع..

حواحبين حازم اتلاقو..

حاجة تقع؟..

-كان صوتها بعيد شوية لكن قلت امكن ش يء من التربيزة او المصتبة وقعت..

حازم عاين ليها..

ايووااا..

كدا لقتها..

شافتها..

طيب ليه م خافت..

ليه م عملت موضوع؟..

-ف لمحت الاسورة دي ف واحدة منهم..و عقلي وقف شغل ل ثواني..لاني ممكن اتعرف عليها و انا عميانة..

حازم عاين ليها..

كان ف نظرات تحدي ف عيونها..

و كأنها بتوريه انها م حتخسر ليه الليلة..

-و قلت امكن دي م هي..لانو المكان مضلم شوية..بس كنت عارفة اني بغش ف روحي..

حازم عاين ليها..

البت م بتهظر..

الليلة سجمو سججممو..

الترابة ف خشمو..

موضوعو انتهي..

-لكن فجأة..ف صوت ف نهاية راسي قال لي لو م في ش يء وقع دا شنو؟..شلتها و بقيت مركزة مع الصوت..لمن مرقت برا..انتبهت انو ف حاجات كتيرة مناظر ف كل مكان..ف امكن شيء يكون وقع منها..

حازم كاز مركز اكتر مع نفسو..

عصر مخو شوية عشان يتزكر حصل سنو بالظبط..

-الصوت كان صوت حاجة صغيرونة حديدية وقعت ف البلاط و عملت الصوت دا..

حازم

رمش..

المفاتيح..

المفاتيح لمن زقت منو و ضربت ف الارض مرتين قبل م تصل لنهاية السلم..

شيييتت!!!..

-كان صوت حاجة ضربت و وقعت كم مرة..و انا م فكرت ف الموضوع كتير لاني اتبليت و كنت بردانة و شبه واعية لاني نعسانة..

حازم بلل شفايفو..

-و نسيت موضوعها الا لمن مرقتها قبل فترة لمن جيت من السفر و انا بفكر..

حازم عاين ليها..

-كنت متحيرة..الشيء دي انا متأكدة انها حقتي..لانو واحد دي مقولتي..اتنين دا توقيعي..و تلاتة دا خط وابل..

ريفا اشرت ع كل الT ف الاسورة..

-وابل الانسانة الوحيدة المعاقة البتعمل الحرف دا كدا..

حازم عاين للاسورة..

سسوو..

فكرة انو يعمل رايح و ينكر انها حقتها و هو م عارف طلعت من اللستة..

تمام تمام..

ع الاقل عرف هو م مفروض يعمل شنو عشان م يغلط..

-لكن قلت..دا شنو البقول فيه..الشيء دي ضاعت هنا ف الكلية دي..البسفرها للجزء التاني من العالم شنو عشان تصل للتربيزة ديك ف المصتبة ديك ف البيت داك تحديدا..

حازم عاين للاسورة و تاني عاين ليها..

-ف كنت ف حيرة نفسية..لحدي م ظهرت انت..

حازم قبل عاين للباب..

يوسف دا م ناوي يظهر ف ااي لحظة؟

- ف فكرت ف الموضوع و ركبتو كدا ف راسي..

حازم رجع عاين ليها..

هه..

دا حيكون لازم يسمعو..

-انت جيت داخل المطبخ ب بليل..و شفتني واقفة..و لمن جيت مارقة مشيت ع السلم و جريت..

حازم عاين ليها..

كان مانع ضحكة الاستهتار بشدة..

اعتقد تلتارباع كلامها دا صاح؟

-ع حسب تخميني مفتاحك وقع منك ف نص السلم من الخلعة؟؟جيت نازل شلتو ورجعت بسرعة دخلت غرفتك..

حازم رفع حواجبينو..

ع الاقل قدرت تركب الscene ف راسها زي الناس..

يعني تقريبا كل شيء صاح..

-و انا بفكر حسي..ممرك و ممري مختلفين كانو تماما..ف اعتقد كنت اتحشرت ف الضلمة ديك و انا م انتبهت..

حازم ضحك..

م قدر يمسكها..

-قلت حاجة مضحكة انا؟

رغم انو ضحكاتو بتكسرها..

لكن معظم الوقت و ف نفس اللحظة بتخلي دمها دا يبدأ يفلي خلااص..

حازم عاين ليها..

_الا تقولي حاجة مضحكة عشان اضحك؟

ريفان عاينت ليه..

-الموضوع بخوف..انو يكون ف زول زيك ف الموقف دا و الزول زي م ينتبه..م بخلي الزول ينوم و هو مرتاح و ف ظول بتسلل ف البيت كدا..

حازم عاين ليها..

جزء منو كان عاوز يحرق ليها دمها شدييييد لانو هو بحب يشوفها محروقة و تحاول تخفيها قدر الامكان..

_الموضوع لا يعتبر تسلل لمن يكون بيتك..

ريفان اخدت نفس طويل و مرقتو..

-يعني معترف انو دا الحصل؟

حازم عاين ليها..

لمح ب طرف عينو يوسف يمرق و معاه الولد داك من الباب..

_انتي عارفة..ربع كلامك بس الغلط..

ريفان رمشت..

_انا جيت داخل و انتبهت انو باب المطبخ فاتح..لمن دخلت و شوفتو لمن لي بت قاعدة بتحارب ف الدموع من انها تنزل..

اول م قال كدا..

حازم حسسي بالنار جواها..

ظاهرة فى عيونها..

_لمحتها بس و قبلت امشي..اصلو م شفتك تقومي..بعد م جيت و ركبت نص السلم..المفاتيح وبقعو..رجعت رفعتهم و لمحتك جاية..م كان نفسي اللاقيك ف ركبت بسرعة بدون م تنتبهي لي..

واي انا..

حازم عارف انها حاليا بتتخيل انها بتكفت فيه..

و المصيبة الوضع عاجبو..

_م في شيء بأكد اني كنت شايلها..

حازم مسك تلفونو عاوز يقوم..

لكن صوتها وقفو..

-نسيت اذكر جاجة مهمة..

حازم وقف ف مكانو و عاين ليها..

النبرة الفي صوتها م مطمناه..

و هو بتمني انو يتزكر بالظبط حصل شنو..

بس لانو صحي عيان اليوم التاني الموضوع كلز مشوش ليه..

-لمن دخلت المطبخ انتبهت انو م كان ف ولا شي فيهم و انا بتكلم..حتي جزء مني استغرب كيف النانيز نضفو المكان كدا..

حازم بلع ع ريقو..

لاا..

الكيس الجابو..

شييت!!..

-بس لمن جيت داخلة..كان ف كيس و جمبو الاسورة..

حازم عاين ليها..

شييت شييتتت شيييييتتت!!!..

دي يمرق منها كيف..

-ف م اعتقد انها كانت ف يد زول تاني غيرك..

حازم عاين ليها..

_what do you think?

(ماذا تعتقدين انت؟)

حواجبين ريفان اتلاقو..

للتو بسأل فيها؟

هي البتسأل..

هو ليه يرد ب سؤال؟؟

-عن شنو تحديدا..

_عن الحصل..

ريفان استغربت..

م فهمت معني السؤال..

-قصدك شنو؟

حازم ضحك قبل م يقوم..

عرف يحيرها كيف..

_كلامك صح..هي كانت معاي..كانت حركة غبية مني اني انساها و انا عارف انو ستها برا قاعدة..

-يعني انت كنت عارف انها حقتي..

حازم قرر يتم كلامو و يطنش سؤالها دا..

_but what do you think happened?..how did I get it and how I know its yours..how about you think that straightly through..

(لكن انتي تفتكري شنو الحصل؟..كيف حصلت عليها و كيف انا كنت عارف انها حقتك؟؟اقعدي فكري بالموضوع ب وضوح و مباشرة..)

ريفان حواجبينها اتلاقو..

الولد دا مالو؟؟؟

ااخخخ انا ليه بغيظها كدا لييهه؟؟

_we'll see what happens next time we meet..

(نشوف حيحصل شنو المرة الجاية الحنتلاقي فيها)

و طوالي اتحرك ع يوسف بدون م يقبل عليها تاني..

اخخخخخخخخخخخ..!!!

والله لو بتقدر تصرخ كان صررخت..

بس هي طلعت نفس طويل م كانت قايلة انها حابساه م اكتر..

الولد دا منو؟

و جاها من وين؟

احي انا يصبر ليها المرة الجاية يلاقي

ها..

◇◇◇◇◇◇◇◇◇◇◇◇◇◇◇◇◇◇◇◇

يوسف مشي وقف قدام لينا..

الليلة اخر يوم ف الاسبوع..

و هو م حيقدر يشيل الشيء دا كلو ف قلبو للوقت دا كلو..

حازم سبقو للعربية..

م نفسسسو نهائي يلاقي ريفان..

من ما قام منها و لحدي اللحظة المشي ركب فيها العربية قلبو دا بس دل دل دل..

والله متحير حيرة..

م حصل ضربتو حيرة زي دي ف حياتو كلها..

و هو زاتو م فاهم متحير لبه!!..

امممم..

امكن لانو هي عرفتك للتو؟

امكن لانو حسي شكلك زي المطارد كدا و انت عندك اسورتها الضاعت ليها سنة و حاجة و لسا محتفظ بيها؟

امكن لانو انت غلطت وحسي حتضر تفسر شيء انت ل روحك م فاهمو؟

هه..

انا ممكن اقعد اكتب ليك اجابة ل ال "لييه" حقتك دي لحدي بعد بكرة..

المهم م هنا..

المهم انو هو حيحل الوضع كيف و بس..

يوسف مشي لقي لينا قاعدة مع صحباتها الاتنين التانيات..

نون و وابل..

اول م عاينو ليه..

تحسي المود كلو اتخررب..

ااخخ..

استغفر الله..

نفسو و لو لمرة صحباتها ديل ع الاقل يزيفو حبهم ليه مراعاة ل مشاعروا دي بس..

لينا عاينت لبه و حواجبينها اتلاقو..

جاي يتشاكل معاها تاني؟؟

والله تكفتو!!..

يوسف عاين ليها مسافة و هي عملت رايحة..

ف النهاية قرر بس يفتح خشمو و يقول ليهة جملة واحدة..

-مشغولة بكرة؟

الاستغراب زاد ف وشها زيادة..

=عفوا؟

يوسف رفع ليها حواجبينو

-بنقدر نمرق بكرة مع بعض ولا مشغولة نأجلها ل بعد بكرة؟

وابل و نون حاولو يدسو الدهشة المخلوطة ب خلعة دي..

لانو صراحة عندو جرأة بطريقة كدا م حصل فهموها زاتو..

منو القال لبك حتمرق معاك اصلا؟

لينا كانت حاسة ب شوية ذنب..

لكن بكرة م بتقدر..

=بكرة م بقدر مارقين مع اهلي عندنا عرس..

يوسف بلل شفايفو

-خلاص نمرق بعد بكرة..بضرب ليك عشان نتناقش التفصيل اوعك م تردي..

و لا وقف انتظر ردها زاتو..

و طوالي مرق مشي..

خلي نفس النظرة مرسومة ف وشوش التلااتة بنات..

و لمن ريفان جات متحيرة جات عاينت ليهم و اتحيرت زيادة..

ف شنو؟

ريفان قعدت جمبهم و لقتهم التلاتة بعاينو ل بعض..

_ف شنو؟

وابل و لينا و نون م ردوا..

حسي دي يوروها الحصل كيف؟

والله يوروها الا تمشي تمعطو من شعروا..

ريفان حركات زي دي م بتنفع معاها..

و نون و وابل زاتهم اتغاظو..

لكن لينا شوية انبسطت من جوا..

فرحت شديد انو بقي م زعلان منها..

_ي خلق..حتتكلمو او لا؟

وابل قررت تتكلم لانها شايفاها ف وش صحبتها الحيرة و الغيظة..

ممكن من الجامعة دي كلها..

لا البلد كلها..

تلفو و تدورو و م تلغو زول بفهم ريفان زي م وابل بتفهمها..

_اها؟

وابل ضحكت و اترددت شوية..

بسم الله..

الليلة الله يقويهم..

و يحمي الشافع دا..

-يوسف جا و قال ل لينا نمرق يوم السبت..

حواجبين ريفان اتلاقو..

و نهائي نهائي نهائي م فهمت الحصل..

_يوسف منو؟

البنات عاينو ل بعض..

الليلة سجمكم!!

_يوسف الواحد دا؟؟

لينا ضحكت ليها..

ريفان رفعت حواجبيها و عاينت ل لينا..

_بعد الكلام القالو ليك دا كلو جاية تمرقي معاه؟

لينا ضحكت

=حاتفاهم معاه بس..

_لينا..

=بعدين هو شكلو ندمان ع الحصل..

_اعتذر ليك؟

اعتذر ليك؟

الجملة دي اترددت ف عف

قل لينا بدون توقف..

م اعتقد حصل سمعت يوسف يقول اسف ف حياتها ليها..

=بخليه يعتذر يوم السبت..

ريفان طلعت نفس طويل..

قعدت و ختت اصبعها ف جمبة وشها و هي بتحاول نحاولات فاشلة ف انها تخفف الصداع..

طلعت نفس طويل..

واي انا منو الولد دا؟

عاوز يموت و يدخل ريفةن السجن هو؟

واي انا منو..

اخخخخخ...!!!!

ريفان حاليا..

لو اديتيها سكينة و اديتيها تصريح انها تقتل زول..

حتتحير بين يوسف و حازم..

و غالبا م تطعن يوسف و تضرب حازم ب وراه..

واي انا من الصداع البسببوه ليها..

لا يحتممل لاال يحتتمملل!!..

_الولد دا عاوز يموت؟

ريفان رفعت راسها و عاينت ليهم

_اسألو لي لو عايز يموت لانو والله ممكن اقتلو بدون التفاهة الحاصلة ف النص دي..

وابل و نون و لينا عاينو ل بعض..

-عايني اساسا هو بكون غالبا م شاكلها ب دافع الغيرة..

ريفان ضحكت اعلي ضحكة استهتار بتقدر عليها ف حياتها..

_و الكلام بمشي كدا؟..وابل م تتكلمي ساي..

-و انتي بس اقعدي لينا ل انك تقولي عاوزة تقنليه و تخنقيه..

ريفان لفت عيونها..

ااخخ..

-كدي خلينا من دا حسي..

ريفان و وابل عاينو ل لينا..

نون اساسا شغالة ف تلفونها م جايبة خبر نص المحادثة..

-انتي حسي ورينا انتي قمتي ل حازم ل شنو؟

و واللن العظيم السرعة الرفعت بيها نون راسها من التلفون و عاينت ل ريفان ممكن تكسر ليها رقبتها عديل..

وابل عاينت ل لينا..

=حازم اواحد دا؟

لينا هزت راسها..

كانت عاوزة تزح موضوعها هي و يوسف من النقاش ب ااي طريقة..

ريفان رفعت راسها و عاينت ليهم التلاتة و هم منتظرنها تتكلم..

ريفان طلعت نفس طويل..

_اسورتي..

-تاني؟اسورتك دي انتي مالك معاها؟

ريفان مدتها ليها و هي ف يدها..

التلاتة بنات عاينو لي الاسورة..

شوية كدا و عيونهم بقت زي الكورة و رفعو راسهم من الاسورة ف نفس الثانية و عاينو ليها..

ريفان هزت راسها..

_حرفييااا..

-وايت دي لقيتيها وين؟

=دي الاسورة الجبتها ليك الضيعتيها؟

ريفان هزت راسها..

-لا لقيتيها ف شنطك القديمة؟

هه..

م عندكم فكرة..

ريفان ضحكت ضحكة استهتار..

_انتو عارفين لقيتها وين؟

التلاتة رمشو وعاينو ليها منتظرين سعرفو و هم بتزكرو ف الدرامات العملتها فيهم لمن ضيعتها..

_لقيتها ف المطبخ حق بيت ناس حازم هنااك ف مانشستر..

كلهم لمن صرخو ليك 'ااا؟؟' دي ريفان لامن م ضحكت..

_حررفييياااا..

-وايت كيف يعني؟

_يعني كدا..يوم جيت راجعة ب بليل و حازم كان مرق قدامي و كان شايلها ف يدو و نساها ف التربيزة..

=حازم كان شايلها؟؟

ريفان هزت راسها..

-وايت هو وراك انو هو اخو نيفين؟

ريفان هزت راسها..

_و اعترف انو كان قاعد معاي هناك برضو ف نفس الزمن..لكن بعد م وريتو الاسورة و خلتو ف مكان ضيق..

=و هو اعترف ليك انو كان شايلها؟

_هه..م بس اعترف..لا هو كمان قال انو كان عارفاها حقتي..

=طيب ختاها ليك يعني؟

_لا..لانو اتخلع و تقريبا اعترف لي..

نون كرفست وشها..

=لا دقيقة م فهمت يعني قصدو شنو؟

ريفان طلعت نفس طويل..

_قال لي what do you think؟

-كيف يعني؟

_م بعرف..قال لي انتي فكري ف الموضوع لحدي م نتلاقي المرة الجاية..

=هه..م شاء الله و المرة الجاية متين.

_اااخخ..اعتقد الا انتظر لحدي الاحد لانو مرق مع يوسف..

=ناس يوسف مشو وين؟

كلهم عاينو ل لينا..

البت حافظاه حفظ..

-يوم الخميس بمشو الميادين ال علي حافة العاصمة و بقعدو يسوقو..

_يسوقو؟

لينا هزت راسها..

-حازم عتدو جن كلكي اسمو سباق سيارات بحببو موت..و دايما بشترك ف سباقات هناك ف بريطانيا..

_هه..من النوع البسوق ب تهور؟

=بالعكس..سباق السيارات نهائي م تهور..دا احتراف..

_هه..ااي شيء فيها زيادة سرعة تهور..

=ي بليدة بعلم الزول ءرعة البديهة و التصرف..بعدين بحسسك انك حر و كدا..

ريفان لفت عيونها..

بتكرره بتكررره السواقة المتهورة..

_ااي و بعدين لمن تغفل ل ملي ثانية و ب سرعتك دي تأخد روحك و روح الحوليك معاك..

=اساسا انتي بس متعقدة من المواضيع دي..

_متعقدة ف عينك..

-غايتو انا بعرف انو حازم دا بسوق من عمرو 7 سنين..

هه..!!

سيعة سنين؟

_لايك هو كان بعرف يمشي اساسا؟

-هوي..

ريفان لفت عيونها..

هي حاليا متحسسة و متغايظة منو ب شكل م طبيعي..

-الولد دا مفتح..

_احساس بعرف يسوق و عمرو 7 و بمسك مسدس و عمروا 13 و انا الفرق بين الاوتوماتيك و المانيول م عارفاه شنو؟

قعدو يضحكو كلهم..

-غايتو اعتقد دا لانو كان عايش برا..ف الامكانيات دي كانت موجودة..

_موضوع المسدس بزات لا يصدق..يعني حاجة كدا..اخخ م تخلوني ابدا تاني زاتو..

كلهم قعدو يضحكو..

-موضوع المسدس دا بزات..اعوقد لانو اهلو مهوسسين بالرماية..

_واو..مهوسيين رماية و عربات و سواقة متهورة و كلو..حياة العصابات بس..

=حياة الناس البرا..

-بعدين منو القال ليك اهلو مهوسيين سباقات و عربات؟

_غايتو راجل اختو ابوبكر دا..نفس طينة و عجينة محمد..العربات ديل عيونهم..و..

ريفان سكتت..

عرفت انو اهلو بحبو السواقة منو..

اذا زاكرتها م خانتها هو الوراها انو ابوه بحب يسوق بسرعة و السباقات..

و تاني فجأة حست ب قلبها دا يطعن..

واي انا..

التفكير ف الحصل ليه ساي كاسرها..

_غايتو حازم دا الا يصبر لي يوم الاحد و نتلاقي زي م اتفقنا..

'اتقفتو تتلاقو وين؟'

صوت م غريب ع ريفان و لينا الاتنين خلاهم يتلفتو وراهم..

و الاحباط ظهر ف وش ريفان من م شافتها..

نشوة..

ريفان م بتكرهها..

بس حركاتها م بتعجبها لانها بايخة..

نشوة جات و هاك ي السلام ع نون و وابل و هم اساسا بعرفوها اسما بس و لينا بالاحضان و ريفان برضو..

اخخ انا..!!!

بتكره لمن تكون عارفة الحاجة فايك و مزيفة لكن برضو بتحصل..

لايك هي بتزيف و ريفان عارفة و نشوة عارفة و كل واحدة عارفة التانية عارفة..

طيب ليه الفايك الحاصل دا؟

دا لانهم بنات و دي حاجة اساسية عندهم..

اول م انتهت من السلام

=اها م قلتي لي..

ريفان رفعت راسها عاينت ليها..

=ف شنو خاليك تتلمي مع كتلة التلج دي..

ريفان ضحكت..

_مواضيع بس..

نشوة قعدت..

=وبعلي دي مواضيع شنو البتخص حازم و م بعرفها دي؟..خطير الموضوع؟

التلاتة بنات بقو متحيرين فيها..

والله بس بعاينو ليها و فاتحين خشمهم..

و ريفان هااك ي السفهة..

_والله هي م خطيرة..

=اها طيب ف شنو؟..

ضحكت و هي بتكمل..

=وشك م بطمن..

ريفان ابتسمت..

_والله انا زاتي م عارفة..الموضوع ف يدو هو..قال لي لامن م نتلاقي تاني و مشي طوالي..

نشوة ابتسمت ابتسامة انتصار..

حست ب اطمئنان لانها فهمت انو بعاملها ب نفس البرود حقتو دي و بسفه..

نون فهمتها ليك و اتغاظت..

كلهم فهموها ليك و ريفان اساسا قررت تعمل رايحة..

=غايتو اذا عاوزة تعرفي اي شيء عنو تعالي لي بدل م تتعبي روحك معاه..الولد دا كتلة و نادرا م يتفاعل مع زول او حتي يعاين ليه..

ريفان ابتسمت..

_بالجد؟

نسوة و بكل فخر هزت راسها..

ابتسامة ريفان زادت..

-غريبة..الولد سبحان الله بالجد كتلة تىج..لكن لمن يقعد معاك ي ريفان بكون بتونس و بضحك..انا زاتي لمن بتخلع فيه..لانو حازم البشوفو م ياهو حازم حق حكاوي يوسف..

ريفان هزت راسها.

.

_حتي انا انتبهت ليه..اول ايام كان كدا لكن بعد الحصل المرة الفاتت بقي ظريف شديد..

نون طوالي اخذت الفرصة و ادخلت

نون:بعدين هو مالو ضحكتو كسارة كدا..

نشوة دي جرت ليك حميرة ل نون..

نشوة:اساسا حازم دا بتاع مزاجات..يكون الليلة ببتسم ليك و بكرة يعاين ليك و يقبل و لا يسلم زاتو..كتلة تلج من يومو..

نون عاينت ليها..

نشوة:اعتقد ف ناس قليلين جدا جدا جدا ف حياتو هو بحبهم بالجد و بتعامل معاهم ب قلبو بالجد و ب حب..الباقي كلو سافهو و هابيه ف الريح..

وابل:شكلك بتعرفيه كويس..

نشوة ابتسمة ابتسامة انتصار..

نشوة:بعرفو لي قريب ال5 سنين..و صدقيني اسمعيها من زول هو يعتبر من الناس القلائل ديل جدا ف حياتو هو والله انسان طيب و عسسل شديد لكن مع الناس القلائل بس..

ريفان عاينت ليها و ابتسمت..

نشوة:ف عشان كدا ساي عسان م توجعو قلبكم و يتكسر بعدين احسن الزول يكسر حنكو من بدري..الولد م بدخل ناس ف حياتو بقي..

ريفان عملت رايحة..

كانت عارفة الكلام موجه ليها..

و كلهم لهمو الكلام دا..

هه..

منو اساسا القال ليك عاوزة تدمل ف حياتو..

ي حبيبتي هي فجاة فتحت عيونها و لقت حياتو منغمسة جوا حياتها غصبا عنها..

اخخ..

م نفسها تتكلم معاها و لا تفسر ليها حياتها زاتو..

حازم العاجبها دا خليها تشبع بيه..

التقول ريفان دايرة بيه شيء..

بس عاوزة تفهم والله بس..

حريقة ف الباقي دا..

و حركات البنات دي بترفع لبها كثافتها ف دا م بنفع والله..

نشوة:بعدين انتو عارفين انو هو معقد نفسيا..

ريفان عاينت ليها..

نشوة:حصلت ليه حاجات ف حياتو عقدتو من كل شيء..

ريفان عاينت ليها و ضحكة ضحكة استهتار صغيرة..

نشوة شكلها عارفة الحصل ليه..

كيف ممكن تقول كلام زي دا؟؟

نشوة:ف احسن الزول يبعد منو عشان م يتجنن فيه..

_هو الحصل ليه هين؟؟؟عليك الله لو ااي زول مرا بحياتو ساي كان بكون مشي رمي روحو من البحر..يتجنن شنو؟عندو ةلحق انو يسوي اي شيء..

نشوة م قدرت تخبي الصدمة ف عيونها..

عارفة؟

معقولة عارفة بالحصل ليه؟

استحالة بكون وراها..

استحاالة استحاااللةةة..!!

طيب عارفة كيف؟

يوسف ورا لبنا و لبنا ورتهم؟؟

نسوة عاينت ل وش لينا..

لينا زاتها م كانت فاهمة..

م عارفة ظاهر علبها..

بعدين استحالة يوسف يوري او يتكلم عن الحصل مع زول..

حواجبين نشوة اتلاقو..

و فجأة تحسي كل شيء كان مزيف وقع من وشها حرفيا..

ريفان شافت التحول الحصل ل شكلها..

هه..

الا الزول يعمل ليك كدا عشان تسكتي؟

نشوة:انتي عارفة الحصل؟

ريفان عاينت ليها ف وشها و قبلت..

نشوة طوالي مسكت كتفها..

نشوة:عارفة الحاصل لبه ف حياتو؟

ريفان عابنت ليها..

كانت عاووة تفتح خشمها و ترد لبها و كمان تردمها و تشاكلها ع الكلام القالتو دا لكن صوت نغمتها قاطع كل شيء..

ريفان طلعت التلفون من الشنطة..

الكم ثانية دي شوية خلت الغضب الدخل جواها من نشوة يختفي..

و قررت م ترد ليها و تخليها ب حالتها دي..

ريفان طوالي فتحت التلفون و ردت و قامت من مكانها..

نشوة كانت بعاين لبها..

كان نفسها تسيل التلفون و تكسرو و تخنقها لحدي م تمرق منها كلام..

بس م بنفع..

عاينت ل لبنا و وابل و نون..

لقتهم متحيرين فيها و ريفان..

حتي نشوة اتحيرت..

و كأنو كانو بتشاكلو و هي و يفان و ريفان سافهاها..

هه..

قايلة روحها منو الغبية دي؟

نشوة هزت راسها..

عليك الله جاية تقارني روحك مع البت دي؟

واحدة شافها اول امبارح و متسلبطة فيه مكسرها و عاملة تقيلة م اكتر؟

عليك الله البت دي م بتساوي جزمة ف عالمو..

ف شنوا استكيني و ابردي..

بعد م بردت نفسها بالكلمات دي نشوة قامت من جمبهم بعد م ابتسمت ليهم تاني اخر مرة..

◇◇◇◇◇◇◇◇◇◇◇◇◇◇◇◇◇◇◇◇

ريفان قامت ع حيلها و ردت طوالي

_الوو..

-الوو..

الصوت الفي الطرف التاني خلي ريفةن تجممد ف مكانها..

رجعت عانتي للاسم..

محمد..

استغفر الله..

بس م تزكرو..

وحسي هدا صرب ليها..

هي من م رجعت م اتكلمت معاه..

اعتقد قرر ينتظرها تهدأ شوية كدا و تاني يضرب..

ريفان رجعت التلفون ف اضانها تاني..

_...

-الوو..

_اممم..

-انتي لسا زعلانة؟اقفل و انتظر تاني؟

ريفان ابتسمت..

_اهه..حتي و لو زعلانة م مشكلة لانك للتو ساعدتني امرق من موضوع..

محمد ضحك

-يعني اتصالي جا ف وقتو..

ريفان ضحكت..

_بالظبط..

-يعني تمام التمام..

_تمام..

-صافي ي لبن؟

ريفااان دي الضحك شرطها..

-والله الا اسمعك تقوليها..

_قشششطططةة..

وهي بتسمع ف صوت ضحكتو ف الجزء التاني من التلفون ياداب ورتها و وعتها هي اشتاقت ل خالها دا قدر كيف..

-اها الاخبار و الامور..

ريفان طلعت نفس طويل..

_اسكت ساي بس..الجامعة مطلعة عيني..

-السمستر قرب ينتهي صح؟

_يعني كم اسبوع و تاني للامتحانات..

-ايوااا يعني فترة و تفضي..

ريفاز ضحكت..

_جتي و لو فضيت قبل م اخلص اشك اقدر اجي تاني

-تخلصي شنو؟

_اخلص جامعة..

-اا؟؟لييه؟؟..

_هو شنو هو اللي..اساسا انا ف نهاية تانية باقي تالت و رابع و خامس بس..

صحكة استهتار محمد من الطرف التاني كانت عالية لدرجة انو خي ممكن تتخيل شكلو كيف و هو يضحكها..

-احلي شي بس الفي النهاية د

ي..

_ياا هناي م التفاؤل مهم..

-جد والله..

ريفان ضحكت..

_و ايثار خبرها شنو؟

محمد ضحك و هو بقول

-كويسة والله..بقت بتقدر تشوف و تلغوس ليها كلام كدا..

ريفان ضحكت..

_واي انا و حلاااااتي الكيووت العسسل..

-ااي م شاء الله عليها..

_جو هم صح؟

-ااي جو هنا ليهم كم يوم..

_ووصلو كيف؟هي و المدام؟

-كويسين والله بس تعبانين شوية مع الرحول..

حواجبين ريفان اتلاقو

_رحول شنو؟

-اا..انا صح ضربت ليك اوريك..رحلت خلاص..

_رحلت من بيتك داك؟

-امم..

_احسن زاتو ان شاء الله لقيت ليك بيت مناسب ف الزحمة ديك..

-هه..الزحمة ديك خليتها تبب!!

ريقان استغربت..

-انا رحلت مانشستر..

_ههااه؟؟؟

صوتها كان عالي لدرجة انو الحوليها اتلفتو عليها..

ريفان مشت قعدت و تمت باقي الكلام..

_كيف يعني رحلت؟

-والله ابوبكر لعب براسي و اقنعني ب مانشستر..

_بسم الله..

-هههه..جد والله..احسن لي زاتو والله البلد ديلك..اسهل اربي عائلة حولين ناس بعرفهم..

الجملة دي بقت م بتأثر عليها شديد..

انو بقي عندو عائلة غيرها..

_رحلت وين ف مانشستر؟

-جمب ناس ابوبكر..بعديهم ب زي اربعة شوراع بس..

_هه..دا كلو و جمبهم؟؟

-دي اقرب شي لقيتها..

ريفان ضحكت..

_و خليت شغلك هناك كيف؟

-نقلناه كلو هنا..

_جد؟؟

-ااي..ابوبكر اقترح انو نخلي كم عربية هناك ف الورشة القديمة و نقفلها و نخلي الرئاسة هنا و لو ف مشتري ف لندن يتواصل معانا و واحد يمشي هناك عشان يتفاهم..

_اا..و بيتك طيب

-اجرتو ل عزابة هناك والله..و كل اسبوع بمشي ببيت هناك اتأكد من كل شيء و اجي راجع..

_م متعبه لكن؟

-متعبه لكن احسن لي..و حتسندني بعدين شديد..

ريفان هزت راسها..

-بعدين الحي الساكنين فيه كلز ي سودانين ي باكستانين المهم مسلمين و كيبين الحمدلله..

_احسن..

-قلت اخليهم يقومو ف بيئة مسبمة م مزدحمة زي ديك..

_هممم..

كلامو صح..

فكرها كويس..

ريفان ضحكت و محمد استغرب..

-بتضحكي مالك..

_بضحك لانو للتو جاني صوت ابوبكر يوم داك و هو بتحدي فيني انو حيخليك ترحل هناك..

محمد ضحك..

-ااي الحيوان دا بس بعرف يلعب ب راسي..

_حيوان انت لانك بتخليه يلعب ب راسك..

محمد ضحك..

-انتي اخبارك شنو..

ريفان ابتسمت..

اخبارها شنو؟

اممم..

حازم..

اعتقد دي الاخبار الوحيدة الجديده ف حياتها..

الولد الجاهاىمن ماف دا فجأة..

_محمد..انت بتعرف اخو نيفين؟

-ياتو؟الصغير؟

_اممم..

-قصدك حازم؟

_بتعرفو؟

-اممم..م شديد لكن..الولد انطوائي مقفول ع نفسو..

_بعرفني هو؟

-لي؟

ريفان سكتت..

-م اعتقد..هو بقرا ميكانيكا هناك ف الخرطوم ف رابع..

ريفان هزت راسها..

يب..

-مرات بلاقيه لمن امشي مع ابوبكر للرماية..

ريفان سكتت..

يعني احتكي بيه قبل كدا..

_بتتونس معاه كتير؟

-بعرفو كويس انا..لكن شخصيا كدا كلام لا..هو الولد الكلمات البقولها ف يومو محدودة..

_همم..

-يعني ممكن عادي يعدي سوم م يتكلم مع ابوبكر او ناس اليت..والله ايان و ما يحصل ليه شيء..الولد قليل الكلام و بارد و هادء بطريقة كدا تحير و تخوف..

هه..

ع الاقل م هي الوحيدة البتاخذ الفايب دا منو..

_بتتكلم معاه كتير؟

-لا والله..هو كلامو مع اهلو محدود خلي انا..

ريفان هزت راسها..

طيب لو م بعرفها من طرف محمد..

بعرفها من وين؟

-انتي لاقيتيه لمن كنتي هنا ولا شنو؟

ريفان سكتت..

هي م لاقتو..

لكن هو لاقاها..

حسي دي تشرحها لبه كيف🤦‍♀️..

-تقريبا كان قاعد برضو..

_م احتكيت بيه شديد هناك..

-امم..لاقيتيه ف الجامعة ولا شنو؟

ريفان طلعت نفس طويل..

_يلا الموضوع معقد شديد و انا م فاهماه لكن لمن افهمو بوريك..

محمد ضحك..

-اووه..بتي بتكبر..بقت تتحير و تتعقد من الاولاد اخيرا..

حواجبين ريفان اتلاقو و محمد قادر يتخيلها و هي يتلف ف عيونها..

_انت بس اعرف لي ل دا..

-لكن غايتو حازم دا..انا م بحذرك منو..لكن صراحة النوعية الزيو نادرة..الولد يارد ل درجة العوارة..و انا راجل زيو م بعرف اتعامل معاه كيف ف انتي حتتحيري حيرة..

_انتو ليه كلكم بتقولو كدا..بالعكس..الولد تعاملو معاي حلو جدا..بتخوفوني..

-يعني بتعرفيه و احتكيتي بيه..

ريفان طلعت نفس طويل..

للتو وقعها ف الكلام..

و هي لسانها اتزلق..

_والله اوريك اول م اعرف..

-طيب..انا لازم اقفل..

_طيب سلم ع المدام و ع ايثاار شدييييد ششديييد..بوسها لي..

محمد ضحك

-سلمي ع ناس امي و ديل..

_امم..

-ابوبكر بسلم عليك بالمناسبة..

ريفان ضحكت..

_سلم عليهم برضو شديد..

-طيب يلا..

_يلا..

و طوالي قفلو..

ريفان عاينت للسما..

زهجانة و اخلاقها نخرتها..

نفسها تقع ف ارضها دي و بس تنوم..

◇◇◇◇◇◇◇◇◇◇◇◇◇◇◇◇◇◇◇◇

حازم كان ماسك المسدس ف يدو و هو بحاول يفهم يوسف كيف يمسكو صح..

كان فاضي م معبي..

بس يوسف برضو متوتر..

حازم دا شمتان فيه ب شكل..

_عاين انت فهمت كيف بتفرتك و بتركب؟

يوسف هزا راسو..

_طيب عاين..

حازم رفعة براحة..

_امسسكو من هنا..الوسطي ف مكان الزناد احسن..و السبابة عشان تساعدك توزن..الخنصر و البنصر تحت اسند بيهم اليد التانية و هي ماسكاه..

حازم براحة رفعو و يوسف بعاين..

_حاول قدر الامكان م ترجف..ثبت

يدنك الاتنين و م تحرك الوسطي مهما حصل الا لمن تكون عاوز تطلق..لانو اذا اتحركت بالغلط و ضغتها..

يوسف عاين ليه و بلع ع ريقو..

_حتفطس حجرك و حجر القدامك..

والله العظيم..

كمية البرود الجواه..

و الطريقة القال بيها الجملة دي..

بتخلي يوسسف..حتتي يوسف يتحير مرات ف صحبو دا..

-م كل الناس بمسكون زيك..

حازم ضحك..

_انا م زي كل الناس..

يوسف هزا راسو..

كلامو صح..

_الطريقة قديمة..علمها لينا جدي لانو بقول بتساعدك تتحكم ب كل اطراف يدك ب حاجة خطيرة و مميتة زي دي..

-هه..جدك دا والله غريب مرات..

_لكن..لحدي يوم الليلة..يدو م بترجف و م بفوت ضربة..

يوسف ضحك

-الحاجة لمن تبقي منك و فيك مشكلة..

حازم عاين ليه و قبل..

الحاجة لمن تبقي منك و فيك مشكلة..

تني راسو بالجمبة..

الجملة دي بتمثلو جدا..

حرفيا بعد م ريفان دخلت جوا عقلو منها و فيه كدا و هو زاتو م فاهم..

بقت اكبر مشكلة ف حياتو..

الولد بتجنب ف سيؤتها و تفكيرها من قبيل..

و حسي و هو اتزكرها..

م قادر يوقف الفزع الحاصل جواه..

هو كيف ممكن يغلط غلطة غبية زي دي..

حازم حكي حاجبو ب الزفت الشايلو دا..

يوسف طوالي قام من جمبو..

-ي مان انت حركات الجنون التحت تحت دي لازم تحاول توقفها..

حازم كان مصر يختو ف حاجبو و هو برد

_شنو؟

-انك تحيب الزفت دا جمب وشك او راسك..

لمن حازم عاين للمسدس..

رمش مرتين و طوالي رفعو ع يوسف..

الولد دا طوالي رفع يدينو قدامو و رجع خطوتين ل ورا..

حاز بستمتع يعملها كل مرة..

م قدر يمنع الضحكة المرقت عالبة دي..

-انت قايلها ممتعة؟

حازم مسك المسدس ب يدو التانية و قفل عينو اليمين و اشر ع راس يوسف..

يوسف دا والله واقف ف جمر بس..

و جراها ليك..

طلعا منها صوت بوحي ليهم انها فارغة..

حازم ضحك ع الخزفة الدخلت جوا صحبو رغم انهم الاتنين عارفين انو فاضي..

_انت م ممكن تكون بتخاف كدا..

-و انت م ممكن تقعد تلعب بيه كدا..

_هو فاضي..

-هه..احساس م حصل لعبت بيه و هو معبي مليان؟؟

_انا م بلعب بيه زاحد..و اتنين بكون مأمنو تحسبا بس..

-هه..يوم ادقس م تأمنو جرها بالغلط و موت..

حازم ضحك ب استهتارية..

_ي اجرها و هي مأمنة او م اجرها و انسي اآمنها..م بغلط مرتين ورا بعض..

يوسف ضحك..

-اخخ مشكلة..

حازم قبل..

مشكلة هو والله..

يمشي وين و لا يقبل وين مع البت دي..

ياااااااااااااا الله!!!!

والله والله والله حرفيا كرهتو حياتو والله..

لايك م معقولة معاها..

والله م معقولة م معقووللةةة!!

الولد يموت؟

يمشي يسوي ليها شنو؟

ياخ والله اعتقد احسن حاجة عملها انو خلاها تتحير..

لمن قال ليها فكري فيها..

عاوزها تقعد اليومين ديل و بس تفكر فيه و تفكر ف المصائب الماموجودة..

امكن يتسدي حقو شوية تحت فهم انها دايما قاعدة ف ركن عقلو ليها تقريبا سنتين..

خليه هو يكون الموضوع الاساسي البتفكر فيه لمدة يومين..

م نفس الشي و لا بجو جمب بعض..

لكن بتطفي نار الحرقة الجواه شوية..

-انت قبيل ريفان مالا؟

حازم عاين ليه..

فرتك المسدس و ختاه ف الصندوق الجمبو..

_لقت اسورتها..

حواجبين يوسف اتلاقو و هو م فاهم شيء..

لمن حازم ختي الصندوق ع الفربية و جا قعد جمبو تاني ف المصطبة عاين ليه..

حكي لبه الحصل و بعد م يوسف اخد شماتو فيه و ف انو م بغلط كدا و اتخلع ع الحصل..

حازم كان ساكت بس..

يوسف يسكت و يشمت يسكت و يشمت..

و حازم جز معاه و جزء مع تفكيرو بحاول يعرف هو حيسوي شنو لمن يلاقيها..

◇◇◇◇◇◇◇◇◇◇◇◇◇◇◇◇◇◇◇◇

السبت جا و ريفان قامت ع حيلها..

امبارح الجمعة قضتو مع ناس اخواتها..

و ابوها جاي الليلة..

يب..

جاي الليلة و حتلاقيه..

ريفان كانت متوترة شديد..

و بقت مشغولة ب هم ابوها اكتر من موضوع الاسورة و المشروع المحيرنها ديل..

والله راسها لو بقدر بالجد ينفجر..

كان عمل 'طاااااااخخخ' زمان و فجر معاه باقي جسمها بس..

ريفان قامت ع حيلها..

امبارح اول مرة تنوم قدر كدا ف حياتها..

نامت 4 ساعات ي جماعة..

4 ساعات كااملااتت..

حتي هي م مصدقة!!..

البت م بتقدر تنوم..

والله التقول عندها مرض..

ممكن تجرها 4 ايام ورا بعض عادي..

و لمن تجي تنوم م تفوت ال7 ساعات بعد ال4 ايام دي..

امكن لانها اتعودت ع التعب و عدم النوم ف معمار م عارفة..

لكن غايتو الشافعة هي متحيرة..

لانو ممكن تكون تعبانة و راقدة ف السرير لكن اصلو م تنوم..

عقلها دا بس شغالو شغال..

مغمضة عيونها..

و هي صاحية و واعية بالحوليها..

ريفان مرقت و لقت حبوبتها منتظراها تشرب معاها القهوة..

ريفان مشت عليها و قعدت بعد م استحمت و صلت و كلو..

-المصحيك بدري شنو ي بت؟

ريفان اتخلعت..

_سججمميي..انتي عارفة امبارح نمت كم ساعة سوسي؟

حبوبتها عاينت ليها..

_4 ساعات..

الاحياط ظهر ف وشها رفعت يدها تضربها لكن ريفان جلتها..

-انتي بتستهتري ي بت؟؟

ريفان ضحكت و طلعت نفس طويل..

_انتو م قادرين تصدقو..انا عندي مشاكل ف النووم..عندي مشاااكل..والله لمن انوم م بصدق..

حبوبتها لزت ليها راسها..

-المشاكل الوحيدة هو الزفت دا..لو وقفتيه من الشغل احسن ليك..ريفان ضحكت و شالت تاكل من الكيكة..

_ي

اتو حقي؟

-حقك دا المافيه سكر..

ريفان ابتسمت و قامت تتطوطح..

_لي زمن م جربت كيكتك..

-دا لانك بتمرقي بدري..

ريفان ضحكت..

قعدو ياكلو وشربو و اتونسو..

ريفان حكت ليها كل شيء عن حازم امبارح و جبوبتها قالت ليها الا تمشي تواجهو وتفهم منو الموضوع كللو..

شاغلتها و بتسألها لو سمح ولا لا عشان لو سمك خلاص تسامحو وتربط معاه و لو م سمك تسامحو و تصوحبو..

اخخ انا من عنصرية السماحة دي🤦‍♀️💔..

وهي لسانها فلت و قالت ليها زول سمح زيو يعاين لي ليه..نشوة دي بتمالي عين الزيو..

و لمن زكرت نشوة كمان اضترت تتكلم عنها و توريها..

قاعدين يتونسو ساعتين او 3 الا عادي..

حتي بعد داك زول من البيت قام دخل الحمام ياداب..

_بيت ميت والله..

حيوبتها ضحكت..

_بعدين نحنا كملنا الكيكة كلها..حيجو ياكلونا..

-م ذنبنا انهم نايمين..

ريفان ضحكت..

_هم مجدعين كدا ناسين انو ابوي جاي..

حبوبتها صحكت..

-جاي يسوقهم خلاص..يحليلهم..

ريفان ضحكت..

_ع الاقل يخليهم يقعدو لحدي نهاية اليوم ليه يحي يسوقهم بدري كدا..

-اسكتي انتي..والله هو لو لقي كان ساقك انتي برضو..

ريفان ضحكت

_احسن زاتو..

حبوبتها حممرت لبها..

-اقعدي قلي ف ادبك كويس و بعدين استحكلي شكلة الشعر..

ريفان ختت يدينها للاتنين ف راسها..

الليلة سجممها..

-زعم انو خفت شديد و ق بت تقلب اسود بس برضو ملحوظة..

ريفان بلعت ع ريقها..

الليلة سجممك..!!!

ريفان خافت ب شكل..

الخوفة ديك تاني رجعت ليها..

حبوبتها شافت الخوفة ف عيونها ف عشان كدا طوالي قامت تهديها..

-م تخافي م حيحصل شي بس حتاخدي ليك نهرة.

_انتي م فاهمة..حيمشي يشاكل ماما يقول ليها دا كلو بسببك انتي و المشاكل حتدور تاني..

-اها ويعني م يتشاكلو..

_سوسي م ممكن يتشاكلو ف كل نفس يتنفسوه..

-هم من ما اتلاقو كدا م حتقدري تغيري شيء..

ريفان طلعت نفس طويل..

-انت م مصدقاني..لكن امك و ابوك من يومهم كدا..امكن ااي اطلقو..لكن ل يوم الليلة م اتغيروا..لسا بتشاكلو ف اتفه الاسباب..بس الشكلة و طريقتها و حوارها و كمياتها اتغيرت مع مرور الزمن و الوقت و ابسنين عليهم مع بعض..

ريفان اكلت من كيكتها..

-انا قلت ليك..من اول يوم شفتهم..كنت عارفة الاتنين ديل اخرتهم طلاق..انا مصدومة هم دامو لحدي كدا كيف زاتو..

_وانتي كيف تعملي كدا ف بتك..تكوني عارفة دا حيحصل و تخليه يحصل..

-انا م كان بقدر اغير ليها رايها و لا تفكيرها..

ريفان سكتت

-و انت زي امك..مافؤ زول بقدر يركب راس ع راسك..

ريفان ضحكت..

جملتها ضحكة..

-people and time might change..but feeling rearly do..

(ربما يتغير البعض و الزمن..و لكن المشاعر نادرا م تتغير..)

ريفان عاينت ليها..

-مافي زول بقدر يظنع القدر..الكاتبو ليك ربنا م بتقدر تهرب منو و لو دخلت تحت الارض و ادسيت..

كلامها صح..

-بعدين كل شيء فيها حكمة..لولا امك و ابوك م كان رزقت ب حفيدة تكون بيست ف اخر السنين..

ريفان ضحكت..

_يطول عمرك ي رب..

-شوفتي..المواضيع مؤلمة و بتكسر و كلوو..بس بنقدر نتجاوزو..الالم م بقدر يقتل..الانسان بقدر يستحمل اكتر و اكتر مما بتخيل..

ريفان عاينت ليها..

-حسي انتي اذا ربنا كاتب ليك اخرة مع الاسمو جازم دا..والله م لو ةنتي قايلة روحك شينة و هو ملاك..والله لو ممسحة بالطين و التراب اخرتك معاه..خلي فهمكم الغبي الجديد ف جيلكم دا..الا السمح مع السمح و السمحة مع السمحة و دي سمحة لكن بس لو كان في كدا ف وشها او مافي كدا ف وشها كان بقت احلي..

ريفان ضحكت..

احساس فجأة الموضوع قلب عنها..

-يااخ خلو تنظرييكم دا..الاشكال فانية فااانية..مافي شي اسمو سماحة..ربنا خالقك كدا و انت م عندك فيه يد..واي زول يقول عكس كدا متخلف و غبي و معقد..الاشكال م بتحدد كل شي..

ريفان هزت راسها..

-الجمال جمال الاخلاق و الجمال الداخلي..اعتقد لو الانسان بقدر يشوف رزح البشر بدل وشوشهم المتخلفة دي كان كل شيء حيكون مختلف و ابسط و اوضح..

ريفان عاينت ل كبايتها و ابتسمت..

حبوبتها الوحيدة البتعرف ترفع ليها معنوياتها بزات ف المواضيع الزي دي..

حررفيااا...

الباب ضرب..

ريفان بلعت ع ريقها..

كان ابوها..

فتحتو الشغالة و ريفان قامت تستقبلو..

خليه يشوفو من اول شيء و كدا..

بس ان شاء الله مزاجو يكون كزيس..

اساسا كل شيء ف حياتها و حياتو بتمشي ع مزاجو..

ابوها اول ما شافها ضحك ليها..

و اول م شاف شعرها طوالي اشر عليه..

-دا شنو دا؟

و رغم انو اشر عليه..

لكن برضو ضحك ليها و سلم..

مزاجو كويس الحمدلله..

-دا شنو العملتيه ف روحك دا؟

ريفان بس ضحكت..

ف موابف زي دي هي بس بتضحك..

-شششيينن..والله شييين شنة..

ريفان ضحكت زيادة..

رغم انو كاان جادي شديد..

هي برضو قررت تضحك..

دا الشي الوحيد البتعرف تعملو ف حاجات زي دي..

-اووعا تقولي حيقعد كدا للابد؟؟؟

ريفان ضحكت..

رغم انو م كان جادي لكن ف منتهي الجدية..

_لا لا بزح بعد كم اسبوع.

-و عملتيه وين؟؟

_ف بريطانيا..

ابوها طوالي قلب وش

-والله م شاء الله..صياعة جد هنااك..

ريفان سكتت..

لبوها كان جادي ب شكل..

و هي بس ي تضحك ي تس

كت..

ابوها كان جادي و حست بيها خربت ليه مزاجو..

بس لمن اخوانها جو مارقين و طوالي ساقهم و لا دخل سلم ع امها خلاها تطمئن شوية..

ع الاقل م حيتشاكلو ب سببها..

◇◇◇◇◇◇◇◇◇◇◇◇◇◇◇◇◇◇◇◇

يوسف و لينا مرقو مع بعض و صاعو خلطو و اكلو و تمو كل شيء..

اليوم مشي عادي و حلو زيو وزي ااي شيء تاني..

-اها..

_اها شنو؟

-لسا زعلانة مني؟

لينا صحكت..

_ااي والله..بعد الصياعة و الضحك و الونسة دي كلها لسا زعلانة منك..

-ه ه ه ه ..م تستهبلي..

_طيب انت م تسأل اسئلة هبلة و غبية..

يوسف ضحك..

-طيب ارح نشيل ايسكريم..

لينا ضحكت و واقفت طوالي..

نزلتو يشترو الايسكريم..

يوسف قال ليها تقعد تنتظرو و هو يجيبو..

لينا كانت قاعدة بين الناس..

المكان مزحوم شديد و خلي لينا تتشوق عشان تجربو..

و هي بتعاين حوليها..

لمحت البنات والواقفين بدام يوسف بتكلمو عنو وبقطعو..

يويف م كان منتبه ل شيء لانو ف تلفونو..

ف النهاية..

واحدة فيهم قررت تلفتو وتتكلم معاه..

واي انا من الخفة..

لينا عابنت ليه..

حست ب شوية زعلة..

هي عارفاه حيقيف معاهم و يتكلم و يتونس و ممكن عادي يشيل ارقامهم..

و الشيء دي زعلتها و كسرت المود حق اليوم كلو..

رغم انو يوسف م شايفها..

لكن هي شايفاه..

بين الناس بعد حركى منها قادرة تلمحو..

طلعت تلفونها..

م كانت عاوزة تشوف المنظر..

عشان بعدين لمن يجي يقول ليها الصف طويل و يكون شراها م يكون عندها حاجة مرسوخة ف راسها مختلفة..

لينا طلعت التلفون..

بس كتبت كلمة السر..

و رفعت راسها ع حاجة تتخت ف التربيزة..

يوسف كان جا و جاب معاه الحاجات..

حواجبين لينا اتلاقو..

ما وقف معاهم؟

هي نتأكدة انو م كان عارف انها شايفاه..

م وقف؟

يوسف ضحك

-بسم الله مالك؟

لينا عاينت ليه و قبلت

-مالك اتخلعتي كدا؟

لينا ابتسمت لبه

_ولا شيء..

يوسف ضحك

البت دي براءتها بتكسرو كل مرة..

_جيت بسرعة..

-امم..الصف كان طويل و كان ف كم بت لايقوات قدامي جو يتكلمو ف اخدت دورهم ف النهاية..

لينا م قدرت م تبتسم..

م عارفة بس فكرة انو كانت متوقعان يعمل شيء و عمل شيء مختلف تماما عشانها فرحتها شديد..

◇◇◇◇◇◇◇◇◇◇◇◇◇◇◇◇◇◇◇◇

ريفان مرقت من المحاضرة هي و معاها نون..

ديك الريدي سبقوهم للكافتيريا..

مشو و جو كلهم مع بعض..

اكلو و اتكلمو و اتونسو تمام التمام..

ريفان م لمحت حازم ولا مرة..

امكن م شغال الليلة..

و ناطي ساي..

او خاف و قرر م يجي من كليتو..

ريفان طلعت نفس طويل..

ةداساسا غلطانة هي الاتوقعت شي..

دملو اخر محاضرة ليهم و لقوها الغيت..

غدقررو يقعدو جوا القاعة و م يمرقو..

اتناقشو كويس ف المشروع و الدرجات..

حتي كانو شايلين هم المتحانات رغم انها بعيدة..

لكن برضو امتحانات نهاية السنة..

ريفان طلعت نفس طويل..

تلقاها وين ولا من وين..

كانو بتناقشو لحدي م ابو نون اتصل عليهم..

جاها بدري لانوورتو انو المماضرة لقوها..

وابل كانت بتطلع ف حاجاتها و بتلم فيهم..

ف النهاية مرت هي و نون و ريفان و لينا مشو يقدموهمو يرجعو البيت زاتو..

قدموهم لحدي قدام الكلية..

لكن لينا لمحت يوسف و مشت ليه..

شرت صحباتها تاني..

ريفان صحكت و كانت ماشة تقدمهم..

لكن الاتنين رفضو تحت فهم النرا الفاتت حصل شنو و انتي قدمتينا براك..

رغم انو ورتهم انو المكان نهار و لسا م ف شيء..

بس ديك اصروا..

ف النهاية رجعت ل لينا..

عاينت ليها و قبلت عشان تدخل..

لكن صوت يوسف خلاها تلتفت عليه..

=ماشة ع حازم؟

ريفان عاينت ليه ب استغراب..

هه..

هو بالله حازم قاعد؟

_قاعد هو؟

يوسف ضحك..

ب ورا قاعد..

مكان العريشة..

ريفان تنت راسها بالجمبة..

م كانت عاوزة تمشي..

مزاجنا قفل منو..

بس عاينت ل لينا..

و ملامح وشها اوكت ليها انو هي ناوية تطول الوقفة مع يوسف..

ف ف ي النهاية طلعت نفس طويل و دخلت الكلية..

م حتمشي ليه..

حتمشي تقعد ف الاستراحة بس..

اول م دخلت..

لمحتو قاعد ف الكنب القدام..

هه..

موش قال قاعد ب ورا؟

ريفان عاينت ليه..

كان الريدي بعاين ليه و مركز معاها..

تحسي انو مركز معانا من قبيل..

هي داخلة و مارقة و ما لمحتو بس..

و هي بتفكر حسي..

الولد دا ما لاقاها زول بكون مركز مع زول تاني بدون م ينتبه زي م هو صدف معاها..

دايما لمن يركز معاها م بتنتبه الا بعد فترة..

حاجة غريبة جدا والله..

ريفان مشت عليه براحة..

حست بيه منتظرها..

و كأنو عندو كلام عاوز يقولو..

ريفان قعدت قدامو و ختت شنطتها جمبها..

حازم عاين ليها و لا اتكلم..

-اها..

حازم تني راسو بالجمبة..

_شنو ال اها؟

ريفان استغربت..

التقول هدوءو اضاعف مليون مرة..

بسم الله..

الولد دا مالو؟

حازم عاين ليها و ابتسم..

-اولا ان-

حازم قاطعها ليك ف الكلام..

_انتي عاوزة تسألي اسئلة كتيرة..

ريفان سكتت و عاينت ليه..

_و عارفة اني م حارد ليهم كلهم..

ريفان لفت عيونها..

_وكلامك صح..م تاوز ارد عليهم..

-انت مفروض ترد..

_طيب عايني..انا برضو عاوز اسأل كم سؤال..

حواحبين ريفان اتلاقو..

م كانت فاهمة النقاش دا ماشي ع وين..

_ف عشان كدا عندي فكرة..

ريفان عاينت ليه ب استغراب زيادة..

_ انا اسألك س