الجزء 18

"و ستبقي اثار ضحكاته صدى ف عقلي الباطني تزورني ف ازمات احتاجها و بشدة💙🌸..!"

لينا عاينت ل نشوة و هي بتهبش ف تلفونها..

البت قاعدة بكل هدوء كدا و هي سااي م عارفة العاملاها ل ريفان و حيدر..

حواجبين لينا اتلاقو..

لكن..

هي لو م فهمت ش يء لمن قالت ليها كظا..

طيب..

الكلام دا انتشر بين الناس كيف؟؟

نشوة بحد زاتها م فاهمة ولا عارفة شيء..

طيب ليه كا هندسات بتتكلم عن الموضوع دا..

لدرجة وجود بنات عشواائييا يتكلمو عن الموضوع وهم اساسا ريحة ريفان م بعرفوها..

عقل لينا الباطني صرخ ليها اسم حيدر..

اتزكرت انو اسم حيدر اتزكر..

ي ربي قالو شنو عن حيدر؟؟

انو حيدر قال لبهم كدا؟

لا لا ياخ قالت حيدر وراهم..

هي قالت شيء عن حيدر..

متأكدة انها سمعت اسمو..

لكن قالت شنو؟

لينا تخاف تكذب والله لكن م عاوزة تظلم الولد..

بس الحارقها هو ليه اسمو يتزكر اساسا..

لينا اتغاظت منو و حيدر دا خلاص ختتو ف راسها..

فكرة انو عندو ولو ب بساطة حبة صلة بالشائعات المارقة دي..

يتكفت بس م اكتر..

لانها حركة غبية و متخلفة و م مفهومة و م ليها داعي اساسا..

دي م حركة يعملها زول بضحك ف وشك كدا..

ع حسب علم لينا..

حيدر دا بتكيف ل ريفان شديد..

بحب يشاغلها و يتونس معاها..

ف م اعتقد دي حركة منطقية يعملها..

لينا طلعت نفس طويل..

نشوة عابنت ليها

-لينا..

لينا عاينت ل نشوة

=اا..

-ف حاجة ف راسك..

لينا رمشت و هي عاملة رايحة

-و مضايقاك..من قبيل انا منتبهة ليك..

لينا ابتسمت ليها و عملت رايحة..

-لينا ف شنو؟

يوسف رفع راسو ف اللحظة ديك..

لينا و نشوة الاتنين عاينز ليه..

قام يكح شدييد..

نشوة طلعت باقة موية و ادتو يشربها..

شوية كدا و هدا..

لينا و نشوة الاتنين هزو راسهم..

ااي هو الولد الازمة قايمة عليه..

لكن كلهم عارفين انو هو ببالغ ف كل شيء..

لينا و نسوة الاتنين عاينو ل بعض و قعدو يضحكو..

الضحكة كانت تحت تحت كاتمنها عشان يوسف م يسمعهم..

◇◇◇◇◇◇◇◇◇◇◇◇◇◇◇◇◇◇◇◇

حيدر مرق من الكلية و هو متجه ع الكافتيريا..

كان مبسوط و هو ماشي ع ريفان..

م ينبسط كيف ع انو يخرب ليها مزاجها..

بقت حاجة اساسية ف يومو..

انو يمشي يعكر ليها دنيتها و يبوظ ليها مزاجها..

حرفيا دا بقي احد اهدافو اليومية .

لمن يشوفها تتحرق و تحاول تهدي روحها و تحاول نظهر انها م محروقة احلي شيء والله..

و ردودها القاصفة ب كل هدوء بتقولها و كأنو كلامو م اثر عليها لكن هيرحبت تقصف الجبهة ساي..

لكن هو مرات لتحير ف ضحكتها..

والله والل والله ضحكتها مرات بتكسروا ب شككل..

بتكون عاملة زي الشافعة و هي بتضحك..

و الشيس الحيروا انها م بتشتغل ب زول..

بتمشس الهي بتحس بيه ف كل شيء..

معظم الوقت بتكون بتحاول تظهر جانبها المشرق..

و حيدر بتحير ليه هي دايما بتعمل كدا..

يعني مرات هو زاتو بتحير و بحيرها معاه..

لمن يقوم يقول ليها ضحكاتك ديل مزيفات..

والله حيدر دا ممكن يحلف بالمصحف انو هو بشوفىالنار بتتكم ف عيونها و هي في صراع داخلي عشان تطفيها..

والله والله محيراه..

حيدر م بقدر يتخيل روحو بضحك ف اي شيء تاني قدر م هو بكون سمتان ف ريفان..

تني راسو بالجمبة و هو بفكر..

اتزكر كم مرة و هو بشوف ملامح وشها..

البتين الاتكلم معاهم قبل شوية..

اتزكر هي مرات بكون ظاخر عليها انها ضايعة بينهم كيف..

بحس بيها بتكون عاوزة تقوم بس لانها مقتنعة ف اللحظة ديك انها م بتنتمي ل مكانها دا..

و بعض المرات لمن يشوفها بتصحك كيف لدرجة انها بتشرق..

بحس بي ملامك وشها بتصرررخ انا ولدوني عشان اعيش اللحظة دي..

ب اختصار كبير..

بتح بسها انسانة مختلقة عن البقية..

كل مرة بشوفها ب شكل..

و ف نفس الوقت..

بتكون ياها ريافان الواحدة دي الماحصل ليها ااي شيء..

امكن دا لانها اتعودت انها تنشر الطاقة الايجابية حوليها؟

حيدر م عارف..

لكن البت دي فيها بعص الالغاز النفسو يفهمها..

والله ولا عاوز يحلها ولا فيه قدرة انو يحلها..

بس يفهمها والله..

و اولها هي ليه دايما مشرقة و مبتسمة كدا؟

حيدر لقي روحو ف الكافتيريا بعد تفكيرو دا..

دخل و فتش كويس..

لكن م لقاها..

حواجبينو اتلاقو..

هو متأكد انها م حتكون ف الكافتيريا التانية لانها بعيدة شديد من المكتبة العامة..

امكن تكون مرقت وهو م لمحها؟

حيدر مرق برا و بقي بعاين للناس الحوليه الماشين و براقب فيهم براحة براحة..

و هو بعاين..

لمح ناس مروة قاعدين و ك شلة كالعادة..

حواجبينو اتلاقو لمن استوعب انو الواقفة معاهم دي ريفان..

كان ماشي عليهم..

لكن شوية كدا و لمح ليك مروة شرطت ليك شيت ف يدينها..

حواجبينو اتلاقو وهو بعاين ل ملامح ريفان..

حيدر ق ب شوية عشان يشوفها..

البت كانت هادية..

الجو م كان عاجبو اصلو..

لكن هي هادية كدا كيف؟

امكن بتهدي ف روحها..

ويت دقيقة..

هي اللماها ع ناس مروة شنو اساسا؟

ريفان قالت حاجة هو م سمعها زاتو من الحركة الحوليه و عينو لرمروة تنفعل زيادة و ريفان مشت و ردت ليها و تمت مشيها..

حيدر لمن رجع عاين ل مروة..

كان ظاهر عليها انها م

ستعدة تنط ف ريفان و تخنقها ل درجة الموت..

حيدر ضحك ب تحت..

هه..

بالله ف مواقف مع ناس من برا بتقدر تسيطر عليها..

حيدر بلل شفايفو..

معقولة مروة تكون قالت ليها حاجة؟

انو هو الحكي ليهم و فهمهم باللفة انو حازم و نشوة كانو مربطين و حسي ربط مع ريفان؟؟

حيدر مشي ع ريفان عشان يفهم..

و هو ماشي عليها..

لمح حازم..

حيدر لفي عيونو..

الولد من يومو م بحبو والله..

بعد الموقف الحصل بينو و بين نشوة و حازم دل..

حيدر م بطيق حازم و لا بحب يشوفو زاتو..

لكن مستغرب..

مستغرب هو ليه خاتي عينو ع ريفان كدا..

ااي هو بعمل البعمل فيه عشان نشوة زب م بقول..

لكن اعتقد فضولو اتجاه ريفان بسبب اهتمام حازم عليها كدا اكتر ب كتير من تنفيذوا ل كلام نشوة..

ع حسب علمو..

الولد دا ممكن الزول يفتح عقلو و ما يفهم جواه ف شنو..

انو م بدخل الزول جوا راسو و بتعلق فيه كدا ب سهولة.

لكن..

اشمعنا ريفان؟

امكن بعرفها بالجد برا الجامعة و هم م عاوزين يذكروا الفكرة؟

هو متحير والله..

اعتقد عشان كدا هو مركز مع ريفان زيادة عن اللزوم..

حيدر هزا راسو و مشي علبهم..

كانو بتكلمو..

و الانزعاجرظاهر ف وش ريفان..

و ملامح الولد داك..

كالعادة م ممكن يحلل منها شيء..

جاها من وين هو زاتو فجأة كدا؟

حيدر م انتبه ليه نهائي..

=ريفان..!!

ع صوتو الاتنين اتلفتو عليه..

◇◇◇◇◇◇◇◇◇◇◇◇◇◇◇◇◇◇◇◇

الوقت كان اتأخر و وابل و نون الاتين قررو يرجعو البيت..

اخدو فترة و هم بفتشو ف ناس ريفان لينا عشان يوروهم..

و ف النهاية م لقوهم..

ف النهاية نون قررت تتصل ع ريفان..

طلعت التلفون و ضربت..

-اللوو..

_امم اللوو..

-انتو وين؟

ريفان عاينت حوليها..

_انا قربت اصل الكلية..لكن لينا الريدي قاعدة جوا..

-حيدر جاك؟

ريفان عاينت ل الجهة اليمين الفيها حيدر..

_اممم..

-هه..لاقيتيه حسي؟

ريفان قبلت منو..

_يعني قبل كم دقيقة..

-طبعا جا سألنا منك..

ريفان لفت عيونها..

نفسها تفهم هو ليه بحب يجي يحرق لليها دمها والله..

-و وابل طبعا قالت ليه الكافتيريا و ابت توريه ياتو واحدة

_هي وابل عارفة كيف لكن

نون صحكت

-بالظبط كدا..

ريفان ضحكت

-يااخ كان تشوفي وش الحيرة الركبتو ليه موبالغة..

صوت ضحكتها زاد زيادة و لفت انتباه حيدر اكتر..

-موبالغة والله لحدي حسي بتضحكني..

_هه والله البت دي..

نون تمت ضحكها و اتكلمت

-عايني الوقت اتأخر و انا و وابل راجعين البيت خلاص..

_بالجد؟

-اممم..بعدين م عارفة لكن حاسة حننمعط ف المواصلات و تنتشرة ب شكل..

_لا لا هي لو كدا امرقو بسرعة..

نون ضحكت

_ااي شيء ولا شرة المواصلات الكعبة دي بعد محاضرة ل دكتورة محمد

الاتنين ضحكو..

-خلاص وري لينا لاني م لاقياها..

_امم..تمام هو هدي انا قدام الكلية..

-جد؟

_امم..خلاص يلا..

-تمام يلا..

نون و وابل اتحركو ع برا الكلية عشان يلاقو ريفان و يرجعو ليها حاجاتها..

نون عاينت ل حيدر و حازم الماشين معاها ديل..

ادو ريفان حاجاتها و اتحكو يمرقو طوالي..

نون كانت حاسة بالتعاطف مع صحبتها..

واحد ملصوق فيها محل م ماشة و بس هوايتو يغيظها..

و التاني وقعها بالكلام و خلاها تربط معاه و حسي م عاوز يخليها ف حالها..

البت ف ال

تنين ملصوقين فيها اصلو م عاوزين يخلوها..

نوز طلعت نفس طويل..

الحاصل مع صحبتها دا اصلو م عاجبها و ما عارفة تفكها منهم كيف..

.

.

.

.

.

.

.

ريفان و حيدر و حازم مشو دخلو الكلية و اتحركو ع ناس يوسف..

ريفان عاينت ل لينا و لينا طوالي وقفت ع حيلها..

حازم قعد قصاد يوسف و لفتو و حيدر قعد جمبو..

و لينا و ريفان قعدو ف الكنبة القصادهم طوالي..

_يوسف..

يوسف رفع راسو ع صوت حازم..

_هاك..

يوسف شال البخاخ و اخد منو..

لمن جا يرقد تاني حازم جماه

_م ترقد..

يوسف عاين ليه و ابتسم

=يدبرصو جبتك من البيت الليلة؟

حازم لفي عيونو

_وبحاسبك عليها ف البيت لمن نرجع..

نشوة عاينت للساعة..

-يوسف نحنا لازم ندخل المحاضرة..

=م عاوز احضرها..

الاحباط ظهر ف ملامح نشوة

-والله تروح فيها..تعال اقعد ورا ساي..المهم اخد الاتيندنس..

يوسف لفي عيونو

=عاوز ارجع البيت..

-اووف..طيب ليه حلينا حازم يجيب البخاخ و يجي..كان نحليه يجي يسوقك و السلام..

=هو م جا يعمل كدا؟

حيدر ضحك..

الولد ي بستهتر ي والله م فاهم شيء..

ف كل الاحزال نسوة كان ظاهر عليها انها عاوزة تكفتو ب شكل..

حازم لفي عيونو و هو بسمع ف النقاش..

=انا جادي..

يوسفاد اتلفت ع حازم

=امشي اجيب شنطة اللابتوب حقتي من جوا و نمرق البيت..

حازم عاين ليه و تني راسو

_انا م همي..لو راجع معاي خسي ولا لعدين

=بس قلت اوريك..

لمن يوسف جا يقوم نشوة وقفتو

-لا خليك..انا بجيبها من جوا..

و نشوة طوالي قامت و مشت دخلت جوا تجيب شنطتو..

يويف رفع راسو و عاين ل حازم

=سوري..جد والله..كنت عارف انو دا اوفك الوحيد ف الاسبوع ف..

حازم لفي عيونو

_تعوضني بعدين بعد م توعي زي الناس..

يوسف ضحك

=عاوزني اسوي شنو؟

.

.

.

.

حازم و يوسف كانو بتناقشو .

و ريفان حكت ل لينا الحصل..

لينا رفعت راسها و حمرت ل حيدر لامن م ريفان لفتتها..

-والله ي ريفان دا

خيدر النشر الشائعات دي..

ريفان ضحكت

_قبيل قلتي نشوة و حسي قلتي حيدر؟

لينا عاينت ليها

-سألتها..

ريفان نططت عيونها

_سألتيها سنو؟

-اذا هي و حازم جد مانو مربطين او لا

ريفان رمشت مرتين..

-و هي اءتغربت لمن سألتها..م اعتقد انو دي هي..

ريفان بللت شفايفها..

سبحان الله..

جزء منها كان مقتنع تماما انو نشوة م عندها خبر..

-لكن اوريك قالت لي شنو بعدها؟

ريفان رفعت راسها عاينت ل لبنا..

-استغربت ليه سألتها .و قالت حيدر سألها نفس السؤال قبيليني ب اقل من 5 دقايق حرفيا..

_انا غايتو م عارفة..

-انا عارفة..نمشي ع الولد نخنقو خسي..

ريفان ضحكت

-ولا نوري حازم يخنقو..

ريفان سكتت..

-انتي وريتيه؟

ريفان اتجنبت النظر مع لينا..

-ريفان!!..

_اايواا ايوواا..

-م وريتيه؟

ريفان هزت راسها ب معني ااي م وريتو. .

لينا طلعت نفس طويل و ختت يدينها ف وسها .

-عشان كدا هو ما اتكلم ف الموضوع..

_اقول ليه شنو؟

-اسأليه..وريه السمعناه ف المكتبة..قولي اي شي

_قلت ليك انا لاقيتز كيف حسي..اتشكلت مع البت و هو جا لاجقني..

لينا طلعت نفس طويل..

ريفان دا حتشلها يوم من الايام ب تخلفها دا..

-عسان كدا حسي الجو هادي..

_عايني..قلت نحسم الموضوع مرا واحدة لمن نشوة تجي راجعة حسي دي..

لينا عاينت ليها

_موش احسن نقعد الاربعة نتفاهم ف الموضوع مرة واحدة بدل م الموضوع يكون مقطع؟

لينا بلتت سفايفها ز هزت راسها

-اعتقد..لكن الموضوع دا لازم يتحسم حسي دي

_ااي..اساسا انا عاوزة احسمو ب هدوء..

-اممم..

_بعدين عاوزة افهم حيدر دا..

-ااي بالله..ولو عاوزة تخنقيه تعالي لب طو-

=الشلابة..

الاتنين رفعو راسهم ع الصوت دا..

لينا وريفان عاينو ل بعض و تاني رجعو عاينو للبت..

-ليلي..

ليلي دي واحدة من بنات دفعتهم..

وااي انا..

شوفتو نوع البت المابتمسك خشمها عليها و بتحرجك طوالي و بتقول ااي شيء بس عشان تشوفك تدخل ف ضفورك؟

يلا دي شكلها العلمتهم و الربتهم كلهم..

موبالغة البت..

لامن م بتحير ريفان والله..

=وهيهييهيي..شلتي بت ف رابع؟م بتبالغي ي ريفان..

ريفان ابتسمت ليها

_وعليكم السلام..و منو القال ليك كدا؟

ليلي ضحكت ع رد ريفان لانو احرجها..

و ثراحة ريفان ندمت انها قالت كدا لانو كان شظاهر ع زش ليلي انها تحرقت..

و دي م حاجة كويسة لفصيلتها المحرجة دي..

=هه..الجامعة كلها بتتكلم عن الموضوع..انك شلبتي المز داك من نشوة..

ريفان لفت عيونها..

اعتقد نقطة انها قالت ع حازم مزز للتو حرقتها اكتر شيء..

ليلي ضربت ريفان ف كتفها هظار كدا

=وااي انا ي بت..م اتوقعتك تكوني كدا..

-هي م شلبتها..انتو ليه كلكم بتقولو كدا..

ليلي ضجكت

=لانو دا الحصل..هي شلبتها..

لينا لفت عيونها

و ليلي قبلت ع ريفان

=ي هناية قدرتي تشلبي المز دا من السمحة دي كيف؟؟البت مزة تقطع و مز مزازة اكتر منها..

ريفان لفت عيونها

_ممكن م تقولي عنو مز؟

ليلي ضحكت

=دي الحقيقة..دي شنو الغيرة التحت تحت دي..اكان م شالباه..

_عايني..م غيرة..بحس بالقرف و انتي بتقولي عنو كدا و انتي م عارفة الممكن يخصل ليك زاتو..اتنين افهمي ي مخلوقة م شلبتو ممااا شللبتو..شغلي طايوقك دا..

ليلي ضحكت و لولوت خشمها..

=اجيي..الزول يزعل من الحقيقة..

ريفان ختت اصبعها ع طرق راسها..

صداعها للتو اضاعف سبعة مرات بس ع صوتها..

المخلوقة دي م بتفهم؟

بهيمة هيي؟؟

ليلي كانت عارفة انها مغيوظة..

و كان نفسها تغيظها زيادة و زيادة و تحرق دمها قلة ادب بس..

=وينو هو انا عاوزة اشوفو..الجماعة قالو قاطع عديلك كدا..عاوزة اشوفو عابر قدر كيف؟

لينا رفعت عيونها و عاينت ليها..

ليلي قبلت منها لانها كانت شايفة السكاكين ف عيونها..

=اسمو حازم صح؟؟حتي اسمو قاطع والله..

ريفان رفعت راسها و عاينت ليها

_ي بت انتي م عندك موضوع غير انك تدخلي ف شؤون الناس؟

=شؤؤن الناس شنو؟انا بس عاوزة اشوفو..عندك ليه صورة؟

ريفان رفعت حواجبينها..

Hopeless case..

قضية ما منها امل البت دي..

موبالغة..

_ليلي انتي مخك مركب بالشمال؟

ليلي ضحكت

=م حصل سمعتك تتكملي كدا ف حياتي..

ريفان بللت شفايفها

_عليك الله شوفي ليك شغلة سويها و اقري ليك سورة من القران امكن تنفعك اكتر من فارغك دا..

=بقرا ف ميكانيكا صح؟خلاص بمشي بشوفو بر-

شوية كدا و ريفان و لينا و ليلي التلاتة عاينو للمخلوق القعد جمب ريفان..

_تمشي ل هناك ليه و انا هنا؟

ريفان رفعت حواجبيها..

و بقدر م انتو ممكن تتخيلو الجملة دي فريندلي قدر كيف..

ملامح وشو بتخوفك والله تخووفك..

عاين ل ليلي ب طريقة خلتها تبلع ع ريقها..

و كأنو تحسي بيها عارفاه عاوز يخنقها..

م عارفة..

لكن اعتقد لانو حازم دا فيه شوية سماحة..

و البرود و النظرات القاتلة دي..

بتخوف الزول امتر و اكتر و اكتر..

ليلي عاينت ل ريفان..

و لينا اساسا رجعت و اتكلت براحة ع الكنبة و عملت رايحة..

مرقت رزحها من الموضوع براحة..

حازم عاين ل ريفان

_دا منو دا الشلبتيه؟

ريفان عاينت ل حازم..

هو بستهتر ولا ما فاهم؟

هه..

دا الناقصها والله..

ليلي لفت عيونها..

الولد عامل رايح يعني؟

حازم شاف ملامح الاتنين و

استغرب..

_هه..اعتقد انا م فاهم شيء..كل اللقتو من النقاش انو انتي فاهمة انو ريفان شلبت زول..و انو دا انا؟

ليلي بللت شفايفها..

والله م قادرة تقول شيء..

والله نبرة صوتو براها مخوفاها..

معلومة ليكم..

الزيها بقدر يتراجل قدام البنات كويس لكن بتعفص قدام الاولاد..

و قدام حازم؟؟

هه..

دا بقطعها ل اجزاء صغيرة م بعفصها..

حازم عاين ل ليلي ف عيونها و هو بحاول قدر الامكان يفهم..

اوريكم حيل نفسية بستعملها حازم ف كل شيء؟

ب نظرات البرود حقتو دي..

بعاين بس ل عيون الزول القدامو..

جوا عيونو ب كل ثقة و هدوء و برود..

و والله الزول لو م اتوتر لتوتر يعني بتوتر..

النبرة الفي صوتو حاجة اضافية بتخوف م اكتر..

حازم رجع عاين ل ريفان..

_ولا فاهم غلط..

ريفان قبلت و ختت يدينها ف راسها..

لمن حازم استوعب انو ريفان م حتقول شيء..

رفع راسو عاين ل ليلي..

_اها..

ليلي عاينت ل ريفان عشان تساعدها و ريفان اساسا م انتبهت ل ليلي..

كل البتفكر فيه هي عملت سنو غلط عشان يحصل لبها دا..

ليلي عاينت ل لينا و لينا رفعت ليها اكاتفينها براحة احساس 'اوعا تدخليني ف النوضوع'

_هوي انتي..بتكلم معاك انا..

ليلي رجعت عاينت ل حازم

_بلعتي لسانك؟

ليلي لفت عيونها..

_هه..قبل شوبة قادرة تتكلمي و تمسكي حملة قصف ف يدينك..حسي حصل شنو؟

ريفان رفعت راسها ل ليلي

-ممكن تتكرمي و توريه الشائعات المقتنعة تماما انها صح؟

ليلي عاينت ل ريفان و رجعت عاينت ل حازم..

=الناس بقولو انو ريفان شلبتك من نشوة..

حواجبين حازم اتلاقو..

ااا؟؟؟

للتو سمعها صح؟

حازم ضحك

_سوري سمعتك قلتي انو انا اتشلبت من نشوة؟

ليلي عاينت ليه ب اتم الجدية..

حازم عاين ل ريفان

_اتشللت يعني شنو..

انتو م حتقدرو تتخيلو النظرات الاترسمت ف وش لينا و ريفان و ليلي لمن حازم قال كدا..

حازم زاتورلامن م حسي انو قال حاجة غلط..

ريفان رمست مرتين

-م عارف اتشلبت يعني شنو؟

حازم رفع حواجبينو

_الا اكون عارف؟

اوميقااد...

الصداع للتو اضاعف تلاتة الف مرة ف راس ريفان..

هو مالو بضاعف كدا وااي انا..

لينا:انت جادي ي حازم؟

حازم قبل ع لبنا بكل جدية و اعتقد كان محتاج يرد ليها..

لينا بللت شفايفها..

ليلي عاينت ليه..

اساسا نافي زول بتشوبر يوضح حاجة زي دي غيرها

=امن البت تشلب بت يعني تشيل حبيبها منها..فهمت..دا معناتا اتشلبت..

حواجبين حازم اتلاقو و الحبرة دي اترسمت بكل دقة ف وشو..

=ف حسي الناس بقولو انو ريفان شلبتك..يعني انت طنت مربط مع نشوة و ريفان شالتك منها و و خلتك تربط معاها هي و تكسر حنك نشوة..

حازم ضحك ضحكة استهتار

_اداة انا عشان تشيليني كدا؟

ليلي ثمت حشمها عليها..

_حاجة بتتداول انا يعني اكون عند دي و دي تشيلني؟

حازم عاين ل ريفان

_دي الافاظ البستعملوها البنات بين بعض؟

ريفان كتمت الضحكة و لمتها عليها و هي بتهز ف راسها..

هو جادي و ب اتم جديتو م عارف شلب يعني شنو؟

حازم هزا راسو لانو استعوب للتو جملة 'ريفان شلبتو من نشوة' للتو معناتا سنو

_ويت دقيقة دقيقة..للتو قلتي اتشلب من نشوة؟

ليلب هزت راسها براحة..

هه..

حازم م قادر يستوعب تفاهة الوضع..

_و انتو بركامل قواكم العقلية بين نفسكم كدا و بقية ناس الجامعة بتناقشو ف كواضيع تافهة و ما ليها وجود اصلا كدا؟

تحس انو حازم بدي ف محاضرة لبهم التلاتة والله..

حازم رفع راسو عاين ل ريفان

_انتي كنتي عارفة انهم بقولو كدا؟

-سمعتهم قبيل بتناقشو ف المكتبة ياداب..

_و م وريتيني ليه؟

ريفان بللت شفايفها

_د-لاني لاقيتك ياداب؟

حازم اتلفت عاين ل لينا

_وانتي كنتي عارفة؟

-ابدا والله..عرفت مع ريفان ياداب..

حازم رفع راسو عاين ل ليلي..

_وانتي..الكلام دا جبتيه من وين؟

=ناس الجامعة..كاهم بقولو كدا..

_بقولو كدا من وين؟

=ماعرفة

_الكلام دا سمعتيه اول مرة من منو؟

-واحدة ف خامس اسمها مروة..

_من الكلية دي؟

ليلي هزت راسها..

حاز ماتلفت عاين ل نشوة و هي بتخت الشنطة ف التربيزة..

_نشوة .

نشوة رفعت راسها عاينت ليه

نشوة:اممم..

جات وقفت جمبهم

نسوة:ف سنو؟

_انا و انتي كنا مربطين قبل كدا؟

نشوة للمرة المليون الحيرة تجي ف وشها تاني

نشوة:ممكن افهم ليه كل زول بسألني السؤال دا؟

حازم و ريفان الاتنين عاينو ليها..

البت شكلها زاتو زهجانة..

_سألوك يعني؟

نشوة:سألني حيدر و لينا و حسي مليون نفر جوا..

_وانتي بتقولي شنو؟

نشوة ضحكة ضحكة استهتار

نشوة:بقول شنو يعنيءداكيييد لا..انت ساطل ولا شنو؟

حازم عاين ل ليلي

_مككن تفهميها الحاصل؟

نشوة رفعت راسها عاينت ل ليلي..

=الطامعة كلخا بتقول انو ريفان شلبت منك حازم..

نشوة دي نططت عيونها الكبار ديل و بقو زي الكورة..

نشوة:ااا؟؟..

ريفان طلعت نفس طزيل..

وااي انا من الفارغ دا..

جد مرات المجتمعات ديل م بكون عندهم موضزع غير سيرة الناس..

نشوة:دا شنو الفارغ البسمع فيه دا؟؟

حازم رجع عاين ل ليلي

_البت الاسمها مروة دي..فاعدة حسي؟

ليلي هزت راسها..

_اضربي ليها خليها تجي حسي دي..

ريفان عاينت ل حازم..

-كازم..

حازم عاين ليها

-دي البت القبيل الكنت بتشكل معاها..

حازم رف

ع لبها حواجبينو

_م وريتيني ف لحظتها لي كان حسمت الفارغ دا من هناك..

ريفان بللت شفايفها..

حواجبين حازم اتلاقو لمن انتبه انو البت زاتها دخلت للتو الكلية..

ردت ع التلفون و ليلي بدت تتكلم..

=الوو..مروة انتي وين؟

=دخلتي الكلية ياداب؟

ليلي اتلفتت وراها..

شافتها و رفعت يدينها

=طيب تعالي لي انا الرفعت يدي شايفاني؟

البت اتلفتت و لعد كم ثانية لمحت ليلي و مشت عليها..

ريفان عاينت للبت تاني..

هه..

هي و ليليرلازم يكونو اصحاب..

الطيور ع اسكالها تقع..

شوية كدا و مروة وقفت و عاينت ل ليلي

مروة:مالك؟

مروة عاينت ل ريفان و طوالي كرفست وشها..

ريفان تنت راسها و رفعت حواحبينها

_انتي مروة؟

نروة عاينت ل حازم و هزت راسها..

جد مرات ريفان بتتحير ف حازم دا..

يعني جملة واحظة منو و خلت مروة تحصل ليلي طوالي..

_جبتي من وين كلام انو انا ريفان شللتني من نسوة..

حواجببن مروة اتلاقو..

و اخدت منها مسافة تستوعب انو دا حازم الولد الاتشلب من كلامو..

مروة عاينت ل ريفان

مروة:هه..جيتي حرشتيه علي ولا شنو؟

_بتكلم معاك انا م هي..

اللحظة الحازم قال كدا..

مروة دي عانيت ليه..

و هو كان بحمر ليها بس..

م بعاين ليها بملامح برود..

لا ب ملامح غضب..

مورة عابنت ل حازم و بلعت ع ريقيها..

ريفان حكت عينها اليمين..

اليوم دا شكلو حيطول..

مروة:دا حيدر القال كدا..

ريفان و لينا و حازم التلاتة اتحيرو و ف نفس اللحظة قالو 'حيدر؟؟"

مروة هزت راسها..

حازم قبل وراه..

لقاه م قاعد..

شكلو قام قبيل..

و لقي يوسف بعاين ليهم ساي..

حتي يوسف عاين قدامو و لمح انو حيدر م قاعد..

ريفان عاينت للبت

ريفان:قال ليك كدا بالحرف؟

مروة سكتت ثواني..

ريفان:م قال كدا بالحرف صح؟ديل انتو براكم الخرفتو الموصوع صح؟

مروة:م خرفناه..اساسا هو لمن ورانا نحنا سألناه من نشوة و هو م ردا لينا..و بعد كم يوم تاني جات واحدة قالت لينا انو هي شلبتها و انو هي بتأكد الحاجة دي لانو هي سألت نشوة بداية السمستر لو كان حبيبها و نسوة قالت ااي..

لمن مروة تمت كلامها نشوة دي بقت من الحيرة م قادرة تقول شيء..

و كلهم اتلفتو عاينو ليها

نشوة:انا قلت كدا؟

مروة هزت راسها:دي البت تحلف و تقول انك قلتي كدا..

نشوة رفعت حواجبينها:بت منو دي؟

مروة:واحدة من كهرباء اسمها اية..

حازم صحك ضحكة استهتار و هو بقش ف التراب من عينو

_حتي ناس كهربا دخلتوهم ف فارقكم دا..

ريفان ضحكت

-دا اسمو شمارات..بنتشر ب كل الانواع ل مختلف انواع الناس..

حازم عاين ل ريفان و قبل..

نشوة رمشت مرتين

نشوة:اية قالت ليك كدا؟

حازم عاين ل نشوة

_بتعرفيها؟

نسوة هزت راسها

نشوة:قرينا مع بعض الثانوية..لمن انت جيت اول يوم انا كنت واقفة معا-..

شوية كدا و نشوة انتبهت..

لمن سألوها اذا هو حبيبها نشوة ضحكت بس..

نشوة عاينت ل مروة..

نشوة:البت دي كذابة .

حازم عاين ليها

نشوة ختت يدينها ف وشها..

_مالك؟

نشوة:اول يوم لمن جيت ماري و اتكلت معاك و انا واقفة معاهم..

ريفان اتلفتت ع نشوة

نشوة:سألوني اذا انت كنت مربط معاي و انا ضحكت ب استهتارية لانو السؤال جد صحكني..

حازم هزا راسو

_اممم فهمت..

نشوة طلعت نفس طويل..

نشوة:واي ي ريفان انا اسفة..م كنت عارفة الموضوع حيعمل مصيبة كدا..انا ضحكت ع سخافة الموضوع والله و تاني قالو شيء رجعنا ل ونستنا..

ريفان ضحكت

-ي بت انتي م عملتي شيء..دي البت الاسمها اية دي لازم نقعد نتناقش معاها..

حازم اتلفت ل يوسف..

_لازم اوديه البيت..

ريفان عاينت ل يوسف..

لينا وقفت ع حيلها

لينا:نحنا زاتو لازم نمشي الوقت اتأخر..

ريفان وقفت ع حيلها..

حازم وقف برصو و مشي ع يوسف..

رفع راسو و عاين ليهم

_الموضوع دا ما انتهي..

الخمسة بنات عاينو ليه..

_لينا ريفان نشوة ليلي و مروة..بكرة انتو حتمشو معاي للاسمها اية دي و نوقف الفارق دا..

الخمسة بنات عاينو ل بعض..

حازم ساق يوسف..

رفع راسو وعاين ل ريفان ونشوة

_يلا..

الاتنين ابتسمو ورهزو ليه راسهم..

اول م مشي مروة و ليلي مشو و التلاتة ديل قعدو يضحكو..

◇◇◇◇◇◇◇◇◇◇◇◇◇◇◇◇◇◇◇◇

يوس و حازم الاتنين ركبو العربية و حازم دورها و طوالي اتحركو..

حازم كان متحير ف نقطة واحدة..

حيدر دا الدحلو شنو؟

ب ياتو حق يمشي يقول كدا للناس؟

اساسا ب ياتو حق يتكلم عن ريفان و يوري ناس الكلية هي حاصل معاها شنو..

يوسف عاين ل حازم

-امم قيسينغ انو حيدر ف بالك حسي؟

حازم عاين ل يوسف و قبل للشارع

_مستغرب فيه بس..

يوسف صحك

-م تستفرب..

حواجبين حازم اتلاقو

_لبه؟

-الولد دا م نصيح؟

_كيف؟

-موش ف ناس ككو ككو كدا ف الدنيا؟عقلهم فاكي؟

حازم بس عاين ل يوسف

-هو منهم..

_و انت مصاحب ليك زول زي دا ليه

-مصاحب لي واحد دمو بارج زي التلج البخيليني م اصاحبو شنو..

حازم لفي عيونو علي جملتو دي..

_لكن برضو..الولد دا فيه حاجة..

يوسف ضحك

-حرفيا كل الصفات البتكرهها انت مكبوبة جوا حيدر دا..ف عشان كدا بالنسبة ليك م بنفع..

حازم هزا راسو براحة..

جد والله..

هو م بعرفو كويس..

لكن للان..

كل شيء منو و فيه هو م طايقة ولا عاجبو..

من تعابير وشو ل كلام

و و طريقة كلامو ل لقصتو ف ريفان ل طريقة كلامو مع ريفان ل حركاتو مع ريفان ل كلو..

هه..

م قادر يطيقو..

لكن تصدقو او لا..

هو بهتم..

يعني وجودو بالنسبة لبه زي عدمو..

م عندو شغلة ب شيء..

و اعتقد لولا فهم يوسف ل حازم..

م كان عرفو اساسا انو حازم دا م بطيق حيدر..

لانو ب بساطة معاي اشطر منو ف الكتمان و عدم الاهتمام مافي..

لكن و هو بفكر حسي..

ف شيء لفت انتباهو..

زي م حيدر دا حازم بشوفو كتير مع ريفان..

كمان بلمحو مع نشوة كتير..

_انت نشوة بتعرف حيدر دا من وين؟

يوسف صحك

-مبعرف..

_كيف م بتعرف؟دا صحبك و دي بت عمك..

-والله جد..انا بس فجأة يوم لقيتهم بقيفو مع بعض و بتونسو عادي..

_يعني انت م عرفتهم ع بعض..

-هه..نهائي..اعتقد نشوة كمان بتعرف حيدر قبل م انا اعرفو..من اول سنة لبنا تقريبا؟؟لانهم قريبين شديد من بعض..

حازم هزا راسو..

الولد دا فيه حاجة م عاجباه..

و حازم للتو ختي حيدر ف راسو..

لانو هو م واقع ليه..

و ما قادر يبلعو..

خيختو بالجمبة و ينتبه ليه و يخت ليه اعتبار بعد دا..

لانو حاسي انو حيدر دا م جاي ب خير..

و هو بكره يقولها..

لكن عادة هو م بكوم غلطان اصلو..