الجزء 19
"والفتنة تلقتي ف ضحكاته انا اقسم لكم!!💙.."
ريفان دخلت البيت و راسها دا بس حففللةةة..
موبالغة الصداع بالجد..
والله ل درجة انو قلب ليها بطنها و عاوزة تستفرغ حسي..
واجعها ب طريقة كدا م طبيعية..
ريفان طلعت نفس طويل و هي بتدق ف الجرس تاني..
بالله!!..
الناس ديل مالهم؟
اولا وراها قراية و مشروع لازم تيلمو بعد بكرة..
و راسها دا ءملو حيكون معاها كدا لحدي م ربنا يفرجها عليها..
ريفان اتكلت ع يمينها ف الحيطة و هي منتظرة يجو يفتحو ليها الباب..
اول م اتكلت..
عينها وقعت ع عربية خلت قلبها دا يقعد يشتغل حفلة مع راسها..
عربية ابوها..
ابوها جا..
ريفان عاينت للباب اول م سمعت صوت الفتحة..
ابوها قاعد جوا..
الليلة سججممهااا..!!!
العشاء كان بأذن و هي داخلة..
و ابوها حدو برا البيت المغرب..
و لو حتتأخري الا تتصلي..
واي الليلة تمششي ويين..
خلاص ياهو..
ي الصدااع زاد زيادة استغفر الله ي الليلة قتلوها و ريحوها من الصداع..
ريفان دخلت جوا و سلمت ع ابوها..
اول شيء رماها ف وشها
-اتأخرتي كدا مالك؟
استغفر الله بس والله..
لكن الساعة النهرها دي..
راسها بقي شغاال دلللل دللللل دلللل بدل قلبها زاتو..
واي انا!!
لو الصداع بقدر يقتل..
هي كان الريدي دفنوها و اتبخرت و بقت بترول حسي..
_كنا شغالين ف مشروع..
ابوها طلع نفس طويل
-ياتو مشروع دا حق انصاص الليالي؟؟
ريفان عاينت ليه
_الفاينال حق السنة..
ابوها لقي عيونو
-اسمعيني هنا ي ريفاان..انا م بحب اكرر كلام صح ولا لا؟
ريفان هزت راسها..
حاليا كل همها انها تمشي ترقد و ترتااح..
والله قدامها م شايفة زي الناس..
و هي عندها قراية و مشروع..
اوووفف..
استغفر الله بس..
-انا قراية ازصاص الليالي و الحوامة انصاص ليالي م بنفعع معاااي..
ريفان هزت راسها..
دي المرة المليون يقول الكلام دا..
و للمرة المليون ريفان م فاهمة ليه ابوها بعتبر انو مشاريعها و الرجوع من الجامعة عبارة عن حوامة انصاص ليالي ..
ريفان هزت راسها..
والله حيل ف انها تتناقش زاتو م فيها..
-انتي بتمشي فيني سااي صااح؟؟..هوي ي بت فتحي عينك دي..
ريفان عاينت ليه
_والله ي اوبي م بمشي فيك..اوكي تمام تمام..
اوبها عاين ليها
-لمي حاجاتك يلا..
ريفان عاينت ليه ب استغراب
_ماشين وين؟
-كيف يعني ماشين وين؟؟ماشة معاي ناس حبوبتك ب خناك مع باقي اخوانك
_ليه؟
-م عاوزة؟؟
سؤالو كان فيه نبرة تحدي اكتر من الاستفهار بطريقة كدا زاتها م مفهومة..
_الموضوع م انو م عاوزة..م بقدر..الجامعة بعيدة من هناك و انا محت-
ابوها قاطعها
-النواصلات البتجيبك نص الليالي دي ف كل الاخوال اركبيها و تعالي ب هناك
_ي ابوي و حاجات شغلي ديل!!
ابوها عاين ليها
صوتها كان بقي عالي شوية..
ظا كلو لانها خلاص زهجت بس عاوزة ليها سرير كم ساعة عشان تتزفت تقوم تعمل زفت مشروعها دا عشان م يصايقها الزمن..
-جيبيهم معاك مالو؟؟
_و اختهم هناك وين؟؟ناس عمو اساسا قاعدين و مافي مكان اخت فيه...
ابوها عاين ليها..
م قادر يقول ليها شيء لانو كلامها صاح
_م بقدر امشي والله
ابوها عاين ليها..
كان عاوز يحاججها..
و هي كانت منتظراه يتكلم ن
تاني..
كانت حتفصم فيه..
جد جد تفصم فيه لانو خلاص وقعت من الحافة..
ابوها عاين لييهاا مساافة..
و لمن لقتو م حيقول شيء طوالي اتحركت..
جزء منها كان للتو ارتاح لانها م فصمت و هو م فتح خشمو..
لقت حبوبتها ف وشها شايلة العيصر و ماشة ع ابوها..
ابتسمت ليها و طوالي مشت ع غرفتها و رربب وقعت ف السرير..
كان ابوها زهجان..
ظاهر عليه..
جاي و اخلاقو قافلة..
شكلو جاي يتم اجراءات الطلاق خلاص..
ريفان طلعت نفس طويل و هي بتبعد ف الفكرة دي من راسها قدر الامكان..
الثقل العلي كتفها م طبيعي م طبيعي..
الشيطان الفي نهاية عقلها دايما بكون شغال ليها..
انتي شوفتي العنلتيه ف بيتكم شنو؟
شاايفة الحصل شنو بسبب طمعك؟
ب سبب قوة راسك و سلبتطك؟
بسبب تمردك؟
خربتي بيتك كيف؟
تعصب ابوك زاد زيادة..
و قلق امك اضاعف..
كانت دايما بتفكر و بتقول ل نفسها لمن كانو لسا متزوجين..
كانت دايما مقتنعة انو حياتهم حتكون افضل لو امها و ابوها اطلقو لانهم دايما حرفيا بتشاكلو..
لامن م عقدوها هي و اختها الكبيرة عديلك كدا..
لكت حسي..
هه..
جد جملة be careful what you wish for حقيقية .
لانو والله لو بتقدر ترجع ورا للزمن..
كان كفتت روحها و طلعت الفكرة دي من راسها ب كف واحظ و الكف التاني يطلع ليها معمار..
انتو قادرين تتخيلو الصراع النفسي الجواها؟؟
انك تكون متحير و متجهجه بين حاجتين بتحبهم؟؟
انك تقوي راسك و تختار واحدة تحت فهم انو التانية حتكون قاعدة و حتحارب عشانها مهما حصل؟؟
و في النهاية تختفي التانية ب بساطة ب سببك؟؟
و انت تقعد تندم و م تتمني ترجع لانو جزء منك خايف انو يكرر نفس الغلطة تاني و برضو يختار الخيار الاول؟؟
و ف النهاية حبك ع الخيار يبقي تقل م طبيعي ف كتفك..
لمن تبتسم ب سببو تحس بالذنب؟؟لمن تنجز فيه تحس ب شوية الم جواك؟
لمن تقعد تحار
ب افكار انك اخترت الخيار الغلط؟؟
و جزء من الشيء حلاوتو تختفي؟؟لكن برضو بتكون بتحبو..
و م قادر تسوي شيء لانو م بتقدر ترجع ولا حتي تقبل فكرة وقوفك؟؟ولا حتي تلمح ب وراك لانو كلو بقي عبارة عن حلم مستحيل لا وجود ليه؟؟
و لا يكون عندك قدرة العودة ولا قوة التحرك ولا حتي رفاهية الوقوف؟؟ولا حتي انك تقيف م تقدرر؟؟لانها حاجة غالية عليك و م بتقدر عليها؟؟
ريفان بلعت ع ريقها و حاولت تدخل اكبر كمية من الهوا ل رئتبها..
امكن تقدر تتنفس!!
بس لا..نهائي..
الهواىدخل و مرق..
و اقسسم بالله التقول خنقها زيادة!!..
ريفان بللت شفايفها و قعدت ف السرير..
انتظرت الدموع تنزل..
ي جماعة!
الالم الضاربها دا لا يحتمل..طيب هي مستحملاه ليي؟؟
الالم ممكن يخف بالدموع..بس هيي ليه ماابية تبكي؟؟؟
ريفان عاينت ل تلفونها و هي بتتزكر ف كلام حازم العام عن انو عندها مرض نفسي موقفها من انها تبكي..
كان اسمو شنو؟؟
قدر م حاولت تتزكر و هي بتحك ف راسها م اتزكرت..
طلعت نفس طويل زيادة ع حيرتها..
واي انا..
والله اعتقد لو الانتحار خرام كان شنقت روحها زماان..
ريفان نططت عيونها ع الفكرة الجاتها دي..
للتو هي فكرت بالانتحار؟؟
ااي هي نفتو ب اسلامها..
لكن برضو..
حتي و لو م كانت مسلمة؟؟
يعني قصدها من كلامها دا انو هي كانت حتنتحر؟؟
يعني هي ضعيفة للدرجة ديي؟؟
هه..
جنت والله..
الفكرة دي شكلها جات من تعبها والله..
◇◇◇◇◇◇◇◇◇◇◇◇◇◇◇◇◇◇◇◇
حيدر مرق من بيتو و ماشي ع البقالة..
امو قررت فجأة تعمل كيك ف نص الليل..
مشي اشتري لبهاىالحاجات و هو شبه نعسان المصيبة انو كان نايم من م جا من الجامعة..
و حسي حيجيب الحاجات و حيرجع يرقد..
م تسألو زول بقرا معمار عن النوم..
لانو لمن يلقي ليه فرصة اصلو م بفكها..
وهو حسي حيرجع ينوم..
وقف ف الصف عشان يدفع و يرجع..
و هو بفكر حسي..
بكرة حيجيه وجع راس من الحصل..
حيدر ضحك و هو بفطر ف حاجة زاحدة
م اتوقع حازم يدخل او يحاول يدخل..
هه..
ممكن يحاول يحسم الفارغة ف الجامعة..
لكن ف حاجة واحدة متأكد منها حيدر..
الشائعات لمن تنتشر ف ااي مجتمع م بتموت..
ممكن تخف از تنطفي فترة..
لكن لمن تتفكي م بتختفي..
اعتقد دا المضحكو..
لكن جد والله..
و هو قبيل بعاين ل ريفان و هي واقفة مع مروة..
هه..
البت بتقدر تتعلم جد..
لانو وهو بعاين لبها..
جد شايف شوية من فايب حازم..
رغم انو قادر يشوف خلالها..
ولا لانو بعرفها و بعرف انو ني م كدا..
المهم..
كان ظاهر جدا انها بدس ف كل شيء عشان تحرق مروة..
و الجاذب انتباهو انو مروة وقعت ليها..
جد اتغاظت منها..
هه..
ريفان طلعت حاجة م هينة..
اعتقد هو من اول يوم شافها حسي بالحاجة دي..
لكن حسي جد جد فرحتو..
يعني موبالغة..
حيدر طلع نفس طويل ع فكرة حازم..
اعتقد بسبب ب جواه احباط م اكتر..
الحاجات البعرفها عنو..
اعتقد جد م بتعجبو..
و هو كلو م عاجبو..
حيدر لحدي حسي مقتنع انو برود حازم دا متصنع..
بركبو مع وشو السمح دا عشان يكسر البنات..
و جزء منو مقتنع انو هو تعيس اساسا..
و م عندو شغلة بالحياة..
اعتقد م هاميه يحي او يموت زاتو..
ف كلتا الاحوال..
حازم م عاجبو..
و فطرة انو انسانة زي ريفان مع حازم..
هه..
دي نقطة مستفزاه اكتر من اللازم..
لايك شديد شديد اكتر من اللازم..
هه..
المستفزو اكتر انو هو جد حاسي انو ريفان عاجبة حازم..
لايك بالجد عجاباه و هو مابي يعترف..
و خي المسكينة واقفة ف النص..
الكلام دا م عاجبو..
او امكن لانو هو اساسا م بطيق حازم؟
هه..
ف كل الاحواال..
هو حيعمل البقدر عليه ب مزاجو..
حيدر مرق من البقالة و صوت تلفونو مرقو من من جوا افكاروا..
فتحو و لقي نشوة المتصلة..
ضحك ضحكة استهتار و هو برد..
دي..
دي كمان نقطة تانية و طرف ف الخيط مختلف تماما..
بلل شفايفو و ردا بكل استعدادية انو بخرب ليها مزاجها قدر الامكان..
-الوو..
=الووو حيدر..
-اا..
=م بترد علي تلفونك ليه؟؟
حيدر ضحك
-ضربتي انتي قبل دا؟
نشوة سكتت و هو قادر يتخيل الاحباط ف وشها..
لكن جد والله..
زحي التلفون من اضانو و عاين..
اتصالين..
هه..
والله م سمعو..
امكن لمن كان نايم؟
رجع التلفون ل اضانو
=والله والله م شفتهم اسف..
نشوة طلعت نفس طويل..
-م علينا..
=انا..ماذا يحدث؟
-ماذا يحدث؟ي ولد انت شفت المصيبة العملتها؟؟
حيدر قرر يعمل رايح ب كل براءة
=مصيبة شنو؟
-الشائعات المنتشرة دي..معقولة م سمعت بيها؟
=هه..بسمع مليون شائعة ف اليوم..حددي بالله..
-حيدر..
=اا..
-حقت انو انا و حازم كنا مربطين..
=سمعتها..و حاجة سخيفة عشان كدا سألتك منها و انتي وريتيني الابجابة..
نشوة سكتت
=عدم فهم منك..
-بعني انت م نشرتها؟
=هه..البوديني انشر شائعة عنك كدا ليه؟
-مروة قالت انو انت قلت انو ريفان و حازم ربطو..
=هه..انتي عارفة ليه وريتها؟
نشوة سكتت و انتظرت الايجابة
=لانو شافتو ف الجامعة..سالتني منو لانها قالت شافتني معاه قبل كدا و انا قلت ليها انا م بعرفو شديد..
-اها..
=وريتها هو منو..انو هو صاحبتك انتي و يوسف و قامت ضحكت وقالت لي دا هو المربطة معا
ه نشوة؟؟قلت ليها لا دا مربط مع واحدة اسمها ريفان ف تانية..ف سألتني اذا خلاك ف قلت م بعرف..
نشوة هزت راسها..
-ايواا و هم من هنا افتكروا انو انا ربطت معاه كنت..
=شنو هو؟انا زاتي العرفني شنو؟بعرفو من وين؟
-و مشت ع اية و اية اكدت ليها الكلام..
=اية منو؟
-اا؟
=اكدت ليها كلام شنو؟
نشوة طلعت نفس طويل
-بوريك بكرة..خليك ب حيرتك دي عشان توريهم كل شيء بكرة..
حواجبين حيدر اتلاقو
-يلا..انا تعبانة و عاوزة انوم..
و طوالي قفلت..
حيدر استغرب..
ايو دي منو؟
وايت الموضوع فيه حاجات هو م عارفها؟
هه..
هدي الدنيا بتساعد فيه..
حيدر عارف حاجة واحدة بس..
لمن جات مروة و سألتها منو فكر ف فكرة جهنمية و طوالي نفذها..
انو يتنشر كلام عن حازم و ريفان و نشوة..
و يخلي مخيلة الناس تزيد فيها زيادة..
هه..
جد والله زول بعرف المجتمع و حاجتو و كل شيء فيه بقدر يلعب بيه و م يكون ف زول عارف انو هو عندو دخل بالموضوع..
كل العملو انو ورا مروة فهم انو حازم صاحب نشوة شديد لكن مربط مع ريفان..وهي مخها براه جاب فهم انو هم كانو مربطين..
حيدر كان رجع الببت و بعد يومين من اليوم داك مروة جات ورتو انو ريفان شلبت نشوة..
و الموضوع كان انتشر شديد ل درجة انو حيدر جزء منو كان شاكي لو بالجد نشوة و حازم كانو مع بعض ف سألها ساي..
والله دي مشكلة دي..
العالم فاضي للفارقة و ما عندو شيء غير الفارقة..
◇◇◇◇◇◇◇◇◇◇◇◇◇◇◇◇◇◇◇◇
حبوبة ريفان جات داخلة عليها و لقتها لابسة نضاراتها و شغالة ف المشروع..
كانت قاعدة قدام شاشة اللابتوب و تحس ب عيونها و هي بتصارع ف النوم..
حبوبتها قعدت في السرير قصادها و مدت ليها ايسكريم شايلاه..
-ي بتي انتي بتجيبي الشغاوة لحدي عندك ليه..
ريفان ضحكت و قامت ع حيلها و شالت الايسكريم
_والله س سوسي الشغاوة بتحبني ساكاني محل م امشي زي ظلي..
-معليش الدنيا كدا..
ريفان ضحكت
_الدنيا حقيرة..
-الدنيا فانية..
ريفان اكلن من الايسكريم و برد لبها جسمها شوية..
امكن يساعد يخفف صداعها الما عاوز يخليها دا..
-انتي عارفة الساعة كم؟
_الصبح اذن؟
-باقي ليه ساعة و ربع..
ريفان ضحكت
_كويس يعني حاقدر اتم المشروع دا ف وقتو و اسلمو..
-بت انتي عارفة لو جا حرامي و قتلك مافي زول بجيب خبرك؟
_هه..كتر خيرو..بكون ريحني من وجع راس كدا م طبيعي..
حبزبتها طلعت نفس طويل..
_الايسكريم جبتيه من وين نص الليل؟
-كان قاعد من قبيل انا منتظراك تجي عشان اديك ليه..
_اووه..انا اتاخرت الليلة..
-ف شنو؟
_التقول شنو..الدنيا بتكسر فيني بس..
-اها اها احكي..
ريفان قعدت و حكت ليها كل شيء..
كل شيء حرفيا..
كل كلمة اتقالت ..
كل موقف حصل..
و بعد م انتهت طلعت نفس طويل..
حست ب شوية من العبئ دا يختفي من صدرها..
جد حبوبتها دي دنيتها كلها..
م بتقدر تعيش بدونها..
-عشان كدا متأزمة؟
_واي..الالم دا بس حيقتلني يوم..
حيوبتها ضحكت
-م اعتقد الم زي دا يقتل..
ريفان عاينت ل حبوبتها
-اعتقد انو الانسان كفيل ب انو يقوي روحو براه و يقيف براه..الالم بوقف و بجرح و بقرب يقتل..لكن بس..ذاتس ات..
ريفان رمشت و هي يتفهم ف نقطتها
-بس حدو انو يقرب يقتل..م حصل قتل..
ريفان هزت راسها براحة..
-اعتقد الانسان لو امن انو بقدر يتخطي الحاجة و يخليها..بعملها جد..الشغل كلو عقل..اتحكم ب عقلك و تقدر تتحكم ب حياتك..
ريفان صحكت..
اعتقد دي حرفيا نفس كلمات ابوبكر ليها..
لايك بالجد بالجد بالجد..
الاتنين ديل بكيفوها ب طريقة كدا م طبيعية..
جد كلامهم بأثر فيها..
-انتي م تقعدي تقولي الالم بقتلني..بتقدري تتخطي المرحلة دي بوعدك..والله الموضوع م قاتل..
ريفان ابتسمت ليها
-انتي قولي ل نفسك حاتخطاك..حاخد فترتي ك انسان طبيعي و اتألم و اتخطاك..و حتتخطي النقطة دي..و حتنعطبي انك قدرتي تنخطيها..انتي بتقدري..
ريفان ضحكت..
-بعدين انتي صدمتيني جد..
ريفان عاينت لبها
-الولد الاسمو حازم دا..انا لازم اششوفو..
ريفان لفت عيونها..
وااي انا..
_وااي انا انتي بت انتي م بتزهجي من الموضوع دا..
-م بزهج..غاوزة اشوف الولد الكان مغلبك ب سماحتو وف النهاية جاك وقال الا نربط..
ريفان ضحكت
_سوسي!
-سوسي تطلع عينك..دي موش الحقيقة
ريفان فطت النقطة..
-م عندك ليه صورة
_قلت ليك دا كلمة شلب م بعرفها..اشك بفتح كمرتو يتصور اساسا..
-خلاص صوري لي انتي
ريفان نططت عيونها
_اجي ي مرة..
-اها اشوفو طيف؟جيبيه لي هنا يوم..
ريفان هزت راسها ع فكرة انو يوم يدخل بيتها..
ويي حتنتشر طاقة كدا غريبة زاتها م حتفهمها..
_كيف يعني اجيبو..
-عايني اتصرفي م بعرف..
ريفان صحكت
_الا تجي معاي يوم والله
-هه..البجيبني ل دوامة المون دي شنو..
ريفان ضحكت..
حبوبتها قامت ع حيلها
-صحصتي كويس شكلك..قومي تمي مشروعك دا عشان تمرقي جامعتك دي..
ريفان هزت راسها و هي لسا بتضحك و مشت قعدا ف التربيزة حقتها تمت شغلها..
◇◇◇◇◇◇◇◇◇◇◇◇◇◇◇◇◇◇◇◇
لينا و علي مرقو من المحاضرة سوا..
علي كان بحكي ليها عن بعض المواقف ف اهلو..
اهلو ظريفين..
جدو متزوج ليه 3 نسوان..
ف عندو كمية خالات و خيل
ان كدا بس ربنا يحفظهم..
و يلا كمان الاحفاد حدث ولا حرج..
اللهم زد و بارك..
ف كان بحكي ليها عن المواقف الهستيرية..
و كيف انو اولاد الخيلان و الخالات الاهلهم اخوان من ام و ابو بتفقو ع البقية كيف..
و كيف بتشاكلو لمن يصبحو كل يوم ف ايام الايجازة ف الببت الكبير..
لينا دي من ما علي دا فنح خشمو..
خشمها دا م وقف من الضحك..
مرقو برا و قعدو ف كنبة كدا و هو بتم ليها ف الحكاية..
=زي م قلت..طبيعي ف زي 7 8 او 9 مننا مظلومين م بشربو شاي..
لينا دي تتكلم بين ضحكاتها
-كل يوم؟
=وربي الكعبة كل يووم..و طبيعي انا منهم..
-م زول ساي؟
=ابدا..بصدع لو م شربت..
لينا دي فحكت الضحكة..
-و بتفوتو لبه
=يلا الشاطر البصحي مع حبوباتي و هم بعملوه..ف البكزن صاحي..بشيل الشاي و بدسو..تمام معاك..
علي سكت و صحك لانوىصوت ضحكة لبنا تحسي بيه خنقها من كترة م هي بتضحك..
=ف البدسهم دا..ببيعو ليكم ع حسب السعر الهو داير..
-م جادين طبعا..
=والله..و ع حسب مكانتك ليه..
-مبالغة..
=يعني لو قريب يديك ليه بدون قروش..او ب كم جميه..و لو بكرهك يديك بي 20 او كدا..و ممكن يحرمك منو لو ما داير عديلك كدا..
-و ليه ادفع ليه..امشي اشتري اجيب براي والله دي تجيب لي اكتر من كباية..
علي ضحكت
=لكن شاي الحبوبات دا ف زيو..
لينا ضحكت و هزت راسها..
-نقطة صحيحة مية ف المية..
=ف انا طبيعي شاربو مع ست الشاي البرا نحمد الله و نشكروا..
لبنا دي والله لو الضكك بقدر يشرطها كان شرطها..
البت لامن م دمعت والله..
علي قام ع حيلو بعد م تمي حكايتو
=انا لازم امشي ع المكتبة..
-امشي حففر..
=امشي اشوف البنقذني ف التسليم دا شنو..
لينا ضحكت
-والله الزول يمرق من امتحانات يلقي امتحانات السنة ف وشك..
=الدنيا غدارة...
لينا ابتسمت ليه
-يعني نحنا بعد شهرين و نص حننزل تالتة..
=اخخخ انا بس..
لينا صحكت
-يلا..
علي طوالي اتحرك بعد م ابتسم ليها..
لينا مشت ع ريفان الكانت واقفة قصادها طوالي و بتأشر ليها
_لاقيتي يوسف؟
لينا هزت راسها ب معني لا..
_بتصل ع حازم لكن م برد..
-ف شي؟
_لا..لكن حيدر جا و اعتذر..
لينا نططت حواجبينها
-اا؟؟
ريفان هزت راسها و هي بتتزكر ف الاحظة الحصلت قبل شوية لمن لاقاها قدام الكليلة..
.
.
.
.
.
-ريفان..
ريفان اتلفتت وراها و لقت حيدر..
بللت شفايفها..
جايها ل شنو؟
وقف قدامها و سلم عليها..
-نشوة ورتني الحصل..
يفان سكتت و ما اتكلمت..
-انا اسف والله..
ريفان عاينت ليه بحدة
_يعني انت بتعترف انك انت النشرت الشائعات دي؟
-شوفي الحصل..مروة سألتني حازم لانها قالت شافتني معاه..و انا وريتها هو منو و انو صاحب نشوة و يوسف لانهم معروفين الاتنين ف الكلية..ولمن قلت كدا فالت لي دا المربط مع نشوة؟..و ازا استغربت و قلت ليها انو هز مربطة معاك انتي م نشوة و قلت ليها م بعرف عن كلامك دا و مشت..و امبارح بليل نشوة اتصلت علي و ورتني كل شيء..
ريفان عاينت ليه..
منطق..
مروة قالت انها جابت الكلام من الاسمها اية انو حازم كان مربط مع نشوة..
- لو كنت عارف ايجابتي ل سؤالها بدخلكم ف مصايب زي دي م كان رديت لبها زاتو..
ريفان ضحكت..
_لو اي زول كان عارف المصايب الحتنتج م كان عملها..اتس اوكيه..
-جد والله اسف..
ريفان ضحكت
_مافي مسكلة..اساسا بنحاول نحسم الفارغة..
ريفان رفعت حواجببها و هي بتم ف الكلام
_لكن الشائعة زي النبلة لمن تتفك م بترجع و م بتوقف..
حيدر ضحك
-يتوقف..
ريفان عاينت ليه
-النبلة بتوقف..
ريفان بللت شفايفها
_حتي ولو بتوقف..ختظل موجودة و ما بترجع لليد الطلقتها ولا حيقدر يمسكها زول يلمها..
-موش لو وقفت فرمكانها برضو كويس؟
ريفان ضحكت ضحكة استهتار و ف عيونها كان ف تحدي
_ابداا..ممكن تكون ف مكانها..لكن ف النهاية بتكون منتشرة بين الناس..م ف زول بقدر يلقاها عشان يشيلها زاتو..
حيدر ضحك..
البت دي جد كيوت و حربية ب طريقة كدا تحيروا..
-داىكلز من نبلة؟
ريفان رفعت اكاتفيها
_اعتقد بس علي اني احاول اعيش و الكذبة دي منتشرة..
حيدر بلل شفايفو..
-طيب لو جزء من الكذبة كان صاح؟برضو بنكرها كلها؟
ريفان عاينت ليه و الاستفهام ظاهر ف وشها
_كيف؟
-لو م انتي شلبتيه ولا كانو مربطين..بس كان ف شيء ف النص نحنا م عارفنو..هل برضو بتنكرها؟
ريفان عاينت ليه بدون تأثير..
_لو حاجة مهمة كان عرفتها..ولو لا برضو..م الا اعرفها..
حيدر رفع حواحبيه
-م نفسك تعرفيها؟
_لو واجب علي اعرفها بعرفها..
حيدر رمش مرتين..
هه..
جد البت دي الا تصدمو حررفياا ف كل مرة يقيف بتكلم معاها..
كل م يكون قايل نفسو فهمها..
يجي نقاش بينهم يطير ليه الفات و الجا عنها و يخليه يفتش من اول و جديد..
_بس حاليا..كل العاوزاه اني م اصدع روحي ب حاجات جايات و اعيش الالم مرتين..
حواجبين حيدر اتلاقو..
ضحك شوية و هو بقول
-كيف؟
ريفان عاينت ليه و رمشت مرتين قبل م تتكلم و طلعت نفس طويل
_لمن تكون شايل هم حاجة..انت حرفبا يتخلي نفسك تمر بالحالة مرتين..لمن انت شايل همها و بتنكت ع روحك..و لمن تحصل او تتكشف و تمر بالخوف و القلق المريت بيه
قبيل تاني..
حيدر بلل شفايفو وهو بحاول يمنع ف ضحكة الاستهتار.
هه..
جد البت دي تحفة..
مبدأ غريب اول مرة يسمع بيه..
لكن منطقي و مريح للراس..
-دي حاجة اتعلمتيها من حازم؟
ريفان صحكت ضحكة فيها ثقة..
_دي حاجة اتعلمتها من حياتي..حازم م من النوع البخلب مشاعرو تاثر عليه..واعتقد انت شابف الحاجة دي ف تعبير وشو..
حيدر عاين ليها ب نظرة هو زاتو م فاهمها
_انا بس بفتش للطرق البتريحي اكتر..
ريفان قبلت عشان تمشي..
لكن صوت حيدر وقفها
-طيب اذا انتي عارفاها حتصدع بيك ف النهاية..ف كل الاحوال ليه بتدخلي فيها..
ريفان عاينت ليه و ابتسمت
_لاني عاوزة؟
حيدر عاين ليها..
حسي بيها بتسأل ف نفسها حاليا م هو..
ريفان عابنت ليه
_ف حاجات لازم تحصل عشان تزكرنا بعد كل فترة اننا بشر..بتنألم و بنفرح..و الحاجت الزي دي بتخليني اطمئن سوية انو الدنيا م طفت النور الجواي..
حيدر دخل نفس طويل و هو بسمع ف كلماتها..
اعتقد نبرتها و هي بتنطق نقاشهم دا كلو حتكون محفورة ف عقلو للابد لانها عجبتو و حباها شديد..
_انا ماشة..
حيدر عاين ليها و ابتسم..
ريفان تاني م قبلت عليه زاتو و طواليخلت الكلية..
حيدر بالجد بالجد اتحير..
يعني لمن اقول ليكم انو الفضول المغروس جواه اتجاهها اضاعف قدر كيف..
م حتصدقو زاتو..
للتو م ختاها ف راسو..
لا..
حيدر دارعلق ريفان ك احد شفرات الحياة اللازم يفكها و يفهمها مهما حصل..
.
.
.
.
.
_اعتذر و كدا..
ريفان بعد م ورتها الحصل لبنا عاينت ليها ساي..
_عاوزة حازم عسان اوريه..
-هه..خليه يعرف براه..
_مبعرف شوفتو امبارح و حسيت انو ختاه ف راسو..
لينا ضحكت..
_يوسف جا مارق فيني و انا داخلة ع الكلية حسي معقولة م شوفتيه..
لينا هوت راسها ب معناي لا..
_يعني م كنتي قاعدة معاه؟
لينا ضحكت
-ابدا..م شوفتو من الصباح زاتو..
_و لمن مرقتي من المحاضرة؟
لينا صحكت بس ع ذكرة علي و الحكاوي
-واي انا قعدت مع علي و خلانب ابكي من الضحك..
ريفان عاينت يدليها و رفعت حواجبيها
_بالله؟
-جد والله..الولد دا كيوت و عسل شديد..
_هه..براحة..البسمعك م بقول مربطة مع سينر سينرك..
لينا ضحكت..
-اسوي شنو دي الحقيقة .
ريفان ضحكت ع منظرها..
جد كان ظاهر علبها فرحانة من الصباح..
-دقيقة..
ريفان عابنت لبها
-لو انتي عاوزاه..كان توقفيه لمن شوفتيه
_مرق بسرعة..شكلو راجع البيت..
-اممم..اليلة عندو محاضرة واحدة..
ريفان ضحكت
_غايتو اصعب منك م لقيت..تحفظي جدولو..
-م حفظتو قاصدة..هو حفظني ليه من كترة ترديدو..
_دا لانك قاعدة معاه 24 ساعة..
لينا صحكت
-جد؟
ريفان هزت رايها
_الليلة حاجة غريبة انك م قعدتي معاه زاتو..
لينا ضحكت..
-م انتبهت..
_طيب اررح نمشي..
-هوي لسا عندنا محاضرة..
_هه..انتي لانك بتتونسي مع علي م عارفة
-م عارفة سنو؟
_الدكتور لقاها م جا..
لينا ضحكت
-قولي والله؟
_جد..
-واي ربنا استجاب الدعوات..
ريفان ضحكت..
-سلمتي مشروعك؟
ريفان هزت راسها..
و لينا صحكت
-الحمدلله..
_امم..الحمدلله..الله فكاني من وجع راس والله..
-كان اقو لبك ارح نحتفل لكن شكلك عاوزة تنومي..
ريفان هزت راسها..
_عاوزة ارجع البيت حسي دي..
-وااه هاا هاا هاا..
_جد انا ماشة..
-انا لسا مشروعي م تميتو ي السمحة..
_غايتو انا ماشة..ع باقي الشمس دي..
-جد؟
ريفان هزت راسها
_اخدت شكلة من ابوي و ما عاوزاها تتكرر..
لينا ضحكت
-طيب اجري ع باقي الشمس دي..
_امم..
-يلا..
_يلا..
ريفان سلمت عليها و مشت..
◇◇◇◇◇◇◇◇◇◇◇◇◇◇◇◇◇◇◇◇
حازم كان ماشي مع يوسف و نشوة..
يوسف كان راجع البيت و نشوة راجعة معاه..
نسوة عاينت ل حازم
=انت م جاي معانا ليه
حازم اتلفت عاين ليها
=عندك محاضرة؟
حازم هزا راسو ب معني لا
ابتسم لمن ردا ليها
_م لاقيت ريفان الليلة ف حاسوف لو قاعدة او لا اولا و تاني بحصلكم..
نشوة هزت راسها..
يوسف رفع راسو وعاين ل نشوة..
اعتقد مافي زول بفهمك زي الاهل..
يوسف بلل شفايفو و هو بقبل..
كان شايف الالم ف عيونها..
الزعلة و الانكسار..
الغيرة و شوية كراهية..
قدر م تدفرها..
امكن لانو بعرفها من م ولدوه..
او حازم بس متخلف م قادر ينتبه..
لكن للمهم هو فاهم..
نشوة متألمة و بالعاه ف حنانها سااي..
=طيب ننتظرك؟
حازم عاين ليها و اخد مسافة يرد
_اممم..م اعتقد اقرد امرق معاكم..
الاحباط ظهر ف وش نشوة..
و حازم ضحك
_انا ف كل الاحوال م كان حاقدر امشي..
=لاا..
_والله تعباان..بعدين الامتحانات الاسبوع الجاي و انا م قاري و حاسافر طوالي و مشاكل..
=م الاسبوع الجاي البعديه
_هه..و نحنا موش ف نهاية الاسبوع دا؟يعني ب اعتبار الجاي..
نشوة عاينت ليه كيف كيف و قبلت..
حازم ضحك..
نشوة عاينت ل يوسف
=هوي..
الاتنين رفعو راسهم عاينو ليها
=انت مالك؟
لمن اشرت ع يوسف حازم عاين ليه
يوسف عاين ليهم وصضحك
-مالي؟
=مالك هادي كدا؟
-هه..دا سؤال؟
نسوة عاينت ليه كيف كيف برضو ولفت عيونها
حازم ضحك ع تعابير وشها..
نشوة طلعت زفس طويل و هي بتقول
=انتو ي حقيرين الاتنين شوفتو ليكم زول و خليتوني براي مشرورة..
حازم ضحك لبها
=يعني عيب والله..تخلو
البت براها بايرة؟
_بايرة؟
الاستفهام كان ف صوتو موجوود و بشدة..
نشوة ضحكت
_ي بت انتي ال21 م تميتيها..
=اهو الاصغر مني ربطو..
حازم ضحك لانو م بقدر يقول حاجة ع دي..
نشو عاينت ليه بعد كم قانية..
=بعدين انت كيف بتعرف معني بابرة لكن الشلب م بتعرفو..
حازم غاين ليها و الاحباط ف وشها
_لاني م فاضي اسمع الكلام البتقال دا..
=هه..ولايرة عرفتها كيف؟
حازم ضحك
_باير بعرفها..لانو نيفو بتقولها لي دايما..ف استنتجت انو نفس الفهم ب تاء التانيث..
رفع راسو عاين ليهم الاتنين
_ولا انا غلطان؟
والله النظرات الفي وشو يوسف و نشوة حرفيااا لا يعوضو ولا يتكررو زاتو..
حازم ضحك لمن لقاهم بستهتروا بيه ب نظراتهم دي
=هه..بالجد بالجد قعدتك ف السودان زي عدمها..
حازم عاين ليها و رفع حواجبينو
_كيف زي عدمها؟كم مرة و كم مرة اتقذتك انتي و ولد عمك الاروش دا..
نشوة ضحكت..
دي يختو ليها نقطة..
=دي تحتسب نقطة..
حازم ابتسم
=لكن نقطة واحدة لا غير..
حازم ضحك ضحكة استهتار
_هه..ناكرين للجميل..
نشوة و يوسف ضحكو
_كلهم يحتسبو نقطة واحدة بس؟؟
نشوة لفت عبونها
_هه..حاتأكد المرة الجاية اني م احاول اساعدك او انقذك..
=هه..حتجي جاري جري..
حازم لفي عيونو
_نشوف..
=هه..نشوف..
حازم وقف قصاد العربية و يوسف و نشوة الاتنين ركبو فيها..
حازم ابتسم ليهم اخر مرة و طوالي قبل و اتحرك اول م يويف دور العربية..
حازم طلع تلفونو وهو متحرك ع معمار..
كدي يشوف اولا..
ان شاء الله م تكون مرقت..
كان عاوز يوريها عن حيدر و الحقيقة الحكتها ليه نسوة..
_الوو
-الوو..
_انتي ف الجامعة؟
-امم..
_وين؟
ريفان عاينت للكافتيريا الجمبها
-جمب الكافتيربا العامة..قدامها شوية..
_امم..تمام انا جايك..
و كوالي قفل الخط..
ريفان عابنت للتلفون..
والله والله والله مرات بساطة الولد دا بتحيرها..
هزت راسها شوية كدا و مشت ع الكافتيريا تشتري ليها مازا او اي عصير دا م هو يجيها..
جابت عصيرها و مرقت لقتو واقف برا..
عانيت ليه و مست علبه
-بسم الله..اتأخرت ف الصف كدا؟
_كنت قريب عشان كدا..
-امم..
ريفان هزت راسها..
_راجعة البيت ولا شتو؟
-امم..هه..امبارح اخدت شكلة لاني اتأخرت ف لازم ارجع حسي..
_لينا م معاك؟
ريفان هزت راسها ب معني لا..
_لسا عاوزة تتم النشودروع و تسلمورو تمرق..
حازم هزا راسو..
_طيب ارح اروصلك..
ريفان عاينت ليه
_اذا م عندك مانع؟
ريفان صحكت
-وسواقتك الغبية دي؟
حازم عاين ليها وصحك
_انتي متعقدة من السواقة دي كدا ليه؟
-لانو ابوي دخل ف حادث زمان..كان برضو بسوق كدا..دخل ف الحادث و قرب يموت لولا ربنا و الحمدلله كويس..
حازم عاين ليها
_ف عشان كدا اتعقدتي من كل شيء ليه علاقة بالسواقة..
ريفان عاينت ليه كيف كيف..
حازم صحك ع نظراتها
_دي الحقيقة لكن..
-انت كيف م متعقد منها بعد الحصل ليك دا كلو؟
حازم عاين لبها و ابتسم
_امكن لاني بحبها؟
ريفان عاينت ليه
_انتي م حتصدقي لكن جد والله بحب السواقة و السباقات..ف اعتقد حتي بعد الحصل م بقدر اتخلي عنهم..
-امم..
_احساس مدفورة بين حاجتين بتحبها..تخلي السواقة و تختار حبك ل اهلك او تعملها..ف انا اتحيرت كنت و انا صغير..
حازم بلل ش فايفو و كمل
_و لمن كبرت استوعبت حاجة..سواء وقفت او لا م بتفرق..التهور فيها الريدي شال مني اهلي ودي نقطة م حاقدر اغيرها..مهما حصل..مهما كان..
ريفان هزت راسها لانو كلامو صح
_حتي ولو وقفتها..م حتجيب لي اهلي راجعين..ف الموصوع كنت معقدو براي..
ريفان ضحكت
-م بتخاف؟
_هه..من سنو؟
ريفان لفت عيونها
-انت بتسوق من عمر 7 تخاف ل سنو
حازم ضحك
_قلت ليك دا هوس بجري ف دم العائلة..
ريفان اتلفتت عليه زي الشافعة
-طيب و نيفو؟
_مالا؟
-م بتوقفك؟
حازم ابتسم
_معظم الوقت ااي..
-اممم..يعني بتقدر عليك..
حازم صحك
-بنسبة لي للابد اغبي حاجة ممكن تعملها تسوق بتهور..
_ف فرق بين التهور و الاحتراف..
-ابدا..حاجة واحدة بس ديك تهور ب تمرين..
حازم ضحك
_انتي اصلو م بتخلي الزول يفوز؟
-هه..وين المتعة ف الموضوع طيب..
حازم لفي غيونو و رفان ضحكت
-صح..نيفو كيف؟
حازم طلع نفس طويل..
صراحة..
يعد الحصل داك..
اخد وقت غشان يقدر يتواصل معاها..
و هي اخدت فترة عشان ترجع ل حالتها الطبيعية..
بس هي حسي كويسة..
_كويسة الحمدلله..
ريفان ابتسمت
_مفروض ارجع تاني اول م ننتهي..
ريفان عاينت ليه
-انت بالجد بتسافر ف كل ايجازة ليك؟
حازم هزا راسو
_مهما حصل..بالنسبة لي هناك هو رقم واحد حتي تاني السودان..
ريفان هزت راسها..
لانها متفهماه..
تقريبا زيها..
بس هو بتغلق زيادة..
-انت جيت السودان متين؟
_اممم..قبل 5 سنين؟
ريفان نططت عيونها
-ياداب؟؟
حازم صحك و هزا راسو
_لا..داك يعابر بيتك و انت هنا ضيف عديلك كدا..
_هه..انا مجهجه بين الاتنين..
-طيب و نيفو؟
حازم تني راسو بالجمة..
_وازا بفكر حسي..نيفين م حصل جات السودان..
ريفان نططت عيونها
-جد؟؟
_اممم..امكن قبل م اتولد انا مع اخواني الكبار زمان..لكن م اعتقد حصل جات و انا ف الدنيا اذا ذاكرتي م خانتني..
ريفان عاينت ليه..
حاز معاين ليها
_وانتي؟
ريفان عاينت ليه..
-انا شنو؟
_حبوبتك اخر مرة مشت هناك متين؟
-اممم..كانت قاعدة معانا اول سنين كنا قاعدنها قبل م محمد يتزوج..
حازم عاين ليها
_خالك اصغر خيلانك صح؟
ريفان هزت راسها ب فخر..
-محمد..
حازم ابتسم..
_ظاهر عليك بتحبيه شديد..
ريفان صحكت
-المتخلف دا..
حازم ضحك
_للتو قلتي ل خالك متخلف؟
-دي الحقيقة..
حازم صحك..
ريفان تعددعاينت ليه
_بتزكر ابوبكر لمن جا ل عرسو..كان مبسوط شديد انو اتزوج..
ريفان عاينت ل حازم..
-و انت جيت معاه؟
حازم هزا راسو ب معني ااي..
_وصلتو و رجعت..وجبتو..تحتسب؟
ريفان ضحكت..
_كان سمح شديد صح؟لانو ابوبكر جا راجع مبسوط..
ريفان طلعت نفس طويل وهي بترد
-م بعرف..
حازم عاين ليها
-م مشيتو..
حازم نطط غيونو و حواجبينو..
_اا؟؟..ليه كنتي عبانة؟
ريفان ضحكت..
الموضوع سخيف كل م تفكر فيه..
و برفع لبها كثافتها..
و بخجلها قدام محمد..
-ابدا..
حازم عاين ليها
-ابوي حمانا
حواجببن حازم اتلاقو
_من عرس خالك؟؟
ريفان خزت راسها
-الوقت داك امي كانت اتشاكلت معاه ف موضوع مشروعي..ف امي زعلت و مشت خلت البيت لانو هو ابي يخليها تبيت عند ناس حبوبتي..
ريفان ضحكت ف النص
-ولمن ابوي عرف انو امي زعلت و مشت برضو قام غتاتة حمانا نمشي العرس..
حازم تني راسو بابجمبة و هو بحاول يقرا ملامح وشها..
كانت شيء من عدم الفهم ل زعل ل محاولة ترضية للنفس ل كلو..
-الموضوع سخيف كل م افكر فيه..انو يخلينا نعمل حركة زي دي غتانة بس عشان يفوز ضد امي ف حروبهم المابعرفها دي..
حازم نزا راسو..
-اانا ل يوم الليلة م بقدر..موضوع جد تافه و استغفر الله بس..
حازم ضحك
_امم..عشان كدا..
ريفان عاينت ليه..
-شنو؟
_ابوبكر كان دايما بقول لي انو مستغرب لانو م لاقي البت بنبح عنها محمد حياتو كلها و انا م حصل فهمتو لانو هو الراجل عررس..و مشي عرسو..
حازم و ريفان الاتنين ضحكو ع النقطة الاخيرة دي..
_لكن ياداب فهمت..
ريفان هزت راسها
-مساكل عائلية خرجت عن السيطرة..
حازم ضحك ليها بس..
ريفان رفعت راسها و عاينت ليه..
-حازم..
حازم عاين ليها و ابستم
_اممم؟..
-ممكن اسألك شيء؟
حازم رمش ليها مرتين و هو منتظرها تتكلم..
كانو وصلو ل عربيتو و هو ركب و هي ركبت..
_اها..
-قبل م نيفو تصحي من الغيبوبة..
لمن قالت كدا بس..
حازم دا وقف كل شيء و رفع راسو عاين ليها..
حتي كان دور العربية لكن رفع يدو من المفتاح..
ريفان حست انها م مفروض تسال..
بس ف شيء ناقص متأكدة..
قطعة م حصل شافتها او سمعت بيها عشان تكمل ليها باقي القصة..
-اتم؟
حازم رمش مرتين و هو بقول
_انتي الريدي بديتي..
-لو م عاوز توريني م الا تتكلم..
حازم ابتسم بالجمة..
_ليه حاسي اني حاضتر اوريك ف كل الاحوال؟
ريفان لفت عبونها..
حازم دور العربية و بدي يسوق..
جزء منو الريدي كان عارفها حتقول شنو..
-ف سنة صايعة ف النص..قلت انك قضيتها ف الميتم..
حازم هزا راسو و اكد كلامها لينا لانها كانت بتتكلم ب استفهام و تردد ف روحها زاتو..
_اها..
-ليه ف الميتم؟
حازم بلل شفايفو لانو حيقد يحكي ليها بس..
_كنت مع عمي عايش..
ريفان كانت مركزة معاه لاننا عاززة تفهم..
_لكن مرة عمي م كانت بتريدني..كانت بتقول ل عمي انو ابوي م كاز بتواصل معاه كتير ولا بساعدو ف هو ليه يعمل كدا؟
حواجبينها اتلاقو..
شوف بالله المرا دي..
حازم ضحك ضحكة استهتار..
كل م يتزكر سخافة المرة دي..
م بقدر م بقدر..
يعني موبالغة..
_كانت بتحقر بي..بين اولادها..
-كيف؟
_م كانت بتخليني اكل زينم..بتدقني كتير بتشاكلني وم بتخليني ب حريتي..
وااوو..
شوفو تفاهتها..
دا كلو وهو شافع كدا؟؟
_حتي كانت بتكاوني و بتقول انو ربنا شال اوراح انبي عقابا لي..و انو حيشيل حقت نيفين و يخليني براي اتعذب معاها هنا..
ريفان رفعت حواجبينها..
لا..
لاا.
لا لا لا..
انتو قادرين تستوعبو تفاهة الموضوع و المرا؟
-و عمك؟
حازم ضحك ضحكة استهتار و عاين للشباك ل ثانية و تاني عاين قدامو..
و كأنو ب اسم عمك دا رقبتو وجعتو..
_عمي كان بخاف منها..دايما بعمل ليها العاوزاه..وهي بتلعب براسو..
-ف النهاية رمتك ف ميتم؟؟
حازم ضحك ع جملتها..
_ابدا..
ريفان عاينت ليه
_هي كانت بتستمتع لمن تعمل فيني كدا..
حازم كانت عيونو ملصوقة ف الشارع..
اصلو اصلو اصللو م اتفلت غير كم مرة عاين للشباك و دا عشان يركز مع العربات..
_يوم جاتني..قالت لي انو نيفو ماتت..جاتها نوبة وهي ف الغيبوبة تقريبا و م حتطلع منها حية..و انو ربنا استجاب دعواتها وانو انا حاتعذب براي ل بقية حياتي هنا معاها..
واي انا وااي..
الولد دا ليه كل زاوية فيه حزينة كدا؟؟
-قعدت معاها كم؟؟
_سنة تقريبا..
ريفان هزت راسها براحة..
سنة كاملة شافع ب عمرو مرا ب تفاهة زي دي؟؟
_ف لمن قالت لي كدا..انا م فكرت مرتين..قلت امشي الحقهم برضو مالو..مشيت و سلت السكينة و بكل قوتي دفعة واحدة حشرتها ف جمبتي..
ريفان نططت عيونها ع الجملة دي..
و حتي بدون م تنتبه ختت يدينها ف خشمها..
_م كسيت ب شيء غير الم ف بطني و اني اقع و شيء سائل مالني..
الطعنة زاتها م كانت حارة شديد كدا..
واي انا لا لا لا..
مويالغة موبالغة..
الولد دا عبارة عن مأاسي ماشة ع رجلين..
_امكن لانها م كانت قريقة..او لاني و ب طل م اوتيت من قوة دخلتها جواي مرة واحدة..م بعرف..
لا لا لا..
ريفان لحدي حسي م قادرة تستوعب..
حاول ينتحر؟؟
لا هو طبقها و قرب كمان..
وهو بالعمر دا؟
المرا دي زفتة قدر كيف ل درجة انها تعمل فيه كدا؟!؟!؟
اوميقاد اوميقااد..
لا حول و لا قوة الا بالله..
_الشيء التاني العرفتو اني صحيت ف مستشفي لعد كم يوم..حييت طبعا..
ضحك بعد اخر كلمة..
و ريفان مرات بتستغرب هو بلبو دا من حجر جد؟؟
لانو بضحك ف مواقف مفروض الدموع دي بتكون بتنقط من عيونو..
_لمن صحيت كان ف ناس بتكلمو مع عمي..م اعتقد قالين اني صحيت..لكن كل الفهمتو انو عمي حيقع ف مشكلة..لانو انا ك مواطن بالنسبة ليهم و ب عمري داك حاولت انتحر و طعت نفسي دي مشكلة..
-مشكلة كبيرة..
_اممم..ف مرتو بتحرش فيه بالعربي..
حازم لفي عيونو و ضحك ضحكة استهتار مليانة كراهية..
ريفان حست بيها جوا عظامها..
_مختلف انواع مختصرها انو انا بعمل ليهم مشكلة بس..وانو لازم يتخلو عني وانو انا كاضيعهم..واني مفؤوض امشي الميتم لاني م نصيح و انو دي اول مرة شافع ب عمري يحاول ينتحر و انو انا م بستاهل..
ريفان كانت جد مصدومة..
اعتقد ف كمية الحقارة و الحقد و الكراهية و التخلف و عدم الانسانية الكان موجودة بين الكلمات ديل اكتر من المرا زاتها..
_هه..حتي قالت لبه انب هادي..م بتكلم..و ما حاعترض امسي ميتم..
-و عمك واقف..
حازم ضحك و عاين لبها
_ربنا سبحانه و تعالي قال 'ان كيدهن عظيم'
ريفان كانت بس مستغربة ب طرؤقة كدا لا تصددق..!!!
لحدي حسي جزء منها م قادر يستوعب..
حازم رجع عاين للشاؤع
_ف بعد فترة انتهي الوصع بي ف ميتم..و نيفو صحت و طالبت بي..ف ناس خالي فتشو عمي و اعتقد بعد تعب لقوني و...وبس..دا الحصل..
ريفان استغربت فيه
بحكي ف الحصل للتو و زي لمن الزول يجي يحكي يومو العادي..
و كأنو الحزن و البرود المأآسي دي بقد جزء من حياتو اليومية ل درجة انو اتكيف و اتعود عليها..
_و ب كدا بس علمت جسمي و عقدت نفسي زيادة..
ضحك بعد م قال كدا..
ريفان عاينت ليه ب عيون عاملة زي حقات الكلب..
-علامة كبيرة؟
حازم ضحك
_اممم..رغم انو كنت قابلها حتختفي بس م اعتقد..هه..و انا استاهل حاجة زي دي عشان اتزكر انو قرار واحد ممكن ينهي كل شيء كيف..ريفان عاينت ليه..
حازم حسي بالكآبة الدخلها فيها..
ابتسم و ختي يدو ف طرف فنيلتو وهو بقول ليها
_عاوزة تشوفي؟
ريفان عاينت ليه و نططت عيونها و طوالي قبلت
-انت متخلف؟
حازم دا فكي ليك الضحكة..
و اعتقد ريفان م حصل سمعتو يضحك قدر دا..
-انت مستهبل...
حازم ضحك ضحكة استهتار
_وكأنك م شوفتيني قبل كدا..
ريفان دي حمرت ليه ب طريقة خلتو يضحك زيادة..
ريفان رجعت عاينت قدامها
-م سفتك زي الناس زاتو..لقيتك قدامي و طوالي جريت..
_طيب تشوفي حسي؟
ريفان لفت عيونها
-المرة الجاية..
و طوالي نزلت من العربية اول م وقفها قدام بيتها..
حازم نزل و عاين ليها..
_هي تحت بالطرف ظاهرة..
ريفان طوالي قبلت نهرتو
-حازم انا م بضحك..
حازم دا جد م حصل ضحك قدر كدا ف حياتو..
و موضوع تافه جدا م بستاهل..
طيب بضحك قدر دا ليه؟
ريفان دقت الجرس..
-تدخل؟
حازم عاين ليها ورفع حواجبينو
_اا؟
-حبوبتي قالت عاوزة تشوفك..
حازم ضحك..
_واو حبوبتك..
ريفان هزت راسها..
شوية كدا و الباب اتفتح..
_م بقدر..نشوة و يوسف منتظرين-
ريفان عاينت ليه و عاينت للفتح الباب..
التقول بس حست والله العظيم..
بدون عاداتها حيوبتها الفتحت الباب..
عاينت ل ريفان و ناني عاينت ل حازم..
-سوسيي..
حبوبتها م عاينت ليها زاتو
=انت حازم؟
حازم رفع حزاجبينو و ابتسم و هزا راسو شوية
_امم..
ريفان عاينت ليه..
هه..
حتي ف الحالات دي برودو مسيطر و مابيى ينزل..
شكلو هادي جدا جدا جدا..
جد والله الولد دا تحفة..
(اسفة اني بنزل فيها نص الليل..)
بقلم Moonlight
-٢١-
"ف وسط هذا البؤس يتوه قلبي باحثا عن الابتسامة..لم يكن يشعر بالراحة و هو محبوس..و لكنه تهور و ذهب باحثا و الان هو تائه!!..تائه بين دموع وجب نزولها و لكنها رفضت و اختارت ان تختنق ف داخل الحلق..بين كلمات وجبت ان تخرج ولكن اسناني رفضت الحراك و تركت عقلي ف بناء مستقبل كان يكمن ان يحدث..يريد العودة..ولكنه يعلم انه سيتوه ايضا حتي و ان حاول العودة..هو فقط يتحرك..ربما للامام دوما..ولكنه يغفل من احتمالية الدوران..ان يكون تائها بين دايرة لا يعلم حتي وجودها..!!"
ريفان عاينت ل حازم القاعد قصادها..
شوية كدا و عاينت ل حبوبتها القاعدة جمبها و هي بتعاين ليه..
حبوبتها كانت مركزة مع حازم شديد..
بتقرا فيه من فوق ل تحت..
بتعاين ل وشو..
هه..
حبوبتها كانت مستغربة ف حاجة..
ظاهرة ف وشها..
ريفان م كانت عارفاها مستغربة ف برودو و هدوءو و ملامح وشو دي ولا ف سماحتو ولا ف شنو؟
=اتلاقينا مرة..
حازم رمش مرتين و هو برد ليها ب ابتسامة دافية كدا
_امممم..لمن جيت مع ابوبكر ل ناس محمد..
ريفان عاينت ل حازم و هي مستغربة..
متزكرها؟؟
وايت..
هي م مفروض تنصدم ف دي..
مفروض تنصدم ف انو اتلاقو قبل كدا..
هه..
جزء منها كان شمتان ف انها بتنصدم كل مرة كيف حازم دا وشو بارد لكن عندو ايتسامات دافية كدا متناقضة تماما مع ملامحو..
تحسي التناقض ظاهر..
زي لمن تكون ماسك تلجة و هجأة تمشك ليك حديدة دافية شوية..
بتحس ب شعور غريب..
دا البدخل جوا ريفان كل مرة الابتسامة الدافية دي تظهر مع ملامحو الما بتتغير دي..
سبحان الله..
جد كل مرة الولد دا بخليها تقول كدا جواها..
لانها بتشوف التناقض فيه..
بتشوف عجايب..
تشوف اجمل حاجات سافتها ف حياتها..
جد التناقض و الحاجات الشاذة فيه..
ريفان طلعت نفس طويل..
م حصل اتحيرت ف حياتها زي م الولد دا بحيرها..
الدنيا حصل ليها شنو؟؟
حبوبتها رفعت حواجبيهةو عاينت ليه
=متزكر؟
_موش انتي العملتي كيكة النسكافيه ديك؟
ريفان رفعت حواجبينها..
هه..
بعرف كيكتها من وين؟
حبوبتها صفقت يدينها و طوالي ضحكت
=يب ياهاا..
حازم ضحك ليها
_ابوبكر ل يوم الليلة بقول نفسو ياكلها تاني..
حبوتها ضحكت
=طواليي..بس اقدر اجيكم..
_هههه..صدقيني منتظرك..
حبوبتها ضحكت
=والله لو ربنا سهلها اساسا عاوزة اسافر ل محمد و هم رجلو جمبكم صح؟
حازم رفع حواجبينو و تحس اول مرة يسمع الكلام دا
_جد؟
ريفان و حبوبتها هزو راسهم
=خليه يجيني كل يوم بعملها ليه
حازم ضحك ليها
_خلاص بوري..
=تمام ي ولدي..
حازم رفع راسو و عاين ل ريفان
=لكن..
الاتنين عاينو ل حبوبتها
=انا م فكرت فيها..
الاتنين م فهمو قصدها شنو..
عاينو ل بعض و رجعو عاينو ل حبوبتها
=لمن ريفان جات قالت لي ولد عمة ابوبكر صاحب محمد..م فكرت ولا اتزكرتك..
حازم ابتسم ليها
=ياداب لمن شوفتك حسي اتزكرت شكلك..
هه..
والله حبوبتها دي..
ريفان عابنت ليها..
حازم دا عاجبها عجب..
ظاهر الكلام دا مرسوم ف وشها..
=لكن م شاء الله..طولت شديد و كبرت و كلو و والله م شاء الله..كبرت متين؟؟
حازم ضحك ليها..
ريفان رفعت حواجبينها..
هو ببقي عسل كدا مع ناس تانين برضو بالله؟؟
=دي كم سنة دي؟
حازم بلل شفايفو
_امممم..6 او 7؟؟
=جد والله الزمن بمر بسرعة..شوف انت كبرت كيف..
حازم سكت..
-وانتي بالجد مسافرة لي محمد؟
حبوبتها هزت راسها
=ماشة اقعد اسبوعين بس و جاية..
-هه..ماشة ليه طيب..
=ماشة اشوف بت ولدي..
-حتمشي تقعدي معاهم ف البيت؟
=لا حاجر ف هوتيل..دا شنو سؤالك الغبي دا..
الاحباط ظهر ف وش ريفان..
-هه..انتي الغبية لانك م فهمتي قصدي..قصدي يعني ف بيتهم الشوفتيه دا؟
السااعة الريفان نطت ب طاااخ ف يدها من حبوبتها..
رغم انها جات فجأة لكن حازم م اتخلع..
بالعكس عضي شفايفو مع بعض عشان بمنع الضحكة و هو بعاين ليها..
ريفان كرفست وشها ليها ب صرة شفع كدا..
-يااااااهه..م تضرربي..
=وانتي م تقولي لي غبية..
-بقول الحقيقة بس..
حبوبتها قبلت عليها تضربها لكن ريفان جلت من الضربة و قعدت تضحك..
-هه..متأخرة..
حبوبتها طوالي شالت المسندة الجمبها و ضربتها بيها..
ريفان رجعت ل ورا و قربت تقع..
-سوسي..!!!
=يسوسو راسك..
حازم كان بس بحاول يمنع روحو من انو يشمت فيها..
-ينفع تعملي فيني كدا قدامو؟!!؟!؟!
لمن ريفان اشرت ع حازم حازم عاين ل ريفان و عاين ل حبوبتها..
=هه..خليه يشوف حقيقتك وقت م اتسلبطو ف بعض..
حازم رفع ليها حواجبينو و ضحك و ريفان بس لفت عيونها
حبوبتها قبلت ع حازم ب جدية
=و بما انب زكرت الموضوع..انت البت دي بتغرفها غبية قدر كيف؟
حازم عاين ل ريفان..
كانت خاتة يدها ف وشها و مدنقرة..
عارفة حبوبتها حتبدأ تحرجها انتقاما منها..
رجع هزا راسو لي حبوبتها
=طيب بتعرفها م بتفهم كيف؟
حازم تاني هزا راسو
=وهي طيبة ل درجة الغباء كيف؟
حازم ضحك و هزا راسو
-هااي دي م صفة كويسة؟؟
الاتنين عاينو ليها و هزو راسهم مع بعض ب معني لا
=ف الدنيا دي لا اكييد..
رسفان ضحكت ضح