الجزء 23

"وقد زرع الشتاء بداخل قلبي ب طريقة معقدة..!!..لا استطيع اخراج هذا الفصل منه حتي و ان حاولت..!!..نقطة ضعفي ان فيه تظهر حقيقة مشاعري.."

-رييفااااانن..رييفااان افتحي الباب..رييفاان ي بت م تعملي كدا افتحي نتفاهم..ي بت م تعملي ف روحك شيء..ريفااان

صوتهم و هم بضربو ف الباب لفت نظر مععظم الناس القاعدين ف البيت..

مروان ولد خالتها ف النهاية وقف..

بقي بس واقف و متخير..

امها كانت بتبكي ب طريقة كعبة..

تبكي بحرق من قلبها..

=مروان خليها

مروان اتلفت ب وراه ع صوت خالتو..

ام ريفان

=خليها م حتمرق ليك حسي..

-ي خالتو لكن لو عملت شيء ف روحها

=م بتعمل صدقني..لكن خليها م حتجي مارقة الا تكسر الباب..

مروان طلع نفس طويل..

اخد ليه مسافة وف النهاية قرر يمرق لانو قاعد ف وسط النسوان البكوركو و ف واحدة كمان قامت تشرط ف قميصها..

ولا اتفاهم طوالي ع الباب و تووشك ع الصيوان..

ريفان كانت راقدة ف السرير..

صوت مروان وهو بضرب ف الباب وقف..

كان قلعت طرحتها و شنطتها و رقدت باقي هدومها..

كانت بتعاين للسقف و صوت الناس البكوركو و بصرخو برا ديل بالله ف اضانها..

م قادرة تسمع روحها ولا عقلها زاتو من كترة الصواريخ..

استغفر الله بس..

اتقلبت ع السرير و عاينت للشباك..

كان ف حبوب امها حقات العملية..

عاينت ليهم فترة..

الحبوب هي قاتلة للالم و منومة..

لكن مفعولها قوي قوي قوي شديد..

وهي بتتزكر امها كانت لمن تبلعهم تاني م بتصحي الا بكرة الصباح..

ع الاقل بتنوم 6 ساعات ع الاقل..

ريفان طلعت نفس طويل..

مدت يدها ل شنطتها و طلعت زمزميتها..

فتحت الحبوب و طلعت اتنين..

امها عادة بتبلع واحدة..

كان نفسي اقول ليهم هي فكرت ف النقطة دي..

لكن ف اللحظة ديك..

حرفيا مخها بقي م شغال..

بلعت الحبتين ب موية و شربت الموية كلها..

قلعت الجزمة و الشرال و رقدت قعدت تعاين للسقف..

هو الحاصل شنو؟

للتو مروان قال انو حبوبة ياسمين اتوفت..

حبوبة ياسمين دي منو؟

سوسي زاتها؟

دقيقة دقيقة..

سوسي الواحدة الكانت كبت ليها كباية الشاي الليلة الصباح دي؟

سوسي الكانت بتتكلم معاها قبل م تمشي و اصرت عليها انها تلبس القميص الجديد الجابتو ليها لانو دي سنة جديدة و قعدت سكتها و قربت تدقها؟

دي ياها اللحدي حسي حررفيا ساامعة صوتها وهي بتكورك اسمها ريفاان ف اضانها لمن نست زمزميتها حقت الموية لمن مرقت قبيل للمواصلات..

كيف يعني ماتت..

هو الموت دا شنو؟

سعني تاني م حتقدر تتكلم معاها؟

دقيقة دقيقة..

ابموت دا موش لمن ربنا يشيل روحك و تمشي للاخرة؟

ع الفكرة دي الدمعة دي طق طق طق تلاتة ورا بعض نزلو من عين ريفان..

لا انتو جادين معاي يعني؟

حبوبتها الواحدة دي مشت؟

دقيقة دقيقة نتفاهم..

ربنا اخد روحها خلاص؟

يعني تاني م حتشوفها؟

م حتسمع صوتها؟

م حتهبشها؟

م حتتونس معاها؟

م حتحكي ليها و حتتناقش معااها؟

مشت خلاص؟

دقيقة دقيقة انتو بتهظرو؟

رقم انو م كان ف ولا صوت مارق منها..

لكن الدموع دي والله ماسورة ماااسوورة..

قلبهاا كان واجعها ب طريقة كدا م حصل اتخيلت انز ليها وجود زاتو ف حياتها..

و كانو ف زول غزا جواه سكينة و بقي بلفها دورانية ف مكانها..

ريفان كانت بين الواعية و الما واعية و هي بتبكي زاتها..

غمضت عيونها لانها بقت م قادرة تحارب النوم بعد مرور قريب ال20 دقيقة وهي راقدة بس ف مكانها بتدمع زي الماسورة..

والله لدرجة انو السرير زاتو اتبلي تحتها و هي حاسة بيها ف اضنينها..

و لدون م تحس هي زاتها بس التقول عملو ليها سحر..

كان غمضت نامت ف مكانها..

♤°♤°♤°♤°♤°♤°♤°♤°♤°♤°♤°♤°♤°♤°

-كيف يعني حبست روحها جوا الاوضة؟

لينا كانت قاعدة جمب باب اوضت ريفان و معاها نون و وابل واقفين و متحيرين مع مروان ولد خالتها الكبير..

=والله والله قفلت روحها جوا الاوضة و تاني عملت شيء..

-ليها كم جوا؟

=من ما جات من الجامعة..

لينا عاينت ل وابل و نون و عاينت للساعة..

الساعة 11 بليل..

اخت ريفان اتصلت ع لينا لمن ريفان م مرقت من الاوضة من الساعة 6..

حرفيا مرت 5 ساعات و قربت تقفل 6 و هم نفس من الاوضة م سامعنو..

-ي جماعة امكن تكون عملت حاجة ف روحها..

وابل و نون ديل بس عاينو ل بعض و مروان طلع نفس طويل..

لينا الريدي كان وشها اتملي دموع و نشف و تاني بدي ينزل البكي..

مروان سكت مسافة..

-مافي مفتاح اضافي مافي شباك مافي ااي طريقة؟

=الشباك بس الوحيد الفاتح هو حق المخزن..

-طيب اررح ليه نفتحو نشوف؟؟

مروان طلع نفس طويل و مشي مرق برا و ديك مشو وراه..

لفو ب ورا و وصلو للمخزن..

-الشباك جوا المخزن؟؟

مروان هزا راسو

=اساسا بنو المخزن زمان ناس خالي عشان حبوبتي عندها هوس التخزين الله يرحمها..

كلهم قالو ب صوت واطي تحسو فيه الالم الله يرحمها..

مروان دخل و زحا كم حاجة من الشباك و ولينا بس واقفة بس واراه..

قعدو يجرجرو و الشباك ابي يفتح

-متأكد انو فاتح؟؟

مروان هزا راسو

=هو فاتح..لكن شكلو عشان ليه فترة م اتفتح..عن اذنك..

مروان مرق و مشي جاب سكين..

بقي بقاوي مع الشباك

مسافة..

ومرقت منو شوية..

=جري جري جري..

لينا دخلت اصابعينها شوية و بقت بتجرر شدييد و داك ب فوق مع السكين..

ف النهاية الشباك فتح ب كوووو..

لينا عاينت عاوزة تخش لقت تاني ف جزء قزاز مقفول..

الاحباط ظهر ع وشها و عاينت ل مروان

=في تاني جزء القزاز دا هي قافلاه م بفتح

-يعني م بقدر ادخل؟؟؟

مروان عاين ليها احساس م عارف..

=هديك ليها عايني..

عاينو ليها من القزاز..

كانت راقدة ف السرير القصادهم ف نهاية الفرفة..

لينا ضربت الشباك لكن ريفان م حركت ولا عضلة..

كانت راقدة و شعرها مفكوك ف السرير و راقدة ب نفس لبسة الجامعة ع ضهرها و راسها مقبل ف الجهة التانية..

-مالا م بتتحرك ي جماعة؟؟ريفان ريفاان..

قدر م طقطقو اصلو م اتحركت..

مروان قعد يعاين ليها ب تركيز..

لقاها بتتنفس..

=عايني ليها بتتنفس..

لينا عاينت ل مروان و تاني رجعت ركزت مع ريفان..

بالجد..

صدرها كان بطلع فوق و بنزل ب انتظام..

=نايمة بس هي..

وابل ضحكت ب ورا..

_من متين ريفان بتنوم كدا؟

نون عاينت ل لينا و هزت راسها..

-صح ريفان م قاعدة تنوم كدا براحة..نادرا م تنوم اربعة تكون نامت 6.؟..

مروان م قال شيء لانو م كان مصدقهم اساسا...

شوية كدا و ريفان قلبت وشها و بقت مقابلة ليهم..

=هدي قلبت وشها..

لينا عاينت ليها..

جدجد ف سابع نومها..

والله لو قنبلة وقعت جمبها م بتسمعها..

لبنا طلعت نفس طويل و مرقو برا المخزن..

-نحنا لازم نمشي لانو الوقت متأخر..

لينا و وابل و نون مرقو..

-عاين قول ليها لينا قالت ليك اوول م تصحي اتصلي عليها او بس رسلي رسالة بسيطة المهم اتواصلي معاها..

=اممم طيب..انتظروا اوصلكم الوقت اتأخر..

-ماقي مشكلة نطلب ترحال..

=ترحال ف الليل دا؟انتظري اجيب المفتاح من جوا..

و طوالي دخل..

لينا طلعت نفس طويل و عاينت ل ديك..

=انتو شوفتو وشها كيف و النور م فاتح ف الاوضة؟

-نور المخزن قوي كان عاكس جوا طوالي و هي راقدة قصادنا..

ديك هزوا راسهم..

وابل طلعت نفس طويل

=صراحة انا م حاقدر اتخيل ريفان دي حتبقي كيف..

نون قعدت تبكي براحة..

-قلبها دا حيتقطع..

=البت انا خايفاها بعد مرور فترة و تستوعب الوضع تقوم تعمل شيء ف روحها..

-لا ان شاء الله م حتعمل شي ان شاء الله نحنا بس نكون معاها دايما..

مروان جا و ديك مرقو ع الباب..

لمن وصلو للعربية سمعو الناس قامو يبكو تاني نص الليل

-ديل ليه قامو يبكو تاني؟

كان ف عربية وقفت قدام البيت و نزلو منها كم راجل..

مروان عاين ليه و مشي سلم عليه بعد م ديك ركبو العربية و جاهم بسرعة طوالي..

وابل عاينت ليه و عرفتو من بعيد

=دا خالها عبدالله..شكلو جا من البلد ياداب..

لينا عاينت ليه و ركزت معاه

-جد؟؟..

=ااممم..

بعد فترة حني عرفتو..

-طيب و محمد؟

=محمد دا والله بكون حجز اول حجز للسودان..

مروان جا راجع و ساقهم وداهم بيوتهم..

♤°♤°♤°♤°♤°♤°♤°♤°♤°♤°♤°♤°

حازم ركب عربية يوسف بعد م ختي شنطو ورا..

يوسف كان لابس هدوم نومو و اعتقد حازم ممكن يحلف انو هو للتو قام من سريرو..

حازم عاين ليه و طلع نفس طويل..

شوية كدا و نزل من المقعد التاني و مشي فتح مقعد السواق..

يوسف رفع راسو و عاين ليه..

_انزل..

-حتسوق انت؟

_امم م عاوز اموت ع يديك

يوسف نزل و ركب ف المقعد التاني و حازم ركب و دور العربية و ساق..

-اتأخرت مالك؟

_طبيعي الطيران السعودي بأخر..

-م للدرجة دي حسي الساعة كم؟

حازم مرق تلفونو..

حاول يفتحو لكن م فتح..

شوية و اتزكر انو قطع شحن ف المطار..

-الساعة 5 ي ولد..

حازم عاين للسما فترة

_اممم ظاهر عليها..

ختي تلفونو ف الشاحن من العربية و ساق..

-كيف لقتيهم هناك؟

_البرد مطلع عينهم..

-هه حالتهم م ف لندن

_حالتهم م ف لندن

-و نيفو؟

_اممم..لسا م منتظمة ف ادويتها..ك العادة..

يوسف هزا راسو

-و محمود؟

_طول سنتمترين؟..بقي افصح..المهم اطور..

يوسف ضحك

-و ابوبكر كيف و ناس خالك؟

_امم..ابوبكر ك عادتو..لسا مزعج..خالي كويس..كان عندو التهاب لحدي حسي م خلاه..

-المكان لسا بارد شديد؟

_هه..ولا و كأنو حصل شيء..

يوسف طلع نفس طويل.

اتناقشو ف حاجات كتيرة منها اول يوم ف الجامعة و كيف فوتو و انو هو بفكر يفوت دا برضو لانو م قادر يفتح عينو زي الناس..

حازم كان عاوز يسألو من الحصل لانو كلام ريفان لسا عالق ف راسو زي الحلق..

لكن دا م الوقت المناسب عشان يسألو سؤال و يقعد يستفسر منو..

صراحة كدا..

عادة يوسف هو الدايما بجي جاري لحازم و يحكي ليه و حازم يسمع غصبا عنو..

اعتقد المرة دي حازم شوية حسي بالغرابة لانو م جاه بعد الفترة دي كلها و اتكلم..

و حسي جزء منو بقي شايل هم صحبو..

وقف جمب الباب و جا ينزل..

يوسف كان الريدي نزل و فتح الباب و دخل و لا عاين ب وراه زاتو..

حازم اتزكر تلفونو و تاني رجع جوا بعد م نزل شنطو للبيت..

شالو و فتحو..

كان عاوز ينزل لكن وقف ف مكانو اول م لقي ال12 اتصال من ابوبكر..

حواحبينو اتلاقو و ل اول مرة يتوتر كدا..

نيفين..

خالو..

خاف خوف..

شال طوالي اتصل عليه..

رنا فترة و م ردا..

اتصل تاني و ردا بعد فترة..

_ابوبكر..

-امم..كيفك

وصلت ب سلام؟

_اممم..

الهدوء السمعو ف صوتو هداه..

-حمدلله ع السلامة..ياداب وصلت؟؟..اتاخرت كدا ليه؟

_مشاكل ف المطار..

-امم..

_متصل علي 12 مرة ليه ف شنو؟

ابوبكر طلع نفس طويل..

-والله ام محمد اتوفت و محمد حسي ركب اول طيارة اتجهت ع السودان..

حواجيين حازم اتلاقو..

هه..

ل اول مرة يرتبك من جملة قالوها ليه..

ام محمد اتوفت؟

محمد صحبو؟

محمد خال ريفان؟

حبوبة ريفان؟..

اوميقاد..حبوبة ريفان..

سوسي..

اخدت منو كم ثانية عشان يستوعب..

لمن استوعب حازم نطط عيونو..

_حبوبة ريفان؟؟

-اممم..الله يرحمها..

_اتوفت متبن؟

-امبارح بالظهر كدا..

حازم دا طوالي قفل باب العربية..

_حاقفل انا..

و طوالي قفل م سمع ردو زاتو..

طلع اتصل ع ريفان طوالي..

دا الكان ناقصها..

لا والله والله جد الكان ناقص حياتها..

تفقد زول زي حبوبتها دي..

استغفر الله..

حازم ختي اصبعينو الوسطة و السبابة ف جبهتو و سوية اتكل عليها من الحيرة..

ريفان م بترد..

نزل من العربية و دخل ورا يوسف..

ل حسن الحظ البيت كلو نايم..

دخل غرفة يوسف و لقاه الريدي مرمي ف السرير ف سابع نومو..

فتش تلفونو جمبو لكن م لقاه..

مشي ع كل الكوبسات الفي غرفتو..

لقي لابتوبو و ساعتو و كلهم الا التلفون..

فتح الدولاب م لقاه..

مشي عليه..

دخل يدو تحت مخدتو و لقاه..

فتحو و شال اصبع يوسف فتح التلفون..

وحاتك يوسف م حاسي ب شي والله..

حازم فتح جهات الاتصال طلع تلفونو و شال رقم لينا و طوالي رجع التلفون و مرق براحة..

فتح الباب براحة و قفلو براحة..

عاين يمين و شمال..

والله لو زول من ناس البيت صحي م حيخلوه ف حالو..

لدرجة انو اضطر يمرق من الباب البي ورا عشان م يجي ماري ب صالون ابو يوسف و يلاقيه..

حازم مرق و ركب العربية و طوالي اتصل..

ولا حتي انتبه انو الساعة ياداب بقت 6 يعني..

اتصل المرة الاولة م ردت و التانية و التالتة و الرابعة..

ف النهاية قفل و طوالي دور العربية و ساق..

طلع اتصل ع ابوبكر تاني..

_الو..

-امم حازم..

_محمد سافر؟..

-اممم..ياداب ركب حسي..

_تمام..

و طوالي قفل..

ركب معناتا م حيقدر يصل ليه..

معناتا م محمد بحد زاتو م حيقدر يصل لريفان..

حازم طوالي ساق ع بيت ناس ريفان..

اخدت منو زي ساعة الا عشان يصل لانو دقس..

الشوارع اتلخبطكت عليه..

و دي اول مرة ف حياتو..

اكرر اقول ليكم اول مرة يلخبط بين الشوارع من م الله نفخ فيه رووح..

ف النهاية لمن وصل و هو كل مرة بتصل عليها و هي ولا بترد..

وقف عربيتو جمب الباب و نزل..

باب الببت كان مقفول..

و رغم انو ف الخيمة برا لكن م كان فيها ناس كتار..

رجال يتعدو بالاصابع..

حازم عاين ليهم و وقف جمب عربيتو..

طلع التلفون و اتصل تاني ع لينا..

برصو رنا المرة الاولة التانية التالتة..

لكن ردت ف الرنة الرابعة..

-الوو؟..

صوتها كان تعبان ظاهر علبه..

_الوو لينا..

لينا م ردت..

جزء منها مستغرب الصوت دا ليه بشبه صوت حازم كدا..

زحت التلفون من اضانها و عاينت للرقم..

دا رقم حازم؟

_الووو..

-حازم دا انت؟

_اممم..اسمعيني..

لينا حولت التلفون من يدها ل يدها التانية..

-اها

_ريفان..

لينا عرفتو حيسأل منها..

اكيد..

-انا ف بيتهم حسي..

حازم رفع راسو عاين للباب حق البيت..

_طيب انا برا جمب الباب..

حواجبين لينا اتلاقو

-حسي؟

_اممم..

-هو انت ف السودان؟

_اممم..وصلت قبل ساعة و حاجة..

لينا سكتت مسافة..

-طيب انا جاياك دقيقة..

و طوالي قفلت منو..

مرقت و بعد كم ثانية جات فتحت الباب..

لقت حازم قدامها..

سلمت عليه..

و حازم عاين جمبها..

لمن لقي ريفان م واقفة حوجابينو اتلاقو

_وين ريفان؟

لينا طلعت نفس طويل..

-نايمة..

حازم هزا راسو..

-المشكلة انها نايمة من امبارح..

حواجبينو اتلاقو

_كيف يعني مشكلة؟

-امبارح من م جات من الجامعة الساعة 6 لحدي حسي هي نايمة..

_من م جات طوالي؟

-اعتقد..لانو مروان قال انو دخلت و حبست روحها ف الاوضة..ولمن مشينا المخزن و فتحنا الشباك لقيناها نايمة ب هدوم الجامعة ف السرير..

_م حاولتو تدخلو ليها؟

لينا هزت راسها

-الشباك فيه جوء بالقزاز مقفول ب جوا الاوضة م بتفتح..

حازم عاين ليها ب استغراب

-ف م قدرنا نخش و بس بنعاين ليها..

_و لحدي حسي م صحت؟

-اممم..

لينا عاينت حوليها..

الناس كانو نايمين..

-اساسا كنت ماشة ع الجامعة لكن لانها م اتصلت ولا رسلت جيت اشوفها و لسا لقيتها نايمة..

_طيب اممن صحت نص الليل..

-م اعتقد..لانو م اتحركت شديد من رقدتها الاولة الشوفتها بيها..

حازم كان مستغرب..

كيف من 6 لي 7 اليوم التاني نايمة؟؟

دي ريفان الواحدة دي البنتكلم عنها؟

ريفان المابتقدر تنوم 4 ساعات متواصلة ورا بعض ب انتظام؟؟

تجي تنوم 13 ساعة؟؟..

_لينا متأكدين انها نايمة؟؟

-لالا اكيد نايمة..يعني بتتنفس ب انتظام و قلت ليك بتحرك راسها شوية او كدا..

_م قاعدة تعمل روحها نايمة؟

-امم..اشك..ريفان و بعرفها..

حازم رفع راسو متحير..

-بعدين الزول النايم ظاهر عليه..

حازم هزا راسو..

للاسف كلامها صح

طيب دا شنو دا الحاصل؟

ليه فجأة قلبت من عدم القدرة ع النوم ل انو م تصحي تاني؟

صدمة من الحصل؟

غالبا صدمة..

لكن حتي تأثير الصدمات منطقيا م بتنفذ بالسرعة دي..

طيب مالا؟

م عاملة روحها نايمة؟

كيف عاملة روحها نايمة..

الوقت دا كلو؟

التفكير بكون قتلها..

لازم تكون نايمة..

م هو اكيد نايمة..

لو م نايمة نايمة..

طيب ليه؟

ف شنو؟

صوت تلفون لينا جذب انتباههم الاتنين..

-الوو..اممم..ااي..لسا م صحت والله..ااي اي جاية مارقة حسي..طيب نجيها بعدين..امم تمام..يلا..

طوالي قفلت التلفون..

حازم عاين ليها

_ماشة الجامعة؟

-امم..عندنا محا١رة الساعة 8 و م عاوزة نفوتها..بعدين لازم نحاول نتندس ليها..

_طيب ارح اوصلك..

لينا عاينت ليه

-ثنكس..لكن اتس اوكيه بمشي براي..

حازم عاين ليها و تني راسو بالجمبة

_ليه يعني؟

لينا عاينت ليه ب استغراب

-عفوا؟

_ليه تمشي براك و نحنا الاتنين ماشين نفس المكان..

حواحبينها اتلاقو

-انت ماشي الجامعة حسي؟

حازم رفع حواجبينو

_م عندي خيار تاني..

لينا عاينت ليه

-برضو

_بتحسي ب عدم ارتياح معاي؟

لينا رفعت حواجبينها..

كيف ممكن يسألها سؤال زي دا ب وش بارد كدا؟

وايت دقيقة دقيقة..

كيف اساسا ممكن يسألها سؤال زي دا مباشرة كدا..

-امم..

جد اول ثواني غلبها الرد حررفياا

-الموضوع م موضوع عدم ارتياح..

حازم عاين ليها

_انا م واثع ف راسك؟

-الموضوع م عندو علاقة بيك..

حاوم بلل شفايفو لمن فهم

_يوسف..

لينا عاينت ليه

-ولا حتي عن يوسف للدرجة دي..

حازم عاين ليها

للدرجة دي..

للتو قالت للدرجة دي..

قصدها انو يوسف بقي "م للدرجة دي" ف حياتها؟

و هو بعاين ليها حسي..

ليه حلسي انها اتغيرت..

لدرجة انو التغير ظهر ف نبرة صوتها..

حواجبينو اتلاقو و هو بلاحظ انو الموضوع دا عندو دخل ب يوسف..

يوسف..

الحيوان دا عمل شنو المرة دي؟

_اايا كان الحصل بينكم دي حاجة م عندها بي علاقة..بس عاوز اساعد..

لينا بللت شفايفها و النظرة الظهرت ف عيونها كانت عبارة عن نظرة تحدي اتزكر بيها حقت ريفان لان النظرتين بتشابهو جدا..

-وانت من متين بتحب تساعد؟

حازم تني راسو بالجمبة و ب نفس النظرات الباردة ردا ليها طوالي بدون م يديها فرصة تتنفس بعد اخر حرف قالتو

_وانت من متين بتعرفيني كويس؟

لينا صحكت شوي

-نقطة مهمة..

حازم عاين ليها..

رسفان اثرت فيها..

او امكن ياداب قررت تمشي ورا صحبتها؟

-لكن برضو..انت عارف قصدي شنو..

حازم تني راسو بالجمبة بعد جملتها دي و اخد ثانيتين يرد..

_امكن لانك صحبتها؟

لينا عاينت ليها

-سو انت بتعمل كدا عشان ريفان؟

_انا موش معظم الحاجات البعملها عشان ريفان؟

لينا عاينت ليه..

_انا عارف انو يوسف وراك كل شيء..

لينا رفعت حواجبينها..

بسم الله..

حازم قرر يتم كلامو لانو عرف انو للتو مسكها

_كيف كنت خاتيها ف راسي من زمان و كنت بركز معاها و كلو..

لينا كانت بس بتعاين ليه شبه مصدومة..

_سألتيه عن دي بعد م فجأة قررنا نربط انا و هي..م كنتي فاهمة و م اعتقد ريفان كلمتكم كل الحصل ف مشيتي سألتي يوسف و هو وراك كل شيء..

لينا كانت بتعاين ليه و هي بتحاول تفكر ترد ليه ب شنو

_صح ولا انا غلطان؟

-يوسف وراك؟

حازم ابتسم

_يوسف م قال لي اي شيء..

-طيب عرفت كيف؟

حازم طلع نفس طويل..

نظرات البرود كالعادة م بتفارق عيونو ولا وشو

_كنت مستغرب انتي ليه م كرهتيني او فكرتي ف الموضوع دا شديد كدا كيف و ريفان دايما معاك انتي و يوسف..امكن ما زيها قلت ف البداية..تاني انتبهت انك م شايلة مني رغم انو كنت عارف اني من زمان م واقع ليك زي كل زول..

لينا ضحكت شوي..

وااااو..

حتي عارف انو م كان عاجبها اول ايام بتعرفو..

_لكن تاني اتزكرت حاجة مهمة كنت غافل عنها..

-واللهي؟

_يوسف بفضل انو يختو سكينة ف رقبتو و يجروها من انو يرفض ليك طلب..

حواجبين لينا اتلاقو

_امكن م حاجة واضحة جدا لكن دا يوسف و انا حافظو..

-سو قلت انو بروبيبلي انا سألتو هو ردا؟

حازم ابتسم ليها

_موش دا الحصل؟

لينا عاينت ليه..

اعتقد ابتسامتو غايظاها اكتر من اي شيء تاني..

ااخخخ..

جدجد ريفان كان عندها حق لمن تقول انو بقدر سماحتها هي غياظة..

لينا طلعت نفس طويل

-انت مفروض تتعلم انك تبتسم زيادة..

_بقولو لي كدا كتير

-لانو دا اللازم بحصل..بصلح الحاصل هنا 'اشرت ع وشها' و بفكىجز من البرود و الحاجات الميتة الشايفنها دي..

حازم صحك شوي..

كيف كلامها يكون شبه مطابق ل صحبتها؟

هه..

اكيد لانهم صحبات..

لينا رفعت ختت شنطتها ف ضهرها و مرقت قدامو مشت ع عربيتو و فتح العربية و ركب و هي ركبت و طوالي ساق..

♡°♡°♡°♡°♡°♡°♡°♡°♡°°♡°♡°♡°♡°♡°

لينا مرقت من المحاضرة..

الساعة كانت بقت 5 خلاص و بتفتش ف نون و وابل عشان ترجع البيت..

تلفونها كان قطع شحن و عاوزة تعرف لو ريفان اتصلت او رسلت ااو اي شيء..

بقت حايمة حولين الكلية عشان تشوف لو مرقو ولا لا..

كانت دخلت و خلتهم قاعدات برا..

=بتفتشي ف منو؟

صوت علي خلاها تتلفت عليه..

-نون و وابل..

=موش خليتيهم تحت؟

-اممم..لكن اعتقد قامو..

=اررح نشوفهم..

لينا ابتسمت ليه و مشت معاه..

علي دا والله عسل..

يعني جد م اتوقعت يكون ف ولد ب صفاتو دي..

ظريف و مراعي جدا..

بخت

اعتبار لىحولينه و بحاول م يأذيهم..

بحاول قدر الامكان يساعدهم..

موجود دايما عشان يساعدها..

=ريفان وين؟

لينا عاينت ليه..

=الليلة م جات صح؟

-حبوبتها اتوفت..

علي نطط عيونو و عاين ليها

=لا حول ولا قوة الا بالله..

-اممم..دي حبوبتها الربتها و القاعدة معاها ف البيت..

=اتوفت متين؟

-اممم امبارح بالظهر كدا..اول م رجعت كان اتوفت..

=مافي زول عارف ليه؟

-هو نحنا عرفنا الساعة 10 بليل امبارح..

=يحليلها ورتكم متأخرة؟

-هه..ياريت لو كانت هي الورتنا..

حوحابين علي اتلاقو و م فهم قصدها شنو

-اتصلت علي اختها الكبيرة لانها حبست روحها ف الاوضة و م مرقت منها من م جات..

علي طلع نفس طويل و تحس بيه متفهم هي عملت كدا ليه..

-ف النهاية امن دقينا و م فتحت و بعد افلام هندية المهم فتحنا الشباك و لقيناها نايمة..

=دخلتو عليها؟

-لالا..الشباك كان مقفول من جوا اوضتها..لكن كانت نايمة شايفنها من القزاز..

علي هزا راسو براحا

-المشكلة انو مشيت ليها قبيل بدري قبل م اجي و كانت لسا نايمة..

=اكيد حتكون نايمة لو واصلتها..

كان نزلو من اخر سلمة و بقو قاعدين ف الحوش

-يلا دي المصيبة زاتها..

حواجبين علي اتلاقو و ضحك شوية لانو م فاهم قصدها شنو..

لينا عانيت ليه و زاتها ضحكت ع ضحكتو التحت تحت دي

=سوري م قادر افهم دي مشكلة كيف؟

لبنا بللت شفايفها..

-طيب ركز معاي..

علي عاين ليها و صحك

=اها..

-ريفان عندها مشاكل ف النوم..عادة م يتنوم 4 ساعات متواصلة..لايك دي اققصي شيء بالنسبة ليها..حررفيااا..

علي رفع حواحبينو شبه م قادر يستوعب

=عندها اضطراب ف النوم؟..

-م بعرف عندها شنو..لكن المهم..

=يعني فهم انها تواصل كدا شبه مستحيل دا القصدك صح؟

-ايوااا..حرفيااا..

علي ضحك

=امم..طيب امكن من الصدمة؟

حواجبين لينا اتلاقو و هي بتعيد ف جملتو

-من الصدمة؟؟..

=م بعرف ف حاجات النفس ديل لكن اعتقد دا لانو هي اتصدمت فجأة ف حبوبتها..

لينا لسا م استوعبت كليا و ظاهر ف وشها..

علي ضحك عليها

=طيب حبوبتها الله يرحمهما كانت عايانة؟

-م اعتقد..لو كان عندها حاجة كان ورتنا..

=طيب اتوفت كيف؟

-كيف يعني اتوفت كيف؟

علي ضحك و ختي يدو ف وشو و هو بحاول يرتب يفهمها كيف..

لينا كانت م قادرة تفهم هو ماشي وين ب كلامو

-دقيقة دقيقة براحة..

=يعني ماتت موتة الله لا ضربتها عربية لا كانت عيانة ولا عندها مرض و لا اي شيء..

-مبعرف والله لكن م اعتقد..

=طيب دي الصدمة هنا..اعتقد مرقت الصباح و هي شربت الشاي معاها و جات راجعة لقتها اتوفت فجأة..

لينا هزت راسها لانها فهمت قصدو من الصدمة..

-امم..

=والموت حق طبعا لكت يعني دا القصدي..صدمة نفسية..

-طيب ديل موش كلهم موتة الله ف النهاية..

علي عاين ليها ل كم ثانية و جزء منو م قادر يستوعب لو هي غبية ولا بتتغابي..

لمن لينا انتبهت انو حرفيا بقي م قادر يقول شيء ضحكت

-لا انا فهمتك لكن بس كنت عاوزة انبهك انو المشكلة فيك م فيني انا..

علي رفع حواحبينو

لزا ليها راسها ب طرف اصبعو

=كيف المسكلة فيني و عقلك دا م قادر يفهم..

حواجبين لينا اتلاقو

-دا لانك م قادر تشرح كويس..

=المشكلة م ف الشرح المشكلة ف عقلك دا..

-كيف م في الشرح و انت تقول موتة الله و كلهم موتات الله..

علي ضحك و ف النهاية سكت..

=خلاص تمام..م مشكلتي انك م بتفهمي..يلا ارح نشوف صحباتك ديل..

لينا ضحكت و مشت ب وراه..

=انتو ماشين ليها يعني؟

-غالبا..لكن عاوزة اعرف لو هي صحت و رسلت لانو تلفوني قاطع..

علي عاين ليها

=قاطع شحن؟

لينا هزت راسها

-اممم..

علي فتح شنطتو و طلع منها باور بانك و مداها ليها

=هاك استحمليه عشان تفتحي تلفونك..

لينا عاينت ليه

-مشحون؟

علي هزا راسو

=امم..بشحن ليك تلفونك لحدي 35 ف المية..

-الوقت اتأخر لكن..بس بفتح بيه التلفون..

علي ضحك

=شيليه معاك و جيبيه بكرة..

-جد؟

علي هزا راسو

=اممم..انا ماشي ف كل الاحوال..

لينا التسمت ليه

-وااه ثانكس..

=امم..عزي لي ريفان معةك..م اعتقد حتكون عاوزانا نجيها كدا..بمشي ليها بكرة..

لينا ابتسمت ليه..

فكرة انو متفهم انو ريفان غالبا م بتكون نفسها تشوف زول قدام وشها حاليا عجبتها شديد وخلتها تتكيف منو زيادة..

-تمام

علي ابتسم ليها

=طيب يلا..

و طوالي مشي لينا ضحكت و عاينت ليه لحدي م مرق من الكيلة..

والله والله الولد دا عسسل..

اخدت فترة و عاينت ل تلفونها عشان يفتح..

شوية كدا و انتظرت عشان تتصل ع نون او وابل..

اتصلت ع نون بس م ردت..

اتصلت ع وابل و انتظرت ترد..

كانت واقفة تحت الشجرة و قعدت ف المصطبة حقتها..

شوية كدا و ف زول جا وقف قدامها و هي لسا منتظرة وابل ترد..

رفعت راسها و عاينت ليه..

لكن اساسا والله عرفتو منو من قميصو الكحلي دا..

يوسف..

عاينت ليه و التلفون لسا ف اضانها..

برن و برضو مافي رد..

عاينت ليه و هي منتظرة تشوف هو عاوز منها شنو..

يوسف عاين ليها مسافة..

التلفون كان فصل و نزلتو وقفلتو و عاينت تشوف هو عاوز شنو..

صراحة كدا..

بقت م بتتأثر..

اعتقد دي اكعب حاجة..

معلومة ليكم و ل زمنكم..

اول م البت تتعود ع عدم وجودك..

انت

انتهيت خلاص..

لا مشاعر..

عاينت ليه و م حست ب شيء..

بقي م فارق معاها..

نظراتو م بتأثر فيها و وجودو بقي م عندو معني بابنسبة ليها..

تحس بيه بقي زي النبتة الماتت ف ارضها خلاص..

لكن حرفيا حرفيا بقي م بأثر..

و دي اكبر مشكلة..

=شايفك مستمتعة..

لينا رجعت رفعت راسها عاينت ليه ع جملتو دي

-عفوا..

لايك هي م فاهمةهو قصدو شنو اساسا..

=مع الاسمو علي دا..تضحكي ساي..

لينا ابتسمت..

م عشان تغيظو ولا عشان جملتو غاظتها بالعكس..

لكن ع فكرة انو بالجد ظاهر عليها بتكون فرحانة لانها مع علي

-بالله ظاهرة للدرجة دي؟

=بتعمليها قاصدة؟

حوجابين لينا اتلاقو

-قصدك شنو؟

=عشان تحرقي لي دمي و تغيظيني

رفعت حواجبينها

=حبيت بس اوريك انو م فرقا معاي..

لينا ضحكت

و يوسف اتغاظ منها

=تضحكي ليه؟

-ع سخافة افكارك..

حواجبينو اتلاقو

-فكرة انك قايل اني بكون فرحانة عشان اغيظك اسخف منها ماف..

يوسف بلل شفايفو وهو بمنع ف الضحكة

-كان نفسي اقول ليك انو انت برضو بتعمل كدا..لكن جد انا لي زمن من م شفتك..

يوسف استغرب فيها..

يكاد يحلف انو برود حازم اتكبي فيها..

ليه بترد ببرود و بدون مشاعر كدا..

=و حنقعد نحنا كدا ل متين؟

حواجبين لينا اتلاقو

-نحنا؟

يوسف عاين ليها

لينا بللت شفايفها و هي بترد ليه

-نحنا بقي م ليها وجود خلاص..

لينا ضحكت شوي

-لكن انت عارف..م كان ليها وجود اساسا..

قامت ع حيلها و لبست شنطتها كويس ف كتفها..

-كان عبارة عن انا اسك و اجري ب وراك و انت مستمتع بالحاجة دي..

يوسف عاين ليها ب استغراب

-كنت لمن تزهج مني تمشي ل بت تانية تتم لعبك و تجي راجع لانك كنت متأكد اني حاكون قاعدة..

لينا صلحت طرحتها شوية

-كنت انا الخيار البديل البترجع ليه دايما لانو دايما موجود..

يوسف حسي ب شوية ذنب..

و م قدر يرد لانو عارف انو جزء من كلامها صح..

-و انا لمن انتبهت للحاجة دي حسيت اني ظالمة روحي..الموضوع م عندو علاقة بيك..نهائي م كان عندو علاقة بيك..

=وانتي حسي م ظالمة روحك مع علي؟

-قصدك شنو من الجملة دي؟

=علي م مختلف مننا..نهائي م مختلف لانو ولد ف النهاية..

لينا بللت شفايفها..

-بس انت غلطان..

يوسف عاين ليها

-كنت جعانة و جاية اكل معاك لقيت انك اديت اكلي لواحدة تانية رغم انك كنت عارف اني جعانة لاني وريتك..هو شافني و بدون م اتكلم اشتري لي اكل لانو فهم من شكلي اني جعانة..

يوسف عاين ليها ب استغراب..

-هو شاف انو نفسي كانت قافلة فترة رغم اني م اتكلمت عنها نهائي لكن خلي المرقة مع اصحابو ع الفكرة دي وقعد يحكي لي عن حوادث الاهل العجبية حقتو دي..رغم انو انا م عارفة انت عندك كم عم او عمة او خال او خالة و م بتتكلم عنهم اصلو..م حصل انتبهت انو نفسي قافلة لكن بس بتركز ف نقطة ليه قافلة..

لينا طلعت نفس طويل..

-كان م سلمت المشروع و انت عارف و قررت تخليني اشتغلو براي لانو مشروعي..رغم انك عارف اني مستهبلة و م بكون جادة شديد ف الحاجات دي..بس هو شافني و ساعدني فيه و اشتغل معاي و خلي بتاع المكتبة يوقف و ينتظرنا..

ضحكت شوية و هي اتزكرت اخر نقطة..

-لكن انت عارف اكتر شيء مثير للسخرية شنو؟

يوسف بس كان بعاين ليها

-حتي رغم انو كان دايما بعمل لي كدا و انت كنت بتعمل كدا لي..لمن احتجت ل زول ف اكتر وقت محتاجة..طلعت التلفون و اتصلت عليك انت م هو..

حواجبينو اتلاقو..

متين دا؟

-هه..رغم انو كان مفروض اتصل عليه..بس لاني كنت غبية اتصلت عليك انت..و م مرة واحدة..مرتين..تلاتة..اديتك فرصة ورا فرصة رغم انك كنت بتفصل ف وشي و انا كنت ف حالة هلع..

ضحكت شوي

-بس اعتقد بستاهل..كنت محتاجة نقطة مهمة زي دي..لاني اتصلت عليك تلاتة مرات و انت بتفصل..وهو من اول رنا كان عندي ف خشم الباب بعد اقل من 10 دقايق..

يوسف م كان فاهم هي بقت بتقول ف شنو

-اعتقد كنت محتاجة حاجة زي دي..اني اقتنع براي ب روحي..اخدت كم تحذير منك..لمن تكون مع بت تانية او تنساني او تكون عامل مني رايح مع بت احلي او اكتر جراءة مني..كنت محتاجة الاحظ براي الفرق بينكم..كيف كنت ظالمة روحي..

تلفونها ضرب و عاينت للاسم..

وابل..

رفعت رايها عاينت ل يوسف..

-انو الدنيا م كانت كاتبة لي الالم دا..لكن انا كنت جابراه و فارضاه ع روحي بدون سبب..انا كنت بتحكم ف كمية الالم الفيني م الدنيا..لمن كنت برجع ليك ب ارادتي كل مرة..لمن كنت بسامحك لمن تكورك او تهيج..لمن كنت بتفهم فكرة انك م فاهمني و بحاول بكل جهدي..انت م كنت السبب كنت انا..

التلفون فصل و اتصل عليها تاني

-وحاسة بالزعل لاني ياداب انتبهت ل الحاجة دي..ياداب استوعبت انو اول زول مفروض يكون نفسك م زول تاني..

و طوالي ردت ع التلفون

-الووو..اممم..

اتحركت من جمبو و لا اتلفتت عليه تاني..