الجزء 25

"بحثت عنك ف وسط كل هذا السراب..لم اجد سوي طيفك مبتسما لي يخبرني انك غادرت من اجلي💔.."

لينا مرقت من الكافتيريا و معاها علي..

لاقاها جوا و بقي بتكلم و بتونس معاها..

=و امك بقت كيف؟

لينا صحكت

-الحمدلله..رجعت ل كواريكها و شكلها ل اخواني الصغار تاني..

=يعني الحمدلله

لينا ضحكت

-لا الف حمد و شكر والله..

علي عاين ليها

=وانتي؟

حواجبينها اتلاقو

-انا مالي؟

=بعد الصدمة الضربتك..بقيتي كيف؟

لينا اخدت ليها كم ثانية تفكر..

=متأكد انك لسا بتخافي و بتتخلعي ب اقل شيء صح؟

لينا ابتسمت ليه..

عرف كيف؟

جدجد كلامو صح..

الصدمة مؤثرة فيها ب طريقة كعبة..

اوريكم حاجة..

شعور امك تقع قدامك و تقرب تموت..

م اعتقد ف اسوء منو ممكن تجربو و الله اعلم..

لكن جدجد بقت بتخاف..

لدرجة انو لمن تلقاها نايمة كل شوية بتعاين ل صدرها لو بتحرك ب انتظام ولا لا عشان تتأكد انها لسا حية..

لمن تبقي م سامعة صوتها فترة بتقوم جارية عليها تشوف..

هه..

و العجب لو سمعت صوت اقل شيء يقع..

خلاص هي بتبقي م قادرة تستوعب زاتو..

=ابوي الله يرحمو لمن اتوفي..

لينا عاينت ليه ب خلعة

و م قدرت تمسك خشمها

-ابوك متوفي؟

علي ضحك و هزا راسو

=اممم..

حواجبين لينا اتلاقو..

بس هو بحكي عنو دايما و قبل كم يوم حكي ليها موقف معاه الصباح..

-طيب البتحكي لي عنو دا منو؟

=زوج امي..ابوي برضو..

لينا هزت راسها

=ابوي اتوفي لمن كنت ف اولة ثانوي..و امي اتزوجت ولد خالتها بعد داك و هو الماسكنا حسي و الحمدلله زيو زي ابوي واحد..عشان كدا بقول ليه ابوي..

لينا هزت راسها

-اتوفي من مرض؟

=اممم..كانت ذبحة..بس م قدرنا نلحقو..

لينا عاينت ليه

=كان الريدي مات و نحنا ف الشارع ع المستشفي..

لينا عضت شفتيها

=كنا قاعدين نلعب برا ف الحوش بالكورة انا و اخوي الكبير و اخواتي الصغار بشجعو فينا..جانا يكورك لينا عشان نفطر..و مشي هو جوا المطبخ عشان يشيل الصنية..جا مارق و مشي الاوضة..و شوية نسمع ليك صوت صحاني تتكسر..كلنا قمنا جاريين نلحق امي قلنا وقعت الصنية ف المطبخ..

لينا حنت عليه..

ابوه الوقع و كانو قايلين انو دي امهم..

=لقيناها جاية سايلة الملاحة ف يدها و بتعاين ليها..اممي ف شنو وقع وقعتي الصنية؟؟قالت لينا شالها ابوكم اوقعها كيف؟..

علي طلع نفس طويل و هو بتم ف كلامو

=قمنا جرينا ع الغرفة..لقينا ابوي ف الارض..حصلت حالات فزع و انا لمن دخلت و لقيتو واقع..حسيت ب الارض بس تمسك قلبي و تدفنو ف مكانو..الجيران جو ساقوه معانا و رفعناه ف العربية..بس نبضو كان وقف من العربية اخوي قال لينا..و بالفعل..كان الريدي وصل جنازة للمستشفي..

علي عاين ل لينا وضحك..

=فااا صدقيني لمن اقول ليك انا عارف انتي بتمري ف شنو..

عيونها كانو بقرقرو مع بعض التقول فيهم دموع..

علي ضحك و لزا ليها راسها ب طرف اصبعو

-امسحي الدموع دي ي بت..ينفع تمشي ل صحيتك و انتي بتبكي؟

لينا قشت دموعها و قعدت تضحك..

-واو..جد م اتوقعت زول يتفهم المارة بيه..حسيت اني لو قلتها ل زول حتبقي مشكلة و حيقعدو يقولو لي دي المرة الفاتت و م حتصل المرة دي ان شاء الله و دي مجرد صدمة و حتروح و كدا..

=بس فكرة انها حصلت المرة القاتت م بتنفي فكرة انها ممكن تحصل تاني..ولا يعني حتخفف علي جملة 'ان شاء الله م تحصل' لانها بس حتزيد الخوفة زيادة...صح؟؟

لينا عاينت ليه و ابتسمت

-الف صح..

علي ضحك..

شوية كدا و علي تاني اتكلم معاها

=ممكن اسألك سؤال؟

لينا عاينت ليه

-اها..

=حيكون شخصي شوية..لو م عاوزة تردي م تردي اوك..

لينا ضحكت

-اها..

=الولد الكنتي مربطة معاه الاسمو يوسف دا..خليتيه؟

لينا هزت راسها

-امم..

=سوري..

لينا ضحكت

-علي؟

=السؤال البايخ دا..

-عادي باخد منك اي شيء..

لينا قلبت و عاينت

-بعدين شايفة ناس الدفعة و الكلية زاتهم قامو يسالو و يتشمشرو..

علي ضحك

=وظيفتهم الاساسية..

لينا ضحكت

=ممكن اقول حاجة؟

لينا عاينت ليه ب طرف عيونها

-احساس م حتقولها لو قلت ليك م تقول

علي ضحك

=اممم..ااي ثينك انك بقيتي احسن بعد م خليتيه..

لينا ابتسمت

-ااي ثينك سو برضو..

=احس بيه كان جاريك ا تحت..و حسي ياداب بقيتي تقدري تقيفي..

حواجبينها اتلاقو

-كيف؟

=بقيتي تتكامي وتدافعي عن نفسك حسي..زي نقاش الدفعة قبيل..

لينا ضحكت

=وعادة ريفان هي الكانت بتتكلم بدلكم و حسي بقيتي انتي بتتكلمي..

علي اخد ليه سكتة

=بقيتي بتعرفي تردي طوالي..يعني السنة الفاتت و حسي..اتغيرتي جدا..

لينا هزت راسها

-كويس..الحمدلله..احس اتحسنت

=جدا..جد الحمدلله..

لينا ضحكت..

=ناس الدفعة م حيخلوك ف حالك

صحكة ضحكة استهتار

-اساسا منتظراهم يفتحو خشمهم و اوريكم نجوم الليل ف عز الضهر..

علي ضحك ع جملتها الاخيرة دي شديييد..

♤°♤°♤°♤°♤°♤°♤°♤°♤°♤°♤°♤°♤°♤°

حيدر اتحرك مرق من الكلية و هو اخلاقو ف نخرتو..

لكن جدجد مزاجو فجأة قفل..

من مااف.

حرفيا بقي نفسو يطعن زول.

بدون سبب فجأة..

صراحة كدا.

م فجاة..

بعد م شاف ريفان و معاها الزفت الاسمو حازم دا..

كان مغيوظ

من الطريقة القاعد بيها حازم معاها..

كيف كان بلمس يدها و هي رفعت راسها عاينت ليه و رجعت رقدت تاني و كأنو ما عندها مانع..

ليييه!؟!..

ب صفتو منو يعمل كدا؟

اخخخ انا..

البرود البعاين ليها بيه و الابتسامة الابتسمها دي اصلو م جايين مع بعض..كان نفسو يخنقو ف اللحظة ديك..

حيدر طلع نفس طويل وهو بفكر ف حازم..

مرات بتحير..

هو الولد دا بتدخل ف حياتو لا اراديا قاصد ولا بس مفروض يعني يمون قاعد قصادو..

مع نشوة..

مع ريفان..

و الموقف حقهم داك..

ف داعي..

اكتر شيء غايظو انو حازم اساسا م عارف انو هو بغلط كدا معاه..

و حيدر يدخل و يستعمل اخر بطاقة عندو..

خلاص..

♤°♤°♤°♤°♤°♤°♤°♤°♤°♤°♤°♤°

-طيب خليني امشي معاك..

_و تدكي المحاضرة؟..اكيد لا طبعا..

لينا طلعت نفس طويل

-انا م عندي مشكلة..

_لينا..بقدر امشي براي مافي شيء..

-طيب انتظريني انتهي..

_م بقدر والله والله تعبانة و لسا حاسة جسمي مكسسر والله..

-طيب اضربي ل محمد يجي يسوقك..

_محمد لسا م استلم عربية هنا..ومافي داعي اتلتلو ساي

-طيب ارح ل حازم

ريفان قاطعتها

_لينا..انا كويسة..

-خلاص اضربي ل حازم يوديك

_و لو عندو محاضرة؟..

لينا عاينت ليها

_انتي عارفة انو لو عندو محاضرة حيدكها و حيوديني غصب..

-اها ويعني؟

ريفان ضحكت

_كيف يعني ويعني؟؟..الولد خريج السنة دي من اول يوم يقعد يدك؟؟..دي قراية م لعبة ي يت..

لينا طلعت نفس طويل..

-خلاص عايني..اضربي لي اول م تركبي و اول م تصلي البيت..

ريفان ضحكت

_برسل ليك كل ثانية بتمر كيف..

لينا ضحكت

-خلاص طيب..

ريفان ابتسمت..

_يلا..

-اممم..

و ريقان مرقت من الكلية..

و هي مارقة قربت تطقش ف زول..

رجعت ل ورا شوية و لمن لقتو حيدر ابتسمت ليه..

حيدر بس عاين ليها

_حيدر..كيفك؟

هزا ليها راسو

-كويس الحمدلله و انتي؟

_اممم اعتقد عيانة؟..تعبانة شديد..

حيدر ضحك

-من اول اسبوع؟

هزت راسها

_تصدق؟

حيدر عاين ليها..

-مارقة؟

ريفان هزت راسها

-طيب دقيقة اجيب شنطتي نسيتها قبيل مع بتاع المكتبة و جاي..

_لا ما-..

لكن حيدر مشي طوالي..

ريفان طلعت نفس طويل

قعدت ف الصتبة البرا و انتظرت..

م تمي ال5 دقايق و جا راجع بتنفس ب صوت عالي..

ريفان و قفت و عاينت ليه

_كنت بتجري؟

-م عاوز اخليك تنتظري و انتي عيانة..

حواجبينها اتلاقو و بقت ماشة و هو لحقها

_احساس فارقة معاك..

حيدر عاين ليها

-اكيد فارقة معاي..

ريفان عاينت ليه ب طرف عينها

_انت بتاكل ب راسي حلاوة؟

حيدر عاين ليها

_السنة الفاتت عاوزني اعيد و تعلم لي شهادتي و حسي مرضي فارق معاك؟

حيدر بلل شفابفو

-قاسية لمن تختيها كدا

_الحقيقة قاسية..

حيدر ضحك

شوية كدا و سكت مسافة..

-البركة فيكم..

ريفان رفعت راسها و وشها كان معدوم منو المشاعر..

كليا لمن قال ليها كدا..

رجعت قبلت قدامها

_البركة ف الجميع..

طلعت نفس طويل و هي بتحاول تمرق معاه الكتمة الضربتها جوا قلبها دي فجأة..

بس للاسف فشلت..

لازم تتعود لمن الزول يقول ليها البركة فيكم..

حيدر عاين ليها

-ام سوري لاني قلتها..بس لازم اقولها..

_شنو؟-

البركة فيكم..عارف انو دي اكتر حاجة م نفسك تسمعيها ف موقف زي دا..بس لازم تتقال..

ريفان ابتسمت ليه

ع الاقل متفهم..

-اسف برضو لاني حاقول كلامي دا لكن حاقولو.

عاينت ليه ب استغراب

-بس عارف صعبة قدر كيف انك تحاولي م تبكي..لمن تضحكي و عقلك يقول ليك انتي بتضحكي ليه و انتي مفروض تبكي..

ريفان قبلت منو..

كلامو بخلي دموعها تتكوم..

-بس لازم تبكي و تمرقيها..لانها حتكون مدفونة جوا و تاني م حتجيك فرصة تمرقيها..

ريفان قشت الدمعة طوالي..

نفسها ترجع ليها حالتها ديك..

انو الدموع تتكوم و م تنزل ف النهاية..

لانها كانت قابلة انو البكي بريح..

بس للاسف فهمها كان غلط..

كدا ووب و كدا ووبين..

و حاليا م قادرة تحدد ياتها مؤلمة اكتر..

صوت حيدر خلاها تعاين ليه تاني

-ااي دونت نو لو حبيبك قالها ليك لكن صدقيني..مافي شيء اكعب من الكتمان..اسأليه..

_وراني..كتير و حاول معاي..

-و م بتسمعي الكلام؟

عاينت ليه ب طرف عينها

_محسسني و كانو بعمل ف شيء غلط و هو بقول لي م تعمليها

حيدر ضحك

-حركات السودانين لمن يجو يربطو

ريفان ضحكت

_ااخخخ..حاجات م حصل قدرت افهمها..

حواجبينو اتلاقو

-غريبة..حالتك مجربة تعيشي برا ف مجتمع مليان بالحاجات دي..

ريفان عاينت ليه

_المجتمع داك م فيه حركات هنا..

-م فهمت

_يعني هناك مافي واحد بمشي ع حبيبتو بقول ليها م تشربي كحول ولا م تمرقي الساعة كدا..

حيدر ضحك

_ولا بقول ليها م تمرقي مع صحبتك ولا زميلك داك م عاجبني اقطعي علاقتك معاه

-وااو..لمن تقوليها كدا بالواضح الموضوع مؤلم

_انت م عندك دخل ف الحاجات دي عشان تقعد تتأمر فيني كدا فهمت..عاوز تقول رايك قولو ب طريقة ظريفة..حياتي م حياتك..

-بس علاقتكم انتو الاتنين..

ريفان عاينت ليه ب انفعال

_و صحبتي عندها شنو بالعلاقة البينا؟؟..

حيدر هزا راسو

-نقطة مهمة..

_الناس ديل عندهم علاقة ب حياتي..يو كانت فجأة تظهر و تقعد تتأمر كدا..لكن انا م لعبة و لا اداة..ولا حياتي بين اصابعك دخل

العاوزو و تمرق العاوزو..

حيدر هزا راسو و حرفيا التقو ف شيء مسك لسانو..

م قدر يقول ليها شيء لانو كلامها صح..

كل كلمة..

كل حرف..

_اخخ..حاجة مزعجة جدا..

حيدر قعد يضحك ع انفعالها..

-وحازم بعمل ليك كدا..

ضحكت ضحكة استهتار

_نهائي..تصدق..

حيدر قعد يضحك

-لكن شايلة من الواقف دي ب شكل؟

ريفان ضحكت

_لانها بتحرق دمي..

حيدر عاين ليها

-راسك قوي

_راسي ف مكانو م نفسو زول يتحكم فيه..دا معناتا قوي؟

حيدر هزا راسو

-قوي شديد

ريفان لفت عيونها منو..

حيدر عاين ليها

-يلا انا حاودعك هنا..

ريفان عاينت ليه..

كان وصلو جمب هندسات

-مفروض امشي ع زميلي ف سكول من قبيل

_طيب و مشيت معاي ليه؟

حيدر ابتسم ليها

-لاني اشتقت ليك و لنقاشاتنا..

ريفان لفت عيونها..

هه..صح..

-المهم يلا..

_يلا..

و حيدر طوالي مشي..

ريفان كانت عاوزة تمرق..

لكن رجعت تاني للكافتيريا..

كانت عطشانة و م نفسها تنزل ف نص المواصلات تشتري شيء و لا بتقدر تنتظر..

دخلت عشان تشتري..

المكان كان مزحوم..

ههه..

احساس الكافتيريا ف لحظة من اللحظات م بتكون مزحومة..

حاولت تدخل و بعد فترة و الناس القدامها اشترو و اشترت موية و تاني جات تحاول تمرق..

نفسها تفهم الناس البكونو مكومين قدام الكافتيريا ديل كيف بقدرو يقيفو مع ريحة الاكل الملخبطة دي..

ريفان مرقت و وشها مكرفس..

م صدقت قدرت تمرق..

مرقت و لمحت حازم واقف ع جمبتها..

اتلفتت و عاينت لقتو واقف بعاين ليها..

تكاد تحلف انو منتظرها..

عاينت ليه لحدي م جا وقف قدامها..

بللت شفايفها و هي بتقول ليه

-لينا ضربت ليك؟

حازم ابتسم ليها

_دفاعا عنها م كان عندي محاضرة انا..

ريفان طبعت نفس طويل

-نفسي افهم الناس م بسمعو الكلام ليه؟

_اسألي روحك..لانك تبع الناس ديل..

ريفان عاينت ليه ب عين قوية

-قصدك شنو؟

_قبيل موش قلت ليك لمن تجي تمرقي وريني؟

ريفان عاينت ليه

-جد؟

حازم ضحك

_م كنتي واعية زاتك..

ريفان لفت عيونها..

♤°♤°♤°♤°♤°♤°♤°♤°♤°♤°♤°♤°

لينا جات تمرق من المحاضرة بعد م انتهت..

لملمت حاجاتها و وقفت ع حيلها..

شوية كدا و تجي شلة دفعتهم المشهورة تقيف جمبها..

سلمو عليها سلام معرفة تقيلة و كيفك و يسألو يتونسو ساي..

و لينا جارتهم..

عاوزة تعرف نهايتهم وين..

شوية كدا و واحدة تفتح خشمها

-انتي ي هناية..خليتي يوسف؟

باقي البنات عاينو ليها..

و لينا عرفت انهم اساسا جو من هناك يسألوها السؤال دا..

لينا ضحكت:دا العاوزة تسأليني ليه من قبيل؟

باقي البنات ضحكو احسا دي نكتة قالتها

لينا:اممم..خليتو

لييي؟؟..اااا؟؟..وااااو..

دا كلو مرق من خشمهم ف اللحظة الاكدت ليهم فيها

-لييه يااخ؟..

لينا عاينت ليها:كيف يعني ليه؟

البت عاينت ليها:كيف تخلي واحد قرض زي دا؟

لينا:الاشكال هي اهم شي؟

البت صحكت:م قصدي كدا..طيب هو عمل شيء؟

لينا عاينت ليها:اسأليه..هو موش صحبك؟

البت بللت شفايفها و م قدرت ترد ليها..

البنات كانو مستغربين لينا بترد كدا كيف..

-طيب و انتي و علي ربطتو؟

حوجابين لينا اتلاقو و عاينت للبت التانية القالت كدا..

لينا:فجأة؟..

-لا يعني م شاء الله..شايفاكم اتصاحبتو شديد كدا..

لينا ضحكت:وانتو م عندكم شغلة غير انكم تركزو ف حياتي؟دخلت مع منو و مرقت مع منو؟

البنات سكتو وعاينو ليها

-نحنا بس شايلين همك و عاوزين ندافع عنك قدام باقي الكلية .

لينا ضحكت ضحكة استهتار:ابدا..انتو بس عاوزين تسمعو الحصل عشان تعملو منو نقاش بينكم..تطلعو نكتة او نكتتين تضحكو بيها تضحكو يين باقي الكلية و السلام..

البنات عاينو ل بعض

لينا:عاوزين بس تعملو مني متعة خفيفة..

-هه..لسانك دا طول كدا متين؟

لينا ضحكت:بطول بس مع البحتاجو يسمعو الكلام دا..

عاينو ل بعض..

لينا:انتهيتو؟

و طوالي قبلت تمرق

-هه..شوف بالله..عاملة زي زير الرجال تخلي دا و تمشي مع دا..

لينا عاينت ليها ب ضحكة:وانتي عاملة زي الناس البشاهدو ف فلم..غير التعاليق السخيفة م عندهم شيء لانهم غيرانين من الفي الفلم..

و طوالي مرقت..

البت ضحكت ضحكة استهتار

-شوف بالله دي..م معناتا انتي كنتي مربطة مع واحد سينير يعني تتعلي علينا..

لينا مرقت و لقت علي واقف بعاين ليها من هناك..

شكلو سمعهم..

جاها و هو بضحك

=م قلت ليك..

لينا هزت راسها

-اخخ..الناس ديل م عندهم مواضيع غير حياة الناس..

=دي الطبيعة البشرية..

لينا ضحكت و نزلت و هو نزل وراها..

♤°♤°♤°♤°♤°♤°♤°♤°♤°♤°♤°♤°

ريفان ركبت و حازم ركب و دور العربية..

كانو ساكتين ليهم فترة..

لكن حازم كان نفسو يسألها سؤال..

لازم يسألها ليه

_ريفان..

ريفان عاينت ليه..

وااه..

جد مرات بتتخلع لمن يقول اسمها

-امم..

_انتي كنتي نايمة المدة دي كلها كيف؟

ريفان عاينت ليه

حازم بلل شفايفو

_انتي بتبلعي ف حبوب عشان تنومي؟

ريفان عاينت ليه

-وااو..انت بتقدر تقري العقول؟

حازم م ردا ليها..

عادة الهظارات الزي دي بقرر يطنشها و ريفان بتستمع لمن تقولها..

_لو كنتي بتبلعي؟

-بلعت اتنين..حقات امي بتاعين عملية..

حازم عاين ليها

-محمد الريدي شاكلني..قال لي كان ممكن اموت و ااخ كلام كتير..

حازم عاين ليها

مسافة و تاني قبل

_لسا بتبلعي منها؟

-لا اكيد..

_طيب نومك انتظم؟

ريفان عاينت ليه

_انا عارف انك م بتقدري تنومي..طيب ليه لسا بتنومي؟

-مبعرف..

حازم بلل شفايفو

_امكن لسا تاثيرها قاعد ف دمك؟

حواحبينها اتلاقو

-كيف؟

_المخدر م بزيل كليا..بقعد ف الدم فترة تقريبا..

-امكن..

حازم سكت مسافة

_بلعتي منها تاني؟

-لا..

_حتبلعي؟

ضحكت

-اكيد لا..

حازم عاين ليها

_ريفان..

ريفان عاينت ليه و هي بتضحك

_بتضحكي مالك؟

هزت راسها ب معني لا

-اها عاوز تقول شنو؟

حازم عاين ليها و رفع حواجبينو

طلع نفس طويل و تاني قبل منها

حواحبينها اتلاقو

-مالك؟

_بقيتي تقدري تبكي صح؟

ريفان م ردت..

_و احتمال كبير نومك يكون رجع..

ريفان عاينت ليه..

-انت بتشخص فيني؟

حازم عاين ليها

_كيف؟

-احس بيك بتسخص فيني زي الدكتور..

حازم ابتسم

_دكتور؟..بت انا بقرا هندسة..

تنت راسها

-بس بتتصرف زي الدكتور..

_طشيتي انتي

-جد والله..زي لمن يجو يسألوك عن اعراض الملارية الضارباك..

حازم قرر يطنشها

_انت دكتور ماتيريال جدا..الجابك ل هندسات شنو؟

حازم عاين ليها..

-بتعاين لي كدا لي؟

قبل منها

_لانو نيفو برضو قالت كدا مرة..

ريفان ضحكت

-دي الحقيقة..

حازم هزا راسو ب معني لا..

-جد..والله احس اهتمامك ف علم النفس دي حق ابوبكر

_دا لانو انا بس بقعد مع ابوبكر كتير..

-ستيل..احس بيه اثر فيك و خلاك تحبو..

-فضول بس..

ريفان ضحكت

-طيب ليه قريت هندسة ميكانيكا؟

حازم عاين لبها

_لانو دا شغل العائلة..

ريفان عاينت ليه ب طرف عينها

-م رغبة يعني؟

_رغبة دي شنو؟

ريفان رفعت حواحبينها

_رغبتك و الواقع حاجات مختلفات تماما..

-انت تفكيرك سلبي جدا

حازم ضحك

_انا؟؟

-امممم..يعني بتظلم روحك جدا مرات

_هه انتي براك بتنفعلي شديد

-قصدك شنو يعني؟

حازم ضحك

-انت بس بتبسط الحاجات ب طريقة م عادية..

حازم رفع حواجبينو

-لدرجة انك مرات بتفقد فيها الهدف او المتعة..

_حسي الغلط بقي غلطي؟

-ابدا..غلط تفكيرك..

حازم ضحك

_ياهاجمي مالك انتي حسي؟

-انت بديت اولا

_بديت كيف؟

-قلت اني بنفعل زيادة عن اللزوم مرات..

_قلت بتنفعلي شديد..

-نفس المعني..

حازم صحك

-قصدك شنو يعني؟انا بكبر المواضيع ع الفاضي؟

_مالك بترجمي الحاجات براك ف راسك..

ريفان رفعت حواجبينها

_بعدين انا م قلت كدا..بس قلت انك بتنفعلي شديد

-يعني مزعجة..

حازم ضحك

_شوفتي..بترجمي براك..

-دا البتفهم

_ف شنو بتفهم غير الكم كلمة دي..

ريفان بللت شفتيها..

كلامو صح..

م قدرت ترد ليه

_بعدين ف شنو يعني لو بتنفعلي شديد

-يعني بحس اني مزعجة..

حازم ابتسم

_و يعني شنو لو مزعجة؟..البشر كلهمم مزعجين

-انت م مزعج..انت هادي زيادة عن اللزوم

_بس بالمقابل غياظ صح؟

ريفان ضحكت

-بعدين بحب ازعاجك و كلامك..

ريفان عاينت ليه

-بحبك لمن تجي تنفعلي و تتكلمي..بتضحكيني..

ريفان ضحكت ضحكة استهتار

_وااو..اول مرة اشوفك تتكلم عن مشاعرك..

حازم عاين ليها

_قصدك شنو؟

-قصدي م كنت متوقعة انك اساسا يعني تكون بتحب حاجات..

حازم لفي عيونو ع استهتارها

_دا لاني بارد؟

-لانك بارد و هادي..

_كلامك جارح

-شفت..م اعتقد اثر فيك زاتو

_بس هو اثر

-م ظاهر

_م الا يظهر

ريفان ضحكت و حازم ابتسم ع ضحكتها

_جادي انا

-احساس حصل هظرت انت..

حازم وقف العربية و ريفان نزلت..

_سلمي ع امك و محمد..

-امم..

و طوالي دخلت و هو اتحرك مشي..

كان مفروض يسوق يوسف و نسي ف اضطر يرجع الجامعة تاني..

ريفان دخلت البيت..

راسها كان بوجعها لمن تسمع الناس ديل ببكو..

طلعت نفس طويل و هي بتدخل..

اول م شافوها قامو يبكو تاني و الاصوات بقت عالية..

ريفان بقت بتحاول تمنع ف الدموع..

النسوان جو يسلمو عليها..

ريفان طوالي زحت منهم..

بس مدت يدها..

المرا حاولت تجرها عشان تحضنها بس ريفان ابت..

المرا بقت بتعاين ليها

-ي بت تعالي اسلم عليك..

المرا كانت بس بتكورك و بتعمل ااايييي ااااه كدا بدون دموع..

دي كانت اكتر شيء بتغيظ ريفان..

النسوان بكونو ببكو بدون دموع و ب صوت بصل ل اخر الحلة..

_سلمت عليك ب يدي..

-تعالي ي بت

المرا حاولت تحضنها و ريفان تاني ابت

_عاينو..انا م ناقصني واحد يقعد يتمخط ف كتفي و لا يصرخ ساي بدون م الدموع تنزل من عيونكم..سلام؟..اهو باليدين سلام الله..احضان م عاوزة..

النسوان بس قعدو يعاينو ليها و يوسوسو تحت تحت..

اخخ..

دا الناقصها والله..

-الدموع جفت ي بتي من البكي

_بختك دموعك جفو..م تصرخي طيب لانو ف ناس دموعهم م جفو و بس بتعملو ليهم وجع راس من صواريخكم..

=انتي لسانك دا لميه عليك..الناس ف بيت بكي..

ريفان اتغاظت كلمة المرا الجمبها..

شديد شديد لدرجة انها قدر م حاولت تسكت م قدرت..

ف النهاية اتلفتت عليها

_بيت بكي؟بيت بكي منو؟..الاتوفت بتبقي ليك شنو؟

المرا بس عاينت ليها

_بالله بيت البكي م اتكب ليكم عشان تصرخو دقيقة و الدقيقة التانية تقعدو تقطعو ف الناس..

=شوف بالله قليلة الادب دي

_قليلة ادب او لا ف نظرك انا قلت الحقيقة..

=سلامك زاتو م دايرنو

_هه..احساس كنت حاديك ليه اساسا..

ريفان جات تدخل

=تعالي هنا انتي بت منو

لئيمة و قليلة ادب كدا..م حصل زول ف حياتي اطاول علي كدا..تعالي هنا امك وين؟

ريقان لفت عيونها

_انتي قاعدة ف البيت و ما عارفة اسيادو منو؟..

المرا عاينت ليها

_اسالي الناس الحوليك و ارجعي ل قطيعتك..اقطعي فيني و ف امي كويس تمام..

=ي بت هوووي..

ريفان لفت عيونها

=والله لسانك دا اقطعو ليك..قايلة لانك كبيرة م بجلدك

ريفان وقفت و عاينت ليها

_ابقي م-

لكن يد محمد الاتخت ف كتفها خلتها تسكت..

ريفان عاينت ليه

=ريفان..

ريفان لفت عيونها

=بعتذر ي جماعة..

_تعتذر مالك انا بس قلت الحق..

محمد جراها ل جوا..

جات مارة ف الناس ساي..

ساقها و دخلها الاوضة..

ريفان بلعت ع ريقها..

الليلة بكفتها..

_محمد

-اسمعي..

عاينت ليه

محمد طلع نفس طويل و ختي يدينو ف وشو

-دي طبيعة البكيات هنا..اسف لانك بتضري تمري بيها لكن بس اسفهي و طنشي تمام..

ريفان بس هزت راسها

-يلا غيري و تعالي اكلي ب هناك معاي منتظرك من قبيل..

و طوالي مرق

ريفان رفعت حواجبينها..

واو..

♤°♤°♤°♤°♤°♤°♤°♤°♤°♤°♤°♤°

الايام عدت..

اسبوع ع الوفاة..

بس لسا مطفية..

لسا بتحس بيها مكسورة..

رغم انو نومها انتظم..

بقت كمان بتنعس و تنوم اكتر من زمان ب كتير كتير..

لكن برضو..

كانت قاعدة ف الكافتيريا و منتظرة ناس لينا يجو..

جسمها و مرضها خفو..

ع م يبدو البرد ضربها و سبب ليها التهاب رغم انهم ف نهايتو..

كانت بتشرب ف عصير و بتعاين حوليها..

لحدي م حيدر جا قعد جميها..

ريفان عاينت ليه

_حيدر..

-كيفك؟

_تمام..وانت؟

-الحمدلله..

ريفان عاينت ليه

_اتخرجت الريدي لكن شايفاك م قادر تودع الجامعة..

حيدر ضحك

-سيك سيك معلق فيك..

ريفان ضحكت

حيدر عاين ليها

-ريفان..

_امم..

-تتزكري ايام المظاهرات الحكيت ليك عنها ديك؟

_ياتا؟

-الضرب فيها طالب شرطي بالمسدس..

_اها..

-حكيت ليك كيف ضربو يالرصاصة؟

حواجبينها اتلاقو

_انت شوفتو؟

حيدر رفع يدو ع شكل مسدس و ريفان عاينت ليه

-رفعو كدا..و اشر ع السلسلة الفقرية حقتو ب ورا..ولا حتي نبهو انو حيضرب..تحس بيه مؤشر ع الضهر..بس و انا بفكر..اعتقد عملها قاصد انو يضربو ف مكان الاعصاب..عشان يشلو..اشر ع ضهروا و بزن فيها كان..عين فاتحة و عين مغمضة..

ريفان عاينت ليه ب استغراب..

ليه فجأة جاها يقول ليها الكلام دا؟حيدر ضحك

-من م الله خلقني..م حصل شفت كمية برود و هدوء كدا ف وش زول..خلي كمان وش زول ماسك حاجة خطيرة زي المسدس..اخد ليه ثانيتين يوزن بيها المسدس و لا حتي نفس مرق منو..و طااخ فكي الطلقة..

ريفان كانت مستغربة ف طريقة كلامو و الحكاية البحكي فيها..

ضحك صحكة استهتار

-الراجل وقع..ف الارض..انا من الخلعة و الخوفة من الماسك المسدس والله م كنت قادر اتنفس..بس هو؟..هه..هو شالو و حكي بيه طرف راسو..

ريفان رفعت حواحبينها

-و كأنها لعبة شفع حكي بيها راسو..

حيدر بلل شفايفو

-احلي حاجة انو ف البداية اشر ع رقبتو قبل م يطلق..اعتقد كان عاوز يضربو ف رقبتو رصاصة كان؟؟..بس ف اخر لحظة قرر انو امكن ضربة الضهر اكعب؟..م بعرف..حاجة كدا مخيفة..

ريفان كنت بس بتعاين ل حيدر..

-م اعتقد حصل اخدت تجربة مخيفة زي دي ولا حاخد اكعب منها اصلوو..برودو و عدم اهتمامو لو عاش او مات و الطريقة الكان بلعب بيها بالمسدس و بالطريقة المشي قبل بيها ولا وكأنو للتو عمل حاجة..

حيدر طلع نفس طويل

-كابوس..الولد كابوس..

ريفان بللت شفتيها

_سو انت حضرتها؟

حيدر هزا راسو

-مافي زول عارف المعلومة دي غيرك..

ريفان عاينت ليه ب استغراب

-لكن انتي عارفة..الولد سميناه شنو؟لانو طلق الراجل رصاصة و تاني م ظهر ولا اتعرفت حقيقتو؟

ريفان عاينت ليه و بس منتظراه بتم كلامو

-الوحش الصامت..