الجزء 26
"وتلك الامنية التي ملكت جزءا من روحي..ماذا افعل ي الله؟!.."
ريفان عاينت ل حيدر..
كان ف مشاعر كتيرة ملخبطة جواها..
خلعة ع استغراب ع عدم فهم و شوية رشة من الخوف..
بلعت ع ريقها وهي بتعاين ليه..
م كانت فاهمة هو ليه فجأة جا قعد جمبها و قال ليها الكلام دا من العدم..
ممكن تكون عشوائيا ساي..
كلنا عارفين انو حيدر م بعمل شيء ساي..
و النقطة دي بزات خوفتها زيادة..
حيدر جا يقوم لكن صوت ريفان وقفو
_بس انت عارفو منو صح؟
حيدر عاين ليها و رجع رقد تاني
-و بتقولي كدا ليه؟
ريفان ابتسمت
_انت م ممكن تركز مع كل الحاجات دي بالتفصيل و م تكون عارف شكلو..
حيدر ابتسم ليها
لمن م ردا رفعت حواجبينها
_صح؟
حيدر بس عاين ليها وهو بحاول يمنع ف الضحكة
-تفتكري كم طالب بكون عندو مسدس معاه هنا؟
رفان عاينت ليه وهي اساسا م فاهمة هو بقول ف شنو
_سو ي حيدر..حتوريني انت جيتني فجأة من العدم و قلت لي الكلام دا ليه؟
ضحك ليها
-وين المتعة ف الموضوع لو وريتك طوالي؟
ريفان عاينت ليه ب تحدي
_ليه احس انك م جادي؟
حيدر رفع حواجبينو
-انا و انتي الاتنين عارفين اني حاجات كتيرة..حقير تافه حيوان..بس عدم الجدية اصلو م تبعهم..
ريفان بلعت ع ريقها لانو كلامو صح و خافت..
-عاوزة شوية مساعدة؟
ريفان طوالي ردت ليه
_عاوزة اعرف انت ليه جيت قلت الكلام دا فجأة
حيدر ابتسم
-لانو الموضوع لسا م انتهي..
حواجبينها اتلاقو
_قصدك موضوع اذيتي؟
حيدر ابتسم
-ابدا..اكتشفت مؤخرا اني كنت غلطان..
ريفان رفعت حواجبينها و تكأد تحلف انو جملتو استهتارية لو م كانت مليانة جدية كدا..
_اكتشفت؟مؤخرا؟
حيدر هزا راسو بكل انفعال..
هه
انت جادي؟
_يعني كنت مقتنع انك م كنت غلطان؟
-كنت مقتنع اني كنت بعمل العاوزو بالطريقة الصح..بس اكتشفت اني كنت غلطان..
حواجبينها اتلاقو..
صح شنو و غلط شنو؟
-اكتشفت مؤخرا انو لو عاوز اوقع الدمية م العب بالخيوط..اخلي الدمية بحد زاتها تقطعها مرة واحدة..
ريفان استغربت زيادة..
الولد دا بقول ف شنو؟
_انا الخيوط؟
حيدر ضحك
-انت من يومك كنتي بس الخيوط..
ريفان استغربت زيادة..
الولد دا جد بقول ف شنو؟
_وفجأة قررت انك تخليني؟
حيدر ابتسم..
-اكتشفت ف النص انك م بتستاهلي العملتو..
ريفان رفعت حواجبينها و هي بتمنع ف ضحكة الاستهتار..
كلامو بقي يستفزها
حيدر كلم كلامو
-كنت مقتنع اني لو اذيتك حاقدر اآذي زول معين..
_واو..
حيدر طلع نفس طوبل وهو بكمل
-بس اكتشفت اني لمن أآذيك لا اراديا بكره روحي..
حواجبينها اتلاقو استغرابا ع كلامو دا
-بس ف النص قررت اخد اخر محاولة..الجوكر لو فاهماني
ريفان لفت عيونها
فاهماك؟
هه..
اعتقد هي الحروف البتنظقها بقت م فارزاها من كترة ما راسها ضرب..
-سو انا جد اسف ع العملتو..وع الحيحصل برضو..
ريفان بقت م فيها طاقة تستغرب زاتو
ع الحيحصل؟
لا دا شكلو ناوي جد المرة دي
حيدر ابتسم
-م عارف ليه لكن رغم اني حاولت م اجرحط المرة دي..اعتقد حتكون الاسوء..
ريفان طلعت نفس طويل..
_الطلق الرصاصة منو؟
حيدر نتي راسو بالجمبة
-انتي ليه عاوزة تعرفي؟
_انت ليه قلت لي الكلام دا؟
-م ممكن اديك كل شيء جاهز صح؟
ريفان كانت بس بتعاين ليه
النظرات الفي وشها صدقوني يتقنعك انك تبعد من طريقها
حيدر ابتسم ع شكلها
-تفتكري منو العملها؟
_مفروض اعرف انا يعني؟
حيدر وقف ع حيلو و هو بضحك شوي
-شنو رايك تسألي حازم؟متأكد انو حيكون نقاش جميل معاه..
و طوالي مشي بدون م يخليها تتكلم زاتو..
ريفان طلعت نفس طويل..
♤°♤°♤°♤°♤°♤°♤°♤°♤°♤°♤°♤°♤°♤°
لينة مرقت من الكلية هي و وابل و نون متجهين ع ريفان المنتظراهم ف الكلية
=لا يعني بالجد خلاص خليتيه؟
لينا عاينت ل نون و هي بتقول ليها كدا
-بكون بكذب يعني؟
نون عاينت ل وابل و وابل ضحكت
=عادة بتتشاكلو كدا و بترجعو تاني
لينا ضحكت
-المرا دي ولا اتشاكلنا زاتو..خليتو ساي
=جد؟
لينا هزت راسها
=حمدلله ع السلامة والله والله والله والله..
لينا و ابل قعدو يضحكو
=والله الا اعمل ليك حفلة
لينا عاينت ليها ب طرف عينها
-اعملي
نون ضحكت
=يالله!!..حاكون فرحانة سنتين لقدام
لينا عاينت ليها
-واشمعنا سنتين؟
=لانو كل مرة كان بخرب مزاجي لمدة سنتين
لينا ضحكت
=الحمدلله اخيرا ربنا بعد عنك الشقاوة
لينا عاينت ليها
-هو بالجد كان ضاريني للدرجة دي؟
وابل و نون عاينو ليها احساس 'م جادة'
لينا ضحكت
=النوضوع تقول عامل ليك سحر استغفر الله و الحمدلله صحيتي حسي
-واو..طيب ليه م حاولتو تفهموني كدا؟
نون عاينت ليها
=لاننا كنا خايفين تزعلي..
لينا عاينت ليها
-م اعتقد كان ازعل من محاولتكم
=مبعرف كنت بحس بيك م بتكوني مرتاحة لمن ريفان تنبذو قدامك ف لو كنا قلنا ليك كدا كان بس حنحيرك..
لينا هزت راسها
=ريفان الريدي كانت بتحاول تدافع عنك..م كنا عاوزنك تعاني من جهتو و كمان من جهتنا و م تلقي ليك زول..
لينا ابتسمت ليها
=كنا بس عاوزين نشوف امكن نحنا نكون غلطانين..مافي زول بعرف مسلحتك اكتر منك..
لينا هزت راسها لانها بتتفق
مع الجملة الاخيرة
=دي حياتك..وربنا في..ف عشان كدا ف النهاية كنا بس واثقين انك حتعرفي الطريق ف النهاية..
لينا ابتسمت ليها و حضنتها..
وابل طبعا عشان تكسر المود
_دا شنو كلام العجايز دا..
لينا و نون عاينو ليها ب طرف عينهم و كلهم قعدو يضحكو
كملو ضحكهم و نون رجعت تتكلم
=طيب وعلي دا حنكو شنو؟
لينا عاينت ليها
-كيف يعني حنكو شنو؟
=الولد دا عسل خلاص..ممكن يكون اطيب و اعسل و اظرف زول ف الدفعة عادي
_اساسا هو كدا..باقي اولةد الدفعة كلهم موهومين و شايفين روحهم..
ضحكو ع تعليق وابل
=اها
لينا استغربت
-م عندو اي حنك..
=جد؟
لينا هزت راسها
-اممم..
=عسل لمن تكونو مع بعض
لينا ضحكت
-ظريف هو جدا والله..بعدين يعني جد صاحب..
نون و وابل هزو راسهم لانهم اتزكرو هو كيف ساعدها مع امها..
♤°♤°♤°♤°♤°♤°♤°♤°♤°♤°♤°♤°♤°♤°
ريفان كانت مارقة مع لينا للبيت..
انتهو ياداب و عليهم مشروع عاوز يقتلهم..
ريفان طبعت نفس طويل لانها عرفت انها الليلة م نايمة م نايمة..
لاقاهم علي ف الشارع و وقفو معاه..
لينا ضحكت ليه و هو جاها ب مفتاح العربية ف يدو
-اووه اخيرا ادوك ليها..
علي ضحك
=الحمدلله النتيجة مرقت نضيفة..
ريفان ضحكت
_اشطرتو عليك بالنتيجة ولا شنو؟
علي ضحك
=ابوي و اخوي كانو مقتنعين تماما انو نتيجي م حتمرق نضيفة لاني كنت بتلاعب اخر ايام..ف حلفو لو مرقت نضيفة بدوني عربية البيت دي و بشغلو الجديدة ل اخوي..
ريفان ضحكت
_هم م عارفين انو نحن قرايتنا اعمال النسة فيها ساي لو كويسة شديد يتمرق نضيفة؟
علي ضحك
=مافب واحد فيهم قرا معمار عشان كدا..
لينا لفت عيونها
-وانت اكيد طبعا م وريتهم
علي رفع المفتاح
=وافوت ع روحي الفرصة دي؟هه انتي بتهظري؟
التلاتة ضحكو..
=مارقين ولا شنو؟
لينا و ريفان هزو راسهم
=الليلة كملتو المحاضرات بدري كدا كيف؟انا متأكد انو عندنا حقت الاسمو عمر داك..
ريفان ضحكت
_لا انا خلصتها الحمدلله..
علي عاين ل لينا
=انتي ي الفالحة..محاضراتك زي..مارقة وين؟
لينا عاينت ليه
-ف تاني واحدة؟
الاحباط دظهر ف وش علي
-انتي م بتعرفي تقري؟
لينا لفت عيونها
_الكلام دا وين؟
تلفون ريفان ضرب و لقتو محمد..
رفعت و ردت ليه
علي طلع تلفونو و وراها..
لينا نططت عيونها اول م شافت و قرت الجدول
-اووووه شييت..
علي ضحك
=شتشتي ساي..
لينا كرفست وشها
-تاني محاضرة؟؟
علي ضحد
=ادخلي ارح قدامي ادخلي..
لينا طلعت نفس طزيل و ختت يدينها ف وشها..
ريفان كانت بتتكلم مع محمد
_الووو..ااا؟؟..جيت؟؟..جيتني يعني ف الجامعة؟؟..ااي قاعدة م مرقت لسا..؟دخلت ب باب هندسات؟.طيب دقيقة اوصف ليك تصلني ل معمار دقيقة..
لينا عاينت ل ريفان و لقتها بتوصف..
حواجبينها اتلاقو..
علي برضو عاين ليها..
شوية كدا و قفلت التلفون
-دا منو؟
ريفان طلعت نفس طويل
_محمد..مبعرف فجأة قرر يجيني يسوقني
لينا عاينت ليها
_اها انتي طلع جد عندك المحاضرة؟
لينا لفت عيونها
-سوقيني معاك عليك الله م بقدر..بموت لو دخلت تاني محاضرة بمووت
ريفان ضحكت
_استكيني م بتموتي..بتقربي تموني بس
علي ضحك و تحسو لينة كانت حتكفتها
=ادخلي ارح..
لينة لفت عيونها..
ريفان ضحكت..
-بتبدا متين؟
علي عاين ل ساعتو
=ااااا..بعد 17 دقيقة..
لينة لو عليها والله تمعط شعرها..
خلاص زهجت..
دا غير انو هي لازم تبدأ المشروع دا الليل. م عندها طريقة
=بعدين المشروع..لازم تبديه الليلة..
لينة عاينت ل علي
=م تقعدي تماطلي و تزوقي و يتردم عليك و تتحيري ف النهاية..
لينة طلعت نفس طويل
بتكره لمن الزول يكون صح قدامها و م تقدر ترد ليه
قلة ادب بس
_انا لازم امشي اشوف محمد دا م يقوم يضيع
لينة عاينت ليها
_يلا مع السلامة..
-اممم..وريني لمن تصلي البيت..
ريفان هزت راسها..
علي عاين ل ريفان و هي ماشة
شوية كدا و قبل ع لينة
=كيفها؟
-كويسة والله..
علي عاين ليها
=نو جدجد كيفها؟
لينة طلعت نفس طويل
-كويسة..لازم تكون كويسة..ان شاء الله كويسة..
علي ابتسم ابتسامة مكسورة شوبة وهو بسمع ف جملة لينة دي..
تحس بيها بتحاول تقنع ف روحها اكتر من انها بتحاول تقنع فيه..
=ربنا يصبرها
-انا خايفة عليها..
علي عاين ليها
-م قادرة اتخيل الالم الجواها قدر شنو..و فكرة انها بتحاول تكون كويسة قدامنا دي اكعب حاجة..
=بس لسا بتضحك موش حاجة كويسة؟
لينة هزت راسها ب معني لا
-ريفان اتغيرت من زمان..
علي استغرب شوي و م فاهم قاصدة شنو؟
-بقت م بتتكلم كتير..حتي ضحكتها بحس بيها مطفية انت فاهمني..بتكون بتعاين حوليها كتير و الزعلة مرسومة خط خط ف وشها..و فجأة ترجع تضحك تاني..
علي فهمها
-م بحب اشوفها كدا..ف لحظة حتنهار و م حتقدر تتماسك..
لينة مسحت وشها و هي بتحاول تمعن ف الفكرة
-و خايفة لمن تنهار م يكون معاها زول و تتهور
=تتهور؟
لينة طلعت نفس طويل
-ريفان م بتتهور كتير..ف حياتها دايما حريصة..لكن لمن تتهور..م بتفكر مرتين..
علي رفع حواجبينو و هو بنتبه ل جدية لينة
-حرفيا م بتفكر مرتين..
=عشان كدا بتحاولي قدر الامكان تكوني معاها؟
لينة هزت راسها
-اممم..لو انهارت و معااها زول..ع
الاقل يمسكها..بس يمسكها و هي تبكي..ممكن يسندها شديد..
لينة طلعت نفس طويل و دخلت الكلية و علي دخل ب وراها
♤°♤°♤°♤°♤°♤°♤°♤°♤°♤°♤°
ريفان اتحركت ع الكافتيريا الكبيرة عشان محمد واقف منتظرها هناك..
وهي ف الطريق لقت انو حازم جاي من الاتجاه المعاكس ع الاغلب متجه ل معمار عشانها..
ريفان عاينت ليه و صحكت
-ماشي وين؟
_ولا حتي
رفعت حواجبينها
-ولا حتي؟
_كنت مأمل الاقيك ف النص و اهو لاقيتك
ريفان صحكت
-انت كيف دايما بتكون عارف انا بنتهي متين؟؟..عندك جدولي؟
رغم انو قالتها هظار..
حازم هزا راسو
_اممم قلت ل لينا ترسلو لي
ريفان عاينت ليه ب استغراب
-فجأة؟
_لا.
قلت اشوف الايام البقدر ارجعك فيها
ريفان صحكت الليلة منها؟
_للاسف لا..الليلة م بقدر..
-طيب كنت جاي ساي ع معمار؟
_قلت الاقيك شوية و ارجع..
ريفان هزت راسها
شوية و بدت تتحرك ع الكافتيريا
و حازم مشي وراها
-لحسن الحظ محمد جاني الليلة
حازم عاين ليها
_خالك؟
هزت راسها
-اممم فجأة اتزركني م بعرف
حازم ضحك
_كويس..طمنتيني..
ريفان عاينت ليه
-انت بتعاملني ك شافعة
حواجبينو اتلاقو
_انا بس براعي و بهتم بيك
-برضو بحس انك بتعاملني ك شافعة
حازم ضحك
_اممم لكن انتي تعتبري ك شافعة يعني
الاحباط ظهر ف وشها
-شافعة ف عينك
حازم ضحكة ضحكة استهتار و قبل عليها
_هه..و كأنك اتلفظتي للتو؟
لفت عيونها
-طبيعي بتلفظ
_اول مرة اسمعك تتلفظي
-بس م بتكون قاعد و انا بتلفظ
حازم قبل منها
_وتقولي م شافعة
-لكن خلاص انت التعتبر بالغ
حازم عاين ليها ب طرف عينو و قبل
م تستاهل يردو عليها زاتو..
لكن لو هو م يعتبر بالغ..
منو البعتبر؟
_انا الدخلني شنو حسي..انتي يتتصرفي ك شافعة بس..
ريفان لفت عيونها
-تصرفاتي الطفولية م بتثبت علي حقيقة اني شافعة..
حازم هزا راسو
_نقطة مهمة..
وريفان ضحكت..
سكتت شوية و الاحباط و الزعل فجأة رجعو ل وشها..
فجأة اتزكرت سوسي..
استغفر الله من ماف والله..
حازم كان بعاين ليها ساي..
ضحكتها اساسا كانت مضلمة..
و لمن زحت الالم ظهر ف وشها..
اخدت ثانية و رمشت كم مرة..
و فجأة برضو بدون سبب الدموع بدت تتكوم و هي رمشت كم مرة و زحت تاني..
بعد م هدت شوية حتي حازم قرر يتكلم..
ف سؤال عالق ف راسو ليه فترة و م عاوز يسألها ليه لكن لازم يسألها..
_ندمانة؟
ريفان عاينت ليه
-ع شنو؟
_انك نمتي اليوم داك؟
حواجبينها اتلاقو
-كيف؟
_انك بلعتي الحبوب ديك..
ريفان بلعت ع ريقها و هي بتفكر ف الايجابة..
اكيد ندمانة..
فوتت الجثمان💔..
رغم انو الوضع كان حيكون اسوء ب كتير لو شافتو..
بس ستيل حاسة بالذنب لانها م ودعتها..
حازم عرف الايجابة من صمتها..
و كان ف سؤال تاني برضو لازم يسألو ليها
_ريفان..
رفعت راسها بين افكارها و عاينت ليه
_حصل فكرتي انك تنتحري؟
ريفان صحكت ضحكة استهتار..
امكن لانو السؤال سخيف..
لكن غالبا لانو غاظها..
و غاظها لانو صح..
-ياتو انتحار؟..الفكرة عابرة دا ساي ولا البخليك تتخيلو هو الاجراءات حقتو؟
حازم عاين ليها ب ردها دا..
نبرة صوتها اتغيرت وهي بترد ليه
ووشها قلب تماما..
و كأنها روبوت شغلت وضعيه الهجوم..
م عرف يقول ليها شنو ف البداية..
_الاتنين؟
ريفان صحكت شوي
-ممكن اعاين ل قلم الحب المكسور ب ورا..افكر لو سنيتو شوي و جريتو ع معصمي ممكن انهي كل شيء..ممكن اعاين للكراسي الحديدة العالية ديك..وافكر لو دخلت راسي بالغلط ف النص و رفعت رجليني رقبتي بتتكسر و ارتاح..ممكن افكر اني لو شلت المسطرة الكبيرة من احد الدفع التحت و احشرها جوا بطني برتاح برضو..
حازم دا قلبو بدي يضرب..
والادرنالين اشتغل ف السيستم حقو..
كلامها دا و الطريقة البتقول فيها دي..
خوفو..
-بس ديل موتات مؤلمات بكونو..
ريفان طلعت نفس طويل و واصلت
-سو قلت ع كلام محمد داك..ابلع 3 او 4 او حتي 6 من حبوب امي المنومة الممكن تقتلني ديك..بس الحبوب برضها بتوجع شديد..
ضحكت شوي و هي بتم
-برفع راسي بعاين للمروحة..الشنق..الشنق برضو حار شديد..و صعب زاتو..
_ريفان
حازم م قدر يسمعها تكمل
ريفان قبلت علينت ليه و واصلت ف كلامها
-ممكن افكر ف كم و خمسين طريقة و انا بعاين حولي كيف ممكن انهي حياتي..خلال الايام لقيت طرق م مؤلمة شديد زاتو و بتنهي بسرعة..
حازم كان بس بعاين ليها و اعتقد اكتر شيء مخوفو البرود الظاهر ف زشها ز هي بتقول ف الكلام دا..
-دا القصدك صح؟
حاوم م ردا ليها و بس سكت..
يقول ليها شنو؟
ريفان قبلت منو و طلعت نفس طويل
-م تخاف..م بنفذهم..بقدر متعة اني اتخيلها..انا عارفة انو البعديها اكعب و اسوء..و انها م بتريحي ابدا..حتكون جهنم تانية بس..
حازم قبل منها..
واو..
اول مرة م يعرف يقول شنو
ريفان ضحكت
-موش دا القصدك؟
حازم طوالي قيل عليها
_انا جادي..الموضوع دا جد
ريفان عاينت ليه ب تحدي و طوالي ردت
-و انا بهظر؟
_انا اخدتو ك هظار
-ليه شايفني بضحك؟
_هه و حسي سويتي شنو؟
ريفان سكتت..
م قدرت تلقي ليها رد ترد ليه..
اضافة ل انو كلامو و طريقة كلامو و برودو و الهدوء الفي وشو و كلو..
عادة بستفزها طبيعي
بس اعتقد الليلة
و حاليا استفزاها اكععب و اكتر من ااي وقت مضي..جد مرات م بساعد الولد دا..
ريفان قبلت منو و تاني م قالت حرف..
هو زاتو م قرر يسألها ولا يتكلم..
كان الريدي لقو روحهم قدام الكافتيريا و محمد واقف بالطرف..
جا عليهم هو لانو شافهم اول..
وهم م انتبهو ليه الا لمن جا وقف قدامهم..
محمد ابتسم و سلم ع حازم و حازم ابتسم و سلم عليه..
محمد عاين ل ريفان..
م قدر بفهم الشعور الفي وشها زاتو..
قبل عاين ل حازم و احازم ابتسم ليه تاني..
_انا لازم امشي لانو محاضرتي الريدي بدت..
ريفان عاينت ليه
-بدت؟..طيب حايم معاي لي؟
حازم ابتسم ليها
_لانك انتي..
رفع عاين ل محمد
_يلا..
محمد هزا ليه راسو و حازم قبل و بقي ماشي بسرعة عشان يحصل..
♤°♤°♤°♤°♤°♤°♤°♤°♤°♤°♤°♤°♤°♤°
الساعة كانت 2 صباحا..
ريفاان عينها طلعت من المشروع و حيلها ميت و حاسة بالنعاس..
م شديد لكن نعسانة ف النهاية..
رقبتها وجعتها من التركيز ف اللابتوب و ف النهاية رفعت راسها و قامت تتمدد شوية..
حركت رقبتها فترة..
يدينها..
وحتي رجليها النملو..
رحعت تحرك رقبتها تاني..
و المرة دي بقت بتحرك ف ضهرها..
اغتقد اتكسر من القعدة..
احركت تاني عشوائيا كم مرة كدا..
و وقفت تاني ع صوت بطنها..
حرفيا جسمها جمد لمن سمعت بطنها..
جعانة..
جاعت..ريفان قعدت ف الارض و هي بتنتبه للنقطة دي..
سو عادة سوسي بتجي داخلة من الباب داك و بتكون شايلة ليها اكلة ف يدها..
ريفان بلعت ع ريقها و هي بتحاول تدخل هوا جوا صدها لانو فجأة اتخنقت..
سوسي..
سوسي..
سوسي..
امي..
حبوبة ياسمين..
حبوبة..
الدمعة نزلت و ريفان طوالي قشتها..
م ينفع تقوم تبكي حسي..
لكن جد قلبها كان مقطوع..
حرفيا الصداع دا مسك راسها ف اللحظة الدمع دي نزلت منو..
ريفان اخدت تتنفس ب صوت عالي..
شهيق و زفير..
شهيق و زفير..
بتحاول تنظم ف تنفسها تاني..
تحاول تخفف الاختناق دا..
كدي تتم المشروع دا..
تتمو براحة براحة..
و تشوف بعد داك تعزي ل بعد بكرة..
المهم حسي تتمو..
المهم شنو؟؟
تتم المشروع..
لازم تتمو..
م عندها حيار تاني غير انها تتمو..
م ينفع تفكر ف شيء تاني غ-
صوت فتحة الباب خلتها ترفع راسها طوالي للباب..
لايك طبيعي بتكون سوسي البتجي دي..
و ل كسر الكسر من الثانية جزء بسيط منها كان متوقعها تكون هي..
بس حتي هي كانت عارفة انو حيكون زول تاني..
دخل محمد و هو ماسك ف يدو صحن فطاير جايبها من الانفال..
ريفان عاينت ليه و التعابير الفي وشها م اتغيروا..
امل ع احباط
انكسار ع تفاؤل
زعل ع رشة فرحة..
حاجة غريبة صح؟
الحاجات ديل م بتلمو مع بعض ف سطر بدون ضد او عكس..
لكن ممكن يتلمو ف مشاعر انسان..
محمد قعد قدامها و ريفان كانت بس بتعاين ليه..
مدي ليها الزبادي المخفف حق كابو ب نكهة المانجو البتحبو دايما دا و فتحو ليها..
ريفان اخدت كم ثانية كدا ترتب بيها الجوطة الحصلت جواها و تاني شالتو..
شربت منو شوية..
محمد عاين ليها و فتح البارد حقو و شرب منو..
بعد م شربت و روت روحها شوية قشت خشمها شوية
_جيت ف الوقت المناسب..الجوع عاصر بطني ب شكل
محمد ضحك شوية و سالت طوالي من الفطاير..
اكلت منها فترة و تاني رجعت تشرب و تاني اكلت..
اعتقد محمد كان شايل واحدة بس ف يدو وهي بس تاكل و تاكل..
شوية كدا و كملت اكلها و تاني اتكلت ع السرير..
_و الحمدلله midnight snack تم ب سلام..
محمد ضحك ع جملتها و رجع يشرب من البارد..
ريفان عاينت ليه
_براءة كيف؟
محمد هزا راسو
-كويسة الحمدلله..متجرسة من البرد لانو هناك كعب شديد..
ريفان ضحكت شوي
_اول سنين ليها عينها حتطلع
محمد هزا راسو
-حسي والله عينها طلعت و طلعت عيني معاها
ريفان ضحكت
_و كيف اثيل؟
محمد ضحك
-وشها ببقي طماطم لمن تمرق ل برا
ريفان ابتسمت شوي..
نفسها تشوفها بتو دي..
-بقت بتتكلم تقول كلام كدا ملخبط م بفهمو..
ريفان ضحكت
-امها بتفهم كيف م بعرف
ريفان شربت
_دي امها اكيد لازم تفهم..
محمد ضحك شوية..
ريفان طلعت نفس طويل..
ف جملة ف طرف لسانها لازم تقولها ليه..
_اسفة..
محمد عاين ليها
_اسفة لاني م حضرت عرسك..
محمد سكت و م ردا ليها..
ريفان طلعت نفس طويل و هي بتتزكر ف الحصل..
رغم انو مرت عليه 4 سنين..
بس ل يوم الليلة قلبها دا بتعصر كل م تتزكر..
لمن ابوها و امها حصلت بينهم الشكلة الكبيرة..
ف انو هو م عاوز يربيهم هناك و هي مصرة تربي اولادها هناك..
كان ايام عرسو ل يوم الليلة بتتزكر..
كيف ابوها هاج في امها لمن سمعها يتتكلم مع حبوبتها ب ورا..
و كيف هم كانو لابسين اللبسة و جاهزين متحركين ع الصالة..
و فجأة ابوهم واداهم البيت و حبسهم فيه عشان م يمشو..
حماها هي و اخوانها و امها من انهم يحضروا عرسي محمد..
رغم اهم كانو اتجهزو و كلو..
ل يوم الليلة بتتزكر هي كيف كانت متحيرة و م قادرة تفهم ابوها عمل كدا ليه..
اعتقد لحدي حسي هي فاهمة..
بس م قادرة تفهم كيف عملها..
عملها عشان يتسدي حقو ف امها..
بس كيف يعمل كدا؟
دا محمد..
و ابوها بعرف كويس هم بحبوه شديد كيف..
كان تصرف طفولي شديد من ابوها..
و ل يوم الليلة الذكر
ي دي م يتفشل انها تحرق دمها و تبوظ اعصابها..
و اكتر شيء كمان مضحك انها م لاقتو حتي لمن جا يسافر ل شهر العسل..
اخر مرة كان شاقتو هو صباح العرس لمن مرق بدري..
و تاني م لاقتو الا لمن سافرت بريطانيا حسي..
ااي كانت بتتكلم ف التلفون..
بس برضو..
محمد ابتسم لبها
-ليه دايما بتعتذري ع حاجة م غلطك؟
ريفان ضحكت
_دي موش قواعد الدنيا؟
محمد تني راسو و هو بعاين ليها
_انو يدفع ثمن حاجة م غلط..يتألم بدون سبب ل درجة الاختناق..يعتذر رغم انو م عمل شيء..يبكي رغم انو م عارف ليه..يأخد الذنب رغم انو كان بحاول يصلح الحال؟
محمد هزا راسو شوية ع جملتها
_دي موش قوانين الدنيا؟
-صدقتي..
ريفان شربت و اكلت تاني فطيرة ساي عسان تحرك خشمها
-بس لمن يعمل دا كلو و معاه ناس بتكون اخف شوية..
_اخف شوية م معناتا انها اختفت..
محمد بلع ع ريقو
-بس لازم تختي للتغير البسيط دا اعتبار..
ريفان عاينت ليه
_زي لمن تجي تبكي ع شيء..ممكن تبكي ساعات و ساعات..بس حرفيا البكي بتاعتك م حيصلح الوضع..
محمد ابتسم
-ممكن يخفف عايك من جوا
ريفان طوالي ردت ليه
_وحيرجع لمن تتزكر الموضوع تاني
محمد ابتسم
-صح..لكن بكون اخف شوية..
ريفان رفعت حواجبينها
-شووووووووييييييةةةةة..بس المهم..
ريفان لفت عيونها..
و محمد ضحك
-حصل ليك شنو؟..امي ربتك ع انك تقدري و تختي اعتبارات ل ادق و ابسط التفاصيل و المعلومات..
ريفان اختنقت ع الهوا لمن قال امي..
احي بس..
حتقعد كدا ل متين هي؟
امكمن حازم كلامو صح..
الكتمان بزيد الوضع سوء
و بخليك تعيش حروب داخلية م ليها نهاية..
الكتمان حياكل جزء من روحك كل شوية لحدي م ينتهي منها..
الدموع اتكومت ع عيونها وهي بتحاول توقف فيهم..
محمد ابتسم..
دا العاوزو من قبيل..
انو يخليها تبكي و تمرق الجواها..
محمد قام قعد جمبها و بتقش ف الدموع كل م تنزل..
-انتي ممكن تقعدي كدا و تموتي ف النهاية..
ريفان عاينت ليه ساي
-انت لازم تبكي و تطلعي الجواك..
ريفان غمضت عيونها و هي بترفض ف فكرة البكي
-اتقبلي الحقيقة..وخليها تبقي جزء من حياتك..امي اتوفت خلاص الحمدلله ع كل حال و ربنا يرحمها..الكتمان م حيجيبها راجع لكن حيزيد وضعك اسوء..هي خلاص بقت تحت التراب..لكن انتي الفوقو لازم تعيشي..م ممكن توقفي حياتك كدا..الموضوع دا حيضربك بعيدن و يأثر فيك ب طريقة سلبية.
ريفان كان الريدي انقعت بكي اول م قال بقت تحت التراب..
الدموع دي م نزلت نافورة..
والله شلال..
بكت ب شكل..
بكي حرقة..
بكي الم..
بكي استيعاب للحقيقة..
_ليه تموت و تمشي تخليني؟..هي كانت عارفة انو انا م بقدر اعيش بدونها..ليه تمشي؟..انا عملت شنو غلط عشان هي تمشي كدا؟..انا م دايرة م دايرة كدا..
والله بتبكي ب صوت و شها دا بقي زي الطماطم بس و الدموع دي بللت قميصها عديلك كدا..
_والله م دايرة
محمد كان بس بعاين ليها و هي بتبكي و بقي متحير يسوي شنو بعد م خلاها تبكي..
♤°♤°♤°♤°♤°♤°♤°♤°♤°♤°♤°♤°♤°♤°
ريفان كانت واقفة قدام عربية حازم و هي منتظراه يجي..
ابوبكر رسل ليه كم حاجة مع محمد و شايلاها ف شنطة و عاوزة تديها ليه..
عاينت ل ساعتها..
قال بجي بعد 10 دقايق..
طيب ليه م جا؟
ل حسن حظها محاضرتها بعدين..
لكن جعانة عاوزة تمشي تاكل..
طلعت تلفونها هبشت فيه فترة..
شوية كدا و ترفع رايها ع صوت مألوف..
لقتو حيدر بكورك ل اولاد كدا من بعيد المهم..
جرو لحقوه و هو بضحك عليهم..
ريفان عاينت ليه مسافة..
الكلام القالو ليها رجع ل راسها تاني والله..
كانت مركزة معاه و هي بتتزكر ف صوتو و هو بتكلم عن الطريقة الطلق بيها الراجل..
كيف هو عارفو منو..
و لسا مستغربة هو ليه قال ليها الكلام دا..
قلبها ضرب شوية لمن اتزركت انو قال ليها اسألي حازم..
كيف يعني تسألو؟
حيد-
فجأة حازم وقف قدامها قطع ليها تفكيرها..
ريفان عاينت ليه
كان بتنفس ب صعوبة..
تكاد تحلف انو كان بجري
_اتأخرت ثح؟
ريفان ابتسمت
-المحاضرة جراها ليكم ولا شنو؟
حازم ردا ليها ب شوية احباط
_ع م يبدو مقتنعين انو بما اننا اخر سنة بقدرو يسو الدايرين..
ريفان ضحكت..
مدت ليه شنطة الضهر الشايلاها..
-محمد قال اوصلها ليك و قال اقول ليك ابوبكر قال انو لازم تودي قطعة شنو كدا م بعرف ل صحبو الفي المنشية..
حازم هزا راسو
_م وراك شنو؟
ريفان ضحكت
-صراحة قال اسمها لكن م متزكرة..
حازم ضحك
-اممم و قال برضو اقول ليك انو لازم تمشي ليه ف ورشتو الفي بحري و شوف اذا نفعت او لا عشان يقدر يفهم الحجم المناسب ليها..
ريفان كانت و كأنها بتسمع ف نشيط م فاهمة فيه حرف..
ف النهاية هزت راسها
-م بعرف والله كلام كتير الا تسأل ابوبكر منو عشان م اكون بكذب ساي..
حازم ضحك و فتح المقعد الامامي ل عربيتو و ختي فيها الشنطة..
_طيب م وراك عن التلفون الطلبتو؟
ريقان هزت راسها
-اممم..لكن محشور ف شنطة الضهر و الشنطة م قدر ينزلها..بجيبو ليك بكرة..
حازم ابتسم ليها
_تمام..
ريفان عاينت ل حازم و ادل العربية..
كان فتح الباب الورا يهبش ف شيء..
عينها ليها لسا مطفجة من الضربة الضربها يوم داك..
ريفان رجعت عا
بلل شفتيه
=ف مشكلة؟..انت ب سببك زول اتشلي و بقي م بمشي تاني..و تجي تقول ف مشكلة؟..كان ممكن تقتلو
حازم ضحك ضحكة استهتار
_يستاهل..
حيدر سكت..
صراحة هو اتغاظ منو..
عشان كدا سالو..
ل وهلة نسي انو ريفان واقفة قدامو
=يستاهل؟..انت سامع روحك بتقول ف شنو؟..انت واحد مريض بس م اكتر..تقرب تقتل زول و تجي تقول يستاهل؟؟..ب ياتو حق؟؟
حازم كان بعاين ليه و هو محرروق..
حيدر كان مغيوظ من حازم و حازم انتبه للنقطة دي..
استغرب..
الولد دا وراه شنو..
بستفيد شنو من الحاصل دا؟
حازم بفكر ف النقطة دي من قبيل و لحدي حسي م قدر يحلها..
لكن و هو بفكر حسي..
اعتقد عندها علاقة بالشرطي دا زاتو..
دا الاستنتجو من حرقة حيدر دي..
حازم ضحك بس و م ردا ل حيدر..
حصل قلت ليكم الولد دا بضحك ضحكات غياظة ف اوقات غلط و بس ببوظ و بخرب و بزهج اي بشر قدامو؟
حرفيا ضحكتو دي حرقت حيدر و ريفان الاتنين..
تحس بيهم عاوزين يكفتوه بس..
_وانت الدخلك شنو؟
حيدر ضحك
=جد الدخلني شنو..
سكت شوي و تاني قبل ع ريفان
=انا لازم ادخل الوقت اتأخر..
و طوالي اتحرك ع المكتبة..
حازم عاين ليه لحدي م دخل..
قبل عاين ل ريفان..
الخوفة زادت زيادة..
بقت واضحة شديد المرة دي..
خايفة منو؟
حازم بلع ع ريقو..
_ريفان..
ريقان عاينت ليه..
_راجعة؟
-وين؟
_البيت...
ريفان م ردت ليه...
اخدت ليها خطوتين ل ورا و بقت ماشة براحة
-عاوزة ارجع براي..
حازم عاين ليها..
خايفة منو..بقت خايفة منو..
بقت زيهم..
برضو بتخاف منو و شايلة منو..
بقت بتشوفو زي الناس التانين..
زول بارد دمو تقيل و حقير..
و كمان زيادة..
بقت خايفة..
الحاجة دي حرقت حازم اكتر من اي شيء ف حياتو..
ريفان قبلت و مشت طوالي ولا عاينت ليه تاني زاتو..