الجزء 34
"و ف السابع عشر من ديسمبر سأجدك..سأخبرك كم احببتك و سأتمسك بك.."
-يوسسف...يووسسف..
نشوة كانت بتضرب ف يوم النايم ف غرفتو
او ف الحقيقة تقريبا مغمي عليه ف الارض
-ي ولد قوم قووومم الليلة اخر يوم ف التسلييمم..
الولد م اتحرك
نشوة قامت تصرخ و برضو لا حياة لمن تنادي
عاينت ل ساعتها
الساعة 11 و نص بليل
الساعة 12 باقي ليها تقريبا نص ساعة
اليوم دا لو انتهي و زففت يوسف دا م سلم مشروعو حيعيد السنة لانو حيرسب
-يوووسسسسسففف..
الولد اتحرك شوي
دي نتيجة انك تكون م نايم قريب الاسبوع ورا بعض
نشوة قامت ع حيلها و مرقت من الغرفة عشان تجيب موية
اساسا هي غلطانة لانها م فقدتو الايام الفاتت
امتحنو امتحاناتهم بتاعت نهاية السنة و اجزوا
او الكلية كلها احزت الا ناس نشوة العندهم المشروع دا يسلموه
نشوة عينها طلعت عشان تحنس الدكتور انو يقبل حسي بليل و هو لسا ف الكلية
المشكلة قال ليها انا بمرق 12 و لو نزلتي لي ملك من فوق م بقبل شيء تاني
اخخخ انا
جد غلطانة هي المافقدتو ليها كم يوم
نشوة جابت جك بتاع موية باردة مرقتو من الكوريات البختوهم ف الفريزر
وقفت و زحت اي شي ف الارض من جمبو عشان ك تتبلي
و ششششششووووو!!!!
الموية الباردة اطايرت و يوسف دا قام ع حيلو مرة واحدة
نشوة ندمت ل لحظة انها م صورت المنظر ب فيديو
-اتححررررك اااررح سللم زفتتك داا
يوسف عاين ليها ب استغراب و اخد ليه كم ثانية و هو لسا م مستوعب
-ويييينو زفتتك دا؟؟ارررررح يااااخخ..
شالو مشروعهم و اتحركو برا
يوسف نهائي م كان ف حالة انو يسوق
و لحسن الحظ نشوة بتعرف
رغم انها م بتسوق كتير شديد الا لمن تكون مع امها
لكن دي ضرورة
ركبو الاتنين و البت اتحركت ع الجامعة
=ممكن تفهيميني ف شنو؟؟
نشوة طلعت نفس زهجة
-انت نايم ف ارضك دا ليك تقريبا 24 ساعة ي فالح و مشروعك م سلمتو و اتحيل شنو؟؟دكتور طه قال بقبل مشروعك قبل الساعة 12 بعد م انا قربت اقعد ليه ع ركبتي من الكبي و التحانيس عشان انت حضرت سياداك مغمي عليك..ااااخخخ غللطااانة انا والله غلطااانة انا المافقدك
نشوة كانت بتكورك حرفيا
وطيريت اي جنون او عدم فهم من راس يوسف و بقي مصحصح تماما
ههه..معمار بتعمل اكعب من كدا
وصلو الجامعة و دخللوو و جررررريييي
لحسن الحظ قدرت تدخل العربية جوا و وصلتو الكلية
لقت الدكتور و كان قاعد مربع يدينو ف الكرسي
اول م دخلت عاين للساعة و ضحك
الدكتور:11:56 دقيقة..ما شاء الله والله
نشوة:انت قلت بتقبل لحدي 12
الدكتور:و قلت ليك حسي م حاقبل؟..
سلموه المشروع
الدكتور:و ب كدا انتو بقيتو احرار من دوامة المشاريع دي..اجرو نومو ب ارتياح الليلة لانكم حتكونو ف حالة هلع ل مدة كم شهر ل قدام بس ك م بعد الصدمة ل الجامعة
نشوة كانت بس ماسكة روحها
والله نفسها تكفت كل دكاترة الجامعة واحد واحدة
اخخخ!!
لكن الحمدلله اتفكت
خلاص تاني لا جامعة لا قرف
مرقو برا من مكتب المدير و اتحركو تحت عشان يمرقو
نزلو من السلم و لقو المطرة صابة زيي الشلال
جروا ع البوابة معمار عشان يمرقو
و قلبهم وقع لمن ابت تفتح
كان الريدي اتبلو و هم قاعدين تحت السلم
يوسف عاين للقفير و كورك ليه عشان يجي يفتح ليهم الباب
داب م مرقو و اتحركو من معمار لحدي م وصلو مكان العربية بقو بنقطو من الموية
م يقفلكم نقطة انو يوسف لابس بجامتو و نشوة ب عبايتها و اعتقد لابسة سفنجة ابو يوسف و يوسف لابس فردات من بلد
حالتهم و منظرهم م بقدر يتوصف زاتو
ركبو العربية و قفلوها طوالي
يوسف طلع احد الجاكتات حقاتو من ورا و ختاه ف راس نشوة و نشوة كانت تبحاول تفك الطرحة الخانقاها و رابطاها غلط دي
يوسف اخد نفس طويل
رغم انو صحصح شوس و كان نايم
لكن لسا نعسان و تعبان و شوية مدروخ
-خلينا نقعد شوي قبل م تسوق..ب حالتك دي و المطرة دي و عدم الانوار ف الشارع والله تعمل بينا حادث
يوسف ضحك شوي
=موافق ع الفكرة دي..
نشوة ضحكت و هو راخد اتكل ع الدركسون
جد مدروخ و شبه م واعي
نعسان شديد
هو كان م بين اللاوعي
ونسوة بس مع روحها بتفكر
تاني مافي جامعة
مافي محاضرة
واهم شيء مافي تاني حاجة اسمها مشروع
تاني مافي سهر
ومافي هوس
الرعب من النتيجة تاني م يضربها
الخوف من انها تسقط او انها م تجيب درجة تاني ماف
نشوة م حست بالدموع اتلمو ف عيونها
م حصل بكت من الفرح
لكن والله حاسة روحها ممكن تنزل دموع زي المطرة دي بس ع النقاط البسيطة دي نشوة قعدت تبكي ب صوت و يوسف انتبه ليها
=انتي مالك بتبكي؟
-دموع فرح ل اني اتفكيت من السجن دا خلاص..ممكن امشي اشوف لي حياة بدون م اعين ب وراي و اكون شايلة هم شيء..ممكن اخيرا اختار اسوي شنو ف حياتي بدون م يدخل زول..يالله..!!
يوسف قعد يضحك عليها
=حياتك؟..انتي عشان تتخلي عن دي لازم تربطي كل الخيوط و م تخلي واحدات معلقات عشان تاني م تعايني ليها
-ف خيوط شنو الخليتها؟
يوسف عاين ليها ب جدية
=اتكلمتي مع حازم؟وريتيه؟
نشوة قبلت منو طوالي
ف داعي يخرب ليها مزاجها كدا؟
=نشوة ادا دايما بسمع كلامك و بم
شي ب كل نصيحة تقوليها..لكن انتي ليه م عاوزة تسمعي كلامي؟
نشوة عاينت ل اي شيء غيرو هو
=انتي عارفة اكتر مني انك حتندمي بعدين لو م ورتيه..و شوفتي الحالة الكنتي فيها لمن كان ف غيبوبة..
نشوة عاينت ل يدينها لانو كلامو صح
اكتر شيء بغيظها لمن تكون غلطانة و الزول للقدامها كلامو صح و م بتقدر ترد تقول شيء
=انتي لازم تتكلمي توريه..
-هو وينو عشان اتكلم اوريه؟
يوسف ردا ليها طوالي
=جاي الاسبوع البعد الجاي قال
نشوة نططت عيونها
-اا؟
=اتكلمت معاه قبل كم يوم و فكوه من المستشفي خلاص..جاي حياخد امتحانات السمستر التاني حقتو مع حق الميدتيرمات للدفع التانية
نشوة استغربت
-حيجلس براه؟
=اممم..م هو كان مجمد و الحمدلله ابوبكر بعرف عميد هنا ساعدو
نشوة م ردت ليه
=انتي لازم تتكلمي
-دقيقة و الناس حيبدو الميدتيرمز متين؟
سوسف سكت شوي
=ع حسب علمي بعد تلاتة اسابيع؟..هم ياداب بدو السنة ليهم اسبوع و حاجة او اسبوعين
نشوة هزت راسها شوي
-متأكد انو جاي؟
الاحباط ظهر ف وشو
=بكون بطلس يعني؟
نشوة لفت عيونها و قبلت منو
=نشوة انا جادي..اساسا انا نفسي اخنقو لي 5 سنين لانو م انتبه..سو لو م اتكلمتي انا حاضربو و حاضربو و اوريه
-اووعك ي يوسف هوي
=اتكلمي طيب..
نشوة اخدت نفس طويل
يالله!!
دا شنو الصداع الجاها جديد دا؟؟
■°■°■°■°■°■°■°■°■°■°■°■°■°■°
الاسبوعين مرو زي رمشة عين
و ريفان م عارفاه جاي زاتو
ممكن اقول ليكم نستو
بس بكون كذابة
بتتزكرو دايما و بزات لمن تكون راكبة المواصلات او بتعاي نل عربات او لمن تشوف زول بتكلم ب هدوء او حتي لمن تصادف تلاقي نشوة او يوسف و تسلم عليهم
عادة محمد هو البوريها عن اخبارو بس ليها فترة هي زاتها م عارفاها كم من نا اتكلمت معاه
اخخخ رابع ف معمار تقريبا تعد اصعب سنة والله
المشاريع الفيها بالصعف اضافة ل اعمال السنة و كلو
بالاضافة ل الامتحانات الفاتحة فيها الاسبوع الجاي
ريفان حررفيا كان نفسها الارض تتشقي و تبلعها
مرات بتسأل نفسها الجابها ل مكانها دا زاتو شنو
ريفان و لينة كانو بتناقشو ف موضوع علي و انو لينة علي بقي عاجبها زيادة عن اللزوم
لينة:لكن دا بس لانو هو دايما موجود معاي ف طبيعي احس كدا
ريفان ضحكت
نون:و طيب ي فالحة..الطبيعة حصلت و حبيتيه بعد دا حتسوي شنو؟
كلهم ضحكو ع حملة نون دي
ريفان:لينة استكيني اولا و اسألي روحك عاوزة شنو
لينة:العاوزاه واضح..انو يفضل جمبي و معاي
نون:ب ياتو طريقة..
لينة:هم فرقو يعني
نون رفعت يدها احساس حتضربها و كلهم ضحكو
ريفان:كيف م فرقت و انتي حسي غيرانة من البرلومة المكسرة فيه دي
لنية عاينت ل ريفان ب حدة:انا م غيرانة..انا بس مستغربة هي خفيفة قدر كيف و بتتراشق معاه كيف
نون ضحكت:لانو عاجبها..
لينة:بس دا تخلف
وابل:م تخلف..هي انسانة صريحة..متخلفة العبارات البستعملها المجتمع دا ك خفة و رشاقة عشان يطلعو الزول عوير و هو كل العاوزو انو يبين مشاعرو
ريفان هزت راسها:انا كليا مواقفة ع كلام وابل..بعدين هي م مشت قعدت ف رجلينو او كسكت يدينو او كدا..هي بس لمن تلاقيه بتسلم عليه و بتتكلم معاه عادي..انتي براك العاملة من الحبة قبة
لينة حمرت ليهم
نون:شوفتي..دي غيرة..انتي قلتي م فرقت معاك..لكن هدي فكرة انو البت دي معاه م عاجباك..معناتا م ينفع تكونو فريندز بس..
لينة اخدت نفس طويل
يالله من الحيرة البتضرب الزول
لينة:م عارفة خايفة اخرب البيناتنا كدا
ريفان عاينت ليها ب احباط:حيحصل شنو بعني؟تصرفاتكم حتكون ياها و حتكونو لسا بيست فريندز و كمان اكتر و حتكون حاجة حلوة..اضافة ل انك تاني م حتزعلي لمن تشوفي منظر زي دا
لينة ختت يدينها ف وشها
دا حرب اعصاب والله
لينة:طيب و تفتكرو هو حيقبل بي؟
نون عاينت ليها:و ليه م يقبل..بت هو منتظرك تجاوبي ليهو كم؟سنة؟؟..بكون تما السنة والله
ريفان ضحكت شزي:شوف بالله الزمن بقي بجري كيف
كلهم هزو راسهم ع نقطة ريفان دي
لينة:طيب و لو هو قرر يكسر الحنك و كسرو لاني م رديت ليه
وابل:كان بكون غير تصرفاتو الحنونة دي معاك شوية عشان هو زاتو يقدر يكسر الحنك
نون:اتفق..انتي كدي جربي حظك و بس وريه
لينة:و لو حظي طلع عفن؟
ريفان ابتسمت ليها:الموضوع م عندو علاقة بالحظ..الكاتبو ربنا هو الحيحصل و البكتبو ربنا دايما خير..تمام؟
لينة هزت ليها راسها شوي
ريفان:يلا يلا ناكل انا الجوع قتلني
وابل:لو قتلك م كان بتكوني بتتكلمي حسي
ريفان عاينت ليها ب احباط:ها ها ها ها..يلا امشو جيبو الاكل
نون:خدمك نحنا
ريفان ردت ليها ب طريقة طفوليه:بليييز..
نون ضحكت و وابل لزت ل ريفان راسها ل ورا
ريفان:اااا..
و مشو
واحدة فيهم وقفت ف صف العصير و التانية ف حق السندوتشات
لينة عاينت ل ريفان الكانت بتحاول تفتح عيونها من النعاس
لينة:رجعتي تاني ل عدم القدرة ع النوم ولا شنو؟
ريفان ابتسمت و اكتفت ب انها تهز ليها راسها
لينة:الحالات البتخليك و بتجيك فجأة دي تخوف
ريفان ضحكت:جد تخوف..احساس امبارح تقدري تنومي الليل كلو و فجاة اليوم البعديه تجريه للصباح بدون م ترمشي و انتي راقدة ف سريرك و
تستمري كدا لحدي م ربنا يفرجها عليك
لينة ضحكت:و بتقعدي كدا عادي؟
ريفان اخدت نفس طويل:من زمان كدا..م كان ف زول بفهمني غير سوسي..الله يرحمها
واو
تصدقو مرت سنة و حاجة ع وافتها؟
هه
صدقوني ريفان بحد زاتها م قادرة تصدق
الناس بقولو انو الزمن يشفي كليا
لكن م شفي ريفان كليا
اخد جزء بس
و الجرح لسا قاعد
لسا قلبها بوجعها لمن تتزكرها
و لسا الدموع بتجي ل عيونها لمن تقول الله يرحمها بعد م تذكرها
بس بقت بتقدر تتحكم ب روحها و تهدي نفسها شوي
نون و ابل جو قعدو وهم شوية مخلوعات
لينة و ريفان عاينو ليهم ب استغراب
نون:ف ولد لابس تي شيرت كحلية كان ف بداية الصف ي ريفان بشبه حازم شيه بالجمبة..
كلهم اتلفتو ع المكان الاشرت عليه
نون:هناك..لكن حسي مشي..
ريفان م ردت ليهم
نون:والله بشبهو شبه..بس لونو افتح شوي..قربت اقول ليه ي حازم؟..
ريفان ضحكت:و م قولتي ليه ليه؟
نون:لاني داب م مشيت واه ف الزحمة تاني م قدرت المحو
ريفان شربت من عصيرها بدون م ترد ليها
■°■°■°■°■°■°■°■°■°■°■°■°■°■°
حازم رجع ع كليتو بسرعة بعد م لمح نون واقفة وراه
اخخ..
الولد دا مرات بقتنع تماما انو الدنيا بتكرهو
م تمي يومين من م نزل
وهم حرفيا ف جهات مختلفة من السنتر
ف داعي يصادفهم كدا؟
اخد نفس طويل و هو بعبر عن زهجتو
اخخخ م نفسو يلاقيها حسي
م كان عارف ليه لكن غالبا لانو م عارف يقول ليها شنو
و اعتقد حازم عادة دايما بكون عارف يقول شنو
شال شيتاتو المحتاج ليها و كان مارق من الجامعة لكن اتصال نشوة خلاه يقيف
_الوو
-الوو حازم؟
_امم
-انت ف الجامعة؟
_اممم..
-وين؟..تعال نتلاقي
حازم ضحك شوي
_انا جمب الموقف حق العربات بتاع هندسات..انتي الوين؟
-انا ف الكافتيريا دقيقة اجيك..
_طيب
و طوالي قفل الخط
مشي وقف جمب الممشي حق الطافتيريا اول م لمحها جاية من هناك
يالله!!
مافي زول ممكن يفهم هو اشتاق ليها قدر شنو
رغم انو لاقاها امبارح و اول امبارح
لكن برضو
_م اتوقعت تبقي TA وانتي كتدنتي كارهة الجامعة كدا
نشوة ضحكت
-الزول بقع ف شر اعمالو لاني كنت شمتانة ف يوسف..هدا بقيت انا
حازم ضحك
_انتهيتي؟
نشوة اخدت نفس
-لااا..عندي زي 20 دقيقة بس عشان اكل..قلت اشوفك لو قاعد نتونس شوي عشان اقدر افك الزهجة الفيني دي
حازم ضحك
_م اكلتي؟
نشوة هزت راسها ب معني لا
_خلاص ارح الكافتيريا
-ارحح..
اتحركو ع الكافتريا وهم بتناقشو
-م قلت لي الجرح قفل؟
حازم هزا راسو
_اممم..هم بفكوني لو م متأكدين اني م حاقدر آذي نفسي
نشوة هزت راسها
-صح..
_اخخخ..بقي ف قريب التلاتة علامات..مشوه
نشوة ضحكت
-بختفو م تحاف
حازم عاين ليها
-الطعنة م اختفت..تفتكري حقت عملية بداية السنة دي تختفي؟
-كعبة للدرجة دي؟
حازم ختي يدو ف قميصو احساس جاهز يرفعو
_تشوفي؟
مشوة ابتسمت ليه
-طوالي..
حازم رفع ليها حواجبينو
_ي راجلة!!..
نشوة ضحكت ع كلمتو
-دي م كلمة حقيقة زاتو
_مناسبة معاك جدا لانك بتتراجلي
نشوة عاينت ليه ب طرف عينها
-شفت اكعب صدقني
حازم ضحك
_اعتبرك بتتحرشي فيني ب كلامك دا؟
نشوة لفة عيونها
-انت دماغك دا بدلوه هناك ب واحد وسخان بالغلط ولا شنو؟
_او هم وسخوه..
-لا هو من يومو وسخان بس بدلوه ب واحد اكعب
حازم ضحك ع جملتها
_انتي براك شايلة مني ساي و ان-
صوت نشوة و هي بتقول 'ريفان' و فجأة تقيف خلتو هو زاتو يقيف و يرفع راسو يعاين قدامو
اوه شيت
شتين م شيت واحد
تلاتة شتوت م اتنين زاتو
كيف الدنيا م تكرهك و هي بتجيبك راجع ل اكتر حاجة كنت جاري منها
يالله!!
ريفان كانت زاقفة بتعاين ليه شبه مخوعة و شبه مستغربة ف نفس الوقت هي و لينة
هه
مخلوعة ليه انو جا و هي اساسا م عارفاه حيظهر متين
نشوة عاينت ل ريفان و عاينت ل حازم المابي يعاين ليها ف وشها
و حست انو ف شي حاصل
نشوة:اوووكييي..
ريفان عاينت ل نشوة و رجعت عاينت ل حازم تاني
قتحت خشمها عشان تتكلم
لكن تقول شنو؟
انت جيت متين؟
ليه تقول ليه كدا فجأة و هي ليها كم م اتكلمت معاه؟
ليه م وريتني انك م جيت؟
هه
تاني اذكر نقطة انها م بتتكلم معاه
لمن م لقت شيء تقولو قفلت خشمها طوالي و عاينت ل نشوة
نشوة اتكلم معاها ف كم حاجة كدا..
حازم م كان فاهم هم بقولو ف شنو لكن فاهم بس انو نشوة تقريبا بتقريهم حاجة
هه
نهائي م اتغيرت
ياها ع حالها
ممكن اذكر نقطة انو اشتاق بيها و اشتاق ل صوتها و هو زاتو م كان عارف؟؟
يالله!!
الانسان م بعرف هو اشتاق للحاجة قدر شنو الا لمن يشوفها مرة تانية..
م عاوزة اقول انو كان سرحان فيها
لكن والله م كان سامعهم بقولو ف شنو لانو غالبا م فاهمهم زاتو لكن كان بس بعاين ليها
لدجة انو ريفان حست ب عدم ارتياح
و هو ولا هاميه
بعد م كملو كلامهم و هو لسا بعاين ليها ريفان زهجت
ريفان :ف حاجة؟
حازم رفع ليها حواجبينة:كيف؟
ريفان:مالك بتعاين لي كدا؟
حازم:لاني اشتقت ليك؟او فجأة بفيتي سمحة زيادة عن اللزوم؟اختاري البعجبك لانو الاتنين صاح
الاحباط ظهر ف وش ريفان
هه
من متين هو بشاغل كدا؟
حصل ليه شنو هناك قبل م يجي
لا دقيقة
هو مرق من الحادث كدا فجأة
ريفان:ضربة راسك دي
اثرت فيك للدرجة دي ولا شنو؟
حازم ابتسم:امكن والله..بقت بتخليني اقول الفي عقلي طوالي
هه
الابتسامة البتزفت تحرق دمنا قاعدة م مشت مكان
ريفان: that annoying smirk still exists though
حازم:well it's something I do for only you so why not؟
اووكييي..
كفي مشاغلات لليلة
بزات مع صدمة انو جا دي بتكفي جدا
ريفان لفت عيونها:نحنا لازم نمشي لانو عندنا محاضرة
نشوة ابتسمت و هزت راسها و ديك اتحركو طوالي
حازم كان بعاين ليهم لحدي م اختفو
نشوة عاينت ليه كيف كيف:وااو شكلها جد الضربة اثرت فبك
حازم عاين ليها و ضحك
نشوة:من متين انت بتشاغل عبنك عينك كدا..
ضحكت شوي
نشوة:من متين بتشاغل اساسا؟؟
■°■°■°■°■°■°■°■°■°■°■°■°■°■°
_ي بت بتحفري فيها حفرة كدا
لينة اتلفتت ع صوت ريفان القعدت جمبها فجأة
لينة ضحكت و قبلت من البت
ريفان عاينت ل علي و البت و هم بتناقشو ف حاجة
اعتقد هو بشرح ليها ف حاجة؟
لانو شغال وصف تقيل ب يدينو
لينة:قاعدين ليهم مليون ساعة بتونسو
نون ضحكت:م تمو ال10 دقايق والله
ريفان ضحكت ع تعليق نون
نون:والله ي ريفان م تمو ال10 دقايق
ريفان عاينت ل لينة:انتي لسا م اتكلمتي معاه؟
لينة بس ابتسمت ليها
ريفان:قومي ع حيلك اتكلمي معاه حسي
لينة ضحكت:و اقطع ونستهم الظابطة دي؟..استحالة
الاحباط ظهر ف وش ريفان:بت نحنا مفروض نرجع البيت بعد دا زاتو..قومي اتكلمي معاه عشان نرجع
لينة:بتكلم معاه بكرة..ليه الاستعجال
وابل ضحكت:م حتقدري تنومي صدقيني
ريفان و نون ضحكو و لينة لفت عيونها
لينة:استكينو ي جماعة
ريفان:لا انتي الاستكيني و قولي بسم الله و قومي يلا اتكلمي
لينة اخدت نفس طويل
ريفان اشرت عليه:هدي مشت..امشي اتكلمي معاه قبل م يمرق
لينة عاينت ليه
لقت انو البت مشت و هو رجع ل شغلو ف اللابتوب
نون:قومي ي بت
لينة:طيب
لينة م اتحركت و الجامعة ضحكو عليها
نون:اقسسم بالله اناديه هنا و اخليك تتكلمي قدامنا
لينة حمرت ل نون:والله اخنقك
نون ضحكت
ريفان:يلااااا..م تطلعي عينا..نحنا م حنعاين ليكم و حنعمل رايحات ولا و كأنو عارفين حتقولي شنو
لينة اترددت
لكن ف النهاية قامت و مشت عليه
وقفت قدامو و قعدت جمبو ف الكنبة
ناس ريفان بس بعاينو ليهم
لمن لينة عاينت ليهم قبلو طوالي منها
هه
قال قال شنو؟
نعمل رايحات قال
لينة عاينت ل علي بعد م ديك قبلو منها
=لينة ي لينة
لينة عاينت ل علي الكان مركز ف شغلو و هو بغني ب اسمها
-اسمي حلو للدرجة دي؟
=كلك حلوة م شاء الله
لينة عاينت ليه كيف كيف
-ونستك مع البت دي فتحت ليك مزاجك للمشاغلة ولا شنو؟
علي ضحك
=ي ريت لو ونسة تفتح النفس..كنت بحاول اساعدها ف اول مشروع ليها..يحليلها نورة طاشة ساي..
-برلومة هي صح؟
=اممم..انا قلت ليها م تقدم معمار لكن راسها قوي م بتسمع الكلام..المشكلة بقت ف رقبتي لعد دا غصبا عن عيني الا اهتم بيها
عبي ضحك شوي ف نص كلامو
=من يومها مطلعة عيني
حواجبين لينة اتلاقو
نورة؟
ليه الاسم بتعرفو
-بتبقي ليك هي؟
علي عاين ليها
=دي بت عمي البنق ليك عنها 24 ساعة دي..كيف هي شافعة و مطلعة عين عمي..
اخدت نفس طويل و هو بقفل ف اللابتوب
=و حسي حتطلع عيني لحدي م تتخرج
لينة ضحكت
عاينت ل ناس ريفان
اخخ
كان نفسها تكفت روحها و تكفت ناس ريفان ع التخلف و عدم الفهم الفيهم
علي عاين ليها ب استغراب
=ف حاجة؟
-اا؟
علي ضحك
=ف حيرة ف وشك..و كأنك م فاهمة..ف شي؟
-اااا..لا بس اتزكرت حاجة..
=وهي شنو؟
-اوريك؟
=م عاوزة توريني؟
-اممم..بوريك لكن اولا عاوزة اسألك سؤال
علي دخل جهازو ف الشنطة و هو منتظرها تتكلم
=اها..
-تتزكر الكلام القلتو لي لمن كنا ف تالت السنة الفاتت؟..
علي عاين ليها
=اممم..
-سو انت لسا منتظر جواب؟
=هو انتي بالله م جاوبتي؟
لينة عاينت ليه ب احباط
-انا جادة
=انا زاتي جادي..قلت عملتي رايحة معناتا لا صح؟
-لا لا م كدا
=طيب عملتي رايحة ليه؟
-م عملت رايحة..بس اخدت مني وقت اني اقدر الم ايجابة
علي ضحك
=اها و حتقولي لي لا ف وشي رسميا؟
-لا عاوزة اقول نعم..
حواجبين علي اتلاقو
=نعم ل شنو؟
لينة اخدت نفس طويل
يالله من التوتر دا
-انا...اااا..عاوزة اربط معاك؟..اذا م عندك مانع؟
علي من الاستغراب رفع ليها حواجبينو
=اا؟..
لينة سكتت م ردت
تحس كانو خاتين سكينة عشان تتكلم
=قلتي شنو للتو؟؟
-انت سمعتني
علي ضحك و اخد كم ثانية عشان يتكلم
=قولي والله!!..انتي جادة؟
-و مال بكون بهظر
الاحباط ظهر ف وش علي ع ردها
و لينة ضحكت
-اي والله جادة
=جادة جادة؟
لينة هزت راسها
-اممم..
علي كان دخل ف حالة صدمة شوي و تاني مرق منها
=سنة كاملة عشان تقدري تقولي لي الكلام دا..
■°■°■°■°■°■°■°■°■°■°■°■°■°■°
_يوسف انت شاحني معاك؟
سكت شوي اول م دخل الغرفة و لقي يوسف بحضر ف التلفزون و نشوة قاعدة ف الكنبة شغالة ف اللابتوب بتحضر ف شيت تقريبا
حازم استغرب و عاين ليها
الوقت متأخر
_نشوة
نشوة عاينت ليه:انت جيت ياداب؟
حازم دخل و قعد يفتش ف الغرفة ع شاحنو
حازم:جيت و نمت و ثحيت..انتي قاعدة لحدي حسي ل شنو؟
نشوة ضحكت:انت بتطرد فيني؟
حازم:ال
وقت اتأخر شديد..سو اي لو بتطردي امرقي طوالي
نشوة كرفست ليه وشها:لسوء حظك انا بايتة ف البيت دا الليلة سو م ماشة اي مكان
حازم ضحك:فجأة؟
يوسف ردا ليه و هو شبه م مركز معاهم
يوسف:اضربت من بيتهم..اتشاكلت خي و امها ع حاجة سخيفة
نشوة لفت عيونها:سخيف انت والله
يوسف ضحك و رجع ل تلفزونو
حازم دخل تلفونو ف الشاحن و رقد ف السرير حق يوسف
نشوة:م عندك قراية؟
حازم عاين ليها:طيرتي لي القراية ف راسي قبيل شيتاتي نسيتهم
نشوة ضحكت:و انا الدخلني شنو؟
حازم:لانك فجأة قررتي تمشي ل ريفان م شاء الله و بقيتي شغالة لي بتشاغل من متين..
نشوة قبلت منو و م ردت و يوسف لمن سمع كلامو قبل عليهم
يوسف:ف شنو؟
نشوة م ردت
تحس بيها فصلت فجأة
يوسف:حازم؟
حازم اتقلب ف السرير عشان يقدر يمسك التلفون الفي الشاحن:قبيل لاقيتها و مشينا ناكل و هي الفالحة وقفت ريفان رغم انو انا الغلطان لاني اساسا م حذرتها..و بقت شغالة لي بتشاغل من متين و كدا لحظي م نسيت الشيتات ف المكتبة..
يوسف عاين ل نشوة
نشوة كان ظاهر عليها زعلانة
يالله!!
يوسف زهج من انو يوشفها كدا
و طوالي اخلاقو قفلت
يوسف:نشوة..
نشوة م عاينت ليه زاتو
يوسف:نشوة انتي م اتكلمتي؟
نشوة طوالي عاينت و حمرت ليه احساس اسكت
يوسف قام ع حيلو من الارض و بقي واقف قدام نشوة
يوسف:اتكلم انا؟
نشوة:اوعك
حازم رفع راسو عاين ليهم لانو اوعك المرقت من نشوة دي كانت جادة ل ابعد الحدود
يوسف:انتي اساسا م بتسمعي الكلام..غلطان انا البسمعك..كل مرة بتقولي لي بتتكلمي المرة الجاية و المرة الجاية لمن تجي بتبلعي لسانك..
نشوة:يوسف..خلاص
يوسف:لا م خلاص..انا زهجت من اني اشوفك كدا
حازم استغرب و م كان فاهم شي
حازم:ف شنو؟
نشوة:مافي شيء يوسف بس براه قام بطش
نشوة قالت ل يوسف ب صوت واطي
نشوة:يوسف خلاص
يوسف ضحك:انتي م عاوزة تنكلمي لكن انا حاتكلم..
نشوة:اووع-
يوسف قاطعها و اتكلم ب صوت عالي
يوسف:حازم نشوة بتحبك
نشوة قفلت اللابتوب و قامت عاينت ل يوسف و حازم ضحك
حازم:عاوزة شنو انتي؟
يوسف عاين ل حازم ب جدية
يوسف:حازم..انا جادي..
حازم رفع راسو عاين ل يوسف ع نبرة صوتو دا
حازم عاين ل نشوة و ل يوسف
لانو حرفيا هو م فاهم
يوسف:انت ي حمار ي غبي البت بتحبك ليها 5 سنين و انت م عارف..
بتحبو؟
وايت؟
هو م فاهم
قصدو شنو؟
الاستغراب كان ظاهر ف وش حازم
يوسف:الغبية دي بتحبك زي م انت بتحب ريفان..
اا؟
حازم عاين ل نشوة و نشوة ختت يدينها ف راسها..
نشوة مشت و فتحت الباب بتاع الغرفة و اتكلمت ب صوت مليان جدية
نشوة:امرقو..الاتنين بومو و امرقو حالا..
يوسف ضحك:انتي بس اقعدي اهربي كويس اصلو م تواج-
قاطعتو و هي شبه بتكورك:م عاوزة اسممع صووتك ولا عاوزة اتكلم مع واحد فيكم حاليا..قومو شيلو نفسكم و اتكرمو امرقو الاتنين..حاالا..
يوسف عاين ل حازم: قوم نتفاهم برا
حازم قام و مرق ب وراه و نشوة طااااخ قفلت الباب ب وراهم و قفلتو بالمفتاح