الجزء 4

"..وربما من الجيد الشعور بالانكسار حتى نتعلم كيف نرمم انفسنا وحدنا💙..!"

ريفان نزلت ورا ابوبكر من العربية...

عاينت للبيت القدامها...

كان كبير شديد..

الحديقة القدام كانت مليانة زهور...

حتي في جمبتي الممشي...

الوان و اشكال...

من ما تشتهي الانفس...

مزينة بي طريقة حلوة..البيت كان فيه طابقين..فوق و تحت..

و حتي ظاهر عليه في حديقة بي ورا...

ريفان كانت متحمسة لنها تدخل تشوفو بي جوا...

جو ماشين في الممشي عشان يدخلو البيت جوا...

الشمس قربت تغيب...

ريفان كانت بس بتعاين للزهور..

ابوبكر اتلفت و انتبه ليها..

-زوجتي عندها هواية انها تزرع الزهور...

ريفان رفعت راسها و عاينت ليه بي ابتسامة...

_حركة جميلة...

ابوبكر ابتسم ليها...

-ممكن تجي تشوفيها بكرة الصباح...حسي الواطة قربت تضلم و انتي ما حتقدري تشوفي زي الناس...

ريفان ابتسمت..

كانت ماشة بي وراه اول ما دخل..

-عايشين معاي ابوي و جدي و جدتي...

ريفان سكتت...

بما انو ما زكر امو معناتا...

-البيت كبير لكن...عندنا لرفة الضيوف اعتقد انها حتعبك شدديد...

ريفان ابتسمت...

كانت بتعاين لي ديكور البيت...

كلمة واحدة..

روعة...

و روعة يعني ر و ع ة...

البيت كلو بي نظام الخشب...

بني محروق و معاه بيجي...

حتي معظم العفش بالاستايل دا..

اول ما يدخلو في غرفة المعيشة...

كبيرة ما شاء الله...علي الشمال في جلوس بالبيجي و شاشة في الحيطة...و تربيزة في النص مع وجود حبة تربيزات بالجمبة...

اما علي الشمال كدا...

في عتبتين شوية كدا حتي بعد داك في تاني كنبتين...

و جمب اخر كنبة..في رف طويل من البداية لي نهاية الحيطة كان موجود فيه تماثيل مختلفة...

وحتي فيه شوية كتب و ورق و كباية صغيرة فيها اقلام...

حركة حلوة كانت...

بعد غرفة المعيشة طوالي كان في المطبخ الكبير...

علي اليمين في غرفتين و الشمال طوالي في السلالم لي الطابق الفوق...

ورا بعد المطبخ كان في صفررة طويلة بخدمو فيها الاكل...

و علي يمين الصفرة في مكان فيه الغسالات و باب بمرقك لي الحديقة الخلفية...

-واحدة من الغرف حقت جدي و حبوبتي و الصغيرة التانية حقت ابوي..

ريفان هزت راسها لانها عرفت انو حيعرفها علي البيت عشان ما تحس روحها غريبة...

-باقي الغرف فووق...

طلعو فوف السلم تحس بيه معمل من الفايبر والله😂💔...

لكن قوي شديد...

اول ما وصلو الطابق الفوق كان في مكان بشبه المعيشة التحت بالاستايل...

بس شوية اصغر...

و في ممرين بي نهايتها...

عاينت للاول و للتاني...

ابوبكر اشر علي الفي اليمين...

هنا في تلاتة غررق و هنا تلاتة...

ريفان تاني هزت راسها...

(ما عندها غير هز الراس زي الكلب بس😂💔)

ابوبكر دخل من الممر التالت و طوالي عرفت انو غرفتها في الممر دااك...

مرا بالغرفة الاولة و هو بأشر عليها...

-دي غرفة محمود ولدي...

ريفان ابتسمت...

-عمروا 11 سنة و ما تخافي...حيعمل ليك صداع شديد بي وجودك...

ريفان ضحكت..

جو مارين بالغرفة تانية...

-و دي حقت اختي الصغيرة و دلوعة البيت دانية...

=هاااي سمعتك...

صووت بت فجأة بي وراه جا...

ريفان و ابوبكر طوالي اتلفتو وروهم...

كان في بت شوية طويلة مسمرة لابسة شورتابيض و فنيلة كحلية...رافعة شعرها في كعكة مرخية و لابسة نضارات سوداء...

عيونها شوية كبيرة و خشمها كيوت صغير كدا...

البت مراهقة ظاهر عليها و عمرها ما بفوت ال16 بالكتتير...

دانية اتلفت علي ريفان بي ضحكة و مدت يدها...

=اهلين...

ريفان سلمت عليها طوالي وردت...

_اهلين كيفك؟

=الحمدلله...اسم-

ابوبكر قاطعها..

-اسمها ريفان و ما فاضية ليك..تعبانة عاوزة ترقد تنوم السفرة متعباها...

دانية لفت عيونها...

=سألتك انا؟!

ريفان ضحكت...

دانية اتلفتت عليها بي ابتسامة...

=طيب ارتاحي و تعالي لي طوالي نتعرف...

ريفان هزت راسها...

=اسمك حلو بالمناسبة...

_شكرا💙...

-يلاا يلاا امششي...

دانية طنشت ابوبكر و دخلت غرفتها...

ابوبكر فتح لي رفان الغرفة..

ريفان نطت عيونها اول ما دخلت...

كانت كبيرة برضو بالاستايل البرا...

بس فيها شوية باللبني...

علي شمال في السرير مع الحيطة كبير..

جنبو في طربيزة فيها لمبة...

قصادو طوالي رف من فوق لي تحت مليان كتب...

والجمبة الشمال في باب تقريبا حيكون بلكونة...

في تاني عتبة طووبيلة كدا و فوق في كنبة و معاها في نوع الكراسي الزي الطوطحانية معلق في السقف و جمبو طربيزة...

ريفان ابتسمت علي استايل الغرفة...

كل شي...

كل شي كان مكسرها...

هي ممكن تعيش مليون مرة و ما تحلم بي غرفة زي دي ولا مرة...

-غرفة بسيطة لكن اخترتها ليك لانو فيها بلكونة...في التاينة برضو لكن...

عاين ليها و وشها كان قلوب قلوب😂💔...

ابوبكر ضحك...

-شكلها عجبتك...

ريفان هزت راسها بسرعة بي معني ااي...

-ما عازوة تشوفي الغرفة التانية؟

هزت راسها بي معني لا بي سرعة...

ابوبكر ضحك...

-طيب...في الممر التاني كانت مع غرفتنا لكن ماف مشكلة...اخليك ترتاحي...اذا احتجتي حاجة غرفتي الاولة طوالي...

_شكرا تسلم...

ابوبكر ضحك...

-اخليك ت

رتاحي...

و طوالي مرق...

ريفان حامت في الغرفة و قعدت تعاين و تهبش...

شافت الحمام و خسارةيكون حمام و شكلو كدا😂💔..

كانت عاجباها شدييد...

بعد ما تعبت من الحوامة..

ياداب اتزكرت واجباتها😂💔..

طلعت تلفونها من الشنطة..

داست الزر..

لكن ل سؤ حظها ما فتح😂💔..

شيييت!!..

التلفون قطع شحن..

فتشت الشنطة مساافة..

و بعد ما اتاكدت انو ما موجود فيه..

رفعت راسها و عاينت للشنطة الكبيرة..

قامت مشت عليها..

لكن وقفت في نص الطريق فجأة علي ذكرة جات طايرة..

حقها كبر بيه محمد شكلو من غير ما يوريها..

و السبب الخلاها تقتنع بالحاجة دي هو انو شالو يشحن بيه في القطاار..

و تاني عينها ما وقعت عليه..

طلعت نفس طوويل و هي بترمي روحها في السرير..

هو في الجزء التاني من العالم و ها هو بزعجها بشدة😂💔💔...

حسي هي تسوي شنو؟!..

محتاجة للتلفون..

جدا جدا..

جدا..

حالا..

.

.

.

مرقت بعد فترة من الاوضة..

كانت عاوزة تضرب الباب لي دانية...

لكن الحركة ما ظريفة...

اول ما تمشي ليها تشحدها لي شاحن😂💔...

بعدين البيت كان هادي..

الناس شكلهم كانو نايمين😂💔...

لكن تلفونها مهم...

ما بتقدر تنوم اذا ما شحنتو...

طيب تمشي تضرب الباب لي ابوبكر؟!..

حركة فظظة اكتر من حقت دانية😂💔...

كانت واقفة قدام الممر...

دقيقة...

هو قال غرفتو الكم؟

هو اساسا يعني وراها رقم الغرفة!؟!؟...ِ

الغرفة كانت عاجباها لدرجة انو ما كانت مستوعبة هوقال ليها شنو اساسا😂💔...

دخلت من الممر و عاينت للاولة...

نورها ما كان منور...

و ما اعتقد انو من النوع البنوم بدري...

عاينت للتانية...

شكلا كان نورها منور...

دقت الباب...

لكن مافي زول فتح...

شكلو حمام...

لانها كانت سامعة صوت موية...

عاينت للغرفة الاخيرة...

كان النور فاتح و الباب ما مقفول زي الناس...

شكلها الغرفة القال ليها تجي تشوفها...

ريفان لزت الباب لي جوا...

مدت راسها و ما كان في زول...

دخلت براحة و هي بتعاين ليها...

كانت الغرفة مختلفة تماما عن برا...

بالاسود بس...

بسيطة جدا...

قصادها كان السرير في نهاية الغرفة برضو بالاسود...

بي جهة تربيزة فيها نور...و الجهة التانية تربيزة لابتوب...

اتلفتت يمين كان في كنبة قصادها تلفزون...

بس...

بي ورا الكنبة في باب..

عاينت شمالها...

كان في ممر صغير لي جوا شكلو الحمام...

و درج كبير جمب الباب..

بس...

تاني الغرفة ما فيها شئ...

بسيطة شديد...

زيادة عن اللزوم...

تحس بيها كبيرة شديد من كترة ما هي فاضية..

لكن اللفت انتباه ريفان...

الورق الفي الدرج...

كان في فيهه ورق كدا...

ريفان رفعتو و لقتو تصاميم لي حاجات كدا...

او بالاحري شررح...

لي الات او اوداوات...

هي زاتها ما فاهمة...

كان في طرف الكنبة كدا في مجسم صغير كدا بالخشب..

الحاجات دي بتجذب انتباها شدييد..

اكتتر مما تتخيلو..

ريفان رفعتو عشان تركز عليه و تحاول تفهمو...

بس ما كانت قادرة...

لفتو يمين...

شمال...

قلبتو...

برضو...

لا شئ...

امكن الة معينة او جزء من الة؟!.

كانت سرحانة فيه تماما...

امكن لعبة..

لا دا مجسم مجسم..

مجسم شنو؟..

فجأة رفعت راسها علي صوت قفلة باب...

عااينت قدامها كان في زول مارق من الحمام علي حسب تخمينها...

كيف من الحمام؟!...

لانو مرق بدون فنيلة و بشكير في راسو مع شورت...

و بالمناسبة...

كان ولد..

طويل...

اسمر...

ريفان نططت عيونها...

ما كانت قادرة تشوف وشو بسبب البشكير الفي راسو...

كان بنشف في راسو بي يد...

و مدنقر ماسك التلفون مركز فيه بي يد تانية..

كان ماشي براحا براحا...

ريفان عااينت ليه من فوق لي تحت و هي مخلوعة...

احساس...

فجأة...

من وين ظهرت انت؟!؟!!؟...

في صوت من ورا راسها قال ليها 'اعتقد دي ما غرفة الضيوف التانية😂💔...

رررببب..!!!

المجسم وقع من يد ريفان بسبب صدمتها😂💔...

و ررررببب دي لفتت ليك صاحبنا...

رفع راسو و البشكير مغطي معظم وشو...

اول ما رفع راسو طبعا ريفان نططت عيونها زيادة...

شيت شيت شيت...!!!

شافها..!!!

شيت شيت شيت...!!!

ريفان طوالي مرقت...

و هو زاتو ما قصصر...

رجع طوال اول ما شافها لي حمامو😂💔...

ريفان جررت ججرري برا الغرفة و توووشك دخلت غرفتها و قفلت الباب...

امنتو ليك و قلعت الجزمة و بي هدوم سفرها نطت ليك في سريرها و اتغطت...

شيت شيت شيت...!!!

دا شنو الحصل دا؟!؟!؟!...

دا جاها من وين دا؟!؟!؟

الغرفة تظظهر انها ما مسكونة...

لااا...

تحلف انو ما فيها زول...

طيب لو ما فيها زول بكون فيها ورق كدا؟!؟!...

غبية دي..!!!

شيت شيت شيت..!!!!!!!

سججمك والله...

ابوبكر ما زكر شي عن ولد ساكن معاهم في نفس البيت...

ما زكر شي...

معناتا...

لاااا...

استحالة يكون ابوبكر...

الولد كان مسمر سميرة فاتحة كدا...

و ابوبكر اخضراني شوية...

لاااا لكن مافي ولد تاني غيرو...

شيت شيت شيت...!!!

دا كان هو؟!؟!؟!

شيت شيت شيت...!!!

(اقعدي شتشتي فينا ساااي الليلة😂😂💔..)

_______________________

حازم وقف في مكانو تتبب...

اخدت منو حرفيا دقيقة و حاجة انو يستوعب انو ريفان كانت واقفة قدامو.

للتو...

ريفان محمد صالح...

الواحدة ديييك...

حازن بعد ثواني مرق تلفونو وفتح الصورة بتاعت الاستوري الكان بعاين فيها قبل ثواني...

كانت صورة للانسة ريفان في المطار...

مكتوب فيها تصلي بالسلامة...

حازم طوالي رسل لي يوسف

(يوسف دا صاحبو و هو الرسل ليه الصورة دي..)

_يوسف...

يوسف ردا ليه بعد ثواني..

-فجأة قررت تدخل؟

_الكلام دا متين؟

-كلام شنو؟

_الصورة حقت ريفان ري حصلت متين؟

-رسلتها ليك قبل اسبوعين ي ولدي...تسأل حسي؟!

يعني ما كان استوري...

صورة بس ظهرت ليه اول ما فتح الواتس..

و هو كان قايلها استوري جديدة..

ما بعررف يستخدم الواتس للدرجة دي😂💔..

_يووسف..!!

-قبل اسبوعين قلت ليك...كانت خاتاها لينا استاتس و رسلتها ليك...اساسا ما كنت متوقع انك ترد...

_ما قالت مسافرة وين؟!

-الاهتمام الزايد دا قجأة جا من وين؟!

_يووسف...

-اعتقد دي اطول محادثة حصلت بينل في الواتس في تاريخ محادثاتنا😂💔..

_يووسسسف...!!!!

-ما ورتني والله..بس قالت انها ماشة تقعد مع خالها كم اسبوع و جاية..

حازم قرا الرسالة و قفل تلفونو...

ايواا..

هو بوقف وقت ما داير يوقف...

يعنس لو ما داير يرد عليك...

يعتي ما حيرد عليك...

بس😂💔...

رفع راسو و نزل البشكير...

ادا شنو البحصل دا؟!؟!...

____________________

كتبت اخر جملة قبل ما تدوس حفظ طوالي...

رفعت يدينها في فوق و امتدت و هي بتحس بي روحها تمثال ياداب اتحرك...

قلعت النظارة و قفلت اللابتوب طوالي...

عاينت للساعة الكنب سريرها في التربيزة...

9:47....

صاحية يتكتب من ما صلت الصبح...

و اساسا امبارح ما نامت بدري بسبب الكتابة برضو...

ريفان عاينت لي تلفونها الكان قاطع شحن جمبها...

الناس حيكونو سبو لي جدها ال17 لانها ما نزلت ليهم فصل الاسبوع امبارح...

بس تسوي شنو...

دخلت في موقف ضيق مع ابوبكر امبارح...

مجرد الفكرة عن الحصل خلتها تهز راسها شديد و بسرعة...

مما خلا النظارة تقرب تقع...

لكن لحسن الحظ حصلتها..

(ريفان بتكتب روايات في الواتباد...ما تحت اسمها طبعا و لا حتي بالعربي...تحت اسم 'دموع الخريف'...و رغم انو بعض رواياتها بتحكي عن العرب...لكن كلهم كاتباهم بالانجليزي...حاليا بتنزل ليها في واحدة اساسا تمتها...و بتكتب في واحدة تانية عشان علي بال ما ديك تنتهي تاخد فترة كدا...ترجع تقرا الكتبتها بعديها و لو عاوزة تعدل تعدل و تنزلها...و هكذا...

و رغم سنها الصغير...لكن معروفة جدا خلال النت تحت اسم 'دموع الخريف')

فكرة انو حيكونو انزعجو ساي منها خوفتها...

المشكلة انو حسابها مفتوح في تلفونها واسهل تنزلها من التلفون من في اللابتوب...

بس محتاجة شاحن...

لكن ما كانت عارفة تسوي شنو..

اتقلبت من سريرها و نزلت..

عاينت حوليها و هي بتطلع في نفس زهجا..

حست لي انزعاج اكتتر و هي بتسمع في صوت بطنها...

الجوع عاوز يقتلها...

امبارح عاملة روحها حردانة ما اكلت حاجة في القطاار..

ختت يدها في بطنها و هي مغمضة بي نفسس زهجا..

اعتقد لو ما كان في باب و هي في الطابق التاني كان البيت كلو سمع بطنها...

رفعت عباية الصلاة حقتها و لبستها..

She'll meet him sooner or later..

عشان كدا بس احسن ليها تمشي بدري و تعتذر..

ربطت الطرحة و هي بتشجع في روحها..

امرقي..امرقي...

امرقي..

مشت علي الباب و فتحتو و مرقت..

عاينت يمين...

عاينت شمال..

لا احد..

مرقت و قفلت الباب وراها براحة براحة..

تحس بيها حرامية حايمة في بيت غريب بي هدوءها...

علي الاقل جزء من الجملة صاح😂💔..

وصلت لحدي بداية الممر..

كان السلم قدامها..

وقفت و هي بتتاوق براحة براحة...

مالت براحة عشان تعاين لو في زول في الممر..

لحسن حظها..

ما كان في زول..

اعتقد مافي زول معاها كان في الطابق الفوق دا..

مشت علي السلم و نزلت براحة براحة..

والله حتي هي بقت متحيرة هي لي بتمشي زي الحرامي كدا😂💔..

لمن نزلت من السلم..

كانت سامعة صوت حركة في المطبخ علي يمينها..

مشت طبعا تتاوق براحة علي المطبخ للتاكسد بس..

عاينت براحة..

مالت شوية شوية..

و هي بتحاول تركز...

امكن ما-..

-"who are you?!"..

الجملة دي خلت ريفان تنط و تصرخ و تقرب تقع في ملي ثانية بس😂💔..

(تستاهلي ي كلبة)

ثانية او اتنين بعد ما استعادت توازنها رفعت راسها عشان تعرف مصدر الصوت..

حواجبيها اتلاقو علي الشخص الوقعت عليه عيونها..

شافع..

شافع قصير..

شافع بعاين ليها بي استغراب..

لكن في نفس الوقت..

نحس بي الحقارة في وشو..

ريفان فتحت خشها عشان تتكلم..

لكن هو ما اداها فرصة و اتكلم قبليها طوالي..

-"hello?!..don't your bloody ears work?!..

حواجبين ريفان ارتفعو لا اراديا علي جملة الولد دي..

اوكي..

شافع..

شافع قال ليها كدا..

شافع للتو استعمل كلمة bloody...

اوكي..

اعتقد ما موضوع خطير..

الخطير في الواقع الجملة القالها ليها..

و الطريقة القالها..

شافع قليل ادب و لئيم..

كانت عاوزة تتكلم..

لكن جملتو دي طيرت الكلام من راسها..

الولد لفي عيونو و رفع يدينو في الهوا نظام 'استغفر الله' و هو بقول

-"do you not underst

and what I am saying?!"..

_" I do.."

-"then is there something wrong with you bloody mind?!"..

ممتاز..

كلمة bloody مجددا..

جملة لئيمة مججدا..

ريفان سكتت..

حسي دا يقولو ليه شنو؟..

كان عاوز يتكلم الولد..

علي الاغلب عاوز يقل ادبو تاني..

لكن الضربة الجاتو فجأة علي كتفو خلت ريفان و الشافع الاتنين يعاينو وراه..

ريفان رمشت مرتسن لمن لقتو ابوبكر..

اوكي شييت..

-"محمود..!!"

الشافع ختي يدو في كتفو بسبر الضربة و هو صاري لي ابوبكر..

-"من متين بنتكلم مع الضيوف كدا؟!"..

الشافع لفي عيونو..

-"you dont say mean things to guests.."

_" I didn't know she was a guest.."

ريفان رفعت حواجبينها احساس "انت جادي معاي.."

ابوبكر حممر لي الشافع قبل ما يرفع عيونو لي ريفان بي ابتسامة..

-"انا اسف..العيش في البلد دي ما بعلم الشفع الادب مع الكبار.."

ريفان كانت ساكتة بس..

-"دا ولدي محمود.."

ريفان عاينت للشافع تاني..

ما بشبهو شديد..

ابوبكر حممر للشافع..

حتي بعد داك محمود اتكلم..

-"hey.."

_"قول السلام عليكم..hey في عينك.."

محمود تاني لفي عيونو..

استغفر الله..

من متين الشفع بقدروا يلفو عيونهم بي طريقة مزعجة زي دي..

-"السلام عليكم.."

ريفان ابتسمت بتزيف..

_"و عليكم السلام.."

الشافع ما وقف ولا ثانية تاني معاهم و طوالي اتحرك..

ريفان طلعت نفس طويل و في جملة واحدة في عقلها...

ابو دي قلة ادب زاتو😂😂💔..

صوت ابوبكر خلاها تقطع تركيزها مع محمود..

-"اكلتي؟!.."

ريفان هزت راسها بي معني لا..

-"لي؟!..طيب اررح اررح..اعرفك علي الاستاف.."

ستاف؟!..

يعني الناس الشغالين معاهم؟..

اوكي..

ريفان مشت يي وراه..

كان لابس بدلة..

ظاهر عليه متحرك علي الشغل..

لكن عيونو كانت واقعة..

تحس بيه ما نام..

ريفان كانت متحيرة..

ابوبكر عمل رايح تماما من الحصل معاهم امبارح..

بعد ما هي دخلت غرفتو..

و شافتو بي منظروا دااك...

مكببر راسو جدا..

لي لحظة..

كان نفسها تعمل رايحة..

جدا جدا جدا..

لكن ما حركة ظريفة..

لازم تعتذر علي تطفلها..

علي حركاتها..

علؤ انها قامت تدخل في غرف ما حقتها..

حياخد عنها فكرة سيئة او موقف ما ظريف لو ما اعتذرت..

و ه من اقررب اصدقاء محمد..

لازم تعتذر..

_"امم ابوبكر.."

ابوبكر وقف قبل ما يدخل المطبخ و عاين ليها..

_"انا اسفة علي امبارح..كنت بس محتاجة شاحن لي تلفوني لكن ما كنت لاقية لي زول اخد منو وو.."

ابوبكر قاطعها..

-"صااح..محمد رسل لي قال اديك واحد لانو فرتك بي حقك..عشان كدا مرقت بعد فترة اجيبو ليك..لانو نحنا كلنا ايفونز و انتي الوحيدة في البيت السامسونغ.."

مرقتا؟!..

-"دقيقة بجيبو ليك بعد شوية.."

_"انا اسفة لاني دخلت فجاة عليك.."

ابوبكر وقف..

-"دخلتي فجاة علي؟!"..

كرر جملتها بي استغراب..

و كانو اول مرة يسمع الحاجة دي..

-"قصدك شنو؟"..

حواجبينها اتلاقو..

_"امبارح تاني ما اتلاقينا انا و انت بعد ما وريتني غرفتي؟"

-"ما اعتقد..لانو انا كنت بايت برا البيت...رجعت المكتب بعد ما جبت شاحنك.."

اووكي..

راسها طق..

-"في حاجة؟!"..

ريفان هزت راسها بي معني لا..

_"اسسفة..اعتقد انو راسي ضرب بي تعب و سهر امبارح.."

ابوبكر ابتسم ليها و هو مشي يجيب الشاحن من فوق..

ريفان تابعتو بي عيونها لحدي ما ركب فوق السلم..

دا شنو دا؟!..

اعتقد دا بفسر لي عيونو واقعة كدا..

يعني ما كان ابوبكر الدخلت عليه امبارح؟!!..

الحمدلله..

الحمدلله..

الحمدلله..

للتو وفرت علي روحها كمية احراجات ما طبيعية..

ريفان كانت مبسوطة انو دا ما كان ابوبكر لدرجة انها نست اساسا تسال روحها..

لو ما ابوبكر..طيب دا منو؟!؟!..

_________________________

حازم اتقلب علب جمبتو و مدا يدو للتلفون الفي التربيزة..

بعد ما يقارب ال4 اتصالات..

قررت اخيرا يرفع التلفون و يعرف دا منو..

عاين للساعة..

9:34..

ياداب جا داخل البيت ليه ساعتين..

نام ساعة و حاجة ياداب..

كانت عين واحدة فاتحة و التانية مقفولة..

عاين للانسان المزعج القرر يزعجو خلال نومو..

و عشان ما يخذل توقعاتو دايما..ولازم يزعجو كدا..

يووسف..

حازم طلع نفس زهجا طوويل..

و اساسا نص وشو مغمور جوا المخدة..

لي ثانيتين ما كان عاوز يفتح الخط..

لكن..

بما انو اتصل 4 مرات..

معناتا حيقعد يتصل كدا لامن ما يرفع..

في النهاية..

مع الرنا الثالثة..

فتح الخط..

ختا التلفون في اضانو و ما اصدر و لا صوت زاتو..

اعتقد انو كان نص واعي و هو برد..

صوت يوسف و هو بكورك خلا نومو يطيير من راسو...

حواجبين حازم اتلاقو و نو بهز في راسو عشان يوقع التلفون من جمب اضانو..

كان سامعو و هو بكورك بي وضوح رفم انو التلفون واقع في المرتبة جمبو..

بعد ما حسي بي كواريكو خفت..

مدا يدو عشان يفتح الاسبيكر..

سمع يوسف و هو بكورك..

-"يااا ماااااان انت ساامعني؟!؟!؟!...لاا حول و لا قوة الا بالله...!!!!!تصصددق القلتو ليك؟!!؟!؟..

حازم ما ردا..

-"الووو.."

_"امممم"..

-"انت ما سمعتني قلت شنو صح؟!"..

_"اممم"..

-"ي راااجللل...!!!!

_"اها.."

-"رركزززز مععاااي.."

_"اها.."

-"البت دي معاااك هنااك في بريطانيا..."

_...

-"ريفاان في بريطانيا..!!!!انت سامعني؟!؟!..

حازم فتح عيونو علي اسمها...

-"اتخييل معاااي؟!؟!؟!هي هنااك معااك..!!!دي الحتة السافرت ليها..!!!"..

هه...

انت ما عندك فكرة...

ا ط ل ا ق ا...

-"تتزكر لمن قلت ليك انها كانت عايشة كم سنة برا السودان؟!؟!..حسي سالت لينا هي مشت وين و ورتني انها في بريطانيا...و لمن اتخلعت ورتني كل شيء.."

حازم كان فتح عيونو الاتنين و رفع التلفون ختاه في اضانو رغم انو الاسبيكر كان شغال...

-"اتضح انها قضت جزء من طفولتها في بريطانيا..و انو حتي لي درجة انو اخوانها الصغار مولودين هناك..و رغم انو هي حسي خلاص استقرت في السودان..لكن سافرت تقعد مع خالها الايجازة دي هناك.."

حازم رمش مرتين..

خالها..

خالها هو محمد صاحب ابوبكر..

او بالاحري...

محمد شريك ابوبكر...

دي بت اخت محمد الجاية تقعد معاهم كم يووم...

حازم اتقلب و هو واعي اكتتر المرة دي..

كان خاتي التلفون في اضان. هو بسمع في كلام يوسف..

-"سالتها عن الولاية و قالت انهم قاعدين في لندن...يعني تصدق هي لحقتك لي هناك..لي بريطانيا..بس للاسف في ولاية تانية.."

هه..

في الواقع..

ما بعد حسي خلاص..

هي حاليا معاه في نفس البيت..

حازم كان عاوز يوريه..

لكن بصراحة..

الموضوع متعب و عاوز منو كلام كتير..

و هو حسي نعسان..

و ما عندو مزاج..

بوريه بس المرة الجاية بعد ما يصحي..

-"شكلك كنت نايم.."

_"اممهههممم.."

-"اوكي..انا برضو عاوز انووم...ياداب قفلت من لينا...بضرب ليك بكرة لمن اصحي تاني.."

_"طيب.."

-"طيب يلاا.."

و طوالي يوسف قفل...

حازم مدا يدو. ختي التلفون في التربيزة و بودن ما يتحرك تاني..

لقي انو اساسا نص وشو مغمور في المخدة تاني..

غمض عيونو...

عاوز ينوم..

و قبل ما ينغمس في النوم شدييد..

تاني فتحت علي صوت محمود و هو بكورك..

"Who are you?!!?...

سمع بعديها طوالي صرخة صغيرة...

حازم طلع نفس طويل و هو بغمض تاني...

يوسف كلامو صااح..

علي ما يتضح..

ريفان محمد صالح لاحقاه لحدي الجزء التاني من الكرة الارضية..