الجزء 3

قاعد امجد في مطعم و معاهو ماريا..

امجد:( والله الشغل مهلك يااخ...وقفت السايد دي كععبه)

ماريا:( صح والله.. و بقيت اصلا م فاضي لي.. تتكلم معاي كلمتين و تنوم طوالي)

امجد:( ههههه اعمل شنو بس ..بكون تعبان شديد)

ماريا:( انت لمن تخلص شغل ارجع ارتاح طوالي.. م تحوم مع اصحابك)

امجد:( م بحوم ساي بكون في حاجات مهمه والله... المهم.. انا جاني حافز ظريف كده...و مع قروشي العندي ممكن نعمل خطوبه و نحدد العرس.. و اصلا ابوي انتهي من شقتين ممكن اشيل انا وحده.. بس ناقصه العفش)

ماريا كشرت وشها...

امجد:( مالك? اسي كلامي ده بخليك تفرحي وله تزعلي و تكشري كده?)

ماريا:( عرسنا ده مجازفه كبيره شديد ي امجد)

امجد:( ماريا اهلك بعرفوني...م حاعترضو)

ماريا:( ااي صح بعرفوك كويس...و ديفيد اخوي بريدك شديد...انت صحبو و دفعتو...بس لدرجه ادوني ليك م اظن)

امجد:( ماريا... في مسلمين كتار عرسو مسيحيين م اول ناس احنا)

ماريا:( م بالسهوله دي والله.. عارفه اهلي انا)

امجد:( حاعمل كل البقدر عليهو و بقنع اهلك ان شاءالله انتي بس اتطمني)

ماريا بقلق:( طيب)

المساء جات امي قاعدين كلنا في الحديقه برا.. بنشرب في شاي و معاهو حلويات.. انا كنت عارفه امي جايه لشنو و محضره ليها الرد..

ساميه:( ميمي.. حضرتي حاجاتك?)

قلتا ليها:( حاجات شنو?)

ساميه:( حتمشي معاي البيت)

قلتا ليها:( ده بيتي م ماشه انا ااي حته)

ساميه بقت بتكورك:( كيف م ماشه? انتي مش قلتي بعد الامتحانات تقعدي هنا ليه?)

قلتا ليها:( امي.. انا م ماشه من هنا.. و م تحلمي يوم اني اجي اقعد معاكم.. انا م بعيش مع راجل غريب)

ساميه:( راجل غريب? ده راجلي)

قلتا ليها:( غريب علي انا)

ساميه:( ميناس م دايره كلام كتير حضري هدومك و ارح)

قلتا ليها:( م ماشه.. م تجبريني لاني م قعد اجبرك علي حاجه.. قلتي دايره تعرسي و عرستي و م سالتك.. و ابوي يدوب ليهو سنه و ذياده.. عارفه انتي عملتي فيني شنو بعرسك ده? عارفه الناس بتقول شنو? انا بقيت بخجل ارفع راسي قدام الناس بسببك.. جد بقيت بخجل منك)

و مشيت و انا ببكي و طلعتا علي الشارع..

جد كنتا كاتمه الموضوع ده كلو جواي و اسي طلعتو كلو.. بقيت ماشه في الشارع...جا مراد بالعربيه جمبي..

مراد:( ميمي اركبي)

سكتا ابيت ارد و ماشه..

مراد:( ميمي.. اركبي)

قلتا ليهو:( م ماشه البيت)

مراد:( م ماشين البيت.. اركبي بس)

مشيت ركبتا معاهو و مشينا.. مراد م اتكلم معاي خلاني ابكي ذي م دايره..

امي في البيت هناك زعلت شديد و بقت تبكي و يارا و ماما ليلي بحنسو فيها و بهدوها..

مراد وداني شارع النيل.. قعدنا علي البحر و ساكتين..طلب لينا 2 عصير ..

مراد:( ميمي.. هديتي خلاص?)

هزيت ليهو راسي ب نعم..

مراد:( ميمي امك م عملت حاجه غلط.. هي ليها حق تتزوج ماف زول بقدر امنعها)

قلتا ليهو:( تعرس لشنو? و يدوب ابوي ليهو سنه و نص.. تعرس? شوف الناس بقولو عليها شنو.. و علي كمان)

مراد:( الناس م ليهم حق يتكلمو.. هي عرست هلي سنه الله و رسولو)

قلتا ليهو:( لا امي غلطانه.. و ليهم حق الناس يتكلمو .. انا لو كنت مكانهم. كنت اتكلمتا)

مراد:( اسي موضوع عرسها ده انتهي..و بقي حقيقه و انتي لازم تتقبلي الموضوع)

قلتا ليهو:( ااي بقي واقع.. انا م اعترضتا ليها.. بس م تجبريني اعيش مع راجلها ده.. م تجبرني.. انا م بعيش مع راجل غريب.. انا هنا مرتاحه و حاعيش طول عمري هنا)

مراد:( ااي م من حقها تجبرك.. انتي اصلا طول عمرك. عايشه معانا.. انا بتكلم معاها.. المهم انتي م تزعلي و م. تكبري المواضيع كده)

قلتا ليهو:( ان شاءالله)

تلفون نراد دقي.. ردا..

مراد:( ااي حبيبتي...انا في شارع النيل معاي ميناس...... موضوع كده ...... تعالي طوالي...تمام.. يلا)

مراد:( دي جمانه.. حتجي.. حتشوفيها و تقولي لي رايك)

ابتسمتا و سكتا..

قلبي وجعني من جوه.. انا عارفه انو بحب وحده تانيه.. بس عندي امل انو يحبني .. انا عارفه انو خاتيني ذيي ذي يارا.. و عمره م عرف احساسي نحيتو..

جات جمانه.. سلمت علينا و قعدت..

جمانه:( كيفك ي ميمي?)

قلتا ليها:( الحمدلله.. انتي كيفك?)

جمانه:( تمام والله.. طوالي بسمع عنك انتي و يارا من مراد و جد نفسي اشوفكم)

قلتا ليها:( تسلمي)

بقينا نتونس.. حسيت مراد و جمانه لايقين شديد علي بعض.. و متفاهمين شديد..

خلصنا مشينا اتعشينا في مطعم و رجعنا البيت..

قاعده سوسن في شقتها و معاها احلام جارتها..و قدامهم صينيه قهوه ..

تمد سوسن ل احلام الفنجان...

سوسن:( اها قولي موضوع شنو الضروري ده?)

احلام:( عندي ليك شغل ح ياكلك الشهد)

سوسن بفرح:( بالجد ..قولي)

احلام:( عندي صحبتي عايزه تفتح مشغل...خياطه و كده و دايره خياطه شاطره تشتغل ليها...و انا فكرتا فيك اانتي طوالي... شاطره في الخياطه و بتعرفي ليها من بدري)

سوسن:(شغل حلو بس انا م بقدر اقعد برا البيت كتير.. عارفه عيالي م بقدر اخليهم براهم... بس جد محتاجه الشغل القروش البجيبها المحامي كل شهر دي م بتعمل لينا حاجه..

و ايه السنه الجايه ممتحنه...محتاجه حصص و كده)

احلام:( ايوا صح.. حد محتاجه انتي ...اوريك ..الصباح لمن هم يطلعو المدارس انتي اطلعي الشغل.. و ارجعي الظهر معاهم و لو في ااي شغل مستعجل تميهو في البيت هنا)

سوسن:( لو كده ممكن)

احلام:( خلاص انا حاوديك للمرا و تتفقي انتي و هي... ي بت انتي لسه صغيره...تشوفي حياتك و تنغنغي روحك و عيالك..وريتك من اول من عبدالرحمن طلقك...قلت ليك اشتغلي.. القرشين البجيبهم ليك االمحامي كل شهر ديل م بياكلو عيش)

سوسن:( ااي والله..بدفع هنا حق الايجار تاني يدوب حق المصاريف و العيال محتاجين قروش و مصاريف كتيره .. عبدالرحمن الله يرحمو و يغفر ليهو... م كان مقصر معانا في شي.. بس من مرتو عرفت قلبت الدنيا..اتغير من نحيتنا لحدي م اتوفي...الله يرحمو)

احلام:( الله يرحمو...المهم بكرا الصباح حاضرب للمرا و نمشي ليها)

سوسن:( ان شا۽الله)

لمن رجعنا انا و مراد لقينا امي مافيشه.. دخلتا غرفتي طوالي .. رقدتا و بقيت بتذكر في ابوي... كلامو ضحكاتو اهتمامو بينا.. دلعو...كل شي... كان بحبني و بدلعني شديد الحاجات بدون م اطلبها بلقاها..

جات يارا قطعت تفكيري... قعدت جمبي و هي مبتسمه..

يارا:( بقيتي كيف?)

قلتا ليها:( الحمدلله)

يارا:( الحمدلله)

و بقت ساكته بتعاين لي..شكلها دايره تتناقش معاي و انا م عندي ااي نفس للكلام...

قلتا ليها:( نعسانه دايره انوم)

يارا:( م حتاكلي?)

قلتا ليها:( اكلنا انا و مراد و جمانه)

يارا بخلعه:( لاقيتي جمانه?)

قلتا ليها:( ااي)

يارا:( كيف و وين.. احكي لي)

قلتا ليها:( الصباح بحكي ليك.. اطفي اللمبه و اطلعي براي مصدعه)

يارا:( حرام عليك ي ميناس.. عارفاني م بقدر استني احكي لي)

رقدتا و اتغطيت و م عبرتها... بقت تنقنق لمن زهجت طلعت خلتني... بقيت بفكر في امي و ابوي شويه...و في مراد و جمانه شويه... حسيت راسي حاطرشق من التفكير... بقيت بستغفر و بصلي علي النبي.. لحدي م نمتا...

امي قاعده في الكنبه في الصاله في شقه هشام.. قاعده سرحانه و زعلانه.. يجي طالع هشام من الغرفه و يجي عليها...

هشام:( انتي لسه م نمتي?)

ساميه:( م عندي مزاج للنوم)

هشام:(ليه? عشان ميمي?? )

ساميه:( و انت شايفها دي حاجه ساهله?)

هشام يقعد جمبها...

هشام:( ميمي لسه صغيره م تاخدي في بالك)

ساميه بزعل:( كيف يعني م اخد في بالي? بتي االوحيده بتقول لي انا بخجل منك... دي شايفها حاجه عاديه ي هشام?)

هشام:( ميناس لسه متاثره ب موضوع عرسك بس.. و خاته انك نسيتي ابوها و عرستي غيرو...و بقيتي م مهتميه بيها عشان كده زعلانه...بس شويه شويه بتتعود)

ساميه:( ابوها مات الله يرحمو.. تاني شي ابوها في حياتو عرس فيني و م قال لي و لو م مرتو جاتني في البيت و حكت لي م كان عرفتا...عرس و جاب عيال و عايش حياتو... ليه تجي تلومني انا لمن عرستا بعد م هو اتوفي)

هشام:( م تلوميها عشان هي م عارفه موضوع عرس ابوها عليك...شايفاهو كان مخلص ليك...عشان كده اسي هي زعلانه...اديها وقت بس.. و حتبقي كويسه و حتجي البيت هنا و حتعيش وسطنا....اوعدك بكده)

ساميه تتطمن شويه بكلام هشام...

هشام:( يلا...عشان ننوم...يلا)

و يمسكها من يدها و تقوم معاهو..

ماريا دخلت ل امها المطبخ.. لقتها بتطبخ...

ماربا كانت مقلقه و دايره تكلم امها ب امجد بس خايفه..

ماريا:( ماما.. اساعدك في شي?)

ديانا:( ايوا ممكن تقطعي السلطه دي... اسي ابوك و ديفيد بجو)

قلتا ليها:( حاضر)

قعدت بقت تقطع في السلطه..

ماريا:( ي امي.. في وحده صحبتي عندها مشكله?)

ديانا:( مشكله شنو?)

ماريا:( بتحب واحد بس اهلها رافضنو)

ديانا:( و ليه يرفضو?)

ماريا:( عشان مسلم)

ديانا تكشر وشها...

ديانا:( لازم يرفضو طبعا...كيف تعرس واحد مسلم)

ماريا:( فيها شنو يعني?)

ديانا:( فيها كتير... تخت راسها و راس اهلها في الارض)

ماريا تزعل من الكلام...

ديانا:( والله دي لو بتي.. اقطعا و ارميها في الشارع م اديها لمسلم)

ماريا تكشر و تسكت م ردت علي امها...

ضربت لي الاء.. صحبتي و بت جيرانا لمن كنا في بيتنا القديم... شاكلتني و زعلانه مني عشان م بسال منها و قالت لي عيدميلادي بكرا...و لازم اجيها...قلتا ليها طيب بجي...

نتلاقي❤