الجزء 46

مراد جا علينا فكانا من بعض..

مراد:(استهدو بالله كفايا بكي.. مفروض تكونو مبسوطين م تبكو)

سوسن:(دي دموع الفرح)

جا احمد علي حضنتو..

احمد:(انا مبسوط شديد ي ميناس انك طلعتي اختي)

قلتا ليهو: ( انا المبسوطه بيكم والله.. يكونو عندي اخوان اعتمد عليهم و يقيفو جمبي..و اشتكي ليهم من ااي حاجه..و القي زول يشاكل لي مراد ده لو زعلني)

احمد:( مراد ده انا اصلا م دايرو ولا مرتاح ليهو)

ضحكنا...

قلتاليهو:(ّكده بس؟ اسي برجع ليهو دبلتو)

مراد:( تبيعيني في ثانيه ي ميمي عشان اخوانك؟ّ كويس)

بقينا نضحك عليهو..

سوسن:(ّربنا يخليكم لبعض و م يحرمكم من بعض)

قلنا ليها:(ّآمين ي رب)

بعد داك استاذنا نمشي .. ايه قالت لي الا تقعدو...بس اعتزرتا ليها اني تعبانه شديد و وعدتها اجيهم.. و طلعنا

في العربيه كنت مبسوووطه و مبتسمه.. مراد عاين لابتسامتي و ضحك..

مراد:( الله علي الابتسامه الحلوه دي)

قلتا ليهو:( مبسوطه شديد..قلبي طااير من الفرح)

مراد:( وانا كمان مبسوط ليك شديد حبيبتي)

قلتا ليهو:( الحمدلله ربنا عوضني بيهم..ربنا م بحرم زول من حاجه نفسو فيها..ممكن ياجل الفرح..بس في الاخر بجي.. )

مراد:( و نعمه بالله)

قلتا ليهو: ( حاعمل كرامه كبيره و اكلم كل الناس انو عندي اخوان)

مراد ضحك..

مراد:(و خالتو ساميه حتعملي معاها شنو؟)

قلتاليهو:(ّاسي ماشه ليها البيت اتكلم معاها اشوفها عملت كده ليه؟)

مراد:(ّلالا انتي اسي تعبانه..شوفي شكلك عامل كيف.. امشي البيت ارتاحي و المساء نمشي ليها)

قلتاليهو:(ّحاضر)

وصلتا البيت مبسوطين و بنضحك لقينا ماما ليلي و يارا مقلقين علينا ..

يارا:( ماشاءالله مبسوطين..كنتو وين دقينا ليكم ميه مره)

مراد:( كنا في مشوار)

ليلي:( قلقتونا عليكم)

قلتا ليهم:( معليش)

يارا بزعل:( تلفوناتكم دي وين؟)

قلتا ليها:(ّم ركزنا ليها معليش ي يارا.. انا تعبانه دايره انوم)

مشيت علي السلم..

ماما ليلي:(ّلمن اصحي)

و طلعتا..

يارا:(ّاكيد اكلتو برا صح؟)

مراد:(لا والله..انا جيعان داير اكل)

ليلي:(ّاسي حناكل كلنا)

مراد:( طيب نادوني انا طالع غرفتي)

و يمشي..

رقدتا في سريري و انا مبسوووطه.. بس كل م اتذكر امي و انها دست مني موضوع اخواني بزعل.. من التعب نمتا...

صحيت بصوت مراد بصحي فيني..

مراد:( ميمي.. اصحي.. ميناس)

صحيت..

قلتا ليهو بصوت تعبان:( في شنو?)

مراد:( خالتو ساميه جات تحت.. يلا قومي)

خوفتا شويه من مواجهه ماما.. و م عارفه روحي لمن اتكلم معاها حاقدر امسك روحي وله لا..

قلتا ليهو:( طيب...حاغير و انزل)

مراد:( طيب حبيبتي بس ذي م اتفقنا تتكلمي براحه م تجوطي..و انا جمبك م تخافي)

قلتاليهو:( حااضر)

طلع مشي.. وقفت مراد معاي شجعتني شويه ...

نزلتا لقيت ماما و ماما ليلي و يارا و امجد شايل حمودي بلعب معاهو.. و مراد...

سلمتا علي ماما و قعدتا..

ليلي:( ميمي امشي اكلي م اكلتي انتي)

قلتا ليها:( بعدين م جيعانه)

طبعا كنت مكشره وشي و قاعده..

يارا:( مالك مكشره?)

قلتاليها:( ماف شي..ماما تعالي دايراك في موضوع)

ساميه:( اتكلمي ي ميمي.. ماف زول غريب)

قلتاليها:( بتعرفي وحده اسمها سوسن عبدالمجيد? و عندها بت و ولد اسمهم ايه و احمد?? )

امي من سمعت اسم سوسن و ايه و احمد اتخلعت شديييد و عاينت ل ليلي.. ماما ليلي كانت ناسيه اسم سوسن و عيالها...

ليلي:( ديل منو?)

ساميه بخلعه:( لقيتيهم وين ديل?)

قلتا ليها:( ليه عملتي كده ي امي? ليه دسيتي علي? اكتر حاجه في الدنيا بتمناها انتي دسيتيها عني.. ليه عملتي كده)

طوالي دموعي نزلت..

ليلي و امجد و يارا مخلوعين شديد م فاهمين شي..

قلتا ليها:( ليه ساكته? ليه م بتردي علي? دسيتي مني اخواني ليه ي امي? ليه حرمتيني منهم و حرمتيهم مني)

لمن قلتا اخواني يارا و امجد اتخلعو شديد.. بس ماما ليلي اتذكرت الموضوع ...و كلهم ساكتين..

قلتاليها:( ليه انتي انانيه كده? ليه حرمتيهم من قروش ابوي? امشي شوفيهم عايشين في بيت عامل كيف? اسي لو ابوي كان عايش كان خلاهم كده..سوسن جاها قضروف من الشغل و راقده م بتتحرك.. ليه ظلمتيهم و ظلمتيني?)

ساميه:( م ظلمتهم.. انا اديتهم حقهم و ذياده.. م قصرتا منهم.. )

قلتاليها:( اديني سبب يخليك تدسي عني?)

ساميه بقت تبكي:( خوفتا عليك منهم ..سوسن دي عقربا انا بعرفا كويس..م شفتيها جاتني البيا كيف و قالت لي انا مرت عبدالرحمن..خوفتا عليك منهم)

قلتاليها:( ي امي انا عمري كلو بتمني الحاجه دي و كنت بغير من العيال في المدرسه العندهم اخوان و كنت بجيك ببكي بقول ليك الناس كلهم عندهم اخوان الا انا.. ده كلو م اثر فيك? ده كلو م حرك فيك شي... عشان تعرفيني بالخواني.. عمري ده كلو م فكرتي تقولي لي? لو ايه م كانت معاي في الجامعه كنت حاعرفهم كيف? حاعيش و اموت و انا م بعرفهم....م حرام عليك ي امي.. م حرام.. ضميرك مشي وين? م مسامحاك ي امي م مسامحاك)

و بقيت ببكي.. يارا جات قعدت جمبي و حضنتي عليها و هي كمان دموعها نازله.. مراد جا وقف جمبي مسك لي يدي..

مرا

د:( ميمي.. اهدي حبيبتي)

ماما غطت يدها بوشها و بتبكي..

قمتا طلعتا فوق و معاي مراد و يارا..

امجد:( ي خالتو كدي اهدي و احكي لينا الحاصل ده شنو انا م فاهم ااي شي.. كيف عمو عبدالرحمن الله يرحمو كان متزوج و عندو كمان عيال?)

ليلي:( انا البحكي ليك الحصل كلو)

و بقت تحكي ل امجد...

انا فوق قاعده في غرفتي و جمبي مراد و يارا ..

مراد:( ميمي خلاص اهدي حبيبتي.. الموضوع انتهي.. احنا مش اتفقنا انو تتكلمي برواقه بدون جوطه و بكي)

قلتا ليهو:( م قدرتا.. م قدرتا)

مراد:( خلاص طيب م مشكله بس اانتي اسي اهدي.. م تزعلي روحك كده.. انتي قبيل كنتي كويسه و مبسوطه.. اسي ارجعي تاني افرحي باخوانك و انسي ااي شي)

يارا:( كلام مراد صح.. حاولي استفيدي من وقتك الجاي ده معاهم.. و كل حاجه لحكمه من ربنا انتي م عارفه الحكمه شنو)

مراد:( ايوا صح.. قولي الحمدلله بس)

يارا و مراد اتكلمو معاي كتير و هدوني شويه.. و قالو لي لازم تصالحي امك و تنسي ااي شي حصل...

امجد عرف القصه كلها..

امجد:( والله ي خالتو م ليك اي حق تدسي.. من حقك ترفضي سوسن بس م تحرمي ميمي من اخوانها.. انتي عارفه ميمي طول عمرها بتتمني يكون عندها اخوان)

ساميه:( كنت خايفه عليها.. انتي م قادرين تحسو بي)

امجد:( مهما كانت سوسن كعبه م بتقدر تاذيها في حاجه في وجودك.. و هي علاقتها باخوانها بس م ليها دعوه ب سوسن دي.. اسي ي خالتو م حصل شي خلي ميمي تتواصل مع اخوانها.. و تعوض الفات.. و هي كبيره و عاقله و م بتعمل شي غلط)

ليلي:( كلام امجد صح.. خلي علاقتها مع اخوانها هي البتحددا م انتي.. و مراد جمبها و هي بتحبو و بتسمع كلامو.. اكيد حتبقي متطمنه عليها)

جات امي داخله لي الغرفه لقتني هديت و وقفتا بكي.. و جمبي يارا و مراد.. مراد و يارا من شافو امي طوالي قامو طلعو و خلونا برانا...

انا كنت مقبله علي الباب ابيت اعاين ليها في وشها.. و هي قعدت في السرير الجمبي...

ساميه:( عايني ي ميمي.. انا حاوريك عملتا كده ليه.. لانو ابوك خاني.. و مشي عرس و لا قال لي.. ولا فكر يوم يقول لي.. الا سوسن جاتني البيت و قالت لي.. ابوك كسرني شديد. حطم كل ثقتي فيهو.. عشان كده م اترددتا ثانيه اني اعرس هشام.. و كرهتا سوسن.. بس بعد وفاه ابوك.. بقيت برسل ليهم قروش كل شهر م قصرتا معاهم م عشانها هي عشان عيالها .. بس م قدرتا اتخيلهم في حياتي.. م قدرتا اقول ليك.. مع اني م نسيت الموضوع ده خالص .. بس كنت خايفه عليك والله.. بس ي ميمي اسي وقت عرفتي انتي حره.. حددي علاقتك معاهم ذي م دايره.. ديل اخوانك و انتي اختهم الكبيره.. و انا م بعترض ليك تاني علي حاجه)

و قامت طلعت...

حنيت علي امي شديد من كلامها و شكلها زعلانه شديد..

طلعتا وراها لقيتها ماشه علي السلم و مراد و يارا قاعدين في الصاله برا.. كوركتا ليها:( ماما)

اتلفتت علي.. جريت عليها حضنتها و قلتا ليها:( انا اسفه)

ساميه:( انا الاسفه حبيبتي)

مراد و يارا بعاينو لينا بفررح..

ماما حكت لهشام بقصه سوسن و عيالها.. هي اصلا كانت حكت ليهو زمان بيهم..هشام كان رايو ذي راي امجد و ماما ليلي..

هشام:( ديل اخوانها و كفايا اتحرمت منهم زمان.. اسي خليها براحتها معاهم.. هم بحبوها و هي بتحبهم.. و انتي كمان انسي الفات و ابدي معاهم صفحه جديده.. انتو م ليكم غير بعض)

ساميه:( حاضر حاحاول انسي الفات و اشوف حاقدر اعمل شنو)

تاني يوم صحيت من الصباح مبسووطه لقيت مراد نايم مشيت صحيتو..

قلتاليهو:( مراد.. مراد اصحي)

م ردا..

جريت منو الغطا۽ بقول ليهو:( مراد يلا اصحي يااخ)

مراد بصوت تعبان:( مالك ي ميمي من الصباح?)

قلتاليهو:( اصحي دايراك ضرووري)

مراد قام قعد علي حيلو ..

مراد:( اها في شنو?)

قلتاليهو بكل فرح و تفائل:( حادي بيتنا القديم ل سوسن و اخواني)

مراد:( امك م حترضي)

قلتاليهو:( البيت ده بيتي انا و مكتوب باسمي من زماان.. تاني شي انا م حاسكن فيهو يوم من الايام و امي كمان م حتسكن فيهو..و مستحيل ناجرو لناس يبهدلو لينا هم اولي بيهو حاديهو ليهم يسكنو فيهو بس بدل البيت الكعب القاعدين فيهو و الايجار البدفعو ده.. مراد دايره احس نفسي عملتا ليهم شي.. ساعدتهم.. انا حاسه بالذنب شديد نحيتهم.. قصرنا في حقهم شديد)

مراد:( انا موافقك حبيبتي..بس كلمي خالتو ساميه عشان م تزعل منك)

قلتاليهو:( طيب بكلمها.. انا اسي كلمتا ام ايوب تشوف لي بت تنضف لي البيت هنا و انا حامشي معاها حنمشي نجهزو ليهم بكل حاجه و حامشي اجيبهم اعمل ليهم مفاجاه)

مراد:(سوقي معاك يارا)

قلتاليهو:( لا يارا عندها ترتيبات حقت الخطوبه خليها.. بكلم الا۽ تساعدني)

مراد:( م تتعبي روحك و لو احتجتي لاي حاجه كلميني)

قلتاليهو:( حاضر.. يلاا انا حامشي)

مراد:( طيب.. خلي بالك من روحك)

قلتاليهو:( حاضر حبيبي.. و انت كمان)

و طلعتا مشيت..

نتلاقي❤