الجزء 7

تاني يوم قاعدين في االصاله رؤي و حمودي بلعبو.. و انا و يارا و اميره بنحضر في فيلم.. اميره كانت مشغوله بتلفونها شديد...شكلها بتتونس في الواتساب...

محمد هو و بلعب وقع جرينا عليهو انا و يارا رفعناهو هي ولا قامت من مكانها.. عاينت ليهو سااي و سكتت..

محمد بكي بقينا بهدي فيهو و نسكتو...

اميره:( خلو م تتعبو معاهو اسي بسكت براهو)

يارا:( واي ي اميره بارده شديد انتي)

اميره:( ياخ لو بقيت شغاله امسك ده و اسكت ده و ارفع ده م حاخلص)

قلتا ليها:( ديل عيالك لكن)

اميره:( ااي بس م بدلعهم ساي...خليهم ببكو و بسكتو)

و رجعت لتلفونها.. انا و يارا استغربنا فيها عاينا لبعض و سكتنا...

جات امي

االمسااء سلمت و سالت مني.. اميره قالت ليها في غرفتها فوق.. رسلت لي ام ايوب.. نزلتا ليها..

سلمتا عليها...

ساميه:( اها جاهزه بكرا الجامعه?)

قلتا ليها:( ااي... مشينا السوق انا و يارا قبيل اشترينا حاجاتنا)

ساميه:( القروش كفتك?)

قلتا ليها:( ااي)

ساميه:( طيب تعالي اوريك دي برا)

و مسكتني من يدي و طلعنا... كانت مبسوطه..

وصلنا باب الشارع لقيت عربيه رماديه واقفه ..

قلتا ليها:( غيرتي عربيتك?)

قالت لي:( لا.. دي عربيتك انتي)

اتخلعتا و بفرح قلتا ليها:( بالجد?)

قالت لي :( اكيد حبيبتي...معقوله احلي بتي االوحيده تنزل الجامعه بدون عربيه?)

فرحتا شديد حضنتها و بكورك...و ماما بتضحك...

ساميه:( ده ابوك كان داير كده..قال لي ميناس ان شاءالله لمن تنزل الجامعه اول يوم بجيب ليها عربيه م بخليها تتعب في المواصلات )

قلتا ليها:( الله يرحمو)

اليوم داك حسيت انو امي رجعت تهتما بي تاني...

مشيت ناديت يارا و اميره و ماما ليلي شافو عربيتي و باركو لي...

اميره مشت ل جيجي صحبتها في شقتها.. جيجي من البنات الما كويسات..

جيجي سلمت علي اميره بشوق..

جيجي:( الحمدلله علي السلامه جد السودان نور)

اميره:( بوجودك)

جيجي:( اقعدي)

دخلو قعدو...

جيجي:( اها الاخبار شنو? و بتعملي شنو?)

اميره:( ولا شي.. بس البيت.. ديل ذاتهم م بطلعو)

جيجي:( خليك منهم مش انا وعدتك اطلعك و اعرفك ب ناس هااي )

اميره:( ااي عليك الله..عرفيني ب ناس حلوين و اهم شي مقرشين...ناس مقحطين م معانا)

جيجي:( طبعا.. صحبتك بتعرف ااي زول كمان.. المهم انا بحدد وقت و بسوقك معاي...اتفقنا?)

اميره بفرح:(اتفقنا)

نزلنا الجامعه...انا و يارا اول ايام كنا مسطحين م فاهمين شي ...شويه شويه بقينا نفهم ... لقيت مي معاي في كليتي.. ياخ زعلتا كيف...قربتا اخلي ليها الكليه... يارا شاكلتني قالت لي م تشتغلي بيها...و اتعرفت علي بنات و اولاد دفعتي.. و بقينا نتونس كل يوم و نتعرف علي بعض و كده...و بقيت بتحاشي المكان البتكون فيهو مي قاعده..

امجد نايم في غرفتو.. تلفونو ضرب... صحي لقاها ماربا...

ردا...

امجد:( الو.. )

ماربا بتبكي:( امجد... جوزيف ود عمي جا من السفر و قعد مع ابوي و ديفيد و حددو العرس...امجد اعمل حاجه)

امجد قام مخلوع...

امجد:(شنو?)

ماريا:( ذي م بقول ليك...حنعمل شنو?)

امجد:( حاجي البيت...حامنع العرس ده باي تمن حتي لو قتلوني.. م بسيبك)

ماريا:( لالا ي امجد.. اوعي تعمل كده... ديفيد صعب م بتعرفو انت)

امجد يقوم من السرير و يبقي ماشي في الغرفه و بتكلم معاها و بجوط...

امجد:( حاواجهه اهلك كلهم و حاسوقك غصب عنك)

ماربا:( امجد.. اهدي شويه.. لو عملتا كده حنخسر بعض و حازوجوني ل جوزيف في يوم واحد)

امجد:( الحل شنو?)

ماريا:( حاوريك الحل شنو)

امجد:( قولي)

قاعده مع صحبتي اسمها شهد.. و واحد دفعتنا اسمو مجاهد... بنتونس في الجامعه..

جات مي.. لقيتنا قاعدين جات علينا و سلمت و قعدت .. انا كنت بحكي في موضوع ..قاطعتني و بقت تتكلم هي و تحكي و استلمت القعده كلها...و م خلت زول يتكلم معاها.. اتغظتا منها شديد.. بعد شويه شفتا يارا من بعيد استاذنتا منهم و مشيت ل يارا...

يارا:( خلصتي? )

قلتا ليها:( ايوا)

يارا:( مالك مكشره?)

قلتا ليها:( مي دي ياخ كرهتني...تلقاني قاعـده مع اي ناس تجي نقعـد و تستلم القعده و تحكي)

يارا:( متخلفه ساي.. و بتحقد عليك.. هي عارفه انو عندك. عربيه?)

قلتا ليها:( م اظن)

يارا :( تعالي اغيظا ليك)

و جرتني من يدي و مشينا عليهم...يارا اصلا بتعرف شهد و مجاهد...

يارا:( ي جماعه عازماكم فسحه ب عربيه ميناس الجديده)

مي اتخلعت:( عربيه ميناس?)

يارا بكل ثقه:( طبعا...ميناس امها جابت ليها عربيه بعد نجحت)

شهد:( ي سلاااام يلا ي مجاهد)

مجاهد:( الناس الراقيه يااخ اريتو حالنا)

مي وشها قلب ميه لون.. و كشرت..

يارا:( يلا طيب)

مشينا كلنا و خليناها ورانا...و اصلا م فكرت تجي و احنا م عبرناها.. يارا لمن لقتها م جات ضحكت و غمزت لي.. انا انبسطا شديد ...

مشينا لفينا بالعربيه و اكلنا ايسكريم و رجعنا البيت...

لقينا ام ايوب ماسكه حمودي و ريري..و هم ببكو...

يارا:( وين اميره?)

ام ايوب:( طلعت قبيل و خلتهم لي و هم م دايرين يسكتو)

يارا:( اميره دي مجنونه)

و شالت ال

تلفون و ضربت ل اميره.. بس م ردت...

انا شلتا ريري بقيت بسكت فيها...

يارا:( اميره دي م عندها مسئوليه)

يارا مسكت حمودي بقت تسكت فيهو..

سالتا ام ايوب:( وين ماما ليلي?)

ام ايوب:( طلعت السوق)

قلتا ليها:( الغدا جاهز?)

ام ايوب:( ايوا.. اخت ليكم?)

قلتا ليها:( نشوف ماما ليلي لو جايه نستناها)

ام ايوب:( طيب)

و مشت المطبخ...

قاعد مراد في عربيتو في شارع تجي تقيف جمانه بعربيتها و تنزل تجي تركب معاهو..تسلم عليهو..

جمانه:( كيفك?)

مراد كان مكشر:( الحمدلله)

جمانه:( مراد انت مالك?)

مراد:( مالي?)

جمانه:( ليك كم يوم م طبيعي...متين بمر كم يوم م بنشوف بعض?)

مراد:( مدروش مع الشغل بس)

جمانه:( طول عمرك كنت شغال متين كنت بتنشغل عني)

مراد:( جمانه.. م داير مناقشات)

جمانه:( والله انت م طبيعي)

مراد:( جمانه انا لسه م رجعتا البيت .. دي طلعه الصباح و مصدع و تعبان ماشي البيت ارتاح)

جمانه تسكت تعاين ليهو...

مراد يكورك:( الكلام ده م مفهوم?)

جمانه:( يدوب الساعه8 متين بترجع البيت بدري كده?)

مراد بزهج:( جمانه.. انزلي)

و ياشر علي الباب..

جمانه تعاين ليهو بزعل و تنزل و تقفل الباب بزعل شديد وراها و هو يتحرك طوالي يمشي.. و جمانه واقفه في مكانها زعلانه...

بليل طلعتا البلكونه عاينتا في النجيله لقيت اميره و مراد قاعدين بتونسو...غيرتا من اميره...قاعده تتونس معاهو كده و تضحك..

اميره:( جد اشتقت للونسه معاك و السهر كده)

مراد:( و انا كمان والله حبيبتي)

اميره:( لمن جيت السنه الفاتت دبي م قدرتا الاقيك كتير برانا و عياء ريري م خلاني اقدر اطلع)

مراد:( م تذكريني الوقت داك زعلتا و رجعتا هنا طوالي )

اميره تضحك..

اميره:( ااي زعلتا شديد مني.. و انا قربتا اجي السودان اصالحك بس م لقيت طريقه)

مراد:( اسي بتقدري تصالحيني)

اميره:( عيوني ليك عندي كم مراد انا)

مراد:( خلاص حاطلع قدامك حاستناك في غرفتي)

اميره:( طيب بتطمن علي العيال و بجيك.. مراد قروشي العند خلصت.. دايره قروش)

مراد:(حاضر بديك بس م تتاخري)

و يقوم يمشي علي البيت و اميره تمشي بوراهو...

انا دخلتا غرفتي رقدتا و بفكر:( مراد...اعمل ليهو شنو عشان الفت انتباهو!! غير جمانه م بشوف.. جد تعبتا من الحب الحابساهو جواي ده.. اعمل شنو!! م بقدر اكلمو.. وم قادره اسكت) ماريا قافله غرفتها عليها و لمت هدومها و حاجاتها المهمه ختتها في شنطه.. ديانا جات دقت ليها باب الغرفه..

ديانا:( ماريا.. ماريا)

ماريا اتخلعت..

و دست الشنطه سرعه تحت السرير و مشت فتحت لامها الباب..

ديانا:( قافله الباب ليه?)

ماريا:( كنت بستحما)

ديانا:( طيب...انا ماشه ل اميمه...عايزه حاجه?)

ماريا:( لا سلامتك)

ديانا:( طيب يلا)

دايره تمشي...

تمسكا ماريا من يدها و تحضنها..

ديانا تبتسم...

ديانا:( مالك ي بت)

ماريا:( ماف شي.. خلي بالك من نفسك)

ديانا:( ي بت كلها ساعه و جايه.. ليه محسساني اني مسافره?)

ماريا:( حاشتاق ليك)

ديانا:( هههه .. اقفلي باب البيت كويس عليك.. يلا م بتاخر)

ماريا توصل امها لحدي باب الشارع و ترجع غرفتها تضرب ل امجد...

ماريا:( امجد يلا تعال سرعه)

نتلاقي❤