الجزء 8

قاعدين كلنا علي الغدا... ليلي و عمو مختار و انا و يارا و اميره و مراد...

مختار:( و محمود م جاي اجازه?)

اميره:( مضغوط شديد في الشغل م حيقدر يجي)

مختار:( ربنا يعينو.. م حتمشي تسلمي علي عمتك في البلد)

اميره:( م اظن ي عمي ..السفر مع العيال صعب)

مختار:( صح والله)

جا داخل امجد و معاهو ماريا.. ماسك يد ماريا بيدو و اليد التانيه شايل فيها شنطه...

كلنا اتخلعنا عاينا ليهو.. عمو مختار وقف علي حيلو و احنا كمان بقينا نعاين ليهم...

امجد فضل ساكت و احنا من الخلعه م قادرين نسالو.. في الاخر امجد اتكلم...

امجد:( دي ماريا مرتي)

احنا كلنا اتصدمنا شديد ..

ليلي بخلعه:( شنو?? ?)

مختار:( امجد? كيف الكلام ده?)

ليلي بقت تكورك...

ليلي:( انت جنيت?? عرستها ي امجد? لاحول ولا قوه الا بالله)

يارا مسكت ليلي الكانت حتقع من طولها..

امجد:( دي مرتي علي سنه الله و رسوله و ماف زول ليهو دعوه بيها)

مختار:(في زول بعرس كده? اهلها عارفين?)

امجد:( لا)

مراد:( عرستها من ورا اهلها ي امجد?)

امجد:( ايوا)

ماريا دموعها نازله و م قالت كلمه...

مختار:( انت عارف المشاكل الجبتها لروحك...كيف تعرس البت بدون موافقه اهلها او حتي علمهم.. والله انت جنيت البت دي عملت ليك حاجه)

اللحظه ديك ماريا فكت يدها من امجد و مشت علي الباب..

امجد مشي وراها مسكها..

امجد:( ي ابوي دي مرتي و م بسمح ب كلمه فيها و لو سمحتو م تتدخلو في الموضوع ده.. انا بعرف احل مشاكلي براي)

مختار:( كويس ي امجد انا حاسكت و نشوفك حتعمل شنو)

ليلي بتبكي و م قالت كلمه و يارا بتهدي فيها...

امجد:( ي ابوي انا كبير و واعي و العملتو ده الصح)

مختار:( لو واعي م بتعمل كده)

مراد جا جمبي قال لي في اضاني:( سوقي ماريا غرفتك فوق لحدي م ابوي و امجد يتفقو)

قلتا ليهو :( طيب)

و مشيت عليهم مسكتا ماريا من يدها..

قلتا ليها:( تعالي معاي)

امجد فهمني..

امجد:( امشي معاها)

طلعنا غرفتي...و امجد و مختار لسه بتناقشو و ليلي بتبكي م اتكلمت تاني..

جمانه قاعده في شقتها في الكنبه و بتشرب في سيجائر ورا بعض.. جات طالعه نور صحبتها من المطبخ شايله صينيه فيها شندوتشات و عصير تختها قدام جمانه...

نور:( جمانه.. خلي السيجائر ده و اكلي)

جمانه:( م عندي نفس)

نور:( لسه متشاكلين انتي و مراد)

جمانه:( ايوا)

نور:( ااي اتنين بتشاكلو ي جمانه و برجعو عادي)

جمانه:( عارفه.. بس في شي متغير في مراد...عارفاهو انا)

نور:( ذي شنو يعني?)

جمانه:( م عارفه.. بقي متغير من جهتي.. و لمن ازعل منو ولا بعبرني.. لا بسال مني لا بضرب لي الا انا اضرب...و م برد الا بعد كم مكالمه.. و بقول لي مشغول)

نور:( يمكن مشغول بالجد)

جمانه:( لالا.. مراد في حاجه مغيراهو)

نور:( خليهو.. برجع ليك براهو.. يلا اكلي معاي عليك الله)

نور تشيل شندوتش و تاكل.. و جمانه تطفي السيجاره و تاخد سندوتش و تاكل...

دخلنا انا و ماريا غرفتي و قفلنا الباب.. ماريا قعدت في السرير بتبكي بحرقه.. و انا قعدتا جمبها و حنيت علي حالها بقيت بهدي فيها.. حبيت ماريا... مع اني م بعرفا ولا حصل شفتها.. بس حبيت شجاعتها و انها وقفت ضد الدنيا كلها عشان الزول البتحبو...

ديانا جات داخله البيت...لقت ديفيد واقف في المطبخ بياكل...

ديفيد:( امي..جيتو?)

ديانا:( ااي جيت .. ليه بتاكل كده.. ليه ماريا م ختت ليك غدا?)

ديفيد:( ماريا مافيشه)

ديانا تتخلع:( طلعت وين?)

ديفيد:(تساليني انا مش انا محزرها م تطلع من الباب ده?)

ديانا تحت شنطتها في الكرسي و تجري علي غرفه ماريا بتكورك ليها:( ماريا.. ماريا)

تدخل الغرفه تلقاها فاضيه و في ورقه قاعده علي الطربيزه ديانا تدخل تقيف في نص الغرفه جمب الطربيزه..تركز لورقه تشيلها تقراها.. مكتوب فيها:( امي...الحبيبه...م بقدر اعرس جوزيف... اسف... سامحيني و ادعو لي... ماريا)

ديانا تقعد في الكرسي من الخلعه و تصرخ..

ديانا:( ديفيد)

بهدي في ماريا...

قلتا ليها:( ماريا اهدي...م تعملي في نفسك كده)

ماريا:( ليه هم بعملو كده? زواجنا ربنا حللو.. ليه هم بحرموهو?? ليه دايرين يحرمونا من بعض?? )

قلتا ليها:( اهدي شويه.. كلو بتحلا.. و اهو الحمدلله انتو عرستو تاني ماف زول حيقدر يعمل ليكم ااي شي)

ماريا:( اهلي لسه م عرفو.. م حيسكتو...عارفاهم انا)

قلتا ليها:( م حيقدر يعملو حاجه.. انتي بقيتي مرتو)

ماريا:( م حيسيبوني.. م حيسيبوني)

ماريا كانت خايفه شديد و منهاره.. انا حضنتها علي و بقيت بهدي فيها..

قلتا ليها:( ارقدي ارتاحي)

رقدت علي السرير ..

قلتا ليها:( هدي اعصابك ماف شي خطير.. انتو عملتو الصح.. م تشتغلو براي ااي زول تاني.. و امجد راجل بالجد و حيبقي قدر وعدو ليك.. دقيقه اسي بجي)

و طلعتا من الغرفه لقيت اميره جايه علي..

اميره:( بقت كيف?)

قلتا ليها:( اعصابها تعبانه شديد.. و خايفه من رد فعل اهلها)

اميره:(لو خايفه م كانت عرست من ورا اهلها)

قلتا ليها:( اميره.. م وقتو.. وين امجد?)

اميره:( مع مراد في الصالون)

قل

تا ليها:( طيب)

و نزلتا تحت ماشه علي المطبخ سمعتا باب الصاله دقي.. مشت الشغاله فتحت...

جا داخل ولد بكورك...( امجد...امجد)

اتخلعتا ...الولد كان زعلان شديد و بكورك باعلي صوتو...

امجد و مراد جو جارين من الصالون...

امجد عاين ل الولد..

امجد:( ديفيد)

ديفيد:( اختي وين ي امجد)

و جا جاري ديفيد عليهو طوالي داير يضربو .. مراد مسك ديفيد ..

مراد:( اهدي ي ديفيد)

ديفيد بكورك:( اختي وين ي امجد...بسال فيك...رد علي... وديت اختي وين)

ديفيد كل شويه يقرب علي امجد داير يضربو بس مراد ماسكو..

امجد:( ماريا بقت مرتي...و ماف زول بقدر يلمسا )

ديفيد اتخلع شديد...

ديفيد بخلعه :( شنو?? ??)

مراد:( ي ديفيد اهدا...ممكن نحل الموضوع ببساطه)

ديفيدبقي بكورك شديد:( اهدا?? اهدا كيف ده خطف اختي والله م حاسيبو.. حامشي اعمل بلاغ فيهو و اوديهو في ستين دهيه)

مراد:( كيف يعني خطفا...عرسا علي سنه الله ورسوله)

ديفيد:( كذاب م بعرسا... غشاها)

جات ماريا وقفت علي السلم بتبكي و شايفه ديفيد و مراد جايطين و امجد ساكت...

جريت علي ماريا .. دخلتها الغرفه..

قلتا ليها:( اقعدي هنا اوعي تطلعي مهما حصل)

ماريا:( ديفيد)

قاطعتها. .

قلتا ليها:( م بعمل حاجه اصبري بس)

و طلعتا خليتها منهاره و بتبكي..

لقيت ماما ليلي و يارا و اميره واقفين بعيد بعاينو بس...

ديفيد جاط شديد و اتوعد امجد و طلع مشي....

امجد قعد اعصابو بايظه و م قادر يتكلم و مراد جمبو بهدي فيهو..

ليلي:( خلي ياكل نارو)

و دخلت غرفتها..

اميره مشت تشوف عيالها الكانو ببكو من الخوف بسبب الجوطه...

مشيت عملتا عصير ل امجد و ماريا .. ختيت لامجد كبايتو قدامو و طلعتا الكبايه التانيه ل ماريا...

ماريا:( م دايره حاجه ي ميمي)

قلتا ليها:( لازم تشربي.. عشان تهدي شويه.. كلو بتحلا)

ماريا:( م دايره والله م قادره ابلع حاجه)

بعد تحانيس مني شربت شويه...

و يارا قاعده جمبنا بتعاين سااي...

جمانه كانت بتضرب ل مراد في الوقت داك و مراد جادع تلفونو فوق في غرفتو.. جمانه زعلت شديد و رمت تلفونها و بتفكر مراد مالو معاها...

سوسن شغاله علي المكنه.. تجيها ايه.. تقعد...

ايه:( ي امي علميني شغل المكنه)

سوسن:( لسه انتي صغيره ي ايه)

ايه:( ي امي انا دايره اساعدك.. انتي بقيتي تعبانه شديد اليوم كلو قاعده في المكنه دي)

سوسن:( م تعبانه ولا شي بلعكس بسلي روحي)

ايه:( خلاص علميني اساعدك)

سوسن:( حاضر بس في الاجازه م اسي)

ايه:( طيب)

الباب دقي..

سوسن:( دي احلام افتحي ليها)

ايه تمشي علي الباب تفتح تلقاها احلام شايله صينيه فيها شاي و بسكويت..

احلام:( جبتا الشاي)

سوسن بفرح:( ي سلااااام جيتي في وقتك.. اسي كنت دايره اقول لايه اعملي لي شاي)

تخت احلام الصينيه و تقعد.. و ايه معاهم يشربو الشاي...

قاعده ليلي في غرفتها زعلانه و معاها امي... عمو مختار و مراد قاعدين في الصاله مع امجد... امجد زعلان شديد و ساكت م بتكلم ااي كلمه...و مراد و مختار بعاينو لبعض بس و ساكتين..

انا و يارا قاعدين مع ماريا.. كانت قاعده في نص السرير و سرحانه بعيييد و ساكته...

و اميره بتنوم في عيالها...

سمعنا جرس الباب دقي...كلنا اتخلعنا...

يارا :( حاشوف منو)

و قامت طلعت...

قلتا ل ماريا:( اتطمني ماف شي)

ماريا بقت بتعاين لباب مستنيه يارا تجي تطمنا...

دقيقتين و يارا جات جاريه ..

يارا:( اخوك جاب البوليس ل امجد)

انا و ماريا قمنا مخلوعين و جرينا ال 3 علي برا...

نتلاقي❤