الفصل الثاني عشر

طبعاً انا اتصدمتهه في كلامو م علشان بحبو لا علشان البقول فيهو دهه هبل ف لقيت نفسي برسل ليهو ريكورد وانا منفعلهه وبقول ليهو" ي ود انت اهبل؟لا دة دة وهم منك م هبل احبك شنو؟ ودي شنو الدراما الانت واهم بيها نفسك دي؟انت لو شايف انو تصرفاتي معاك وعفويتي دي حب اوكيه افصلها من اللحظهه دي تمام؟وم مشكلتي اذا انت زول تفكيرك عقيم وم بتفهم للصحبهه شي يلا سلام"..على طول حظرتهه وطلعته من الواتسب، رجع اتصل على مكالمه م رديت تاني رجع اتصل علي كذا مكالمه ودي اول مرة يعملها طبعاً عمرو م اتصل علي مكالمتين ورا بعض، نهائي ابيت ارد عليهو لانو بجد زعلني شديد فهمو وطريقهه تفكيرو تجاهي

فضلته اسبوع م بتكلم معاه، وقفلته منو رسمي، في الاسبوع دة في يوم وانا قاعدة وماسكه تلفوني ومركبهه سماعاتي فجأة حسيت بي صوت طقطقهه جمبي رفعتهه راسي لقيتها بت، قالت لي هايات، قفلته تلفون قلته ليها اهلين، سلمت علي وباستني قالت لي ع فكرة نحن بنعرف، قلته ليها كيف؟قالت لي م متزكراني خالص ولا كدة وكدة؟قلته ليها والله م مستحضرة، قالت لي طيب م متزكرة انو في الكلينك بتاع الفحص الطبي في واحدة كانت قاعدة جمبك واتكلمتي معاها فترة وانتي كان معاك ابوك؟قلته ليها اهاااااااااا صح اتزكرتك، قالت لي مالك فاصلهه الدفعه دي كدة وم داخله في زول؟قلته ليها والله ماف سبب ساي كدة، قالت لي اوعى حبيبك يكون مانعك؟قلته ليها حبيب شنو ياخ لا والله ياخ

قالت لي حتى انا على فكرة لسسه م قادرة اتاقلم مع الوضع ولا قادرة اتعامل معاهم بس شنو في حدود المعقول م زيك انتي، قلته ليها اهاااا حلو طيب، قالت لي انا طالعه الفطور تطلعي معي؟عاينته في ساعتي قلته ليها اوكيهه، قالت لي باي ذا وي انا اسي لُجين، قلته ليها وانا شهد حبيت اسمك شديد بشبهك، قالت لي تسسسسلمي يخخخخخخ واتحركنا مشينا فطرنا وهي زوله ظريفه وكيوت شدييييد سماحه الدنيا عليها وروحها حلوة عديت اليوم معاها حتى كان عندنا لاب دخلناه مع بعض نهايه، وعلى الأساس بقينا مع دايماً مع بعض واخدت رقمي وكذااا...م بقدر انكر إنو كلامي مع شهد واستباقي لحاجهه م حصلت كان غلط كبير ومعاها حق إنها تزعل وعلى قناعه انو تصرفي كان اندر إيج جداً بس انا قلته ليها الكلام دة تحسباً لكل شي شهد لغايهه اللحظه شايفهه شخصيهه ماهر الهي مرسومه قدامها بس في ماهر تاني بعيد كل البعد عن الشخصيهه الهي شايفاها وانا خايف عليها من الشخصيهه دي فعلاً زي خوفي منها لانو انا نفسي بخاف منها ف عشان كدة م ندمان ابداً على انها نبهتها حتى ولو كان تصرفي دة سبب في انها تبعد انا يهون علي تبعد هي ولا تتأذي من ناحيتي...في يوم كانت عندي محاضرة الساعه 12، ف م حطلع بدري طبعاً مشيت متأخرة دخلته القاعه لقيت المحاضرة لسسسه م بدت، لقيت مكالمه من لُلجين رجعته ليها قالت لي وين انتي؟قلته ليها في الجامعه وانت؟قالت لي طيب ماشي انا قريبه منك جايهه عليك، قلته ليها ماشي قعدته وحالي زي كل مرة م عندي علاقه بالدفعه مسكته تلفوني وقعدتهه شويهه كدة اثناء تركيزي في تلفوني في زول قلع مني تلفوني رفعته راسي وعايزة اقول لُجي...اتفاجأ بي ماهر في وشي، ومن غير م ابدي اي ردة فعل تانيه وانا بعاين ليهو قعد جمبي في البينش وقال لي شهد عبدالله، زحيت منو وانا ساكته جا على اتجاهي تاني وقال لي كيفك؟انا طبعاً كنت قافله منو رسمي، قلته ليهو اديني تلفوني لو سمحتهه، قال لي اتفضلي مداهو لي عايزة اشيلو جراهو عليهو، قال لي يعني م نفسك تتكلمي معي؟فجأة وقفتهه على حيلي قلته ليهو لو سمحتهه تلفونو وهو فضل ساكت و ماسك التلفون وبعاين لي، قلته ليهو لو سمحته عايزة تلفوني، فجأة سمعتهه صوت لجين بتقول لي شهد؟اتلفته عليها قلته ليها اهلين سلمت علي وقالت لي مالك؟بقيت اعاين لي ماهر وبعاين ليها وهي بتعاين لينا، نظراتنا بقت في حلقه كل زول بعاين للتاني، قالت لي دة مالو معاك مضايقكك؟بقيت اعاين لي ماهر، قلته ليها لا، قالت لي اهاااا يعني بتعرفيهو؟اوبس Sorry طيب ي شهد انا حأنتظرك ورا اوكيهه؟ماهر قال لي نطلع برة نتكلم شويهه؟

على طول طلعتهه وهو وراي اقرب بينش قعدتهه فيهو جا قعد جمبي قال لي لسسسهه زعلانهه مني؟فضلتهه ساكته، جراني من مناخري بي صوابعو عارف انو انا بكره الحركه دي قال لسسسه بجد لسسسسه زعلانه؟لفيت منو وشي، تاني رجع عمل نفس الحركه وقال لي شهد، قلته ليهو نعم!؟ قال لي بطلي هبل وامور شفع!!!قلته ليهو انا برضو الأموري امور شفع؟قول الكلام دة لنفسك ي استاذ، قال لي يعني موقفي صعب؟سكتت ولفيت منو وشي، مسكني من يدي وبقى يضغط على صوابعو وهو ساكت، قلته ليهو يخخخخ جريت منو يدي قال لي طيب خلينا نتفاهم، قلته ليهو م تتكلم معي، قال لي طيب، فضل قاعد وهو ساكت وانا ساكته قريب نص ساعه، فجاة جات بت من بنات الدفعه راجعه على القاعه وقفته على طول وشلتهه شنطتي وقلته ليهو عن اذنك انا عندي محاضرة، البت قالت لي كيفك؟قلته ليها اهلين اللكشر بدا؟قالت لي لأ قالو الدكتور اعتذر، بعد م البت مشت ماهر وقف ومدة لي تلفوني قال لي اتفضلي تلفونك، بقيت اعاين ليهو والتلفون في يدو وباين عليهو متضايق، فضلتهه واقفهه وانا بعاين ليهو، مسك يدي مسكني التلفون وقال لي يلا مع السلامه، قام ماشي مشيت بسرعهه وقفتهه قدامو و بعد تردد وتُقل لسان قلته ليهو يعني انت جيت علشان تمشي؟فضل ساكت وبعاين لي بعد مسافه قال لي اها اعمل ليك شنو اكتر من كدة؟قلته ليهو اتكلم معي، ضحك قال لي قبل شويه كنتي بتقولي في شنووو؟قلته ليهو شنوووو؟قال لي مش قلتي م.اتكلم معاك؟قلته ليهو وانت من متين بقيت بتسمع الكلام؟ربع يديني وقال لي من لحظه م عرفتهه شافعهه كدة؟!طلعتهه ليهو بالجزمهه في رجولو وقلته ليهو مليون مرة قلته ليك م تقول لي شافعهه، قال لي اسي دي م حركات شفع؟ربعته ليهو يدي وانا ساكته، قال لي صافيهه لبن؟قلتهه ليهو Nooooo قال لي ي شيخهه؟قلته ليهو م تتكلم معي بس تعال اعزمك شاي.بلبن وزلابيه في خالتو هنا بتعمل شاي لبن بزلابيهه رهيب، قال لي جداً اصلاً جعان، قلته ليهو تشرب وانت ساكت م تتكلم معي ظابط؟قال لي وتاني؟وهو بضحك، اتلفتهه عليهو وقلته ليهو ما اسمع صوتك، قال لي امرك!!عاينتهه ليهو بغيظ ضحك وهو ساكت وصلنا مكان خالتو قعدنا في البينشات مشيت طلبته وجيت قعدته لقيتو يعاين في تلفونو قلته ليهو وبعدين انت الزكرك بي شنو؟هااااا؟مش قلته ليك افصلني وم تتكلم معي؟هزة لي راسو وهو ساكت، قلته ليهو بإنفعال انا بتكلم مع حيطهه؟تاني هزة لي راسو بمعنى لا، جات خالتو جابت لينا اللبن والزلابيهه، قلته ليهو ي سلاااااام ريحه الشاي تهبل صح؟تاني هزة لي راسو بمعنى "نعم"وهو ساكت، فجاة جو بنات ماشين بجمبنا سمحات شديد قلته ليهو عاين الطبي دة كيف بالله، فكاها ضحكهه قال لي شهد احكي لي مالك م تشككيني فيك

قلته ليهو يعني علشان بشاغل الاتنين تلاتهه اربعهه خشلميه بت سمحهه معناها حتشك فيني؟م مشكلتي اذا البلد كُلها بقت جكس طبي الله قعد يضحك قال لي يشهد الله مجنونهه، قلته ليهو ن

سكت مسااافه وهو ساكت و بعاين لي قال لي إشتقتهه ليك، فضلته ساكتهه، قال لي وفقدتك جد والله قربنا نتم الشهرين وانتي فاصلاني شهد انتي قلبك كعب، قلته ليهو انا م قلبي كعب بس انت حركتك زبالهه كيف تقول لي كدة؟قال لي طيب انسي واعتبريني م قلت شي، قلته ليهو م هو م بمزاجك تزعلني وتجي تتكلم معي رغم انك عارف اني فاصلاك لا وكمان م عايز تعتذر، مسح وشو بيديهو وهو ساكت، قلته ليهو ليييه م بتعترف بغلطك؟قال لي قلنا اكسري الحنك وم تبقي زولهه نقاقهه، قلته ليهو لما انت تبطل تكون زول منفسن اطلب مني كدة طيب؟قال لي اللبن ظابط شديد والزلابيهه ارهب، قلته لي اي اي بس م تتعود ها+وبعدين انت دخلته الجامعه كيف وجيت متين وليه م اتصلته علي؟ سكتت مسافهه قال لي انا هنا من 8 ي شهد اتفاجأتهع بي انو محاضرتك 12، قلته ليهو بخلعهه بجد

م جادي وم رجعته او اتصلته ليييييههه؟قال لي لو رجعته حأكسل وكمان ناس البوابه م حيدخلوني تاني ف قلت افضل انتظرك، قلته ليهو طيب فطرتك؟قال لي ايوة الحمدلله، قلته ليهو ودخلوك كيف؟قال لي دي تقنيات خاصه قلته ليهو بالله؟ واستخدمتهه التقنيات دي عشاني؟قال لي ايوااااان عندي كم شهد انا في الدنيا عشان م استخدمها عشانها؟قلته ليهو امممممممم صدقتك

قال لي لازم اطلع بعد كدة، قلته ليهو وين؟قال لي عايز امر على الشركه كدة و..قلته ليهو امممم ماهر بالجد لو م فطرته خلينا نمشي نفطر في اي مكان حتى لو م بتحب اكل كافتريات الجامعه نطلع نشوف لينا اي مطعم هنا في شارع النيل نفطر ونرجع م تخليني اشيل ذنبك ساي، قال لي لا بالجد ي شهد م عايز بس انتي م فطرتي برضو صح؟ارح نفطر طيب، قلته ليهو لا انا اصلاً م نفسي بس عشانك انت، قال لي وانا كمان م نفسي، قلته ليهو طيب مع نفسك

عاين لي وهو ساكت وابتسم، جاتو مكالمه قال الوو؟ايوة، طيب تمام، اوكيهه، يلا سلام، بعد م قفل الخط قلته ليهو حتمشي؟قال لي ايوة، وقف على حيلو وبقى يرتب في ملابسو، مشى على خالتو طلع قروش اداها ليهو مشيت بسرعه قلته ليهو لييييهه دفعته؟عاين لي وهو ساكت، خالتو رجعت ليهو باقي قال ليها خليهم معاك يديك العافيه، قالت ليهو تسلم ي ولدي، قلته ليهو ع فكرة انا العازماك، قال لي م مشكله المرة الجايه، قام ماشي قلتهه ليهو دقيقهه امشي معاك اصلاً انا خلصتهه شلته شنطتي ومشيت معاهو، طلعته معاهو لي برة الجامعه جمب عربيتو قال لي يلا ي ستي، عاينته ليهو في وشو مسااافه كان باين عليهو الإرهاق والتعب كسر خاطري

بعد مسااافه قال لي مالكك؟ قلته ليهو في بتاع هنا واشرته على وشو، قال لي شنو؟قلته ليهو دقيقهه، طلعته منديل من شنطتي قلته ليهو هاك، مدة يدو قلته ليهو دقيقه كان في سكر في لحيتو مسحتو ليهو رجع لي ورا وشال المنديل، قلته ليهو لو قلته ليك م حتعرف علشان كدة، قال لي نحن في شارع عيب، قلته ليهو طيب

قال لي طيب يلا، قلته ليهو اممممممم اتبسطتهه بجيتكك ع فكرة، اتلفت علي وسكتت مساااافهه وقال لي وانا فقدتك شديد بالجد ي شهد وفرقتي معي و مدة لي يدو وقال لي جيبي تلفونك، عاينته ليهو بإستغراب قال لي جيبيهو ممكن؟!طلعتو اديتو ليهو قال لي افتحي النمط، فتحتو دخل الواتسب رفع الحظر، ودخل المكالمات رفع الحظر منها وقال لي شايفهه وصلتيني لمرحلهه من التطفل كيف؟

مسكني التلفون وهو ماسك يدي وقال لي ي ريت تاني لو حصل اي نقاش بينا او سؤ تفاهم م تتبعي اسلوب الحظر دة لانو م حل +حتى في اشدة خلافاتنا م مفروض نقسى على بعض صح ي شهد؟دخل يديهو في جيوبو وسكت مساااافهه وقال لي اسي انا هنا لانو انتي م هُنتي علي ابدا...ً إقتباسههوجودك قربي دائما عند إحتياجي لك بنى لك داخليوطن لا يهدمه عتاب ولا بعدوجودها حولي، طفولة طبعها، احساسها، وصدقهاحتى عنادها، ورغم ازعاجها يخلق لي املا يضيئ حياتي، يغير وجهاتي يترتب نبض قلبي، تهدا الحياة حولي، يتلاشى كل ضيق يتسع لي الكون من صوتها

Shiraz Osman

...