الفصل الأول

الو؟؟ممكن اشوفك؟شهد؟؟؟الله يخليك 5 دقايق بس، شهد عارفه الساعه كم انتي؟ايوة عارفه بس عايزة اشوفك ضروري اسي، طيب ممكن بس تفهميني مالك يعني خير إن شاءالله؟لما تجي بحكي ليك كل شي!، ي شهد م تخوفيني قولي لي مالك حاصل معاكم شي؟لا بس لما تجي بحكي ليك، لا احكي لي اسي طيب في زول من ناس البيت حاصل ليهو شي؟خالتي سوسن كويسه؟ياخي م حاصل لينا شي نحن كويسين بس انا حابه اشوفك اسي اسي بس، طيب ي شهد بس الزمن إتأخر شديد الساعه ماشه لي 1 صباحاً وبعدين الجو بارد شديد ياخي وحتتكم دي بعيدة خليهو بكره طالما ماف شي ضروري

قلته ليهو بنبرة حادة وانت عرفته من وين انو ماف شي ضروري؟لو ماف شي ضروري م حأتصل عليك زي الزمن دهه، طيب قولي لي في شنو انتي عشان افهم؟!عاين من الاخر حتجي ولا لأ؟ي إلهي شهد الله يخليك بطلي قوة الراس الفيك دي وفهميني مالك؟م هو لو بتقال بالتلفون كنت حكيت بس م ينفع ابداً عاين من الاخر قولي لي حتجي ولا لأ؟علشان لو م حتجي اكسر الحنك ولا حتى بكره زاتو م تجي وحتى لو جيت م حأطلع اشوفك ي اما اليوم ي إما اكسر الحنك بس

قال لي ي بتي بسم الله مالك خوفتيني والله، طيب جاي عليك نص ساعه بالكتير كدة بكون معاك!!! قفلته منو الخط مشيت شربته مويه جيت ماشه على غرفتي لاقيت امي قالت لي شهد مالك مساهرة للزمن دة ي بت؟؟؟اوعى تقولي لي منتظرة سجم الرماد منذر عشان تفتحي ليهو الباب؟مش قلته ليك م تساهري تنتظريهو تاني؟؟ قلته ليها لالا م منتظراهو ولا شي ي امي عطشتهه بس ف جيت اشرب مويه وبس، قالت لي انا زاتي عطشانه والليله نسيت ابلع حبوبي عشان كدة مقلقه م قادرة انوم عديل كدة، قلته ليها ي امي انا قبيل مش زكرتك بيها الحبوب دي؟قالت لي اي اسي بمشي ببلعها وارجع انوم، بعد م امي مشت على المطبخ قلته لنفسي"ي ربي امي دي اسي المصحيها شنو للزمن دهه؟م حأقدر اطلع كدة لو قعدت صاحيه كدة لغايه م ماهر جا حأقول ليها شنو؟امي جات راجعه لقتني لسه واقفه قالت لي منتظرة شنو ي بت؟قلته ليها ام منتظراك عشان ازكرك تبلعي الحبه وم تنومي وتنسيها، قالت لي اي ماشه ابلعها اسي شايله كبايتي في يدي انتي امشي نومي، مشيت دخلته غرفتي وفضلته واقفه جمب الباب وبراقب فيها لغايه م دخلت غرفتها وقفلت الباب بعدها سألته نفسي"انا ليهه خايفهه إنو امي تعرف إني ماشه اشوفو؟رغم إنو م حصل دسيت منها ابدا، وابداًً هي م حتمنعني اطلع اشوف ماهر حتى لو الساعه خشلميه بالليل

بعد فترة م طويله جاتني مكالمه فتحته الخط الو؟قال لي انا جمب بيتكم اطلعي، قلته ليهو طيب تمام، قال لي واسمعي ي سجم الرماد اللبسي حاجه تقيله لأنو برة الجو بارد شديد لمن غلط...قلته ليهو طيب م تقيف قصاد بيتنا خليك بعيد شويه جمب الميدان انا بجي عليك، قال ي شهد الدنيا ليل في شنو مالك انتي خليني اجي جمب بيتكم ميدان شنو البقيف ليك جمبو؟قلته ليهو لا جمب ببتنا م تقيف لانو منذر لسه م جا ولو جا لقاك واقف زي الزمن دة قدام البيت ممكن يقوم الدنيا وم يقعدها باقي الليل دة، قال لي طيب م يجي هو نحن حنعمل شنو غلط يعني م فهمت؟

ولا اقول ليك احسن نخلص كلامنا في العربيه اصلاً الجو باردقلته ليهو لالا ياخي اصلاً الميدان م بعيد كلو خطوتين من البيت اسمع ياخ خلاص انا جايه عليك خليك معي في الخط، طلعته وانا لابسه التوب وشايله نعالي في يدي وبتسحب براحه وخطوة خطوة علشان ماف زول يشوفني او يحس بي حتى توبي شايلاه في يدي وم لابساه كويس، فتحته الباب ومشيت على إتجاه الميدان شايفه عربيه بيضاء واقفه عرفتو دة هو والدنيا كانت ضلام شديد بس في عمود واحد في الحله منور بإتجاهو، وصلتو قال لي شهد خير إن شاءالله ي زوله في شنوو إنتي كويسه؟قلته ليهو بصوت مبحوح كيفك؟قال لي خليك من كيفي إنتي مالك؟كنت شايله كيس كبيير في يدي قلته ليهو ماف شي بس عندي هديه كان لازم اوصلها ليك اليوم، قال لي هديه؟هديه شنو؟قلته ليهو إتفضل دي هديهه عرسك م تفتحها الا لما تصل البيت ماشي؟قال لي شهد م جادة إنتي؟؟؟قلته ليهو في شنوو؟قال لي اسي انتي مقوماني من نص قعدتي مع اصحابي وجايباني المسافه دي كلها والساعه ماشه ل 2 صباحاً وطالعه في البرد دة عشان هديه؟مجنونه انتي ي بت الناس مجنونه؟؟قلته ليهو م بكرة م حألقى طريقه اديك ليها لأنك حتكون كل اليوم مشغول مع العقد وموال العرس وغيرو علشان كدة، قال لي حتى ولو ي شهد كان ممكن اخلي اي زول يجي يستلمهم بس تطلعي زي الزمن دة من البيت وفي البرد دة وعلشان شنو؟سكتت مسافهه بعدها قلته ليهو بإنفعال علشان شنو؟اها طيب عارفه إنها يمكن م بتعني ليك شي وم زي الهدايا البتجيك والحتجيك بس انا جبتها ليك وعادي ممكن اسي ترميها في اقرب محل زبالهه يلقاك من غير م تشوفها حتى، واسفه لاني ازعجتك واخدتهه من زمنك ي سيدي معليش بجد، بعدها حسيت صوتي بقى مبحوح وبقيا م قادرة اتكلم ودموعي جات جاريه، قال لي ي بت؟شنو بتعني ليك وم بتعني ليك بطلي حركاتك البتعملي فيها دي حاجه جبتيها انتي اكيد بتعني لي حتى لو كان كيس نايلون فاضي بطلي عوارة ياخي ها بديك كدة اسي في راسك الصغير دة، انا بس شايف طلعتك من البيت زي الزمن دة غلط واي زول مكاني حيقول ليك نفس الشي يعني انتي كان قدامك الصباح والنهار والعصر لغايه المغرب وبعدو كنتي بتعملي في شنو ليه م اتصلتي؟وامس مش كنتي معي في الحنه ليه م جبتيها وزياد وصلك لغايه البيت ليه م اديتيها ليهو؟م ممكن تتصلي علي الساع 12 وتختيني امام الامر الواقع وتزعلي، وبعدين بتبكي مالك م فهمت؟"طبعاً بتكلم معي بنبرة حادة"سكتت وم رديت عليهو!!شال الكيس ختاهو في العربيه قال لي اركبي ارجعك، قلته ليهو ممكن سؤال؟قال لي قولي، سكتته مسافه حتى قلته ليهو حتتغير مني بعد م تتزوج صح؟م حتتكلم معي كل يوم وم حأقدر اتصل عليك وقت م انا عايزة، وم حتكون زي زمان ابداً صح؟طبعاً بتكلم وحلقي مقفول بالبكى، ضحكك مسافهه، قال لي شهد مالك إنتي في شنو بالجد؟فجأة جاتو مكالمه طلع تلفونو عاين فيهو مسافه كنصصل المكالمه ورمى التلفون في العربيه، قرب مني وخته يديهو الاتنين في وشي وقال لي ي بت ي هبله انتي صحبتي وفردتي واختي وبتي الهبلهه واخوي اي اخوي

وكل شي ياخي في زول بتغير على كل شي في حياتو؟؟وبعدين بتبكي مالك خايفه علي من العرس؟يعني عاجباك حالتي وانا سنقل ومتمرمط كدة اه ي حاقدة من غير م احس إترميت في حضنو وبقيت اقول ليهو ماهر الله يخليك م تتغير بعد العرس، وم تبعد مني الله يخليك انت بالذات م ينفع تتغير لأنو انا م عندي غيرك اللجأ ليهو في كل شي

طبعاً هو احساس الزول المصدوم وم فاهم حاجه "يعني معقوله شهد يطلع منها تصرف زي دة؟"بعد مسافهه قال لي بصوت خافض إحم اهدي كدة فهميني في شنو مالك إنتي؟فضلت ببكي وانا ساكته ولسه ماسكه فيهو، لفه يديهو حوالي وقال لي ياهبلهه بتكلم معاك انا انتي مالك محسساني إنو بالعرسه دي انا مرتكب جريمه كبيرة؟العرس دة خليهو اخليهو؟ لو عايزاني اخليهو إنتي تأمري امر مش العرس دة اها كسرته حنكو كلو ولا زعلك وتزاكر شهر العسل نقلبها رحله سياحيه نسافر بيها انا وانتي نقضي ايام زابطهه ونجي راجعين

بعد مسافه رفع لي راسي و قال لي عايني لي هنا ي هبلهه فعلاً انا يمكن وضعي يختلف شويه بعد العرس بس دة م معناه إنو الحاجه دي حتأثر على مكانتك في قلبي ولا حتأثر على علاقتي بيك دي الحاجه العايزك تفهميها انتي فاهمه انو العرس مسؤليه وبسبب حجات كتيرة يمكن الواحد ظروفو م تسمح ليهو انو يكون على تواصل دائم مع كل الحواليهو زي م كان زمان بس انتي عارفه انو الحاجه دي بتكون غصب عنو صح؟فاهمه كدة انتي ي شهد!؟زدته في البكى، قال لي مالك اسي انتي بتبكي؟ انتي غبيهه؟

قلته ليهو من اسي انت اتغيرت لاحظ لي كلامك يعني من الاخر حتفصلها مني بحجهه الظروف، ضحك وقال اسي الشافعهه دي يفهموها كيف؟قلته ليهو انا م شافعهه م تقول علي شافعهه يعني لما اجي اعاتبك على حاجهه حتحصل منك خلاص بقيت شافعهه؟ طبعاً الجو كان بارد والهواء بضرب فينا من كل الاتجاهات ضحكك وقال لي انتي م معاتباني انتي متسبقهه الاحداث ودة تصرف شفع صراحه

قلته ليهو وكمان بتعيدها؟قال لي طيب م شافعه يلا اركبي خليني اوصلك البيت لانو الزمن إتأخر شديد ي شهد وانا وراي نوم عشان بكرة وراي صحيه بدري وجوطه عقد وغداء وحفله وسفر في نفس الوقت انتي براك عارفهه، عايزة يتحرك قلته ليهو طيب قول لي إنك م حتتغير معي ابدا، قالً لي طيب ابشري م حتغير ابداً ي شهد مكانتك حتفضل زي م هي في الحفظ والصون مهما حصل وبطلي بكى الله يخليك ي شهد، فضلته واقفه وببكي لمن بتنهد، قرب مني واخد نفس عميق ورجع يضحكك وقال لي شهد بطلي الهبل البتسوي فيهو دة احلف ليك بشنو انو الفي بالك دهه عمرو م حيحصل ودي أفكار وهميهه في بالك بس م اكتر وليك مني كل جمعه بجيكم في البيت وهعمل ليكم وجع وش اها كيف ليك؟، قلته ليهو بصوت مبحوح ومتنهد حتى البنات بتغيرو على صحباتهم بعد العرس ما بالك انت الراجل، قرب علي ورفع لي راسي وقال لي قلتي "راجل"عمرك لقيتي راجل وعد ليهو بي وعد.وخلف بيهو؟سكتتقال لي شهد انا ماهر م زول غيرو عندك اي شكك في كلامي البقول فيهو دهه؟كان بتكلم معي وهو قريب مني وريحهه السجاير بتاعتو على العطر مخلوطين مع بعض وكانهم متمركزين في مناخري، وفي لحظهه ضعف كدة مني م عارفه الحصل لي شنو بالضبط، كل العارفاه إني قربتهه عليه اكتر ومن غير م احس بروحي لقيت نفسي لافهه يدي حوالين رقبتو ولصقت انفي مع انفو وبقت انفاسنا متضاربهه مع بعض وانا ساكته و بتنفس كأني كنت جاريهه مسافهه طويلهه حتى البرد بقيت م حاسهه بيه في اللحظهه دي، وهو كانو صبت فيهو مطرهه او اتجمد محلو حصلت لحظه صمت غريبهه بينا لا انا قادرة اوعى وابعد منو لا هو قادر يستوعب الحاصل، في اللحظهه دي لو كان حصل منو اي تصرف غلط تجاهي في لحظهه ضعف وإستغلاليهه منو م كنت حأقامو ابدا، بعدً مسافهه قلتهه ليهو بصوت مبحوح"لغايهه اللحظهه دي لسهه عندي الصلاحيهه في اني اقول ليك خلي بالك من نفسك صح؟فضل ساكت وم نطق ولا بكلمه ولا حتى حركه م اتحركها فضلنا على الوضع دهه تقريبا 5 دقايقً بعدها سمعنا صوت نبيح كلب، مع صوت الكلب دهه انا جفلتهه او وعيت لنفسي، اتفكيت منو وانا مخلوعهه عايزة امشي مسكني قال لي بصوت مبحوح وخافت اركبي العربيه، عايزة اتفك منو جراني وفتح الباب ركبني وركب، قادرين تتخيلو معي الموقف الانا ختيت نفسي فيه وصعوبتو؟حرفياً اتمنيت الارض تنشق وتبلعني اللحظه دي، اللحظه الوحيدة الأيقنت فيها قدر شنو الشيطان دة شاطر، اتحرك وهو ساكت وقف قدام البيت قبل م يقيف كويس حتى انا نزلته من العربيهه وجريت دخلته البيت،

دخلته البيت مُنهارهه شديد جريت دخلته غرفتي و قفلتهه باب غُرفتي علي وبقيت بصرخ وببكي وانا واقعه في الأرض وبقول انا خسرتو خلاص، خسرتو للأبد تاني انا كيف عملته كدة وليهه، حيفكر فيني كيف بعد كدة؟ حيقول علي شنو بعد الانا عملتو دة؟ ليهه م ضبطتهه نفسي ومشاعري وخليت اللحظه دي تعدي ليهه بس الله ينعل ابو كدة ياخ ينعل ابوكدةوانا في الحالهه دي فجأة تلفوني ضرب، رفعتو الصدمه كانت انو دهه هو، ابيت ارد، تاني رجع يتصل رميت التلفون بعيد مني

فضل يتصل مكالمات كتيرة لمدة اكتر من نص ساعهه كان بتصل بعدها رسل رسايل فتحته الرسايل لقيتو كاتب لي "انا لسهه واقف جمب بابكم اطلعي عايز اتكلم معاك، قفلته التلفون ورجعتهه رميتو، م تميت 10 دقايق فجأة باب غرفتي دق، رقدتهه في سريري بسرعهه، فجأة الباب فتح سمعته صوت امي بتقول نايمه والله ي ولدي دقيقه اصحيها ليك امي بقت تصحي فيني شهد، ي بت شهد، عملته روحي ميته بس امي فضلت مُصرة تصحي فيني لغايه م فتحته عيوني، قالت لي قومي ماهر دة دايرك في التلفون شوفيهو مالو خير اللهم اجعله خير تعابير وشها كانت تعابير وش زول مقلق ومخلوع، مسكتني التلفون بقيت بعاين ليها وهي واقفه بتعاين لي، قالت لي اتكلمي، ختيت التلفون في اضاني، قلته بصوت مبحوح إحم الو؟قال لي انا لسهه واقف برة منتظرك ممكن تبطلي البتعملي فيهو وتطلعي؟شهد انا م متحرك من محلي دهه مالم تطلعي انا ضروري محتاج اتكلم معاك اسي وفي اللحظهه دي ي شهد ...

...