الفصل الحادي والأربعون
اول م وصلنا البيت سمر كانت لسه منتظرة قلته ليها سمر ماهر جا؟
قالت لي ايوة ودخل الغرفه، مشيت بسرعه فتحته باب الغرفه
ماهر؟؟انت بخير؟في شنو؟ ومشيت وين انت وواقف هنا بتعمل في شنوووو؟
كان واقف قدام الحيطه المعلق عليها الورق والصور وماسك القلم
فضل ساكت وم رد علي
قلته ليهو ماهر انا بتكلم معاك"بنبرة حادة"
زياد قال ليهو ماهر في شنو ي زول مشيت وين انت خوفتنا بطلعتك دي نحن قلنا حاصله حاجه ولا كدة،
ماهر كان مركز في صورة واحدة بس وبعمل ليها دوائر، وكل الصور العليها نفس الشخصيه بعمل الدوائر على الشخصيه دي
منذر قال ليهو ي حبيب خير ان شاءالله؟
هو كان واضح انو في حاله صدمه وقميصو من العرق مبلول رغم انو الجو بارد،
مسكته منو القلم قلته ليه ماهر انت كويس؟
قال لي كنت في المستشفى إيليڤ حاولت تنتحر،
قلته ليهو م جادي لا حول ولا قوة الا بالله وماتت؟
منذر قال لي حاولت تنتحر م قال ليك ماتت م تتجنني فينا خلينا نفهم براحه، كيف اسي هي بخير؟
ماهر قال ليهو الحمدلله تمام،
زياد قال ليهو في اي مستشفى؟وليه م كلمتنا؟
سكتت وهو اصلاً كان بتكلم وإيدو على الدوائر العاملها على وش المرة
بقينا نعاين لبعض
قلته ليهو ماهر في شنو؟ ومالك انت طالما إيليڤ كويسه؟
اتلفت علينا وقال بي نبرة باردة"منذر وزياد تتزكرو عثمان المكانيكي قال انو المرة الخلتو يأجر الشقه عندها شامة في جمبه وشها اليمين؟
منذر قال ليهو اي بتزكر كلامو دة اها مالو؟
رجع اتلفت على الحيطه وقال ليهم عاينو للصورة دي ودي ودي ياها نفس الشامه ونفس كفه الوش
طبعاٌ في اللحظه دي كلنا بقينا مُبحلقين عيونا بإتجاه م هو أشر، زياد قام على حيلو وجا على اتجاه م ماهر واقف وانا جمبو وقال ليهو أم خالد اخوك؟؟؟
طبعاً انا م بعرفها بس شويه إتجمدته في مكاني يعني جواي حاجه بتقول الحمدلله انو الموضوع طلع عكس توقعاتو تجاه امو..
منذر قال ليهو فهمنا حاجه بالتفصيل الحاصل شنو وعرفته كيف؟
ماهر قال لينا الحاصل إنو...الخ
زياد قال ليهو لا حول ولا قوة الا بالله انت جادي؟معقوله؟ اها وحتعمل شنووووو؟
منذر قال ليهو حيعمل شنو يعني؟حيحرك بلاغو ويعمل ليها أمر قبض طوالي
زياد قال ليهو لكن الحاجات دي كُلها استنتاجات ساي ماف دليل ملموس على المرة دي انت فاهمني؟
منذر قال ليهو لكن عندو زول بقدر يشهد ويأكد إنو هي أجرت الشقه بإسمو ودة طرف الخيط البحل الجوطه دي كلها...
ماهر جاتو مكالمه فتح الخط وقال:
اي ي طه، وصلته يعني اجي عليك؟تمام جاي عليك
قال لينا بإستعجال انا طالع ي شباب،
منذر قال ليهو ماشي وين؟
منذر قال ليهو ماشي على طه في القسم اساساً انا جيت عشان اشيل حاجه بس وماشي عليهو
زياد قال ليهو طيب خلينا نمشي معاك
ماهر قال ليهو لا خليكم انا..
منذر قال ليهو ي زول حرم والله م بتمشي براك
طلعو من الغرفه وانا وراهم ماهر دخل غرفتنا حقت النوم، لحقتو لقيتو واقف جمب الدولاب بطلع في حاجه قلته ليهو حأمشي معاكم،
قال لي بي نرفزة لا خليك هنا ماشه تعملي شنوو؟؟؟
قلته ليهو بنبرة حادة كيف يعني ماشه اعمل شنوو؟يعني قصدك تقول انو وجودي وعدمو واحد؟
قال لي انا م قلته كدة م تحوري الموضوع ودة م وقتك ي شهد بالله،
قلته ليهو هو انا متين كان عندي وقت عندك؟متين انت بتتعامل معي بمبالاة اساساً لما يكون عندي وقت عندك؟
إتخطاني وقام طالع من غير م يرد علي قبل م يفتح الباب قلته ليهو بغضب ممكن الاسلوب البتتعامل بيهو مع امك دة م تتعامل بيهو معي ؟؟
اتلفت عاين لي و قال لي مالك انتي كمان دايرة تصدعي بي م ناقصك انا ولا دة وقت يكون عندي ليك اخلاق انا في شنوو؟عايزة تمشي تعملي شنو معي يعني عندك علاقه بالموضوع انتي؟وجودك حيغير شي؟لا طبعاً يبقى ماشه زيادة عدد فعلاً ووجودك وعدمو في قسم الشرطه انصاص الليالي دي وعدمو واحد
النبرة بتاعتي كانت حادة واقرب لي انها مسموعه للبرة
دموعي جات جاريه ولا اتلفت عاين لي حتى طلع وقفل الباب وراه بي رزعه كدة غريبه،
انا بعترف اني يمكن انفعلته شويه وكبرته الموضوع ويمكن دي من الجو والشحنات السلبيه حقت اليومين دي والضغوطات العايشنها بس برضو ماهر اول مرة يتكلم معي بالإسلوب دة م فضل ليهو الا يقول لي لو م عجبك كلامي دة راسك والحيط واحد
❖
ي مشتهى مشتهى انا عبير دي تعبته خلاص انا م خليت شي م سويتو والله العظيم لا دكتور نفع لا مهدئات نفعت لا مُنومات نفعت ولا شي ي مشتهى انا تعبته خلاص روحي دي مرقت حتى الرقيه الشرعيه العملتها عند ألف شيخ م نفعتني انا دي خلاااص والله فاض بي بقيت م بقدر اتحمل الطلعه من البيت لو عتبته عتبه الباب ساي جسمي دة كأنو فاكين فيهو نمل بعضي فيني بقيت محبوسه في البيت لو روحي دي مرقت ي مشتهى لو ربنا دة شالها وريحني احسن لي من العذاب ده،
والله الهلاويس لسسه في زيادة بقيت كل الوقت ماسكه المصحف وبقرا، سورة البقرة دي في اليوم بقراها اكتر من مرة لو قدرته اخد لي غفوة ساي بغفى وانا ماسكه المصحف وبعد دة بصحى مخلوعه مخلوعه وبشيل الليل لمن الشمس تشرق انا 3 يوم واحيانا 4 يوم عيني دي بتفتش على النوم دة تفتيش ي مشتهى والله بقيت اتكلم براي عديل لو م بتي الشغاله دي والله م عارفه انا البحصل فيني شنو ي مشتهى قولي لي اسوي شنو بعد كدة؟عليك الله قولي لي؟الما ببكيني شنو ي مشتهى الما ببكيني شنو انا تعبانه تعبانهه شديد والله بقيت ادعي ربي يقصر أجلي بدل العذاب دة والله العظيم تلاته ي مشتهى احياناً شوفتي النار؟بحس جسمي دة النار مولعه فيهو عديل كدة بدخل الحمام بفك المويه وفي نفسي وبقعد بالساعات تحتها، شعري دة ي مشتهى شعري بقيت مهما غسلتو اشم فيهو ريحه عفنه ونتنه بطريقه م بتتصوريها قمت عليهو قصيتو م خليت فيهو غير شويه اها قولي لي اسوي شنو تاني؟والله م فضل لي الا اطلع احوم في الشوارع زي المجنونه ي مشتهى انا الفيني كملت كملت والله العظيم، انا انا انا تعبته من العذاب الانا فيهو دة، تعبته بجد...
"أم ماهر"=عبير
❖
امي بعد النقاش الحاد الما ليهو تالت الدار بينا وقفت م بين مصدقه كلامي وم مصدقه وفي لحظه وقعت على طولها، وقعتها دي م هزت فيني شعرة، م حسيت بهلع وخوف ولا أي نوع من انواع الاحساس للأسف الزرعتو امي جوانا إتغلب حتى على الفطرة الإنسانيه، فضلت واقعه على الارض لغايه م جا خالي عزو داخل وفي لحظه هلع وخوف شالها ونده على الدكاترة
❖
الزيني ي حبيب
طه كيفك؟
تمام الحمدلله اها قلته لي الحاصل شنو؟يعني خلاص نشتغل شغلنا؟
قلته ليهو ايوة
طيب نحن حالياً حنعمل اجراءات امر القبض وحننتظر لي بكرة الصباح
لييييه بكرة الصباح؟اسي مالو؟
اهدأ م تستعجل الاجراءات بتاخد وقت، اسي امر القبض بتاع عثمان جاهز حنجيبو اول عشان هو لازم يكون موجود قبل عمتك عشان حنعمل ليهو اختبار كشف الوجه اول م نجيبها، اما عمتك لسه امر القبض بتاعها م طلع الساعه ماشه ل 3 صباحا، ارجعً البيت وتعال الصباح
لا م حأرجع ي طه
زيني!!
لا ي طه انا حاقعد هنا انتظر
م هو انت لو قعدته هنا م حتعمل هنا
زياد: ماهر اسمع الكلام ارجع البيت اخد راحتك
لا ي جماعه انا مُرتاح هنا، انتو امشو خلوني قاعد
منذر: لا م حنمشي نخليك هنا براك ي زول مخك دة كعب ولا شنوو؟
❖
الساعه 9 صباحاٌ في المستشفى...
صحيت على صوت خالي عزو بقول"جيت هنا م لقتكم مشيتو وين انتو خليتو اختك دي براها؟وامك طلعت كيف بحالتها دي؟م كان تسمع كلامها وتسوقها كان تخلينا نعمل ليها الفحوصات ي خالد ي ولدي، اسي هي بقت كيف؟يعني كويسه؟خلاص تمام خليها ترتاح في البيت لكن خلي خالتك تستعجل عشان البت دي براها، انا بقعد معاها لغايه م هي تجي، خلاص يلا...
صباح الخير
صباح النور خالي
اصبحتي كيف الليله احسن؟
اي الحمدلله
عليك الله ي بتي في الدنيا الزايله دي وانتي شافعه كدة البخليك تنتحري شنو؟محتاجه حاجه؟الناقصك شنو قولي لي انا دة م خالك كان كلمتيني البنقصك شنو يعني؟؟امك دي مُقصرة منك في حاجه؟كدة اسي ابموضوع دة خلي ربنا يكتب عافيتك واطلعي من هنا دة بعدين نتفاهم انا وانتي في الموضوع دة
❖
في قسم الشرطه...
ماهر انا شايف انو احسن م تنتظرهم يصلو خلي بعد كدة خلي القانون يشوف شغلو،
زياااااد عليك الله خليني في حالي،
حتعمل شنو يعني؟من امس دة حالك ياخ اسمع الكلام طالما الموضوع وصلتو القانون خليهو للقانون م تبقى لايوق كدة ياخي...
❖
دة اخر القالو ليك جنك؟تفتح فيني بلاغ انا؟ابوك شنو الأنا بقتلو؟خلاص كملته قروشو حتى اتزكرته انو عندك ابو؟
ي مرة هوي احترمي نفسك ووطي صوتك دة عشان الكلام دة خصم عليك
م بحترم نفسي احترم نفسي لشنو؟جايبني من بيتي وانا عيانه عشان مجنون جاي متبلي علي؟ابوك دة م حلى ليك الا اسي؟والله اعمل فيك رد شرف اصبر بس والله كان اعمل فيك رد شرف واغطس حجرك
اتفضلي معانا بدون كواريك وجوطه انتي في قسم احترمي نفسك عشان م أتخذ ضدك إجراءات تندمك على كلامك دة يلاااا انتي فاكرة نفسك متهمة في نقاش عادي بتكوركي كدة؟يلا اتفضلي قدامي يلا وم اسمع صوتك دة تاني...
كنت واقف ومدخل يدي في جيوبي وبتفرج عليها وهي بتجوط وبتكورك وبتهضرب كدة اصلاً دة المتوقع وشي طبيعي جداً في حالتها،
وانا بتكلم مع طه فجأة سمعت صوت بقول لي"بس خلي امي تحصل ليها حاجه وديني وما اعبد ي ماهر البلد دي م بتشيلنا ي...عايز يمد يدو بحق وحقيقة، طه اتلقاهو ومسكو وجراهو بعيد و قال ليهو ي شاب اتفضل اطلع برة
جات خالتو وبقت تتكلم فارغ بألفاظ بذيئه وبدل م خالد يمسكها كان بتجاوز الحدود معاها وحصلت مشاحنات منذر وزياد كانو واقفين في النص في الأخر طه قال بي غضب:
ي حمدان اقفل لي ال 2 ديل بالله سرعه، سرعه اقفلهم لي يلا بلا فوضى
طه جا قال لي بنفاذ صبر: ماهر انت بعد كدة مهمتك انتهت نحن حنعمل اختبار الوجه ل عثمان وحنحجزها عندنا ف انت ارجع البيت بعد كدة،
لا انا عايز انتظر الاختبار دة
ماهر انا زول قانون قبل م اكون صحبك م عندك ثقه فيني؟
عشان ارتاح ي طه
طيب تعال معي،
بعد ربع ساعه..
عثمان العبيد جادالله حسب اقوالك قلته انو في زوله دفعت ليك عشان تأجر الشقه صح؟
عثمان: اي
طيب بتقدر تورينا اي شخصيه من الشخصيات الواقفه قدامك دي هي الدفعت ليك؟ بتقدر تتعرف عليها؟
رفع عينو وبقى يعاين م تم دقيقتين أشر على عمتي
واحد من الضباط المعانا قال ليهو ركزز
عثمان قال ليهو مركز انا حتى عندها شامة هنا وأشر على جمبه وشها اليمين ...
اتكرر ليهو الإختبار كذا مرة مع تغير الشخصيات وكانت إجابتو واحدة..
خلوني اراقب الاختبار دة عن بُعد، كنت متخوف شديد بس الحمدلله عثمان م طلع بتاع لف ودوران، م طلعته من القسم إلا بعد إتأكدته انها حتتحجز..
طه قال لي بعد كدة خليني اشوف شغلي معاها..
قلته ليهو حتعترف؟
ضربني في كتفي وقال لي دة شغلنا بعد كدة عندك شك؟ارجع البيت وارتاح حصل اي شي انا برجع ليك واساساً م حتسمع الا كل خير
❖
بعد م وصلنا البيت قلته لي منذر وزياد: اتفضلو على البيت طيب،
منذر: لا انا ماشي على البيت طوالي والله
قلته ليهم شكراً ي شباب لو حصل اي شي بتصل عليكم امشو اخدو راحتكم بعد كدة م قصرتو
زياد: ماهر م ترجع القسم تاني الله يرضى عليك
م راجع ي زول والله
زياد: هاك مفتاح العربيه خليهو معاك م معروف البحصل شنو انا برجع مع منذر...
طلعته السلالم وانا م حاسي برجولي ومع كل خطوة في عتبه السلم فجأة خطرت على بالي شهد، شهد، شهد...
دقيت الجرس وانا متعمد وساند نفسي على الباب عشان تفتح لي هي، م انتظرته كتير الباب فتح، م قدرته اعاين ليها مرتين من الشحوب العلى وشها، واثق انها م نامت وشالت الليل بكى، رغم ملامحها الفاضحاها حاولت تتصرف بشكل طبيعي قالت لي بي لهفة..
ماهر؟اتصلته عليك كتير م بترد حتى زياد ومنذر م بردو، قلقتوني عليكم اها الحصل شنو؟
قلته ليها نحن تمام وعمتي اتقبضت
قالت لي بجججد؟
قلته ليها مهند كيف؟حأدخل اشوفو، قالت لي مهند تمام وشبه نايم اسي، انت ادخل استحم وارتاح شويه، قلته ليها طيب، دخلته الغرفه وعلى طول دخلته الحمام استحميت جيت طالع لقيتها جايبه لي مويه وعصير وفطور، قالت لي من امس م اكلته حاجه أكل بعداك اخد ليك نومه وارتاح،
دقيقة اطلع ليك ملابس، جات قاطعه قدامي عايزة تمشي على الدولاب مسكتها حضنتها...
❖
اخدني في حضنو وهو ساكت، حسيت إنو حضنو دة كان بمثابه إعتذار منو عن كل الفترة المضت دي كلها، قال لي بنبرة مبحوحه شهد م تزعلي وتاخدي في خاطرك مني، عارفها فترة صعبه وفوق طاقتك بس انا واثق إنها حتعدي معاك مش انتي بتقولي كدة؟
قلته ليهو ماهر انا م زعلانه منك ابداً انا بس..
سكتت
قال لي شهد انا عارف إني شخص لا أُطاق في بعض الأحيان بس أكرميني بي إنك تحاربي معي اخطائي وم تحاربيني عشانها ممكن؟عشان انا محتاجك شديد ي شهد
❖
ماهر بلع حبه مسكن ورقد في رجولي و نام نومة واحدة م صحى منها ابداً كان محموم عديل وزي بهلوس كدة، عملته ليه مكمدات بالمويه الباردة،
تلفونو بالليل ضرب قفلتو وختيتو على جنب ونمت م صحيت الا بصوت جرس الباب بضرب الساعه كانت 6 صباحاً مشيت فتحتو اتفاجأته بي إيليڤ في الباب، طبعاً للحظه وقفته وانا بعاين ليها وبحاول استوعب، شكلها كان متغير شدييد ووشها شاحب، قالت لي ماهر قاعد؟
قلته ليها ايوة اتفضلي،
خطت خطوتين مسكت في الباب م كانت قادرة تمشي او تسند طولها قلته ليها بسم الله مالك مسكتها، قلته ليها تعالي قعدتها في اقرب كرسي،
قلته ليها انتي كويسه؟دقيقه اجيب ليك ح...
قبل م اتم كلامي قالت لي نادي لي ماهر انا عايزاه لو سمحتي، قولي ليه إيليڤ قاعدة منتظراك...
خفت صراحه وحسيتها عايزة تفتعل مشكله مع ماهر علشان امها وكذاا بس قلته ليها طيب مشيت على غرفتنا قلت لو لقيت ماهر نايم اقول ليها نايم بس للأسف لقيتو صحى ودخل الحمام، ناديت عليه وقلته ليهو ماهر إيليڤ جات قاعدة برة قالت عايزاك،
طلع بسرعه قال لي إيليڤ؟لبس فنيلتو وطلع من الغرفه...
❖
الحصل نساني إيليڤ ووضعها حتى نسيت اني ارجع ليها في المستشفى الموضوع طلع من بالي ف اتخلعته لما شهد قالت لي إيليڤ برة، طلعته مستعجل لقيتها قاعدة لساني إتشل م كنت عارف اقول ليها شي،
قالت لي كيفك؟
قلته ليها تمام الحمدلله،
قالت لي وهي بتبكي ماهر انا السمعتو دة صح؟
سكتت
قالت لي بجد امي هي القتلت ابوي؟
فضلته ساكت وانا بعاين ليها وهي بتبكي
قالت لي ماهر انا امي بعرفها بتوقع منها اي شي بس انها تقتل زول عديل دي مستحيله...
بقت تعاين لي مستنيه مني اي جواب وانا ساكت
قالت لي بإنفعال وهي بتبكي ماهر م تسكت ياخي انا طالعه من المستشفى وجايه لغايه عندك هنا عشان اسمع منك جواب امي وخيلاني صح هم القتلو ابوي؟
خيلاني؟الكلمة دي اترددت في عقلي كذا مرة
قلته ليها خيلانك؟منو القال كدة؟
قالت لي خالي عزو كان معي في المستشفى فجأة اتصلت عليهو زينه بت خالتي طلع مستعجل وتاني م رجع وامي وخالد وخالتي تلفوناتهم مقفله، اسي اتصلته على زينه قالت لي كلهم في القسم وهي زاتها بايته حتى خالي المشى يضمن خالد وخالتي اعتقلوه
قلته ليها دقيقة مشيت بسرعه دخلته الغرفه شلته تلفوني لقيتو قافل، استغربته طبعاً لأني مخليه فاتح، فتحتو وجيت طالع بسرعه لقيت تقريباً 10 مكالمات من طه، رجعته اتصلته عليه اثناء م الرقم داخل ..
شهد جات طالعه من المطبخ شايله صينيه، قلته ليها شهد انتي قفلتي تلفوني؟
بقت تعاين لي وهي ساكته
قلته ليها ياااااشهد ياااااااشهد فجأة طه رد وقال لي زيني وين انت ياخ بتصل عليك من امس ..
قلته ليهو طه والله كنت نايم بس الحاصل شنووو؟
قال لي كنت جاي عليك اسي لكن دامك اتصلته كدة اطلع تعال علي انت اسي ضروري
قلته ليهو طيب بس قول لي في شنوووو؟
قال لي لما تجي بحكي ليك
دخلته الغرفه شلته مفتاح العربيه وطلعته بدون م اتفاهم مع زول..
❖
ندهته على ماهر مرة واتنين وتلاته ولا عاين لي حتى، إيليڤ كانت بتبكي وهي ساكته، جات سمر م كانت فاهمة حاجه بس كانت بتعاين لي وبتعاين لي إيليڤ لما اتحسست شويه قالت لي حأدخل لمهند..
إيليڤ جاتها مكالمة ف ردت ب"اي ي زينه طلعوهم؟وماما وخالي عزو؟بعدها قالت بصوت عالي
كيف يعني إعترفت؟تعترف على حاجه هي م عملتها؟طيب دقيقه انا جايه
عايزة تقيف على حيلها اتسندت على الكرسي مسافه حتى رجعت قعدت وهي مغمضه عيونها، قلته ليها خليك م ...
تاني قامت على حيلها م خطت خطوتين وقعت جمب الكرسي..
❖
أول م وصلته القسم ولاقيت طه قلته ليه طه الحصل شنووو؟
قال لي روق تعال كدة،
دخلني غرفه كدة وقفل الباب قال لي
هي م اعترفت في البدايه بس اخوها إعترف
قلته ليهو كيف؟
قال لي دقيقة حأخليك تتفرج، شال ريموت وشغل الشاشه ...
انا م قتلته زول قلته ليك ي سعادتك..
المُحقق : انتي متأكدة إنك م قتلتي؟
اي متاكدة ي سعادتك افهم الولد دة اصلاً مجنون عندو نفسيات وعندو اخو نفس الشي ربنا ابتلاهم كدة م عندي اعتراض في..
طه: جاوبي على قدر السؤال
انا م قتلته دة جوابي
المحقق: اخوك عبدالعزيز قال غير كدة لكن
اخوي؟؟؟اخوي عبدالعزيز الجابو هنا شنو؟
تحبي تشوفي؟
.
.
.
الخ
حضرته تسجيل اعترافها بالكامل وتسجيل اعتراف عزو، عزو؟
طه قال لي
، نحن م عملنا شي كل العملناه استجوبنا اخوها قلنا ليه إنو اُختك إعترفت بالجريمة وقالت انو انت قتلته معاها الزول دة وانت السرقته القروش وبما إنها اعترفت عقوبتها حتتخفف م زيك يعني لو داير تخفف عقوبتك وتساعد القانون عشان تطلع من الاعدام قول الحقيقة، طلع زول جبان شديد وساهل كمان قال لينا انا م قتلته انا ضربتو بس اخوي نور الدين واختي هم القتلوه واساساً نحن كنا متفقين نسرق القروش بس، بعداك رجعنا عملنا معاها نفس الحركه دي حتى بعداك رمت نفسها وقالت انو اخوها عايز يرميها هي سرقت معاهم القروش بس هم الضربوه وطبعاً زي م بقولو إذا اختلف السارقان ظهرت المسروقات
لكن ي زيني اسألك سؤال؟..."لحظه صمت"
قلته ليهو اسأل ي طه!!
سكت مساااافه حتى قال لي عندك عمك اسمو معتصم؟
بقيت اعاين ليه بنظرات إستفهام؟!
سكتت مسافه حتى قال لي م عارف اقولها ليك كيف بس إتضح انو هو شريك رابع في الجريمه، هم خططو يسرقو القروش كلهم مع بعض وعمك دة حسب كلامها كان المدبر الرئيسي للحاجه دي، لحظه الجريمة م كان معاهم في الشقه لكن كان منتظرهم تحت بعربيتو لما عرف إنهم ضربوه وخلو دمو جاري هرب م قعد ...
فجأة رجعته بزاكرتي لي ورا صباحيه قتل ابوي اليوم دة عمي دة كان قاعد معانا في البيت ايوة كان قاعد وبتزكر انو أصر علي امشي معاه النادي عشان عايز يسجل وهو م بعرفو حتى لما وصفته ليهو مكانو بالضبط قال لي م بعرفو انا تمشي معي بس، رغم اني قلته ليه ماشي لي ابوي عشان عايزني اساعدو في شغل قال لي انا بتصل على ابوك وبقول ليهو سايقك معي مشوار وأكد لي انو اتصل عليهو واتكلم معاهو، بتزكر هو قعد يلف ويقول لي داخل لفلان هنا م بتأخر، بتزكر انو لف بي كتير عشان ياخد اكبر زمن ممكن ويضيع اليوم علي واجبرني على انو ندخل مطعم وقعدنا قريب الساعه واكتر فيه، يعني هو اتعمد يشغلني رغم معرفتو بوضع ابوي، اتعمد يشغلني عشان عارف انو ابوي ممكن يكون عايش...
ماهر ماهر ماهر..انتبهته انو ماهر بتكلم معي
قلته ليه ايوه
قال لي انت كويس؟؟
قلته ليه تمام انا
عاين لي بنظرة إنكسار وشفقه مسااافه حتى قال لي
عموماً هم حيمثلو الجريمة بالكامل عمك حسب م عرفنا انو في الإمارات حالياً والمتهم التالت في السعوديه وإن شاءالله حتترسل خطابات للسلطات الفي الدولتين دي وحتتعمل كل الإجراءات اللازمه عشان يترحلو من هناك لي هنا ويتحاكمو ...
غمضته عيوني وقلت استغفر الله العظيم، لا حول ولا قوة الا بالله وطلعته وخليت طه بنادي علي ي ماهر، ماهر...
ركبته العربيه اتصلته على عمي الزيني م رد علي، اتصلته عليه كذا مكالمه م لقيت منو اي رد،
سوقته العربيه وم حسيت بنفسي الا وانا بقول لي واحدة لقيتها قدامي: في زول في البيت؟
قالت لي اي ماما قاعدة
اتجاوزتها ودخلته، بقت تنادي علي وتقول لي هي انت ده انت منو؟بعدها بقت تصرخ وتقول حراااامي ماما حرامي..
صوت امي وهي بتقول ليها في شنو خلاني اتلفت، جات طالعه من المطبخ قالت لي ماهر؟؟؟
قلته ليها سؤال وعايز جوابو انتي كنتي عارفه انو راجلك قتل اخوه صح؟
انتي وعمي الزيني كلكم كنتو عارفين انو هو ليهو يد في موت ابوي عشان كدة اتسترو عليهو وقفلتو القضيه،
قالت لي ماهر انت جنيت دة شنو البتقول فيهو دة؟
قلته ليها وبعد تسترك عليهو اتزوجتيهو، وخليتيهو يعيشنا كل العشناهو دة،
قالت لي انت جنيت رسمي خلاص بعد كدة..
كان في جمبي فاظه شوتها رميتها وقلته ليها مجنون اسألي نفسك الجنني منو؟انتي وعمايلك،
عمرك كلو في نفس الضلال والسكات والتستر دة
اتسترتي على جريمة كامله و
وكنتي عايزة تعملي في مهند نفسي الشي وتخليهو يموت بالمنشطات الباخدها وانا اصلاً جننتيني يعني عايزة تعملي فينا شنو اكتر من كدة؟؟
قالت لي ماهر اتفضل اطلع برة يلا، اطلع من البيت دة وم تجيني تاني ولا تحسبني امك اساساً وكان مته الموت الكامل دة م تشيل فيني فاتحه يلا برة وحسبي الله ونعم الوكيل فيك يلا بره
نظرتي ليها وانا طالع كانت كلها نظرة إنكسار وحقد، اول م طلعته اتصلته على طه فتح الخط..
قلته ليه ي طه عايز افتح بلاغ في 2 برضو اتسترو على موضوع قتل ابوي وهم السبب في انو القضيه دي تتقفل كل السنين دي...
❖
انا م مصدوم في عمك معتصم لأنو شكوكي تجاهو طلعت صح لكن دقيقة ي ماهر نفهم كيف يعني عزو شريك مع عمتك وعمك في الجريمة؟
عزو الواحد الشغال معانا في الشركه؟
ماهر: زياد...
زياد: لا فهمني علاقه عزو بي عمتك شنو وشن جاب لجاب؟
ماهر: عزو اخوها ي زياد اخوها !!
قلته ليهم وااااااي لأ م بصدق لأ م بصدق مستحيل!!! كيف يعني اخوها؟عزو الواحد الشغال معاكم في الشركه ؟؟
لحظه صمت
ماهر خاتي يديهو في راسو وبعاين للأرض
زياد: اخوها؟كيف يعني اخوها؟
ماهر قال لينا زي م سامعين،
زياد: م حصل قلته لي انو عزو عندو علاقه بي عمتك لا من قريب ولا من بعيد، اخيراً فهمته لا حول ولا قوة الا بالله الناس دي لعبت بينا سياسه ي ماهر، كل شي إتعمل في الشركه كان مع سبق الإصرار، الخسارة، الشيكات، الديون كل شي اتعمل عشان في الأخير يجبروك تخلي الشركه وفعلاً دة الحصل، يعني م اكتفو بي انهم قتلو ابوك لأ و...
زياد كفى م تجيب لي سيرة اي شي في الوقت دة،
❖
ماهر كان واضح انو متأزم وشديد كمان لدرجه انو م قادر يتكلم ولا ياخد ويدي مع اي زول ولا حتى يتناقش، قادرة اتفهم وضعو، بس خايفه عليهو الفترة دي بالنسبه لوضعو تُعتبر كارثيه شديد خايفه التماسك الهو بيدعيه دة يجي عليه بصورة عكسيه وينهار
إيليڤ قدر م حاولته اقنعها علشان تقعد وترتاح رفضت، اتجبرته اطلب ليها ترحال وانزلها مع سمر،
قعدته محتارة وبفكر يعني ابو ماهر دة كل الناس م بتطراه الا بالخير ليييه حياة يتزوج نسوان يخلو حياة اولادو تعيسه كدة؟لييييهه بس؟!معقوله م عندو حِكمة في الإختيار ولا مشكلتو شنو بالضبط؟؟بالضبط؟؟
❖
بعد يومين...
سؤال رُد عليه ي عمي انت كنت عارف انو اخوك معتصم ليهو يد في مقتل ابوي ابوي ولا لأ؟
ي ماهر لا إله الا الله
رد علي ي عمي انا سألتك سؤال محدد كنت عارف ولا لأ؟وليييه قفلته القضيه وم خليت القانون ياخد مجراه؟
م تسكت ي عمي على ما اعتقد انت م قاطع تزكرة من الإمارات لغايه السودان هنا عشان تسكت صح؟
م عارف اقول ليك شنو،
معناها كلامي صح، كلامي صح ي عمي
ماهر كان في اقصى درجات عصبيتو وبتكلم مع عمو بي نبرة انا عمري م شوفتو بتكلم بيها مع زول ولما قال ليهو جُمله" معناها كلامي صح ي عمي "دي شال الريموت وضرب بيهو التربيزة، اخر حاجه كنت اتوقعها انو ماهر يتكلم مع عمو بالنبرة دي،
جيت قلته ليهو ماهر اهدأ دة شنو البتعمل فيهو دة؟
قال لي ما تدخلي انتي ي شهد، ما تدخلي لي ابداً فهمتي؟
عمو عاين لي وغمض لي عيونو نظام خليهو وكدة،
عمو قال ليهو يشهد الله ي ولدي واعدم.اولادي وانا مستعد احلف ليك مصحف وانت عارفني زول عديل وم بحب اللف والدوران انا م عارف بس حسب كلام الضباط قالو لينا انو الجريمة دي مُخطط ليها لأنو الحراميه كانو عارفين انو البيت فيهو قروش وكانو مركزين في استجوابنا نحن في محيط الاسرة حتى لما خلاص اخلاقي ضاقت من كترة استجواباتهم سألتهم الحاصل شنو بالضبط؟قالو لي حسب الاستنتاج احتمال كبير القاتل يكون منكم وفيكم وفي واحد ضابط معرفه هو الإقترح علي انو احسن نقفلها على كدة، بس م بقدر اكضب واقول ليك إني م كنت شاكي في معتصم..
وعشان كدة قفلتها صح؟قفلتها عشان م شاكي بس لأ كنت متأكد ي عمي
لأ مجرد شكوك م بتودي ولا بتجيب
طيب ليييه م حاولته تتأكد من شكوكك دي وتخلي القانون ياخد مجراه ي عمي ليهه؟؟ الواقع بقول انو انت غطيت على اخوك واتسترته على جريمة ي عمي اتسترته على جريمة مستغرب انا ضميرك م أنبك ابدا؟...ً
ماهر خلى عمو قاعد وطلع، لما عرفتو طلع جيت لقيتو خاتي يدو في راسو،
وقفت مسااافه حتى قلته ليهو عمو؟؟!
رفع راسو عيونو كانت زي الشرار قال لي ي بتي عليك الله كدة اعملي لي محلول سكر، قلته ليهو طيب،
مشيت بسرعه عملته ليه محلول سكر وجيت شربو
قلته ليهو ماهر شويه كدة مع الضغوطات نبرتو حادة ومتعصب لكن..
قاطعني وقال لي حق الله حقو ي بتي م منو من العليه ماهر انا ربيتو بيدي عارف انو دة م اسلوبو ابداً من العليهو ي بتي من العليهو انا اقوم امشي...
قلته ليهو اقعد ارتاح شويه،
قال لي لازم امشي،
عدت الأيام وكل يوم بمر أسوأ من التاني، وماهر حالتو شبه بدت تتراجع ووضعو ماشي يتدهور، م بتكلم معي حتى لو حاولته وم بشوفو كتير بنتظرو من ليل لي ليل، زياد كان بطمني عليهو وبقول لي طول الليل بلعب كورة في الخماسيات م تخافي عليهو انا ومنذر معاه.
❖
اول جلسه في المحكمة اتحددت كانت بعد شهر كنت حاسي الزمن واقف والحياة دي واقفه، كأنو انا عايش وبتنفس والاوكسجين الباخدو دة باخدو بالسيسي، اوقات كتيرة بكون نايم بصحى بكتمة نفس بسببها بطلع نص الليل بنزل الشارع عشان اقدر اتنفس،
تخيل فجأة تكتشف انك عايش في وهم وصورة البني ادم الوحيد الإنت معتبرو مكسب في حياتك تهتز في نظرك، بس دة حالي مع عمي الزيني، تقريباً هو البني ادم الوحيد الإحتواني بعد وفاة ابوي وكان بحاول ينتشلني من الأنا فيهو واسي نفس الإيد الكانت بتحاول تنتشلني دي رمتني في الهاويه
❖
الووو؟
شهد؟
ايوة وعليكم السلام
معاك عمتك مشتهى مرة الزيني عم ماهر
ايوااا اهلين ي عمتو كيفك؟
تمام الحمدلله بتصل على ماهر م برد على تلفونو هو موجود في البيت؟
لا والله م موجود
قالت لي اهااااا
قلته ليها خير ان شاءالله؟
قالت لي والله ي بتي عايزة اقول ليهو انو امو دي جبناها تعبانه في المستشفى
قلته ليها كيف؟مالها وفي اي مستشفى ومتين؟
قالت لي من امس بالليل في مستشفى ال..
قلته ليها طيب جايه عليكم انا
فصلته منها اتصلته على ماهر م برد اتصلته على زياد اول م فتح الخط
زياد ماهر معاك؟
قال لي لا مالك في شنوو؟
قلته ليهو امو في المستشفى وم لامين فيهو
قال لي اي مستشفى ومالها كمان؟
قلته ليهو م عارفه انا ماشه على المستشفى اسي،
بتزكر م كان عندي ولا جنيه في يدي اللحظه دي، اتصلته على سمر سألتها اذا معاها قروش قالت لي م معي لكن بتصرف ليك عايزة كم؟
قلته ليها اي شي بس ضروري طالعه بيها م عندي قروش وام ماهر في المستشفى م عارفه امشي ليها كيف
قالت لي تمام جاياك
م عدت كم دقيقة جات جابت لي 700 جنيه،
قلته ليها جبتيها من وين؟
قالت لي عندي صندوق ماسكاه م تركزي قضي بيها غرضك وبعدين يحلها الف حلال
طلعته مشيت المستشفى لقيت عمتو مشتهى وعمو الزيني واقفين، سلمته عليهم قلته ليهم كيفها اسي؟ومالها؟
قالو لي الحمدلله احسن عندها مصران عصبي قام عليها واظن رماها بعدها جا زياد، قلته ليهو ماهر وين؟
حاول يتهرب من السؤال لما ضغطته عليهو وقلته ليهو عارف ورفض يجي صح؟
قال لي اتكلمته معاه بس م سمع الكلام ي شهد
المساء لما رجعته البيت انتظرتو لمن جا، جيت اتكلم معاه واعقب عليه اختصرني وقال لي: م تكتري مش انتي مشيتي؟خلاص لحدي هنا وطلع مشى
انا عمري م شوفته قسوة زي القسوة الفي قلب ماهر دي، معقوله دة ماهر نفسو البكون معي حنين داك؟اذا في دعاء مفروض ادعيهو هو اني ادعي انو ربنا م يقسي قلبو علي ويخليني اشوف القسوة دي في يوم والله ممكن اموت
بقيت امشي المستشفى يومي وهي م بعيدة من ناس امي، وانا م كان معي قروش وم بقدر اقول لي ماهر عايزة قروش في وضع زي دة وانا عارفه انو ما شغال ولا بقدر اشيل منو البطاقه، اتصلته على امي قلته ليها ي امي بطاقه البنك رايحه مني وم قادرة امشي البنك الفترة دي واعمل إجراءات ف محتاجه قروش، قالت لي عايزة كم اجيبهم ليك
كنت خجلانه وخجلانه شديد لأني امي دي لما كنت قاعدة معاها في البيت بخجل اشيل منها قروش ما بالكم لمن اكون في بيتي، ولا كنت عايزاها تفتكر انو ماهر محوجني لي شي او مقصر مني بس مجبورة م عايزة امشي المستشفى ويدي فاضيه، وماهر لو عرف اكيد م حيرضى، وفعلاً جات هي بذات نفسها جابتهم لي لما لاحظت اني مُتحسسه وببرر ليها قالت لي م اديتهم منذر لي منذر عشان كدة ولا كلمتو م تبرري انا وانتي واحد، العربيه بتاعتك زاتها انا م قاعدة اسوقها كتير ولا شغاله بيها قلت احسن أأجرها وبقيت أأجرها وقروشها استفيدي منها واعملي ليك بيها دهب احسن الدنيا م معروفه اليوم الاسود بجي فهمتي؟؟...
❖
لالا اصبر بس والله يطلعو منها زي الشعرة من العجينه ومن اول جلسه كمان، دليلهم شنو؟مش الهلفوت الجايبنو دة؟م بشهد ليهم ولا اي شي اصبر بس
عليك الله ي خالتي بدل تسافري للشيوخ والكلام الفارغ خلينا نشوف لينا محامين ينجضو لينا القضيه دي م تسمعي لي كلام امي دي
ي ولد انت شوف المحامين وخليني انا اسافر سفرتي دي اصلاً انا اتكلمته معاه زي م قالت امك قال لي اركبي تعالي طوالي وم بتجيهم عوجه، ي ولد الزول الأنا ماشه ليهو دة امك معاهو من حفرو البحر م حصل عمل ليها شي وجلا، ياخ انا بعرف زول بسافر وبلاقوهم قُطاع طرق بضربوهم رصاص وبنهبوهو، نصحتو بالزول دة وحات اسم الله اداهو حاجه الزول دة قال لي الرصاص البضربوني ليهو انا بقيت بحتو كدة من ملابسي وشي م بجيني، اسي لما حكيت ليهو موضوع امك دة قال لي اختك دي زولتي ومعرفه قديمة تعالي طوالي وشوفي كان م طلعت منها
بالصدفه سمعته خالتي بتقول الكلام دة لي خالد، كنت م مصدقه ابداً موال انو امي قتلت ابوي دة حتى بعد معرفتي بإعترافها قلت اكيد اعترفت تحت ضغط وتخويف بس، اي نعم هي سيئة واي شي بس م لدرجه إنها تقتل ابوي او اي زول تاني بس بعد م سمعته كلام خالتي دة ايقنته تماماً انو فعلاً انو امي وخيلاني عملو كدة وإلا م كاانو لجأو للشيوخ وانا واثقهةانو امي لو صح م حتعمل كدة اصلاً هي بتلجأ ليهم الا عشان تكون عايزة تأذي او عايزة تعمل شي غلط، أسوأ شي في الحياة ممكن يحصل ليك انو تترمي في اسرة زي دي، الناس دي اعتمادها على الشياطين والفُقرة اكتر من اعتمادها على ربنا ودة إن دل بدل على انو الانسان دة م نضيف، انسان م عندو يقين ودة براهو سبب كافي بي انو يحولك لي زول عبد للشيطان، والمشكله خالد اخوي معمول لي غسيل مخ رسمي ومصدق انو امي م قتلت ولا شي، م قله إيمان في ربنا وقدراتو لكن انا واثقه انو امي ياما دمرت ناس وصنعت المجد بالزول الاسي ماشه ليهو خالتي دة، لأنو دة من عبدة الشياطين يعني م بشتغل اي شغل واذا خالتي فعلاً وصلتو يبقى امي استغفر الله العظيم حتطلع منها زي الشعرة من العجين...
بعد مرور اسبوع
السلام عليكم شهد
إيليڤ اهلين وعليكم السلام اتفضلي،
براك ولا ماهر موجود؟
ايوة براي اتفضلي ادخلي
جيه إيليڤ كانت مفاجأة واستغربته شديد لأني حاساها م منطقيه خصوصاً انها سألت من وجود ماهر كأنها حابه تتأكد من عدم وجودو قلته لنفسي ي ربي عايزاني اقول لي ماهر يتخلى عن القضيه ويقفلها؟وشها كان شاحب وحزين بشكل مُرهق للنظر
قلته ليها اتفضلي بعد م قعدت عايزة امشي على المطبخ قالت لي لأ تعالي تعالي م عايزة شي انا عايزاك في كلمتين ضروري بس
هنا انا قلبي عمل شحح
قلته ليها خير؟
قالت لي اقعدي كدة،
قعدت قلته ليها خير؟
سكتت مسافه وهي بتعاين لي يديها وانا بعاين ليها ودموعها جاريه
قلته ليها إيليڤ ؟؟؟!
مسحت دموعها قالت لي عايني انا م عارفه اذا حتفهميني او تصدقيني او لأ بس انا حأقول ليك العندي
قلته ليها احكي طيب؟
قالت لي حصل لقيتي ليك زول بقيف ضد امو؟
هزيت ليها راسي بمعنى لأ،
قالت لي في حالتي دي اكيد انا مفروض اكون مع طلعه امي من السجن وم تتعاقب
بقيت ساكته وبعاين ليها، سكتت ومسحت دموعها الما عايزة تقيف، اخدت نفس عميق وقالت لي
قالت لي عايني انا امي دي بتاعت فُقرة تمام؟
قلته ليها فُقرة؟
قالت لي يعني شيوخ بعملو سحر والطلاسم دي للناس وبيأذوهم، وامي ياما أذت ناس بواسطه الناس دي اصلاً هي حياتها كلها ممشياها بالناس دي،
في قلبي قلته دي شنو السذاجه دي؟
كملت كلامها ب"واسي خالتي مسافرة عشان تعمل حاجه تخليهم يطلعو من القضيه دي كلها زي الشعرة من العجين انا عارفه انو م منطقي وم بتصدق وخيالي بالنسبه ليك ويمكن تكوني م مقتنعه بالحجات دي بس صدقيني ي شهد خالتي لو سافرت وجات راجعه م بس امي وخيلاني حيطلعو من القضيه دي وكمان ماهر م حيسلم لأنهم ماشسن اساساً عشان يعملو ليهو شي ويمكن يجننوهو ويخلوهو يلقط اكياس من الشارع زي م عملو في امو
اموو؟؟
بقيت اعاين ليها وانا راسي كلو استفهامات
لساني حسيتو تقيل وبقيت اطلع الكلام حرف حرف، قلته ليها
ك ك كيف يعني عملو في امو؟
سكتت
قلته ليها إيليڤ؟؟؟
قالت لي أمي عملت لي ام ماهر شي بكتبوه عشان يجننو بيهو الناس ويشتتوهم سحر إسمو سُفلي، والكلام دة م من الليله ولا من امبارح من اول م ابوي اتزوج ام ماهر، يعني قبل م يتزوجها هي زاتها وقبل م نحن نجي حتى، ، عملت ليها السحر دة حتى إتزوجت ابوي، انا م حصل شُفته ام ماهر لكن حسب م بسمع عنها من امي إنها عامله زي المجنونه و...
فجأة جرس الباب ضرب اتخلعت ووقفت على حيلها قالت لي دة ماهر؟
قلته ليها م عارفه اقعدي،
قالت لي لا انا ماشه المهم انا جيت اكلمك عشان ...
تاني الجرس ضرب،
قلته ليها دقيقه، مشيت فتحته الباب لقيتها سمر،
قالت لي شهد كيفك؟
قلته ليها تمام اتفضلي جات داخله إيليڤ قالت لي انا امشي
قلته ليها خليك موتمشي ماشه وين؟
قالت لي ماشه اتأخرته انا اساساً،
سمر قالت ليها كيفك؟
إيليڤ قالت ليها الحمدلله وعلى طول مشت على الباب، لحقتها قلته ليها إيليڤ استني شويه ياخي، قالت لي على مشيه لأنو راكان وازاد براهم في البيت يلا مع السلامه وطلعت خلتني متجمدة في مكاني وبحاول استوعب الكلام القالتو دة...
❖
قلبي اكلني شديد من موضوع سفرة خالتي دة وضميري بقى مأنبني، يعني امي دي أذت الناس واسرفت في الحاجه دي وانا خوفي م من طلعتها من القضيه دي خوفي بعد طلوعها، امي م من النوع الضميرو صاحي عشان يأنبو لالا لو ضميرها بأنبها جد كان أنبها وصحى بعد القلتو ليها في المستشفى، ومتأكدة انو خالتي م ماشه عشان تطلعهم من السجن وبس لا هم اكيد حيضاعفو الحاجه لأنو حقدهم تجاه ماهر زاد وحيضروه، وم حيضروه براهو الحاجه دي لو اتعملت لي ماهر حتطول كل الحواليه، علشان كدة م لقيت قدامي غير اني امشي احكي لي شهد بس هل انا قلته الكلام لي زول مؤهل لي انو يستوعبو ويصدقو وم يعتبرو خرافات؟عشان معظم الناس بتفتكر كدة حتى انا كنت بقول كدة بس عمايل امي اقنعتني بس هل شهد حتقتنع بكدة؟؟
❖
صراحه اعتبرته كلام إيليڤ سذاجه وهضربه، حتى وانا راجعه من الباب قلته لنفسي عليك الله شيخ شنو البخلي زول دخل السجن واعترف بجريمتو يطلع من السجن دة شنو الهبل دة؟وهم اكيد يخ، مشيت على سمر، قالت لي دي منووو؟
قلته ليها إيليڤ أخت ماهر
قالت لي ماهر عندو اخت؟م حصل حكيتي لي عنها ساكنه وين و...الخ
م بقدر اكذب انو كلام إيليڤ رغم تكذيبي ليهو انطبع في عقلي، من جواي بقيت اسأل نفسي وارد واقول ياخ اه مستحيل دة كلام م منطقي، بتذكر اليوم دة شلته الليل بتقلب و بفكر والموضوع دة اصلاً م طلع لي من بالي، شلته اللابتوب وفتحته الايميل عشان اشوف لو في شغل اشتغل واشغل بالي بس برضو لقيت نفسي م قادرة اركز ابدا، وماهرً م جا، بلعته لي حبه مسكن بدون اي مناسبه او الم، صحيت بدري لقيت ماهر نايم جمبي، بقيت اعاين ليهو ولملامح وشو الملانه الحزن وهموم حتى في النوم متضايق ومهمو وحواجبو داخله في بعض ولحيتو بقت كتيرة وعندو عرق في نص جبهتو م بظهر الا لما يكون متضايق ووشو هزيل وضعف، قلبي وجعني وانا بعاين ليه كدة يعني بس لو يقعد ويفضفض لي هو حاسي بشنو، نفسي يخليني اخفف عنو ويشاركني وجعو بدل م هو طول الوقت جاري ومتهرب مني كدة، بقول لي بكفيني وجودك في حياتي بس انا م عايزة كدة عايزاه يشاركني ويفهمني يعني جد انا حاسه نفسي كأني فاظه في البيت، بشاركني اللحظات السمحه واللحظات السيئه بعيشها براه وللأسف دي ضريبه انك تعرسي ليك راجل كتوم
طلعته نضفته البيت كلو وغسلته عدتي وكان عندي وساخه في السله شلتها عايزة اطلعها برة جمب الباب، لاقيت خالتو نعمة،
قالت لي شهد بتي
قلته ليها اهلين خالتو كيفك؟
قالت لي تمام الحمدلله انتي كيفك ان شاءالله طيبه ي بتي؟
قلته ليها الحمدلله، بطبيعه حالها لما تلقاني بتوقفني وبنتونس في الباب مسافه وتشبكني فلان فعل وفلان ترك م بتخلي لي شي حصل معاها م بتحكي لي، اثناء م هي بتتونس معي فجأة خطر على بالي كلام إيليڤ، وكلمة سُفلي دي لسه كنت واقفه لي وم قادرة اتخطاها،
فجاة لقيت نفسي بقول ليها خالتو عايزة اسالك من حاجه،
قالت لي اها ي بتي قولي،
عاينته في الشقه قلت ماهر يمكن يصحى او كدة، قلته ليها دقيقة جريت باب الشقه شويه وجيت عليها في شقتهم قالت لي ادخلي شكلو سؤال خصوصي، دخلته قعدتني في الهول، قالت لي دقيقة امشي ا...
قلته ليها لا م تتعبي نفسك تعالي،
جات قالت لي اتفضلي ي بتي مالك زي المحتارة الله لا حيرك في الدنيا دي
قلته ليها امممم م عارفه اقول ليك شنوو؟
ضحكت قالت لي مالك سؤال حق بنات صغار يعني؟
هزيت ليها راسي بمعنى لأ،
قالت لي اها شنو؟ هي مرة فضوليه صراحه ههه
قلته ليها اممممم ي خالتو في حاجه اسمها سُفلي؟
قالت لي سُفلي؟ دة شنو؟
قلته ليها اممممم انا زاتي بسأل فيك
قالت لي انتي القالو ليك منو؟
قلته ليها قالتو لي واحدة قالت انو دة نوع من انواع السحر ولا حاجه ك...
قبل م اتم كلامي قالت لي الليله ووووووووووووووووووب لعلها قصدك السُفلي حق الفُقرة؟ وختت يدها في راسها
هجمتني ردة فعلها طبعاً بقيت اعاين ليها مخلوعه قلته ليها امممممممم اي تقريبا، ً
قالت لي مالك بتسألي منو؟م يكون معمول ليك كُر علي ي بتي في عمرك دة العملو ليك منو وووووبعلي من الحُساد ..
قلته ليها بسرعه لالا ي خالتو م معمول لي بس في واحدة حكت لي عنو وانا م فهمته معناهو شنو وهو بعمل شنو اساساً بسال فضول ساي
قالت لي دي منو المسلطه السألتك منو دي؟م تكون واحدة حقودة وقلبها كعب؟ لو م مباريه الحجات دي م كان عرفتو،
قلته ليها ههههه لا ي خالتو هي سمعت بيهو سمع وحكت لي عنو وانا حبيت اعرف عنو بس م اكتر،
قالت لي ايواااا لا كان كدي معليش خلعتيني ي بتي لكن طالما دايرة تعرفي السُفلي دة شنو شلاقه وعرفه ساي خليني النحكي ليك عنو
السحر السُفلي دة ي بتي والعياذو بالله من الشيطان الرجيم عبارة
هو سحر بعملوهو الناس الحاقدين القلوبهم سوداء وقلوبهم معذباهم عشان يضرو بيهو ناس مساكين، الضررة زي انهم يخلوهم يمرضو أويقتلوهم بالعذاب البسببو السحر دة او يجننوهم او حتى يفرقو بيهو ناس علاقتهم حلوة مع بعض او يفرقو بيهو اتنين ويشتتوهم والحاجه دي بتشمل كل وسائل السحر طبعاً لكن جدي زمان كانت بقول لينا اكتر حاجه بتنجح السحر دة المواد النجسة او قطع أجزاء من حيوانات و نباتات ضارة، عشان بعملو بيهو عزايم مهلكة .. و ميزته إذا كان قويا أنه يتعدى إلى الأشخاص حول المسحور بالضرر،
كملت كلامها ب الحاجات البعملو بيها السحر دة والعياذ بالله منو انه بشيلو جزء من ملابس او شعر او اظافر الزول العايزين يعملو ليهو السحر دة واحياناً لو مرة بكونو عايزين دم النجاسه برضو المهم ي حليلها م بتكون عارفه الراجيها من السحر دة، جدي طبعاً الله يرحمه كان شيخ وبعالج لكن بعالج بالقرءان والرقيه م بعمل حجات تضر لكن بعدو عليهو ناس معمول ليهم السحر دة كان بقول لينا انو في السحر دة بتم تسليط كبار مردة الشياطين علي البني أدم عشان يأذوه في جسمو وقروشو وعلاقاتو مع اسرتو والحواليه والمجتمع، بخلوه زول هلفوت متوتر دايم بدون سبب حتي بتحول لي زول مُنعزل وبعيد من الناس زي المجنون وببقى زول كسلان شديد وببكره الناس كراهيه عماء وبتبدأ تظهر ليهو وايضا امراض غريبة (م عندها اي تفسير طبي) .الزول دة ببقى بمرض بس يجرو بيهو دكاترة العالم ديل كلهم م بلقو ليهو اي مرض بس زول وبمرض، وبتبدأ تظهر ليهو هلاويس احلام مخيفة وبحلم بحشرات وحيوانات واحياناً بحلم بناس بعذبوهم عذاب الله اكبر في جسمهم وبحس انو الحاجه دي بتتعمل ليهو هو وبصحى تعبان شديد من الحاجه دي وبتعمل ليهو خلل في يومو واليوم البعدو وهكذا وطبعاً النوع دة من السحر م بفكو الا العملو يعني لو في زول معمول ليه والشيخ العمل الحاجه دي مات يحتسب نفسو شهيد بس لأنو حيتعذب في الدنيا دي لمن ربنا يقبض روحو حسبي الله ونعم الوكيل غايتو ولسسه في كلام كتير عنو دة بسيط من كتير انا قلتو ليك ي بتي والله المستعان غايتو ربنا يحفظنا من شرور خلقو الما برحمو...
❖
ملحوظه عن السِحر "السُفلي""اقروها"
*انواع السحر السفلي
.هذه بعض المؤشرات التي يمكن ان تساعدك على تفهم وضعك
(المراحل الاولى من (السحر السفلي او مس روحي
عدم النوم المريح - الإرهاق ونقص الطاقة لأداء الأنشطة اليومية - لديك خوف - اللامبالاه بالحياة - اليأس - انت مغضب دون سبب - الاكتئاب الحاد - جفاف الحلق ليلآ في بعض الحالات - الإحساس المفاجئ بالبرودة ثم بالحرارة - الإحساس بالشدة (القبض) حول اجزاء الجسم - النسيان - دخولك الى عالم الحلم مسدود ولا يمكن لك تذكر أي حلم عند إستيقاظك - معاناه في الوظيفة - سلوك الناس اللاعقلاني تجاهك - عوائق أمام تدفق الاموال - الإحساس بأن كل من حولك من جن أو إنس أنهم جنود السحر - الضيق في الصدر وخصتاً بعد صلاة العصر والمغرب لأن في هذا الوقت انتشر الشياطين - شعور المريض بشيء يتحرك في الجسد كأن شيء يرد الخروج.
ولكن لا يستطيع
. هناك العديد من الاعراض وهذا كله يتوقف على حالة وعي الضحيه وعلى نوع الروح التي تؤثر على الضحيه
السحر السفلي واعراضه
فهذه الحالة يكون نوع الجنى الذي يطبق طلب السحر من نوع الغول، قيل يارسول الله وما الغيلان، قال سحرة الجن.
ٱي أن هذا الجني لديه قدرة عمل السحر، ولا يضهر وجوده في جسم المسحور، إلا عند قراءة القرأن وقت طويل فترى المسحول يضحك، أي أن الشيطان يتألم فيضهر عوض صراغ، الضحك، وكذالك أنه يسحر كل من بجوار الضحية ليساعدوع علي إدراره دون علمهم،
.. وكذالك يقوم بتجديد السحر
ما هو خادم السحر السفلي
فخادم السحر في الغالب لايدخل الجسد ويخدم السحر برغبة فيتم ربطه في الجسد من قبل السحر الخارجي اي السحر المدفون، ويربط الجني في الجسد حتي لا يتمكن من خروج أو يكون له خدام السحر في خارج لا يمكنونه من الخروج وإذا خرج قتلوه وهذا يمر علي. الرقية كثيراً تري الجني إذا أرد الخروج يشتكي لك من الخدام في الخارج يقول لو اخرج يقتلونني
فيتحكم بعقل المسحور وفكره وكل شيئ، بإختصار تلاحض أنه مزدوج الشخصية، إذا ضعف إيمانه ترى شخصية وأفكار شيطانية، وإذا قوي إيمانه وحصن نفسه جيدا ترى فيه طباعه الخاصة، مثال أخر تخيل أن جسم واحد فيه روحين، إذن روحين في عقل واحد، ففي بعض الأحيان يرى أنه يشتهي فعل المعاصي ولاكنه ليس هو بل روح الخبيث، فأي فكر أو شهوة أو نظرة أو نية خبيثة تعلم أنه ليسالمسحور بل الشيطان الخبيث، والله المستعان
السحر السفلي واعراضه الاعراض
للسحر السفلي
1 يدفع المريض إلى ترك الطاعات وتبدل الحال إلى المعاصي
2 يدفع المريض إلي التشكيك في العقيدة وربما محبة عقيدة ديانة أخري (كالنصرانية وقراءة كتبهم ومحبة الصليب والتوراة النار وتعظيمها)
على حسب ديانته أو الإلحاد البواح.
3 يدفع المريض إلى النجاسات مثل
(العادة السرية الزنا اللواط الشذوذ شرب الخمر سب الدين)
أي أمر فيه مخالفة لله ورسوله يحبه هذا الشيطان اللعين فبهذه الأفعال يتقوى ويزداد تحكم في المريض
4 ينفذ هذا الجني ما طلبه الساحر بحذافيره
5 المريض يرى أنه وسط دورات مياه قذرة وسط وساخات ونجاسات وسط مرابض للحيوانات
أن اقدامه أصابها نجاسات يرى دماء كثيرة أو يتقئ دم)
6 بعض المرضى يشم رائحة كريهة حوله أو يشمها عليه المقربين منه.
7 هذا الجني يكره رائحة المسك والطيب عامة ويتأذى منها.
8 بالنسبة للمرضى ضعيفي الطاعة يؤثرفيهم هذا النوع تأثير شديد ويتحكم فيهم وفي تصرفاتهم
9 يؤثر على المريض بإيحاء الأفكار والتحكم في التصرفات سريعا حتى تتم المهمة
فتجد مريض حالته الصحية تتدهور بشكل سريع (سحر مرض)
اسرة تتم المشاكل والفرقة والطلاق بشكل لا يصدق (سحر تفريق)
10 بالنسبة لحضوره منهم من يحضر بجرأة وقوة ومنهم الخبيث الذي يخفي نفسه وغالبا من يحضر منهم بسرعة ومنهم الطيار.
السحر الأسود لغويا كلمة وافدة علينا
وهي تعني كل ما يقصد به الاضرار بالغير
من تفريق وتعطيل وعكس ومرض ووقف حال وخراب البيوت العامرة
حفظنا الله وإياكم
❖
اسفهه ي بنات بس والله عندي ضرس مؤثر لي على عصب العين ومازمني شديد ف بسببو عيني بقت تشوف طشاش واسي الحلقه دي انا كاتباها في ظروف سيئة شديد والله م عارفه اذا اتوفقته فيها او لا بس اتوكلته على الله وكتبها
...