الجزء 1

أمي امي ، تعالي شوفي بتك دي يااااااخ ، كرفست لي قميصي المكوي الطالع بيهو بعد شوية 😡،،، فجأة كده وانا مدسية في الدولاب بي تحت 😬 أشوف ليكم شبط جاي علي ، بيشحط فيني جنس شحيط 😂 ... عاد اليوم داك (....) ضهري اتهرد 🐶 من شحيط الشبط 😬😬😬 ... قعدتا ابببكي ، وجريت علي الحوش بي غادي ! عندنا شجرة منقة سممممحه ... بسسس يلا انا كنتا قاعدة هناك وببكي !!! ... جاتني امي الدقتني 😒 ... وبقت ماسكاني من جضمي وتشيل وتقرص فيني وتودي الجضم لي قدام ولي ورا 😓 وتقول لي : احححححي منك يابت يا مني ياخي نجضتيني وطلعتي روحي معاكي ،،، يابتي انتي مالك بتحبي الخراب كده 😡.. وانا اشييييل وابكي ... بعد امي اتفشت خلتني ببكي ،،، ودخلت المطبخ تجهز لينا الفطور .... انا جضومي حرقتني حريق ، اشيل وامسح فيها 😫😭 ... جاني اخوي المعفن ، البي الغلط كرفستا هدومو داك 👊 : تستاهلي ياحيوانه ، معزباني اليوم كللو ، الليله امي جيد ليها فشت لي الورا والقدام 👊... يا امي ، عليكي الله تاني ظبطي لي البت دي كده ،،، حيوانه ، يلا سلام !

دي انا 😬 مني ، عمري 15 سنة ، اهلي نجضانين مني لاني معزباهم 😬😔 ،،، ماعارفه ليه .. بس بحب امغس الزول .. ماعارفه مالي 😓 وللا العجب لمن اهبش وتر حساس لي زول معين ، خلاص ده تعب معاي تعب الولاده المتعسرة 😍😍😍😍 .... انا بت وااااحده وسط خمسة اولاد ،،، وانا بقرا في الثانوي ! مدرستنا بعيده مننا ، بمشيها بي ترحيل ، ومرة مرة لمن سيد الترحيل مايجي بجازفا بالمواصلات 👊...

عرس اخوي قرررب الوقت داك ، والضيوف بدو يجونا في البيت ،،، طبعا عندنا جارتنا شمشارة خلاص ! اصلي مابريدا 😬👊 ... بس متخصصة فيني " مني تعالي ،مني جيبي " مني انتي الليلة السرحك منو ؟ " مني وشك ضارب "يضربك الضريب يااااخ " ... مرة نجاااااضة شديد واصلي مابريدها نهائي 👊 .... امي كانت دايما بعد الفقر دي تمشي مننا ، بتقول لي " شاحده ربي يا مني يابتي .. فلانه الفرتكانه دي تكون نسيبتك " عشان الهرد والعزاب العزبتيني ليهو ده يازفته كلو اتفشاهو ! ... اححححي لي كده يا امي ،،، طبعا بزعل من كلاما .. ومرات من فقع المرارة البحسو ، بقعد اضحك واقول لي امي " حرام عليكي ياخي 😡" ... لكن بيني وبينكم ،،، انا امي دي منجضاها نجاض السواد والرماد 😂😬😬😬 ... بتذكر يوم العرس ، الطباخ نادي امي ، وقال ليها : الشغل كتير علي والزول البيشتغل معاي عيان ، ماقدر يجي ، بس داير لي مرة تعمل البيتزا ! ... امي قالت ليهو طوالي 😍 ... ومشت نادت خالتي ، وبدوا الاتنين يعجنو عجين البيتزا ، عملوهو بي كميات كبيرة طبعا ،،، والوقت داك انا شغاله دافوري مع الشفع 😂 شي ختيف شيبس وحلاه ، وشي لعب بالكورة ،،، وشي خبيت وضريب ،، احيييي ياقلبي ، ده عيب البت لمن تكون وحيدة اولاد 😂👊 ... المهم ، امس شغاله تقولي لي ، يابت بطلي البتعملي فيهو ده ، والكورة ده بتخرب لينا اي شي ، امشي بي غادي ، ولا اطلعي الجيران ياخ ، يابت ماتعزبيني ! وانا ولااااا شغاله بيها ،،، بس لحظه كملو البيتزا وختو الخلطه بي فوقا ،،، وخلاص ولعوا داك يا الفرن ،،، قومي يامني والكورة ومليانين طين ، اتدحررررجو كده 😂 وقولو كرررو وررررو وعفصوا البيتزل ووقعوا الفرن ،،،، وكسرو العده 😂💔... طبعا مايفوتكم ، امي حسيت بيها اتجلطت 😂😂...

وخالتي قالت لي الليله اصبري يا معفنه ، وبقت ساكاني البيت كللو 😬 وانا اضحك ، لحدي مامسكتني ، وبقت تقرص فيني قريص ، احححي غايتو هي اتفشت اليوم داك 😂😂 وللا العجب القرصه ام فرار ديكي احححي حارة حروريه 💔 رجليني اتورموا 💔 ... وبعد داك مارحمتني ،،، بقت ماسكاني من اضاني وودتني الحوش بي غادي لامي عشان اعتزر ليها ، واساعدا ،،، جيت لقيت امي قاعده في البنبر وبتببببكي شديد !!! جد لحظتا دي قطططععععت لي قلبي ، وفجأة حسيت بي ذنب فظيييييع 💔💔💔 بقيت بعتزر ليها وماسكه ايدها ، وبقيت ببكي زي الهبلة كده 😒 ،،، وايد امي متلجه وماقادرة تعمل اي شي ،، بقيت ابكي واقول لي خالتي ،، اسمعيني ،، انا بسويهو وانتي ساعديني ، جد حنيت عليها ياخ 😔 وامي كمان .. حلفت ماتعمل البيتزا ولا في زول يعمل بيتزا ،،، حتي الطباخ جا اتدخل .. برررضو ابت 💔💔💔 المهم مشيت قعدتا زعلانه ومطرمة ،، فجاة جا اخوي العريس 😬 قال لي : يعني يامني يوم عرسي الوحيد برضو دايرة تجوطيهو يااااخ 😓 . وكان بنهر فيني قدام امي وخالتي ،،، وانا بقيت ببكي !! بعد اخوي اطمن انو ديل مشوا ،،، جا باسني في راسي ،، وقال لي : عفيت منك ،،، انا اصلا اهل المرة ديل العزاب العزبوني ليهو مااااااهين (طبعا دي قصه براها طويييلة كده ، بس جد اخوي ضاق المر ، يحليلو) .. عشان كده يا منمن مافي داعي ياكلو بيتزا 😂 ... كفاية باقي الحاجات 😂 والله عمليتيك الاجرامية دي جاتني في جرح ... الله يخليكي لي يامنمن 😘😘😘...

يتبع 😘