الجزء 4

بقيت ببكي شديد ،،، فجاة جا زول ركب الحافله ، مسحتا دموعي ، وبقيت بعاين في منو الجاني وانا خجلانه دايرة اموت ده ، القاهو العملاق """ طوالي جا قعد في الكرسي الدايمن بكون براهو علي الشباك 😔 في الكنبة قبل الاخيرة . وبقا قاعد بعاين لي ، فجأة بقا يضحك 😓 .. طوالي كوركتا فيهو ، وقلتا ليهو : اذا سمحتا ، ممكن تحل عن سماي 💔 وامشي مني ! ... قام طررم لي وشو بي هظار كده ، وقعد يضحك ، قال لي " انتي عارفة يا كلبوظتي ، والله سحروكي !!! .. قمت انا بي زهج ، قلتا ليهو : نعم ، نعم ، يكلبظك محل ماتمشي ! ياكريه ،،، بقا يضحك شديد 😂😂😂 وقال لي " حرام عليكي ياخي 👊 ده انتقام عدييييل ياااخ💔👊.. قمتا بدون ما احس قلتا ليهو " آهااااا نسيت انك عملاق " بعداك انا بقيت كده 😬 دايرة احفر لي حفرة اقع فيها 💔 براهو الفيني مكفيني 😔 !!! لقيتو حادر لي حدرة ،،، قرررربتا اعملا 👊💔 ... طوالي ابتسم كده ابتسامه كيف كيف ، وعاين لي وهو بقول : بلاي شايفاني عملاق ، وحالتي كنتا جاي هسي اقدم ورقي واخطبك ، جرحتيني ياخ ! ... طبعا انا بقيت مصدووومه 😳 وبتمتم ، شنو ، شنو قلتا يا .... وسكتا 😷 ، لكن تماها هو " ياعملاق 👊 وقرررر قعد يضحك 😓 ووووسخ 😪😭😬😒 طوالي مشا نزل من الحافلة ،، بس نزل بي جاي ، جو الناس الكتار ركبوا !!! . وانا كنتا ضايقه ضيق ، كانو قاعده في النار ، بس دايرة اصل بيتنا ، واتحللا من نظرات الناس وكلامهم التحت داك 👊...

ياخي لمن وصلنا البيت دايرة ازغررررد من الفرحه ... دخلتا مشيت الحمام ، استحميت ، غيرتا هدومي ،، وجيت مرررهقة شدييييد في الغرفه ، طوالي رقدتا ، وخلااااااص داخلة في نومتي ، حبوبتي جات ،،، مني ، يابت يامني " قومي جيبي لي الحبوب بتاعت الضغط ، جيبس لي سفنجتي ،،، اهم شي الغطا " قومي ياسجم بتكلم معاكي ،،، طوالي قمتا بي زهج كده ، السجم دي قايمة ياحبوبة خلاص ياخي 😡 مشيت وانا زهجانه اجيب ليها في حاجاتا !😪 خليتا بتقول لي خالتي : دي مالا المرمده دي !؟ " غايتو حبوبة دي 👊" .. وكمان اسمع ليك خالتي تقول لي : خليها منفسنه ! الليله وقعت قدام خلق اللع ومنظرها يضحك ، والله يا امي ضحكتا جنس ضحك انسي بس ، وكمان حبوبة تضحك لمن بقت تقح ومسكتا عشراقة 😒😪...... حيوانين ...

غايتو اليوم داك من شده ما زهجتا منهم ، شلنا مرتبة رقدتا في الحوش برااااااااااي 😡💔... للصباح 😔

صحيت الصباح ، لقيت امي قاعده مع ابوي قصادي في سرير ... وهي بتضحك وبتحكي ليهو عن وقعتي 😂😂😂😂 ... طبعا لا عرفتا اضحك ، لا عرفتا ابكي ،،، بس في النهاية قعدتا اضحك من منظر ابوي وهو بيضحك لمن دمع 😂 وامي تشيل وتكح جاتا عشراقة ،،، وخالتي وحبوبتي جو تممو الناقصة 👊😂... شوية كده جا اخوي ، طبعا اخوي ده الفلعني امس ده ، اصغر مني بي سنه ، بس شايف نفسو راجل علي ابوي وباقي اخواني 😪... جاني وشو محمممر ، والساعه المسكني من يدي ، وجابني قدام ابوي وقفني ، عاين يا ابوي البت دي امس قاعده خالطه سيداحمد ولد اخو خالتي فتحية في البص وبي ورا 😡...." شكيتك علي الخلقك يا مرض ، ده هسي وقتو! " طبعا دي انا بيني وبين نفسي 😬 وفجاة كده اتضايقتا ضيق ، بقا واقف لي في عزيزتي ، ودايرة امشي الحمااااام 😂😂😂😂 !!!... طبعا اخوي بيكورك ، وابوي برد ليهو وبيشاكل فيهو ، وابوي بيديني احساس انو زي البحامي لي بحامي لي كده ،،، ماعلينا ، انا كنتا وااااصلة حدي وما قادرة نهائي علي الانا فيهو ،،،،!... فجاة اسمع ليكي امي " يابت ياحيوانه انتي ، بتتململي كده مالك ؟! هسي في زول داير يدقك !؟ ... يدقك !!! وووووووووب احي يا امي انتي ماعارفه الكلمة دي زادت الطينه بلة 😭😭😭😭... طبعا جريت علي الحمام ، وانا واصله الحد ، استريحت اوووي والله العظيم 😩😩😩😩... طلعتا برة ، لقيت امي ، وهاك يا يد امي امسكي جضميني وجريني بي جضمي ده لحدي ماوصلتني ابوي 😂 .. بقيت بكورك في امي ، ياخي انا وشي اتورم ، حرام عليكي ، جضمي ده بقا اكبر من التاني ، شوهتيني ياخ ، ثم ثانيا : انتي حكايتك مع جضمي الشمال ده شنو ؟! 😪😓😆... امي مسكتني جضمتني في اليمين 😒 وقالت لي : بطلي فصاحة ، سيداحمد ده كان بيقول ليكي في شنو ! طبعا طوالي حكيت ليهم كللهم بالتفصيل من الوقعة ، خصوصا بعد ابوس بقا بيطلع في سبحتو وبيجهز فيها 😅😬!... والله انا اتدقيت جنس دق بالسبحه دي 😂😂😂😂... خفتا شديييد ... بعد وريتهم الحصل حتي اعتقوني ♡

يتبع 😘