الجزء 9

خالتي قعدت تضحك 😂👊 وقالت لي ماقلنا مادايرين ياسجم 😂😂😂 ... هههه قعدتا اضحك وقلتا ليها " انا بتاعت مصالح يازولة انتي مالك 👊 ... قعدنا انا وخالتي نضحك ونتونس لحدي مانمنا ...

الصباح صحيت ، مشيت اتسوكتا وصليت ومشيت علي الشاي ،،، لقيت امي قاعده وجمبها ابوي وحبوبة وخالتو ، كللهم بي صوت واحد .. العرووس صباح الخير 😍😍😍 ،، وانا طبعا بعاين ليهم كده 😒 ونفسي امي اديها 👊 معليش 😂 امي فاقعه لي مرارتي طبعا 😂💔 ... ابوي طوالي قال لي مبروك التلفون الجديد " طبعا من جاب سيررة التلفون يجيني احساس يفيض بالسعاده من داخلي ، واشوف ليكم سيداحمد فارس احلامي 😂😂... ده ما كان تلفون ده 👊 معليش شافعه 😬👋" طوالي رديت لي ابوي الله يبارك فيك يابابا ... وقعدتا اشرب في الشاي ،،، فجاة قاعدين ، تلفون ابوي ضرب ، رددا ، اهلييين يا سيدا " بقا بيدلعوا كمان 😒😅" اها ، اي ، طوالي ماعندك مشكلة ، ده ابوي رددا ليهو كده وقفل ،، طوالي عاين لي ، قومي امشي جهزي ليكي عباية ، سيداحمد ده داير يسوقك السوق ، قال داير يجيب ليكي شريحه ، وابوي مامكمل كلامو طوالي قلتا ليهو " ااااااجي يا ابوي شريحه دايرة ليها مرقة دي ! ... قام قعد يضحك وهو بقول لي يابتي احتمال داير يخلطك يجكسك يكب معاك حنك !!! 😳😳😳😳😳 اااااااااجي يا ابوي يكب معاك حنك !!! 😫😫😰😰😫 ابوي بيهدي للفسوق بعيد عنكم 😳😂😂😂💔😂😂👊....طبعا بقيت مخلوووووعه شديد ،،، وامي تضحك ،، مبسوطه 😡 .. وقفتا علي حيلي وعاينتا لي ابوي ،شكرا يابابا ، اذا جابوني في الدار وقتلو بتك ، وسالوك قول ليهم مشا يكب حنك معاها 😒 !! ومشبت خليتو بيضحححححححك 😂😂😂 .. وبعد ده قال لي ، امشب جهزي عبايتك 😡 ... طبعا مشبت فت فن فت بكتح في التراب ماخليت لي تراباية في الحوش ما كشتا معاي 😂 ... مشيت جهزتا اشني عباية عندي " اشني يعني الاكمام بي فوق مخيطة بي خيط ابيض ظاهر 😂 .. ومحروقة من تحت 😂😅 ،،، وفيهو خيوط صغيرة صغيرة طالعه لي برة 😂" وبعداك مشيت استحميت ولبستا لي بجامه وطلعتا ! .... رقدتا شوية كده طوالي جاتني امي قالت لي ، سيداحمد جا برة قاعد معا ابوكي ، اجهزي عشان ماتتأخري 👊😂.

المهم عملتا شعري ضنب حصان كده ، وعملتا لي فير 😍 واتمسحتا واتريحتا ( الكبكبة الوقعت فيني فجاة 😂👊 ) ... ولبستا لي شبط ، وطلعتا ليهو ، اول ما جيت سلمتا عليهو ، مسك يدي مسااااافه 😒 قدام ابوي " معفن 😒👊" طوالي سيداحمد قام علي حيلو ،، ولسه ماسك يدي اتخيلو 😒👊 ... وابوي قال ليهو " ماتتأخرو يا ولدي 👋 ... وسيداحمد ماسك يدي لسه 😒 ... ولحدي ما وصلنا الباب ووقف ليهو ركشة ، ماسك يدي لسه 😒👊 ...وانا مكهربة وصابة فيني مطرة 😂 انسسسوا بس ... المهم ركبنا الركشة ، وهو لسه ماسك يدي ،، بعد الركشة اتحركت ، قلتا ليهو " ممكم يا سيد يا جيد انتا تفك يدي 😂😂😂😂 قررررر قعد يضحك ! قال لي انا من قبييييييل داير افهمك شي وقدام ابوكي عشان يعرفني لصقه بس فيكي 😂 ... وانا خلااااص اتغظتا ! فجاة ركزتا في وشو لقيتو مليان كللو حبوب 💔 بدون ما اوعي حنيت عليهو ، وقلتا ليهو مالك ! قال لي من الخرابة الشربتيني ليها امس دي 😂😂😂😂😂 ،،، انتي صحي شربتيني شنو يا بت ؟! .. بقيت بتمتم واشيل واقول ليهو شنو يعني شاي حيكون شنو مثلا شطه 👊😂..قعد يضحك ومسك يدي قال لي بسسسسس ياها الشطه زااااتا يا مني 👊😂 .. وداير يطقطق لي اصابعي " طبعا نقطه ضعفي طقطيق الاصابعين ده 😂 مابستحمللللو هو ظبطت معاهو بالبركه ساي " 😂 بقيت بقول ليهو ياخ ما تتطقطق اصابعي ، وهو بدا بالكبير 😂😱 وشغال يقولي اعترفي والا ما برحمك وبطقطق ليكي اصابعينك كللها 😂😂 الليلة ووووووب ، دي مصيبة شنو 😂👊 ههههه في النهاية اعترفتا 😂😂😂💔 وامري الي الله ...!

بقا بيضحك شديد 😂😂😂😂😂 وسيد الركشه مبسوووووط عايش معانا الجو 😂 ....

لمن وصلنا و نزلنا ، حلف مايشيل من سيداحمد القروش 😂😂😂😂 وسيداحمد يشيل ويتحلف ، ليييه يا كبير ياخ ! شيل القروش ،،، وسيد الركشة لسسسه بيضحك ! والله يا اخينا كنتا مغمووووم ومهموووم ومتضايق ، وانتا وزولتك دي فرقتو علي شديد ،،، ههههه ويشيل ويضححححححك ويمسح في دموعو 😂😂👊😂 وطوالي ساق الركشه ومشا ،،، وبقا سيداحمد يقول لي " بركاتك يا شيخة مني ،،، جينا ملح 😂👊 ،، وانا شغاله اقول ليهو ،،، ده كلامك يا سيدا 😂 ... ودخلنا كدا المحل ،،، والساعه اليقول لي ، يلا جيبي الجهاز عشان اعمل ليكي ليه حاجات حلوة ، واشتري ليك شريحة ليهو ... وانا بقيت 😳😬 والساعه الصدمتو ليك صدمة عمرو ، انا نسيت اجيب التلفون معاي ! وانتا ما زكرتني 😬👊!!!

طبعا بدون ما اقول ، حتحسو بي ماساة سيداحمد في اللحظة دي 😂😂😂 وبي منظري الكج الانا فيهو ههههه😂 ...

يتبع 😘