الجزء 2

طبعا اليوم كللو امي تعاين لي كده 😒 ... وخالتي قدر ماتصادفني ، تحمر لي ، وتقول لي اصبري بس يدها كده 😒 !!! وانا خلاص اتوترتا شديد ،،،،

بالعصر كده طلعتا الشارع من شده ما زهجتا من البيت ،،،، اشوف ليكي اخوي شايل ليهو حجارة ويفلع فيني 😫😭 معفن 😒 .... بقيت واقفه في مكاني وماشغاله بيهو !!! لمن وصلتو الحد،،،جاني ومسكني من يدي ودخلني جوة الحوش ،،، وبقا يكورك فيني ،، انتي بت حيوانه وللا شنو ؟ قلتا ليكي اتزفتي ادخلي البيت ، الرجاك مالين الشارع ،،، جات حبوبتي تكورك " في شنو ياسجم انتو الاتنين " ياخي البيت مليان ضيوف ماتتلما يا حيوان انتا ،،، وانتي ياخرابة امشي شوفي ليكي شغله واسترونا في اليوم الواحد ده 💔 مشيت زعلانه شدييييييد ،،، جاتني خالتي ديييك 😒 القررصتني ام فرار ديكي ، اتذكرتوها !!! بقت واقفه قدامي ، وتدي فيني الاوامر ،،، "قومي استحمي البسي ليكي حاجه ، الضيوف هسي بجو ! وما تعملي حركاتك دي قدام الناس ! فاضحانا انتي 💔 ... طبعا كلمتا دي زعلتني جنس زززعل ،،، قمتا علي حيلي وقلتا ليها " ماحأغير هدومي ولا حاستحما ، وطالعه من البيت ! ... طبعا طلعتا من البيت وانا زعلانه وما دايرة ارجع ليهو نهائي ،،، بقيت افكر امشي ياتو بيت بالضبط !!! ياربي امشي لي رباب ،، لالا قبل كده كاسره ليها اصبعها ونحنا بنتشاكل 😬😅.. طيب حليمة ، لالالا غنمايتهم بتكون جاتا نفسيات مني 😂 . طيب امشي لي منووووو !!! اثناء ما واقفة ومحتاااارة في امري 💔... جات مرة جيرانا الفقرية المابريدا دييييكي 😬 ! بقت تنادي فيني " يامني ، يابت يامني ! ... وانا وحاتكم ولا كانو في نملة ماشة !!! ... فجاة جات يد عملاقة كده ، وضربتني في راسي بي ورا ،،، اتخلعتا واتلفتا ، لقيتو زول طووويل وعملاق عملاق كده ..المهم خفتا وبقيت ارررجف ، قلتا ليهو انتا مالك ، وانتا زاتك منو ؟! ... قام بصوتو الفظيع عامل زي القنبلة كده 😒 ماشاء الله مااسحرو 😅 .. قال لي : عمتي دي موش بتتكلم معاكي !؟ وللا انتي مابتسمعي ؟! ... بقيت اتمتم واقول ليهو : ماسامعاها 😬 .... قال لي هسي عرفتي ، امشي شوفيها دايرة شنو ! .. طبعا انا ماشة وحاسة بي خوفه وبي خجل وبي ووووووووواي حاتمعط 😅😫😫😫😫😫 .. وصلتا للمرة ديكي ، سلمتا عليها واعتزرتا ليها : معليش يا خالتو فتحية ، ماسمعتك بس ! ... قالت لي مامشكلة يا بتي ،، مالك واقفه برة ،،، بدون ما اشعر قلتا ليها : زعلانه من ناس بيتنا ،ودايرة حتة اقيل فيها 😔 طوووالي دخلتني جوة بيتها ،،، ومشت جابت لي عصير ،،، وجات قعدت بقت تمعط فيني: العقد الساعه كم ؟! يعني ماحتحضري عقد اخوكي ؟! ... اححححححي تعبتني شديد 💔 وانا برد عليها وانا مرهقة نفسيا ومزاجيا 💔😫 ... المهم حبيت اختصرا قلتا ليها دايرة امشي الحمام ،،، وفعلا وانا عاوذة اصلو ، فجاة الزول العملاق داك يجي من الحوش الوراني وانا اتخلع بيهو ، وقفتا مخلوعه وقلتا : اعوذ بالله من الشيطان الرجيم ،،، وهو رددا لي : بسم الله الرحمن الرحيم ... 😒😒😒😒 وبقا بيتبسم ومشي ،،، طبعا أنا خليت الحمام الوقت داك 💔😅 ... وطلعتا علي الشارع ،،، وخلاص طالعه من الشبك المسور بتاع البيت علي برة ، " وشكلو كان شايفني لمن طالعه " اسمع ليك حاجه بتقول لي ووووووووه خوووووو انا حآكلك 😈😈😈 .... طبعا انا اللحظة ديكي عملتها في نفسي ، وبقيت جارية وبكورك لحدي ما وصلتا لفة بيتنا 😅

لمن وصلتا شارع بيتنا ،،، شفتا ليك الخيمة والرجال والعربات ،،، طوالي ابو السرررريع ،،، مشيت شلتا لي غيار ، ودخلتا الحمام ... استحمييييت وطلعتا اتسرحتا ، وفجأة بقيت مؤدبة مؤدبة ،،، ما كان لايق علي الدور 😆 بس مختوته في حتة ضيقه شديد ،،، وفيني خوفه كده انسسسوا بس 🤣🤣🤣..

تم العقد ووسط الزغاريد ،، بقيت ببكي شديد ومبسوطه لاخوي ❤ ... لقيت امي وسط النسوان بتعاين لي وهي بتبكي ❤ .. بقيت متسمرة في مكاني وماقادرة اعمل شي ،،، طوالي جات جاريه علي وحضنتني ،، وباستني وقالت لي : عقبال فتحية نسيبتك 😂😂😂😂😂.. وانا طوالي اتنفضتا منها وقلتا ليها : يغسسي عليكي يا امي ياخي ! ليه كده ... خليت امي قعد تضحك ! وانا مشيت زهجااااانه ورقدتا في السرير !

ومن العلي نمتااااااااا ♡ .. صحيت بي شافعه ثقيلة كده ،، تفتح في عيوني ويدها مليانه ريالة ،،، ووشها كلو تراب تشيل وتبوس فيني 😫😫😫... قمتا وانا بكورك ، الناس الجمبي غرباء ما بعرفهم 💔 كللهم " مالك في شنو بسم الله " قلتا ليهم مافي حاجه ومشيت الحمام طوالي " واشيل واغسل في وشي ،،،😒 طلعتا برة لقيت خالتي قاااعده في كرسي وتشرب ليها في بارد ... طوالي سالتني " مالك بتكوركي في شنو ! . قمت حكيت ليها بالحصل 😓... اتخيييلو بس قعدت تضحك فيني 😳 وقالت لي : اححححححي منك يامني ، من شده ما ماغساني وهاردة كبدتي " كنتا متمنيية البت دي تكون عاملة عملة كبييييييرة ،، وتشيل يدها وتدخلا في البامبرص بي ورا ، وتجلبط ليكي وشك الوسخ ده ،،، وقعدت تضحك 😂😂😂😂😂😂

... وانا بقت بطني طامه ،،، وبقول ليها : ييييييع ياخالتو ، يغسي عليكي ياخي انتي مقرفه كده ليه ،،،، خالتي وهي بتضحك 😒 : مدام ده هردك ، خلاص تاني تعبتي معاي ،،، ولسه بتضحك 😂 ... وخلتني ماشه في الحوش وبعاين ليها كده 😒 وانا من جواي كده 😫 ونفسي نفسي نفسي مني عيني اديها كده 👊👊👊👊 لحدي ما تبقي 🤕... والله دي كانت نيتي ليها في اللحظة ديكي 😒

يتبع 😘