الجزء 3

وانا ماشة علي ديوان النسوان بي ورا ،،، لاقتني منووووو ، فلانه ديكي ، 😒 عمة العملاق داك 😪 ،،، المهم مسكتني من يدي وهااااك يا الزغاريد الماخمج ،،،، ومسكتني حضنتني عليها ، وتسلم علي بي جاي ، وتسلم علي بي جاي ، وانا نجضاااانه 💔 ،،، الساعه القالت لي : اريتني كان عندي ولد كنتا عرستك ليهو ! ومشت مني !!! وانا بقيت مخلووووعه وبطنطن براي " يعني ماعندها ولد بالجد، انا كنتا قايلاها بتتكلم ساي ،،، ياخي لكن بتقول دايما كلمة ولدي دي ،، المرة دي تكون مخرفه بعيد عننكم " .. فجاة اشوفا ليك جاتني وقالت لي : بتتكلمي معاي يامنمن ! ...وووووووب 😱 عرفت اسم دلعي ! ... احححححححححي ياقلبي ، رديت عليها: مافي شي ! ... وطوالي مشيت للمطبخ اكلتا " وامي قالت لي امشي البسي المغرب قررب .. عشان الحافلات الحتسوق الناس للنادي ، حتجي بعد المغرب طووووالي ❤...

فعلا مشيت لبستا لي فستان منفوش كده حلوووووو ، طويل طبعا 😒... والكم تلات ارباع 😒 ،، وآااااي في طرحه مغطية نص شعري لي ورا 😒 ،،، وآااااااي انا الوضع ما عاجبني 😒 وآاااااي السبب امي قالت لس سمنتي واتستري بلاي 😒😫 ... المهم حاجه كده مشي حال 💔 !!!

بعداك الناس بدو يطلعو الحافلة ، انا طلعتا قعدتا جمب بت جيرانا مها ، بنت مسكينة كده ، وصراحه ده النوع البينفع معاي 😅👊 ... المهم السيرة شغاله والزغاريد والحال ،،، الناس كللها مبسوطه ، بس انا كنتا زهجانه ، ماعارفه ليه 😫 ... اي اي اتذكرتا ، امي ابت تخليني البس الشبط العالي 😒 اصرت اني البس شبط زي السفنجه كده 😒 .... طبعا كنتا جد زهجانه وسرحااانه برررررة الحافلة ،،، ولحدي ماووصلنا انا علي هذا الحال !

العرس كان في نادي الضباط ،،، دخلنا كللنا النادي ، واحلي مافي الموضوع انو وصلنا قبل اهل العروس ،،،، يعني قعدنا براحتنا في الكراسي ... يلا انا اول ما دخلتا امي نادتني ، وقالت لي " اقعدي لي في حته ظاهرة ، عشان اذا احتجتا ليكي ، القاكي بي سهولة ،، وتاني حاجه لمن العرسان يجو داخلين ، لازم تكوني معا اخوكي وواقفه جمبو ، فاهمة !" .. قلتا لي امي حاضر ... ومشيييييت شفتا لي ركن كده ، الا يبحتوني بحيت حتي يلقوني 😬😬😬😬 ... طبعا معا الاغاني المشغللنها ، والمزز الحايمين في النادي " المزز قصدي ناس السكسوكة والسستم 😂" بقيت مرررركزة ،، واعاين اي زول اسمح من التاني ،،،، فجاة يجي واحد كده قرررررض داخل ، وشهقتا لي شهقة كده وقلتا بصوت مسموع : عززززززااااااااب !!!! ... وفجاة اسمع ليك صوت زول بيضحك وبيقول لي : نجااااااااض ! ... اتلفت القاهو العملاق داك 👊😒...

طبعا بقيت مخلووووعه وفاتحة خشمي ، وماقادرة انطق كلمة واحدة ، فجأة جررا الكرسي وقعد معاي في التربيزة ، بقي بعاين وبيضحك ! طوالي قبل علي ، وبقا شغال لي " خلاااااص يعني من عدم الموضوع بتشاغلي في الاولاد ، انت تشاغلي وللا تتشاغلي " قمت زهجتا ومشن منو ، وقدر ما اقبل محل هو قاعد ! القاهو بيضحك بطريقه إستفزازية كده 😒👊...

حاولتا ما اركز معا المرض ده كتير ،،، مشيت لي بنات اهلي سلمتا عليهم ،،، وحتي لاحظتا واحد من المزز ديييلك مركز معاي شديد 🤣😍 ،،، وبقيت حاسة كاني في مسرح ، مفروض ما اغلط في مشيى ولا ضحكة ولا قدلة وانا ماشة 😌😌😌 .... بعد اقل من ساعه كده ، جو العرسان ، وكنتا حاسة نفسي في فيلم رهيب كده وانا البطله المزة المكسرة المزز دييييلك ! وماااااشة كده معا العرسان ، يا ارض مافيكي الا انا 😅😌😌😌😌....

العرسان رقصوا سلو دانس ،،، وانا عايشة احلام اليقظه معا واحد من المزز ديييييلك 😅😂 !!! وسرحانه لحدي ما العرسان انتهو من الرقيص ومشوا علي الكوشة وقعدوا ❤

شوية كده وزعو العشاء ، والحفلة بدت ، طبعا انا صرررراحه كنتا جعااانه شديد 💔 من جو الاحلام الرومانسية الكنتا عايشاها دي 😂👊،،، اكللللللتا لي صحنيييين 😍 ... وبعداك مشيت للجبجبة ،،، وطبعا انا واقفه في الدارة ،،، حاسة ليكي الناس دي كلها مركزه معاي ، ليه ماعارفه 😍👊 شكلي كنتا داخلة في المود الزيييت بتاع المزز ديييييلك ! تاااني 😂😂😂😂😂 ....

الحفلة قرربت تنتهي ، بقيت اتململ ، تعبتا من الرقيص ، مشيت قعدتا في كرسي جمب ساحه الحفلة ،،، يلا بعد الحفلة انتهت ،، تجي بت عمتي تجرني " العروس دايرة ترمي بوكيه الورد ،،، طوالي مشيت معاها وانا متحمسة للحاجه الظريفه دي 😍😍😍😍 طبعا كنتا بحس بوكيه الورد لمن تستلموا واحدة معناتا خلاص بتستلم ورقه العقد طوالي 😂 ... احلام مستغماني 😂😬💔.... المهم وصلتا الساحه جمب العروس ،،، ووقفتا معا البنوت الماخمج ،، والغريبة واقفه لي في حته مريحه مافيها بنات كتار ،، ديلك كانو ام دفسو بي طريقه ، اححححي البورة كعبة 👊😅" بس العروس لحظة قبلت وادتنا ضهرا ، ومسكت الورود ورفعتا دايرة تجدعا ، ناس ام دفسوا ديلك وصلوني ، والورود اتجدعت وجات علي " اي اي اي خلاص وصلتني دايرة امسكها ، فجاه واحده بت لزينة كده خمشتا مني 💔 وياريت اذا بقت عليها ب

س ... وقعتا لي حلاة وقعه 💔 لممممن اتخلعتا ،،، البنات يضحكوا فيني مافي زول رفعني ، الا جا ولد خالتي مسك يدي وقومني وانا مخلوووعه ، اقوم وانا بتنفض اشوف ليكي خلق الله ديل كللهم بيضحكوا ، حتي المززز دييييلك 👊😪😫😭😭😭😭 ... طوالي جريت ركبتا الحافلة واتدسيت في الكنبة الورا ، بي تحت ، وانا ببكي !!!😓😔😔😔😔

يتبع 😘