الجزء 5

ماصدقتا الناس ديل خلوني ،،، مشيت طوالي اتسوكتا ، وصليت الصبح ، وقعدتا اشرب في الشاي 😍 ،،، بعد كملتو حسيت اني نعسانه ، شدييييد ،،😴 فقررتا اني امشي انووووم ،،، فجاه كده وانا بتصلح عشان اظبط رقدتي واتخمد انوم 😴 .. جاتني امي " مني ، يابت قومي امشي ودي الحلل دي لي نسيبتك فتحية 😒 ، وقعدت تضحك 😂 ،، ومشت خلتني ، مفقوووووعه ،،، طبعا كنتا لابسه لي بجامه كده ، حدث ولا حرج ! .. البنطلون برمودا ،،، والبلوذة معا الكمر واليدين شبه مافي 😂👊 ،،، اها قمتا لبستا لي توب كده معولق،، ولبستا سفنجتي ، ومشيت لبيت خالتو فتحية ،،،، وصلتهم وبقيت ادق في الباب ، وبدون ما احس بالخبيت وشايلة الحلل ، في سلكة كده في الباب عللق فيها التوب من قدام ،،، وانا طبعا مامركزة الوقت داك 😂 ،،، قوم يا العملاق ، اقصد سيداحمد.، افتح الباب ، ومعا فتحة الباب كده اتجررا يا التوب وانزل من كتفي 😱😅 وهاك يا المنظر البيش الخليع 👊 ،،، طبعا صاحبنا بقا فاتح خشمو ومخلوع من هول المنظر 😂 ،،، وانا جدعتا الحلل ، وبقيت افكفك في التوب ، حلف كان يفك ، بقيت بكورك في الولد المرض ده " ياخي ممكن تفكا لي التوب ده بدل واقف زي الصنم 👊 ،،، وهو ولا اشتغل بكواريكي بكل برود طللع لي التوب ، وقال لي اتفضلي وابتسم لي بسمة خبيثة كده 😒😒😒😒 ،،، المهم دخلتا للمرة دي ، واديتا حاجاتا ، وجري علي البيت ،،، لمن وصلتا البيت ، كان نفسي قايم شديد ،،، 😩 ... لفحتني ليك حبوبتي من يدي " مالك يا سجم نفسك قايم كده !!! وبقيت جد ماقادرة اتنفس كويس ، وبقيت بقح شدييييد ،،،.طوالي اسمع ليك حبوبتي بتقول " الشحم مشكلة يابتي ،،، عاد يا حبوبة شيالة حال بي شكل 👊 ،،، طوالي جات خالتي من برة الشارع ، ولقت حبوبة ممرمطاني 😩 طوالي قعدت تضحك 😂 وجاتني مسكتني من يدي ، وجرتني معاها لي جوة ، واولو ماقعدتني ، بقت تضحك زي المجنونة " وقالت لي امي دي بتريدك شديد ،،،💔 قمتا بعد هديت شوية ، قلتا ليها : دي ما ريده ده انتقام ،،،، عذاب ... ضحكت فيني ، وبعداك بقت مشغللاها لي : مالك في شنو نفسك قايم كده ؟ سكاكي كلب ؟ .. وانا طبعا بقيت اضحك 😂😂😂 خالتي قالت لي ياخي انا جاده معاكي 👊 طيي سكاكي عتوت وللا تور ؟ ... وانا طبعا بضحك زي المجنونة 😂😂😂😂😂 والمشكلة خالتي جااااده !!! ... قمتا سكتها بعد مسحت دموعي من كترة الضحك !!!! وحكيت ليها بالحصل ،،، اتخيلو قالت لي شنو خالتي 😅 " جيد ليكي جاكي عريس ، خلاص شاف المؤهلات ، وكيفتو شكلو " 😅👊

بقيت بقول ليها يعني شنو ، بقت تشرح لي شرح كده علي الطاير ،، مافهمتا حاجه ، بس العرفتو ، الراجل لمن يشوف جزء خاص من مرة حتي اذا يدها ،بيكون عندو رغبة انو يتزوجها 😒👊 .... خليت خالتي تضححححححك ومبسووووطه ... وانا زهجتا منها ، وطوالي رقدتا نمتا 😍😍😍.... صحيت لقيت ناس امي بيعملو في لقيمات كرامة العرس ،،، مشيت شلتا لي لقيماتايا وحشيتا بي جبنة 😍 " هي ماتستغربو من اكلاتي المجنونة المفضلة "😋😋😋 ... والغريبة خالتي وامي بقوا بياكلوها زيي قزقزة وبعداك بياكلوها بالسكر ،،، طبعا حبوبة شغاله طنطين ساااااي ، ده شنو القرف البتعملي فيهو ده ، اكليها زي الناس معا شاي ولا مديده بلح !! بطلي العوارة دي يابت ! انتي حتعقلي متين !!! ... ااححححححي حبوبة فقعت لي مرارتي طبعا 💔💔💔 ... بعد انتهيت من برنامجي ، المغرب جا ، فرررشتا الحوش ورشيتو،،، وختيت الكراسي ،، والضيوف الضيوف بقو يجو عشان يباركو ،،، التقول متفقين ما يجو العرس ،،،، مشيت طبعا لي خالتي في المطبخ زهجانه من كترة الخدمه والضيافه ، وشغالة بقول ليها : انتي ديل ابوي ماعزمهم العرس ؟! ... خالتي تضحك ،،، " كيف يعني يامني ماعزمناهم ! الناس دي كللها اتعزموا ، بس اي زول وظروفوا ... قمتا قلتا ليها سمممح ❤ ... المهم الموضوع جرررا كده لحدي انصاص الليالي ، وانا بعد انتهيت من الترتيب معا خالتي ، مشيت رقدتا نمتا 😴😍...

امي صحتني من الصباح بدددددري ، وقالت لي شايفاكي امس خدمه جد معا خالتك ، معناتا بدينا نتصلح وخلينا الجن شوية ، الليله الفطور عليكي ، وجاييننا ضيوف لي ولي ابوكي ، يلا قومي سريع علي المطبخ !!! ... طبعا خلتني عاملة كده 😳 ... وقمتا وانا لسه كده 😴 و كده 😩 بس كان لازم اقوم !

طبعا اليوم داك واقفه في المطبخ ، وانا تعبانه شديييييييييييد ،،، قمتا كده كبيت بدل الملح صابون بدرة بدون ما احس 😂 ،،، وشغاله اسوط بالمفراكه واحس في شي عامل رغوة 😅 ... وشغاله مع نفسي " عاد تمام ! يامني جيد لي امك ، ظبطي الملاح ، وحتسكتي الخشامة 😍 "الخشامة ديل حبوبتي 😒، بتقول لي دايما مافيكي فايدة 😒😒😒 " وبقيت قافلة الحلة علي كده ❤

مشيت وجيت قفلتا الحلة ، وجا وقت خت الفطور ،،، "القراصة عملتا حبوبة" ... بقوا يختوا في الصينية ،، امي قالت لي عادي بتي بت السرور 😍😍😍 عاملاهو تقلية بي شوية روب ... 😳😳😳 طبعا بقيت مخلوعه ، امي دي بتقول في شنو 😅👊 بس ما اشتغلتا با

لموضوع ، وشفتا امي مبسووووطه ، طوالي بقيت رافعه راسي كده وبت خطيرة ،،،، ودو الصواني ، وبقيت قاعده شايلة تلفون خالتي بطبظ فيهو ،،، بعد نص ساعه جات امي ،،، فجاة احسها ليك ماسكاني من يدي وبتقرص فيني شديد ... وانا مرة اضحك ومرة اكورك😂 ، واقول ليها يا امي في شنو ياخي !!! قالت لي يابتي انتي عاملة شنو في الملاح 😱 .. النساوين المعاي بقو يرجعوا في الاكل " شكييييتك يامني يابتي " ... وابوكي زاتو جا يقحقح ،،، يابت عملتي شنو بتكلم معاكي !... وانا واقفة زي الزول العاااارف نفسو عامل عملة 😬 بس مستنكر وما فاهم حاجه 😒 !!!

يتبع 😘