الجزء 1

روياتنا المره دي حتكون عن عائلتين منفصلتين م بعرفو بعض..عائله عثمان عبدالله..

و عائله امين الطاهر...

قاعد عثمان عبدالله..بشرب في شاي.. في بيتو.. عبارة عن شقه كبيره عندو مرتو سمية و بناتو رانيا دكتوره و نهى بتدرس تصميم و اولادو مصطفى مهندس مكينيكي و محمد شغال في منظمه.. الترتيب بتاعهم.. الاكبر مصطفى حتي محمد حتي رانيا و اخيرا نهى..

جَي سمية تقعد جمبو و تشيل كبايه الشاي حقيتها تشرب..

عثمان: ( وين الأولاد؟)

سمية: (رانيا مناويه الليله.. نهى بتقرا في غرفتها.. و محمد و مصطفى مافيشين..)

عثمان:(الأولاد ديل اصلا م بيطلو حوامه؟)

سمية:( لسه شباب خليهم..)

عثمان: (طايشين ساي ديل..)

سمية: ( رينا بيهدبهم.. اها عملنا شنو مع ميرغني اخوك؟)

عثمان:( لسه.. حنقعد مع محامي و نشوف المحاصل..)

سمية: (اوعي تتنازل عن حقك مهما حصل ي عثمان..)

عثمان:(م بتنازل ي سميه بس ياخ المحاكم دي كعبه..)

سميه:(حتى لو كعبه ادخلا لانو اخوك حرامي و كذاب ..😳 زور اي شي و شالو براهو.. مستحيل ابوك يظلمك و يكتب حلالو كلوو ميرغني و يخليك انت (ر. 😢

عثمان:(والله م عارف ي سميه.. اصلا ابوي في شهوروا الاخيره كانت تصرفاتو كلها غريبه..)

سميه:( بس م لدرجه اكتب حلالو ميرغني و يخليك انت..و اصلا هو م عندو غيركم انتو الاتنين..)

عثمان:(نشوف المحامي و خذ البحصص)

سميه:( بس م تقرر حاجه بدون م ترجع لي)

عثمان:( حاضر ي سميه.. اصلا انا م بعرف اقرر حاجه بدون م ارجع ليك و اسالك..)

شغاله رانيا في المستشفى بتقيس ضغط لرا كبيره و واقفه جمبها بتها..

رانيا:(امك كويسه بس ضغطها مرتفع لكن حاعمل شوية خآليل عشان نطمئن عليها اكتر)

البيت:(طبيب و دكتوره)

بجي عربيه الاسعاف و ناس الطواري يجو عليها..

رانيا:(استري ي رب..دقايق..)

و تمشي علي الطواري، تسال ناس الطواري..

رانيا:( حصل شنو ؟ 😰)

يقول ليها:( حادث عربيه)

تمشي رانيا مع الممرضات و تحاول تسعف في المصابين يكونو راجلين و بت..

قاعد مصطفى مع اصحابه في نادي بلعبو كتشنينه و بونوسو و يضحكو و يشاغلو بعض.. تلفونو ضرب.. القاهو ابوهو.. ارد.. مصطفى: (ايوا ي ابوي؟ .... في النادي مع اصحابي.... طيب....سلام)

و يغفل و هو مكشر..

تدخل رانيا غرفه الاستراحه بنعاتهم و تقعد تبكي تدخل وراها امل صحبتها.. تقعد جمبها...

امل: (ي رانيا م ممكن كده ي بت..م في يدك حاجه تعمليها ده امر ربنا..م يبقى قلبك رهيف كده..)

رانيا و هي بتبكي: (م بقدر أتحمل زول يموت قدامي..م بقدر والله..)

امل: (ده قضاء ربنا ي رانيا..)

رانيا: (م قدرنا انقذو..م قدرنا..)

امل: (اصابتو كانت خطيره..م ليك ذنب في شي.. انتي عملتي العليك.. عمره انتهي خلاص.. بعدين خلي قلبك شوية قوي...م ممكن من أقل شي تقعدي تبكي.. دكتوره كيفف انتي بس ..😢 يلا قومي غسلي وشك و ارح اطلعي تمّي شغلك.. رانيا: (طيب.. دقايق بس)

تطلع امل غشي..

في منزل امين الطاهر البتكون من بيت كبير بطابقين يعيش امين الطاهر و زوجتو هنادي و ولدهم الوحيد يحيي و عندهم بتهم سميره متزوجه و عايشه في الامارات... امين و هنادي بحبو يحيي شديد و بدلعوه.. ابوهو سافرو ماليزيا درس هناك.. و رجع عمل شركه صغيره بتاعت استيراد و تصدير و بدا يشتغل فيها.. ابوهو طوالي كان بدعمو و بيقف معاهو...

قاعدين امين وهنادي علي الصفره و قدامهم الاكل مستنين يحيي ينزل..

امين بكورك: (يلا ي يحيي الاكل برد..)

يجي صوت يجي من فوق يقول: )اجاي ي ابوي..(

واقف يجي قريب من السلم و بتكلم في التلفون..

يجي: (خلاص حبيبتي.. اتغدا و يرجع ليك... باي..)

و يقفل..

يجي نازل بتعد ياكل..

امين: (الشغل كيف؟)

يجي: (كويس والله احسن من الفتره الفاتت)

امين: (الحمدلله.. بعرف ناس دايرين اصدروا حاجات لبره.. حاجيبهم ليكم.. )

يجي: (اي طوالي ي ابوي..)

هنادي: (خليك من الشغل ي امين خلي الولد ياكل.. ضوق السلطه ي يجي حتتعجب شديد.. )

يجي: (حاضري امي..)

يضوفها..

يجي: (الله 😍 بختن ي امي تسلم ايدك..)

هنادي: (بالهناء عليك ي يوبو..)

يجي يضحك..

يجي: (يبو شنو ي امي.. ده كان زمان.. بس اسي انا كبرتا..م انفخ يوبو ده..)

هنادي: (حتى لو كبرتا و بقى عمرك مية سنه حتيقي في نظري يبو ولدي الصغير البحبو ..) 😍😍

يحيي يضحك..

يحيي :( برضو.. طيب ي امي.. قولها بس بيني و بينك اوعي تقول ليها قدام زول غريب.. )

هنادي: (حاقولاً ليك قدام ندى خطيبتك (😍

يحيي: (لا لا ي امي يااخ م ينفع.)

امين: (هما م حتحددو العرس؟)

يحيي: (والله ي ابوي حنحددو خلاص.. خلال كم شهر الجايين..)

امين:( اي يلا دايرين نفرح بيك..)

هنادي:(اي يلا حمد و لو ناقصه ليك اي شي الحنا بنتمو ليك..)

يحيي:( لاا مستوره الحمدلله.. ان شاءالله ربنا يسهل..)

امين: (ان شاءالله..)

قاعد محمد مع صحبو فيصل في بلكونه في شقه بتلمو فيها هم و اصحابهم..

بتونسو و باقي اصحابهم قاعدين بلعبو بليستيش جوه..

فيصل: (والله ي محمد البت دي شكلها كويس بس م عارفك انت مالك مقلق من خييتها.. )

محمد ياخذ نفس من السيجاره الفي يدوه:( م عارف بس انا بعد ابي فقدنا الثقه في كل البنات.. )

فيصل:( ايي دي اصلام كنت مرتاح ليها انا و كلمتك.. براك م صدقتني و مشيت ورا

قلبك)

محمد:( كنت مصدقاً والله.. فجاه القاها بتحب واحد صحبي)

فيصل:( خليك منهم..الاتنين هم ذي بعض.. اسي عرسو.. شوفهم م حاقدرو يتمو سنه مع بعض)

محمد:(بطريقتهم.. يتيمو م يتيمو شغال بيهم انا)

فيصل:( خلاص انسي ابي شويه.. و شوف مي دي .. كويسه والله)

محمد: (ان شاءالله)

جيهم هشام صحابهم و يقول ببطا ر..

هشام: (شنو المخطط ده ي شباب 😍😍 و احنا قاعدين مستنيينكم)

فيصل:( اسي بنجي كنا بنشرب سجايبر بس)

هشام:( خلاص تعالو العبوا مع مجاهد ده انا مليت منو)

محمد و فيصل يضحكو و يقولوا ليهو: (طيب جايين)

قاعده رانيا في غرفتها.. حاوصفها ليكم شويه.. رانيا بت بيضا و عيونا كبيره ملامحها جميله.. بتنقص شعرها قصير علي كتفها..طيبه و هاديه شديد..حنينه شديد..كل يوم ترجع من المستشفى بتبكي بسبب حاجه حصلت هناك لمن امها بتشاكلها و قالت ليها خلي الشغل يتحملي لروحك نفسيات.. بس بتحب شغلها و م بتخليهو.. جيها نهى.. تقعد تتونس معاها.. نهى حكي بالجامعه و كده و رانيا حكي بالمستشفى و الحاصل فيها و متأثره بقصه الولد المات.. و نهى تضحك فيها.. شويه كده يضرب تلفونها تعاين تلاقهو ياسر..

رانيا بفرح :( ده ياسر)

نهى:( خلاص جا حبيب القلب نستنذن خنا)

و غشي..

رانيا: (الو...اهلا ي ياسر)

ياسر: (اذيك ي رانيا ي بت عمي)

رانيا تضحك: ( كل يوم لازم تاكد انو انا بت عمك.. والله عارفه)

ياسر: ( لازم يااااخ 😍مفتخر بيك انا ياااخ 😍😍)

رانيا تضحك..

ياسر: ( حنتلاقى بكرا؟)

رانيا: (اي ان شاءالله.. علي ٤ كده عشان ٥ و نص لازم اكون في البيت.. لو اتاخرنا ابوي حاعمل موضوع)

ياسر: ( و م حتقدري تقولي انك كنتي معاي ..😞 اي عارف(..

رانيا: (معليش ي ياسر ..كلها وقت و نتخلا المشاكل البين ابوي و ابوك و نعلن علاقتنا لناس كلها)

ياسر: (علاقه شنو 😞 حنعرس طوااالي)

رانيا: (ان شاءالله والله (😔

يحيي و وليد صحبو راكبين عربيه يحيي..

يحيي: (المحل ده انت متاكد منو)

وليد: (اي والله حلو شديد و خدماتهم ظريفه.. انا عملتنا فيهو عيد ميلاد حبيبتي القديمه ديك نسيت اسمها (😂 😂)

يحيي: (لازم تنسي اسمها عشان كتار.. )

وليد: (اعمل شنو كلهم م نفعو معاي.. )

يحيي: (عشان م عندك ذي ندي 😍😍 لو كان عندك ندي كان م عرفنا غيرها (😒😒

وليد: ( الله يدينا ذي ندي دي (😍

يحيي يضحك : (مااااااف ذيهاهم حاول اصلا تفش.. ده وحدده بس (😍

وليد: (تتهني بيها ..😒 ادخل الشارع يمينك في الناصيه طوالي المحل(

يدخلو يلقو المحل ينزلو.. يستقبلهم السيرفس..

يحيي: (داير احجز لعيد ميلاد)

السيرفس: (صفرة بس و له طابق كامل؟

يحيي: (طابق كامل طبعا)

السيرفس: (طيب افضل معاي فوق اوريك الطابق و نتفق)

يحيي:( طيب)

و يطلعوا..

قاعده هنادي بتتكلم في التلفون..

هنادي: (اهدي ي سميره.. م كده.. الامور بتتحلا بالهداه....... لاا..طلاق شنو انتي جنبتي.. ي سميره ده شك منك ساي.. م عندك اي اثبات .... لاا.... اسمعيني..اهدي انتي طيب.. و م خلى الشيطان العب بيك...ي سميره ابراهيم زول كويس بس انتي اصبري.....لاا م اتغير...)

(يحيي امين يقعد جمبها و يسمع في الكلام)

هنادي: (اسمعي كلامي لا تساليهو لاشي.. خلي الموضوع ده كلوو...لو حصل منو شي تاني يبقي في تصرف تاني..... تمام حبيبتي.. بضرب بعدين اتطمن عليكي.. بوسي لي ملك...يلا سلام...)

و تقفل...

امين: (مالا سميره تاني؟)

هنادي: (الشّك بتاعنا و زجهانه انو قاعده براها و ابراهيم طول اليوم مافيش ... و الليله طلعت بحكاية جديده انها عايزه تتطلق منو...)

امين: (بنتك دي جنت.. ابراهيم زول كويس)

هنادي: (قلنا ليها بس هي م بتسمع الكلام.. يدوب عرسهم ليهو سنتين.. لسه م عرفو بعض كويس...)

امين: (ربنا يهدي سرهم)

هنادي: (اللهم امين)

امين: (انا طالع خلاص)

هنادي: (طيب في امان الله..)

رانيا واقفه تفحص ل راجل في المستشفي.. يحي يقيف دكتور معاها اسمو جمال في شباك الغرفه.. رانيا تعاين ليهو و خلص فحص و تطلع تقيف معاهم..

جمال: ( كيفك ي رانيا؟)

رانيا: (تمام الحمدلله ي دكتور)

جمال: ( لسه مصره علي دكتور دي؟ ارتفعى الكلفه بينا.. قولي لي جمال بس)

رانيا: (لا م انفع.. انت مدير المستشفي و استاذنا و ليك مقامك)

جمال: (طيب.. م فكرتي في الموضوع؟)

رانيا تنزل راسها (وريتك ردي من اول يوم ي دكتور)

جمال: ( بس انا لسه مصر علي طلبي)

رانيا: (والله ي دكتور م اظن في امل)

جمال: ( لا في بسنتك انا)

يجي واحد يناديهو اقول ( ي دكتور جم