الجزء 14

يدخل جيبي و وليد غرفه يجي.. يجي يكون مبسوط ذي الجد شاف ندي و هي حبه..

يعقدو..

جيبي: (عمري م كنت متخيل يكون في شبه ل ندي.. و بالشكل ده كمان.. ندي لو شافتها كانت حتنتفخ جدداا)

وليد: (اي صح جد جد شبه قوي شديدي.)

جيبي: (لازم اتعرف عليها)

وليد: (عاين ممكن تتعرف بس م جيب سيره ندي لا تعرف موضوع الشبه ده لانو حترفضك طوالي)

جيبي: ( صح)

وليد: (م جيب سيره الشبه خالص)

جيبي: (طيب ادخل ليها كيف؟)

وليد: (انت و شطارتك)

محمد بصحي القى مكالمات من تسنيم و فيصل يرجع ل تسنيم يتونس معاها و يسفهه فيصل.

محمد: (ي تسنيم رايك شنو نعرس عرقي لحدي م الامور تضبط و نعرس)

تسنيم تخلع: (عرفي؟؟ لاا جنيت.. ابوي بقتلني)

محمد: (ابوك م يعرف.. حاعرف من وين؟)

تسنيم: (لاا.. اصبر لن جهز و خلاص)

محمد: (تسنيم فكري في الموضوع احنا دايرين نبقي مع بعض ماف حل غير كده و بعدين الناس كلها بتعمل كده.. م فيها شي)

تسنيم: (لا انا م بعمل كده.)

محمد:( فكري في الموضوع و خليك من ابوك.. حتلقي ماف خل غير ده).

محمد احاول يقنعها بس هي بترفض .

يجي يقعد الليل كلو يفكر في رانيا..

الصباح يصحي بدري يقوم يستحما و يخلق دقنو و يلبس كويس و ينزل ..امو و سميره لمن اشوفوهو اخلعو..

يجي:( صباح الخير😊

هنادي:( صباح النور)

سميره:( طالع وين من الصباح؟)

يجي:( ماشي مشوار و يجي.. )

يمشي علي ملك بيوسها و يطلع..

هنادي تعاين ل سميره مخلوعه..

هنادي:( في شنو؟)

سميره:( م بعرفو).

تسكت سميره و تتذكر رانيا تقول ي ربي وليد واهو رانيا..

تدي امها ملك و تمشي الغرفه تشيل تلفونها تضرب ل وليد...

وليد:( الو)

سميره:( صباح الخير)

وليد:( صباح النور)

سميره: (انت وريت يحيي الدكتوره؟؟)

وليد: (ايوه.. ليه؟ عرفتي كيف؟؟)

سميره: (عشان صحي و حلو و ليس احل لبسه و نزل مبسوط صبح علينا و طلع)

وليد: (معناها مشي يلاقيفها)

سميره: ( بس ي وليد الموضوع ده صعب..)

وليد: (ماف شي.. بس هو م يقول ليها مووضوع الشبه ده.. )

سميره: (اي لانو لو عرفت حتفرضو.. بس يمكن تكون متزوجة..)

وليد: (والله لسه م عارفين عنها اي خبر بس بحاول اجمع معلومات عنها..!)

سميره: (اي كويس.. بس يحيي حامشي يعمل شنو؟ اوعي يتهور..)

وليد: (لاا م بعمل شي انا كلمتو.. كدي انا بشوفو..)

سميره: (طيب وريني البحصّل..)

وليد: (طيب.. سلام..)

يحيي يمشي المستشفي يدخل يفنش علي رانيا م يلقاها.. يمشي يقعد في كراسي الانتظار و يستني يمكن يجي مارّه..

يقعد يستني ذي ساعه.. في الاخر يجي مارّه يحيي طوالي قوم يمشي بوراها.. تدخل مكتبها.. يدق الباب.. تعاين ليهو

رانيا: (اتفضل)

يحيي: (صباح الخير ي دكتوره)

رانيا: (صباح النور.)

يحيي: (انا داير اعمل فحوصات عامه.)

رانيا: (امشي المعمل في الطابق الاول فوق)

يحيي: (لاا.. داير اعمل عندك قالو انك شاطره.)

رانيا: (في دكاتره في المعمل حاعملوها ليك)

يحيي: (لاا انتي بس)

رانيا تعاين ليهو باستغراب و تزعل من طريقه كلامو معاها و نظراتو ليها..

رانيا: (ماعليش انا م فاضيه.. عن اذنك..)

و تطلع تخليهو..

يمشي وراها يحيي: (يرضيك اموت يعني؟)

رانيا: (انا مالي)

يحيي: (بدفع ليك الديارهو)

رانيا تثيف تقبل عليهو بزعل: (اسمع هنا ..😡 اتكلم في حدودك.. ده مكان محترم و م بنقبل بالرشاوي ..😡😡 داير تفحص ذيك و ذي الناس اهلا وسهلا م داير..حنادي السكيروتي يطلعوك برا (..😡😡

و تمشي و خليهو واقف مبتسم.. يطلع يقعد في عربيتو برا.. بيستنها تطلع.. يقعد لخدي اخر اليوم لمن يجي طالعو يمشي وراها بالعربيه..

تمشي بيتهم يحفظ بيتهم و يمشي يرجع بيتهم مبسوط يقعد يتغدا مع ناس امو.. و هنادي و امين مخلوعين فيهو ..الا سميره عارفه بس م بنقدر تقول ليهم..

فيصل يلاقي محمد في النادي.. يحيي يقعد جمبو..

فيصل: (حتتهرب مني لمتين؟)

محمد: (عارفك حتقول شنو عشان كده م برد عليك)

فيصل: ( انت ي محمد جنيت؟ كيف تعمل كده؟ انت عارف النو راجلها ضربها و شال منها التلفون و حبسها في البيت..)

محمد بكل برود: ( تستاهل)

فيصل: (ي محمد ياح م تدخل في حاجه م تعنيك)

محمد:( بتعنيي.. دي كانت حبيبتي و خلنتني و عرست صحبي و تاني جايه حب صحبي التاني م بسكت ليها.. )

فيصل: (هي علي ذمه راجل انت م ليك دعوه.. اواب زعلان شديد و قال م حاسبيك)

محمد: (اعلي م في خيلو يركبو 😟)

اواب: (والله انت جنيت)

محمد: (اصلا.. يلا خلاص اسكت خليني احضر الكوره دي..)

اواب اعاين ليهو بغيط شديد..

يجي كل يوم بعشي ل رانيا قدام المستشفى بيشوفها و بعشي وراها لمن تصل البيت..

رانيا بتشوفو جمب المستشفى بس م بتشوفو بعشي وراها لدي البيت.. حكك لامل و خافت منو..

رانيا:( حاسه بيهو بجنون وله حاجه م عارفاهاو مالو معاي)

امل: ( يمكن معجب بيك..)

رانيا:( لا تصرفاتو م طبيعيه)

امل:( لو خايفه كلمي مصطفى يشاكلو ليك)

رانيا:( لا م دايره اكبر الموضوع

امل: ( ان شاءالله..)

محمد حاول يقنع تسنيم بس بترفض .. زعل شديد منها و شاكلا و قفل الخط و تسنيم بهناك بتبكي و خايفه محمد يخليها لانو بتحبوا شديد و متعلقه بيهو...

يوم جات طالعه رانيا من المستشفى برضو لقت يحيي واقف.. مشت عليهو.

رانيا:( انت مراقبني وله حاجه؟)

يحيي: (ايوا).

رانيا:( ليه؟)

يحيي:( داير اتعرف عليك)

رانيا:( انت مجنون..؟)

يحيي يضحك: (والله م مجنون بس داير اتعرف عليك.. ممكن؟)

رانيا: (ماعليش م بتعرف علي ناس في الشارع)

يحيي: (طيب لو جيت البيت بتوافقني بي؟)

رانيا: (م بتقدر تجي البيت اصلا).

يحيي:( خليك من م بقدر دي لاني بقدر.. لو جيت بتوافقني بي؟)

رانيا: (والله انت مجنون..)

يحيي:( والله م مجنون بس معجب بيك شديد و داير اتزوجك عديل..)

رانيا تتنلع: (انت م بتعرف حاجه عني اصلا)

يحيي:( اسي بتعرف عندك خيارين.. اما توافقي تتكلمي معاي اسي.. او اجبي البيت و نتعرف هناك..)

رانيا تضحك: (والله انت م طبيعي)

يحي: (اختاري واحد منهم)

رانيا بزعل(ولا واحد)

و تمشي و خليهو واقف مبتسم و مبسوط...