الجزء 20

امي ويوسف اتفقوا خلاص على اي حاجه .. وجا المساء انا وجنان نضفنا البيت وجهزناهو 😍 عارفين لييه .. عشان ادهم ويوسف جايين يتقدمو لي 😍👏 ... انا وجنان اتهردنا في النضافه بعد سمعنا كلام يوسف ورتبنا البيت .. وسرييع سرييع فتشت لي فستان في دولابي سيتان سااااده باللون الموف ..💜 وسرحتني تسريحة حلووووة شدييد مع فكة شعر .. ومكيجتني مكياج ظاابط من مكياجها .. وجا المسا .. وادهم ويوسف جو كانهم ناس غرباء 💔😂😂 .. اخواتي ماكانو فاهميين شي .. قالت ليهم امي الليله خطوبة سندس .. ماتطلعو من الاوضه وتجو ونحنا برره .. اخواتي صغار طبعا وسمعو الكلام قعدوا جووه .. جا ادهم ويوسف قعدوا في العريشه برره .. وامي سلمت على ادهم بكل احترام وقعدوا .. ادهم بدا يعرفها على نفسو ويتونسو .. ويوسف التقول اخو العريس 💔😂😂 يصلح فيهو في الكلام ويقاطعوا مرات .. وتوتر شديييد ظاهر عليهم .. وانا و جنان جووه متوترييين .. قرربتا اهبط ليها 😰😰 وهي زاتها تنقنق .. سندس هسي يعني تطلعي تودي العصير ولا انا ..

انا : برري اطلعي انتي .. انا حادفقو

جنان : لالا .. انا بودي الشاي وانتي ودي العصير ..

انا : ااخ انا .. الله يوددي اليوم ده على خييير

جنان : قولي بسم الله واررح 😘

انا : طيب نطلع سوا .. انتي شيلي الشاي وانا العصير

" بعد لبشات ومشاورات كتيييرة .. طلعنا بعد سله روح .. يوسف قررب يجي داخل لينا جوة يقول لينا بتتعاورو مالكم 👊😒 .. طلعنا وسلمنا عليهم وقعدنا .. وانا شفتا ادهم 💓😍 .. عيوني ما نزلت منو .. الزول السمح ده حيبقى راااجلي 😍😍 .. وادهم ماقصر كل ما يلقى امي سرحت في الارض ولا كده يعاين لي .. ويهمس براحه .. عسل ده يا نااسي، ..😉 وانا اتخجل 😂 وهو لسا يتبسم .. ويوسف يعاين لي ويحمر 😒 .. نظام بطلي خفه واقعدي ساي 👊😒 .. "

امي : اها يا ولدي خييير ..

ادهم : يا امي يوسف كلمك بالحاصل كلو .. وانا داير بتك سندس وطالب يدها على سنه الله ورسوله

" لما سمعتا الكلمه ماعارفه حصل لي شنو .. مسكني زقته وبقيت " ابو الشهاق " 😂😂😂 .. طبعا كلهم بقوا بعاينو لي 😳😳 ..

جنان : سندس اجيب ليك موية

انا : لا لا انا كويسه ..

" ادهم كان كاتم الضحكه 💔😂😂 وعرفني اتلبشتا 😂"💔😂

امي : طيب يا ولدي واصل كلامك

ادهم : بصراحه يا امي .. اهلي رافضيين العرس .. عشان كده ما دايرين يجو معاي ..

امي : وحيحصل شنو لي سندس ! حتعرسها كيف؟؟

ادهم : انا هسي حاليا .. عندي عشرة مليون مهرها واي حاجه

امي : وحتسكنها وين !!

ادهم : حاجر شقه في حدود مليون خمسه شهور .. وعندي شغل ماشي الحمد لله ..

امي : من ناحيه والله محترمااك شدييد .. ومن ناحيه خايفه على سندس من اهلك .. وبعد ده انا عارفه سندس دايراك ..

" طوالي عاين لي ادهم 💝 وبقينا نتبسم ونتخجل 💓 .. ويوسف يديني حميرة 😒 ارجع تاني لي وضع العروس المهذبه "💔😂😂

ادهم : من الناحيه دي ما تقلقي عليها سندس جووه عيوني وفووق راسي .. وانا حاشوف لي مكان قريييب منكم عشان ما تخافو عليها ..

امي : الله يقدم الفيهو خير .. يعني اسبوع وسندس تعرس 😭

" قمتا وقفتا على حيلي .. اسبووع بس 😰 اقضي حاجاتي كيف هسي، "😳😳

جنان : سندس 😂😂😂 اهدي عليك الله

امي : سندس 😒 كبي لينا الشاي ..

ادهم طبعا بقى بضحك بي تحت 😂😂 عارفني شفقاانه للعرس 😂

" اتحرجتا لما امي هرشتني .. وقعدتا اكب في الشاي .. وادهم يعاين لي عشان اتجهجه زياادة 😂😂 وقطعت لينا اللحظه الرومانسيه دي .. فاره صغيييرة .. ظهرت لي ورا ادهم تحت السرير 😳 قلبي لمن وقف .. " ام سيسي، "😂😂 الجابها شنو دي .. وانتي يا الفاره العبي بي اعصابي واتحاومي تحت السرير .. وانا اشيل واصوط بالملعقه وادهم يعاين لي 😳 مخلوع سندس دي مالها اتوترت فجأة كده ..

يوسف : سندس مالك بتتراجفي 😳 ؟؟

انا : ماماما ...

يوسف : مالك بتمتمي 😳

امي : سندس مقهيه في شنو 😳 كبي الشاي ده بتتراجفي مالك !!

انا : ممممم .. " والفارة قررربت من بنطلون ادهم تحت في رجلينو .. قمتا كوركتا .. لااااا 😰😰

ادهم : سندس في شنو مالك ؟؟

انا : مااا مااا .. " لااااا ✋✋ لااااا "✋

" كلهم وقفوا على حيلهم 😂😂 يابت مالك انتي؟؟ في شنو؟؟ "!

" الفارة .. جرت زاااغت .. انا يادووب قلبي برد 😂😂 قلتا بصوت عااالي .. الحممممد لله ..

يوسف : سندس 😳 جنيتي انتي

امي : يابت بتتكلمي براك ماالك 😳😳

جنان : شكلها اتوترت من الفرحه .. ادهم اعذرنا معليش

ادهم : لالا .. مافي مشكله انا متفهم الخبر جاها فجأة

" طبعا بعاين لي عين استغراااب كده 😳 من فوق لي تحت .. وانا بتبسم ☺ وشغاله ليهم ماالكم 😊 واقفين مالكم انتو ككده "

يوسف : والله انتي ما نصيحه 😂😂😂

ادهم : طيب يا جماعه .. حصل خير ..

امي : اعذرنا ياولدي .. من يومها روشه وطقشه

انا : امممي "😡😡😒😒 روشه كيف يعني امي تقول كده قدام ادهم "😒

جنان : 😂😂😂😂😂😂 " سندس الليله فضحووك "😂😂

ادهم : طيب ما نتأخر عليكم .. تصبحوا على خير ...

امي : وانتو بخير ..

يوسف : جنان .. حتبيتي .. ولا نوصلك في طريقنا؟

جنان : لالا طبعا بايته هنا 😊

يوسف : طيب .. يلا سلاام ياجماعه

" طلعوا مننا .. وكانت ليله مابتتنسي 😂😂 الفاره الفقر ماظهرت الا اليوم ده بس 😂😂 المهم الموضوع عدى على خير والحممد لله طلبوني وبعد اسبوع العرس .. جينا انا وجنان قعدنا في الاوضه وجيبنا ورقه وقلم نحسب .. الشيله والعزومه وايييك ده كلو .. القروش ما بتكفي ياخ .. جنان يابت قولي بسم الله .. اتنين مليون للخروف .. واتنين ناجر بيها الزفاف .. وانا بمكيجك وبسرحك 💝 .. وجنان كانت خبرة في المكياج ..

انا : اها يا جنان .. كده باقي سته مليون ..

جنان : اها شفتي بكره نمشي السوق .. اتنين للريحه واربعه للشيله .. بي كلو نمشي سوق ليبيا من الرخيص نتمم الامور .. وباقي العزومه والمأذون وكده علي انا بجيب ليك ولد دفعتنا غناااي بس باجر ليهو الاورقن والتصريح .. والخيمه على يوسف ..

انا : جنااان 😂😂😂 المرأه الخارقه بس 😂😂😂

جنان : شفتي كيف 😆 البركه يابتي .. اسبوع واحد نظبطك فيهو تمااام

انا : ياخ بالجد اختي 💔😭😭

جنان : هي خلاص خلينا ننوم .. ما تشبكينا حب وغرااميات .. 😭😭 تعرسي وتخلينا 💔😭😭

" نمنا والصباح بي وشنا على السوقو .. وربنا ببارك البيت الحلال .. فعلا العشرة البسييطه دي كفت لينا .. واالحمد لله اتظبطنا .. يوسف وادهم كانو بتمو في الامور الباقيه ..

عدى الاسبوع وجا العرس 💓 .. الامور مشت سرييع حتى انا كنتا مخلووعه .. صحي البيت الحلال بجي فجأة كده وامورك بتتم سرييع سريييع كده .. 💓 وربنا بساعد اي اتنين هم دايرين بعض بالحلال .. يوم العرس الصباح قااعدة بفكر ..

ادهم الشفتو في القسم واتعرفتا عليهو ومعرفتنا شهور بسييطه ... ادخم الما كنتا متوقعه يوم يجي واكون مرتو .. ادهم اصلا ماكنتا بفكر يوم يعاين لي .. 💓 وربنا لما يريد حاجه بتتم رغما عن كل ألبشر .. تم العقد والحمد لله خلااص بقيت مرت ادهم "😍😍

.....

عدت سنه من عرسنا عشنا اول شهر في شقه قريبه لي بيتنا .. بس بعدها رحلنا مع ناس امي قعدنا عااادي زي السمن على العسل .. ادهم بمشي الصاله الصباح وانا بمشي معاهو .. كنتا بمرن صفوف الزومبا

وهو بعلم الاولاد عزف الجيتار .. وعلى كده عشنا يومنا بالبسيييط .. ادهم كان مصر على امي انها تاني ماتشتغل وانو انا وهو مسؤولين من اخواتي سمر و سونة 💜 .. وربنا فتحها علينا 💓 ...

اهل ادهم كانو بعيدييين منننا .. طبعا ادهم كان بفقدهم بس ما حاول يظهر لي زعلو ده ..

لحدي ما حملتا بعد سنه من العرس ووقفتا من الشغل وبس ادهم بقى شاايل البيت .. قعدتا تسعه شهور 💓 وجانا اول طفل 💓 سميناهو كريم .. وصبرنا ده ربنا ما ضيعو وفي سمايه كريم .. الباب دقى ..

ادهم فتحو والفرحه والخلعه ليهو في نفس الوقت .. بعد سنتين اهل ادهم كلللهم ابوهو وامو واخوهو ومرت اخوهو .. جو بيتنا وشايل في يدهم اكياس هدايا للطفل .. طبعا ام ادهم ما اتمالكت روحها من ادهم فتح الباب مسكتو وحضنتو وبكت .. ابوهو واخوهو سلمو عليهو سلام بارد كده ودخلو جوه .. امي طبعا احترمتهم .. وقعدو باركو لي .. ابو ادهم قررب مني وانا راقدة في السرير شاف الطفل 💓 قال لي اسمو منو ؟ قلتا ليهو كريم 💓 قال لي : تبارك الله .. وشالو في يدينو وهو بعاين ليهو .. تخيلو العقيد الصعب داك قلبو ما حنى الا لما مسك حفيدو بي يدو .. ما اتحمل ودموعو نزلت .. حضن كريم عليهو ودموعو كابه .. كانت اول مره اشوف دموع ابو ادهم .. وادهم زاتو كان واقف في الباب بعاين لي ابوهو .. دموعو نزلت لما عيونو حمرت شديييد، 💔 اول مرة اشوف الزعل في عيون ادهم كده .. اشرت ليهو بي يدي يقرب علينا .. وجا قرب ووقف ..

ابو ادهم قال ليهو : كبرتا وضقتا الضنا

ادهم : اي يا ابوي ..

ابو ادهم : وشفتا احساس الابوة كيف ؟

ادهم : احساس حلو والله

ابو ادهم : تعال ياخ تعال .. جراهو عليهو وحضنو شديد 💔💔 .. ادهم ما اتمالك نفسو وبكى بي حرقه من جواااهو .. وكأنو زعل سنييين وسنييين طلع من البكيه دي .. كأنو طلع الزعل كلووو .. ابوهو خلاهو تمى البكيه .. وقالو ليهو .. عافي منك يا ولدي .. انا زاتي غلطت في حقك في حاجات كتيييرة ...

ادهم : ابوي انا الغلطتا " مسك يدو وسلم عليهو وراسو وسلم عليهو .. وقال ليهو .. اي شي من غيركم مر "💔

ابو ادهم : طيب امك دي مشتاقه ليك ياخ ..

" مشى ادهم سلم عليهم تاني .. واتراضوا .. وابو ادهم سلم علي في راسي وبارك لي تاااني .. وقال لي ربنا يحفظك يابتي .. والسبب في الرجعه دي ملاك صغيييير اسمو كريم 💓 والله الكريم .. رجع ادهم لي اهلو تاني .. وفي سر انا ما قلتو لي ادهم .. اني كنتا كل يوم بصحى بصلي ركعتين اقامه ليل وبقرا سورة البقرة انو ربنا يعيد قلوبهم لي بعض ويتصافو .. طوال السنتين انا كنتا بقيم وبدعي وادهم ما كان عارف بي .. لحدي ما جا اليوم ده الربنا استجاب فيهو وفرحنا "💓

...

ومرات بتتعرف على شريك حياتك في مواصلات ولا شارع ولا صدفه .. او حتى قسم شرطه 💓 بس انت ماعارف الزول داك حيكون شريك عمرك كلو ..

بتجي الامور فجأة وبتتم فجأة .. والبيت بنزل من فوووق مبارك وبتبارك بي اقل شي ... حتى العشرة مليون اتباركت عشان نيتي انا وادهم كانت واااضحه .. اتنين عايزين يتلمو في بيت وااحد بالحلال 💜 ..

الكذبه الوحيدة الكذبتها على ادهم .. انو اسمي الاء 💓 .. وبقيت آليتو 💓 .. وغيرها ما كذبت عليهو عكس كل الرجال العرفتهم وكذبتا عليهم .. والزول الاتعرف علي بي طبيعتي حباني ودخلتا قلبو .. وده كان درس لي .. العايزك بحبك زي ما انتي .. ربنا وراني انو الزول الوحيد الما غشيتو هو الوحيك الاموري تمت معاهو على خير .. 💓💓 ...

رجعنا لي بيت ادهم وعشنا هناك .. امي واخواتي كانو في الطا بق التحت ونحنا فوق ليهم .. وانا وادهم برضو استمرينا في شغلنا في الصاله .. بس الاتغير انو كلنا عشنا سوا ...

مرت السنين 💚

وجبتا ولدين وبنت ومع كريم بقو اربعه .. سونه بقت محاميه وسمر بقت دكتورة .. اترسم لينا كريق ما كنا متوقعينو يوم وحياه جديدة كليا .. ومرات بتبدا قصه حب من قسم شرطه ❤

ومرات بتبني بيت من قسم شرطه برضو 💚

ما معروف وين بتلقي شريكك وما معروف الظروف تجمعكم كيف .. والفرق بينكم يكون عمر ولا مستوى .. بس لما تلقي شريكك الدايرك بالوااضح خليييكي وااااضحه معاهو .. و الوضوح هو البخلي العلاقه تستمر وتقوم بي اساس قوي "💛

# آليتي ❤

النهاية 💎👑

# سندس _ مالك

Sansona#

Finished reading♥️

/ #سندس_مالڪ

النهايه🐥♥️