الجزء 9

ادهم قام مخلوع من مكانو يشوف في شنو حاصل .. ما كان عارف انا وافنان بنتشاكل ... طبعا افنان ما سكتت للكف وحاولت تمد يدها مسكتها .. قلتا ليها :

انتي وحدة قليله ادب وماعندك اخلاق .. وانتي الجاريه ورا الرجال وانتي البتستغلي جسمك عشان تصلي للدايراهو .. ومنو القال انك بت ناس .. هم وينهم الناس زاتو الربوك .. انتي وحدة ماعندك اخلاق بتعريفه .. بت فاااكه بتحوم لحدي الليل يجي مع واحد بي عربيتو وتطلع وتنزل على حسابو ... الواقفه قدامك دي اشرف من اهلك زاتهم يا ما مرييه ... طبعا افنان ما سكتت ولزتني من كتفي .. وانا جريتها من شعرها العاجبها ده .. وبدينا ضرب 💔💔 لما الناس اتلمو .. وادهم جا جاري يحجز فينا .. مسك افنان من يدينها وبقى بقول ليها اسكتي خلاص .. وافنان مصرة تنبذ .. وانا مسكتني ولاء وبقت بتجر فيني لي ورا .. بس ما شغاله بيها المهم عندي اتفشيييت ودقيتها دقه مظبووووطه 😆👌 .. ادهم زاتو اتخلع 😳 ماقايلني شكاااله كده وبعرف ادق ..

عاصم جا جاري يشوف المشكله شنو ! وفي نفس الوقت جا يوسف داخل ولقى ولاء ماسكاني والناس ملموومة ..

يوسف : سندس !! مالك ؛ ! في شنو ! حاصل؟؟؟

عاصم : ولاء 😡😡 في شنو ؟؟؟

افنان : انا ما حاخليكم .. حاشتكي علييكم 😡😡

عاصم : يا انسه في شنو لو سمحتي ..

صحبات افنان : انت كيييف توووظف القليلة ادب دي 😡

انا : قلليله ادب انتي ..

عاصم : سندس ما اسمع حسك "😡 بنهرة كده "😡

يوسف : سندس .. ارح معاي .. وانت منو عشان تعلي صوتك عليها

عاصم : الزم حدودك

يوسف : ما بلزم حدودي وانت احترم نفسك .. سندس يلا 😡

" طلعتا مع يوسف وادهم واقف ماسك افنان .. هو بعاين لي لما يوسف طلعني ولحدي ما مشيت معاهو وركبنا امجاد ... "

عاصم : انا بعتذر نيابه عن المطعم

افنان : انا ما حاخليكم ..

عاصم : بكرر اعتذاري يا انسه .. سندس الغلطانه ..

ادهم : افنان خلاص يلا اطلعي ..

افنان : ادهم ماشفتها اتهجمت علي كيف بطريقتها الوحشيه ..

ادهم : افنان يلا .. نتفاهم بعدين اطلعي هسي ..

عاصم : انا بعتذر يا انسه واوعدك انو الموضوع ده ما يتكرر ..

افنان : انا ما اشوف البت دي تاني .. تتصرفو تطردوها ..

عاصم : ان شاااء الله يا انسه ..

ادهم : افنان .. اطلعي لحدي ما اجيك في الجامعه ..

" طلعت افنان وصحباتها من المطعم بعد ادهم قال ليها اطلعي .. "

عاصم : انا بكرر اسفي يا استاذ ادهم ..

ادهم : طيب ..

" كان ادهم طالع ولحقتو ولاء جرت بي وراهو .. قالت ليهو .. سندس ما غلطت .. وهي بتبكي قالت ليهو سندس ما غلطت والله "😭😭

ادهم : حصل شنو وريني؟؟

ولاء : افنان قالت لي سندس ..... وعشان كده سندس مدت يدها عليها

ادهم : ده الحصل ..

ولاء : اي اقسم بالله العظيم .. سندس ما غلطانه 😭😭 عليك الله فهم عاصم كده عشان مايطردها ..

ادهم : ماعارف اقول ليك شنو

ولاء : انا عارفه انك ولد ناس واهلك فوق وبتقدر بكلمه ترجعها للشغل .. عليك الله اكسب فيها اجر سندس محتااجه للشغل .. الصباح كانت مبسوطة انها لقت شغل اضافي .. وجااات افنان خربت ليها فرحتها 💔

ادهم : شغل اضافي !!

ولاء : اي والله .. سندس محتاجه للقروش سندس مسؤوله من اهلها عليك الله ساعدها وماتخلي عاصم يطردها ..

ادهم : اهدي اهدي طيب ما تبككي انا حاتكلم معاهو .. بس عايزة افهم حاجه وحدة .. سندس ابوها وين !

ولاء : من يوم عرفتها قالت لي مسافر بس .. ماعارفه حاجه عنها

ادهم : طيب . كدي اقعدي احكي لي عنها وعن حياتها بالتفصيييل الممل عشان اقدر اساعدها ..

" طبعا ولاء ما قصرت حكت اي شي عني لانها خاته في راسها ادهم عايز يساعدني وادهم عايز يعرف اي شي عني كان 💔 ...

......

يوسف وانا في الامجاد وانا ابكي وابكي وهو يحنس فيني ويقزل لي خلاص اهدي نحنا قربنا للصاله مايشوفووكي كده يا سندس .. هداني شويه ودخل معاي جووة سحر استقبلتني وودتني غرفه الاستراحه بتاعتهم قعدتا شويه شربتا موية واستحميييت وغيرتا للرقيص واتسرحتا ودخلتا الصاله ... وساعتين رقصتا ومرنتا البنات ويوسف قاعد حارسني برره لحدي ما انتهيت وطلعتا لبستا هدومي ومشيت ليهو عشان نرجع البيت ... ركبني المواصلات ووصلنا قريب لدكان البيت دخل اشترى عيش وطعميه .. وقزازة بيبسي صغيييرة .. جابهم وقال لي الا تشيليهم .. مشيت دخلتا اكلتا مع اخواتي وامي وقسمنا البيبسي في الفناجيين 💔💔 شربناهو كلنا ..

مشيت ارقد في السرير وانوم .. اتذكرتا يوسف ❤ بقيت بتذكر ايامنا من نحنا صغار ومشاويرنا وبقيت بسال روحي انتي ياسندس بتحبيهو 😍 ... اليل كلو بفكر فيهو واتاكدتا اني بحبو 😍😍 ..

.....

صحيت تاني يوم عشان امشي للشغل واتذكرتا الحصل كلو 💔💔 مشيت وانا متاكده انو عاصم حيطردني من الشغل والليله نهايتي خلاص 💔💔 ... اتوكلتا على الله ومشيت .. واتصدمتا لما لقيت عاصم مستنيني اول ما وصلتا ناداني للمكتب وقلتا خلاص حيطردني ..

عاصم : سندس انتي عارفه نفسك عملتي شنو

انا : عارفه خلاص انا متحمله نتيجه تصرفاتي ..

عاصم : سندس انتي ما حتطردي

انا : ما حاتطرد؟؟

عاصم : احمدي ربك انو في زول اتوسط ليك

انا : مافهمتا ..

عاصم : امشي اسالي صحبتك ولاء .. ويلا امشي لشغلك

" جرييت لي ولاء طوالي .. ولاء حاصل شنو؟؟

منو الاتوسط لي ؟ !

ولاء : حبييبتي تعالي حضن اول 😍😍

" 😳 ولاء في شنو .. مالك بسم الله .. وانا بتكلم معاها اتلفتا لقيت ادهم داخل وقف نص المطعم واشر لي اجي عليهو ..

انا : الحيوان ده الجابو شنو؟؟

ولاء : 👋😒 ياهبله انتي مفروض تشكريهو ..

انا : على شنو مثلا؟

ولاء : هو السبب الخلاكي ترجعي ..

طوالي فكيت يد ولاء ومشيت ليهو 😡

ادهم : آليتي حمد لله على سلامتك ياخ المطعم نور

انا : آليتي دي شنو كمان؟؟ ..

ادهم : نسييتي انو اسمك كان الاء .. انا دلعتك كده

انا : اها الاء .. وهسي ده دلع ليك 😒 دقيقه انت اصلا تدلعني ليه ؟؟

ادهم : لاول مرة ادهم عثمان حيطلب من بنت تقعد معاه لمدة خمسه دقايق

انا : ومنو البت بالله؟

ادهم 😒😒😒: صحي ما بتفهمي .. طيب يا سندس

ممكن اقعد معاك خمسه دقايق بس ..

انا : انت داير تكمل البدتو حبييبتك

ادهم : اولا هي ما حبييبتي .. ثانيا لو سمحتي بدون قله ادب حاقعد معاك هناك في المطعم "' الزاويه البقعد فيها هو كل يوم "

عاينتا كده وفكرتا وقلتا هو السبب اني ارجع .. كدي اشوفو داير يقول شنو؟؟؟

مشينا وقعدنا في الزاويه ....