الجزء 14

اول ماشفتا رسالتو قعدتا اتبسم 😂😂 قلتا ما ارد ليهو برضو .. قام ضرب لي .. بشاور في روحي سااعه لما قفل .. تاني رسل لي .. " طيب ما حازعجك تاني معليش ✋😔💔 "

طبعا اتغظتا من روحي وقلتا تاني ما حيضرب لي 😔😔 .. قعدتا شوية وبعد عشرة دقايق تاني ضرب .. طبعا رديت سريييع 😂😂😂 قلتا ليهو .. ادهم ..

ادهم : يا الويية .. كييفك

انا : الحمد لله كووويسه

ادهم : مالك مساهرة للآن !

انا : ماجاني نوم سااي بس

ادهم : بتفكري فيني مش 😂😂😂

انا : هههاي ظريييف 😏

ادهم : 😒😒 يازولة مالك انتي بتهيجي طوالي

انا : لانك شايف روووحك شدييد 😒😒

ادهم : طيب خلاص ما تضايقي ياخ 💔😂😂 .. احكي ليك نكته

انا : اها احكي ..

ادهم : واحد حلق امو لبستو

انا : هههههه ، 😂😂😂 ظريييف

ادهم : تاني وحدة .. اقولها

انا : قولها يا سيد ادهم ..

ادهم : استاذة حامل وضعت امتحان ..

انا : 💔💔💔😂😂😂😂😂😂😂 تاااني

ادهم : الايام تمر والسنييين عجوة

انا : هههه 😂😂😂😂 تاااني ياااخ

ادهم : واحد خلا عربيتو مدورة .. جا لقاها مربعه

انا : 😂😂😂 عبيط 😏

ادهم : خلاص اها قولي لي انتي وحدة بس على الاقل

انا : مممم طيييب خليني افكر ...

ادهم : دوا كحه انا عند اهلك عشان تردي كل تمنيه ساعات

انا 😂😂😂😂😂: ادهم علييك الله خلاص 😂😂😂😂

" ومن اول مكالمه ادهم ما دخل غير الضحكه في قلبي .. يمكن نظرتي الاولى عنو صح .. بالجد زول ماعندو شبييه متوااااضع لابعد حد وبسييط من جوااهو .. وقلبو طيب شديييد ❤❤ ونسني وضحكني والليل كلو اتحاوم في الحوش واضحك في نكتو البايخه ❤ .. امشي واجي . لحدي ما قفلنا ونمتا .. الصباح لبستا للشغل وانا مبسووطة شدييد ❤ نمتا مرتااحه شووية .. مشيت الشغل وانا مبسووطه .. وانا شغاله منتظرة ادهم يجي بفااارق الصبر .. لحدي ما جا قرييب للعصر .. قعد في مكانو واشر لي من بعيييد ✋ ابتسمتا ليهو ☺ وواصلتا شغلي .. ناداني عشان اجيب ليهو طلبو .. طبعا عرفتو مشيت جبتا ليهو قهوة وموية وقدمتها ليهو ❤ واول ما جيت .. قال لي :

يا السمحه ❤ صباح الخير ❤

انا : صبااح النور ..

ادهم : وشك ده لو بشوفو في بيتنا الصباح كان يومي اتعدل

طبعا خجلتا من جووه .. قمتا هرشتو .. هوووي يا ادهم "😒😏

ادهم : خلااص .. ياخ ما تصري ..

انا : طيب انا ماشه ..

ادهم : لا ما تمشي ..

انا : قلتا شنو !!

ادهم : لالا خلاص 😂😂 .. امشي ..

.... قعد شووية وبعد لحظات جات داخله افنان . وانا من شفتها اتنرفزتا 😒😒 .. الفقر دي جات مالها 😏 مشت وسلمت وقعدت جنب ادهم .. وهو ماشكلو كان منتظرها ..

افنان : يابييبي صباح الورد

ادهم : يا هلا ازيك

افنان : مشتاااقيين يااخ ❤

ادهم : ههه .. كيف امورك انتي؟

افنان : الحمد لله تماام والله

ادهم : تمام طييب ..

" وسكت منها وهي لسه قاعدة معاهو رغم انها حاسه بيهو ماطايقها .. وانا كل ما اقدم طلب واعاين ليهو .. هو بتبسم .. ومرات بنزل راسو عشان يضحك .. ومرات لما امر بخت يدو في وشو ويغمز لي 😉 عشان افنان ماتشوف .. وبعد ده هي مركزة معاي شدييد . وانا طبعا ماقصرتا كل ما امر اعاين ليها من فوق لي تحت 😏 عشان تفهم انها ما اهم مني في شي .. "

افنان : ادهم .. ارح نطلع مشوار ياخ انا زهجانه

ادهم : والله يا افنان عندي حسابات .. مابقدر اطلعي انتي مع صحباتك

افنان : ادهم انت مالك اتغيرتا؟

ادهم : مالي هسي يابت .. ماعندي نفس اطلعي انتي

افنان : ماكنتا كده .. كنتا بتطلع لما اقول ليك زهجانه

ادهم : يابت مالك انتي زهجانه؟

افنان : عشان انت بقيت ما بتهتم بي

ادهم : افنان في شنو .. انا مشغول بس . بعدين انا خطيبك مثلا عشان اطلعك كل مازهجتي؟

افنان : لا ..

ادهم : طيب . لما اكون فاضي بطلعك .. عندك اصحاب غيري ممكن تطلعي معاهم .. المشكله وين بس !

افنان : بس انا ما بحب اطلع الا معاك ..

ادهم : اووف خلاص ما تنقي .. بضرب ليك لي امير اخوي يطلعك

افنان : خلي يجي هنا .. واوريهو انك مشغول كيف بقيت

" ادهم عايز كان يتخلص منها وضرب لي اخوهو وكلمو يجي .. وفعلا جاهو في المطعم .. بس المفاجأة كانت "!!

امير : يا شباب ازيكم !

ادهم : كيفك الاخبار

امير : والله تمام .. يا سكرة ازييك

افنان : بخيير ☺ .. لي كم يوم يا امير بحنس في اخوك عشان يطلعني ورفض لي 💔😔

امير : ادهم مالك مع البت دي مزعلها؟؟

ادهم : ماعندها شغله بس جنها طلعات .. اها شغل ابوك ماشي كيف

امير : والله لو تجي تشوفو كان اخير 😒

ادهم : ما حاجي .. وماتعشم فيني اجي ..

افنان : امير تشرب شنو !

امير : قهوة . والله راسي حيتفجر من الشغل

افنان : اووك تماام ..

" واشرت لي نادتني .. يابت .👏 . جيتها طبعا وقلتا ليها اتفضلي واتلفت لي امير .. لو سمحت ... " انتي "😳

انا : انت 😳😳😳 ..

امير : عاصم لسه ما طردك انتي ..

انا : 😡😡😡

ادهم : في شنو ! امير بتعرفها من وين !!

امير : ادهم دي البت المدت يدها تتذكرها؟؟

ادهم : سندس 😳 انتي الاديتي اخوي كف ؟؟

انا : اخوووك 😳

امير : سندس !! بتعرفها من وين انت !!

ادهم : امير .. بعدين هسي .. سندس تعالي معاي

" طلعتا وراهو بره .. وقفنا جنب المطعم .. ادهم :

سندس .. كيف يعني الحصل ده !

انا : ادهم اخووك كان غلطان هو ..

ادهم : مستحييل يغلط معاك ..

انا : قلتا ليك غلط هو وحاول يستفزني زي افنان قبل كده .. رمى السبجارة وكنا اتشاكلنا .. ادهم تتذكر لما شفتني في القسم انت الطلعتني منو اليوم داك

ادهم : انا الطلعتك !! كييف 😳

انا : ادهم 😳 .. ادهم انا شفتك في القسم ..

ادهم : ما متذكر حاجه زي دي .. بس كيف انتي مديتي يدك على امير

انا : قلتا ليك غلط هو 😡😡 ولا عشان اخوك 😡😡

ادهم : لا لاني عارف امير

انا : وانا عارفه روحي ... 😡😡 وصدقتا ولا لا دي مشكلتك 👋😡

" ومشيت وانا زهجااانه .. وخليتو وهو يكورك ويقول لي اقيفي اقييفي وماوقفتا ومشييت 😡"😡

.....

باليل ادهم كان بضرب لي ومابرد عليهو .. لحدي مارسل لي رساله " انا اسف "❤ .. وبرضو مارديت عليهو .. وعرف نفسو غلط وكورك عشان اخوهو .. مارديت عليهو وجا الصباح ومشيت الشغل عادي .. وجات افنان من الصباح قاعدة مع صحباتهها يشربو شاي قبل المحاضرة .. ونظراتها وابتساماتها عرفتها مكاوة لي ما اكتر من كده 💔😒 . حاولتا اتجاهلها وما اشتغل بيها .. كانت بتتكلم بي صوت عشان تسمعني ..

انتو عارفين يابنات الليله ادهم حيغني بالجيتار في شارع النيل في قعدتنا 😍 يااخ ما قاادرة اصدق .. انو حبغني لي كمان بصووتو السممح 💓💓 واااو بالجد 💓 حبييب البي ياخ ❤ صوتو الحنيين ..

صحباتها : بالجد ادهم حيغني .. لينا زمممن ماقعدنا

افنان : اي والله بس حندردش شوية الليله 💓 جهزو قشراتكم يامزز

القعدة حتكون فيها ناس حلويين ..

" بعد سمعتا كلامها .. قلتا اتجاهلها وما اشتغل بيها كتير .. مشيت لي ولاء .. "

انا : ولاء شفتي الحيوان يكورك فيني ويغني بهناك وعامل فيها بعتذر كمان ..

ولاء : يابت ماتشتغلي بيها قلتا ليك بتحاول تكاويييك بس

انا : 😡😡 كريهه ..

ولاء : خلصي شغلك وارجعي بيتكم وما تقابليهو زاتو ..

انا : طيييب ..

خلصتا شغلي وطوالي على البيت مشييت .. هم فعلا اتلاقو اولاد وبنات الرباط وعملو قعدتهم وادهم غنى ليهم واتبسطو .. قامت وحدة من صحبات افنان قالت ليهم ..

والله با جماعه المطعم الجنبنا ده فيهو قهوة عجييبة .. بتعملها وحدة كده حبشيه اظن مش !

افنان : تقريبا كده .. غايتو شغاله هناك .. يوم نودبكم تشربو هناك على حساب ادهم ..

صحبة : افنان .. لالا ياخ البت دييك جارية ورى ادهم بتعملها مجاااني مقابل قعدة مع ادهومي .. 😉😂😂

" ادهم يادوب انتبه انهم قاصدني وبطعنو بالكلام .. قام قال لي افنان قصدك سندس؟ "

افنان : اي الشغاله في المطعم

ادهم : اسمها سندس 😡😡😡

افنان : مامهم في النهايه شغاله في مطعم 😪

قامو اصحابهم البنات والاولاد قالو لي ادهم .. كيف يعني ! مصاحب وحدة من المطعم ! ؛ ماتكون دي التسليه الجديدة .. وقعدو يضحكوا .. وادهم ما رضى الكلام فيني .. وقام اتنفض فيهم 😡😡 وقال