الجزء 19

ادهم بعد الكف الاخدو في وشو من ابوهو .. زعل شديييد وطلع للغرفه بتاعتو لمى ليهو هدوم .. ونزل قال لي ابوهو :

عمررري ما حانسى الكف ده .. ولحدي هنا كفايه شديييد انا ما حاعيش معاكم عشان تودوني يمين وشمال كلكم .. اي واحد فيكم عايز يتحكم فيني بطريقتو .. بس تاني قعده معااكم مافي .. والداير تعملوا اعملو ... انا حاعرس سندس وماغيرها لو شايف انت ده صح او لا ما شغلتي نهائيا .. ياما عملتا ليكم اي شي دايرنو وما نجحتا .. والسبب انتو

ام ادهم : ادهم اقييف ماتطلع .. وقبلت لي راجلها .. ياحاج عليك الله وقفو ..

ابو ادهم : خليه يطلع 😡 وخلي يعرف لو طلع هسي من البيت ده مافي رجعه ليهو ابدا .. ويخلي العربيه والحسابات بتاعتو .. ما يشيل شي من قرووشي الوسخه زي ماقال 😡 ..

ام ادهم : يا امير اتكلم مع ابوك .. خليهو يهدا ..

امير : امي ابوي كلامو صح .. ادهم عايز يوطي راسنا وسمعتنا تتبهدل لما الناس تعرف انو عرس بت شغاله !!

ام ادهم : ادهم حلفتك بالله ما تطلع وتخلينا ياولدي .. 💔😭😭

ادهم : امي .. اي زول قال العندو .. وانتي ترضي لي ولدك يكون ما راجل !!

ام ادهم : كيف ياولدي الكلام ده؟؟

ادهم : انا وعدتا البت اعرسها .. وانا دايرها .. والله لو اعقد عليها الليله ما عندي دخل بي زول .. ده قراي واخدتو .. وانتو قراركم اخدتو ..

" وختى المفاتيح لي ابوهو .. وطلع وامو بتكورك بي وراهو يا ادهم اقييف علليك الله ما تمشي تخلينا .. وهي بتبكي ومحرووقة على ولدها .. جات راجعه 😭 بكت لي راجلها واترجتو .. بس المعروف عن ابو ادهم زول صعب وحاار وكلمتو واااحدة ما بتتغير .. قدر ما ام ادهم بكت ابوهو ما اشتغل بيها .. طلع وقال ليها لو لقيتك عتبتي بااب البيت ده ومشيتي لي ولدك محل قاعد .. انتي طااالق .. طبعا ام ادهم قعدت في الارض وبكت وخلاص حلفو عليها طلاق ... امير ما كان في يدو حاجه .. وخلاص الامور طلعت من السيطرة .. نادا مرتو .. تقعد مع امو ومشى دخل جوة عشان مايحس انو السبب في دموع والدتو "

....

ادهم حبييبي ❤ ماعندو مكان يمشي ليهو .. اصحابو مقاطعهم واهلو قاطعهم وطبعا السبب انا 💔 .. قعد في الشارع بي شنطتو مسافه حتى ضرب لي .. قال لي سندس ممكن ترسلي لي رقم يوسف .. طبعا استغربتا وسالتو .. داير بيهو شنو !! قال لي .. رسليهو وحتعرفي بعديين .. قنتا طوالي ما كترتا كلامي ورسلتو .. افتكرتا ادهم عايز يوري يوسف بي عمايل امير مع اخواتي .. بس ادهم قال لي يوسف .. يوسف : يا مرحب ..

ادهم : يوسف انا ادهم

يوسف : خييير يا حبييبنا .. احوالك شنو؟

ادهم : يوسف ممكن تستقبلني ضيف عندكم كفترة ؟

يوسف : ادهم 😳 في شنو خير !!

ادهم : اذا فيها ازعاج ما مشكله ..

يوسف : لالا ياخ العفو .. انت وين هسي !!

" يوسف فهم انو في حاجه كبيرة حصلت .. ركب ومشى لي ادهم .. قابلو في بحري المحطة الوسطى وبدون ما يسالو من حاجه ركبو سوا .. ووصلهم البيت .. وانا ده كلو ما كنتا جايبه ليهو خبر قااعده في البيت ... طبعا يوسف شاف ادهم وشنطتو في ضهرو وفهم في حاجه .. !! ادهم : يوسف بس الليله حابيت معاك .. وبكره الصباح حامشي الصاله

يوسف : يا حبييب .. البيت بيتك اخد راحتك للاخر

" عارفين احساس ريحة الحبااايب ❤ لما تكون بتريد زوول شديييد والزول ده قرريب منكم فاصلكم بيوت بس 💓 .. لما تكوني قاعدة في سريرك في الحوش بتفكري في نفس الزول .. القاعد في الحوش برضو وبفكر في موضوعكم 💓.. لما يكون زول دايرك حقتو ليهو برااهو حلالو .. ولو يعمل السبعه وزمتها عشان تكوني معاه .. لما يحبك عشانك انتي .. ومايهتما لا بي مستواك لا بي اهلك من وين .. ولا انتي من وين .. ولا بتاكلي شنو ولا شربتي شنو .. احساس زول عارف كل شي وماحصل حسسك يوم انك انقص منو .. واتعامل معاكي بالبساطه وبنفس طبيعتك انتي .. هو بقى زيييك تماما وبشبهك ❤ زول ما اهتم بي اي تفصيل فيكي وما شايف عيوبك .. يس شايف انك زولة بتستاهلي يتعبو عشانها .. وده تاثير البت لما تدخل قلب الراجل جوووه وتستقر فيهو .. صععب تطلع منو .. واي بت بتلقى الحب ده وبمر بيها .. بس كييف تتمسك بيهو ❤ وتحافظ عليهو .. "

....

نمتا في الحوش وبالي فيهو مية مشكله قلتا ربنا كريم ويحلها الف حلال على قولة امي .. دعيت لي ربنا وقبل ما انوم بي لحظات " جعلتك وكيلي يا الله وانت لي خير وكيل .. راضيه بحكمك وقدرك فانت لي خير وكيل .. وحسبي انت عليك توكلت واليك انيب " ونمتا بعد قلتا الدعوة دي الكانت طااالعه من قلبي بدون ما احفظها حتى ..❤

ادهم ما جاهو نوم .. المكان غرييب عليهو وراسو شاااطب وبفكر في مية حاجه .. حتى ادهم الما بسجر كتير اليوم داك سجر علبتين ورا بعض 💔 وبدون ما يحس 💔 تعب شديييد من اهلو .. والليل كلو ما نامو .. ويوسف برضو راقد في الحوش ويعاين ليهو مستغرب .. ادهم ده حاصل ليهو شنو ؟؟ .. اعل ادهم ما جاهم نوم .. الابو يفكر وللام تبكي وزعلانه وامير ومرتو سرحااانيين بفكرو في ادهم ..

وكانت ليله من اصعب الليالي واطولها .. ليله عدت كانها سنه .. نمنا وصحينا وماصدقنا بتين الشمس اشرقت ...

ادهم نام زي ساعه وصحى .. صلى واستحمى وغير وقال لي يوسف طالع الصاله .. يوسف حلفو الا يشرب الشاي اول .. قعدو بالغصب وشربو .. وبعدها يوسف قال ليهو عايزك في كلمتين .. دخلوا الصالون وطبعا سالوا الحصل شنو !!

" ادهم حكى ليهو عمايل امير واهلو من الاول .. و وراهو انو رافضين الزواج ده .. وانو هو عايزو .. طبعا يوسف زاتو بعد كده شال الهم معاهو .. وقال ليهو اها حتعمل شنو انت !! ..

ادهم : حاعقد على سندس ..

يوسف : بالسرعه دي 😳😳

ادهم : عايزين تسالو مننا ولا شنو يا يوسف 💔😂😂😂

يوسف : ماكده .. ياخ العفو .. بس اهلك يا ادهم؟؟

ادهم : حامشي بدون اهلي ..

يوسف : واهل سندس حيوافقوا ؟؟

ادهم : ماعارف يا يوسف .. ساعدني 💔 انا دايرها والله دايرها ..

" وهم بتكلموا جات جنان داخله .. يوسف كنتا ...

اهاا عفوا معاك ضيف .. خالتو ماقالت لي .. يوسف .. جنان تعالي تعالي سلمي .. ده ادهم ..

ادهم : وعليكم السلام يا اهلا

جنان : ادهم ازيك ..

ادهم : الحمد لله في نعمه ..

جنان : يوسف .. خلاص برجع ليك بعد ساعه كده تمام

يوسف : خلاص تمام ..

" طلعت جنان وخلتهم بتكلموا .. وكانت جاياني انا واول ماوصلتني وسلمت علي .. "

جنان : سندس .. مشيت لي يوسف هسي قبل اغشاكي

انا : اي اها هو كويس؟

جنان : شفتا معاهو ولد سممح كده وحلاتو

انا : ده منو كمان؟؟

جنان : برري .. قال لي اسمو ادهم ..

انا : ادهم 😳😳

جنان : ااي مالك اتخلعتي .. شكلو ولد ناس .. 😍

انا : جنان 😳😳 .. جناان معناها في مصيبه

جنان : يابت فهميني في شنو ؟

انا : جنان حاحمي ليك اي شي .. ووووب علي .. اجري الحقيني اول بكباية ليموون جسمي لمن هبط 💔

جنان : غايتو انتي 👊😒 سممح ماشه ..

.....

يوسف وادهم اتناقشو واتفقو .. ادهم قال ليهو تمام طيب .. انا حامشي الصاله هسي واشوف حساباتي هناك وقروشي كيف !

يوسف : تمام طيب وانا حاعمل القلتو ليك .. ادهم مشى للصاله عشان يحسب قروشو .. وعندو كم ! .. لقى القروش المدخرة كلها بتعمل عشرة مليون .. بس ! وطوالي مشى للتلفونات باع تلفونو الايفون واخد واحد عادي " ربيكا " .. و جمع القروش وطلعت ليهو كلها عشرين مليون .. ضرب لي يوسف وكلموا .. وقال ليهو القروش كلها عشرين مليون .. يوسف قال ليهو : خيير طيب .. عشرة خليها في الصاله والعشرة جيبها معاك .. ادهم قال ليهو متفقين خلاص .. واتذكر انو لازم يطلع حساب لدن وسحر .. طلع خمسه وشال خمسه ختاها في الدرج وقفلو ...

انا طبعا حكيت القصه لي جنان من اولها لما خسمي نشف من الحكاوي .. وهي تشيل وتديني ليمون اشربو واكمل عشان الهبوط 😂😂💔 .. وما بنسى همومي الا مع جنان 💔😪 بعد اتفشيت وحكيت الحاصل معاي .. فجأة قاعدين الباب دقى .. جنان مشت فتحت لقتو يوسف 😳

جنان : الجابك شنو هسي

يوسف : خالتي في .. ؟؟

جنان : اي في المطبخ ..

يوسف : طيب كدي زحي لي ..

مشى وهي ماشه بي وراهو وتنق 💔😂😂 .. يوسف والله خالتو ام سندس شكلها مهمووومة .. تكون زعلانه يا يوسف .. تكون ما دايرة ادهم برضو .. طيب يا يوسف حيحصل شنو

يوسف : وووووب علي انا ياجنان راسي حيتكسر 😡

جنان : اسفه خلاص ..

يوسف : انا في العريشه .. امشي لي خالتي ناديها لي ..

جنان : طيب

" طبعا صحبتي تربيتي .. مامشت لي امي طوالي غشتني اول جوة قالت لي يوسف جا وشكلو عندو كلام .. 😂💔💔 حتى بعد كده نادت امي وطلعت ليهو قعدت مع يوسف في العريشه .. وانا وجنان وقفنا ورا بعض ومن ورا الباب عشان نسمع بقولو في شنو "

يوسف : خالتي .. انتي عارفه انك امي وانك غاليه زيها و واحد

امي : طبعا يا ولدي دي مادايرة كلام 😊

يوسف : وعارفه سندس دي اختي .. واي شي غلط مابرضى ليها . ومابرضى الشين ليها

امي : عارفه يا . ولدي طبعا ..

" جنان .. سندس سندس 😉😍 سمعتي بحبوك كيف 😆 حاغييير منك بعد ده يازولة ..😂 انا .. يا بت هس خلينا نسمع "

يوسف : وعارفه يا امي ادهم واهلو .. والحاصل كلو

امي : اي اتكلمتا مع سندس توقف الموضوع ده وتنهيهو من امبارح

يوسف : بس الموضوع كده ما حينتهي

امي : كيف يعني؟؟

يوسف : ادهم رااجل بمعنى الكلمه .. وشاري بتك ودايرها

امي : يا يوسف انتا عارف سندس و ..

يوسف : دقيقه يا امي .. قبل اي حاجه الولد ده خلى اهلو امبارح وجا بات في بيتنا 💔 .. ده كلو عشان دايرها ..

" لما سمعتا انو ادهم بات امبارح 💔 اتبسطتا اننا في نفس الحي .. وزعلتا عشان اهلو "

امي : ليه مالو؟

يوسف : اهلو ما موافقين على سندس وما دايرنها

امي : وعشان المشاكل دي احسن يبعد

يوسف : لا .. الحل ده غلط .. وحيجيب معاه مشاكل اكتر لو الرفض جا منكم . ادهم حيكره اهلو .. ممكن يهجرهم تاني ومايرجع .. خالتي الراجل لما يكون داير بت وتخش قلبو .. صعب انها تطلع .. تاني ما بشوف غيرها .. وده حال ادهم هسي ..

امي : والحل شنو في رايك !

يوسف : حاقول ليك الحل المناسب ولاازم انتي توافقي عليهو عليك الله يا امي عشان الموضوع لو طول حيبقى فيها كلام ناس واشاعات ومافي زول حيتضرر غير سندس .. اسمعيني داير اقول شنو .. حنعمل كالآتي يا امي