الجزء 16

سبحان الله وبحمده سبحان الله العظيم

بعد خلص ادهم 💓 .. قلتا ليهو انا ماشه البيت لانؤ اتاخرتا .. قال لي طيب تمام وقمنا على حيلنا هو مشى لي العربيه وانا مشيت وقفتا للمواصلات .. وهو مقابلني ويعاين لي من بعيد لحدي ما ركبتا ..

مشيت البيت مبسوووطة شدييد 💓 تررم ترررم اغني في اغنية ادهم القالها 😍 وفتحتا تلفوني وبقيت برقص ساااي من البسطه 💓 .. جاتني اختي سوونة الصغيرة 😳 سندس 😳 في شنو ..

انا : ياحبييبتي انا يا كلبوووظتي 😘😘 وحضن وبوس على خدودها ما حصل شافتو 👌😍 ..

سوونة 😳😳: سندس انتي كويسه ولا جنيتي !!

انا : يابت كويسه .. مبسوووطة مبسووطة ياخ 😍😍

سوونة : يلا انا حانكد عليك 😪😏💔

انا : في شنو 😡😡 ..

" قرربت وقفلت لي التلفون وقعدت في طرف السريير "

سونة : ياسندس 💔 الاستاذة الليله شاكلتني قدام البنات

انا : ليه 😳 في شنو 😳😳

سونة : قالوا قبل ايام في اجتماع .. لأولياء الأمور الابو ولا الأم 💔 وانا كلمتا امي وقالت عندها حنه عايزيين تحنن مرة جيرانا .. قمتا مشيت بدون ولي .. والاستاذه شاكلتني قالت لي وينو ابوك 💔😭

انا : تعاالي حبييبتي تعالي احضنك 😔💓 ماتزعلي ..

طيب كان تقولي لي كنتا مشيت معاك وخليت الشغل ..

سونة : هسي قالت لي بكرة تنادي ولي امرك تاني 😭

انا : خلاص بكرة بمشي معاك .. اصلو ماتزعلي .. بخلي اي شي عشان عيووونك با سن سن انتي يا قميييلة 😘😘😉

سونة : بالجد 😍😍 .. حيشوفو اختي .. وحيقولي لي حلووة ..

انا : شفتي كيف 😆 عندك ملكة جمال هنا يا حبييبتي 😆

سونة : طيب انا ماشه انوم 😘

انا : تصبحي على خييير ..

سونة بعد كانت ماشه وقفت جنب الباب وقالت لي ..

يا سندس عليك الله شوفي ليك لبسه سمحه ما تفضحيني مع صحباتي

انا 😳😳: شوووفو البت العفنه 😳😳 انا افضحك يا كلبه 😳 .. عاينو دي كمان .. اخرة الزمن تجي وحدة طولها شبرين تتستعرا مني 😒💦

.....

بعد فرشتا سريري في الحوش وقااعدة اعاين للقمرة ❤ اتذكرتا ادهم وصوت ادهم .. ❤ .. ختيت راسي في المخدة ورجل في طرف السرير والرجل التانيه في الطرف التاني 😂😂 النوووم كعععب شدييد .. وقاعدة اعاين للنجوم واتذكر اليوم كلو ومن اول مرة شفتا ادهم ❤ .. و كانو حسى بي وضرب 😍😍

ادهم : يا ام عيوون 😘

انا : اهلييين ☺

ادهم : كيفك

انا : الحمد لله

ادهم : بتعملي في شنو !..

انا : بعاين للنجوم والقمر 💓 وراقدة مفرقه رجليني و ...

" هييي وووبعلي 😳😳 ده شنو البقول فيهو ده "😳😳

ادهم 😂😂😂😂😂😂: تمي تمي انا كنتا مستمتع

انا : 😒😒 " سندس يا غبيه .. الله ياخدني "😡

ادهم : مالك سكتي 😂😂😂 كنا في الرجلين 😂😂..

انا : ادهم والله اقفل الخط في وشك

ادهم : خلاص خلاص 😂😂

انا : ضربتا لي مالك !!

ادهم : اشتقتا ليييك 💓 ..

انا : ☺☺ واكتفيت بالسكوت

ادهم : والله اشتقتا ليييييك .. ولي عيوونك ❤

انا : واعمل ليك شنو مثلا 😪

ادهم 👊😒😒: كنتا بكذب عليك زاتو ماتصدقي ..

انا : اااي عارفااك كذاااب وبتغش البنات

ادهم : يازولة ! بالجد انا كده ؟؟

انا : اااي .. كده ومتااكدة من كده

ادهم : طيب كتر خيرك مدام متاكده ماتتكلمي مع واحد لعييب

" وقفل الخط 😳 استغربتا .. قلتا ده مالو هسي نفسن بالله 😳 رجعتا ليهو وقفل الخط ورجع لي هو : الووو 😡

انا : ادهم مالك زعلتا؟

ادهم : لانك ياسندس حااقرة بي شدييد

انا : والله ماقصدي حاجه 😔 انا اسفه

ادهم : خلاص .. بعدين اوووعك تقولي اسفه لي زول ..

انا : ليه؟؟

ادهم : لما تقوليها بطريقتك الشفتها دييك .. بتطلع بحنييه شدييد 💓💓

انا ☺☺:

ادهم : ولما تخجلي برضو بتكوني حلووة 💓

انا : ادهم بصراحه ماقصه خجل وبتاع .. لكن ياود امي وحااات الله نعسااانة وبكرة وراي مشوار ومستنياك بتيين تقفل 😂😂😂

ادهم : لا حولااا 😂😂😂 جنس عدم زووق بشكل 😂😂 خلاص يا ثقيله يا بقرة امشي نومي 😏 ..

انا : لو بقرة كنتا بتحبني كده 😆

ادهم : قلتي شنو هسي 😍 كدي عيديها 😍

انا : هيي تصبح على خيير

" وقفلتا منو سرييع وانا بتبسم وهو برضو نفس الحال .. ام ادهم بعد خلص تلفونو دقت ليهو باب غرفتو .. وقالت ليهو تعال دايرنك انا وابوك في الصالون هناك ' ادهم مشى وقعد معاهم "

ام ادهم : ياولدي ابوك كل يوم بسالنا حتعرس بتيين حتعرس بتيين ؟

ادهم : امي 😳 محسسني كاني بت و بايرة كمان ودايرين تعرسوها سرييع 😳 مالكم في شنو انتو😳

ابو ادهم : يا ولد .. خلاص كبرتا انتا وعمرك خمسة وعشرين سنه .. العرس بعد ده .. اخوك عرس في عمرك ده

ادهم : بس انا ما امير

ابو ادهم : يا ولد 😡😡 ماترد في وشي

ام ادهم : يا حاج بالهداوة ✋ .. ادهم يا ولدي . ابوك داير يفرح بيك ويشوفك عرستا وعندك اسرة وزي اخوك ..

ادهم : ابوي نفسو في حفيد . وعرس لي امير عشان كده .. بس لما مرت امير ماولدت .. قال الحل عند ادهم

ابو ادهم : شايفه ولدك بقول في شنو؟؟

ام ادهم : ياحاج براحه اهدو .. ماطواالي تنفعلو بدون ما تتناقشو انت و ولدك كده دايما ..

ادهم : امي اها رايك شنو انتي؟

ام ادهم : ياولدي العرس مالو .. في ناس نفسهم يعرسو ومالاقيين انت ربنا اداك ودي فرصتك عشان تتحصن بعد كدة

ادهم : اعرس بي قروش ابوي صح؟؟

ابو ادهم : القروش دي هي زاتها القرتك وبقتك راجل

ادهم : ايواا .. عشان لما اعرس تزلني بقروش العرس برضو !

ابو ادهم : والله ولدك ده 😡😡 اقوم عليهو تطردو زي المرة الفاتت

ام ادهم : اصبر ياحاج واقعد وهدي اعصابك ..

ادهم : الموضوع ده منتهي يا ابوي .. انا حاعرس لما اقرر براي وبي حقي

ابو ادهم : هو وينو حقك ده .. لي يوم الليله ماعملتا شي نافع . قايل الصاله دي حتاكلك بعدين وتفتح ليك بيت ؟؟

ادهم : ااي بتفتح .. المهم اعمل الحاجه البحبها انا

ابو ادهم : ياولد .. انتهينا ومافي نقاش العرس خلاص بعد تخريجك وكلها شغله اقل من شهر وتتخرج وبعدها تعرس

ام ادهم : ادهم سامع كلام ابوك !

ادهم : والعروس منو كمان ؟؟

ام ادهم _: منو غيرها . .. افنان بت اللواء .. بت ناس واسرة راقيه ولايقه علينا ... وكمان نفس الطبقه وانت اصلا بتحبها ..

ادهم : منو القال اني بحبها !!

ام ادهم : من زمان مع بعض 😳

ادهم : اسمعو كلامي كويس . عرس ما حاعرسو .. وبالذات افنان دي مادايرها .. حاعرس انا لما البت الدايرها تكون جاهزة للعرس .. واحسن تشيلو فكرة العرس ده من راسكم ومصلحتكم دي ممكن تعرسوها لي امير وتبقى مرتو التانيه .. وعموما الموضوع ده انتهى ومافيهو نقاش .. دي ما جامعه ولا تخصص ولا غنا عشان تتحكموا فيني .. دي حياة ابدية وانا البقررها مع البت الدايرها تكون شريكه لي ..

" وطلع وقفل الباب وراهو .. وابوهو خلاص غضب شدييد 😡 الا ام ادهم بقت بتسكت وتهدي فيهو وتقول ليهو بنلقى حل ..

ابو ادهم : في زول مالي راس ولدك ده اصلو مابراهو 😡😡 ..

يا امير يا امير 😡😡😡 وجاهو جاري امير ..

امير : اي يا ابوي في شنو !!

ابو ادهم : اخوك ده عارفو مالو بقى عاصي كده ؟

امير : مالو عمل شنو ؟؟

ابو ادهم : جاب القوة دي من وين وكيف يكسر كلامي .. والبت دي منو كمان الدايرها

امير : مش افنان؟؟

ابو ادهم : ياغبي 😡😡 لو افنان انا بناديك

امير : انا ما بعرف غيرها .. طيب خليني اسالها هي واشوف لو ادهم عرف وحدة

ابو ادهم : بس ماتحسسها بي انو رافضها 😡 ما تبوظ لينا العرس .. والخير الحيجي لو الاسرتين بقو واحد 😡

امير : حااضر يا ابوي هسي بجيب ليها الكلام بي فوق ..

" مشى امير وضرب لي افنان وسلم عليها .. وسالها اخبارك شنو مع ادهم ؟؟ "

افنان : والله يا امير علاقتنا متووترة الايام دي

امير : ليه خير !!

افنان : ماشفتا حصل شنو 😭😭 وبدت تبكي

امير : كدي اهدي يا فنو و وريني ..

افنان : امير اخوك ادهم بقى بشاكلني وبتناقش معاي ويحرجني قدام الناس .. ومرات بختني في مواقف لا احسد عليها .. ده كلو عشان وحدة جرسونه في مطعم اسمها سندس 💔😭😭 يزلني قدام الناس ويقلل قيمتي بكل بساطه عشان وحدة ماتسوى 😭😭 زعلني شدييد .. وكمان عايزني اعتذر منها .. اتخيل 😭😭

امير : اهدي اهدي يافنو .. ماتزعلي .. اهدي شوية وفهميني .. سندس منو دي؟؟

افنان : البت الاتخلعتا لما شفتها ..

امير : اهاااا .. البت ديك 😳😳 علاقتها بي امير شنو

افنان : امير بتطلع معاها اخوك ، 💔 خلاني عشان يطلع معاها

امير : افنان 😳 متاكده من الكلام ده 😳

افنان : اي واسال اخوك 😭😭😭

امير : دقيقه طيب اقفلي وبرجع ليك ..

" قعد في الكرسي وقال 😳 لو الكلام ده صاح معناها الحرب ولعت بين ادهم وبين ابوي .. معناها بيتنا حيولع لو الخبر صح .. لازم افتش البت دي واعرف اي شي عنها . ولو ادهم بريدها .. تبقى دي مصيبه وحلت على بيتنا .. وتبقى دي بداية لدمار البيت ده "😳