الجزء 4

وصلتا الشغل زهجانه واخلاقي فووق واصلا متوقعه اطرد ... دخلتا غيرتا الزي ولفيت شعري كعكه .. ومشيت لي ولاء .. واول ماشاقتني ..

ولاء : سندس 😳😳 جيتي . بتين

انا : جيت هسي في شنو مخلوعه كده مااالك ؟؟

ولاء : ماشفتي حصل شنو ..

انا : اها قولي في شنو ..

ولاء : امبارح لما طلعتي من هنا .. كان في واحد سممح شدييد سال منك بعد طلعتي ..

انا : واحد؟؟

ولاء : ايووة .. اسمو عبد الله .. تخيلي دكتور يا سندس 😍😍

انا : اها الفهم شنو يعني؟؟

ولاء : قال لي داير اتعرف عليها وختى رقمو عندي

انا : ولاء هسي ماناقصااك كدي من خلقتي . دي

" مشيت بغسل في العدة في مطبخ المطعم جات لاحقااني ..

سندس سندس .. والله الراجل شكلو مهذب شديييد اتغرفي عليهو

انا : ولاء هسي عندي مواضيع اهم ..

ولاء : يعني حتخسري شنو .. احتمال يقبل بوضعك ويعرسك ..

" خليت العدة وقبلتا عليها وقلتا ليها ولاء مافي زول حيقبل بوصعي الناس كلها مظاهر وبتحب المظاهر والرجال بعرسو بالطبقات .. يعني مثلا انا ما حيعرسني ولد ناس فوووق ده مستحيييل وانا بوضعي ده ما تحلمي ابدا اعرس واحد سمح خلاص انا اقتعنتا وانتي خلي الامور دي وخلينا هسي ننتهي .. من الشغل العلينا الكتير ده

ولاء : سندس اسمعيني .. لازم تقابليهو قلتا ليك دكتور ومهذب ومابهتم بالوضع المادي والحركات دي .. الدكاتره ديل رحيميين ياخ .. ما عندهم عنصريه وتفرقه بين البشر ..

انا : اووووووف ياخ .. خلاص ما تنقي حاقابلو ..

ولاء : ايووةة كده يااخ 😘😘😘

انا : خلاص زحي من وشي 😒😒

ولاء : سندس بس في حاجه لازم اقولها 😒

انا : اها عملتي شنو ..

ولاء : قلتا ليهو اسمك رهف .. 😕😕 ماعارفه ارتبكتا لما سال منك وقلتا لو اديتو اسمك احتمال ينكت الماضي بوراك ..

انا : وتقولي لي الدكاتره رحيمييين " وانا بحاكي في ولاء اتلفتا بره لقيت ادهم جا داخل ورفع يدو اشر لي ☺✋ وهو مبتسم ..

طوالي صريت 😡 وقلتا لي ولاء ...

ولاء اسمعيني .. ادهم ده لو سالك مني ما تقولي ليهو اي شي عني

ولاء : مالك في شنو؟؟ حصل شنو؟

انا : بس كده .. واقول ليك امشي انتي شوفي طلبو شنو ..

ولاء : حاضر طيب .. مالك زهجتي كده من دخل ..

" مشت ولاء والابتسامه عريضه .. وقالت ليهو اتفضل ..

ادهم : شكرا ليك .. بس انا داير البت ديييك تلبي طلباتي ..

ولاء : عفوا !!

ادهم : البت ديييك خليها تجي تشوفني داير شنو ..

ولاء : 😳😳 .. يا استاذ لو سمحتا انا ممكن اخدمك بس وريني طلباتك شنو !!

ادهم : يااا عاااصم ... عاااصم ...

" كورك لي عاصم وانا قلبي في يدي خلاص .. بقيت بعاين من بعييد .. عاصم جاهو جاري وقالو ليهو .. اتفضل اتفضل يا سيد ادهم تامر بي شنو .. !!

ادهم : البت ديييك خليها تجي تشوفني داير شنو

عاصم : ولااء امشي ناديها سريييع 😡😡

ادهم : وتاني كل ما ادخل هنا .. هي الحتجي وتخدمني ..

عاصم : امرك يا سيد ..

" ولاء جات مخلوعه 😳 سندس عملتي شنو انتي .. ادهم اصر انك انتي تشوفي طلباتو شنو !! ..

انا : ايووة عايز يزلني ..😡 انا عااارفه الناس الكده حقييريين شدييد ..

مشيت ليهو واخلاقي فووووق ...

اتفضل يا سيد تامر بي شنو .. ؟؟

" بقى بعاين لي وهو مبتسم ومرات بحسسني انو ابتسامتو ابتسامه سخريه كده 😕😕 .. غصبا عني ابتسمتا وهو عااارفني ما طايقااهو .. و ردا لي عايز قهوة وموية ..

قلتا ليهو .. اي طلب تاني ؟؟

ادهم رجع في . الكرسي ورا واتكل وقال لي عاارفه طلبي انتي وغمز 😉 .. حمرتا ليهو 😡 وقلتا ليهو استغفر الله في وشو ومشيت اجيب ليهو القهوة والموية .. جبتها ورجعتا .. وبقيت بشتغل في الطلبات .. وهو بعاين لي كل ما اجي ماشه وكل ما اتلفت اعاين واديهو حميرة هو ببتسم لي .. وناداني تاااني قال عايز كيك ونسكافيه .. مشيت جبتهم وجيت .. وتاني قال داير موية .. حتى ناس المطعم لاحظو ليهو عايز يعذبني بالمراسيل والطلبات .. بس طبعا نا بسالوهو لانو زبون مهم وبدخل قروش حتى الكيك ما هبشو ولا اكلو وده كلو كان عذاب لي بس ما اكتر وعشان يزلني ويتامر فيني .. وانا ده كلو استحملتو عشان بالجد محتاجه للقروش 😭💔 واي شيء يهون عشان اخواتي الاتنين .. ادهم لاحظ اني ما فترتا واني اتماسكتا وما انفعلتا رغم المعامله الزفته دي .. بس . كنتا بسمع كلامو ... لحدي ما خلص الدوام ورجعتا البيت .. طبعا كنتا زعلااانه من الحصل وكاتمه جوااي .. طلعتا الحوش الصغير بتاعنا ده وفتحتا اغاني اجنبيه وبقيت برقص .. برقص عشان اتفشى وانسى الزعل .. بت عمرها ١٩ سنه يحصل فيها كده وتتحملو .. بالجد انا بت قوووية وبقيت بقوي في نفسي بي كلامي وبدي نفسي القوة اني اتحمل واصبر عشان اخواتي .. والكان بنفس عني الغضب .. الرقيص ❤ .. بقيت برقص قرييب للساعه على اغاني اجنبيه واغاني دقات مصريه ...

يوسف عارفني برقص بس ماحصل شافني .. اليوم داك جا دق الباب والبيت كلو جووة الا انا في الحوش بي استريتش وحمالات وفاكه شعري وبرقص .. جا سلم على ناس البيت وهم بحضرو في التلفزيون .. قال ليهم سندس وين وسمر قالت ليهو في الحوش بدون ما تركز .. جا لقاني بالحاله دي 😂💔 وبرقص وبنطط وبصرخ مرات وبصفر

الضحك غلبو وفكا الضحكه .. وانا انتبهتا ليهو واتخلعتا الضحك ده منو .. اتلفتا لقيتو يوسف .. بقيت بصرخ ..

لماويوسف اتخلع 😳😳 يابت مالك شفتي شيطان انتي؟؟

انا : ياحيوان الدخلك شنو هنا 😡 .. يا امممي 😡😡😡

بكورك وبصرخ .. لما امي جات جاريه .. لقت يوسف واقف وبضحك وانا مدسيه ورا حيطة الحمام .. قالت ليهو في شنو .. ؟؟

يوسف : يا خالتي شاكيرا دي هناك 😂😂😂😂😂

انا : يا كلب يا قليييل الادب .. كيف تدخل وانا لابسه كده .. حيوان ما مربى ..

امي : سندس 😡 خلاااص كده عييب

انا : هو بعرف العيب .. الكلب ده 😒

يوسف : 💔😂😂😂😂 خلاص اهدي اهدي يا شاكيرا انا طالع ..

امي : اقعد في العريشه يا ولدي لما اجيب ليها توب ولا عبايه تتستر بيها

انا : الليله بس ارجااني يا حقييير 💦

امي جابت لي العبايه ولبستها .. وطلعتا مشيت ليهو ..

يوسف : اوووو الراقصه المكسيكيه جات 👀💔

انا : 😡😡 داير لييك ضربه في راسك القدر الفولة ده صح

يوسف : خلاص بهظر بهظر 😂😂😂

انا : جيت ليييه انت 😒😒

يوسف : جبتا ليييكي قروش

انا : قروش ليييه؟؟

يوسف : عشان تسجلي لي اختك ..

انا : يوسف لم قروشك وامشي .. براهو يومي قافل

يوسف : انتي هبله يابت، .😡 لم قروشك دي شنو .. دايراني اشوفك بتتقطعي كده 😡😡 ادفعي لي اخواتك وبعدين لما تلمي ترجعيهم لي

انا : شكرا .. شيل قروشك وامشي

يوسف : سندس 😡😡😡 ما حامشي وما على كيفك .. حتشيليهم ورجلك فوووق رقبتك .. وكدي تااني قولي لي شكرا دي ..

رماهم لي في الكرسي وطلع .. طبعا اتبسطتا شديييد منو 😍 بالجد بحس بي وقت دايره حااجه ومزنووقه وهو السند لي في الدنيا دي ..

شلتهم واتبسطتا اني حادفع .. وهو بعد وصل الباب كورك لي

يا شاكيرا 😂😂😂😂 عليك الله تاني ماترقصي في الحوش والا الشعب السوداني كلو حيطلع الحيط ويتفرج فيك 😂😂😂

انا : يامتخلف 💔😂😂 امشي ياخ من خلقتي 💦

......

نمتا مرتاحه شووووية .. والصباح صحيت قبل ما امشي اديت امي القروش وقلتا ليها سجلو .. وقروش الغاز والكهرباء وللموية حاصرف من المطعم واديكم .. امي سالتني طيب القروش دي من وين وانتي ماصرفتي لسه ؟

قلتا ليها يوسف ديني ليها ☺ لحدي ما ازمتي تتحلا

امي : الله يعدلها عليهو راجل والله مافيهو كلمه

انا : امييين .. يلا عشان ما اتاخر ..

امي : خلي بالك من روحك وماتتاخري والله يفتحها في وشك يابتي

طلعتا مبسووطة والسبب يوسف 😍😍 .. مشيت الشغل وبديت اشتغل واليوم كان حلوو شديييد لاني ارتحتا انو سمر وسونة ماحيقيفو من المدرسه .. جاتني ولاء

سندس 😍 العريس اتصل وقال بعد العصر تتلاقو في شارع النيل تشربو قهوة

. انا : ههههه الدكاترة ديل جبارين ياخ، 😒

ولاء : 😒 سندس ..

انا : خلاص ماتبدي تنقي .. بس الشغل كيف !!

ولاء : انا بسد عنك بس ادعي ادهم ما يجي ويعمل لينا حركات امبارح

انا : ان شاااء الله ...

" قبل ما اتم دعوتي ادهم دخل ومعاهو وحدة سممممحه شدييد 💔💔 هي بت وانا ما بت جنبها"💔