الجزء 18

طلعوا سونة وسمر من المدرسه .. وطبعا امير عرفهم .. نزل من العربية ومشى ليهم .. وقف قدامهم .. زحو عشان يمشو برضو وقف 😳 .. اخواتي استغربو وسألوهو .. ممكن تزح شوية !!

امير : لا ما ممكن ما حازح

سمر : سونة تعالي وراي 😡

امير : هههه شكلو قلة الادب دي بالدور عندكم ..

سمر : هيييي احترم نفسك وزح من خلقتي ..

امير : يابت نزلي يدك 😡 واوعك تعلي صوتك .. عايني هناااك كده ورى الشجرة في شنو !

" سمر وسونة اتلفتوا ولقوا اولاد تلاته زي المصارعيين واقفين "😳

امير : والله تقلوا ادبكم .. ولا تعلوا صوووتكم ده .. اخليهم يخطفوووكم سمعتو 😡😡 او يغتصبوكم ورى الشجرة دي 😡

" طبعا سمر وسونة خافو الاتنين ، ... ووقفو ورى بعض من الخوفة .. "

امير : اسمعي كلامي ده كووويس انتي يا الصغيرة .. تمشي لي اختك وتسلمي عليها .. وتقولي ليها يا سندس امير قال ليك .. الكف ماناسيهو وحيرجعو ليييك .. و حاالف كمان لو ما بعدتي من سكة ادهم يجي حلتكم ويفضحك .. ويعمل فيييك العجايب .. وحيخلي الرجال ديلك ياخدو شرفكم التلاااته بنات عشان امك تموت من حسرتها عليكم .. امشي قولي الكلام ده لي اختك وفهميها كويس انها ماسكه نااار في يدها وانها غلطت شديييد وحتدفع التمن غالي كمان ..

سونة بقت بترجف وسمر زاتها .. وبعد امير قال كلامو ركب ودور ومششى .. واخواتي من الخوف جرررري على البيت .. وصلو البيت في ثواني .. وسوونة من الخوفه جاتها حمى وراقدة جووه .. وسمر تبكي .. لحدي ماجات امي وكلموها بالكلام القالوا امير ليهم .. طبعا امي ما فهمت ديل بقولو في شنو ومابتعرف اصلا ادهم ده منو !! كانت منتظراني ارجع وافهمها الحصل ده شنو وديل منو الناس ديل ؟

....

انا وادهم قعدنا وشربنا شااي حاار في الجو البارد ده واتبسطنا واتونسنا .. واي زول بحكي للتاني عن طفلتو طبعا حكيت ليهو عن طفولتي وعن يوسف وجنان ❤ .. وفي نص الونسه قال لي .. سندس الا تعرفيني على يوسف قلتا ليهو كيف يعني اعرفكم على بعض !!

ادهم : ااي عايز اعرفو مش هو معاك من انتي صغيرة ؟

انا : ااي بس يوسف ما بعرفك

ادهم : ومالو .. اضربي ليهو نتعرف هسسي ..

سمعتا كلام ادهم وضربتا لي يوسف .. سلمتا عليهو وقال لي هسي هو مع جنان قلتا ليهو طيب تعال في المكان الانا بقعد فيهو وقفلتا منو الخط ..

ادهم : يعني عاارف المكان ده 😒 انا قايلو حقي براي

انا : ادهم انا بعرف يوسف من الليله ولا من امبارح 😒😒

ادهم : يازولة خلاص فهمتا وحفظتا يوسف يوسف

انا : هههه بتغييير يعني

ادهم : مابغير .. انا اغير .. لييه .. هو منو اصلو

انا : ظاهر ظاهر 💔😂😂

ادهم : يوسف يوسف 😒😒

" قعدنا شوية وجانا يوسف .. طبعا استغرب سندس قاعدة مع مديرها في الشغل 😳 .. سلم علينا وقعد برضو في الارض 💔😂😂 .. وادهم يشيل ويعاين ليهو وفحصو كووويس .. بس كانو ابو العروس 💔😂😂 .. قمتا عشان اكسر الحاجز ده .. بديت اعرفهم .. ادهم يوسف .. يوسف ادهم 😊 .. طبعا ادهم عارف اي شي عنك يا يوسف .. بس انت مابتعرفو ..: ادهم عثمان ولد العقيد عثمان قاري طب اسنان وصوتو حلو ❤ ومفترض يكون فنان 💔😂😂 وبرسم وبعزف .. وفاتح الصاله .. ودي الحاجه الوحيدة العملها برغبتو ..

يوسف : اتشرفنا يا ادهم .. وبقى بعاين لي يوسف نظرات بنفهما انا ويوسف يعني اها مالو يعني !!

انا : يوسف 😊 ادهم حبى يتعرف عليك .. وقال داير يتقدم لي 😂😂

ادهم : 😳😳😳😳😳

يوسف : 😂😂😂 ختتك امام الامر الواقع طوالي الشقيه دي

ادهم : هه اي والله .. سندس 😒😒

انا : يوسف .. 💔😂😂 شايفاكم قاعدين متنشنيين .. وقلتا التنشنه ما بتطير الا بالعرس 💔😂😂

ادهم : جنها عرس البت دي شفقااانه شديييد 😂💔

يوسف : اااي والله شديييد ... 😂😂😂

انا : كلاب 😒😒 يعني انحرف مثلا .. دايرة اعرس في شنو عيب !!

ادهم : 😂😂😂 كلامك صح انا زاتي داير اعرس

يوسف : طيب ما اها انتو متفقين .. انا جايبيني لي شنو .. اعقد عليكم

ادهم : 😂😂 سندس .. يلا شخصيتو زييك .. وانا كنتا مستغرب هو مستحملكم كييف .. عرفتا هسي طبق الاصل مننك 😂😂💔💔

انا : اااي اااي .. يوسف ياخ ❤

ادهم 😒😒😒: ..

يوسف : طيب قومي جيبي لي موية من الخاله ديك .. خليني احصحص العريس ده شوية ...

" قمتا وخليتهم براهم .. ويوسف قعد مع ادهم .. زي قعدة الرجال لانو يوسف الراجل السند في حياتي وهو الابو والصاحب والاخو وكلوو ..

يوسف اي شي بالنسبة لي ❤ .. فكان لازم يتطمن علي "

يوسف : اها يا حبيبنا ما وريتني شغال شنو

ادهم : والله شغلي الخاص بي .. الصاله وبنظم تصاميم مكاتب وكده . والحمد لله شغلي ماشي اكتر من شغل ابوي

يوسف : ليه الوالد مالو معاك

ادهم : نفسو اشتغل طبيب اسنان ودي كانت رغبتو ..

يوسف : ايوا فهمتا طبعاا ناس الشرطه ديل طبعهم حااد شويه

ادهم : ماشوية .. شديييد صراحة .. بس اخوي امير طلع ليهو الولد المثالي والراجل العايز يشوفو زي ماداير ابوي

يوسف : وانت ناوي على شنو؟

ادهم : عايز استمر في التصميم للديكورات وكده .. وبرضو ناوي افتح كم صاله للرياضه واوسعها

يوسف : والله فكرة حلوة .. ربنا يوفقك ..

ادهم : اللهم امييين ان شاااء الله

يوسف : وسندس؟؟

ادهم : سندس فووق راسي ❤

يوسف : كلمتك دي براها ريحتني .. بس سندس علاقتك معاها حتكون كيف !!

ادهم : والله انا زاتي ناوي اعرس قرييب .. شهر كده بالكتير .. بس اذا جيت اعرس هسي .. وعارف انو سندس نفسها تتزوج هسي .. فانا ما حاقدر اعرس عرس خيالي .. لانو ما عايز ابني حياتي اعتمادا على الوالد .. عايز ااسس نفسي من الاول براي ..

يوسف : وديل الرجال البعملو كده .. وانا سندس دي ربيتها معاي عدييل .. وقمنا سوا .. زولة بسييطه متواضعه وما حتتطلع للسما متاكد من كده .. وبما انو هي دايراك .. طوالي نعمل ليكم العرس بعد شهر عشان الموضوع مايطول .. انت تجيب اهلك ووتتقدم ولو عقد بس وتسوقها .. مافي مشكله .. بس سندس تطلع وتنزل معاك وتقعدو تلفو .. دي حاجه انا ماحوافق بيها ..

ادهم : لالا .. انا مستحييل افكر اتسلى بيها بس اتطمن من الناحيه دي ..

يوسف : ربنا يتم على الخير وزي ماقلتا ليك فاتح اهلك وشوف رايهم ..

يااا سندس تعالي .. يلا البيت بعد كده ..

" جيت لي يوسف و ودعت ادهم وانا بتبسم ليهو 😊 وهو يغمز لي .. وكل ما تلفت ليهو في الشارع وبي ورا يوسف اعمل ليهو مع السلامه ✋ اقبل القى يوسف اداني عين 😒 .. والم بسماتي علي واسكت .. لحدي ما وصلنا البيت .. انا مبسوطه وادهم مبسوط ما كنا عارفين الراجينا شنو ... 💔💔💔

اول مادخلتا لقيت امي واخواتي منتظرني ..

انا : مالكم خير .. قاعدين كده في شنو !!

امي : سندس ادهم ده منو؟؟

انا : ادهم عرفتي من وين 😳😳

امي : ادهم ده منو يابت؟؟

انا : اممي ده واحد بعرفو عايز يتقدم لي ..

امي : عندو اخوهو اسمو امير ؟؟

انا : اي .. امي بتعرفيهم انتي؟؟

" وجاتني سونة جارية حضنتني وهي بتبكي 😭😭💔 سالتها سونة مالك في شنو !! وما ردت علي .. وجات سمر وهي بتبكي وتتخنق وزعلانه .. وبرضو سالتها ماردت لي !! .. امي في شنو ببكوا مالهم ديل !! .. "

امي : اليله جا اخو ادهم وهدد اخواتك انو يخطفوهم ولا يغتصبوهم

انا : سجممي 😳 قلتي شنو 😳

امي : قلتا القالو اخو ادهم بتاعك 😡😡😡

انا : تمي براحه ما تكوركي عليك الله .. سونة حبيبتي تعالي اقعدي .. وقعدتها في طرف السرير .. وقعدتا جنبها وسالتها .. سوونة عيدي لي كلامك ده .. امير قال شنو ليكم ؟؟

سونة : سندس 😭😭 قال لي بنخطفك ونقتلكم كلكم لو ما سندس خلت ادهم في حالو ..

انا : 😳 وجاكم في المدرسه ولا وين ؟

سمر : ااي جانا هناك ومعاهو تلاته اولاد ... كبار ياسندس 😭

انا : طيب خلاص اهدو ماتخافو ماحيحصل ليكم شي وانا جنبكم هنا 💔 .. امشو نومو عشان عندكم مدرسة الصباح وانا بمشي معاكم ..

.....

زعلتا شديد وطلعتا الحوش زعلانه .. وقعدتا اقكر .. قلتا امير واهلو ما حيخلونا في حالنا وبما انهم قدرو يصلو لي بيتنا ولي اهلي معناها بقدرو يعملو اي شي .. واصلا مستحيييل يوافقو ادهم يعرسني .. ويا سندس انسيهو وشيليهو من راسك خلاص .. وبعد شفتا الخوف في عيون اخواتي 💔 والبكا وللدموع وسونة براها حالتها النفسيه متدهورة وما حتنجح في حياتها .. ومستحيييل ادمر سعادة اخواتي عشان سعادتي انا مع ادهم .. وفي الحقيقه انا زاتي خفتا على اهلي .. ما كان عندي حل غير اني اضرب لي ادهم ..

ادهم : حبييبي اشتقتي لي سريييع كده ؟؟

انا : ادهم عايزة اشووفك

ادهم : هسي 😳

انا : اااي هسي

ادهم : خيير يا سندس في شنو؟

انا : ادهم تعال اقيف لي بالعربيه في طرف الحله وانا بجيك

ادهم : طيب لحظات واكون عندك ..

" فعلا لبستا توبي .. وهو بعد ساعه كده وصل حلتنا ووقف بعيد .. والواطه كانت ليييل .. مشيت طوالي وقفتا ليهو بره ونزل من العرييه "

ادهم : حلااتك بالتوب ياخ 😍

انا : ادهم .. نحنا ما لي بعض نهااائي

ادهم : قلتي شنو !! سندس براحه عيدي كلامك 😳

انا : ادهم نحنا ما بننفع نعرس ولا اي شي وانسى كلام يوسف القالو

ادهم : سندس "😡 بنهرة كده " انا لعبه عندك؟؟

انا : انت مالعبه لكن اعرف اننا مالي بعض وخلاص

" وجيت ماشه .. وقفني من يدي جراني وقال لي . اقيفي هنا 😡😡 ما اي شي بعنادك ينتهي .. قلتي الكلام ده لي !!

انا بنهير ادهم .. ومن جواي انا زعلانه شدييد قمتا بكيييت 😭💔 بكييت شديد . وهو اتخلع 😳 ... وقال لي سندس في شنو !! منو الزعلك حبيبي ! منو الضايقك ولا سمعك كلام !!

" غير طريقة كلامو واتقلبت ١٨٠ درجه وبقى حنييين طوالي كده "💔

انا بعد اخدتا بكيتي زييين .. وانتهيييت قلتا ليهو ..

ادهم اخوك امير هدد اخواتي .. وقال ليهم ما حاخليكم 😭 لو ماسندس نست ادهم ...

ادهم : براحه براحه .. اهدي عشان كلامك ما مفهوم وانتي بتتخنقي .. امير عرف مكانكم كيف !

انا : ماتسالني ياخ .. مابعرف 😡

ادهم : طيب ماتزعلي .. قال شنو امير !!

" قلتا ليهو الكلام القالو كلو .. وقال لي خلاص بعد ده انتي امشي بيتكم وانا بتصرف .. وركب مشى لي اهلو وهو زعلان .. "

دخل واول ماوصل .. مشى يكورك لي امير .. ابو ادهم وامو .. جو نازلين من الطابق الفوق جاريين يشوفو الحاصل .. وامير جاهو ..

مالك بتكورك في شنو !!!

" ادهم بدون ما يقول كلمه .. ضرب امير بنيه في وشو .. 👊 وقال ليهو .. يا كلب عشان البت واهلها ناس ضعاف تمشي تعمل كده ..

طبعا ابو ادهم ماعارفهم بتكلمو عن منو وجا جاري لي ادهم .. في شنو !! بتكورك مالك كده !! ..

ادهم : ولد الكلب .. عايز يتعدى على البنات 😡😡

ابو ادهم : ياولد 😡 احترم نفسك واتكلم براحه مع اخوك الكبير

ادهم : لانو زيك .. بعمل اي شي بدون ما يراعي لي زول 😡 ..

لانو طالع شبهك انت بتحبو 😡 .. لانو بغطي اعمالكم لكلها مصالح حتى لو كانت وسخه 😡😡

ابو ادهم : ادهم "😡😡 واداهو كف سكتو "👋