الجزء 12

وصلتا للصاله و ولاء كانت بتهدي فيني الطريق كلو عشان اسكت .. دخلتا غيرتا ملابسي بعد اخدتا دش واتسرحتا ويلا على الرقيص .. رقصتا ومرنتا البنات خطوة يمين وخطوة شمال١٢٣٤ .. ومرات نكورك في نص الرقيص .. واتفشييييت .. هم كانو مبسوطين بالتدريب وانا كنتا برقص عشان انفس الغضب الجوااي .. والزعل الكتيير .. انتهيت ومشيت استحميت وانا جووة بغير .. جا شاب حلااتو وعيونو حلووة لابس بنطولون جينز وقميص اسود والساعه والشياكه ❤ والعطر سبقو .. اتلمو البنات عشان يشوفهو بالمرايه .. هم بشوفوه بس هو ما بشوفهم .. سلم على سحر ولدن القاعدين بره في الاستقبال ..

سحر : يا استاذ نورتا الليله تحب تشرب حاجه

هو قال ليها .. لا بس جيت ماري وقلتا اراجع الحسابات .. اها المحل ان شاء الله دخلو كويس؟

سحر : اي والله يا استاذ ❤ ماشاء الله الدخل زاد مجرد ما جبنا مدربه جدييدة .. اسمها سندس جابت معاها الناس والله 😍 البنات بجو وبسجلو عشان هي رقاااصه وموهوبه والزباين زادو عندنا بي جيتها ماشاء الله .. ويوم الاولاد برضو كويس ..

قال ليها .. كويس طيب .. ناوليني دفتر الحسابات يا لدن اراجع الدخل الشهر الفات ..

لدن : حااضر يا استاذ ... اتفضل

انا خلصتا وجيت طالعه .. يااسحر انا ماشه البيت خلاص .. والخلعه كانت 😳 لقيت ادهم قااعد وماسك الدفتر ..

انا : ادهم الجابك شنو ..

ادهم : سندس 😳 بتعملي شنو هنا ؟

سحر : دي المدربه الجديدة يا استاذ !

انا : انتا بس عايز تجنني .. لاحقني مالك من مكان لي مكان 😡 كرهتني زااتو ياخ ما ممكن معاك 😡😡😡 ..

ادهم : ياسندس ..

انا : ماتقول لي سندس ولا زفت .. انت مالك معاي جاري وراي اي مكان ..

ادهم 😂😂😂😂:

سحر : سندس 😡 انتبهي لي كلامك .. استاذ ادهم سيد الصاله ..

انا : الصاله حقتو 😳

سحر : ايووة وهو مسؤوول منها 😒😒

ادهم : خليها يا سحر 😊

انا : ايواا تماام ..

طلعتا طوالي بي وشي بعد ما اتحرجتا ودخلتا جووة ضفوري .. وادهم جا بي وراي .. و وقف بي وراي .. وقال لي : سندس

انا : خيير 😒

ادهم : بقيتي كييف !

انا : مابخصك نهااائي بقيت كييف

ادهم : سندس لو سمحتي .. ماقصدي حاجه .. بس بقيتي كيف؟

انا : كويسه طيب . ممكن تزح من هنا وما تقيف جنبي .. لانو لو شافك زول حيفهم غلط ..

ادهم : طيب انا بس جيت اسالك بقيتي كيف ..

ورجع ورا ركب في العربيه .. بس عاين لقى الظلط فاااضي ولا حافله بالغلط مرت وانا واقفه واتجمدتا من البرد والوقت اتاخر وامي تشيل وتضرب واقول ليها لسه مافي مواصلات ياخ 💔💔 طبعا ما ضربتا لي يوسف .. وقلتا ما حارجع معاهو تاني .. ادهم لما شافني واقفه تاني نزل من العربيه وجا قال لي .. سندس خليني اوصلك ..

انا : نععععععم 😒😒 ادهم احسن ليك تمشي

ادهم : فيها شنو .. والله ما قاصد حاجه كعبه

انا : لا شكرا امشي

ادهم : بس وقفتك غلط والجو ليل .. وماصاح براكي في الشارع والبرد ولو جاتك حاجه

انا : شكرا برضو .. ياريت تمشي ياخ وتخليني 😡😡 " قلتها بزهج ونرفزة شديييدة مني .. ادهم قال لي : طيب على راحتك ومشى دور عربيتو .. وانا فعلا اتجمدتا من البرد ومافي حافله مرت .. كانو اليوم داك حبسوهم مني مخصوص 👊😒 ولنا سنوني اتجمدت .. وسااعه مرت وانا واقفه وبالجد قلبي بدا يدق وخفتا 💔 .. هسي لو جاتني حاجه .. وفحاه ظهر لي زول تاني .. سندس

انا نطيت لفوق من الهلعه ".. واااي بسم الله .. واتلفت القاهو ادهم "

انا : انت ما مشيت ليه ياود الناس

ادهم : كيف اخليك براك .. ماصاح .. خليني اوصلك للبيت والله العظيم ما حاعمل حاجه تضايقكك .. بس ماتقيفي كده غلط .. بعدين اهلك بكونو قلقو عليك شديييد يا سندس .. ماتخليكي عنيدة .. بس حاوصلك وما حاعمل حاجه تانيه ..

انا : لا ابييت .. شكرا .. وفر كلامك وامشي

ادهم : طيب تمام .. حاقيف معاك لحدي ماتجي حاجه تعجب حضرتك وتركبيها بس ما بخليك في الضلمه دي براك

انا : براحتك ..

" وقفنا زي ربع ساعه .. وماجات حاجه ماره .. واشيل واعاين بي قعر عيني لي ادهم وهو برضو لما اتلفت يعاين لي بقعر عينو .. والهوا ضربنا وهو مستحمل .. لما اتيقنتا انو مافي مواصلات والبتجي كلها ملانه .. قلتا ليهو خلاص طيب 😒 ارح 😏

ادهم : ياخ ما حصل شفتا بت راسها قوي زيك ابدا 💔😂😂😂

انا : قلتا شنو ..

ادهم : لا لا خلاص .. اتفضلي .. مشيت ركبتا معاهو في العربيه ❤ واتخيلو انها اول مرة اركب فيها عربيه اصلا 😍 ومكيفه وراقيه من جووة 👌😍 .. عربيه حديثه شدييد .. طبعا الخلعه ظااهرة . .. في الطريق فعلا ادهم ساااكت سااي .. خشكو مافتحو معاي .. بس قال لي وصفي لي البيت وبوصف ليهو لف كده وامشي كده وانا راكبه ورا .. كانو هو السواق كمان 👏💔😂😂 .. لحدي ما وصلتا .. ونزلتا وقلتا ليهو شكرا ليك .. قال لي العفو 😊 ومشى ..

استغربتا .. ادهم مشى بدون ما يقول كلام كتير .. جيت داخله للبيت لاقيت يوسف واقف جنب باب بيتهم قال لي ..

سندس 😳 ده منو الوصلك ده 😳😳

انا : ده مديري ..

يوسف : مديرك وين كمان ..

انا : مديري .. في الشغل ..

يوسف : وليه يوصلك !!!

انا : ماكان في مواصلات يا يوسف ياخ ...

يوسف : ماضربتي لي ليه لما جيتي تطلعي

انا : يوسف ماكان عندي رصيد .. يلا عايزة انوم تصبح على خير ..

يوسف : سندس دقيقه ..

انا : مالك؟؟

يوسف : زعلانه مني في حاجه ؟

انا : لالا .. ازعل ليه

يوسف : ليه طيب ماباركتي لي ! جنان قالت لي انها كلمتك

انا : اااخ نسيت والله .. ياخ الففف مبرووك يوسف ❤ ربنا يتم على خييير اتبسطتا شديييييد ليكم

يوسف : الله يبارك فييك عقبالك كده

انا : امييين .. طيب انا داخله لاني تعبانه وبكرة شغل برضو

يوسف : سندس دقيقه ..

وطلع من جيبو دفتر صغير بي طبله ومفتاح و طرحة باللون الزهري الفاتح .. كان نفسي فيها من زممممن طويييل .. وقال لي .. بكرة شنو؟؟

انا : بكرة شنو !

يوسف : عيد ميللاادك ياجمييل انتا .. اتفضلي هديتك مني ومن جناان

انا : يوسف 😍😍😍❤ .. بجد نسيتو شكرا ليك كتييير ياخ ❤

يوسف : يابت انتي اختي وبتي الربيتها .. شكرا دي شنو كمان

انا : ااي صحي اختك 😒 يلا تصبح على خير ..

....

نمتا وانا حارقاااني كلمة اختي دي 👊😒 .. وصحيت الصباح الليله عيد ميلادي وزي كل سنه مافي جديد غير انو عمري زاد بالحساب ونقص بالعمر .. امي واخواتي حضنوني وباسوني وعيدو وبس ❤ مافي اكتر من كده .. مشيت يومي عاادي .. وهناك ولاء سلمت وقالت لي كل عام وانتي بخير .. وجنان صحبتي برضو عيدت علي وقالت لي هديتي رسلتها مع يوسف .. قلتا ليها اي وصلت وتسلمي لي ❤ .. و زي مابعمل كل عيد ميلاد .. بمشي بقعد براااي في مكان في النيل تحت .. محله هااادئه بعيدة من الجوطه والناس بقعد بفكر فيها في الازم مفروض يتعمل ووضعنا والمصاريف وكده .. وبتذكر ابوي 💔 ابخلاني ومشى لي اسرة تانيه وما اشتغل بي 💔 .. قااعدة سرحاانه براااي في النيل بعد خلصتا بدري وماعندي صاله الليله ..

ادهم مشى المكعم ولقاني مافي .. سال ولاء سندس وينها؟

قالت ليهو الليله عيد ميلادها وقاعدة في المحل التحت النيل .. وصفت مكاني ليهو .. ودور عربيتو ووقفها بعيييد ونزل تحت .. عاين لي من بعيييد سرحااانه شدييد .. ومطلعه شبشبي وخاته رجليني في طييين البحر ❤ عمل نفس حركتي وطلع جزمتو .. ومشى لحدي ماوصلني وقعد جنبي ورجلينو في الطين برضو .. " محاكاه شدييدة "💔😂😂

وقال لي .. آليتي ❤