الجزء 32
"My love for you is like an ocean but are you willing to know how deep it is?.."
محمد كان بعاين ل ريفان و هي قاعدة بتأكل ف تربيزة المطبخ
شعرها كانت رافعاه ف كعكة ف نص راسها مرخية شديد
اعتقد شوية و تقع..
تمت نومتها ف الكرسي ظاهر عليها
لانها لسا لابسة بجامتها و لا غيرت شيء من هدوم امبارح
و يلا المضحك شنو
انو وشها منفخ ب شكل
شوفتو الزول وشو بتنفخ كيف لمن ينوم كتير؟
بس دا كان شكلها
راسها كان عامل زي حبة الفول و محمد ضحك شوي ع الفكرة دي
و هي قاعدة بتاكل والله ما جايبة خبرو
محمد كان شايل قهوة ف يدو اليمين و عصير برتقال ف يدو الشمال
مشي قعد جمبها و مدا ليها عصير البرتقال و هي ف نص اكلها
ريفان عاينت ليه و عاينت للعصير
شربت منو شوي و كرفسة وشها خلت محمد يضحك
_برتقال؟من بينهم كلهم م حلى ليك الا البرتقال دا؟
محمد م ردا
_وكانو م عارف انو انا بفضل مليون عصير ع البرتقال
محمد شرب من قهوتو
-معليش خلاص اشربي دا
_انت جبت معاك عصير برتقال كتير ليه؟اثيل و م بتشربو
محمد م ردا ليها و قعد يقش ف وشو
اخخ
ليه كم يوم م نام
القهوة شكلها م حتساعدو المرة دي
_انت م نمت ولا شنو؟
محمد هزا راسو ب معني لا
ريفان ضحكت
_مساهر برا؟..دخلتك القبل ساعة و حاجة دي ياها الواحدة من مرقتك امبارح؟
محمد هزا راسو
_عدم النوم دا حيقتلك..والله يقتلك
-بنوم انا..ساعتين تلاتة لكن
ريفان عاينت ليه كيف كيف
_و اخر مرة نمت ساعة ساعتين متين؟
محمد عاين ليها و م كان عاوز يرد
لكن تحميرها ملاه يتكلم
-قبل يومين؟
ريفان طلعت نفس طويل و رجعت تاكل
_طيب اهو..
محمد ضحك شوي
-هه و كأنو انتي احسن..النعاس بحنسك حنيس عشان تتخمدي و اهو م بتنومي
ريفان حاكت وشو وهز بتكلم و محمد ضحك
_حاجة بتمشي ف دم العائلة
محمد ضحك
-اولا حاجة خالتك نوومااة م بتعرف ل غير النوم..شالتو من جدك
ريفان ضحكت
-امك م بتنوم برضو..لكن اصلو م ل درجتك
ريفان هزت راسها
صح كلامو
-بت انتي والله عندك شيء امشي اكشفي
ريفان عاينت ليه ب احباط
_شوف منو البتكلم..بالله امشي اكشف انت ازلا و تعال سوقني معاك
محمد ضحك ز ريفان رجعت تاكل
تلفزنها كان بتهزز جمبها و هي بتعاين ليه و تاكل
محمد عاين ليها ب استغراب
-مالك م عاوزة تردي؟
_دي لينة..بتنقنق عم حاجة غالبا..برد ليها بعد م اكل
محمد عاين ل التلفون
هه
اشك انها لينة
شوية كدا و تلفونها ضرب
محمد و ريقان الاتنين عاينو ليه
و ريفان لمن شافت الاسم حواجبينها اتلاقو
محمد شرب من قهوتو و هو بعاين للاسم
حازم
تعابير وشو م اتغيرت لانو عارف انو دا هو البرسل ليها من قبيل
ريفان اول م شافت الاسم و استغربت
والاه قلبها دا وقع ف الارض
رفعت راسها و عاينت ل محمد ب نظرات م مفهومة زاتو
نظرات زول طاشي شبكة عديلك كدا
و محمد عاين ليها و رفع حواجبينو
ريفان رجعت عاينت للاسم تاني و فتحت التلفون و هو لسا التربيزة م جابتو جمب اضانها
فتحو و فتحت الاستبيكر
م كان ف صوت ل اول كم ثانية و ريفان كانت بس بتعاين للتلفون
_الووو؟
ع الوو دي ريفان ختت يدها ف خشمها من الخلعة و مدت يدها التانية و قفلت الخط طوالي
دا صوتو
دا كان صوتو
دا صوت حازم
ريفان عاينت ل محمد ب خلعة و محمد كان بس بعاين ليها
ي ربي سمعتو براها الصوت دا؟
مالو الزفت دا م مخلوع زيها؟
التلفون اتصل تاني و ريفان عاينت لي تلفونها بدون م تتحرك يدها لسا ف خشمها
عاينت ل محمد و هي حرفيا مصدومة للقرن الجاي
حاولت تتكلن لكن والله م قدرت تطلع ولا صوت من حلقها
خشمها حلف م يتحرك و الصوت حلف يمين بالله من انو يطلع
مكمد كمل كبايتو و ختاها
عاين ليها و قرر يفك الجو الغريب الضاربها دا
-ريفان
ريفان اقسم بالله م حركت عصبة فيها
-انتي عارفة انا اتأخرت ليه و م جيت امبارح؟..لانو حازم صحا
ع الكلمتين ديل ريفان عقلها طشى
ح ر ف ي ا طشى
صحا؟
صحا كيف يعني؟
يعني فتح عيونو؟
ريفان اخدت ليها ثانيتين و رجعت ل حالتها الطبيعية
-عرفت زي 2 صباحا و مشنا مع ابوبكر و قعدنا معاه فترة..كويس الحمدلله يعني صحي و رجع يتحرك و يتكلم تاني..يعني رجع الحمدلله
ريفان كانت مرقت من صدمتها خلاص
الغريب ف الموضوع انها م بس مرقت من صدمتها ف الكم ثانية دي لكن كمان رجعت طبيعية جدا
اخدت صدمتها انو صحا
اها و بعد داك؟
الحمدلله انو صحا يعني
لكن اها و بعد داك؟
رجعت طبيعية تماما
استغفر الله الولد عاداها ب برودو
ريفةن هزت راسها شوي
و محمد استغرب فيها
-م حتبكي؟
حواجبينها اتلاقو
_ابكي؟ليه؟..مات؟..انت قلت انو صحا
محمد رفع حواجبينو
-دموع فرح يعني لانو صحا؟مافي ولا دمعة؟؟انتي م ماسكاهم يعني؟
ريفان هزت راسها براحة ب معني لا
_ابدا..م في ولا دمعة
حواجبين محمد اتلاقو من الاستغراب
-انا امبارح ي الله ماسك دموعي..و انا م ببقي ليه اساسا..
ريفان عاينت ليه و رجعت ل اكلها تاني
-و انتي حبيبتو م حصل ليك شيء؟
هي يدها كانت بترجف شزي من الخلعة
لكن بس اهو دا
تاني مافي شي
حبيبتو؟
هه
انت م عارف ساي
الغريب ف الوصع انو الاستياء لسا كان جواها شوي
يعني هو صحا
مفروض يختفي تماما صح؟
لكن لسا في هي م عارفة ليه
ريفان رجعت اكلت و شربت شوي من العصير
و تاني وقفت و عاينت ل محمد
ايواا
عشان كدا
_انت اشتريت عصير البرتقال دا عشانو؟
محمد هزا راسو
-موديه ليه حسي..تمشي معاي؟
ريفان عاينت ليه ب استغراب
تمشي؟
هه
I don't think so..
لز م عرفت الاستياء الجواها دا فاضل ل شنو هي م حتعمل اي شي و م حتمشي اي مكان..
-م ماشة؟
ريفان هزت راسها ب معني لا
_ممكن امشي بعدين؟
-تمشي براك يعني؟
_امم زي العصر دا..
محمد م ردا ليها
_بمشي بعدين براي حسي عندي كم شيء لازم اسويه
و اولا طبعا انها تحبس روحها و تقعد مع نفسها و تفهم هي لسا ليه مستاءة
محمد هزا راسو شوي
-عارفة الطريق صح؟
ريفان هزت راسها
_سلم ع ابوبكر و نيفو..
-امم..
محمد قام ع حيلو و مشي شال علب العصير الكبيرة الشايلها ليه و مرق
ريفان عاينت ليه لحدي م مرق و قفل الباب و رجعت تاكل تاني
•■•■•■•■•■•■•■•■•■•■•■•■•■•■•■
ريفان مرقت من الحمام و هي بتصلح ف قميصها اللبستو غلط
تلفونها بضرب من ما دخلت تستحم و ابي يقيف
مشت عليه عشان تصمتو لكن لقتها لينة
فتحت الخط طوالي و فتحت الاسبيكر و بقت بتصلح ف القميص و بدت تسرح شعرها و هي حايمة ف الغرفة
-الووو..
_الووو ايواا
-ي بت مالك م بتردي يااخ؟؟
_كنت بستحمي..
-ااوو
_خلعتيني قلت ف زول مات
لينة طوالي اتكلمت
-ريفان انتي سمعتي عن حازم؟
ريفان وقفت شوي و تاني ردت ليها
_اممم ااي..
الخلعة كانت ظاهرة ف صوت لينة
-عرفتيييي؟؟؟..واايي جيتي منو حسي؟؟
ريفان واصلت ف محاولة تسريح شعرها
_لا م مشيت
-ااا؟؟م مشيتي؟
_اممم
لينة سكتت شوي
ريفان واصلت ف شغلها
-لسا زعلانة؟
حواجبين ريفان اتلاقو
_انا م زعلانة..
-طيب م مشيتي ليه؟
_هو انتي عرفتي كيف؟
-نشوة ضربت لي و هي بتبكي و ورتني
_امم..
-ليه م مشيتي؟
ريفان طلعت نفس طويل
_م بعرف..
-معناتا انتي زعلانة
_صدقيني انا م زعلانة
-طيب ف شنو؟
ريفان قامت من الكرسي البتسرح فيه شعرها بعد كم ثانية بتاعت صمت و عدم حركة منها و مشت قعدت ف السرير جمب التلفون و فكت شعرها
_م عارفة..
-طيب اسألي روحك ليه م مشيتي اذا م زعلة؟
_لاني م عاوزة امشي..هو انا ماشة ليه بعدين العصر
-و طيب ليه م عاوزة تمشي حسي..ف شيء
ريفان طلعت نفس طويل
_شوفي..
-اها..
ريفان سكتت شوي
م عرفت تصيغها كيف و تقول الحاصل شنو
تبدا من وين و كيف؟
هي تقول شنو اساسا و هي م عارفة
تحاول تفهمها كيف و هي بحد زاتها م فاهمة؟
-الووو؟
_اممم اي معاك معاك
لينة سكتت و انتظرنها لحدي م قدرت تجمع كلماتها
_شوفي ي لينة..اسمعيني
-اها
_انا م قادرة امشي لانو الحمل الفي جواي لسا قاعد
-كيف؟
_ف حاجة تقيلة ف صدري حاسة بيها..كنت قايلاها خوف لانو حازم ف غيبوبة و م صحا و انها منتظراه يصحا..لكن لمن رديت ع التلفون و جا صوتو و محمد وراني انو صحا..الحمل م زحا
ريفان م كانت شايفة لينة لكن كانت قادرة تتخيل ملامح الاستغراب ف وشها
ريفان طلعت نفس طويل و هي بتتم ف حكيها
_حسيت ب فرحة و راحة و كلو..لكن المشاعر دي كلها م زحت الحمل دا..لسا قاعد و مضايقني..فهمتي؟
-سو انتي بتقولي انو الحمل دا م سببو الحاصل ل حازم دا؟
ريفان طلعت نفس طويل و هي بتقش ف وشها
_م بعرف..م فاهمة انا..
-طيب فكري..متأكدة الموضوع سببو حازم انا ب طريقة او اخري
ريفان م عرفت تقول ليها شنو
معقولة الزول يكون حاسي ب حمل زي دا و م عارف سببو شنو؟
-طيب امكن لانو حازم عمل حادث؟
لمن لينة قالت كدا ريفان رفعت راسها و قعدت تفكر شوي
الحادث..
صح هو م دخل ف حادث
ريفان كانت ناسية انو اساسا الوصلهم ل دا انو هو كان متخلف و حصل ليه حادث
-امكن لانو بتهور ف السواقة و دي اكتر شيء انتي بتكرهيها..
ريفان عاينت للتفون و رفعتو ل اضانها طوالي لانو اعتقد لينة فهمتها اكتر من نفسها
_اها
لينة ضحكت
-بس..امكن فكرة انو هو لانو كان بتسابق و دخل ف حادث و كدا هو السبب فهمتي؟..انتي اساسا عندك ذكريات م حلوة مع التهور ف السواقة دي..ف امكن بقيتي م قادرة تتقبلي الفكرة دي فيه حسي
ريفان اخدت نفس طويل
صح
نقطة
نقطة مهمة
اعتقد كلامها صح
ريفان حست ب انو التعقيدة الفي راسها اتفكت لمن لينة وضحت و زكرتها النقطة دي
-اساسا انتي كان دايما بتجي تقولي انو بسرع ف السواقة و م قاعدة تحبي تركبي معاه..
صح
ريفان بتكره الحاجة دي شديد
و لينة كلامها صح
-بزات بعد م حصل الحادث دا لانو كان ف سباق و تهور
اا؟
كان ف سباق؟
_كيف؟
-يوسف قال انو دخل ف الحادث دا لانو اخد ليه طريق مختصر ف السباق..
ريفان بلعت ع ريقها
_لي اول مرة اسمع الكلام دا؟
-لانو يوسف و انا بس العرفين عنو..اعتقد ابوبكر برضو لكن م عاوز يوري نيفين لانو ميفين بتقتلو
ريفان ياداب فهمت و الكلام بقي واضح
اكيد
حازم دا م بغلط كدا الا ف حالة زي دي..
لينة كملت كلامها
-امكن بقيتي م قادرة تتقبليه بسبب الحادث دا..لانك خايفة انو يحصل تاني و المرة دي يموت ف لحظتو
بالله جملة لينة الواحد
ة دي للتو شرحت الحاصل جوا ريفان كلللو
كلامها صح
لايك ك حرف حرف
-الوو
_اممم ايوا..
ريفان م انتبهت انها كانت ساكتة زاتو
-صح ولا كلامي غلط؟
ريفان طلعت نفس طويل
_وااي م عارفة اسوي شنو من غيرك انا
لينة ضحكت
-اها حتسوي شنو؟
ريفان م عرفت تقول شنو
كيف حتسوي شنو؟
جد حتسوي شنو؟
_المشكلة ي لينة هو بحب الزفت دا اكتر من حياتو..
لينة بلعت ع ريقها توترا من كلام ريفان
_يعني لو سألتيه حسي حيقول ليك م ندمان لانو بحب السباقات..الولد م بقدر يوقفها و م حيوقفها و اساسا م بقدر يعيش ب دونها..بغض النظر عن الحصل هو بتنفس عليها..السواقة المتهورة و السباقات و كلو..و انا متأمدة لو خيرتو بيني و بينها ه-
ريفان سكتت اول م انتبهت للنقطة دي ف عقلها
صح
كلامها صح مليون مرة و م اعتقد ف زول حيقدر يكذبها
لو خيروه بين انو يوقف البعملو دا و بينها هي حيختار داك..سواء ب تفكير منو او لا متأكدة حيختار السواقة البعرفها دي
هي منو اساسا عشان يوقف حاجة بحبها كدا عشان خاطر مشاعرها و عدم خوفها
ريفان زاتها م بتقدر تطلب منو حاجة زي دي
بتكون انانية منها بس
انها تطلب منو انو يتخلي عن الحاجة البحبها عشان خاطر نفسياتها؟
هي منو اصلا؟؟
طيب خليها تواصل معاه و الكاتبو ربنا يكتبو؟
هه
و هي ليه تظلم روحها و تعيش ف ضغطة نفسية كدا؟
ف كل مرة تشوفو تكون خايفة انها تكون اخر مرة؟
دي م مبالغة منها لا طبعا
لكن كلامها صح
مهما كنت محترف ف السواقة
نسبة الحادث ليك موجودة
و اكتر من النص كمان لو بتسوق زي م حازم بسوق
ليه تعيش ف رعب نفسي كدا؟
ليه تظلم روحها كدا و هي م بتقدر؟
و م بتقدر تبقي انانية و تطلب منو الحاجة دي و هي اساسا عارفة هو حيختار شنو
-الو ي بت انتي معاي؟
_اا؟؟ايوا ايوا انا معاك
-ريفان..
_امم
-انا عارفة انتي بتفكري ف شنو..
ريفان م ردت
-انو م بتقدري و هو م حيخليها و زي م قلتي التخيير م اجابة..
ريفان بللت شفايفها
_اممم
-طيب قدامك حل واحد بس
ريفان م قدرت ترد ليها لانها حست ب الهوا بخنقها ف نص حلقها
-انك تقطعي علاقتك معاه صح؟
ريفان بلعت ع ريقها و هي بتحاول تتنفس
كلامها صح
دا الحل الوحيد
ريفان حاليا كان بس مليانة غضب و زعل منو للاخرة بعد م عرفت ب موضوع السباق و كان ظاهر ف صوتها
-لكن انتي حاليا ضاربك غضب
صح كلامها برضو صح
_اامم صح..بسبب الحصل ليه دا
-ااي و انا متأكدة انك لو شفتيه حتكفتيه..بزات بعد م عرفتي انو دخل ف حادث ياداب بسبب السباق
_امم
-غايتو دا الحل الوحيد الحيريحك..و انا م عارفة..
ريفان ختت يدينها ف وشها لانو راسها ضرب خلاص..
■•■•■•■•■•■•■•■•■•■•■•■•■•■•■•
محمد كان مارق من المستشفي و هو بتكلم مع براءة ف التلفون
سألها اذا ريفان مرقت و ورتو انها مرقت ليها فترة
مفروض تصل تجي بعد دا لكن لسا م ظهرت
محمد قرر ينتظرها تحت لحدي م تجي عشان م ترجع المرة دي زي الفاتت
كان واقف قدام البوابة الكبيرة المفروض تحي داخلة بيها
الناس ب مختلف الجهات جايين بدخلو وبمرقو و محمد بمشي و بجي براحة و هو بتكلم ف التلفون و ف نلس الوثت مركز مع الجاي و الماشي
شوية كدا و لمح ليك حازم مارق برضو و هو لسا بعتر
كان لابس هدوم المستشفي لكن لابس طاغية م مظهرة وشو و لمن قلعها اتأكد انو دا حازم
حازم شافو و جا وقف جمبو
محمد قفل التلفون و قعد يعاين ل حازم لحدي م جا وقف قدامو
-مرقت كيف؟
حازم ابتسم ليه و رفع الطاغية
_شلتها من شنطة مجاهد
محمد ضحك
-اذا دكتورتك عرفت م حتخليك ف حالك
حازم هزا راسو
_دكتورتي ف بريك حسي..بعدين م بتعمل لي مشكلة هي بتحبني
محمد ضحك
-انت نمت و صحيت و بقيت بتتكلم اكتر
حازم عاين ليه ب طرف عينو
_انت براك م بتسمعني بس
محمد عاين ليه و هو واقف
كان متكل ع رجلو و التانية راخيها
-الجرح لسا؟
حازم ضحك شوي
_اكيد لسا..لكن بقيت بقدر اتحرك احسن
-لسا بتعتر
حازم رفع قميصو و اشر ليه ع مكان الجرح
_دا لانو دي لسا مفتوحة
محمد عاين ليها
الضمادة الكبيرة الخاتنها ليه بقي فيها لون احمر
لون الدم
-اعتقد مشيت كتير
حازم عاين ليها
-عشان كدا واجعاك حسي
حازم هزا راسو
_م قادر ابعد ثابت..حاسي جسمي مربط و لازم اتحرك
محمد عاين ليه
-دا لانك نايم ليك شهرين تقريبا
حازم عاين ليه
_كان تصحوني
محمد كرفس وشو
-ها ها ها احساس كنت حتقوم
_م جربتو تكشخو موية؟
محمد عاين ليه ب طرف عينو
-الالات محطين بيك ف كل مكان..كان ضربتك كهرباء و رحت فيها مرة واحدة
محمد و حازم ضحكو ع جملة محمد الاخيرة دي
-انت حسي مرقت ل شنو
_قلت ليك جسمي مربط عاوز احوم حولين المستشفي
-حوم جوا عشان لو وقعت يلحقوك
_لو حمت جوا و لمحوني بعملو لي مشكلة
-خلاص حسي خش عشان لو دكتورتك جات لقت جرحك دا كابي كدا م حتخليك
حازم هزا راسو
_امشي اشيل لي مسكنات زاتو
-بدا يوجعك؟
_بقيت حاسي بيه
محمد ضحك
-سجمك اجري يلا
حازم عاين ليه ب طرف عينو ع جملتو دي
و قبل مشي دخل جوا
محمد عاين ليه و هو بعتر ع الرجل التحت الجرح طوالي لحدي م دخل
وشو اتصلح شوي من صحية امبارح
رغم انو كان نايم لكن عيونو كانت واقعة
و اعتقد
ب المسكنات الصداع الضاربو خفي شوي
محمد قبل من حازم الدخل و بقي بعاين للبدخل و البمرق
ريفان مفروض تكون وصلت بعد دا
ليه م جات؟
طلع تلفونو و اتصل عليها
والله الليلة يشاكلها ب شكل
-الوو
_اممم محمد
-انتي وين؟براءة قالت انك مرقتي قبيل م وصلتي لسا؟
ريفان ضحكت
_انت الوين؟انا ف المصعد طالعة ل فوق
حواجبين محمد
-جيتي؟
باب المصعد فتح و ريفان مرقت منو
_امممم..اهو ماشة ع الغرفة
-كيف جيتي و انا م شفتك؟
ريفان م فهمت جملتو و م ردت
-انتي م شفتيني واقف برا جمب البوابة الرئيسية؟
_انا دخلت ب البوابة الشمالية
محمد استغرب
-وات كيف؟
ريفان عاينت للورود الشايلاها ف يدها
_م صاح اني اجي ساي سو قلت اشتري ورود و قالو ف مكان ب جهة البوابة الشمالية ف مشيت عليه
ريفان فتحت باب الغرفة بعد م دقت عليه
ومحمد كان سامع صوت فتحة الباب
-خلاص بما انك جيتي انا ماشي..اتصلي علي عشان اجي اسوقك
_دقيقة انت قاعد؟
-امم تحت
_خلاص انا م حاقعد اكتر من 10 دقايق انتظرني مرة واحدة
-ي بت م تقعدي
ريفان ردت ليه ب زهج
_م عاوزة
محمد سكت
_او امشي م مشكلة برجع براي خلاص
و قفلت الخط منو
محمد استغرب و هو بعاين للتفون
مالا زهجانة كدا؟
ف النهاية مشي اتحرك ع عربيتو موش قالت بترجع براها؟
يلا خليها ترجع براها
.
.
.
ريفان عاينت ل نيفو القاعدة بتقرا ف كتاب و سلمت عليها و كانت مستغربة انو السرير فاضي
نيفين ضحكت ليها
=مشي تحت ل الفحزصات و جاي
ريفان مدت ليها الورود و نيفو اتبسطت منها
=حلوات
ريفان ابتسمت ليها
كان مفروض تقعد
لكن والله فكرة انها حتلاقيه ساي مولعة الغضب جواها
و هي ي الله قادرة تمسكو
اخخ اعتقد انها فكرة سيئة تلاقيه حسي و هي مليانة غضب كدا قدام نيفين
نيفين اتحركت مشت ع الحمام
ريفان عاينت ليها
كان طلعت طرحتها و مشت جوا فتحت الماسورة بقت بتغسل ف شيء ف شعرها و ريفاه بتعاين ليها
=امبارح محمود كشح فيني عصير الرمان حقو ف شعري
ريفان مشت عليها و لقت انو شعرها المصبغاه اشقر بقي فيه زي كشحة حمرا كدا
=قدر م حاولت امرقو م قدرت و بياكلني م عارفة ليه
ريفان ضحكت : اساعدك؟
=لا مافي مشكلة بقدر براي..
ريفان رجعت عاينت ل تلقونها البضرب
لقتها لينة
ريفان:الوو
لينة:هاي كيفيك؟
ريفان:كويسة و انتي؟
لينة:كويسة الحمدلله..عايني الورق البي دي اف الرسلتيه لي دا ابي يفتح لي
ريفان استغربت: حاولتي ب التطييق الرسلتو ليك؟
لينة:حتي تطبيقك م فتح لي
ريفان طلعت نفس طويل : طيب حاولي رسليه ل وابل خليها تفتحو ب تطبيقها الفي اللابتو-
ريفان رفعت راسها ع صوت فتحة الباب
اول م حازم جا داخل قلبها دا وقع
و الزهج زاد زيادة
المشكلة انو مشاعؤها اتلخبطت
ضربتها موجة بتاعت مشاعر و هي بتعاين ليه بمشي م قادرة تفهمها هي شنو زاتو
سبحان من خلق المشاعر و قوة تأثيرها ع الجسم كاملا كيف..
يالله!!!
حازم دخل و قفل الباب ب وراه
لينة:الووو ريفان
ريفان رجعت ل تلفونها: امم عايني برجع ليك بعد شوية تمام
ريفان قفلت التلفون و رفعت راسها لقت حازم بعاين ليها
كانت عاوزة تقوم تكفتو
ممكن و لو ل مرة ف حياتها تقدر تقراه؟
لايك تعابير وشو م اتغيرت بس عاين ليها
ي ربي زعلان من القالتو ليه لسا؟
و م يزعل
اعتقد حالة الغضب الضارباها بتفوز ع زعلو اكيد
حازم جا و قعد ف السرير قصادها و هو لسا بعتر
ريفان انتبهت ل انو بعتر طبعا و الحاجة دي بس زادت اصرارها زيادة
اصرارها ف شنو؟
الله اعلم
_جيتي؟
لمن اتكلم معاها و قال ليها جيتي دي الاستغراب ملانها كلها
هه
اعتقد لانها م لاقتو و م سمعتو يتكلم ليها فترة
نست هو بكون هادي كيف
و نست البرود البكون فيه
للتو قال ليها بس جيتي؟
تكفتو؟
م ردت ليه اصلا وهو منتظرها تتكلم
لمن لقاها م حتتكلم قرر هو يتكلم
_لسا زعلانة؟
ريفان ضحكت ضحكة استهتار
-اعتقد الجواي دا غضب م زعل
حازم م فهم هي ليه مليانة غضب
-المرة دي م قادر تشوفو؟
حازم ابتسم شوي
يب..
هي لسا زعلانة من الكلام القالو ليها
_سو لسا زعلانة..تمام
ريفان اتغاظت منو
الموضوع البحرق الدم انو هادي شديييد
يعني هي مليانة كدا وهو هادي كدا كيف؟
ليه يبتسم كدا؟
_موش مفروض اكون انا الزعلان لكن؟ع الكلام القلتيه لي؟
جملتو دي خلتها تهدا شوي و تتملي ذنب لمن اتزكرت هي قالت ليه شنو
و هو لمن لقاها سكتت ضحك
_اتس اوكيه..نومة الشهرين اتمتصت الزعل
-انا اسفة..
حازم هزا راسو ع اعتذارها
_لكن لسا عليك انك تعتذري
ريفان عاينت ليه
-وانت؟
حازم عاين ليها بدون فهم
_انا مفروض اعتذر؟
-كلامك كان صاح
وهو م فهم هي قصدها شنو
-اعتقد انو جد م مفروض نتكلم مع بعض..
حواجبينو اتلاقو ع جملتها دي
اا؟
قصدها شنو؟
-الحصل معاك دا بس خلاني انتبه ل نقطة واحدة..
_وهي؟
-انا م بقدر اتحمل تصرفاتك
تصرفاتو؟
قصدها شنو يعني؟
-انت عارف انو حبوبة ياسمين لسا ياداب تمت الكم شهر صح؟..و بعدو جابو لي كلام انو انت حتلحقها..
ريفان شالت شنطتها و وقفت ع حيلها
-كل البتسويه انت..انا م بقدر ادخلو ف حياتي..
ريفان طلعت نفس طويل
-كنت قايلة اني بقدر..اغير حاجات شوي ف حياتي يع
ني شنو؟و م اتحرق يكون نفسي اكفتك ع برودك دا يعني شنو؟..لكن اني اقعد اخاف كل مرة التلفون دا يرن و يقولو لي انك ف غيبوبة او لقو جثتك تاني؟..م بقدر عليه..
نيفين جات مارقة من الحمام و صوت بابها خلاهم الاتنين يتلفتو عليها
ريفان طلعت نفس طويل و رجعت تتكلم
-و انت عاين ل روحك..انا بحاول اشرح قدر الامكان ليك و انت بارد كيف
حازم م رمش زاتو
اعتقد كان بحاول يفهم هي بتقول ف شنو؟
لانو هو فاهم كلماتها
بس م فاهم هي جاية من وين و بتقول فيها ليه
حازم ضحك شوي لمن انتبه ل شي
_انتي لسا بتتكلمي من وجهتك بس؟
ريفان م فهمتو
_ريفان انا م فاهم انتي بتقولي ف شنو..انا م جوا عقلك..م ممكن تتكلمي وكأنو انا فاهم
-م الا تفهك
_و انتي م ممكن تقرري حاجات زي دي بدون م انا اكون فاهم
-و ليه م بقدر؟
_لانو انتي م ممكن تدخلي و تمرقي ناس من حياتك وي م عاوزة
اتغاظت من جملتو
-ليه؟انت م فجأة قررت انك م تنكلم معاي؟
_دا لانو دا انا..و دي انتي..انا و انتي م زي بعض و انتي عارفة
اخخ البت دي م حترتاح ف حياتها لو م خلتو يجرب كف منها
-انت محتاجى تجرب مني كف..
حازم ضحك ليها
_م بتقدري تكفتيني و انا ب حالتي دي
ي زفت م تضحك
ريفان ابتسمت ليه
-حتأكد اني اديك ليه المرة الجاية
ريقان جات تمرق
_سو خيكون ف مرة جاية؟
ريفان عاينت ليه
-ل كفك دا لازم
و طوالي مرقت
مرة جاية؟
ي بت انتي متخلفة؟
حصل شنو ل انك تطلعيه من حياتك؟
شيت يااخ
دخلت زهجانة و مرقت بي زيادة زهج..
■°■°■°■°■°■°■°■°■°■°■°■°■°■°
لينة عاينت للساعة و هي داخلة ع المكتبة
اتأخرت بالله قريب الساعة ف المواصلات
دخلت بسرعة و هي بتفتش ف علي
شوية كدا و لمحتو و مشت عليه
قعدت قدامو و هو كان مركز ف اللابتوب حقو
اول م شافها عاين ليها و ابتسم
=اصلو شنو هي المواصلات دي؟راكبة ليك حمار؟
لينة ضحكت
-لو كنت راكبة حمار كان وصلتَ اسرع
علي ضحك لانو كلامها صح
-اها وصلت وين ف مشروعك؟
=كتبت العنوان و زينت الحاجات و فتشت شوي لكت م كتبت شيء
الاحباط ظهر ع وش لينة
-انت من متين بتعمل كدا ف م شاريعك ي ولد؟
علي ضحك و م ردا ليها
-وريني
لفى ليها اللابتوب عشان تشوف
=طيب انا حاقزم ارتب المواضيع و اقراها ليك و انتي اكتبي
لينة عاينت ليه
-انت مديني الشغل الصعب
=دا لانو انتي بس بتعرفي تكتبي..اديك ترتبي المواضيع؟
لينة هزت راسها و علي ضحك
=كنت اديتك لكن خايف ع مشروعي..
الاحباط ظهر ف وش لينة و علي ضحك
-طيب يلا اها
قعدو قريب ال4 ساعات ف مكانهم والله م اتحركو بسبب المشروع و م تموه زاتو
قربو ينتهو
لينة تعبت و الوقت اتأخر
=الوقت اتأخر مفروض ترجعي
لينة عاينت للساعة
-اممم..غريبة امي م ضربت..
ضحكت شوي لمن انتبهت ل نقطة
-لمن اقول اسمك دا والله لو قلت ليها ماشة ل جهنم بتخليني
ععلي ضحك
=دا كلو لاني جيت ساعدتكم؟
لينة ابتسمت
-امي م بتنسي جميل..ممكن ع جميل واحد تحبك ل بقية حياتك حتي و لو غلطت تسعة و ستين مرة
علي استغرب
=و اشمعنا تسعة و ستين؟
لينة طلعت نفس طويل
-عندها فهم انو بعد السبعين موقف او تصادف او كدا حقيقة الزول بتوضح..لو ممكن لو ل واحدة من السبعين محاولة دي عملت جميل واحد..بتصبر عليك ل التسعة و ستين مرة الجاية و تمشيها ليك
=اها و بعديها؟
-بعديها بترجع تشوف لو بتستاهل او لا اعتقد..هي المهم بس عايشة ع المبدأ الغريب دا
علي ضحك
=و انتي م عايشة بيه
لينة ابتسمت
-انا م بتزكر بحصل شنو للسبعين مرة دي..البزكرني شنو
علي ضحك لانو نقطة مهمة و صاح
=ارح طيب..ناكل اول و نمشي
لينة هزت راسها
-صح..يلا
مشو و اكلو و ركبو عشان يرجعو
علي كان بحكي ليها و هي كالعادة بس بتضحك ع حكاويه
اتونسو كويس و علي كان ف سؤال عاوز يسألو ليها
=لينة..
-امم
=انتي لسا بتحبي يوسف؟
لمن سألها السؤال دا لينة سكتت شوي
تحب يوسف؟
اممم
اعتقد ااي و اعتقد لا
-امم اععقد كل المشاعر العندي ليه حقت احترام؟..حبي ليه م فرقت عندي قدر كيف..
علي م فهمها و كانت ظاهرة ف ملامحو
-اعتقد سواء حبيتو حبا او كتير..حاحبو ك اخ كبير؟..
لينة ابتسمت شوي
-ف النهاية هو مرحلة ف حياتي كان لازم تحصل عشان افتح عيوني كدا
علي عاين ليها
=طيب انتي تفتكري كل الرجال زيو يعني؟
لينة عاينت ليه
-كل العارفاه انك م زيو..دا الانتبهت ليه من اول مرة اتكلمنا فيها..و اعتقد لحدي م حصل الحصل..كل الكنت بعملو اني بمرق الاختلافات البينكم
=وليه؟
-لانو م قدرت اني م انتبه ليها..انتو مختلفين ب طرق كدا عجبية زاتو..صعب اصدق انكم جنس واحد
علي ضحك لانها بتبالغ بس م اكتر
لينة سكتت شوي
استغربت لانو تاني م سألها من اليوم داك
-م حتسألني؟
=عن شنو؟
-ردي ل كلامك؟
علي عاين ليها و ضحك
=انتي م عندك رد ل كلامي لكن
لينة استغربت و عاينت ليه
-و عرفت كيف؟
=لانو لو كان عندك كان قلتي لي اول م اتلاقينا
لينة م فهمتو
-و الخاليك متأكد شنو؟
علي ضحك
=انك م بتقدري تلمي خشمك عليك..بتقولي الفي عقلك طوالي
لينة هزت راسها شوي
صح
نقطة مهمة
=كلامي صاح صح؟
-امم
=سألتي ليه لو م عندك رد؟
-لاني استغربت انت ليه م سأل
ت؟
علي عاين ليها كيف كيف احساس انتي جادة؟
-يااخ م تعاين لي كدا انت براك قلت انا بقول الفي راسي
■°■°■°■°■°■°■°■°■°■°■°■°■°■°
ريفان رجعت راجع المستشفي بليل
اقسم بالله نفسها تكفت روحها
م قادرة تصدق انها الفالحة نست تلفونها ف الكرسي المتخلفة الغبية الحمارة المابتفهم دي
م بتقدر تضرب ل محمد يجيبو زاتو
ورت براءة انها ماشة تجيبو و حتضرب ل مخمد يجي يسوقها لانو الشمس غابت اساسا
وقفت قدام الباب و منتظراه يفتح
المكان ضلم و الناس بقو م بدخلو كتير
بس عينها للاطباء حايمين و جزء من المرضى برضو
دخلت و بقت ماشة ع المصعد
نفسها تكفت روحها بسبب الحاجة دي
هه
قادرة تتخيل ابتسامة الشماتة بتاعت حازم اول م يوشفها تجي داخلة تاني
اخخخ انا
ختت يدها ف وشها و هي نفسها تجر شعرها
ااوووفف بسس
دخلت المصعد مع كم نفر كدا و لقتو مزحوم
هي اكتر شيء بتكرهو ف حياتها الاماكن المزحومة
ف النهاية مرقت منو قبل م يقفل و عاينت ليه
ااخ تركب التاني بس..
طلعت نفس طويل وهي بتفكر ف حاجة واحدة
ممكن الليلة يبقي اكعب يعني؟
ريفان بقت بتمشي و بتجي و منتظرة المصعد يفتح
=ريفان!!؟؟
ريفان اتلفتت ع اسمها و عاينت لانو الصوت م مألوف
لقتها مرة كبيرة ف السن و معاها راجل شاب ف منتصف الثلاثينات ظاهر عليه ولدها
ريفان ابتسمت ليها لانهم سودانين
=م عرفتيني صح؟؟
سلمت ع ريفان و حضنتها
=واي انا يحليلك كبرتي م شاء الله يحليلك...البركة فيكم الله يرحم ياسمين انا قلبي اتقطع معاها لمن عرفت انها اتوفت والله يحلييلها و ؤحليلك وااي..
ريفان كانت بس مستغربة دا شنو دا
لمن قالت ياسمين ريفان حست ب شيء يقبض قلبها و يضغط بس
لمن المرا فكتها ريفان عابنت ليها
دي منو دي البتعرفها و بتعرف سوسي و دا شنو؟
=م عرفتيني صح؟
ربفان بس كانت بتعاين ليها
=انا حجة مسكة..كنا ساكنين جمبكم زمان ف لندن و رحلنا هنا بدري..
برضو م اتزكرتها
=يحليلك و الله م شاء الله كبرتي ب شكل م عرفتك زاتو..
اشرت ع الولد الجمبها
=و دا اسامة ولدي تتزكريه؟؟..ياخ الكنا بنجيب الاسكريم و بنوزعو كل يوم سبت..
اممم
ع النقطة دي حتي الذكرة جات
ولدها سلم ع ريفان و قال ل امها انو ماشي يجيب العريبة جمب الباب و جاي
المرا قعدت ف كراسي الاستقبال الجمب الباب و قعدت معاها ريفان
و ريفان بالله بس ع الءكرة الذكريات كلها جاتها
بما فيهم ذكريات حبوبة
و بقت بس حاسة بالدموع واقفين ف نص حلقها لو يعني الجملة مفهومة
=اها كيفك انتي و امك و اخوانك و ابوك؟
ريفان ابتسمت ليها
-كويسين كلنا الحمدلله
=امك و ابوك صحي اتطلقو؟
ريفان هزت راسها
=وااي انا..طيب امك قاعدة هنا معك؟جيتو استقريتو هنا؟
-لالا قاعدين هناك..انا جيت هنا بس عشان الجواز و الورق و كدا بماةاني تميت ال18
=ما شاء الله م شاء الله تميتي ال18؟
ريفان هزت راسها
=ع ابواب العرس خلاص
ريفان بس ابتسمت ليها
م كانت فاهمة ليه اي زول بدخل العرس لمن تكبر شوي؟
هو انتو قايلين انو العرس دا ياهو طموح البنات؟
هه
بتبقو غبيين لو قايلين انو البنات كل تفكيرهم العرس..
البنات جواهم مجرات و م فيها و اي زول بطفئ نور المجرات دي بكون اذى العالم كلو الكان ممكن يستفيد منها م بيأذيها هي براها
=طيب لو امك اتطلقت م تجو تقعدو؟
ريفانىبس ابتسمت ليها
=اساسا كنت عارفاهم حيطلقو لو امك كان بتسمع كلامنا كان تطلقو هنا و ب محكمة هنا كان قلعتكم منو و خلوكم تقعدو هنا..
ريفان عاينت ليها ب استغراب
طيب و ابوها؟
لمن يعملو فيه كدا هو يحصل ليه شنو؟
ليه الناس طايما بفكرو ب روحهم و م بختو اعتبار للناس التانين؟
مافي زول بفكر الانسان التاني دا حيحس او حيفكر ب شنو
م بهتمو
م عندهم اهتمام غير ل روحهم
و دي انانية مكبوبة ف البشر ديل م اكتيعني بغض النظر عن البتقول فيه دا و لو كان حصل
هو ابوهم ف النهاية
كيف ممكن يتصرفو كدا؟
هه
ريفان حست ب راحة شوي انو امها م قاعدة مع ناس ب فهمها كدا
و انو الحمدلله امها مخها عديل و بتفكر و م انانية
و حمدت ربها مليون مرة لانو هي م مرقت كدا اصلا
=و انتو كيف مع وفاة حبوبتك دي؟
-الحمدلله بس
=واي انا وحعتني ف قلبي يحليلها ياسمين كانت انسانة طيبة و ظريفة و كلو ربنا اخدها ل عندو ف ساعة غفلة بس والله قطعت قلبنا..
ريفان ع كلامها م كانت حاسة ب اي شيء غير الدموع البتكومو ديل
كانت؟
م تبتقدو تتخيلو ريفان قلبها وجعها قدر كيف لمن استعملت كلمة كانت مع حبوبتها كيف
المرا قعدت تتكلم عن حبوبة ريفان و ريفان جزء سامعاه و جزء لا
لحدي م جا ولدها و مشت
ريفان دموعها ديل نزلو اول م المرا مشت
شووو نزلو و ريفان ختت يدينها ف وشها و اخدت بكيتها لحدي م سكتت
م عارفة روحها بكت ل متين او ليها كم
كل العارفاه انها لازم تسكت و تحاول تسكت الالم الجواها دا..
قشت دموعها و اليعديهم نزلو و قشتهم و تاني البعديهم نزلو و كل مرة تحاول توقفهم هم مابين
م عارفة امكن ب سبب الكلام القالتو عن امها و ابوها
او لانها اتزكرت الذكريات الزمان
او لانو الم حبوبتها و كدا
او كلهم مع بعض هجمو عليها و هي م مستعد
ة و بقي قلبها مقطوع
_ف حاجات م بتتغير فيك مهما حصل..
ريفان م اتحركت ع صوتو
اتخلعت لكن يدنها لسا كانو مغطين وشها
حست بيه يقعد جمبها و مدا ليها حاجة
ريفان عاينت و لقتو منديل
شالتو و قشت بيه وشها و كدا
بعد قشت وشها اتلفتت عاينت ليه
-و انت الممرقك برا غرفتك شنو؟
حازم ضحك
_الناس. ديل كلهم حايمين جاية علي بس؟
-الناس كلهم عندهم جرح زي حقك؟
حازم ختي يدو فوق الجرح
_صدقيني بكون عندهم اسوء
ريفان قبلت منو و م اتكلمت
اعتقد و ل اول مرة تفقد القدرة ع انها تتكلم من الزعل
كلام المرا جرحها ب شكل
و كأنها كانت ماسكة قزاز بتدخلو جوا قلبها ب كل جملة مرقت من خشمها
و المشكلة انو حاليا حاسة و كأنو ف نار مولعة جوا صدرها
حاوم كان بعاين ليها وهي بتصارع ف الدموع
_و في حاجات اتغيرت تماما
ريفان عاينت ليه
-زي شنو؟
_انك زمان كنتي بتحمسي روحك تبكي..و حسي بتحاولي ب كل جهدك انك م تبكي..
ريفان قبلت منو
-هه..ما عارفة زاتو ياتو الاكعب انا..
حازم ابتسم ليها شوي
_سواء ف فرق او لا م اعتقد الموضوع كبير..الاتنين بخلوك ب حالتك دي ف النهاية
و ريفان هزت راسها متفقة معاه ف كلامو
سكتو شوي
ريفان م قالت شيء و اعتقد حازم قرر يخليها تجمع روحها شوي
شوية كدا و اتكلم
_ابوبكر قال انو مرة عمي اتوفت..
ريفةن عاينت ليه
ياتا؟؟الكانت بتدقو ديك؟؟
حازم عاين ليها
_الكانت بتدقني..قال انها اتوفت السنة الفاتت و عمي كان حاول اتصل علي..
ضحك شوي
_لكن انا ابيت اخليه يتفاهم معاي و قفلت ف وشو
ريفان سكتت شوي
_اتوفت ب كانسر..المضحك ف الوضع انو قالو هي هلوست بي
ريفان استغربت
-امكن الذنب اكلها
حازم ضحك
_تحس بالذنب بعد م كبرت؟بعد اكتر من 10 سنين؟
ريفان رفعت اكاتفينها
-انت م بتعرف البشر..ممكن حاجة بسيطة تغير ليك حياتك ب طريقة م ممكن ترجع بيها زاتو..و لو شعور بسيط
_اعتقد المرض خلاها تلخبط ب ذكرياتها م اكتر
-و جات تحس بالذنب لمن اتزكرت تاني؟
حازم م ردا ليها
-طيب و انت حسيت ب شنو لمن قال ليك كدا
_ولا شيء
ريفان عاينت ليه كيف كيف
_م عاوز يعني ابقي حقير..لكن حياتهم هو موتهم بالنسبة لي..م فرقت كتير..
ريفان هزت راسها
امكن م تكون بتحس زيو
لكن ممكن تتفهمو
ضحكت شوي لمن اتزكرت شيء
-امي يوم داك جاتني و هي بتبكي
حازم عاين ليها
-كان معانا خالتي و خالتي برضو بكت..قالو انو الاستاذ الاعتدا علي داك اتوفي ف حادث عربية هو و اخوه..
ريفان طلعت نفس طويل
-جوني و اتوقعو اقعد ابكي معاهم لانو قراني و كدا..لكن زيك م حسيت ب شيء..
ضحكت شوي
-كان نفسي احس ب راحة او ارتياح لمن يقولو كدا..لكن م حسيت ب شيء..سو اعتقد جملة حياتهم او موتهم انطبقت علي برضو
حازم تني راسو شوي
_و طيب حسي؟
ريفان عاينت ليه ب استغراب
-كيف حسي؟
_بعد مرور الوقت لسا م حسيتي ب شيء؟
ريفان هزت راسها
-نهائي..اعتقد بس ربنا يحاسبو حسي ع العملو..مفروض احس ب راحة شوي لانو حيتحاسب..لكن اعتقد انا كنت عارفة انو حيتحاسب و دا الكان مصبرني..سو م اعتقد حاسة ب شيء ح س ي او حاحس ب شيء اضافي..م عاوزة اقول يستاهل لانو م عندي حق..لكن ربنا باخد حقي
حازم ضحك شوي
كيف ممكن تكون منطقية و واعية حتي ف اكتر المواقف المؤلمة
_اعتقد دي اكتر شيء بحبها فيك
ريفان عاينت ليه ب استغراب
-شنو هي؟
_انك بتقدري تسيطري ع غضبك و تكوني منطقية ف مختلف المواقف
ريفان قبلت منو ع كلامو دا
هو بلاحظ للجمل او الكلمات البستعملها؟
هه
اعتقد م بلاحظ..
_شايفك متماسكة شديد ع وفاة حبوبتك..
ريفان عاينت ليه
_رغم انك فكيتيه حسي كلو مع كلام المرا الغبية دي
ريفان ضحكت ع نبذو
نادرا م تسمعو ينبذ كدا..
لكن اعتقد لمن يقولو معناتا هو جد حقيقة
لانها حد غبية
ريفان طلعت نفس مكتوم جوا صدرها عشان تقدر ترتاح شوي
لكن اصلو م حست ب راحة
-كنت مقتنعة تماما انو هي دايما بتقول الصح..سوسي دي..انا هي انا بسببها كل المنطق و الفهم و التفاهم و الحاجة المرقت عليها دي لانها هي المرقتني و ربتني كدا..
حازم هزا راسو متفق معاها ف النقطة دي
-لكن ياداب اكتشفت انو حتي هي بتغلط و م كلامها كلو صح..
حازم م فهم
_كيف يعني؟
-كانت دايما بتقول لي انو الانسان بقدر يستحمل..و انو الالم م ممكن يقتل..
ريفان حست بالدموع يتكومو ف عيونها تاني
-بس هي غلطانة..انا م قادرة استحمل حسي..م عارفة بتنفس كيف لكن م قادرة استحمل..
ريفان قشت دموعها
-الانسان م بقدر يقتلو الالم؟؟هه..انا جزء مني مات معاها و م حيرجع تاني..انا بتنفس كل يوم ع الم فراقها..و الواجعني اكتر انها م قاعدة عشان اوريها الحاجة دي و اخيرا اثبت ليها انها غلطت..
ريفةم ضحكت ع جملتها الاخيرة دي
-و ب الجملة دي انا عاملة زي المجنونة..لكن دي الحقيقة..
حازم كان بس بعاين ليها
م بعرف يواسي و لا اعتقد عارف كلمة مواساة معناتا شنو..
لكن انتو عارفين؟
الزول م بحتاج مواساة
بس بحتاج ل زول يسمعو و هو بتكلم و السلام..
اعتقد دي النقطة المهمة..
ريفان اخدت بكيتها و سكتت بسرعة..
حازم قرر يتكلم و يحاول يشيل تفكيرها برا
_شايف انو ليك سنة
من م نزلتي كتاباتك
ريفان عاينت ليه ب خلعة..
_عادة بتنزلي ورا بعض..انتي ليك زمن من م كتبتي ولا شنو؟
ريفان م عرفت تقول ليه شنو
-كتاباتي؟
حازم تني راسو
_دموع الخريف
لمن قال ليها كدا ريفان نطت عيونها
عارفها من وين؟
حازم ضحك ع الخلعة الفي وشها
_انا مشو قلت ليك انا بعرف عنك كم حاجة؟..يلا دي تبعهم
ريفان اخدت ليها كم ثانية و امتصت صدمتها
-و عرفت كيف؟
_امممم..سمعتكم تتكلمو؟م متزكر والله..كل المتزكروا انو دي انتي
ريفان قبلت منو
_وقفتي الكتابة؟
ريفان قشت وشها
-ف حاجة اسمها شلل الكتابة..لمن تضربك..مافي اكعب منها..الزول م بقدر يحلها الا تزح براها..و هي حاجة مؤلمة خلاص بزات لمن يكون فجأة عقلك ليل نهار بتكلم عن الكتابة و فجأة تاني يوقف بدون تفسير..
حازم هزا راسو
_طيب انتي حاولي خليه يرجع
ريفان صحكت
-و اخليه يرجع كيف و هو البتحكم ب كل شيء؟
حازم سكت شوي
_امممم..حاولي انك تكتبي اي شيء؟..مثلا ابدي و كأنك بتحكي عن الحاصل ف يومك..بس كدا..شوي شوي الافكار و الحاجات حترجع ليك
ريفان م قالت شيء
لانو فكرة
فكرة حلزة كمان م حصل فكرت بيها
_غريبة انك م حصل فكرتي بيها الفكرة دي
ريفان صحكت
-لمن يضربك شلل الكتابة كل شيء بتشلى معاه و بوقف
حازم ضحك
سكتو شوي و تاني اتكلم
_السؤال دا من الفضول بس رغم انو جيتك حسي اسعدتني شديد..لكن جيتي نص الليل ليه؟
ريفان عاينت ليه ب استغراب
-م لاقاك تلفوني ف غرفتك؟
ريفان نطتت عيونها و قلبها وقع ع تعابير وشو
-م لاقاك؟
حازم ضحك ع الخلعة و الخوفة الفي
صوتها
و لمن ضحك ريفان استغربت
-بتضحك مالك؟
_ع الخوفة الدخلت جواك..
ريفان م فهمت
-لاقاك؟
حازم هزا راسو و مرقو من جيبو
_هاك..كنت بهظر معاك
الاحباط ظهر ف وش ريفان و شالت منو التلفون
-من متين انت من النوع البهظر
حازم ضحك
_م بعرف حاجة جات ع عقلي بس
ريفان عاينت للتلفون و لقت محمد متصل عليها
-و م فكرت ترد ل محمد؟
حازم عاين ل التلفون
_كنت عاملز صامت لانو صحباتك م بسكتو و 24 ساعة الرسائل دي شغالة و عمل لي صداع
ريفان لفت عيونها
-شايلو معاك ليه لو عامل ليك صدااع كان تخليه ف مكانو
حازم ابتسم ليها
_كنت منتظرك برا لاني عارفك حتجي..لكن كيف م لمحتك و انتي داخلة؟
ريفان عاينت ليه و قبلت بس رجعت ل محمد عشان يجي يسوقها
قفلت منو التلفون و حازم اتكلم
_انتي راجعة متين؟
ريفان اخدت ليها كم ثانية تفكر
-اعتقد بعد اسبوع و حاجة؟..الجامعة بتبدي الاسبوع البعد الجاي
حازم هزا راسو
-انت م راجع؟
_المستشفي م حيفكني قريب سو م اعتقد حارجع
-و حتسوي شنو؟
_غالبا م اجمد السنة..او بس انزل السمستر الجاي براي بدون م اكون مع الناس و امتحن براي..دا طلعل لحدي م امرق من المستشفي
-هو انت الحادث حقك دا خطير للدرجة دي؟
حازم اخد نفس طويل و فكاه
_ل زول طعن نفسو و هو صغير و اساسا اذي الاعضاء الداخلية اممم..
نتي راسو شوي و هو بتكلم
_اضافة ل الطحال الانفجر دا و حاجات كتيرة..و الجرح المابي يقفل دا و الضربة الفي الراس..اخخخ كلام كتير..اعتقد حياخد ع الاقل 6 شهور؟
ريفان هزت راسها
دا كلو حاصل عليه؟؟
شوفتو!!
دا الهي خايفة منو
يالله!!
بس الحل الوحيد القالتو ليها لينة والله
و ف كل الاحوال
اعتقد الموضوع م عندو بيها دخل
لانها حتسويه حتسويه