الجزء 6

أمي بقت ماسكاني 😱 وبتقول لي عملتي شنو يابت السجم 👊 بتكلم معاكي انا يااااخ 😡 ،،، طبعا بقيت بتمتم وبحلف ليها ، ماسويت شي انا 😳😱! قامت امي جرتني من يدي ودتني محل البهارات 😬 ... وقالت لي عملتي شنو من ديل 👊 اشرتا ليها علي الحاجات العملتها كللها ،،، وبس ما كملتا كلام 😂 ،، القي ليكم امي خاته ايدينا في راسا😱 وشغاله تقول سجمي سجمي سجمي ،،، يابتي وووووووووواااااي منك " انتي مابتعرفي بتعملي في شنو ؟! اااااحححححي يافشفااااشششي ووواي من هرد القلب ، احي يا امي الحقيني 😫 بتي واجعاني وجع !!!

طبعا انا جاااده معاكم 😬 كنتا مخلوووعه شدييييد لانو جد مافاهمة هو في شنو ؟! 😂 وبقيت خايفه ادقا 💔😬 ... الحكاية دخلت فيها ابوي ،،، الليله ووووووب 😱!

أمي نادت ابوي ، وهي زهجااانه ،زهج التقول تور هايج بس 😅 ... تعال شوف بتم الفاقعني بيها وطالع لي بيها السماء ، بتك الشابكني ثمرة حبنا البرئ 😂😂😂" قربتا اضحك بس سكتا 😂😬" .. اححححححي من بتك اها شوف ختت الصابون في الملاح (انا غايتو يا امي اول مرة اعرفك رداحة كده ) 😅👊...

ابوي طبعا داير يفك الضحكة، بس امي قاعده ،،، طوالي ابوي صرا لي وشو وكرمشوا لي وهو خلاااص الضحكة في وشو 😅 ، يابتي ده شنو ده هسي انتي ماعارفه الملح من الصابون ، غايتو كان ماعارفه دي تبقي عوجه كبيرة 👊 !. بورة وبتبوريها ، وعرس ليكي مافي ! " وانا بيني وبين نفسي لالالالالا يا ابوي الا العرس 😂!!!" بقيت شابكاهو ، يا ابوي انا والله ما ركزتا ياخي ، لونهم ابيض والاتنين مالحين ! ههههه😂 ابوي قعد يضحك وقال لي : الحالة ضقتيهو !!! يابتي انتي امرك ميؤوس منو !!

طبعا الوقت داك ، وانا ووالدي نتسامر ونتحدث ونتعاور ! ويلومني وانا اتخجل له ! امي مشت قدمت النسوان الجو للشارع 😂 يحليلهم ماقدروا يقعدوا من وجع البطن 😂 ، وبس ! ابوي مرق بي جاي ، امي جاتني بي جاي !!!جاتا خالتي قالت ليها كدي خليني انا بتكلم معاها ! اصلو امي ابت وقفلت باب المطبخ علي 😵 وجابت المفراكه 😱 وهاااااك ياشحيط ومحيط في ضهري 😭 وانا اكووووورك وابكي 💔 ،،، واشيل واحنس في امي ،، وسامعه ليكم برة حبوبتي جات لي خالتي ،،، مني مالا المرة دي؟ " بعيد عنكم متعووووودة علي الخبيت 😂👊" وخالتي تقول ليها " العملتو خليهو بحكي ليكي بعدين يا امي ، وحبوبتي تقول ليها : ما دايرة اعرف زاتو يللا ! وتستاهل الوسخة ،،،المهم ده كللو انا سامعاهو وبعافر جوة مع امي 😅 ،، وحاسة اني خأغمر 😫!!! حتي امي رحمتني 😒💔!

طبعل طلعتا من المطبخ علي حالة 😂 اححححي انسوا بس ، عرقانه 😅 وعيوني محمممرة من البكا 😅💔 وشعري منكووووش من المعركة الخضتها 😅 ... اما امي طلعت نفسها قااايم وذهجانه زهج مني 💔...

خالتي بعداك جات مسكتني حضنتني عليها في البداية قعدتا ابكي ،، الدقه حااااارة ياخ ،،، تاني بقيت اضحك !!! وخالتي تشيل وتضحك وتقول لي قلبك ميت !

المهم اليوم كللو كنتا ماقادرة ارقد علي ضهري ، ومرة مرة ابكي ، ونهاية كل بكية في ضحكة وبسمه كده 😅👊!

يلا اليوم داك بالعصر ،،، جاتنا فتحية في البيت ... طبعا دخلت علي في الغرفة لقتني ناااايمة ، طوالي مشت لي امي ، وابوي ، قعدتهم وقالت ليهم ، ولد اخوي سيداحمد ده طبعا زي ولدي ، ربيتو انا ، وقاعد معاي سنيني دي كلللها ، وانا لحدي ما راجلي اتوفي ماولدتا ، يلا هو كان اكتر من ولدي ! وطبعا شاف بتكم مني من فترررة وعجبتو وداير يخطبا !!!!

طوالي ابوي قال ليها : البت دي صغيرة لكن ! ياخي الثانوي ما تمتو 💔، الساعه امي تسكتو ليك وتقول ليها : مالو طوالي يجي يتقدم !وحنلقا وين احسن من نسبكم في الزمن العلينا ده ، وسيداحمد ده راج ود رجال ! طوااالي تشرفونا !" اااجي يا امي " 😒😳👊

طبعا خلت ابوي فاتح خشموا ومخلوع ! وساكت لحدي ما خالتو فتحية طلعت مشت بيتهم !... بس المرة طلعت بي جاي ! ابوي هاج ليكم في امي بي جاي ،،، البت دي صغيرة ، ولازم تشاوريها بالاول ، مهما كان الحاجه دي بالتراضي !... امي طوالي قالت ليهو ، اسكت انتا تسكت خاااالص ، ده كلو من ورا دلعك ليها ، وشابكني هي بتي الوحيدة ! ... كده ماينفع ، والبت دي مهترشة ، وبالطريقه دي لحدي ماتكبر وتبقي للعرس حتكون بي جنها ده !!!!! 😂 اححححي ليه كده يا امي ياخ ! 😅حطمتني طبعا 💔.. وكملت كلاما " دايرنا ننفضح يعني ! ابوي قام هاج وقال ليها : يعني ده حللك !؟ نعرس ليها !؟ ... امي قالت ليهو : ااااي ،،، حتعقل متين البت دي كان ما اتعصرت من بدري واتدردحت شوية !!!! لي متين انا ادق فيها 😂👊 زي الشافعه الصغيرة كده ! اححححي يا مصراني جابت لي العصبي مني بتك !

اتخييييييلو 😳 ده كلللللللو انا نايمة وما جايبة خبر العملاق داك انو دايرني 😂....

صحيت بالليل ،، بصوت خالتي ، بتقول لي ، قومي جهزي ليكي فستان جايين بكرة يعقدوا عليكي 😳😅💔👊

يتبع 😘