الجزء 6

اول ما دخلتا البيت لاقيت امي قدامي ، سلمتا عليها " امي كيفك ؟ .. " " الحمدلله يابنيتي ، كدي انا مارقه لي ناس حاج محمود ديل " .. انا طبعتا ماركزتا معا الاسم " طيب يا امي خلي بالك من نفسك بس " .. دخلتا طوالي اقرب سرير واتجدعتا فوقو ، ما قمتا الا الساعه 9 مساءا ، لقيت ليك امي راقده قصادي وجمبها عمر وعامر " يا اولادي اختكم دي مالا الليله ، قدر ماصحيتا ابت لي عديييييل ، شغل شنو الهادي حيلا ده ؟ "! .... طوالي قمتا علي حيلي وبقيت مقاصداهم وعيوني حمممممرة شديد " يا امي انا بس تعبانه من بدري وانتي عارفاني ... " " طيب يابتي الله يرضي عليكي قومي استحمي وصلي صلواتك الفاتت ديل ، واكلي ليكي حاجه " ... " حاأضر يا ست الكل "♡ ... مشيت استحميت وصليت ، وقعدتا آكل كاني لي سنين ما اكلتا لي شي ، جاتني امي " يا سكينه هي نسيت اقول ليكي بالصباح كده بعد طلعتي سمعتا ليكي ويو ويو ويوا ويوا صوت الشرطه ، اتخلعتا عمر وعامر جروا يشوفو الحاصل شنو ؟ ... ! لما اتاخروا طلعتا عليهم ، اشوف ليك ادهم ماسكنوا ومركبينو العربية ، والام تنوح كانو عندها زول مات ، ومحمود قاعد في الارض ويعاين ، والحلة كللها ملمومة في الشارع يابتي ، غايتو فضيحه السواد والرماد " ،، طبعا انا سكتا وبقيت ماعارفه اقول شنو ، ولا احكي ليها بالحصل الليله ، بقيت بتمتم " مالو اصلو يا امي الحاصل شنو هو ؟ " ،،، امي صلحت رقدتا وبقت تحكي لي " والله ياسكينه لمن مشيت قبيل ليهم عشان اتطمن واشوف الحاصل ، اول شي هيفاء البتضحك وتتونس معاي ما ادتني وش ، لمن خلعتني ، وامها اجارك الله مما دخلتا عليها ، نحنا طالعين بعد شوية السلام عليكم ما قالتا ، بسم الله ديل شنو الفقر ديل ، شلتا بعضي وجيت داخلة ، كرامتي يابتي ماسمحتلي اقعد مع الفقر ديل ، طوالي جيت بالدرب صادة " ،، طبعا انا انفعلتا وعيوني بقو حمر " امي الناس ديل تاني ماتمشي ليهم ، نهااااااائي ماتمشي ليهم فهمتي ، وهيفاء دي تاني تجي البيت تطرديها بس " .. امي اتخلعت " ها يا بتي ده شنو الكلام البتقولي فيهو ده ، انا مابطرد لي ضيف ، .. " لحظتا نفضتا الاكل من يدي وقمتا " بيتهم ماتعبتبيهو بس " وشلتا الاكل دخلتو المطبخ ،،، دخلتي للصالون قلتا احضر شوية بعد جهزتا لاهلي الشاي باللبن ، جاني عامر " سكسكانية الليله طعمك ما تمام " ... ضحكتا " داير شنو ياخي " ... " اسمعيني دايرك تحكي لي الحاصل شنو اصلو ، ومالك انفعلتي كده ؟ ! ... " طبعا عامر ده زول اليق منو مافي ، وعارفه محاولاتي حتفشل غير وجع الجضوم والفك والحنك ما حيجيني شي ، اخير احكي ليهو بس ، اتوكلتا علي ربي ، وحكيت ليهو بكل التفصيل ، اتخيلتو اتخلع ، وللا يقول لي ده شنو ده وللا انو ما حيصدقني .. بس " ده واحد تافه وصعلوق ساي ياسكينه ومكانو يا قبر يا سجن ، ده ما نافع مرررة واحده نهاااااائي '" .. انا طبعا بقيت بعاين ليهو واتخلعتا واتصدمتا كانو اول مرة اسمع الكلام اصلا " انتي عارفه يا سكسكانية بالسمنه والعسل والقشطه ، الزول ده لا عسل لاقشطه نهائي " ... ههههه قعدتا اضحك ، عامر كمل كلامو " والله جد ماتضحكي ، انا شايف ليهو مواقف كتييييييييييييييرة شديد ، قبل كده قارص ليهو بت في حتة ما بقدر اقولا في الشارع ، والبت بت ناس وقعدو يضحكوا هو وصاحبو والبت بس جرت وهي بتبكي ،،، بس مشكلتي كنتا راكب حافلة ولي جوة ، والله كنتا كفتو الصعلوق ده ، " ... انا طبعا بقيت مذهووووولة لمن عيوني مذغللة وعامر مواصل لي في الصدمات ،،، وكنا قاعدين لحدي ما هو طلع وشفتا امي وظبطا امور لبسي لتاني يوم ، ونمتا ،،،، لمن صحيت الصباح قمتا بكابوس ومهضربة ، وفي النص الجوطه الفي الحلم اشوف ليك صاحبتي هيام من ايام الثانوي زي الدايرة تقول لي حاجه ، ومعاها جووووطه حلم كابوس بس ،،،

/ يللا اعرفكم بهيام ، قرت معاي الثانوي ، من اقرب صديقاتي ، زولة طيبه ومهذبة وطرحتا من راسا ما بتطلعا نهائي ، اهلها ناس طيوبين ومحترمين ، من النوع الكتوم داك ، اذا عايمه ليها في مشكلة ما بتتكلم حتي اذا سالتيها ، المهم زولة كده من النوع البقولو عليها ناس زمنا ديل ، بت عويرة .../

قمتا من سريري وبقيت بتحصن وطوالي علي الروتين اليومي ، اخدتا رضا امي وطلعتا علي المواصلات ، لحظه نزلتا وداخلة علي المكتب ، القي رساله من هيام " سكينه يا كريهه يا مابتسألي من الناس ، شنو يعني عشان عرستا وولدتا خلاص مسحتيني " ... طبعا انا بقرا في الرساله ومخلوعه من توارد الخواطر الحاصل ده ، طوالي اتصلتا عليها ، وبقيت بتونس معاها لحدي ما دخلتا المكتب ونظمتو وقفلتا ، بس تاني فجاة رجعتا ليها ،،،

انا : هيوم دايرة اسالك ؟

هيام : ايوة حبيبتي خير ان شالله ، في شنو ؟

انا : موش بتعرفي ادهم اخو هيفاء ؟

هيام : يطرونا بالخير ، يابت مالك من صباحات الله ، اي بعرفو ، تعرفو الخرابة ده ..

انا : موش قلتي لي كان عمل معاك موقف مابتنسيهو ، واذا كنتي بنت تانية بشخصية تانية كنتي حتقتليهو وتنفدي بجلدك ؟

هيام سكتت مسااافه : ااااي .

انا : طيب الله يخلي

ليكي راجلك وطفلك ، احكي لي الموقف بالتفصيل .

هيام : لييييه في شنو ؟ بعدين انتي زولة كنتي مكسسرة فوقو شديد ، حاحكي ليكي كيف ؟ ! وشكلك لي هسي ، والدليل سؤالك ده !

انا : ياهيوم كدي اسمعيني اول ، وحاحكي ليكي " انا الجواي ما بيدي ، لانو احتمال عايشة علي صورة معينه مريحاني انا بس ، لكن عاوذة اطلعو من بالي ، والله ،،، " وبديت احكي ليها الدرامات الحاصلة وهي مخلوعه ،،، في النهاية حتي رضت .

هيام : حاحكي ليكي بس ماهسي عشان راجلي قاعد خليهو يطلع الشغل وبعدين بتصل عليكي تمام ؟ !

انا : خلاص تمام اتفقنا يا هيومه تسلمي حبيبتي ...

وقفلنا الخط ،،،،،

مشيت بعدها دخلتا علي مكتب استاذ احمد لقيتو مافي ، اتصلتا عليهو ، قال مشا مشوار تبع قضية وجاي ،،،

بقيت قاعده في كرسيني وحارسة لي شغل ابداهو وبقيت زهجانه ،،، جاني عم حسن وشايل لي شاي ومعاهو بسكويت " يابتي مالك زهجانه كده ؟ ! "..." ياعمو بس مافي ناس جو ، وشغل مافي اقعد سااااي كده " "... ياسكينه ده حال المحامييين كده ، غايلاهو سوق ، اصبري يابتي حاولي اشغلي نفسك بلابتوب باي حاجه " ".... حاااضر ياعمو حسن وشكرا ليك " بقيت في شايي وبسكويتي ... بس فجأة بعد مرور اكتر من ساعتين تررررررررم تلفوني ضرب ، طلعت منووووو " هيام ..."

انا : هيام هيوم ، اذيك ياعسل .

هيام : اهلييييين يا سكينه ، اها الراجل طلع ، قلتا النتكلم معاكي قبل ده يصحي وابدا برنامج رضاعه ونظافه وغيرو "

انا : ههههه ماشاء الله ، ان شاء الله حالي بعد الحال يا هيوم ، اها احكي ،

هيام : ان شالله ياسكينه ، اسمعيني في زول جمبك ؟

انا : لالا مافي زول جمبي "

يلا قبل نواصل ، تلفوني تلفون نوكيا وسماعتو عاليه يعني انتي اذا في الشارع بتسمعي الكلام هههه .

هيام : اححححي يا سكينه ياخي مالك مزكراني الذي مضي ، استغفر الله العظيم ،،،

انا : معليش يا هيام عليكي الله انتي موش دايراني اتحللا من سحرو هههه .

هيام : ااااااي ، خلاص طيب ، قبل كده يا سكينه كنتا طالعه من المدرسه وراجعه علي البيت ، وانتي عارفه ابوي عمرو ماخلاني ارجع بمواصلات يا امجاد ياترحيل يا ركشه ، المهم ابوي قال لي بجيكي زول يسوقك ماتطلعي ، بقيت منتظرة لحدي ماقال لي خلاص معليش يابتي حاولي اركبي المواصلات ، اذا ماقدرتي وخفتي ، انا بخلي اي شي في يدي وبجيكي طيب ، طوالي قويت قلبي واول ما وقفتا جاتني حافلة روز ، ركبتا وياريتني ما ركبتا يا سكينه ،

انا : ليه حصل شنو ؟ !

هيام : طيب قعدتا في الكنبة القبل الاخيرة في الكرسي الفي نص البتحرك ده ، .

انا : اها تمام

هيام : ياسكينه حسيت زي الزول البهبش في جنبتي الشمال بي يدو في نصي عديل ، اتخلعتا وصبرتا واتحركتا لي قدام ، تاني بعد مسافه هبشني في نصي بجنبتي اليمين ، نطيت نطه خفيفه ، وبقيت قاعده واتوترتا شديييييييييييييد ، قلتا يا هيام قربتي استري حالك واصلي البيت بس وانزلي ،

انا : واااااااي ياهيام كنتي تلطشيهو كف في وشو المعفن ده ، الله لاجاب عقابهم ...

هيام : اصبري انتي مستعجلة ليه ؟ !

انا : اها .. بس حرق لي دمي الله يحرق دمو التافه ده ،،

هيام : برضو عدت مساااافة والمرة دي بادينو الاتنين في جنباتي نصي وعصرهم شديد ، وانا كوووووركتا ونطيت وبقيت بكوووورك فيهو لمن ناس الحافلة بقو يعاينو ، واشيل وانبذ فيهو ، واشوفو ليكي المابيغباني زااااتووووو ادهم وتفيت في وشو .. وغلطتي قلتا ليهو ، عيب الشوم عليك يا ادهم ياحقير وتفيت في وشو وقلتا ليهم نزلوني هنا ..

انا : وااااااااااااي لأ لأ لأ ما قادرة اصدق انتي جاده ياهيام ، كيف الحقير ده يعمل كده الله يحرقو ، ده بالجد تافه ، وااأااي صدمتيني يا هيام ،

هيام : ولسه حاصدمك اكتر .... الساعه الطلع من جيبو "underware" وقال لي قدام الناس ، ده موش حقك النسيتيهو عندي ، شنو يعني نكرتيني حطب ،،،