الجزء 9
اتخلعتا ، والراجل زاتو اتخلع " يابت امشي كويس في الشارع " ودور عربيتو ومشا ،، انا بقيت ماشه وماشه من شده سرحانه لمن فوتا المحطه وانا ماشه ، في النهاية وقفتا سيد تاكسي وركبتا ، ومن شده سرحانه وكان ما سيد التاكسي راجل ضكر ، ما كان وقف التاكسي وقال لي " يابتي موش قصدك انزلك هنا ؟ ... " بقيت مخلوعه واتلفت ونفسي قايم " اي اي ياعمو شكرا ليك ، اها كم ياعمي " حاسبتو وشكلو حنا علي مشوار 50 60 كده وشال مني 30 بس ،،، شكرتو ومشيت علي المكتب ، لاقيت عمو حسن نازل من فوق " صباح الخير يا سكينه ، مالك يا بت وشك مخلوع كده ومختوف " ،،، " مافي حاجه ياعمي ، بس الارهاق يا عمو " .. اتونستا شوية معاهو مددا لي شاي ومعاهو زلابيا ، طلعتا المكتب لقيت استاذ احمد قاااااعد وفارش ليهو كترة ملفات ، ويشيل ويحك في راسو ،، " اوووو سكينه يا سكينه صباح الخير ، اتفضلي يا اختي .. " سلمتا عليهو وقعدتا قصادو وبقيت بشرب في الشاي ، " مالك يابت وشك كده ؟ ! ،،، " والله بس . ماعارفه اقول ليك شنو ؟ .. ! هي نسيت يا احمد اتفضل دي وصية ابوي الاصلية ... " احمد اتبسط شدييييييد " ياسلااااام والله دي حاجه حلوة ياخي ، تمااااام كده ياسكينه حاظبط ليكي امورك ، بس انتي عارفه اخير تحتفظي بيها لانو دي خلاصكم ، وانا زي ما انتي شايفه قدامك الملفات وغيرو وما عاوز ما انتبه ليها ، حافظي عليها ، وانا هي في بالي تمام ، وبقلب جامد لمن تجي خولة ما حاشتغل بيها كتير ، وحاكلمك عشان الكل يعرف الحقيقه تمام ؟ " .... " طيب تمام ، حلووووو شديد يا احمد ... " يلا وانا قايمه كده وطالعه علي مكتبي برة " سكينه نسيت اقول ليكي انا مسكتا قضية البت الاسمها امل القالت ادهم اغتصبا ... " طوالي رجعتا قعدتا في مكاني " كيف يعني ؟ ! " .... " كده ده يا سكينه اتصلتا كترت تلفونات ما بتتخيليها نهائي ، والحمدلله اتواصلتا معاهم ، ولحسن حظي ما اتفاهموا معا محاميهم وجيت انا في السكه " ... انا طبعا هنا يادووووووووب بقيت مركزة " احمد انتا زول شهم خلاص الله يفتحا وينورا عليك ياااارب " .. احمد قعد يضحك " اللهم اميييييين يارب العالمين ... " شوية كده جات داخلة سماحه بت ، استغفر الله العظيم سمحه سمحه نار منقد بس ، والرقة الفيها حسيت اني سيف عديل ، البت ماشاء الله طويلة ولونها نضييييف قمحية كده وضعيفه ما سمينه وعيونا وتفاصيل وشها كللها ماشاء الله الخالق الناطق ، الزول ما بقدر يعاين ليها مرتين ،،، جات تقدل ومعاها امها " السلام عليكم احمد كيفك ؟ "! ... " الحمدلله يا امل اتفضلو اتفضلو دي سكينه سكرتيرتي " .. قولة احمد امل دي ، وقفتا علي حيلي وبقيت بعاين ليها ، والنار طلقت جواي ، لمن عرقي نزل ، طلعتا قعدتا في مكتبي وخليتهم جوة ، وانا قاعده في الكرسي ، كنتا متوترة شديد ، وبهز في رجولي ، احساس البت يغتصبوها وتجي ودايرة تدافع عن نفسها وعن شرفها ، ده حاجه الزول براهو البكون عايش اصعب احساس حاسيهو ، البت حننتني واذا علي دايرة احضنها علي وابكي معاها ، وفجاة ادهم بقيت بستحقروا بقيت بالجد ندمانه الاحاسيس الجاتني غصبا عني وكانت ليهو ، ياخي انا اليوم داك جد كنتا مكتئبه عديل ، في اثناء ما انا غايصة كده في الجواي ومتألمه ، اشوف ليكم ام امل متكلاها وطلعتا قعدتا في الريسيبشن ، وامل بتبكي شديد لمن بترجف ، " يابتي عليكي الله عايني لي امل دي عندي كلام معا احمد " امها دخلت ليهو وقفلت الباب ، وانا من شوفتها بتبكي لمن بترجف جريت عليها وقعدتا جمبها ، مسكتا ايدها وبقيت بهدئ فيها ، وهس شغالة " حسبي الله ونعم الوكيل . الله يأذاهو الكلب المنافق ، الله يحرقو ، انا ماعافية ليهو نهائي حقي وحق اي بت غشاها " وبقت متكلة علي وتبكي بكاء انا لمن دموعي جرت والبت تشيل وترجف ، نزلتا سريييع جبتا لي عصير ليها وموية ، امل شربت العصير وموية ، وهدات ، وانا والله من شده حانه علي حالتها بقيت ببكي وهي تسكت فيني ،،، مسحت دموعا وقبلت علي " ياسكينه انا ماقصدي ابكيكي " شفتو الرقي والزوق ، قبلتا عليها " يابت انتي اصلا مسكينه وطيبانه كده " ... ابتسمت " ااااااي بقولو كده " ... قمتا سكتا مسافه ، وقبلتا عليها " انا ما دايراكي تتحسسي ساي يا امل ، انا منفعلة معاكي لاسباب كتييييييرة لا تعد ولا تحصي ، واولها انو ادهم ده ولد جيرانا ... " بس قولة كلمتي دي ، كوركت وانفعلت ولمن قامت علي حيلها ، شفتو ناس الصرع حمانا الله ، بقيت كده وتصرخ ، انا اتخلعتا وبقيت بمسك فيها وهي تبكي وتصرخ الحيوان دايرة اقتلوووو ما بخليهو ... طوالي جو جارين احمد وامها ، " في شنو في شنو بسم الله يا امل " ... امها حضنتا وبقوا يبكوا الاتنين ، وانا اتووووترا شديد وبقيت بتمتم وبرجف شديد لمن حسيت اني حادوخ " يا استاذ احمد انا بس ، هي كانت بتتونس معاي ، والكلام جاب الكلام ، وقلتا ليها ادهم ده ساكن جمبنا وطوالي حصل كده " وقعدتا في اقرب مكان وبقيت ببكي ،،، امها طوالي اتكلمت معاي " يابت عادي نحنا برضو بتعمل لينا كده ، مما حصل ليها ال
! وللا انا بحلم ؟ ! وللا هو في شنو ؟؟؟ "!
حصل ، والا بنوديها لاستشاري نفسي ، وهسي من دربنا ماشين ليهو ، عادي يابتي ما تتحسسي " .. وانا بقيت ابكي زياده بنخجه كده ، شوية كده احسسا ليكم بي امل جات قعدن جمبي وحضنتني ، وانا سلمتا عليها واعتزرتا ليها ، بعد لحظات كده انا هداتا ، ومسحتا دموعي ، الساعه الاشوف ليكم احمد دموعو عشرة عشرة ويمسح فيهم ، احمد ده حنين شديد ، غايتو كان جو مؤثر شديد ، المهم احمد انفعل شديد " انا يا امل حقك ما بخليهو كان تبقي دي القضية الوحيده الحآخدا طول حياتي حاواصل فيها ، والحيوان ده ما حارتاح والا هو في السجن الكلب ومعاهو اعدام كمان ، " امها طوالي اتبسطت شديد ، وقالت ليهو ده المحامي البنثق فيهو بعد ربنا ، ربنا يقويك ومحتاج اي شي نحنا معاك " .. وانا انفعلتا معاهم " انا زاتي بتلقوني معاكم " قاموا كللهم قعدو يضحكوا ، وامل طوالي قالت لي اديني رقم تلفونك الخاص ، طوالي اديتو ليها ، شكرتني وورتني اني حتتصل بي خلال اليوم ومحتاجه زول تتكلم معاهو ، لانو من حالتا بقت هستيريه كل صحباتا بقوا ما معاها وما قاعدين يجوها ولا يتصلو عليها ، والحكاية دي اثرتا وزادت حالتا سوء ، طوالي قلتا ليها " من عيوووووني اي وقت محتاجاني كان دايراني اجيكي في البيت بجيكي ، بس انتي تسلمي لاهل وتكوني طيبه ، " وفعلا الجو اتغير واتونسنا شوية حتي طلعوا ، ومنها انا واحمد بقينا منغمسين في الشغل ، والناس بدو يجوا كتيرين لمن ما قادرين نحك راسنا ، واليوم داك لا فطرنا لا شربنا حاجه الا نهاية الدوام ،،،
المهم بعد رجعتا البيت ، اليوم داك عزوني رجعوني بالترحيل ، امل اتصلت علي ،، ودار الحوار التالي :::
انا : الو السلام عليكم
امل : عليكم السلام ، كيفك ياسكينه عليكي الله تمام ؟
انا : الحمدلله يا امولة ' انتي بقيتي كيف ؟ !
امل : والله ياهو الحمد لله ، مشيت لدكتور كده قدر ابوي منظراتي هههه بس تصدقي كل مرة انا بمشي ليهو بجي مرتاحه اكتر ...
انا : ان شالله دايمااااا مرتاحه يا امل ، لانك عسل وتستاااااهلي ياحبيبه
امل : تسلمي يا طيوبه ، بالجد ارتحتا ، ووالله يا سكينه نفسي افضفض ليكي واحكي ليكي كل الحصل معاي ، بس ماقادرة لي هسي ودي عقبتي معا الدكتور للان ماقادرة اتكلم ، ونفسي اتكلم واتجرس وارتاح يا سكينه انا نفسياتي تعبانه شديييييييييييييييد ،
انا : كرعلي يا امل ، ماتستاهلي حبيبة والله ، اصلو ماتضغطي علي روحك، وفي اي لحظه احتجتيني اتصلي علي ، ونسه ضحك ، فضفضة ، اعتبريني دكتورتك الشخصية ...
امل : ههههههههه حااااااااضر يا عسل ، يلا اخدي راحتك ، الليله اهلي مطلعيني عاملين لي فسحه جميلة كده ! ....
انا : تمااااااااااام ايااااامك والله استمتعي طيب ،،،،
امل : ماعندك واتساب ؟ !
انا : لالا والله شفتي تلفوني قبيل صح ؟
امل : ااااي ... يابت انتي اخلي زولة ...
المهم اتونستا معاها مسافه كده وقفلنا الخط ، وطلعت زولة ظريفه والله واحلي زولة ، وشخصيتا وهي علي طبيعتا مرحه ،،، بس الله يهدو خربا من جوة ،،، كنتا بالجد مبسوطه وانا بتكلم معاها ياخي حسيتا رفيقة لي سبحان الله ،،،، وامي لاحظت لي بعد قفلتا الخط وشي بقا ناير ومبسووووطه كنتا ،،، " ماشاء الله يابتي عيني بارده ، ان شالله دايما مبسوطه ياسكينه " .... " اللهم امييين يارب العالمين جمعا " جيت سلمتا عليها في راسا ، وسالتني من اني بتكلم معا منو ؟ ! قلتا ليها " واحده اتعرفتا عليها الليله ، ماتشغلي بالك ، اها الليله الغداء بشنو ؟ "! ... امي قعد تضحك " سويت ليكم ملاح ام رقيقه تاكلو اصابعكم وراها وعملتا ليكم الكسرة وجهزتا الشطه ، امشي انتي قطعي السلطه ، وختي الصينيه ، " ... انا طبعا وشي كللو اتقلب قلوب قلوب كده واتبسطتا شديد " ياسلااااام احلي اكلة في العالم انا بحبها ياااااخ ، وطوالي مشيت استحميت وجيت جهزتا معا امي الاكل ، .. واكلنا اكلنا اكلنا اكلنا بمزاااااااج ونفس مفتوحه الحمد لله ، ومنها دورتا الشاي والقهوة ، وعمر وعامر شغللوها لي في المطبخ ، كان يوم ظريف والله ... بس ماخفي اعظم ...
اليوم داك بالمساء كده ، قلبي قابضني ، ويدي ماكلاني ، كنتا ما مرتاحه نهائي ، مشيت سبحان الله ، شلتا الوصية وجيت لي امي ، " امي انا دايراكي تمسكي الوصية دي تحفظيها ومافي زول يعرف عنها حاجه عليكي الله طيب ، ولا حتي اخواتك تمام " .... امي صلحت قعدتا ومسكت الوصية وقبلت علي " لكن يابتي انتي موش مفروض يمسكها احمد " ... " يا امي احمد مشغول شديييييد ، وراسو جايط بقضية كبيرة ، فاحفظيها يا امي الله يرضا عليكي ،، ".... " يابتي انا ماعندي مشكلة احفظا وللا لأ ! لكن اذا خولة اخدت الحق كلو نعمل شنو ؟ "! ".. ولا يهمك شديد ولا تقللقي يا حبيبتي ، ماحيحصل لانو اللحظه الحتجي خولة تشيل الاملاك ، احمد حيتصل علي ، " ... حتي امي اتطمنت ، ومشت دستا ورقدت وانا جيت رقدتا جمبها ، نوووووومه واحده للصباح ... اليوم داك بتذكر اني كان جواي احساس غرررررررريب كده ومامريحني وقلبي قابضني شديد ،،،، والزاد الطين بلة ، لقيت رساله بالصباح من هيام " يابت انتي جاااااااده ؟