الجزء 10

غسان بعد اتغدا في المطعم هو ومروج طلعو من المطعم المغرب كدة

قال لييها اسمعيني المغرب اذن والشوارع بليل دي ما مضمونة اوصلك وامشي بهناك

قالت ليه طيب ..

زولتنا ولا صدقت طوالي ركبت قدام

غسان وصلها البيت وبعد كدة مشا بيتهم

اول ما وصل طلع تلفونو حاول يتصل علي لقى الهاتف الذي طلبته مغلق .. الجملة البترفزني انا ذااتي 😂😂 ..

حس انو يومو ما ظريف اول شي ما شافني ولا سمع صوتي 😍 حاول يتصل 5 مرات ف اوقات مختلفة لما ليلة للاخر المهم بليل النوم ما اتنام ليه بقي يفكر..

انا تاني يوم الصباح في البيت لسة ما طلعت قمت فتحت تلفوني .. هو اتصل وما رديت.. تاني حاول برضو ما رديت قمت اخر شي قفلتو .. لانو بصرااحة انا كمان قلبي بوجعني 😢💔

لما طلعت مشيت الجامعة متأخرة كدة حضرت محاضرتي وقلت امشي شجرتي الطولت منها ..

مشيت ع الشجرة .. لقيت غساان قاعدة .. لي لحظات بس نسيت زعلتي وبقيت مركزة في وجاهتو وسماحتو 😍😍 وشو ظاهر عليه الادب و الواحد لما يشوفو ما بقول زول بتاع حركات 😒.. رغم انو انا بحبو وبحبو شديد بس زعلانة شديد .. 😡👊

فجأة هو انتبه لي وقال لي حنين ؟ 😍

قلت ليه في شنو 😒..

قال لي تعابير وشك ما تمام في شنوو

قلت ليه مافي شي ابعد من شجرتي عاوز اقعد هنا ..

(اتخيلو بس تقول زرعتها انا 😂😂)

قال لي حنين في شنو حبيبتي احكي

ابتسمت ابتسامة حقارة كدة كدة وقلت ليه حبيبتك ؟ .. انت بتلعب علي منو يا غساان ..

غسان بقي بعاين لي بدهشة كدة واصلو ما قال حاجة ..

قلت ليه انت ليه تكذب علي يوم سألتك بتحب مروج قلت لا صح وامس متغدين سوا .

قال لي : 😳😳.. عمري ما كذبت عليك .. في زول بكذب علي روحو يا حنين ..

قلت ليه وزعلانة شديد ... غسان عليك الله الكلام المعسول دة بلاااهو خلاص بعد من خلقتي بس ولا اقول ليك انا ماشة ماف داعي تمشي انت ..

قمت مشيت خليتو رجع قعد في محلتو مضايق شديد بس في نفس الوقت كان وااثقة من انها بتحبو ومستحيل زعلتها دي تطول ..

انا واصلت طريقي لي هيا ووريف قلت ليهم انا خلاص علاقتي بغسان انتهت 😢 لكن انا حاسة انو كان صادق معاي .. معقول يكون احساسي كذب علي ..

هيا : انت واحدة واطية وسجم وعقلك صغير وما بتفهمي نهاااائي .. وانا ذاتي غلطانة البتكلم معاك ..

قلت ليها : في شنو يا هيا ما تتمي لي الناقصة ..

قالت لي يابت انت صدقتي الشافعة دي .. انت عارفة تتذكري اليوم دااااااااااااك

قلت ليها ياتو يوم داك ..

قالت لي : اول يوم لما قلتي لي يا حنين غسان ورا المبني امشي شوفيه ..

قلت ليها اها مالو ..

قالت لي يابت البنت دي كانت بتقول ليه بحبك وما عارف شنو وهو كان بقول ليها انا ما عندي حكاية ارتباط جد والله انا عرفتها طواالي هي المنبرشة فيه 😒.. وانت تجي تصدقيها كدة طوالي وتكذبي الولد

انا اتصدمت وفي نفس الوقت فرحت فرحت فرحت شديد 😍😍😍 يعني حبيبي السممح طلع زول صادق 😍😍..

بعد كنت جارية اصالحو اتذكرت كرامتي 😂😂 ..

جيت رااجعة طوالي وريف وهيا اتفقعو ضحك

قلت ليهم والله انا زولة غبية شديد اسي بكون زعلان مني اعمل شنووو. 😥😥..

وريف : والله انت ذاتك تستاهلي مالك متسرعة انت افهمي القصة اول

انا : علي قولك والله 😥 اها يحلوها كيف انا موووستحيل اقدر اصالحو بعد السمعتو ليه وما اظن زااتو يصالحني 😢..

مشيت البيت ومبسوطة وزعلانة في نفس الوقت وهو نوووهاااائي ما اتصل علي ..

عدت يومين وما سمعت صوووتووو وجد اشتقت لي صوتو السممح داااك المبحوح 😍..

شاابكة ليك صحباتي ياربي يكون زعل خلاص تاني ما برجع ولا شنو

اليوم البعدو قلت ليهم والله خلاص اقنع منو تاني مستحيل يرجع وبقينا كدة كلو واحد مستني التاني يتصل عليه .. (غسان قال حا يخليها لما تعرف غلطها برااها وترجع ليه.. وحنين عرفت غلطها بس كرامتها منعتها)

عد اسبوع وانا وغسان لا رسل لي لا رسلت ليه وما عارفة الدواامة دي تنتهي متين 😐 بقيت بفكر وبتكلم برااي معقوول بس ما يتصل علي ولا حتى بالغلط سااي معقول ما مشتاااق لي 😓 هووو مالو قلبو زي الحجر كدة 😒..

يلا غسان في الاسبوع دة كلو كان مشتااق شديد لي حنين بس اصلو ما فقد الامل .. لكن كانت مروج بتجي تقعد معاهو حبة مرات مرات ويابا الاكل تجي تحنسو يفطر وكدة وادتو احساس انها بقت بنت عاااقلة ورزينة وانها صحبتو وماافي ااي مشاعر تجاهو وكدة .. ماشة اللعبة علي الخفيف..

زولة فاااهمة وعارفة كويس هي بتعمل في شنو ..

حاولت تجرجرو كذا مرة في الكلام عشان يحكي ليها عن المضايقو ويحكي ليها عن حنين ..

بس كان غسان غير كدة تماما عاااارف انو حنين دي حاجة خااصة بيه هو بس ما كان بحكي بيها لي زول ولا حتي اخوهو في البيت مهما كانت الظروف حتي لو بعدت منو😍

بداية الاسبوع الجديد مشيت الجامعة قلت خلاص مقرر لو لاقاني غسان اقيف اتكلم معاهو لانو بالجد بقيت ما بستحمل فرااقو 😢.. قمت مشيت علي شجرتي بعد المحاضرة خلصت .. فجأة جا ماري غسان بالجهة دي 😍.. طوالي قمت علي حيلي مشيت عليه

وهو يحاول يمشي اعترض طريقو 😂😂 زي ما كان بعمل لي زماان 😍...

في النهاية زهج وقف بقي يعاين لي 😍😍 وانا بقيت مبحلقة فيه 😂😂 ..

انا : غسان ماعاوز تتكلم معاي ..

غسان : اقول شنو

انا : ااناا اليوم داااك .. يعني ..

غسان : ابتسم ابتسامتو القاتلة ديك 😍.. قال لي حصل خير..

انا : جد 😍 يعني ما زعلان مني

غسان : في زول بزعل من روحو ❤.

(في اللحظة دي عاوز اطير من الفرررررح 😍😍)

انا : غسان 😊..

غسان : يا قلب غسان

انا : بحبك ياخ 😍

قال لي : انا كمان والله ..

بس انت معقول ما بتثقي فيني يا حنين ..

قلت ليه : والله ما عارفة عقلي شغال يودي ويجيب ..

قال لي : خلي عقلك ما عندك قلب تحسي بيه ..

قعدت اضحك😂😂 قلت ليه ما عندي ..

قال لي كيف يعني ما عندك وديتي وين 😊

قلت ليه طلعتوو.. عشان اوسع حبة للمعدة ..

(غسان قعد يضحك وانا تهت في ضحكتو 😍😍 نفسي اسجلها نغمة يووخ)